Nadigar Thilagam Sivaji Ganesan Part 10

நடிகர் திலகத்தின் ஸ்டைல் சண்டைக் காட்சிகள் (வீடியோ தொடர்) 8

http://i1087.photobucket.com/albums/...Engay00001.jpg

படம்: தர்மம் எங்கே?

வெளிவந்த ஆண்டு:1972

தயாரிப்பு: பெரியண்ணா (சாந்தி பிலிம்ஸ்)

சண்டைப் பயிற்சி: A.D வெங்கடேசன், M.K சாமிநாதன், திருவாரூர் தாஸ் (மும்மூர்த்திகள்)

http://i1087.photobucket.com/albums/..._000085520.jpg

இயக்கம்: A.C.திருலோகசந்தர் M.A

http://i1087.photobucket.com/albums/...8bb4cde521.jpg

கொடுங்கோலாட்சி புரியும் கொடியவனின் கொட்டத்தை அடக்க எரிமலையென எழுகிறான் சேகர். ஊருக்காகப் போராடும் அவன் வழக்கம் போல ஊர்மக்கள் ஆதரவின்றி வில்லனின் ஆட்களால் கைது செய்யப்பட்டு சிறைக்குக் கொண்டுவரப் படுகிறான். சிறைக்காவலரும், யானை பலம் கொண்ட பயில்வான் ஒருவனும் சேகரைப் புரட்டி எடுக்கின்றனர். எரியும் தீயில் அவன் முகத்தைப் பொசுக்குகின்றனர் எதிரிகள். அனல் தாங்க மாட்டாமல் அலறுகிறான் அவன். பொறுமைக்கும் எல்லை உண்டல்லவா! எரிமலையாகி வெடிக்கிறான். எதிரிகளைத் தூக்கிப் போட்டுப் பந்தாடுகிறான். துவம்சம் செய்கிறான். சிறையிலிருந்து தப்பித்து சென்று ஆற்றில் குதித்தவன் ஒரு நாடோடிக் கும்பலால் காப்பாற்றப்பட்டு, கொடியவனுக்கெதிராக கொடி பிடித்து, புரட்சிப்படை அமைத்து, வில்லனை தவிடு பொடியாக்கி, தானே ஆட்சியையும் பிடிக்கிறான்.

புரட்சி வீரனாக நம் சிங்கம். சிறையில் வீரர்கள் அடைக்க வருகையில் ஆரம்பிக்கும் அனல் கக்கும் சண்டைக்காட்சி. சங்கிலியால் பிணைக்கப்பட்டு சிறைக்குக் கைதியாய் கொண்டுவரப்படும் போதே அந்த நடையிலேயே உக்கிரம் தெரிய ஆரம்பித்து விடும். மூன்று காவலர்களும், ஒரு பயில்வானுமாய் சுற்றி நின்று மாறி மாறித் தாக்க, ஒவ்வொரு அடிக்கும் நம்மவர் அலறித் துடிப்பது பார்ப்பவர் அடிவயிற்றைக் கலங்க வைக்கும். வாயில் ரத்தம் ஒழுக, கழுத்தில் சங்கிலியுடன் அவர் போராடும் போது மெய் சிலிர்க்கும். அடிகளைப் பொறுத்துக் கொண்டு ஒரு கட்டத்தில் தாங்க மாட்டாமல் ஒரு காவலனை கழுத்தை விடாப்பிடியாய் இறுக்கி (அவன் இறக்கும் வரை) மற்ற காவலர்கள் கண்மண் தெரியாமல் அடிக்கும் அவ்வளவு அடிகளையும் தாங்கிக் கொண்டு தன் காரியத்தை வெற்றி வெறியுடன் செய்து முடிப்பது அமர்க்களம். பின் சங்கிலியை ஆயுதமாக்கி சண்டமாருதமாய் சண்டையிடும் போது இன்னும் அமர்க்களம். பயில்வானும், ஒரு காவலனும் தன்னை அப்படியே குண்டுக்கட்டாகத் தூக்கி எரிந்து கொண்டிருக்கும் நெருப்பில் முகத்தையையும், முடியையும் பொசுக்குகையில் அனல் பட்ட புழு போல அவர் அலறும் அலறு பாறை நெஞ்சையையும் பதைபதைக்க வைத்து விடும். முடியெல்லாம் கருகி, முகமெல்லாம் பொசுங்கி முகத்தில் அவர் காட்டும் வலிகளின் பிரதிபலிப்பு பிரமாதப்படுத்திவிடும். அந்த அவலட்சண ஒப்பனை ரத்தக் கண்ணீர் ராதாவை ஒத்திருக்கும். பின் பழி உணர்ச்சி மேலிட அதே சங்கிலியால் ஆசாத் பயிவானை மலையைக் கட்டி இழுப்பது போல பிணைத்து அதே நெருப்பில் தன்னை பொசுக்கியது போலவே பொசுக்கிப் பழி தீர்ப்பது கைத்தட்டல்களை அள்ளும். பின் தப்பித்து செல்கையில் அங்கு சங்கிலியால் தூணில் கட்டப்பட்டு நிற்கும் ஒரு அப்பாவிக் கைதியை அவ்வளவு வலி வேதனைகளிலும் விடுவித்து விட்டுச் செல்வது அவரது மனிதாபிமானத்தைக்காட்டும். அவருக்குள்ளிருக்கும் மானுடத்தை வெளிப்படுத்தும்.

மிக மிக அற்புதமான சண்டைக்காட்சி. வாயடைத்துப் போகச் செய்யும், மூக்கின் மேல் விரல் வைக்க செய்யும் கலக்கல் பைட். இந்த சண்டைக்காட்சியில் பெரும்பாலும் டூப்பே போடாமல் அவ்வளவு பிரமாதப்படுத்தியிருப்பார். (ஒரு சில லாங் ஷாட்களில் மட்டும் டூப்)

மற்ற ஸ்டன்ட் கலைஞர்கள் அவரை அலாக்காகத் தூக்கும் போதும், மற்றும் நெருப்பின் அருகில் அவர் முகத்தைக் காட்டும் போதும் எப்படி இவரால் இவ்வளவு துணிச்சலாக நடிக்க முடிகிறது என்ற கேள்விக்கணை நம் மனதில் எழாமல் இருக்காது. முகமும், உடலும் வேறு நெருப்பில் சிதைந்தது போல ஒப்பனை வேறு. அதையும் maintain செய்ய வேண்டும். மேலும் இந்த சண்டைக்காட்சியின் பிரதான அம்சம் சுறுசுறுப்பு... விறுவிறுப்பு... எதிர்பாராத பல நிகழ்வுகள் திடுமென திருப்பங்களை ஏற்படுத்தி நம்மை இருக்கையின் நுனிகளில் இருக்க வைத்துவிடும். A.D வெங்கடேசன், M.K சாமிநாதன், திருவாரூர் தாஸ் என்ற மூன்று ஜாம்பவான்களின் சண்டைப்பயிற்சி, நடிகர் திலகத்தின் ராட்சஷ ஒத்துழைப்பு, ஒளிப்பதிவாளரின் ஒப்பில்லா ஒளிப்பதிவு இந்த மூன்றும் இந்த சண்டைக்காட்சியை எங்கோ தூக்கிக் கொண்டு போய் நிறுத்தி விடடது

இந்த அமர்க்களமான சண்டைக் காட்சியை நம்மில் பலர் மறந்திருக்கக் கூடும். சிலர் காணாமலும் இருந்திருக்கலாம். இப்படம் சற்று சரியாகப் போகாததினால் எடுபடாமலும் போய் இருக்கலாம். இப்போது பாருங்கள் எப்பேர்பட்ட சண்டைக் காட்சிகளில் நம் இதயதெய்வம் புகுந்து விளையாடி இருக்கிறார் என்று!

இணையத்தில் இந்த சண்டைக்காட்சியை முதன் முதலாக தரவேற்றி தெள்ளத் தெளிவான காணொளியாக தங்கள் எல்லோருக்கும் வழங்கியுள்ளேன் என்பதை மகிழ்ச்சியுடன் தெரிவித்துக் கொள்கிறேன்.

இந்த அற்புதமான சண்டைக்காட்சியை அன்பு Ganpat சாருக்கு ஆனந்தத்தோடு சமர்ப்பிக்கிறேன்.

முதன்முறையாக இணையத்தில் தரவேற்றி உங்களுக்காக

http://www.youtube.com/watch?v=9-HE9...yer_detailpage

அன்புடன்,
வாசுதேவன்.

Dear Vasudevan Sir,

நடிகர் திலகத்தின் ஸ்டைல் சண்டைக் காட்சிகள் (வீடியோ தொடர்) - Superb.

Thanks

கோபாலுக்கு ஏற்கனவே சம அர்ப்பணம் செய்தாகி விட்டது. கோபால் ஜெமினி என்றால் கன்பட் எனக்கு உயிர் காப்பான் தோழ(ர்)ன். அதனால்தான்.

அன்புள்ள திருவாளர்கள். ராகவேந்தர், கண்பட், காவேரி கண்ணன், சேகர் மற்றும் மேடம் வனஜா அவர்களே,

என்னுடைய "எங்கே நிம்மதி" பாடல் பதிவைப் பாராட்டிய தங்களுக்கு நன்றிகள்.

நான் ஏற்கனவே குறிப்பிட்டது போல், தங்கள் பாராட்டுகள் என்னை ஊக்கப்படுத்தி மேலும் மேலும் நிறைய எழுத வைக்கும்.

நன்றியுடன்,

இரா. பார்த்தசாரதி

மிக்க நன்றி சந்திரசேகர் சார்.

பார்த்தசாரதி சார்,

தங்கள் பாராட்டிற்கு நன்றி!

தங்களின் 'எங்கே நிம்மதி' பாடலின் ஆய்வை இப்போதுதான் படித்து இன்புற்றேன். என்ன ஒரு நேர்த்தி! வரிக்கு வரி திலகத்தின் திறமைகளை பிட்டு பிட்டு வைத்துள்ளீர்கள். இந்தப் பாடலை திரையில் கண்டு ரசித்தது பேரின்பம் என்றால் அதை விட ஒரு இன்பத்தை நான் அனுபவித்து இருக்கிறேன். பின்னாட்களில் இப்பாடலின் போது தியட்டரை விட்டு வெளியே வந்து விடுவேன். உள்ளே ஒவ்வொரு வரிக்கும் நடிகர் திலகத்திற்குக் கிடைக்கும் கைத்தட்டல்களை மட்டும் வெளியே இருந்து கேட்டு காது குளிர ரசித்து மகிழ்வோம். அது ஒரு தனி சுகம். தங்கள் பாடல் ஆய்வைப் படித்ததும் அந்த அருமையான நாட்கள் ஞாபகம் வந்து விட்டது. பிரமாதமாக எழுதி ஜமாய்த்த தங்களுக்கு என் இனிய பாராட்டுக்கள்.

அன்பு வாசு

உங்களின் வர்ணனையுடன் தர்மம் எங்கே சண்டைக்காட்சி கண்டு உற்சாகமாய் இன்றைய பொழுது..

உங்கள் அரும் தொகுப்புக்கு என் வந்தனம்..

இது உங்கள் சாளரம்தானே -
http://www.youtube.com/user/vasudeva...?feature=watch

நன்றி கண்ணன் சார்! அதே சாளரம்தான். பிரத்தியோகமாக நமது திரிக்காகவே தொடங்கி வைத்துள்ளேன். அழகாகக் கண்டு பிடித்து விட்டீர்களே.

இன்றல்ல.. இரண்டு நாட்களுக்கு முன்னமே நம்மவரைத் தேடித்தேடி உங்கள் முகத்துவாரம் அடைந்தேன்..

இணையப் பிரபஞ்சத்தில் நம் நடிப்புக்கடல் அடைய பல வழிகள்,,, அதில் நல்ல ஒரு வழி சமைத்த உங்களுக்கு நன்றி!

மறைந்த நடிகை பானுமதி குடும்பத்தாருக்கு , நடிகர்திலகம் ரசிகர்களின் சார்பில் ஆழ்ந்த இரங்கல் தெரிவித்து கொள்ள படுகிறது.

எம் பானுமதி தில்லானா மோகனாம்பாளில் செவிலியராக வருவார்.

நடிகர்திலகத்தின் தீவிர ரசிகை என அவர் முகமே சொல்லும்.

அவர் மறைவுக்கு ஆழ்ந்த அனுதாபங்கள்... அஞ்சலிகள்!

வனஜா அவர்களே..

வேட்டியை மடித்துக்கட்டி விருந்து மேற்பார்வையிடும் கருணைச் சிங்கம்..
ஆட்டுக்கல் வார்த்தை வராமல் கையை ஆட்டிக்காட்டும் தன்மானம் சீண்டப்பட்ட சீறும் சிங்கம்..
சாப்பிட்டியா என மகனைக் கேட்கும் பாசச்சிங்கம்..
செத்துப்போ என பாடம் சொல்லும் ஞானச்சிங்கம்..

அரைமணியானால் என்ன? The Lion King still triumphs!!

தேவர் மகன் நினைவலைகளால் எங்களையும் கலங்க வைத்தீர்கள்..

Quote:

---

Originally Posted by vasudevan31355

பார்த்தசாரதி சார்,

தங்கள் பாராட்டிற்கு நன்றி!

தங்களின் 'எங்கே நிம்மதி' பாடலின் ஆய்வை இப்போதுதான் படித்து இன்புற்றேன். என்ன ஒரு நேர்த்தி! வரிக்கு வரி திலகத்தின் திறமைகளை பிட்டு பிட்டு வைத்துள்ளீர்கள். இந்தப் பாடலை திரையில் கண்டு ரசித்தது பேரின்பம் என்றால் அதை விட ஒரு இன்பத்தை நான் அனுபவித்து இருக்கிறேன். பின்னாட்களில் இப்பாடலின் போது தியட்டரை விட்டு வெளியே வந்து விடுவேன். உள்ளே ஒவ்வொரு வரிக்கும் நடிகர் திலகத்திற்குக் கிடைக்கும் கைத்தட்டல்களை மட்டும் வெளியே இருந்து கேட்டு காது குளிர ரசித்து மகிழ்வோம். அது ஒரு தனி சுகம். தங்கள் பாடல் ஆய்வைப் படித்ததும் அந்த அருமையான நாட்கள் ஞாபகம் வந்து விட்டது. பிரமாதமாக எழுதி ஜமாய்த்த தங்களுக்கு என் இனிய பாராட்டுக்கள்.

---

அன்புள்ள திரு. (நெய்வேலி) வாசுதேவன் அவர்களே,

எனது "எங்கே நிம்மதி" பாடல் பதிவிற்கு உங்களுடைய பாராட்டுக்கு மிக்க நன்றி.

உங்கள் "நடிகர் திலகத்தின் சண்டைக் காட்சிகள்" தொடரின் அண்மைப் பதிவான "தர்மம் எங்கே" பட சண்டைக் காட்சியும் அதற்கு உங்கள் வர்ணனையும் மிகவும் நுணுக்கமாக இருந்தது. "தர்மம் எங்கே" படம் பெரிய எதிர்பார்ப்புக்கிடையில் 1972-ஆம் வருடம் வெளிவந்து, எதிர்பார்ப்பை அந்த அளவிற்கு நிறைவேற்ற முடியாததால், பெரிய வெற்றியைப் பெற முடியாமல் போனது இன்றளவும் அனைத்து நடிகர் திலக ரசிகர்களுக்கும் வருத்தம் தான். இந்தப் படமும் பெரிய வெற்றியைப் பெற்றிருந்தால், 1972-ஆம் வருட சாதனை முழுமை பெற்றிருக்கும் (7 படங்களில் இது ஒன்று தான் வெற்றி பெறவில்லை. தோல்வி என்று சொல்ல முடியாது என்றாலும்!). என்னைப் பொறுத்த வரை, நடிகர் திலகம் ஒரு swashbuckling action role-ஐ அவருக்கேயுரிய நேர்த்தியுடன் செய்திருப்பார். திரைக்கதை இடைவேளைக்குப் பிறகு தொய்ந்ததும், தமிழ் நேட்டிவிட்டி குறைபாடும் தான் படத்தின் பெரிய வெற்றிக்கு இடையூறாக அமைந்தவை. இது பற்றி திரு. முரளி அவர்கள் விரிவாக ஏற்கனவே எழுதி இருக்கிறார் அவருக்கேயுரிய சரளமான புள்ளி விவரங்களுடன் கூடிய நடையில்!

உங்களின் அடுத்தடுத்த பதிவுகளை ஆவலுடன் எதிர் நோக்குகிறோம்.

அன்புடன்,

இரா. பார்த்தசாரதி

வனஜா மேடம் அவர்களே,

தங்கள் "தேவர் மகன்" பதிவு சுருக்கமாக இருந்தாலும், நேர்த்தியாகவும் சுவையாகவும் இருந்தது.

அன்புடன்,

இரா. பார்த்தசாரதி

Quote:

---

Originally Posted by Vankv

'இந்த அடிப்படையில் பார்த்தால் அந்தக் காட்சியில் தேவரின் கண்களில் தெரிவது அந்த ஆதங்கம், பயம், தான் தனது கடைசிக்காலத்தில் எங்கே தனியாக விடப்பட்டு விடுவேனோ என்கிற ஏக்கம்....கவலை, கலக்கம்.. எல்லாமே. 'அப்பா! நான் இருக்கிறேன்' என்று மகன் தனக்கு உறுதி அளிக்கவேண்டும் என்கிற அவா. 'என்னை விட்டுப் போய்விட மாட்டியே'? என்று கேட்கும் அந்தப் பரிதாபமான கண்களை நான் பார்த்தேன்.
:(

---

https://encrypted-tbn2.gstatic.com/i...b8LqgxhJQbjNzC

அதே போல 'பசும்பொன்' தேவர். தன் மகள் விதவையாகி விட்டதால் மருமான் சிவக்குமாரிடம் புலம்பும் புலம்பல். அலம்பல். ("பொட்டல்ல நட்ட மரமாப் போச்சே அவளுடைய பொழைப்பு".).. அவளுக்கு மறுவாழ்வு கிடைக்குமா என்ற ஏக்கம். எல்லா சுப காரியங்களுக்கும் முதல் மனுஷியாகச் சென்ற மகள் இனி எப்படி அனைத்திலும் கலந்து கொள்ள முடியும் என்ற துயரம். ("சே! கோடி கோடியாய் சொத்திருந்து என்னடா பிரயோஜனம்...எம் பொண்ணுக்கு எட்டணா குங்குமமும் நாலணா பூவும் வாங்கி என்னால கொடுக்க முடியலையேடா!) சிவக்குமாரிடம் இனி தன் மகளுக்கு இவன்தான் துணை என முடிவெடுத்து ,"கதிரேசா.. என் பொண்ணுக்கு அந்தப் பூவையும் பொட்டையும்"என்று நிறுத்தி சிவாவிடம் அவளுக்கு வாழ்வு கொடுக்க கெஞ்சுவது என்று அதகளம் புரிவார். தேவர் மகன் தேன் என்றால் பசும்பொன் பத்தரை மாற்றுத் தங்கம். ஆனால் தேவர் மகன் தான் எடுபடுகிறது. தேவர் மகனுக்கு கொஞ்சமும் குறைவில்லாத 'பசும்பொன் அவ்வளவாக அலசப்படுவதில்லை. இது ஏன் என்று கிஞ்சித்தும் எனக்கும் புரிய வில்லை.

நடிகர் திலகத்துடன் எம். பானுமதி.

http://i1087.photobucket.com/albums/..._000143102.jpg

Quote:

---

Originally Posted by Vankv

நான் நினைக்கிறேன் அந்தக் கடைசிக் காட்சி கொஞ்சம் நீண்டுவிட்டது என்று.

---

நான் காட்சியைப் பற்றி சொல்லவில்லை. நடிகர் திலகத்தின் ஆட்சியைப் பற்றி சொல்ல வந்தேன். ஆமாம்... வாங்குகிற சம்பளத்திற்கு கொஞ்சமாவது வேலை பார்க்க வேண்டாமோ!

நமது ஆசான் நடிகர் திலகம் தொழிலை தெய்வமாக அல்லவோ மதித்தார்!

பானுமதி

காதல் மலர்க் கூட்டம் ஒன்று என மலர்களின் கூட்டத்தில் ஒரு மலராக தெய்வ மகனில்

திலகத்தின் வளர்ப்பு மகளாக ராமன் எத்தனை ராமனடியில்

நாகேஷின் ஜோடியாக வியட்நாம் வீட்டில்.

செவிலியாக தி.மோகனாம்பாவில்.

நடிகர் திலகத்துடன் நாடக மேடைகளில் ஏராளமாக.

இன்னும் நிறைய.

மறக்க முடியவில்லை.

கிஞ்சித்தும் குறைவில்லாத என்று சொல்ல முடியுமா. நடிப்பைப் பத்தி சொல்கிறீர்களா, பாத்திரப்படைப்பையுமா?
பசும்பொன்னை எல்லா காட்சிகளும் நினைவில் இல்லை. ஆனால் அது பெரிய தேவர் அளவு பற்பல எண்ண ஓட்டங்கள், சூழ்நிலைகள் இருந்தனவா?
சிவாஜியின் சிறப்பம்சங்களில் ஒன்று - ஒரே நேரத்தில் பற்பல உணர்ச்சிகளை தெளிவாக வெளிப்படுத்துவது. கோவம்-அவமானம், கையாலாகாமை-வெறுமை, ஊர்த்தலைவனாக சோகம் - தந்தையாக பெருமிதம் - என்று மிக நுட்பமான தருணங்கள். அவை கமலுடைய எழுத்தின் ஆழத்தால் கைகூடியவை. இப்படிப்பட்டவருக்குத் தான் அப்படிப்பட்ட காட்சிகளை எழுத முடியும் என்பது needless to say.

பாரதிராஜாவின் signature ஒரு உணர்ச்சியை எடுத்துக்கொண்டு அதைத் தீவிரமாக வெளிப்படுத்துவது என்று சொல்ல நினைக்கிறேன். அத்தகைய ஒரு நடிப்பை சிவாஜியிடம் பெற்றுக்கொண்டார் என்று நினைக்கிறேன். நடிப்பளவில் ஒன்றுக்கொன்று குறை என்று சொல்வதற்கில்லை. அந்த கதை சொல்லும் முறை, காட்சி-படத்தின் அழகியலுக்குத் தகுந்தது. நீங்கள் குறிப்பிட்ட காட்சியில் அதைப் பார்க்கலாம்.

முதல்மரியாதை வேறு பிராணி - அதில் ஒரு sexual frustration undercurrent இருக்கும். அதை மிகக்கச்சிதமாகக் கையாண்டிருப்பார். அந்த flirtatiousness கொஞ்சம் பிசகினாலும் நன்றாக வந்திருக்காது. ஆனால் கதைக்கு அது மிக முக்கியம். என்றாலும் கூட ஒரு காட்சியில் அனேகமாக 'ஒரு உணர்ச்சி'யே மேலோங்கி நிற்கும். அதை சிறப்பாக வெளிக்கொணர்வதே அவர் பாணி என்பேன் (Let me know if any of you disagree, it would be interesting to hear).

ஆனால் கமல் - அவரது எழுத்துப் பொற்காலமான 89-95ல் எழுதிய கதைகளில் பல simultaneity of multiple emotions வந்துகொண்டே இருக்கும். சில நேரம் ஒரே காட்சியில் இருவேறு கதைமாந்தர்கள் இருவேறு விதமாக ரியாக்ட் செய்து கொண்டு இருப்பார்கள். ஒரு திரையெழுத்தாளராக தன்னைத் தானே challenge செய்துகொள்ளும் இடங்கள் அவை.

ஆனால் சிவாஜி கிடைத்ததும் ஒரே நபருக்கே ஒரே தருணத்தில் உருவாக்கி விளையாடியிருப்பார்கள். What fun he must have had writing those scenes with Sivaji in mind! He would have tried to up the challenge: let us make the emotions more and more complex, let us create more moments where the acting would shine through, where a crackle of the voice and demeanor would convey the emotion of the scene.


Vankv, உங்கள் இளைய மகன்-அப்பா insightஐ ரசித்தேன். கமலும் ஒரு கடைசிப்பிள்ளை.

Dramas

‘Jahangir', ‘Neethiyin Nizhal', ‘Kalam Kanda Kavingan', ‘Vengayin Maindhan' and ‘Vietnam Veedu'

Quote:

---

Originally Posted by P_R

கிஞ்சித்தும் குறைவில்லாத என்று சொல்ல முடியுமா. நடிப்பைப் பத்தி சொல்கிறீர்களா, பாத்திரப்படைப்பையுமா?
பசும்பொன்னை எல்லா காட்சிகளும் நினைவில் இல்லை. ஆனால் அது பெரிய தேவர் அளவு பற்பல எண்ண ஓட்டங்கள், சூழ்நிலைகள் இருந்தனவா?
சிவாஜியின் சிறப்பம்சங்களில் ஒன்று - ஒரே நேரத்தில் பற்பல உணர்ச்சிகளை தெளிவாக வெளிப்படுத்துவது. கோவம்-அவமானம், கையாலாகாமை-வெறுமை, ஊர்த்தலைவனாக சோகம் - தந்தையாக பெருமிதம் - என்று மிக நுட்பமான தருணங்கள். அவை கமலுடைய எழுத்தின் ஆழத்தால் கைகூடியவை. இப்படிப்பட்டவருக்குத் தான் அப்படிப்பட்ட காட்சிகளை எழுத முடியும் என்பது needless to say.

பாரதிராஜாவின் signature ஒரு உணர்ச்சியை எடுத்துக்கொண்டு அதைத் தீவிரமாக வெளிப்படுத்துவது என்று சொல்ல நினைக்கிறேன். அத்தகைய ஒரு நடிப்பை சிவாஜியிடம் பெற்றுக்கொண்டார் என்று நினைக்கிறேன். நடிப்பளவில் ஒன்றுக்கொன்று குறை என்று சொல்வதற்கில்லை. அந்த கதை சொல்லும் முறை, காட்சி-படத்தின் அழகியலுக்குத் தகுந்தது. நீங்கள் குறிப்பிட்ட காட்சியில் அதைப் பார்க்கலாம்.

முதல்மரியாதை வேறு பிராணி - அதில் ஒரு sexual frustration undercurrent இருக்கும். அதை மிகக்கச்சிதமாகக் கையாண்டிருப்பார். அந்த flirtatiousness கொஞ்சம் பிசகினாலும் நன்றாக வந்திருக்காது. ஆனால் கதைக்கு அது மிக முக்கியம். என்றாலும் கூட ஒரு காட்சியில் அனேகமாக 'ஒரு உணர்ச்சி'யே மேலோங்கி நிற்கும். அதை சிறப்பாக வெளிக்கொணர்வதே அவர் பாணி என்பேன் (Let me know if any of you disagree, it would be interesting to hear).

ஆனால் கமல் - அவரது எழுத்துப் பொற்காலமான 89-95ல் எழுதிய கதைகளில் பல simultaneity of multiple emotions வந்துகொண்டே இருக்கும். சில நேரம் ஒரே காட்சியில் இருவேறு கதைமாந்தர்கள் இருவேறு விதமாக ரியாக்ட் செய்து கொண்டு இருப்பார்கள். ஒரு திரையெழுத்தாளராக தன்னைத் தானே challenge செய்துகொள்ளும் இடங்கள் அவை.

ஆனால் சிவாஜி கிடைத்ததும் ஒரே நபருக்கே ஒரே தருணத்தில் உருவாக்கி விளையாடியிருப்பார்கள். What fun he must have had writing those scenes with Sivaji in mind! He would have tried to up the challenge: let us make the emotions more and more complex, let us create more moments where the acting would shine through, where a crackle of the voice and demeanor would convey the emotion of the scene.


Vankv, உங்கள் இளைய மகன்-அப்பா insightஐ ரசித்தேன். கமலும் ஒரு கடைசிப்பிள்ளை.

---

அப்பாடா,

வந்தாரப்பா இந்த திரியின் கடை குட்டி செல்ல பிள்ளை.

உன்னுடன் 100% உடன் படுகிறேன். நடிகர்திலகத்தின் நடிப்பு, herzog இயக்கிய nosferatu போன்ற படங்களில் உபயோக படுத்த பட்டிருந்தால்,எத்தனை எத்தனை depth கிடைத்திருக்கும். நானே, அவரின் வித விதமான scene களை தொகுத்து ஒரு multi -layered திரைகதையில் கற்பனையில் பொருத்தி பார்ப்பேன்.

vanaja ,
Brilliant write-up with lot of depth.
Kaveri Kannan
Thanks a lot and it is nice hear from the man whose writing ,I enjoy a lot.
Vasu Sir,
Dharmam Enge-A good scene well chorepgraphed and designed fight. Thanks for Nice still on Banumathi.

நன்றி பிரபுராம் சார்.

அருமை. நடிப்பைப் பற்றித்தான் சொல்கிறேன். என்னுடைய ஆதங்கம் பசும்பொன் பேசவோ அலசவோ படவே இல்லை என்பது. குறிப்பிட்ட அந்த சீனில் "ச்சே !என்னடா இது" என்ற சலிப்பு பேசப்பட்டிருக்க வேண்டும் என்பதே! இன்னும் கூட அற்புதங்கள் இருக்கிறது. நீண்ட இடைவெளிக்குப் பிறகு திரியில் தங்கள் பதிவு வந்ததற்கு மிக மிக சந்தோஷம் கொள்கிறேன். தங்களுடைய எவர்க்ரீன் பதிவான தேவர் மகனை நான் எத்தனை முறை படித்தேன் என்று எனக்கே தெரியாது. அதுபற்றி கோபாலும் நானும் பலமுறை அலைபேசியில் உரையாடி மகிழ்ந்திருக்கிறோம். தேவர் மகன் பற்றிய பதிவுகள் மட்டுமல்லாமல் மற்ற தங்களுக்குப் பிடித்தமான பதிவு அலசல்களுக்கும் நீங்கள் வரவேண்டும் என்பதே அனைவருடைய விருப்பமும். நன்றி!
(நீங்கள் என் பெயரை தாராளமாய் குறிப்பிட்டு எழுதலாம்)

Quote:

---

Originally Posted by Vankv

PR குறிப்பிட்டது போல முதல் மரியாதை தேவரின் sexual frustration ஐப்பற்றி நம்ம கோபாலாண்ணா விரிவாக - a psychological analysis எழுதலாமே. there are many things to be said about that poor fellow, I mean Thevar!

---

தங்கச்சி,
எனக்கு மிக மிக பிடித்த முதல் மரியாதையை எழுத ஆசை. ஆனால்,பிரபுவிற்கும்,எனக்கும் ஒரு ஒப்பந்தம். அதை அவன்தான் எழுதணு ம்னு, அவனுக்கு நிபந்தனை போட்டு விட்டு,காத்திருக்கிறேன்.

Madam congratulation for reaching the 500 posts. Pls reach 5000 posts
at the earliest.

Quote:

---

Originally Posted by vasudevan31355

(நீங்கள் என் பெயரை தாராளமாய் குறிப்பிட்டு எழுதலாம்)

---

ஹாஹா. QUOTE பண்ணக்கூடாதுன்னுல்லாம்ம் இல்லை.

VankV இடுகைக்கு அடியில எழுத ஆரம்பிச்சேன். நான் நீட்டி முழக்குறதுக்குள்ள 2-3 இடுகை வந்துபோனதான தோண்டி எடுத்து பதில் சொல்ற ஒரு பிம்பம் ஏற்பட்டுப்போச்சு :-)

Vankv, landlordம் தப்பு, absenteeயும் தப்பு :-)
இங்க தான் இருக்கேன். திரியையும் விட்டுவிட்டு படிச்சிகிட்டு இருக்கேன். I have little to add. எனக்குச் சொல்லத் தெரிஞ்ச ஒண்ணு ரெண்டு விஷயம் சம்மந்தமா பேச்சு வரும்போது ஆஜர் ஆவேன். அவ்வளவே :lol2:

Quote:

---

Originally Posted by Gopal,S.

தங்கச்சி,
எனக்கு மிக மிக பிடித்த முதல் மரியாதையை எழுத ஆசை. ஆனால்,பிரபுவிற்கும்,எனக்கும் ஒரு ஒப்பந்தம். அதை அவன்தான் எழுதணு ம்னு, அவனுக்கு நிபந்தனை போட்டு விட்டு,காத்திருக்கிறேன்.

---

அவ்வளவு எல்லாம் pressure போடாதீங்க. கொஞ்ச நாளாவே செய்ய நினைச்சு நேரம் கிடைக்கமாட்டேங்குது. I'll feel if I am holding you all up.
இந்தத் திரி'ல நான் முதல்ல ஒரு வாசகன். அதுனால நீங்கல்லாம் பேசுங்க, நானும் ஜோதில ஐக்கியம் ஆயிக்குவேன்.

Shortly Mr Neyveli Vasudevan also will reach the magic figure of 3000 posts
and in another short time he will reach 300000000000000000 posts

பார்த்தசாரதி சார்,

குறுகிய காலத்தில் இரண்டு இன்ப அதிர்ச்சிகள் அடுத்தடுத்து. மிக அழகிய பதிவு.நான் சிறிதே சேர்க்க விழைகிறேன்.

இது நீங்கள் சொன்ன மாதிரி fantasy genre அல்ல. sur -realistic என படும் வகை. இந்த scene low key lighting with seperation lighting இல் கேமரா மேதை பிரசாத் விளையாடி இருப்பார்.

எனது கைகள் நீட்டும் போது வரிகளில், தனது கையை தானே தூர படுத்தி ,அந்நிய படுத்துவார். follow thru eye movement இந்த alienation ஐ highlight செய்யும். பொதுவாக இந்த பாட்டின் hand -eye coordination with graceful foot movement ஒரு தேர்ந்த ballet கலைஞனை நினைவு படுத்தும்.

இந்த பாடல் திரை பட வரலாற்றில் நீடித்த குறிஞ்சி மலர். நன்றி சாரதி.

இந்த சிறுவனையும் மதித்து தன் அருமையான பதிவை எனக்கு சமர்ப்பணம் செய்துள்ள வாசு அவர்களுக்கு மனமார்ந்த நன்றி..

வனஜா அம்மணியாரின் தேவர் மகன் அலசல், அசத்தல்.கேரளாவில் பால் பாயசம் செய்வது ஒரு புது முறையில்.வாய் அகன்ற ஒரு அண்டாவில் பாலை சுண்டக்காய்ச்சுவார்கள்.பால் காய்ந்து காய்ந்து குறுகி வரும்.அதன் வெள்ளை நிறம் மறைந்து சற்றே மஞ்சள் நிறம் வரும் போது சர்க்கரையை சேர்த்து சிறிது நேரத்தில் பாதம்,குங்குமப்பூ சேர்த்து இறக்குவார்கள்.ஒரு தேக்கரண்டி சாப்பிட்டால் உச்சி முதல் பாதம் வரை இனிப்பு பரவுவது தெரியும்.கண்கள் கிறங்கும்..1952 இல் கறக்கப்பட்ட பசும் பால் சுமார் நாற்பது ஆண்டுகள் சுண்டக்காய்ச்சப்படுகிறது.
கமல்,எனும் சர்க்கரை சேர்க்கப்பட்டு,திரைக்கதை எனும் பாதம்,இளைய ராஜா எனும் குங்குமப்பூ சேர்த்து பரிமாறப்படுகிறது.எததனை குடித்தாலும் அலுக்குமா என்ன ??

அறுசுவை நடராஜன் (வனஜா அம்மணி) செய்த பாயசத்தின் ருசி , சிலகாலம் மறைந்திருந்த நள மகராஜனையும் வெளிக்கொணர்ந்து விட்டது.Welcome Back Prabhu..Keep posting..

நாம் எல்லோரும் தமிழில் எழுதிக்கொண்டிருக்க, காவேரி கண்ணனோ தமிழில் விளையாடிக்கொண்டிருக்கிறார்.

இவர் எழுத்து, மூன்று நிறம் தெரியும் பொறை உள்ள மைசூர் பாக்..(க் மிகவும் முக்கியம்;மைசூர் பா என்ற சமீப கால கொடுமை, மணிரத்னம் இயக்கத்தில்,"தில்லானா மோகனாம்பாள்" எடுப்பதற்கு நேர்)

இதோ ஜெயா சானலில் புதியபறவை பறந்து கொண்டிருக்கிறது.இந்த ஒரு படம் கி.பி 2113 இல் கூட fresh ஆக இருக்கும்..

ஆமாம்! வியட்நாம் வீட்டில், ஜெயா தெரியுமோ? :confused2:

#1873.

கோபாலாரே

ஆஹா அந்த சுட்டு விரல் அசைவு!! யாருக்கையா வரும் அந்த ஸ்டைல்??

கையை அசைத்தால் அது வேண்டாம் என பொருள்.சுட்டு விரலை மட்டும் அசைத்தால் அது இல்லை என பொருள் என்று இலக்கணம் எழுதியவரல்லவோ அவர்!

சுட சுட பார்த்துவிட்டு எழுதுகிறேனாக்கும்!

மூவாயிரம் பதிவுகளை கடந்தும், எங்கள் பீஷ்மாச்சாரியார் தொடர்ந்து களத்தில் விளையாடி கொண்டிருக்கிறார். வேந்தரே, என் மன பூர்வமான வாழ்த்துக்கள். தங்களால் ஒதுக்க பட்ட இந்த கர்ணன், வேறு களத்தில், விளையாடி கொண்டிருக்கிறேன். உங்கள் திரி அமோகமாய் வெற்றி கொடி நாட்டி வருகிறது.

எஸ்வி சார், நாங்களே நேரம் கடந்து கவனிப்பவைகளை, விரைவாக கவனித்து எங்களை வாழ்த்தும் இந்த கனிவுக்கு, என் சிரம் தாழ்ந்த வணக்கங்கள்.

டியர் கோபால் சார்,
தங்களுடைய பாராட்டிற்கு நன்றி.
நான் யாரையுமே ஒதுக்கவில்லை, அப்படி யிருக்கும் போது உங்களை மட்டும் ஒதுக்குவது என்ற பேச்சுக்கே இடமில்லை. விவாதங்களுக்காக மற்ற இரு திரிகளையும் வைத்துக் கொண்டு தகவல்களுக்கு என்று இதை வைத்துக் கொள்ளலாமே என்கிற நோக்கத்தில் தான் அந்தத் திரி துவங்கப் பட்டது. பாடல்களைக் கூட நம்முள் நிழலாடும் பழைய நினைவுகளின் பகிர்மானங்களுக்கு வடிவம் கொடுக்கலாமே என்ற நோக்கத்தில் என் விருப்பம் பகுதியும் துவங்கப் பட்டது.

தாங்கள் எந்தக் களத்திலும் புகுந்து விளையாடுவீர்கள் என்பதை அறியாதவனா நான்.

Filmography is like other NT threads. Every one can contribute.

அன்புடன்
ராகவேந்திரன்

படம் - சிவகாமியின் செல்வன். -26 ஜனவரி 1974.
பாடல்- எத்தனை அழகு கொட்டி கிடக்குது.
பாடலாசிரியர்- புதுமை பித்தன்
இசையமைப்பு- மெல்லிசை மன்னர்.
நடிப்பு- சிவாஜி-வாணிஸ்ரீ.
இயக்கம்- சீ .வீ.ராஜேந்திரன்.

நான் பதினைந்து வயது வயதுக்கு வந்த விடலையாய் ,மீசை முளைக்கும் பருவத்தில், இனம் பிரியா குழப்ப இன்ப உணர்வுகள் வாட்டி வதைத்த போது ,நான் மீண்டும் மீண்டும் பார்த்து மகிழ்ந்த படம் (குடந்தை நூர்மஹாலில் வரிசையாய் ஐந்து நாட்கள்,பிறகு விரல்கள் போதாது)

அதிலும், என் விருப்பமான ஜோடியின் எத்தனை அழகு பாடலுக்காக மட்டும்(amatory மூட்,erotic arousal எப்படி வேண்டுமானாலும் வைத்து கொள்ளுங்கள்)இத்தனை முறை!!!!????

ஆனால் அதே பாடலை, உலகத்தில் இன்பங்கள் பாக்கி உண்டா என்ற பருவத்தில் பார்க்கும் போதும், ஒரு உருது கவிதை, ஒரு erotic சிற்பம் (அ )சித்திரம் பார்க்கும் புத்துணர்வை தருகிறது என்றால் எழத பட வேண்டியதே.

பொதுவாக சிவாஜி,பெண்களை விட ,பெண்களின் அம்மாக்களையே குறி வைத்தவைத்த முதல் அறுபதுகளில் இருந்து விடு பட்டு, பெண்களையும்,வாலிபர்களையும் ஈர்க்க தொடங்கி ,வசந்த மாளிகையில் ராஜாவாய் சுமதி சுந்தரியுடன் , இளைய மன்மதனாக ஜொலித்த கால கட்டம். வேறெந்த நடிகையுடன் நடித்ததை விட, வாணிஸ்ரீ.யுடன் அவர் நெருக்கம் உயர்ந்த மனிதனில் தொடங்கி நல்லதொரு குடும்பம் வரை தொடர்ந்தது.

காதல் காட்சி என்ற போதும் பொத்தாம் பொதுவாக நடிக்காமல், பாத்திர இயல்பு படி,வித்தியாசம் காட்டி ,சூழ்நிலை, கதையமைப்பு புரிந்து நடிக்கும் சுவை ஆஹா!! அதிலும் எத்தனை variety !!!எவன் எவனையோ காதல் மன்னன் என்று அழைக்கிறோமே?இவனல்லவோ காதல் பேரரசன் என்று தோன்றும்.

பொதுவாக erotism என்பது நமது கோவில்கள்,மத நூல்களில் கொண்டாட பட்ட போதும் ,british inhibitions காரணமாய் ,sexual slavery and deprivation இல் அகப்பட்டு, நல்ல hightened aesthetics என்று சொல்ல படும் erotic sensual intense romance என்று சொல்ல படும் காட்சிகளே எந்த இந்திய படங்களிலும் இல்லை.(அப்படியே ஒன்றிரண்டு வந்தாலும், காஞ்ச மாடு கம்பங்கொல்லையில் புகுந்த case தான்). எனக்கு தெரிந்த வரை இந்த Erotic genre இலும் முழு மதிப்பெண் நம் நடிகர் திலகத்துக்கே.நெஞ்சத்திலே நீ-சாந்தி, மெல்ல நட-புதிய பறவை,பலூன் காட்சி-சுமதி என் சுந்தரி, plum கடிக்கும் வசந்த மாளிகை என்று ஆயிரம் இருந்தாலும் ,இந்த குறிப்பிட்ட பாடல் erotic திலகம்.

இனிய நண்பர் திரு கோபால் சார்


நடிகர்திலகம் திரியில் எல்லா பாகங்களையும் ஒரு ரசிகன் என்ற முறையில் படித்து வருகின்றேன் .

நடிகர்திலகத்தின் ரசிகர்கள் அனைவரின் பங்களிப்பும் மிகவும் சுவாரசியமாகவும் ,கட்டுரைகள் -பாடல் ஆய்வுகளும்
சிறப்பாக உள்ளது .

பம்மல் சுவாமிநாதன் சார் - சாரதா மேடம் - கார்த்திக் சார்

பதிவுகள் இல்லாதது ஒரு குறை .

புதிய வரவான வனஜா மேடம் -ஆதிராம் - கல்நாயக்

கணபதி -கண்ணன் - ஆகியோரின் பதிவுகள் அருமை .

அனைவருக்கும் மக்கள் திலகத்தின் ரசிகர்கள் சார்பாக வாழ்த்துக்கள் .
என்றும் நட்புடன்
வினோத்

Quote:

---

Originally Posted by Vankv

ஏன் கன்பட்டாருக்கு சமர்ப்பணம்? அவர் தான் கோபால் அவர்களின் தம்பியாயிற்றே?

---

தம்ப்ரீ கோபால்,

நான் இப்பகடிக்கு பொறுப்பில்லை..

இபடிக்கு

கன்-பட்.

:shoot:

எத்தனை அழகு பாடலில்(ஒரே டேக்கில் படமாக்க பட்டதாம்.hats off ! ஒரு சப்பை முத்த காட்சியை 20 டேக் எடுக்கும் கலிகாலம்) முதலில் களம். தங்களுக்குள் மண பந்த ஒப்பந்தம் புரிந்த(மற்றவர்கள் அறியாமல்) ஒரு ஜோடி ஒரு மழை நிறைந்த குளிர் இரவில்,ஒரு அறைக்குள் மாட்டி, தங்களை இழக்கும் காட்சி. அவனுக்கோ இன்பத்தை சோதிக்கும் ஆர்வமும், சுவைக்க துடிக்கும் அவசரமும்,தன்னை மறந்த நிலை. அவளுக்கோ, தயக்கம் கலந்த சம்மதம், தவிக்க விடும் நாணம்,உரிமையரியா உறவின் அறியா அச்சம் என இந்த ஜோடியின் தவிப்பை, சிவாஜியும் ,வாணிஸ்ரீ யும் அற்புதமாய் expressions ,body language ,suggestive movements என்று பின்னியிருப்பார்கள்.

முதலில் இந்த பாடலில் சி.வீ.ஆரின் colour sense and psychology யை பாராட்டியே ஆக வேண்டும்.(இதை அவர் சுமதி என் சுந்தரியிலேயே அற்புதமாக கையாண்டிருப்பார்) வாணிஸ்ரீ முதலில் ஒரு பிங்க் நிற புடவை அணிந்து அறைக்குள் வருவார். பிங்க் ஒரு வளர் சிறுமியின் பெண்மை குறியீடு. பிறகு சிவப்பு வண்ண அவசர ஆடைக்கும் மாறுவார்.சிவப்பு feeling of intense excitement ,romantic warmth ஐ enhance பண்ணும் நிறம்.ஆணுடையது வெளிர் பச்சை நிறம்.fertility ,bodily functional assurance குறிப்பது. இந்த இரண்டு நிறங்களின் இணைப்பே பாதி mood elater ஆக காரணியாகும்.

இதை விட hero -heroine physical ஆன எவ்வளவோ சிவாஜி பாடல்கள் கூட உண்டு. ஆனால், இந்த காட்சி தந்த intensity எந்த காட்சியும் தந்ததில்லை.

ஒரு இள விமானியை, ஒரு target நோக்கி படையெடுக்கும் adventurism ,experimentation முதலிய உணர்ச்சிகளுடன்,ஒரு அவசரம் கலந்த காம விழைவை அற்புதமாய் பிரதிபலிப்பார் NT .வாணிஸ்ரீ (AVM ராஜன் சொல்வது போல சிவாஜிக்காக பிரம்மா ஸ்பெஷல் ஆய் படைத்த கருப்பழகி) சிவாஜியுடன் இழைந்தும், தயங்கியும், உணர்ச்சி வசபட்டும், சூழ்நிலையறிந்து விலகுவதும், இறுதியில் தொடர் தூண்டுதலால் இணங்குவதும் என அற்புதமாய் NT க்கு ஈடு கொடுத்திருப்பார்.

தன இடத்திலிருந்து எழுந்த உடன் சிவாஜி தன pant அய் suggestive ஆக கையால் சிறிதே உயர்த்தும் காட்சி(ஆண்டவன் கட்டளை அழகே வாவிலும் இது உண்டு) , பிறகு ஒரு இலக்கில்லாமல் விலகும் வாணிஸ்ரீயை ஒரு குறிப்பின்றி தடவுவார். பிறகு ஒரு இலக்கில்லா passionate முத்தங்கள்(ஒரு awkward அவசரம் தெரியும்),பிறகு குறிப்பை உணர்த்தும் coat -stand காட்சி, திரை காட்சி என அவசர தூண்டல் ,ஓரு அனுபவமின்மையின் awkward desperation ஐ மிக அழகாக உணர்த்துவார். இதில், வாணிஸ்ரீயின் திரையை இறுக்கும் கைகள்,என்று எல்லாமே suggestive erotism .physical ஆக மிக குறைவான ,தேவையான அணைப்புகள் மட்டுமே இருக்கும்.

பிறகு மஞ்சத்தில் ஓரளவு தயார் நிலைக்கு ஆளானாலும் ,பிறகு அரை மனதுடன் தயங்கி விலகி, தலையணையை மார்புடன் வைத்து காத்து கொள்ள எண்ணும் வாணிஸ்ரீயை ,ஒரு இரையை குறி வைக்கும் இறுதி ஆவேசத்துடன் சிவாஜி அணைத்து இணங்க வைப்பார்.

ஆபாசம், கவர்ச்சிக்கு விடை தெரியாமல் இன்றும் முழிக்கும், நம் தமிழ் நாட்டு தாய்,தந்தை குலங்களுக்கு, இந்த காட்சியின் அழகும்,அமைப்பும், erotic hightened emotional aesthetics புரியாமல்,இந்த படத்தை கை விட்டனர்.இந்த காட்சியில்,மற்ற காதல் காட்சிகளில் இல்லாத, எந்த மிகையும் இருக்காது. சம்பத்த பட்டவர்களின் உணர்வு மிகு நடிப்பாற்றல்,அழகுணர்ச்சி மிகுந்த suggestive shots &gestures தவிர.,

கோபால், ஒரு வழியா உங்க வியட்நாம் வீடு இடுகைகளைப் படிச்சேன். முதல் 2-3 பகுதிகள் நீங்க எழுதும்போதே படிச்சிருந்தேன். மிச்சத்தை இன்னிக்கு. நல்ல அலசல்.
நீங்க சொன்ன சிலபல காட்சிகள் என் நினைவில் இல்லை அப்டீன்றதுலேர்ந்தே நான் இந்த படத்தை மறுபடி பார்த்துட்டு தான் பேசணும்னு வச்சிருக்கேன்.

இதை revisit பண்றதுல எனக்கு எப்போதும் மனத்தடை உண்டு. அது கொஞ்சம் தளர்ந்திருக்கு. குறைந்தபட்சம் நீங்க எழுதினதை முழுசா appreciate பண்றதுக்காச்சும் ஒரு தடவை பார்க்கணும். பார்த்துட்டு வரேன்.

அதுக்குள்ள எங்கயாவது கௌரவத்தைப் பத்தி எழுதி வச்சிடாதீங்க :lol2:

ஒரு மரத்துக் கிளிகள் ஒன்றை விட்டு ஒன்று பறந்தால்..

http://www.youtube.com/watch?v=31lPks6WVLE

நடிகர்திலகம் ஆன்மா கலங்காதா?

எதற்காகக் கூடினோம்? அதை மறக்கலாகுமா?

எல்லாரும் கொண்டாடுவோம் - நடிகர்திலகத்தை
சட்டென மறப்போம் - மற்றவற்றை..

நன்றி திரு கண்ணன் அவர்களே.

மக்கள் திலகம் திரியில் நீங்கள் எங்களை பாராட்டியும் மக்கள் திலகத்தின் பாடலின் பெருமையினையும் பதிவிட்ட உங்களுக்கு நன்றி