Nadigar Thilagam Sivaji Ganesan Part 10

நீண்ட நாட்களுக்கு பிறகு திரிக்கு ஒரு மகிழ்ச்சியான செய்தியுடன் வரவு.

1974 ஜூன் 1 முதல் எப்போது வருகை புரிந்தாலும் மதுரை மாநகரை, அதன் மக்களை தன் ஆளுகையின் கீழ் கொண்டு வந்து விடும் S.P சௌத்ரி இந்த முறையும் மதுரை மக்களை தன வசப்படுதியிருக்கிறார். வெள்ளியன்று சென்ட்ரலில் திரையிடப்பட்ட இந்தப் பதக்கம் முதல் இரண்டு நாட்களில் பெற்ற வரவேற்பு அமோகம்! கடந்த பல மாதங்களாக எந்த படமும் பெறாத வசூலை முதல் இரண்டு நாட்களிலேயே பெற்றிருக்கிறது. வெள்ளி மற்றும் சனி இரவுக் காட்சிக்கு கூட அண்மையில் எந்தப் படத்திற்கும் வராத கூட்டம் வந்திருக்கிறது. இன்று வரவேற்பு உச்சக்கட்டத்தை எட்டிவிட்டது. மதியக் காட்சிக்கே கணிசமான பேர் திரண்டு வந்திருந்தனராம்! மதியக் காட்சிக்கு பால்கனியில் பாதிக்கு மேல் தாய்க்குலங்கள் என்பதை தியேட்டர் ஊழியர்களே ஆச்சரியமாக சொன்னார்களாம்!

மாலைக் காட்சிக்கு 5 மணி முதலே அலப்பரை ஆரம்பித்து விட்டதாம். மிகப் பெரிய பானர்கள் இரண்டு வைக்கப்பட்டிருந்தன என்றும் மாலைகளின் அணிவகுப்பு குவிந்து விட்டதாகவும் செய்தி. 1000 மற்றும் 5000 வாலாக்கள் காதை கிழிக்க [அலைபேசியில் சத்தம் கேட்ட எனக்கே நேரில் கேட்பது போல்] டவுன் ஹால் ரோடே ஸ்தம்பித்ததாம். மீனாட்சி அம்மன் கோவிலுக்கு [கோவிலின் மேல கோபுர வாசலுக்கு அந்த ரோடு வழியாகதான் செல்ல வேண்டும்] சுற்றுலா வந்திருந்த பல வெளிநாட்டினர் இதை கண்டு வியந்து என்னவென்று விசாரித்து விஷயம் புரிந்தவுடன் பிரமித்து புகைப்படம் எடுத்தனராம்.

நமது நண்பரிடம் பேசிய இரு வெளிநாட்டினர் படம் 39 வருடங்களுக்கு முன்பு வெளியான பழைய படம் என்பதையும் படத்தின் நாயகன் இறந்து 12 வருடங்கள் ஆகிறது என்பதையும் கேட்டு அசந்து விட்டனராம் இந்திய, தமிழக அரசியலை பற்றி சிறிது அறிந்து வைத்திருந்த அவர்கள் " Do you get any political support for this ?" என கேட்டனராம். இல்லை என்றதும் ஆச்சரியப்பட்டனராம்.

வெகு நாட்களுக்கு பின் சென்ட்ரல் திரையரங்கில் இன்றைய மாலைக்காட்சிக்கு நீண்ட வரிசையில் நின்று மக்கள் டிக்கெட் வாங்கி சென்றதாக கூறினார். தியேட்டரில் க்யூ வரிசையைப் பார்த்தே நாளாயிற்று என சொன்னார்களாம்!

எல்லாவற்றையும் விட முக்கியமான செய்தி இன்று மதியக் காட்சி வரை வந்த வசூலிலேயே தியேட்டரின் ஒரு வார வாடகை [30,000 ரூபாய்] கவர் ஆகி அதற்கும் மேலாக சென்று விட்டதாம். இன்று இரவுக் காட்சியோடு வசூல் ரூபாய் 45,000/- ஐ தொடும் என தெரிகிறது. அண்மைக் காலங்களில் பல படங்கள் ஒரு வாரத்தில் பெற்ற மொத்த வசூலை விட இது அதிகம்!.

இந்த நாளிலும் இந்த சாதனை எளிதாக வரவில்லை. சுற்றுலாவை ஊக்கப்படுத்தவும் மதுரையும் சிறப்புகளை வெளிநாட்டினரும் மற்றவர்களும் அறிந்து கொள்ளும் வண்ணம் கடந்த மூன்று நாட்களாக [வெள்ளி சனி மற்றும் இன்று ஞாயிறு] மதுரையின் தொன்மையான சங்க காலம் தொட்டு விளங்கி வரும் பாரம்பரிய சிறப்புகளை, பைந்தமிழரின் பல்வேறு வாழ்கை முறைகளை, பாரம்பரிய கலை வடிவங்களை கண்காட்சியாகவும், நகரின் மையப் பகுதியில் ஊர்வலங்கள், தெருமுனை நிகழ்ச்சிகள் போன்ற பல்வேறு வடிவங்கள் மூலமாக வெளிப்படுத்தும் "மாமதுரை போற்றுவோம்" என்ற பெயரில் அரசு நிர்வாகம் ஒரு நிகழ்ச்சியை நடத்தி வருகிறது இதன் காரணமாக கடந்த மூன்று நாட்களாக பேருந்துகள் போலும் நகரின் மையப் பகுதிக்கு வர முடியாமல் சுற்றி செல்கின்றனவாம். போக்குவரத்து வழிகள் மாற்றப்பட்டு நினைத்த இடத்திற்கு செல்லும் பயணம் கடினமாகியிருக்கிறது. இதன் காரணமாக பலர் கார் மற்றும் வாகனங்களை வெளியில் எடுக்கவில்லையாம். இருப்பினும் சென்ட்ரல் திரையரங்கிற்கு மட்டும் கூட்டம் குறையவில்லை.

அது போன்றே படத்தின் பிரிண்ட்-ம் சுமார் ரகம்தானாம். பிரிண்ட் மட்டும் நன்றாக இருந்திருந்தால் படம் இன்னும் உயரம் தொட்டிருக்கும் என சொல்கிறார்கள்.

எத்தனை இடர் வந்தால் என்ன! எத்தனை சோதனைகள் வந்தால் என்ன! அனைத்தையும் வெல்லும் திறன் பெற்றவரல்லவா சௌத்ரி! அவர் பெயரே சொல்லுமே அதை!

S.P.சௌத்ரி என்றாலே Supreme Performer சௌத்ரி என்றுதானே அர்த்தம்!

அன்புடன்

மிக இனிக்கும் சேதி தந்த திரு முரளி ஶ்ரீனிவாஸ் அவர்களுக்கு நன்றி..

ஜூன் 1 - புதுவகுப்புக்கான பாடநூல்கள், எழுதுபொருட்கள் மாலை 5 மணியளவில் வாங்கி, அதை இருவர் மடியிலும் சுமந்தபடி
நானும் என் அன்பு அப்பாவும் தங்கப்பதக்கம் பார்த்த அந்த ஆறுமணி மாலைக் காட்சி..

கதவடைக்குமுன் அரங்குள் எட்டிப்பார்த்த சூரியனின் கதிர்க்கீற்று வெளிச்சம் இன்னும் என் மனதில் அழியாக் கோலமாய்..
அரங்கிருண்டபின் எஸ் பி சவுத்ரியின் ஆர்ப்பரிப்பில் அடங்கிப்போன அத்தனை ரசிக இதயங்களின் துடிப்பு இன்னும் உணரத்தக்கதாய்..

நடிகர்திலகம் - நான் விழித்திருந்த பொழுதுகளில் எத்தனை சதம் இவரால் ரசனை நிரம்பிக் கழிந்திருக்கும்!

நன்றி நடிகர்திலகத்துக்கு!

1968 - எனக்கு 5 வயது.

அப்போதுதான் படிக்கப்பழகிய நேரம்.

சிவாஜி ரசிகர்களான என் அப்பா -அம்மா இருவருமே ஏற்கனவே எங்க ஊர் ராஜா பார்த்துவிட்டார்கள்.. ( எனக்குத் தெரியாமலே!!!!)

என்னை ஒரு நாள் மாலைக் காட்சிக்கு அழைத்துச் சென்றார்கள் என் பெற்றோர். சிவாஜி படம் என்றால்தான் வருவேன் என்றபடி சென்றேன்.

அரங்க வாசலில் உயிரா மானமா என எழுத்துக்கூட்டிப் படித்துவிட்டு, எங்க ஊர் ராஜா படத்துக்குத்தான் போகணும் என அடம்பிடித்து ஆர்ப்பாட்டம் செய்த
என்னை - மற்றவர்கள் ஆர்வத்துடன் பார்த்து விமர்சனம் செய்ததும், என் அப்பா -அம்மா நிலை தர்மசங்கடமானதும்..

ஒரு வழியாய் அழுத்திக் கிள்ளி என்னைப் பலவந்தமாய் உள்ளே தள்ளிப்போன என் அப்பா -அம்மாவிடம் பிணங்கியபடி வேண்டாவெறுப்பாய் அரங்கில் இருந்த என் மனம்
அப்படம் நெடுக... இந்நேரம் எங்க ஊர் ராஜா பார்த்துக்கொண்டிருந்தால் எப்படி இருக்கும் என ஏங்கிய ஏக்கம்... இன்னும் நினைவில் பசுமையாய்..


எத்தனை ஆண்டுகளாய் என் இதயத்தின் ரசனை அங்கம் நம் நடிகர்திலகம் வசம்..


http://www.youtube.com/watch?v=gKm6s5Axz5Q

Dear Murali Sir,

Thanks for your information. "S.P.சௌத்ரி என்றாலே Supreme Performer சௌத்ரி என்றுதானே அர்த்தம்!" - Exactly said.

Mr Murali Sir,

Madurai always for NT. As you told, not only for SP for other NT's movies
the response will be similar or more than that. If you could get any
photos of the allapparai pls post the same.

டியர் காவேரி கண்ணன் சார்,

தங்களின் "எங்க ஊர் ராஜா" அனுபவம் அருமை. சுருங்கச் சொன்னாலும் பசுமையான தங்களின் நினைவுகளை, என் விருப்பம் மற்றும் பாடல் காட்சிகள் வர்ணனையை அழுத்தமாக, அழகாகச் சொல்லும் தங்களின் பாங்கு சிறப்பாக உள்ளது. நன்றி.

"KUMUDHAM - 13-02-2013"

http://i1234.photobucket.com/albums/...ps9078e784.jpg

http://i1234.photobucket.com/albums/...ps87739256.jpg

ஜானகி அம்மாவின் பேட்டிப் பதிவுக்கு நன்றி திரு கேசி அவர்களே..

தகுதியற்றவர்களுக்கு உயர்வு தந்த தேசங்களின் பின்கால வரலாற்றில் அங்கீகாரங்கள் பிடுங்கப்பட்டு அசிங்கப்படுத்தப்பட்டதை அறிவோம்..

உண்மையை அரசியல்/ சர்வாதிகாரம்/ குழும மனப்பான்மையால் அமுக்கி எழுதிய தப்பான வரலாற்றுப் பந்துகளை காலவெள்ளம் மேலே கொண்டு வந்து தள்ளும்..
இளைய தலைமுறை அந்த ஊதல் பந்துகளை நசித்துக் கிழித்து காணாமல் போக்கும்..

உண்மையான திறமையாளர்களை அங்கீகரிக்கத் தவறிய நாடும் அரசும் அடுத்தடுத்த காலகட்டங்களில், அந்தப் புதுத்தலைமுறையிடம் நாணி மன்னிக்க வேண்டி மண்டியிடும்..

கர்ணன் கண்ட இந்தத் தலைமுறை கேட்காதா?

இவரை விடவா '' பாரத்'' பெற இன்னொருவர் இந்த தேசத்தில்?

My Choice என் விருப்பம்

பாடல் - அழுவதா இல்லை சிரிப்பதா
குரல்கள் - டி.எம்.எஸ், பி.சுசீலா
இசை - பெண்டியாலா நாகேஸ்வரராவ்
படம் - பெண்ணின் பெருமை

பொதுவாகவே நடிகர் திலகம் என்றாலே சோகம் என்று கூறும் அளவிற்கு தவறான ஒரு கண்ணோட்டம் பரவியிருக்கிறது. இது ஏன் என்று தெரியவில்லை. நெடுந்தகடு நிறுவனங்கள் கூட நடிகர் திலகம் படப் பாடல்களின் தொகுப்பை வெளியிட்டால் உடனே சோகம் தத்துவம் அல்லது டூயட் என்ற வரையறைக்குள் நின்று விடுகிறார்கள். இந்த தவறான கண்ணோட்டத்தை உடைத்தெறிவது நம் கடமை. அதற்கு நமக்கு பயன் படக் கூடியவை அவர் நடித்த ஜாலியான பாடல்கள்.

இந்த அழகு யாருக்கு வரும், வசீகர புன்னகை என்று பலவாறு வர்ணனைகளை நாம் கண்டிருக்கிறோம், கேட்டிருக்கிறோம். அழகு முகம் பழகு சுகம் என்று சொர்க்கம் திரைப் படத்தில் கவியரசர் வர்ணித்ததற்கேற்ப, அழகு சொட்டும் இந்த முகத்தைப் பாருங்கள். இந்தப் புன்னகையில் வசீகரிக்கப் படாதவர்கள் இப்புவியில் இருப்பரோ.

பெண்ணின் பெருமை திரைப்படத்தில் இடம் பெற்ற அழுவதா இல்லை சிரிப்பதா என்கிற இப்பாடல் என் மிக விருப்பமான பாடல்களில் ஒன்று. மிகவும் சிறிய வயதில் விவரம் தெரியாத பிராயத்தில் இந்தப் பாடலின் ஹார்மோனிய ஒலியும் நடிகர் திலகத்தின் சிரிப்பும் அப்படியே பசுமரத்தாணி போல் நெஞ்சில் பதிந்து விட்டன. கிட்டத்தட்ட 50 ஆண்டுகளாக என் நெஞ்சில் தங்கியுள்ள பாடல்களில் இதுவும் ஒன்று.

டி.எம்.எஸ். மற்றும் பி.சுசிலா என்கிற இணையற்ற டூயட் பாடகர்களின் சாம்ராஜ்யத்தை துவக்கி வைத்த பாடல் அல்லவா. சரியான துவக்கம். டி.எம்.எஸ். மற்றும் சுசீலா குரல்கள், நடிகர் திலகம் மற்றும் எம்.என்.ராஜம் இருவரின் வசீகரப் புன்னகை, பின்னணி இசை, சக நடிகர்களின் ஈடுபாடு கலந்த உழைப்பு யாவையும் இப்பாடலை சிரஞ்சீவித்துவம் பெற வைத்து விட்டன.

பாடலைப் பாருங்களேன். நீங்களே உணர்வீர்கள்.

http://youtu.be/_JbAAtuLGJE

விருப்பப்பதிவுக்கு நன்றி திரு ராகவேந்திரா அவர்களே..

எதையுமே சிறப்பாகச் செய்யும் திறமை பெற்றவர் நம் நடிகர்திலகம்..

சோகச்சுவையையும் அவர் மிகச் சிறப்பாய்ச் செய்ததனால்..
அச்சுவையை அவரைக் கொஞ்சமும் விஞ்சி எவரும் செய்யாததனால் அப்படி தொகுப்புகள் வருகின்றன .. என நினைக்கிறேன்.

இப்பாடலில் இடது கையில் கடிகாரம் ..

பின்னாளில் பல படங்களிலும் அது வலது கையில்!

http://i1234.photobucket.com/albums/...psb8f47968.jpg

நடிகர்திலகத்தின் பன்முகச் சிறப்புகளை விளக்கும் வண்ணம், தொகுக்கப்பட்டு, 2009-ல் வெளிவந்த "சிவாஜி - ஒரு வரலாற்றின் வரலாறு" நூலின அடுத்த பதிப்பு "நக்கீரன் பதிப்பகம்" மூலம் வெளிவந்திருக்கிறது.

தேவைப்படுவோர் கீழ்க்கண்ட முகவரியில் அணுகி பெற்றுக்கொள்ளவும்.

நக்கீரன் பப்ளிகேஷன்ஸ்
105. ஜான் ஜானிகான் ரோடு
ராயப்பேட்டை
சென்னை - 600014
தொலைபேசி : 044 - 43993000 / 43993007

திரு கே.சி. அவர்களே..

உங்களின் முயற்சி, உழைப்பால் உருவான இப்புகழ்மாலை நடிகர்திலகத்தின் இரசிகர்களின் கரங்களில் அதிகம் தவழ்ந்து
அடுத்த தலைமுறைக்கும் அவர் பெருமை பரவட்டும்!

வாழ்த்துகள்!

Dear Mr. Kaveri Kannan

Thanks for your appreciation.

நம் நடிகர்திலகம் சிவனை திலகமே தமிழ்நாட்டின் கலையுலகத் திலகமே என அழகாய் அழைத்துப் பாடும் காட்சி..

கனிந்த முகத்தில் கருணை, பக்தி, இரக்கம், நம்பிக்கை, வியப்பு என எத்தனை உணர்வுகள்...

நம்மில் அதிகம் பேர் கவனத்தில் வைத்திருக்காத இந்த அத்திப்பூ பாடலைத் தரவேற்றிய beeveeyaar + youtube --க்கு நன்றி

(இது நம் திரு ராகவேந்திரா சாளரம் என நினைக்கிறேன்..)


வடிவுக்கு வளைகாப்பு படத்தில் திலகம் பாடும் திலகமே!

http://www.youtube.com/watch?v=N0NH4iyPn_A

See the NT's Smart face in Thookku Thooki and the charmness is the
divine gift to our NT.

திரு. கே.சி அவர்களே நடிகர் திலகம் வரலாற்றின் வரலாறு புத்தக வெளியீட்டிற்கு வாழ்த்துகள்

Quote:

---

Originally Posted by sankara1970

திரு. கே.சி அவர்களே நடிகர் திலகம் வரலாற்றின் வரலாறு புத்தக வெளியீட்டிற்கு வாழ்த்துகள்

---

Dear sankara,

Thanks for your wishes

Mr K C Sir,

I saw the book in Koyambedu Bus Stand and due to
time factor I could not purchase the same. Whenever
I visit Chennai I try to purchase the book.

நவராத்திரி கூத்துப் பாடலை நேற்று ரசித்தபோது நினைவுக்கு வந்த -
என் தம்பி படத்தில் நடிகர்திலகம் நாடகநடிகராய் நடிக்கும் முந்தி முந்தி பாடல்காட்சியை இணையத்தில் தேடியும் எனக்கு அகப்படவில்லை.

நண்பர்கள் உதவுவீர்களா? நன்றி!

இந்த வார விகடன் - மேடையில் எம் எஸ் வி கேள்வி-பதில் பகுதியில்
அவருக்குப் பிடித்த டாப்-10 பாடல்களைப் பட்டியல் இட்டுள்ளார்.

அதில் முதல் 4 இடங்கள் நடிகர்திலகம் பாடல்களே..

1. எங்கே நிம்மதி (புதிய பறவை)
2. யார் அந்த நிலவு ( சாந்தி)
3. தெய்வமே தெய்வமே ( தெய்வ மகன்)
4. தேவனே எம்மைப் பாருங்கள் ( ஞான ஒளி).

மேலும் எதற்கும் ஒரு காலம் உண்டு ( சிவகாமியின் செல்வன்) பாடலும் ''உயர் பத்து'' பட்டியலில் உண்டு!


எம் எஸ் வி மிகவும் கடினப்பட்டு இசைமயமைத்தது , கவியரசரின் வைர வரிகளுக்கு நியாயம் செய்ய நேரம் எடுத்து பல மெட்டுகள் போட்டு சலித்து எடுத்து கடைசியில் திருப்தியாய்த் தந்தது -
ஆட்டுவித்தால் யாரொருவர் ஆடாதாரே ( அவன்தான் மனிதன்)

நிஜகர்ணனாக from facebook

http://www.facebook.com/photo.php?fb...type=1&theater

In this world there is no recognition for Nija Karnan.
Vilambarathai Virumbatha Vindhai Manithar.
Kalam oru naal bathil sollum.

Quote:

---

Originally Posted by abkhlabhi

நிஜகர்ணனாக from facebook

http://www.facebook.com/photo.php?fb...type=1&theater

---

நன்றி abkhlabhi அவர்களே!

விளம்பரத்தாலே உயர்ந்தவன் வாழ்க்கை நிரந்தரமாகாது
விளக்கிருந்தாலும் எண்ணெயில்லாமல் வெளிச்சம் கிடைக்காது

காற்றைக் கையில் பிடித்தவனில்லை
தூற்றித் தூற்றி வாழ்ந்தவர் இல்லை!


http://www.youtube.com/watch?v=_pyYU7U4kQs

http://i.ytimg.com/vi/Xr4gvXXgCnU/0.jpg

இன்று முதல் ஈரோடு விஜயா திரையரங்கில் தினசரி 2 காட்சிகளாக நடிகர் திலகத்தின் சூப்பர் ஹிட் வெற்றிக் காவியம்

என்னைப் போல் ஒருவன்

தகவல் உபயம் - நண்பர் சுப்பு எ சுப்ரமணியம்

ஈரோடு விஜயா திரையரங்கினைப் பற்றி திரு சுப்பு அவர்கள் தந்த தகவல்கள்

அரங்கின் இருக்கை சுமார் 200 பேர் இருக்கும்.
பிரதான ரயில் நிலையத்தின் அருகில் உள்ளது.
நுழைவுக் கட்டணம் ரூ 15.00
ஒரு நாளைக்கு புதிய படங்கள் ரூ.800லிருந்து 1000 வரை வசூலாகுமாம். ஆனால் பழைய படங்கள் நல்ல வசூலைத் தருமாம். குறிப்பாக சிவாஜி எம்ஜிஆர் படங்கள் நல்ல ரெஸ்பான்ஸ் இருக்குமாம்.
ஒரு நாளைக்கு இரு காட்சிகள் மட்டும். மாலை மற்றும் இரவு காட்சி.
நேற்று ஒரு நாளைக்கு மட்டும் என்னைப் போல் ஒருவன் கிட்டத் தட்ட ரூ.2,500 வசூல் செய்துள்ளதாம்.

மேற்கொண்டு நிழற்படங்கள் அளிப்பதாகக் கூறியுள்ளார்.

அவருக்கு நமது நன்றி.

மெய் சிலிர்க்க வைத்த மெய்யான நடிகர்.

தந்தை என்பது தெரியாமல் தங்கம் கடத்தும் தொழிலின் தலைவர் ஸ்பையைப் பிடிக்கப் போராடுகிறான் சிபிஐ அதிகாரி ராஜன். ஒவ்வொரு முறையும் ஸ்பையைப் பிடிக்க முயலும் போதெல்லாம் ராஜனின் திட்டங்கள் தோல்வியுறுகின்றன. ஸ்பை சாமர்த்தியமாக ஒவ்வொரு முறையும் ராஜனிடமிருந்து தப்பித்து விடுகிறான். யாரோ ராஜனுடைய திட்டங்களை ஸ்பைக்கு முன்கூட்டியே தெரியப்படுத்தி விடுகிறார்கள். யார் அது?! குழம்புகிறான் ராஜன். அப்படி யாரும் இருப்பதாக அவன் நினைவுக்கு எட்டிய வரையில் வரவில்லை. ஆனால் அவன் தன்னுடைய தொழில் ரகசியங்களை தான் தாயிடம் மட்டுமே கூறுவான். இறுதியாக ஸ்பையை பிடிக்க இருக்கும் திட்டத்தை ராஜன் தன் தாயிடம் தெரியப்படுத்தி இருந்தான். இதிலும் ஸ்பை எஸ்கேப். இப்போது வருகிறது சந்தேகம் ராஜனுக்கு.

தாயிடம் கோபமும் வருத்தமும் கலந்த நிலையில் வருகிறான் ராஜன். அவன் முகத்தைக் கண்டே அவன் தாய் அவன் உள்ளத்தைப் புரிந்து கொண்டு விடுகிறாள். தன் கணவனான ஸ்பையைக் காப்பாற்ற ராஜனின் திட்டங்களை ஸ்பையிடம் சொல்லி ஸ்பையை தப்பிக்க வைப்பவளே அவள்தானே! மேலும் தன் கணவனைப் பற்றி ராஜனிடம் அவள் மூச்' விட்டதில்லை. அப்படி சொன்னால் ராஜன் தன் தந்தையை அரெஸ்ட் செய்து விடுவானே!

மகனின் முகத்தை ஏறெடுத்துப் பார்க்க முடியாமல் தவிக்கிறாள் தாய். போன காரியம் வெற்றியடையாமல் திரும்பி வந்ததை மகனின் முகம் காட்டுகிறது. இருந்தாலும் சமாளித்துக் கொண்டு போன காரியம் வெற்றியடந்ததா என்று மேலுக்குக் கேட்கிறாள். ராஜன் வெற்றியடைந்து விட்டதாக ஜாடை செய்கிறான் வேண்டுமென்றே! பதறுகிறாள் தாய். தன் கணவன் தன் மகனிடம் பிடிபட்டு விட்டானோ என்று ஒருகணம் ஸ்தம்பித்துப் போகிறாள். அந்தக் கணமே தன் தாயின் முக பிரதிபலிப்புகளின் மூலம் தன் திட்டங்களுடைய தோல்விகளுக்கெல்லாம் அவள்தான் காரணம் என்று கண்டுபிடித்து விடுகிறான் ராஜன்.

எரிமலையாய் வெடிக்கிறான் ராஜன். தன் தாய் யாரோ ஒருவனைக் காப்பாற்ற தன்னை ஏன் பலிகடா ஆக்கினாள் என்று குமுறுகிறான். வார்த்தைகளால் அவளைக் கொல்கிறான். தன் தாய் இரண்டாவதொரு வாழ்க்கை வேறொருவனிடம் வாழ்கிறாள் என்று அவளிடமே கேட்டு அவளைத் துடிக்க வைக்கிறான். அப்போதுதான் அந்தத் தாய் மகன் தேடும் அந்த ஸ்பைதான் அவனின் தந்தை என்ற உண்மையை வெளிப்படுத்துகிறாள். அதிர்ச்சியில் சிலையாய் உறைகிறான் ராஜன். தன் தாய் குற்றமற்றவள் என உணருகிறான். அதே சமயம் ஒரு பயங்கரக் குற்றவாளியைத் தப்பிக்க வைத்த குற்றவாளியாய் தன் தாயைப் பார்க்கிறான். சட்டப்படி நடவடிக்கை எடுத்து, பாச பந்தங்களை அறுத்து, தாயென்றும் பாராமல் அவளைக் கைது செய்கிறான். வேதனையின் விளிம்புக்கே செல்கிறான்.

தாயாக எஸ்.வரலஷ்மி. தந்தையாக O.A.K.தேவர்.

சிபிஐ அதிகாரி ராஜனாக நம் நடிகர் திலகம்.

கேட்கவும் வேண்டுமோ! அற்புதமான சில நிமிடக் காட்சிகள்.

ஸ்பையைப் பிடிக்கும் முயற்சியில் தோல்வியுற்று, தன் தாயின் மேல் சந்தேகப்பட்டு வீட்டுக்கு வரும் நடிகர் திலகம் எதுவுமே பேசாமல் தடுமாறும் தன் தாயைப் பார்க்கும் அந்தப் பார்வை...தன் தோல்விகளுக்கு அவள்தான் காரணமோ என்ற சந்தேகப் பார்வை... தன் தாய் குற்றவாளியா இல்லையா என்று ஊர்ஜிதம் செய்து கொள்ளத் துடிக்கும் அந்தக் கண்கள்... தன்னிடம் காபி கொடுக்கும் அவளின் கை நடுங்குவதைக் கவனித்து தீர்க்கமாக அவளையே ஆழமாக ஊடுருவிப் பார்க்கும் அழுத்தமான அமைதிப் பார்வை...

"போன காரியம் வெற்றியா முடிஞ்சுதாப்பா?" என்று கேட்கும் வரலஷ்மியிடம் மெளனமாக "முடிந்தது" என்பது போல தலையாட்டும் பாவம்..."அவுங்களைப் புடிச்சிட்டியா?" என்று தாய் கேட்க "ஆமாம்" என்பதற்கான ஆழமான தலையசைவு... "அவுங்க இப்ப ஜெயில்லதான் இருக்காங்களா" என்பவளிடம் அதற்கும் "ஆமாம்" என்று வசனமில்லாமலேயே பொய்யாக உணர்த்தும் அற்புதம்...

தன் கணவன் தன் பிள்ளையிடம் மாட்டிக் கொண்டானே என்று அவள் அழும் போது வெடிக்க ஆரம்பிப்பார். தனக்கு நேர்ந்த அவமானத்திற்கு அவள்தான் காரணம் என்று கதறுவார். "அந்த ஸ்பைக்கும் உங்களுக்கும் என்ன உறவு?" என்று கேட்டு "இரண்டாவது வாழ்க்கை வாழ்ந்துகிட்டு இருக்கீங்களா அம்மா?" என்று அவமானத்தால் கூனிக் குறுகிப் போவார். பின் அந்த ஸ்பைதான் ராஜனின் அப்பா என்று விளக்கியவுடன் அப்படியே சிலையாகி விடுவார். பின் அவள் தன்னுடைய பிளாஷ்பேக்கை சொல்லி தன் கணவனும் ராஜனின் தந்தையுமான ஸ்பை எப்படி தேசத்துரோகி ஆனான் என்று விளக்கும் போது சோபாவில் அண்ணாந்து சாய்ந்தபடியே வெறித்து நோக்கியபடி இருப்பார். எதையும் பேசவே மாட்டார்.

தாயைக் கைது செய்யுமுன் அவளைப் பார்க்க முடியாமல் கண்கலங்கும் காட்சி

http://i1087.photobucket.com/albums/..._000108606.jpg

பின் மேலதிகாரியிடம் பெர்மிஷன் வாங்கிக் கொண்டு வந்து தாயை அரெஸ்ட் செய்வார். காவல் அதிகாரிகள் தன் கண்முன்னமேயே தன் தாயை அரெஸ்ட் செய்யும் போது கண்களில் குளமாய் தண்ணீர் தேங்கி நிற்கும். கோட் தோள்களில் சுமக்கப்பட்டிருக்கும். நேராக நிற்க மாட்டார். கதவில் சாய்ந்தபடி நிற்பார். நிற்பதில் ஒரு தொய்வு தெரியும். தன் தாய் கள்ளமற்றவள் என்ற திருப்தியைத் தாண்டி தன் தாய் ஒரு தேசத் துரோகியை தப்பிக்க வைத்தவள் என்ற ஆத்திரம் மேலோங்கி இருக்கும். அவமானத்தால் அசிங்கப்பட்டு நிற்பது போல நிற்பார். அதே சமயம் தன் தாயைத் தவிர யாருமில்லாத தான் எப்படி இனித் தனியாக வாழ முடியும்? என்ற ஏக்கம் அந்த நிற்கும் பாவனையில் பிரதிபலிக்கும். தன் தாய் தன் முகத்தைப் பார்க்கும் போதெல்லாம் தன் தாயைப் பார்க்க முடியாமல் (பிடிக்காமல்) வேறு பக்கம் முகத்தை திருப்பிக் கொள்வார். காவலர்கள் தன் தாயை கைது செய்து அழைத்துச் சென்றவுடன் தன் தாயை நானே கைது செய்து விட்டேனே என்ற குற்ற உணர்வில் கோபமும், வேதனையும் கொப்பளிக்க, உணர்ச்சிப் பிரவாகம் வெள்ளமாய்ப் பொங்க, யாரிடமும் சொல்லித் தேறுதல் படுத்திக் கொள்ளக் கூடிய சூழ்நிலை கூட இல்லாமல் சோபாவில் அமர்ந்து கண்களைக் கைகளால் மூடியபடியே, கால்களைத் துடிக்க வைத்தபடியே துவள்வார். மௌனமும், ஆர்ப்பாட்டமுமாய் நெஞ்சு விம்ம அழுவார். அது அமைதியான அழுகையா... ஆர்ப்பாட்டமான அழுகையா என்று அந்த ஆண்டவனுக்கே தெரியாது. அப்படி ஒரு அற்புதம் கலந்த அழுகைக் கலவை அது.

தாயை ஜெயிலுக்கு அனுப்பிவிட்டு தன்னந்தனியே துடிக்கும் அற்புத சீன்

http://i1087.photobucket.com/albums/..._000201899.jpg

மிக மிக வித்தியாசமான காட்சி. அற்புதத்திலும் அற்புதம். என் மனதை விட்டு இமைப் பொழுதும் நீங்காத காட்சி. ஆண்டவன் படைப்பின் அற்புதங்களில் அற்புதமான அண்ணனின் அற்புத நடிப்பில் நான் மெய் மறந்த, மெய் சிலிர்த்த காட்சி. நிலை மறந்த காட்சி.

படம்: தங்கச் சுரங்கம்.

அன்பு வாசு அவர்களுக்கு,

தங்கத்திலே வைரம்!

முழுக்க மசாலா என எண்ணவைக்கும் தங்கசுரங்கத்தில் இருந்து இப்படி வைரம் எடுத்துத் தரும் உங்கள் அழகிய ரசனைக்கு என் வந்தனம்..

சூப்பர் சார்...

சோபாவில் அமர்ந்து நடிகர் திலகம் துடிக்கும் நெஞ்சுடன் அமர்ந்திருக்கும் போது பின்னணியில் அப்படியே பாடல் துவங்கும் .. எஸ்.வரலக்ஷ்மி அவர்களின் குரலில் பெற்ற மனம் சிறையிலே பாடல். ஒரே FRAMEல் ஒரு புறம் நடிகர் திலகம் ஒரு புறம் வரலக்ஷ்மி, ஒரு புறம் ஓ.ஏ.கே. தேவர் என மூவருமே தங்களுடைய உணர்ச்சிகரமான நடிப்பால் அந்த அருமையான பாடலுக்கு ஜீவன் அளித்திருப்பார்கள். அந்த FRAME COMPOSITIONஐ விளக்க வேண்டுமென்றால் பின்னாளில் மன்னவன் வந்தானடி படத்தில் காதல் ராஜ்ஜியம் எனது பாடலின் முடிவில் ஒரே FRAMEஐ நான்காக diagonalஆக பிரித்திருப்பார்கள். அதே கம்போஸிஷனில் இப்பாடல் காட்சியும் இருக்கும். மூன்று SPLITகள் சில வினாடிகள் வரும். முதலில் ஒவ்வொன்றிலும் ஒவ்வொருவரின் தோற்றம் வரும். பின்னர் மூன்று ஸ்ப்ளிட்டிலூம் நடிகர் திலகம் தோன்றி கலக்கி விடுவார்.

இப்பாடல் காட்சி இப்போதெல்லாம் எந்த பிரதியிலும் இடம் பெறவில்லை.

மிகச் சிறப்பான தொரு காட்சியை பகிர்ந்து கொண்டு அசத்தி விட்டீர்கள். பாராட்டுக்கள்.

அன்பு ராகவேந்திரா அவர்களுக்கு

வாசு அவர்கள் பதித்த வைரத்தை உங்களுக்கேயுரிய கூரிய ரசனையால் பட்டைதீட்டினீர்கள்..

இன்னும் ஜொலிக்கிறது இக்காட்சி!

வாசு சார்,

தங்கசுரங்கம் திரைப்படத்தில் ஒரு முக்கியமான கட்டத்தை மிக அழகாக ரசித்து எழுதியிருக்கிறீர்கள். உங்கள் விவரிப்பில் மன கண்ணில் மீண்டும் அந்த காட்சியை காணும் வாய்ப்பு. வாழ்த்துக்கள்.

சாரதி,

எல்லோரும் கொண்டாடுவோம் மற்றும் எங்கே நிம்மதி பாடல்களை பற்றிய பதிவைப் படித்தேன். சுருக்கமாக் சொல்ல வேண்டும் என்றால் பிரமாதம். அதைப் பற்றிய கூடுதல் அலசல் செய்ய வேண்டும்.

நண்பர் ராகுல்ராம் குறிப்பிட்டது போல கோவை டிலைட் திரையரங்கில் ஹரிச்சந்திரா வியாழன் முதல் திரையிடப்பட்டு வருகிறது. இந்தப் படம் பொதுமக்களின் ஆதரவை பெரிதும் பெற்று வருவதாக செய்தி வந்திருக்கிறது. Non A/C திரையரங்கான இதில் கூட பகல் காட்சிக்கு வந்த கணிசமான பொது மக்கள் கூட்டம் அதை உறுதிப்படுத்தியிருக்கிறது. வரும் நாட்களில் வரவேற்பு அதிகரிக்கும் என்றே கருதப்படுகிறது.

நன்றி திரு ராமஜெயம் அவர்களே!

அன்புடன்

டியர் ஜோ சார்
இன்று பிறந்த நாள் காணும் தங்களுக்கு உளமார்ந்த நல்வாழ்த்துக்கள்.
தங்களுக்காக இல்லற ஜோதி திரைப்படத்திலிருந்து அனார்கலி நாடகம்

http://youtu.be/L-zuhcyBblY

படத்திற்கு வசனம் கண்ணதாசன்
அனார்கலி நாடக வசனம் கலைஞர் கருணாநிதி

Thanga Surangathai thantha Neyveli Thangathirku Nandri.

Dear Mr.Joe,

Wish you many more happy returns of the day

Dear Vasudevan Sir,

"மெய் சிலிர்க்க வைத்த மெய்யான நடிகர்" - Article is very good.

மிக்க நன்றி ராகவேந்திரா சார்!
மிக்க நன்றி சந்திரசேகர் சார்!

Neyveli Vasudevan sir,

Excellent nerration about the power-packed situation in Thanga Surangam. What an acting in that scene, and your nerration gives more light to that particular episode. Thanks a lot for your brief exam.

Thanga Surangam is one of my alltime favourite. When watching the still you provided, I am in surprise why the directors used wig in some movies in that period, when his real hairstyle is wonderfull. For movies like Kaval Dheivam, wig is unavoidable, but what is the necessity for a wig in movies like Niraikudam..?.

Kaveri Kannan sir,

Thanga Surangam is not just a masala movie, it is a combination of all. Who can forget the climax 'Church scene'..?.

Raghavendra sir,

I watched this movie several times from my young age. But I never seen the 'four bit scene' in any print. I saw such a scene only in Mannavan Vandhanadi (kaadhal raajiyam song) you mentioned and in 'Needhi' climax (before put vanakkam).

As Mr Adiram mentioned in his post, most of the directors could have used
the natural hairstyle of NT.

டியர் ஜோ சார்,

எனது அன்பான பிறந்த நாள் வாழ்த்துக்கள்.

நூறாண்டு காலமும், அதற்கு மேலும் பல்லாண்டு பல்லாண்டு வாழ வாழ்த்தும்

அன்பன்
வாசுதேவன்.

http://www.garyjwolff.com/image-file...shes%20275x274

http://www.youtube.com/watch?v=jrc2VdEe1D8&feature=player_detailpage

Mr Joe Sir,

Singapore Sivaji Rasigarukku Happy Birthday. Many More Happy Returns of the day.

தங்கச் சுரங்கப் பதிவைப் பாராட்டிய ராகவேந்திரன் சார், கண்ணன் சார், முரளி சார், சந்திரசேகரன் சார், ஆதிராம் சார், சித்தூர் வாசுதேவன் சார் அனைவருக்கும் என் உளமார்ந்த நன்றி!