Printable View
கேள்வி பிறந்தது! நல்ல பதில் கிடைத்தது! - 138
கே: நடிகர் திலகத்துக்கு அடுக்கடுக்காகப் படங்கள் 'புக்' ஆகியிருப்பது எதைக் காட்டுகிறது? (ஏ.தர்மபூபதி, பொள்ளாச்சி)
ப: நடிப்பாற்றல் மிக்கவருக்குத் தான் நிரந்தரப் புகழ் உண்டு என்பதை.
(ஆதாரம் : பேசும் படம், ஜூன் 1972)
அன்புடன்,
பம்மலார்.
Quote:
SIVAJI GANESAN VIZHA - 2010
Dear Friends,
Sivaji Ganesan's legacy of acting is still admired today. His fame came from his versatility and expressive prowess in Tamil cinema.
In conjunction with his forthcoming 83rd Birthday celebrations the Sivaji Ganesan Vizha - 2010 would be held in KL soon. The highlight of the evening would be the Sivaji Ganesan Award 2010 to be presented to a deserving local artiste. Many more entertaining items are on the cards.
As in the past, admission would be FREE.
Please look forward for further details soon.
Regards
Eashvara Lingam
Sivaji Ganesan Cultural Society, Malaysia
016-6880455
கேள்வி பிறந்தது! நல்ல பதில் கிடைத்தது! - 139
கே: "ராஜ ராஜ சோழன்" ஆங்கிலத்தில் தயாரிக்கப்படுகிறதா? (எஸ்.பாஸ்கரன், சென்னை - 5)
ப: ஆங்கில டைட்டிலுடன் திரையிடப்படும், வெளிநாடுகளில்.
(ஆதாரம் : பேசும் படம், நவம்பர் 1972)
அன்புடன்,
பம்மலார்.
பிறவி நடிகர் சிவாஜி ! - நடிகர் ஒய்.ஜி.மகேந்திரன் பேட்டி! எஸ்.ரஜத்
அக்.,1 நடிகர் சிவாஜி கணேசன் பிறந்தநாள் !
நடிகர் திலகம் சிவாஜி கணேசனின் பரம ரசிகரும், 37 படங்களில் அவரோடு இணைந்து நடித்திருப்பவரும், சிவாஜி குடும்பத்தினரால் அவரது மூத்த மகன் என்று கருதப்படுபவரும், ஐம்பது ஆண்டுகளாக தமிழ் மேடை நாடகங்களில் தொடர்ந்து நடித்து சாதனை செய்து வருபவருமான ஒய்.ஜி.மகேந்திரன், சிவாஜி யின் அரிய பண்புகளையும், அவருடன் தனக்கு ஏற்பட்ட சுவையான அனுபவங்களை யும் நினைவு கூர்கிறார்:
"நமஸ்காரம் சார்... என் பெயர் சிவாஜி கணேசன். 1952ம் வருடத்திலிருந்து நடிச்சிட்டிருக்கேன். எம்.ஆர்.ராதா, எஸ்.வி.ரங்காராவ், நாகேஷ் போன்ற பெரிய ஆர்ட்டிஸ்ட் களுடன் கூட நடித்திருக்கேன். இன்னிக்கு, ஒய்.ஜி.மகேந்திரன் என்ற பிசி நடிகருக்காக, மேக்-அப் எல்லாம் போட்டுண்டு, இரண்டு மணி நேரமா வெயிட் பண்றேன். ரொம்ப சந்தோஷம்...' என்றார் சிவாஜி.
டைரக்டர் யோகானந்த் இயக்கத்தில், பல்லாவரத்தில் கிராண்ட் ட்ரங்க் ரோடு அருகே, "சுமங்கலி' படத்தின் ஷூட்டிங். சிவாஜி இருக்கும் படப்பிடிப் பிற்கு எப்போது சென் றாலும், அவர் கால் தொட்டு வணங்கிவிட்டுத் தான் உள்ளே செல்வேன்; அன்றும் அப்படித்தான் செய்தேன். அவர் மேற்கண்ட வாசகங்களைச் சொன்னதும், அரண்டு போனேன்.
"அப்படிச் சொல்லாதீங்க சார்... கே.பாலாஜி சாரின், "சட்டம்' படத்திற்கு காலை ஏழு மணிக்கு கிழக்கு கடற்கரை சாலையில் ஷூட்டிங். ஒரு மணி நேரத்திலேயே விட்டுடறேன்னு சொன்னார். அங்கே முடிக்க பத்து மணி ஆயிடுத்து... சிவாஜி கூட பத்து மணிக்கு ஷூட்டிங்ன்னு சொன்னேன். அவர்கிட்டே நான் சொல்லிக்கறேன்னு பாலாஜி சொன்னாரு. ஒர்க் முடிந்ததும் ஓடி வர்றேன் சார்...' என்றேன்.
"சரி விடு... அவன் அப்படித் தான்!' என்றார் சிவாஜி. "சீக்கிரம் போய் டிரஸ் மாத்திக்கிட்டு வா...' என்றார். தயாரிப்பாளரும், நடிகருமான கே.பாலாஜி, சிவாஜிக்கு ரொம்ப நெருக்கம்.
சிவாஜிக்கு குழந்தை மனசு. வந்த வேகத்திலேயே, கோபம் போய் விட்டது. சுமங்கலி படத்தில் அவர் லாரி டிரைவர்; நான் அவருக்கு உதவியாளர். இருவரும் ஜாலியாக பாடிக் கொண்டு நடிக்க வேண்டிய பாடல் காட்சி. லேட்டாக ஆரம்பித்தாலும், அன்று மாலைக்குள்ளாக பாடல் முழுவதும் எடுத்தாகி விட்டது.
என்னைப் பொறுத்த வரை சிவாஜி சாதாரண மாக இருந்தால், "வாடா, பரதேசி, பைத்தியக் காரா...' என்று அன்பாக கூப்பிடுவார்; "சார்' என்று அழைத்தால், கோபம் அல்லது ஏதோ பிரச்னை என்று அர்த்தம்.
தன்னுடன் நடிக்கும் நடிகர், நடிகைகளுக்கு நல்ல வாய்ப்பு கொடுத்து, இன்னும் சிறப்பாக நடிக்க, "டிப்ஸ்' கொடுப்பதில், சிவாஜிக்கு நிகர் சிவாஜி தான். தாங்கள் நடித்த படங்களிலேயே தங்களுக்கு மிகவும் பிடித்த, புகழ் பெற்றுக் கொடுத்த நல்ல படம் எது என்று நடிகர்களிடம் கேட்டால், அவர்கள் சொல்வது, சிவாஜியுடன் நடித்த படங்களாகத்தான் இருக்கும். "முரடன் முத்து' படத்தில், சண்டைக் காட்சியில் நடிக்கும் போது, அவருக்கு காலில் சுளுக்கு ஏற்பட்டு விட்டது. நடக்கவே கூட கஷ்டப்பட்டார். அன்று இரவு, "நவராத்திரி' படப்பிடிப்பு. கால் வலி அதிகம் இருந்தாலும், இயக்குனர் ஏ.பி.நாகராஜன் என்பதால், கட்டாயம் படப்பிடிப்பிற்கு சென்றாக வேண்டும் என்ற நிலை. சிவாஜிக்கு அன்று குஷ்டரோகி வேடம். கால் மரத்துப் போகும் போது சிலர், "விந்தி, விந்தி' நடப்பர். அதை கவனித்திருந்த சிவாஜி, அதை மனதில் கொண்டு, "விந்தி, விந்தி' நடந்து, ஏ.பி.நாகராஜனிடமிருந்து பாராட்டு பெற்றார். கடந்த 1975ல், எனக்கும், சுதாவிற்கும் திருமணம் நடந்தது. முகூர்த்ததிற்கு முதல் ஆளாக வந்தவர்கள், சிவாஜியும், அவர் மனைவி கமலாவும் தான். ஆண்டாள் அலங்காரத்தில் சுதாவை, எங்கள் உறவினர் நடிகை வைஜெயந்தி மாலா அழைத்து வந்தார். சுதா வருவதைப் பார்த்து லேசாக கை தட்டிய சிவாஜி, "பியூட்டிபுல்... லவ்லி' என்றார். சில ஆங்கில வார்த்தைகளை சிவாஜி உச்சரிக்கும் போது, அதற்கு தனி சிறப்பு கிடைக்கும். "லவ்லி' என்று அழுத்தமாக அவர் பேசியது அலாதி வேல்யூ. அடுத்து தான் கிளைமாக்ஸ்... என்னை கிட்டே அழைத்து, "டேய்... இது உனக்கு டூ மச் இல்லே!' என கிண்டலடித்தார். அதே போல, 1998ல், என் மகள் மதுவந்திக்கும், நடிகை சாவித்ரியின் பேரன் அருணுக்கும் நிச்சயதார்த்தம் நடந்தது. காஞ்சி ஓட்டலில் நடந்த அந்த விழாவிற்காக, தஞ்சாவூரிலிருந்து காரில் வந்தார் சிவாஜி. நேராக காஞ்சி ஓட்டலில் வந்து இறங்கினார். "நான் இங்கே வரவில்லை என்றால், இரண்டு பேர் என்னைத் திட்டுவாங்க. இவங்க அப்பன் (ஒய்.ஜி.பி.,) ஆவியாக வந்து திட்டுவான்; இந்த பரதேசி, நேரே வந்து திட்டுவான்...' என்றார் சிவாஜி. ஒரு பெரிய ரசிகன் தான், தலை சிறந்த கலைஞனாக வர முடியும் என்பது, சிவாஜி யிடமிருந்து நான் கற்றுக் கொண்ட முதல் பாடம். ஒருமுறை எங்கள் நாடகத்திற்கு வந்தபோது, பைஜாமா, ஜிப்பா அணிந்து ஸ்மார்ட்டாக இருந்த இந்தி இளைஞரை, தன்னுடன் அழைத்து வந்தார். அவர் தன்னுடைய விசிறி என்றும், இந்தி திரையுலகில் பெரிய ஆளாக வருவார் என்றும் சொன்னார். அவர் தான் பின், பெரிய ஹீரோவாகி, இந்தியாவின் சிறந்த நடிகர் என்ற, "பாரத்' விருது பெற்ற நடிகர் சஞ்சீவ்குமார்.
படிக்காத மேதை படத்தைப் பற்றி விமர்சனம் செய்த போது, "குமுதம்' இதழில், "இந்தப் படத்தில் சிவாஜியை நாங்கள் பார்க்கவில்லை; ரங்கன் என்ற வேலைக்காரரை மட்டும் தான் பார்த்தோம்!' என்று சிறப்பாக எழுதியிருந்தனர். "உன்னை நீ மறந்துவிடு; கேரக்டரோடு ஐக்கியப்படுத்திக்கோ...' என்பது சிவாஜியின் தாரக மந்திரம். "உத்தம புத்திரன்' என்ற மாபெரும் வெற்றிப் படத்தில், பார்த்திபன், விக்கிரமன் என்று இரட்டை வேடங்களில் சிவாஜி தூள் கிளப்பியிருப்பார். நல்லவன் பார்த்திபனும், கெட்டவனான விக்கிரமனும் (இருவரும் இளவரசர்கள்) பத்மினியை சந்திப்பர். "பத்மினியுடன் பேசும் போது, பார்த்திபன், பார்த்திபன் தோற்றத்தில் விக்கிரமன் இரண்டிற்கும் எப்படி வித்தியாசம் காட்டினீர்கள்...' என அவரை கேட்டேன்."பார்த்திபன், பத்மினியுடன் பேசும் போது, அவன் கண்ணில் காதல் உணர்வு தெரியும்; பார்த்திபனாக வரும் விக்கிரமன் பேசும் போது, அவன் கண்ணில் காமம் தான் தெரியும்!' என்றார்; அது தான் சிவாஜி. "இரண்டு, மூன்று வேடங்கள் செய்யும் போது, கண்ணில், நடையில், குரலில், பாடி லாங்குவேஜில், பாவனைகளில் வித்தியாசங் களை காண்பிக்க வேண்டும். அப்போது தான், நன்றாக இருக்கும்...' என்று, எனக்கு விளக்கினார் சிவாஜி.
அவர் சொன்ன நுணுக்கங்களைப் பின்பற்றித் தான், "அந்த ஏழு நாட்கள்' நாடகத்தில், ஏழு பாத்திரங்களிலும், "வெங்கடாத்ரி' நாடகத்தில் மூன்று பாத்திரங்களிலும் வெற்றிகரமாக நடித்தேன். அவர் சொன்னதில் பத்து சதவீதம் செய்தாலே, ரசிகர்களின் பாராட்டுகளைப் பெறலாம். அவர் ஒரு பிறவி நடிகர்.
"பரீட்சைக்கு நேரமாச்சு' என்ற எங்கள் குழுவின் வெற்றி நாடகத்தை படமாக்க பேசிக் கொண்டிருந்த சமயம். வேறொரு படத்திற்கு ஷூட்டிங்கிற்காக, நாங்கள் இருவரும் பெங்களூருக்கு சென்றிருந்தோம். படப்பிடிப்பு ஆரம்பிப்பதற்கு ஒன்றரை மணி நேரம் முன்பே லொகேஷனுக்கு வரச் சொன்னார். படப்பிடிப்பு நேரத்தில், அந்தப் படத்தைத் தவிர, வேறு எந்த வேலையும் பார்க்கக் கூடாது என்பது அவரின் கட்டுப்பாடு.
"பரீட்சைக்கு நேரமாச்சு' நாடக கதையை முழுமையாக அவருக்கு சொன்னேன்; உன்னிப் பாக கேட்டார். இந்த கதையை படமாக எடுக்கலாமா, இல்லையா என்று எதுவும் சொல்லவில்லை. படப்பிடிப்பு முடியும் போது, அவருடைய உதவியாளர், "நாளைக்கும் காலை 7.30 மணிக்கு உங்களை வரச் சொன்னார்...' என்று தகவல் கொடுத்தார்; நானும் சென்றேன்.
"நேத்து நீ சொன்ன கதையில், நரசிம்மாச்சாரி என்ற கேரக்டர் பற்றி நான் புரிந்து கொண்டதைச் சொல்றேன்... நீ சரியா இருக்கான்னு பாரு...' என்று விவரமாக சொல்ல ஆரம்பித்தார். முழுமையாக சொல்லி முடித்ததும், "இது தாண்டா என் ரோல்!' என முடித்தார். எனக்கு இன்ப அதிர்ச்சி. "நீங்க அந்த கேரக்டரை எங்கேயோ கொண்டு போயிட்டீங்க. நாங்க கூட இவ்வளவு நினைக்கலை...' என்றேன்.
அவர் அந்த கேரக்டரை செய்வது நிச்சயமாகி விட்டது. எனக்கு மகிழ்ச்சி. "ஏண்டா இன்னும் நிக்கறே?' என்றார். "இல்லை சார்...' இழுத்தேன். "வரது குட்டி கேரக்டரை நீ தான் பண்றே போ...' என்று உத்தரவாதம் அளித்தார். அந்த நாடகத்தின், படத்தின் மூலக்கதை என்னுடையது. திரைக்கதை, "வியட்நாம் வீடு' சுந்தரம்.
அந்தப் படத்தில் எனக்கு இரண்டு கேரக்டர்கள். ஒன்று மாணவன்; மற்றொன்று ரவுடி. படப்பிடிப்பில், ரவுடி எப்படி நடக்க வேண்டும் என்று சிவாஜி செய்து காட்டினார். "படிச்சவனுக்கும், படிக்காதவனுக்கும், நடையில் நிறைய வித்தியாசம் இருக்கு தெரியுமா...' என்று சொல்லிவிட்டு, பஞ்சக்கச்சம் வேஷ்டி கட்டியிருந்த நரசிம்மாச்சாரி, பேட்டை ரவுடியாக நடித்துக் காண்பித்தார். "பரீட்சைக்கு நேரமாச்சு' படம் ரிலீசான போது, அவருடைய சாந்தி தியேட்டரின் முதல் நாள் ÷ஷாவிற்கு இருவரும் சென்றிருந்தோம். அவர் சொல்லிக் கொடுத்த மாதிரி, ரவுடியின் நடையை, பாடி லாங்குவேஜ் செய்திருந்தேன். தியேட்டரில், கதவுக்கு அருகே போடப்பட்டி ருந்த நாற்காலியில் அமர்ந்த அவர், ரவுடி அறிமுக காட்சியில் என்ட்ரி ஆனதும், தியேட்டரில் நிறைய கைதட்டல். என்னைப் பார்த்து, "சொன்னேன் பார்த்தியா?' என்று பெருமிதமாக சொன்னார். அந்தப்படம் 97 நாட்கள் வெற்றிகரமாக ஓடியது. இயக்கம், தயாரிப்பு முக்தா ஸ்ரீநிவாசன்.
நடிப்பதை சிவாஜி சற்று குறைத்துக் கொண்ட போது, மாதம் ஒருமுறை அவர் வீட்டுக்குச் சென்று அவரோடு இரண்டு மணி நேரம் பேசிக் கொண்டிருப்பேன். பொதுவாக இரவு 7.30 மணிக்கு அவர் மாடிக்கு போய்விட்டால் யாரும் டிஸ்டர்ப் செய்ய மாட்டார்கள். "வேற யார் வந்தாலும் டிஸ்டர்ப் பண்ண வேண்டாம்; அந்தப் பைத்தியக்காரன் ஒய்.ஜி.மகேந்திரன் வந்தால், மேலே அனுப்பு. என்னைப் பார்க்காமல் அவன் போகக் கூடாது...' என்று சொல்வார். எனக்கு கிடைத்த பொன்னான சலுகை அது.
கடந்த 2001 ஜூலை 21ம் தேதி சிவாஜி மறைந்தார். 2002லிருந்து தொடர்ந்து ஒவ்வொரு ஆண்டும் அவரது பிறந்த நாளில், என் இசைக் குழுவினரோடு, சிவாஜியின் பிரபல படப் பாடல்கள் நிகழ்ச்சி நடத்தி வருகிறேன். அன்று மாலை நிகழ்ச்சி முழுவதற்கும் நான் ட்ரம்ஸ் வாசிப்பேன். சென்னை காமராஜ் அரங்கமே நிரம்பி வழியும். அவர் கூட நடித்த நடிகர், நடிகை களுக்கு, "சிவாஜி அவார்டு ஆப் எக்சலன்ஸ்' என்ற விருதை வழங்கி கவுரவிக்கிறோம். பிரபு, ராம்குமார் நிகழ்ச்சியில் பங்கேற்று, விருதை வழங்குவர்.
தஞ்சாவூரிலிருந்து சிவாஜியின் உறவினர்கள், நண்பர்கள் என்று நூறு பேர் விழாவிற்காக, பிரத்யேகமாக வருவர். என் ஆசானுக்கு, கலையுலக தந்தைக்கு, நான் மனதார செய்யும் அஞ்சலி இது."உங்க அம்மா என்னை ஏமாத்திட்டாங்க... நீ எனக்குத் தான் பிறந்திருக்கணும்...' என்று உணர்ச்சி வசப்பட்டு, கமலா அம்மா சொல்லி யிருக்கிறார். சிவாஜியின் மகள்கள் சாந்தி, தேன்மொழி, மகன்கள் ராம்குமார், பிரபு, என்னை மூத்த சகோதரனாகத் தான் இன்றும் கருதுகின்றனர். அது நான் செய்த பாக்கியம்.
***
டியர் RC,
Y.Gee.மகேந்திரனின் உணர்ச்சிப்பூர்வமான நினைவலைகளின் தொகுப்பை அளித்தமைக்கு மிக்க நன்றி. அந்த மாபெரும் கலைஞனைப்பற்றி யார் எவ்வளவு புகழ்ந்தாலும் தகும் என்பதை மகேந்திரன் நிரூபித்திருக்கிறார்.
ஒய்.ஜி.தன் மகனாகப்பிறக்கவில்லையே என்று கமலம்மாள் வருத்தப்பட்டிருக்க வேண்டியதில்லை. அவரது மகனாகப் பிறந்திருந்தால் இவ்வளவு விவரமாக நடிகர்திலகத்தைப்பற்றி புகழ்ந்து பேச முடியாது.
சற்றுமுன் கிடைத்த தகவல்
நடிகர் திலகம் சிவாஜி கணேசன் பிறந்த நாளை முன்னிட்டு சென்னை புரசைவாக்கம் மினி மோட்சம் திரையரங்கில் 01.10.2010 வெள்ளி முதல்
புதிய பறவை
தினசரி 4 காட்சிகள்
இந்த வாய்ப்பை அனைவரும் பயன் படுத்திக் கொள்ளுமாறு கேட்டுக் கொள்கிறேன்.
அன்புடன்
ராகவேந்திரன்
சாரதா,
தாமதத்திற்கு மன்னிக்கவும். இமயம் படத்தைப் பற்றிய உங்களின் விமர்சனம் மற்றும் பின் குறிப்புகள் அனைத்தும் எப்போதும் போல சுவை. வழக்கம் போல் படத்தைப் பற்றி சொல்ல ஒன்றுமே நீங்கள் பாக்கி வைக்கவில்லை. எனவே சில பின்னணி தகவல்கள் [அதிலும் பெரும்பாலானவற்றை நீங்களே சொல்லி விட்டீர்கள்].
நிறைகுடம், அருணோதயம், தவப்புதல்வன்,அன்பை தேடி என்று வரிசையாக படம் எடுத்த முக்தா பிலிம்ஸ் பின் ஒரு இடைவெளி விட்டு எடுத்த படம் அந்தமான் காதலி. எப்போதும் செலவை குறைத்து சிக்கனமாக படம் எடுக்கும் முக்தா முதன் முறையாக அந்தமான் சென்று படம் எடுத்து வந்தார். படத்தின் வெற்றியைப் பார்த்தவுடன் உடனே அதே கூட்டணியில் அடுத்தப் படத்தை ஆரம்பிக்க முடிவு செய்தார்கள். இம்முறை நேபால் என்று முடிவானது. அதற்கேற்பவும் நடிகர் திலகத்திற்கு பொருந்தும் வண்ணம் இமயம் என்ற பெயர் முடிவானது.
அந்தக் காலகட்டத்தில் அதாவது 1978 மார்ச் மாதத்தில் மீண்டும் நடிகர் திலகம் தொடர் வெற்றிகளை அடைந்துக் கொண்டிருந்த நேரம். அண்ணன் ஒரு கோயில், அந்தமான் காதலி, தியாகம், என்னைப் போல் ஒருவன் என்று வெற்றி மேல் வெற்றி. அந்த நேரத்தில் ஏராளமான புதுப் படங்களில் நடிகர் திலகம் book ஆனார். தினத்தந்தியில் தினம் ஒரு முழுப் பக்க விளம்பரம் வந்துக் கொண்டிருந்தது. கவரி மான், வசந்தத்தில் ஓர் நாள், நான் வாழ வைப்பேன், தர்மராஜா, குகநாதனின் படம் [நடிகர் திலகம் ஸ்டெப் கட் முடி வைத்து அலெக்ஸ் என்ற பெயரில் நடித்தார்] போன்ற படங்களும்,இது தவிர படபிடிப்பில் இருந்த புண்ணிய பூமி, ஜெனரல் சக்ரவர்த்தி, பைலட் பிரேம்நாத், ஜஸ்டிஸ் கோபிநாத் மற்றும் திரிசூலம் [அப்போது பெயரிடப்படவில்லை] ஆகியவை படப்பிடிப்பில் இருந்தன.
அந்நேரம்தான் 1978 மே 5 அன்று தச்சோளி அம்பு படப்பிடிப்பில் சண்டைக் காட்சியின்போது நடிகர் திலகத்தின் கையில் எலும்பு முறிவு ஏற்பட்டது. இதன் காரணமாக மூன்று மாதங்கள் ஓய்வு எடுக்க வேண்டிய சூழ்நிலை. மீண்டும் ஆகஸ்ட் 10 அன்றுதான் நடிகர் திலகம் படப்பிடிப்பில் கலந்து கொண்டார். நான் வாழ வைப்பேன் படத்தில் தம்பிக்கு கிரிக்கெட் பாட் வாங்கி வரும் காட்சியில் நடித்தார். அதன் பிறகு உடனே நடித்துக் கொடுக்க வேண்டிய பைலட், ஜஸ்டிஸ் மற்றும் திரிசூலம் படங்களை முடித்துக் கொடுத்தார்.
இதற்கிடையில் பாலாஜி அடுத்தப் படத்திற்காக காத்துக் கொண்டிருந்தார். எப்போதுமே அக்டோபர் மாதம் படம் ஆரம்பித்து டிசம்பரில் முடித்து ஜனவரி 26 அன்று படத்தை வெளியிடும் பழக்கம் உடைய பாலாஜி இம்முறை நல்லதொரு குடும்பத்தை முடித்தும் கூட திரிசூலதிற்காகவும், கவரிமான் படத்திற்காகவும் விட்டுக் கொடுக்க வேண்டிய சூழல்.
பாலாஜியைப் போலவே வி.சி.சண்முகத்திடம் உரிமை எடுத்துக் கொள்ளக் கூடிய முக்தா அடுத்து தன் இமயம் படத்திற்கு கால்ஷீட் வாங்கி விட்டார். படப்பிடிப்பை வேகமாக முடித்த முக்தா சீனிவாசனுக்கும் காத்திருக்க வேண்டிய சூழல். நடிகர் திலகத்திற்கு ஏற்பட்ட விபத்தால் மொத்த படங்களின் ரிலீஸ் தேதிகள் பிரச்சனைக்குள்ளாகின. திரிசூலம் படம் வெள்ளி விழா ஓடிய பிறகுதான் ரிலீஸ் தேதி கிடைக்கும் என்று உணர்ந்த முக்தா சரியாக 176 -வது நாளான ஜூலை 21 -ந் தேதியை ரிலீஸ் தேதியாக அறிவித்தார். இதற்கு முன்னரே கே.ஆர்.விஜயா நான் வாழ வைப்பேன் படத்திற்கு ஆகஸ்ட் 10 ரிலீஸ் தேதி வாங்கி விட்டார். [அவரையும் குறை சொல்ல முடியாது. காரணம் 1978 மார்ச் மாதம் விளம்பரம் வரும்போதே மே வெளியீடு என்று கொடுத்தவர்கள் அவர்கள். ஆனால் அது நீண்டு 1979 ஆகஸ்ட் ஆனது]. இது ரசிகர்களுக்கு கோபத்தையும் விநியோகஸ்தர்களுக்கு பிரச்சனையையும் உருவாக்கியது.
காரணம் நல்ல திரையரங்கள் ஒப்பந்தம் செய்யப்பட வேண்டும். நீங்கள் குறிப்பிட்டது போல இது மதுரையில் பெரிதும் எதிரொலித்தது. இமயம் படத்திற்கு சரியான தியேட்டர் இல்லை. சிந்தாமணியில் திரிசூலம், சென்ட்ரலில் நல்லதொரு குடும்பம் ஓடிக் கொண்டிருந்தது. தேவியில் நான் வாழ வைப்பேன் படம் ஒப்பந்தம் செய்யப்பட்டிருந்தது. அடுத்த நிலை தியேட்டர்களான கல்பனாவில் கல்யாணராமனும், அலங்காரில் தர்ம யுத்தமும் ஓடிக் கொண்டிருந்தன. சினிப்ரியா மினிப்ரியாவில் ரோசாப்பூ ரவிக்கைகாரி மற்றும் அலாவுதினும் அற்புத விளக்கும். ஏனோ தெரியவில்லை இமயம் படத்தின் விநியோகஸ்தரான சேது பிலிம்ஸ் நியூசினிமா தியேட்டரை அணுகிய மாதிரியே தெரியவில்லை. இத்தனைக்கும் ஜெய்சங்கரின் மார்கெட்டை குப்பறத் தள்ளிய மு.க.வின் ஆடு பாம்பே தான் ஓடிக் கொண்டிருந்தது. அதை மூன்றே வாரங்களில் தூக்கி விட்டு என்னடி மீனாட்சி என்ற படத்தை வெளியிட்டார்கள். இறுதியில் சேது பிலிம்ஸ் தாங்கள் ரிலீஸ் செய்து நன்றாக போய்க் கொண்டிருந்த நல்லதொரு குடும்பம் படத்தையே 79 நாட்களில் மாற்றிவிட்டு இமயம் படத்தை சென்ட்ரலில் ரிலீஸ் செய்தனர்.
ஸ்ரீவித்யா பற்றி சொன்னீர்கள். உண்மை. திறமை வாய்ந்த அவரை தமிழ் திரையுலகம் சரியாக பயன்படுத்திக் கொள்ளவில்லை. ஆனால் மலையாள படவுலகம் அவரை இரு கை நீட்டி ஏற்றுக் கொண்டது. அந்தமான் காதலி படத்தில் சுஜாதா நாயகி. அந்த படத்தின் ஷூட்டிங் நடக்கும் போது தீபம் வெளியாகி பெரு வெற்றி பெற்றது. அந்தமான் காதலிக்கு பின் ஆரம்பிக்கப்பட்டு ஆனால் அந்தமான் காதலிக்கு முன்னேரே வெளியான அண்ணன் ஒரு கோயிலும் பெரிய வெற்றி. தொடர்ந்து வந்த அந்தமான் காதலியும் வெற்றி. இப்படி தொடர்ந்து மூன்று வெற்றிப் படங்களில் ஜோடியாக நடித்தவர்களை தயாரிப்பாளர்கள் தங்கள் படங்களில் ஒப்பந்தம் செய்வது இயல்பு. ஆனால் அண்ணன் ஒரு கோயில் படப்பிடிப்பின் போதே சுஜாதா, தினகர் என்பவரை காதல் திருமணம் செய்து அமெரிக்கா போய் விட்டார். புன்னகை அரசியும் பிசியாக இருந்ததால் ஸ்ரீவித்யாவிற்கு வாய்ப்பு கிடைத்தது. அவரும் முதன் முறையாக நடிகர் திலகத்துடன் ஜோடி சேரும் வாய்ப்பு என்பதால் [திருவருட் செல்வர் படத்தில் சிறுமியாக வருவார்] ஒப்புக் கொண்டு நடித்தார். ஜோடி நன்றாகவே இருந்தது. மீண்டும் நீதியின் நிழல் படத்தில் நடிகர் திலகத்திற்கு ஜோடியானார்.
இமயம் வந்த காலக் கட்டம் இந்திய அரசியலிலும் தமிழக அரசியலிலும் ஒரு முக்கியமான நேரம். பொதுவாகவே அரசியல் திருப்பங்கள் நடக்கும் நேரத்தில் வெளியாகும் படங்கள் அச்சூழல் காரணமாக போதிய வெற்றியை பெறாமல் போவதை நாம் நடிகர் திலகம் படங்களின் மூலமாகவே பார்த்திருக்கிறோம். 1967 பொது தேர்தலின்போது வெளியான நெஞ்சிருக்கும் வரை, 1971 பொது தேர்தலின்போது வெளியான அருணோதயம் ஆகியவற்றை குறிப்பிடலாம்.
1977 சட்டசபை தேர்தலுக்கு பிறகு அன்னை இந்திரா மீது மதுரையில் நடந்த கொலை வெறி தாக்குதலை விட்டு விட்டு பார்த்தால் பொதுவாக அரசியல் பெரிய பரபரப்பின்றி ஓடிக் கொண்டிருந்த நேரம்.
1978-ல் இந்திரா காங்கிரஸ் என்ற இயக்கத்தை உருவாக்கி ஆந்திராவில் சென்னா ரெட்டியின் தலைமையிலும் கர்நாடகத்தில் தேவராஜ் அர்ஸ் தலைமையிலும் ஆட்சியை பிடித்ததையும் அதன் தொடர்ச்சியாக கர்நாடகத்தில் சிக்மகளூர் தொகுதியில் போட்டியிட்டு ஜனதாவின் வீரேந்திர பாட்டிலை தோற்கடித்து நாடாளுமன்ற உறுப்பினரான இந்திரா அம்மையாரை அன்றைய ஜனதா ஆட்சி இம்பீச்மென்ட் [Impeachment] முறையில் உடனே பதவி நீக்கம் செய்தது. மீண்டும் நாடாளுமன்ற உறுப்பினராக வெற்றி பெற பாதுகாப்பான தொகுதியை தேடிக் கொண்டிருந்தார் இந்திரா.[இவற்றையெல்லாம் நாம் ஏற்கனவே இதே திரியில் பேசியிருக்கிறோம்].
1977 நாடாளுமன்ற தேர்தலில் தஞ்சை தொகுதியில் வெற்றிப் பெற்ற எஸ்.டி.சோமசுந்தரம் தமிழக அமைச்சரவையில் இடம் பெற்றதால் தன் எம்.பி பதவியை ராஜினாமா செய்தார். இதை தவிர நாகை நாடாளுமன்ற தொகுதியின் உறுப்பினரும் இந்திய கம்யூனிஸ்ட் கட்சியை சேர்ந்தவருமான முருகையன் கொலை செய்யப்பட்டதால் இரண்டு தொகுதிகளுக்கும் 1979 ஜூன் மாதம் இடைத் தேர்தல் அறிவிக்கப்பட்டது. காங்கிரஸ் அ.தி.மு.க கூட்டணி ஏற்பட்டது. தஞ்சையில் இந்திராவே போட்டியிடுவார் என்ற செய்திகள் பரவலாக பேசப்பட்டு வந்தன. அந்த நேரம் தி,மு.க சார்பில் இந்திராவை எதிர்த்து மு.க.வே போட்டியிடுவார் போன்ற செய்தி பரப்பட்டது. தேர்தலில் பெரிய அளவில் வன்முறை நடக்கலாம், ஆகையால் இந்திரா போட்டியிடுவதை தவிர்த்தல் நலம் என்று டெல்லி சென்ற எம்.ஜி.ஆர். கேட்டுக் கொண்டார். அன்றைய பிரதமர் மொரார்ஜியின் நிர்பந்தம் காரணமாகவே இது நடந்தது என்று செய்திகள் வந்தன. இந்திரா போட்டியிடவில்லை. சிங்காரவடிவேலு காங்கிரஸ் சார்பில் போட்டியிட்டு தி,மு,க.வின் அன்பில் தர்மலிங்கத்தை தோற்கடித்தார். ஆனால் பக்கத்து தொகுதியான நாகையில் தி.மு.க. கூட்டணியில் போட்டியிட்ட வ. கம்யூனிஸ்ட் வேட்பாளார் [அவர் பெயரும் முருகையன்தான்] அ.தி.மு.க. வேட்பாளரை [மகாலிங்கம்?] தோற்கடித்தார். ஒரே நேரத்தில் திராவிடக் கட்சிகள் தோற்று தேசியக் கட்சிகள் வெற்றி பெற்ற தேர்தல் அது. மட்டுமல்ல அ.தி.மு.க. தோன்றிய பிறகு நடந்த இடைத் தேர்தல்களில் அக்கட்சி சந்தித்த முதல் தோல்வியும் அதுதான் என்ற முறையில் கவனம் ஈர்த்த தேர்தலும் கூட.
தஞ்சையில் தான் போட்டியிட முடியாததை இந்திரா ஒரு கோவத்தோடு எதிர் கொண்டார். இந்த தேர்தலுக்கு பின்தான் சஞ்சய் காந்தியின் ஆட்சி கவிழ்ப்பு முயற்சிகளுக்கு இந்திரா பச்சை கொடி காட்ட பிரதமர் நாற்காலியில் ஒரு நாளேனும் அமர்வதை வாழ்கையின் லட்சியமாக கொண்டிருந்த சரண்சிங் மொரார்ஜி ஆட்சியை கவிழ்த்தார். ஆட்சி கவிழும் என்ற கட்டத்தில் அதுவரை மொரார்ஜி மந்திரிசபைக்கு ஆதரவளித்த எம்.ஜி.ஆர்., ஆட்சி கவிழ்ந்தவுடன் சரண்சிங் ஆட்சிக்கு ஆதரவு கொடுத்து சத்தியவாணி முத்தையும் பாலா பழனூரையும் அமைச்சர்கள் ஆக்கினார்.
நண்பர் மகேஷ் ஒருமுறை குறிப்பிட்டது போல படத்தின் தரம் போலதான் ஓட்டமும் இருக்கும் என்றாலும் கூட, அந்த காலக் கட்டத்தில் நேர்ந்த அரசியல் திருப்பங்கள் அதிலும் குறிப்பாக சுதந்திர இந்தியாவில் முதன் முறையாக ஆட்சிக் காலம் முடியும் முன்னரே ஆட்சி கவிழ்ந்ததனால் ஏற்பட்ட குழப்பமான சூழல், அதற்கு பதிலாக ஏற்படுத்தப்பட்ட மைனாரிட்டி(!) சரண்சிங் அரசின் ஆயுள்காலம் பற்றிய பயம்,இப்படிப்பட்ட நேரத்தில் சினிமா அதிலும் சுமாரான சினிமா மக்கள் கவனம் ஈர்க்காமல் போனதில் அர்த்தம் இருக்கிறது.
இதை தவிர அன்று இந்தியாவை மட்டுமல்ல உலகத்தையே அச்சுறுத்திக் கொண்டிருந்த விஷயம் வேறு ஒன்றும் இருந்தது. ஸ்கை லாப் என்ற விண்வெளி கலம் ஒன்று தன் பாதையிலிருந்து விலகி பூமியை நோக்கி வேகமாக வந்துக் கொண்டிருப்பதாக சொன்ன நாசா விஞ்ஞானிகள் அது பூமியில் எந்த பாகத்திலும் விழலாம் என்றும் அதை தடுக்க முயற்சிகள் எடுத்துக் கொண்டிருப்பதாகவும் ஆனால் அந்த முயற்சிகள் எந்தளவிற்கு பயனளிக்கும் என்று தெரியவில்லை என்றும் சொல்லியிருந்தார்கள். அந்த விண்கலம் விழும்போது பெரிய அளவில் பொருட்சேதமும் உயிர்சேதமும் ஏற்படலாம் என்று சொல்லிக் கொண்டிருந்தார்கள். இவை தினசரி பேப்பர்களில் வந்துக் கொண்டிருந்தன. மக்கள் கூட்டமாக கூடும் இடங்களில் இது ஒரு மனதளவிலான பாதிப்பையும் ஏற்படுத்தியது. ஆனால் anti - climax என்று சொல்லுவார்களே, அது போல அந்த ஸ்கை லாப் இறுதியில் யாருக்கும் எந்த தொல்லையும் இல்லாமல் கடலில் விழுந்து உயிரை விட்டது.
நான் முதலில் சொன்னது போல படம் ஓடாததற்கு காரணங்களை சொல்லவில்லை. அன்றைய சூழல் எப்படி இருந்தது என்று சுட்டிக் காட்டவே இந்த நீண்ட பதிவு.
மற்றபடி இமயம் பற்றி நினைக்கும் போது இரண்டு நினைவுகள் வரும். ஒன்று ஆனந்த விகடன் விமர்சனத்தில் கங்கை யமுனை பாடலைப் பற்றி பற்றி எழுதும்போது அவர்கள் எழுதியிருந்தது "இந்த பாடலின் போது தன் அனுபவத்தையே வயதாக கொண்ட நடிகர்களுக்கு சவால் விட்டிருக்கிறார் சிவாஜி".
இரண்டாவது நினைவு இந்த படம் வெளியான நாள் - ஜூலை 21.
அன்புடன்
டியர் முரளி சார்,
1977,78,79 ஆம் ஆண்டுகளில் இருந்த தமிழ்த் திரை சூழல், தமிழக அரசியல் சூழல், இந்திய அரசியல் சூழல், உலக நிகழ்வுகள் என உங்களது பதிவில் ஒரு மினி வரலாற்றுக் களஞ்சியத்தையே கொடுத்து விட்டீர்கள்.
உங்களுக்கு எனது நன்றி கலந்த பாராட்டுக்கள்!
அன்புடன்,
பம்மலார்.
கேள்வி பிறந்தது! நல்ல பதில் கிடைத்தது! - 140
கே: "ராஜ ராஜ சோழன்" படம் இரண்டு வாரங்களில் இருபத்தைந்து லட்ச ரூபாய் வசூல் தந்தது குறித்து தங்கள் கருத்து என்ன? (எஸ்.பாலகிருஷ்ணன், திருச்சி - 20)
ப: இப்படிப்பட்ட படங்கள் தயாரிக்க மற்றவர்களுக்கு ஆர்வம் ஏற்பட வேண்டுமானால் இந்தப் படம் வசூலில் வெற்றி பெறத்தானே வேண்டும்!
(ஆதாரம் : பேசும் படம், மே - ஜூன் 1973)
அன்புடன்,
பம்மலார்.
Please click the link below: (News)
http://www.sivajiperavai.com/View_Press.php?id=119
Thanks & regards