பற்றி கொள்ளத்தானே
பஞ்சும் நெருப்பும்
விட்டிலும் விளக்கும்
கொம்பும் கொடியும்
இரும்பும் காந்தமும்
அழிவா ஆதரவா
இரண்டும் இயல்பா
வியப்பான விதியா
Printable View
பற்றி கொள்ளத்தானே
பஞ்சும் நெருப்பும்
விட்டிலும் விளக்கும்
கொம்பும் கொடியும்
இரும்பும் காந்தமும்
அழிவா ஆதரவா
இரண்டும் இயல்பா
வியப்பான விதியா
விதியாலே தான் வாழ்க்கை
மதியாலே மாற்ற முடியாது
விதிப்படி தான் யாவும் அவரவர்
விதிப்படி தான் சாவும் என்பார் சிலர்
வீதி கடக்கும் போது மட்டும் அவர்
பீதியுடன் நோக்குவார் இருபுறம்
ஊழிற் பெருவலி யாவுள என்றீரே
விதிவிலக்கு இதற்கேனோ என்றால்
வெட்கப்பட்டே இம்மாந்தர் சாதிப்பர்
விதி சாலை விதி இதுயெனவே !
இதுயெனவே அறியும் கணம்
பிறக்கும் போதிமர ஞானம்
மாறி மாறி வரும்
பகலும் இரவும்
இன்பமும் துன்பமும்
நிலையாமை நிலையானது
நிலையானது எதுவென கேட்பின்
கலையாத அன்பு தொலையாத புகழ்
மலையான நம்பிக்கை மீளாத மரணம்
அதனினும் நிலை எதுவென கேட்பின்
நிலையாமை ஒன்றே நிலைத்து நிற்கும்
நீக்கமற இவ்வையகத்தில் என்றென்றும்
நெருநல் உளனொருவன் இன்றில்லை இது
நில்லாத மாற்றத்தால் இயங்கும் உலகு!
https://encrypted-tbn0.gstatic.com/i...l681yChV495jbg
உலகு என்றொரு கோளம்
எது அதன் அடையாளம்
நீர் நில பல வளங்கள்
காட்டு வீட்டு உயிரினங்கள்
நாளும் உயரும் அறிவியல்
நட்பு வளர்க்கும் வயல்கள்
இணைய வலைத்தளங்கள்
இணைந்தே இருக்கும் மனங்கள்
மங்காத மனிதநேய மரபுகள்
மாறாத நன்னெறிப் பாதைகள்
பாதைகள் பல உண்டு மானிட வாழ்வினிலே
உபாதைகளும் உண்டு உட(ல்)ன் பிறந்ததாலே!
போதாது போதாது போகுமிடம் தெரிந்தால் மட்டும்
போகுமா இப்பாதை அதை அறிதல் வேண்டும்
அது மட்டும் போதாது வெல்ல வேண்டும்
வாழ்வுதனை வீணாக்காமல் : அதற்கே வேண்டும்
அயராத உழைப்பு அத்துடன் ஆர்வம் வேண்டும்
திறம் வேண்டும் தளராத நம்பிக்கையும் வேண்டும்!
https://encrypted-tbn2.gstatic.com/i...pomMcsarx4fK4g
வேண்டும் சட்டென உருகும் உதவும் மனம் மட்டும்
உடுக்கை இழந்தவன் கை போல் இடுக்கண் களைய
கூடின கரங்கள் அறவே இல்லையங்கு பேதங்கள்
அன்பொன்றே இப்பேரிடரில் காதில் கேட்ட ஒரே மொழி
This is my poem on Middle age crisis wherein demand will be peaking in office,and personal front , lot of money needs, Tiredness and wornout sensation on relations,Lot of personal losses on relations , Feeling of rejection,owing to peaking in career associated backstabbing, soaring of relations,obsessive compulsions on renewed youth, misdirections Etc. Made it as simple as possible without losing essence or purpose. Enjoy.
மத்தியமம்
உன்னதம் காணும் உயர்வு
உன்மத்தம் கொள்ளும் சிந்தை
மன்மதன் விழையும் விந்தை
நன்னகம் நாடும் அயர்வு
இழவுகள் காணும் நிகழ்வுகள்
இழிவுகள் என்றும் நிதர்சம்
விழுமுன் கண்முன் கடன்கள்
எழுமுன் மண்மூடும் கரங்கள்
சுற்றங்களின் நோக்கில் அலட்சியம்
முற்றங்களில் வீழ்த்தும் அந்நியம்
ஏற்றங்கள் காணும் பணப் புழுக்கம்
நாற்றங்களின் மோப்பங்கள் விரிப்படியில்
நோக்கங்கள் நிறைந்து கும்பல்
நாக்குகளில் வழியும் பூந்தேன்
சாக்குகளில் பொழியும் வன்னுணர்வு
வாக்குகளில் அழியும் நன்னுணர்வு
கடிவாளம் கட்டிய செக்குக்காளை
அடிநாதமாய் ஒட்டிய மங்குகாதல்
படித்துறையில் நிறையும் பாசிகள்
அடித்து ஓடும் சாநீர்
This is my poem on Middle age crisis wherein demand will be peaking in office,and personal front , lot of money needs, Tiredness and wornout sensation on relations,Lot of personal losses on relations , Feeling of rejection,owing to peaking in career associated backstabbing, soaring of relations,obsessive compulsions on renewed youth, misdirections Etc. Made it as simple as possible without losing essence or purpose. Enjoy.
மத்தியமம்
உன்னதம் காணும் உயர்வு
உன்மத்தம் கொள்ளும் சிந்தை
மன்மதம் விழையும் விந்தை
நன்னகம் நாடும் அயர்வு
இழவுகள் காணும் நிகழ்வுகள்
இழிவுகள் என்றும் நிதர்சம்
விழுமுன் கண்முன் கடன்கள்
எழுமுன் மண்மூடும் கரங்கள்
சுற்றங்களின் நோக்கில் அலட்சியம்
முற்றங்களில் வீழ்த்தும் அந்நியம்
ஏற்றங்கள் காணும் பணப் புழுக்கம்
நாற்றங்களின் மோப்பங்கள் விரிப்படியில்
நோக்கங்கள் நிறைந்து கும்பல்
நாக்குகளில் வழியும் பூந்தேன்
சாக்குகளில் பொழியும் வன்னுணர்வு
வாக்குகளில் அழியும் நன்னுணர்வு
கடிவாளம் கட்டிய செக்குக்காளை
அடிநாதமாய் ஒட்டிய மங்குகாதல்
படித்துறையில் நிறையும் பாசிகள்
அடித்து ஓடும் சாநீர்
ஒரே மொழி தான்
எப்போதும் என்றும்
எக்காலத்திலும் சிறந்தது
அது
மெளனம்..
மௌனம் கொடிது, உணர்ந்தேன் உன் மரணத்தில்
பேசின விழிகள் மூடிட
சிந்திய சிரிப்பு மறைந்திட
உடல் மட்டும் உறைந்திட
உள்ளம் உயிரோடு என்னிடம் இருந்திட
நினைவுகளை நிஜமாக நினைத்துக் கொள்கிறேன்
கனவொன்று கண்டேன்
கண்டதும் சொன்னேன் அவரிடம்
புன்னகையே உதிர்ந்தது அவரிடம்
உதிராத வார்த்தைகளை எண்ணி
கனவுகளில் மிதக்கிறேன் மீண்டும்..!
வாடல் எப்போது?
பெண்டாட்டி இல்லாதபோதா
இருக்கும்போதா?
பிள்ளை இல்லாதபோதா
இருக்கும்போதா?
போதிமரம் அறியாதபோதா
அறிந்தபிறகா?
இப்படியான தேடல் ஏதும்
இல்லாத போதல்லவோ வாடல்..!
பெண்பிள்ளை கடைக்கு போனாள்
பச்சையாய் பொறுக்கி காய் வாங்கினாள்
ஆண்பிள்ளை பையை நீட்டினான்
வாடலை நிறுத்துப் போட்டான் கடைக்காரன்
கடைக்காரன் காத்திருந்தான்
சாலையில் சனங்கள் அங்குமிங்கும்
அவனை அலட்சியம் செய்வது போல்
ஆனாலும் காத்திருந்தான்
காத்திருப்பு கைபோகவில்லை
அவள் வந்தாள்
கையில் பணத்துடன்
ஆர்வத்துடன் நோக்கினான் கடைக்காரன்
கேட்டாள் அவள்
கிடைக்குமா முகக்கவசம் என்று..!
PP ma'm, aren't we supposed to start from the last word? : )
பிடி பட மாட்டேங்குது! மறந்தே போச்சி!
என்று கிடைக்கும் என்று
அன்று ஏங்கிய ஒன்று
இன்று கையில் கிடைத்தது
நன்று போகிறது பொழுது
பொழுது புலரும்
உலகுக்கு
உயிர்களுக்கு
இணைவோம் மையத்தில்
இசைப்போம் மகிழ்விசை
இறைவன் ஆசி..!
ஆசி கிடைக்குமா ஈசியாய்
கடந்த பல மணி நேரமாய்
கடத்தப்பட்டிருந்தேன்
காடு போலிருந்த உலகிற்கு
கற்கால நாட்களுக்கு
தொலைதொடர்பறுந்த
தொல்லை தொடர்ந்ததால்
மீண்ட சொர்க்கம் காத்திருக்க
மீண்டும் சோதனை வருமோ
தீர்வை தேடுகிறேன் தீவிரமாய்
செர்வரை மாற்றுவேன்
பார்த்துவிடலாம் ஒரு கை
ஒரு கை பார்ப்பது
உடுப்பி ஓட்டலில் சாத்தியமாகலாம்
சைபர் கிருமினல்களை
சைபர் ஆக்குவது
சைவ சாப்பாடு போலல்ல
சவாலான செயலாம்
சாக்கிரதையாய் இருப்பதே சரி..!
சரிகமபதநி ஏழு சுவரங்களில் எண்ணற்ற பாடல்கள்
அத்தனைக்கும் அர்த்தம் தரும் அநேக பாவங்கள்
உணர்ச்சிகள் பொங்கினால் கொட்டும் அருவிகள்
உருவாக்க தேவை இயற்கையான ரசனைகள்
ரசனைகள் மாறலாம்
ரசிகர்கள் மாறலாம்
இளையராஜாக்கள் போகலாம்
ரகுமான்கள் வரலாம்
ஹரிஹரன்கள் போகலாம்
அனிருத்துகள் வரலாம்
ஆயினும்
இசையருவி கொட்டுவது தொடரும்..
தொடரும் நிழல்
ஒளியில் மறையும்
துரத்தும் நாயும்
கல்லெடுத்தால் ஓடும்
எதிர்க்கத் துணிந்தால்
தடைகள் விலகும்
நம்பி நடந்தால்
பாதை தெரியும்
தெரியும் எல்லாம்
என்று எண்ணியிருக்க,
மேலும் படிக்கப் படிக்க,
தெரியாமையே தெரிந்தது அவனுக்கு!
அவனுக்கு தனி இலக்கணம்
அவளுக்கு தனி அகராதி
இணையாமல் இணைந்தே
இருப்புப்பாதை தண்டவாளம்
அர்த்தநாரி வண்டவாளம்
தாம்பத்யத்தின் அடையாளம்
Sent from my ONEPLUS A6000 using Tapatalk
அடையாளம் அறிவீரோ
அவனை அறிய..
எங்கும் இருப்பானாமே..
எதிலும் இருப்பானாமே..
அப்படியெனில்
அடையாளங்களிலும் இருக்க வேண்டுமே
எனவே, அறிவது எப்படி?
எப்படி பாடினரோ என்றால்
பக்தியின் வியப்பு அன்றோ
எப்படி எழுதினரோ என்றால்
இலக்கிய தாகம் அல்லவோ
எப்படி ஏய்த்தனரோ என்றால்
மௌடீகமே மாயா மயக்கமே
Sent from my ONEPLUS A6000 using Tapatalk
மயக்கமே
மனிதனை நீ
கோதையாய்
போதையாய்
பேதையாக்கி
பிறகு பாதையாய்
வழிநடத்துகிறாய்
என்ன தான் உன் இலக்கு?
இலக்கு என ஏதுமிருப்பதில்லை
வாலறுந்த காகித பட்டத்திற்கு
மரத்திலிருந்து உதிர்ந்த சருகிற்கு
காற்றடிக்கும் திசையில் அது செல்லும்
செல்லும் திசை வேறென்றாலும்
சென்ற இடம் வேறென்றாலும்
பண்பாடு மறப்பதில்லை தமிழர்
பண்டிகை மறப்பதில்லை
பொங்கலோ போகியோ
பழைய நார்மலோ
புதிய நார்மலோ
கொண்டாடிவர்
குறைந்தபட்சம் வாட்ஸ்ஆப்பில்..!
வாட்ஸ்ஆப்பில் இன்று கலவரம்
மார்க்கு மேல பொங்குது கோபம்
என்ன இருக்கு புதுசாய் இழக்க
தெரிந்த பேயா தெரியாத பூதமா
கிளைக்குக் கிளை தாவுது
நம் மனமெனும் குரங்கு
Sent from my ONEPLUS A6000 using Tapatalk
குரங்கு சேட்டையை நிறுத்து!
சுட்டிகளிடம் முறைக்கும் அம்மாக்கள்
சந்தையில் வாங்கிய பழங்கள்!
நசுங்கிவிடுமோ கலக்கத்துடன் முதியோர்கள்
இறங்கி விடுவாளோ அடுத்த நிறுத்தத்தில்!
தவிப்புடன் நகம் கடிக்கும் ரோமியோக்கள்
அனைவரையும் சுமந்து ஊர்வலம் போக!
நிறைமாத கர்ப்பிணியாய் நகர்ந்தது பேருந்து
பேருந்து பயணம் ரொம்ப மாறிப்போச்சி
சில்லென்ற காத்து முகத்தைக் கொஞ்ச
பறக்கின்ற காட்சிகளாய் பச்சை வயல்கள்
விருந்தாய் மனசை நிறைத்தது அன்று
கருப்புக் கண்ணாடி மூடிய சன்னல்கள்
திரையில் ஓடுது காமா சோமா சினிமா
Sent from my ONEPLUS A6000 using Tapatalk
காமா சோமா சினிமா தியேட்டரு
வாமா முனிம்மா இன்னா மேட்டரு
வீணா வேணாம் எங்கிட்ட பீட்டரு
சீனா தானா வந்துட்டா பேஜாரு