Printable View
மறக்க முடியாத மார்ச் - 1968
மக்கள் திலகத்தின் மாபெரும் வெற்றி சித்திரம் ''குடியிருந்த கோயில்'' 15.3.1968 அன்று வெளி வந்து தமிழகமெங்கும் 10 அரங்கில் 100 நாட்கள் மேல் ஓடி , 1968 ல் வெளிவந்த படங்களில் அதிக வசூல் பெற்ற படமாக திகழ்ந்தது . 47 ஆண்டுகளாக தொடர்ந்து மறு வெளியீடுகளிலும் சாதனை புரிந்துகொண்டு வரும் காவிய படைப்பு .
மறக்க முடியாத மார்ச் - 1972.
மக்கள் திலகத்தின் ரிக்ஷாக்காரன் படத்திற்கு பின் மாபெரும் வெற்றி பெற்ற படம் ''நல்ல நேரம் ''
10.3.1972 அன்று வெளிவந்தது . சென்னை நகரில் 4 அரங்கிலும் 100 நாட்கள் ஓடியது . சித்ரா - மகாரணியில் 100 காட்சிகள் மேல் தொடர்ந்து அரங்கு நிறைந்தது . சென்னை ராம் அரங்கில் 100 நாட்கள் ஓடிய மக்கள் திலகத்தின் ஒரே படம் . தென்னகமெங்கும் வசூலில் முதற் பாதியில் வெற்றி வாகை சூடிய படம் .
no brain wash - reality
தமிழ் சினிமா ஹீரோக்கள் மத்தியில் இன்றும் உயர்ந்து நிற்கிறார் எம். ஜி. ஆர்....!
தமிழ் திரைவுலகில் தமிழக மக்களின் மனதைக் கவர்ந்த கதாநாயகனாக இன்றுவரை தனக்கு நிகராக ஒருவரும் இல்லை என்று சொல்லுமளவுக்கு உயர்ந்து நிற்கிறார் எம். ஜி. ஆர். அவர் இறந்து ஒரு கால் நூற்றாண்டு காலம் ஆகியும் இன்றும் தமிழக மக்கள் அவரை நினைவு கூறுகிறார்கள் என்றால் அதற்கு காரணம் இன்றையத் தலைமுறையினரையும் கவரும் அவரது திரைப்படங்கள் தான் என்பதை யாராலும் மறுக்கமுடியாது.
எம். ஜி. ஆர் சுமார் 135 படங்களில் நடித்திருக்கிறார். அத்தனைப் படங்களிலும் அவர் ஏழை மக்களுக்கு உதவி செய்யும் இரக்கமனம் படைத்த நல்ல மனிதனாகவே நடித்தது என்பது அவரது ரசிகர்களை அதே வழியில் செல்ல அவர்களது சிந்தனையை தூண்டியது என்பதையும் யாராலும் மறுக்கமுடியாது. அவர் திரைப்படத்தில் ஏழை மக்களுக்கு உதவுவார். உழைப்பாளி மக்களின் உரிமைகளை கேட்கும் தோழனாக இருப்பார். இவரை அடிக்கும் வில்லன்களிடம் கூட இரக்கம் காட்டுவார். இவரை தாக்கும் வில்லன்களை உடனே தாக்கமாட்டார். பிறகு அடிவாங்கிய அதே வில்லனுக்கு அறியுரை வழங்கி உதவிசெய்வார். இவரது சண்டைக்காட்சிகளில் வன்முறை இருக்காது. ஒரு முறை அன்றைய சோவியத் யூனியனில் நடைபெற்ற திரைப்படவிழாவில் எம். ஜி. ஆர் நடித்த திரைப்படம் ஒன்றையும் திரையிட்டிருக்கிறார்கள். அந்த திரைப்படத்தில் வரும் சண்டைக்காட்சியில், எம்ஜிஆர் கத்தி சண்டைப் போட்டிருக்கிறார். அதைப்பார்த்த ரஷிய மக்கள் ''எம்ஜிஆர் அழகா டான்ஸ் ஆடுறாரு'' என்று சொல்லியிருக்காங்க. அந்த அளவுக்கு வன்முறை இல்லாத சண்டைக்காட்சிகளாக இருக்கும். எம்ஜிஆர் கதாநாயகியிடம் கூட சண்டைப்போட்டுட்டு வருகிறேன்னு சொல்ல மாட்டார். ''விளையாடிவிட்டு வருகிறேன் வேடிக்கைப்பார்'' என்று சொல்லி சண்டைக்காட்சிகளை கூட விளையாட்டாய் செய்வார்.
கதாநாயகி ஆபத்தில் சிக்கிக்கொண்டால், சாகசங்களை எல்லாம் செய்து காப்பாற்றுவார். காதல் காட்சிகள் விரசமில்லாது இருக்கும். எல்லை மீறாத காதலாக இருக்கும். காதல் பாடல்கள் இலக்கியமாக இருக்கும். எம்ஜிஆர் ஒரு குறிப்பிட்டக் காலம் வரை பாடல் காட்சிகளில் கூட கதாநாயகியை தொடாமல் நடித்து வந்திருக்கிறார். அதேப்போல, எம்ஜிஆர் திரைப்படத்தில் கதைக்காக கூட மது அருந்துவது போலவோ, சிகரெட் குடிப்பது போலவோ நடித்ததில்லை. பெண்களை கேலிசெய்வது போன்றெல்லாம் இல்லாமல் அவர்களுக்கு மதிப்பளிப்பதும், அம்மாவை உயர்த்திக்காட்டுவதும், உயர்த்தி பாடுவதும், சிறுவர்களுக்கும் இளைஞர்களுக்கும் அறியுரை வழங்குவதும், அறியுரை வழங்கி பாடுவதும் எம்ஜிஆர் படங்களில் உள்ள சிறப்பம்சங்கள் ஆகும்.
இப்படியெல்லாம் எம்ஜிஆர் நடித்ததால், அவரை நியாங்களை கேட்கும் ஒரு நல்ல வீரனாகவும், காதல் ததும்பும் கதாநாயகனாகவும், உதவிகள் செய்யும் நல்ல மனிதனாகவும், நன்னடத்தை கொண்ட நல்ல பண்பாளராகவும் மக்கள் பார்வையில் உயர்வான மனிதராக காட்சியளித்தார். பிற்காலத்தில், இப்படியாக அவர் நடித்த திரைப்படங்களும், அவரைப்பற்றிய மக்களின் பார்வையும், அதனால் அவர் மீது ஏற்பட்ட நம்பிக்கையுமே அவரை தமிழக அரசியலில் ஒரு உயர்ந்த இடத்திற்கு இட்டுச்சென்றது.
இன்றைக்கு அவரது காலத்திற்கு பிறகு, அவரை பின்பற்றி நடிப்பவர்களும், தனக்கென தனி முத்திரையோடு நடிப்பவர்களும் எம்ஜிஆரைப் போன்று மக்களின் மனதில் இடம்பிடிக்க முடியவில்லை என்பது உண்மை.
அதுவும் இன்றைக்கு தமிழ்த் திரைப்படத்தில் நடிக்கும் கதாநாயகர்களை பார்க்கும் போது, இளைஞர்களைப் பற்றி - குழந்தைகளைப் பற்றி - சமூகத்தைப் பற்றி அக்கறையில்லாமல் வெறும் இலாப நோக்கத்தில் நடிக்கும் கதாநாயகர்களைத் தான் நம்மால் பார்க்க முடிகிறது. இன்றைய ஹீரோக்கள் என்றால், மது அருந்துவார், புகைப்பிடிப்பார், பெண்களை கேலி செய்வார், அம்மா - அப்பாவை மதிக்கமாட்டார், அப்பா சட்டைப்பையிலிருந்து காசு திருடுவார், சண்டைக்காட்சிகளில் வில்லன்களை விட மோசமாக வன்முறையோடு சண்டைப்போடுவார், எதிரிகளின் மண்டை உடையும் - எலும்புகள் முறியும் - ரத்தம் சொட்டும் - கத்தியால் குத்தப்பட்டு, துப்பாக்கியால் சுடப்பட்டு, மின்சார ட்ரான்ஸ்பார்மரில் தூக்கி எறியப்பட்டு உயிர் போகும் - வரம்பு மீறி காதலிப்பார் - இப்படியாக நல்லப் பண்புகளே இல்லாத கதாநாயகர்களையே நாம் அன்றாடம் பார்க்கிறோம். அந்தக்காலத்தில் வில்லன்கள் செய்ததை எல்லாம் இன்றைய கதாநாயகர்கள் செய்கிறார்கள்.
அதனால் தான் இவர்கள் எம்ஜிஆரைப் போல் மக்களின் மனதில் நிற்பதில்லை. அதனால் தான் இன்றைய ஹீரோக்களைப் பார்க்கும் போது மக்களின் மனதில் இன்றும் உயர்ந்து நிற்கிறார் எம்ஜிஆர்.
எம்.ஜி.ஆரைத் தவிர்த்து விட்டு
என்னைப் பற்றி – என்னை மட்டும் தனித்தெழுத,
என்னால் ஆகாது.ஏனெனில் –
என் –
உணவில் உப்பாகவும்; உதிரத்தில் வெப்பாகவும்;
அவரும் நானும் ‘இரட்டை இலை’; ஒருவரே
எனும்படி – என்னுள் இருக்கிறார் எம்.ஜி.ஆர்.
– கலந்து; கரந்து; கரைந்து !
- காவியக் கவிஞர் ' வாலி .
http://i1170.photobucket.com/albums/...psmtlbc2km.jpg
அரசியல்வாதியாக இல்லை என்றாலும் ஓர் நடிகராக இவரை ரசிக்காதோர் எவருமில்லை, உங்களால் தான் வாத்தியாரே திரை உலகமும் அரசியல் களமும் ஓர் புரட்சியை கண்டது.
காற்றுக்கு ஏது கடைசி மூச்சு, இன்றைய தலைமுறையினர் மனதிலும் அனையாத சுடரொலிதான் புரட்சித் தலைவர்!
Quote:
Originally Posted by RavikiranSurya
நண்பர் திரு.ஆர்.கே.எஸ்.,
அப்பாடா..! நீண்ட நாட்களாக உங்களை எதிர்பார்த்துக் காத்திருந்தேன். வந்தீர்களே. சரி, முதலில் ஒரு விஷயம்.
பெரிய இடத்துப் பெண் படத்தின் வசூல் பற்றி நேற்றிரவு கருத்து தெரிவித்துள்ளீர்கள். திரு.லோகநாதன் தனக்கு கிடைத்த தகவலையும் படங்களையும் பதிவிட்டுள்ளார். எங்கள் வீட்டு சாப்பாடு நன்றாக இருக்கிறது என்றுதான் நாங்கள் கூறுகிறோம். உங்கள் சாப்பாட்டை குறை கூறவில்லை. தர்மம் எங்கே? படத்தை விட பெரிய இடத்துப் பெண் அதிக வசூல் பெற்றது என்று திரு.லோகநாதன் முதலில் கூறவில்லை.
உங்கள் பதிவுக்குப் பிறகுதான் திரு.செல்வகுமார் , பெரிய இடத்துப் பெண்ணை விட, தர்மம் எங்கே? ரூ.5,000 குறைவாக வசூலானது என்று அதுவும் தியேட்டர் மேனேஜர் திரு.பாலமுருகன் மூலம் கிடைத்த தகவலை தெரிவித்தார். விழா கொண்டாட்டங்கள் பற்றிய புகைப்படங்களைப் போடும்போது அதில் இடம் பெற்ற வாசகங்களுக்காக நீங்கள் உணர்ச்சி வசப்பட்டு கோபப்பட்டதாக, உங்கள் தரப்பில் நியாயம் கற்பிக்க முனைந்தால் நாங்கள் தினமும் கோபப்பட வேண்டியிருக்கும். இன்று கூட உங்கள் திரியில் 342,343வது பதிவுகளை பாருங்கள். தான் உணர்ச்சிவசப்பட்டதற்காக திரு.செல்வகுமார் பெருந்தன்மையுடன் வருத்தமும் தெரிவித்துள்ளார். நீங்கள் வருத்தம் தெரிவிக்க வேண்டாம். உணர்ந்தால் சரி. சர்ச்சைகளை தவிர்ப்போமே. அந்த நேரத்தில் நமது அபிமானத்துக்குரியவர்களை அவரவர் வாழ்த்தி பதிவிடுவோமே.
சரி, இனி நான் கேட்க விரும்பிய கேள்வி..
எங்கள் திரிகளின் துவக்கத்துக்கு வாழ்த்து தெரிவிக்கிறீர்கள். ஆயிரக்கணக்கில் பதிவுகளைக் கடந்தவர்களை வாழ்த்துகிறீர்கள். திரு.ராமமூர்த்தி பாங்காக் பயணத்துக்கு வாழ்த்தினீர்கள். திரு.குமார் சார் போல மூத்த நண்பர்கள் திரியில் பங்கு பெற வந்தால் வாழ்த்துகிறீர்கள். எங்கள் பிறந்த நாளுக்கு வாழ்த்துகிறீர்கள். எல்லாவற்றுக்கும் மேலாக புரட்சித் தலைவர் நினைவுநாளில் இரங்கல் கவிதை எழுதினீர்கள். அவர் பிறந்த நாளில் வாழ்த்துக்கட்டுரை எழுதினீர்கள்.
இப்படி எங்கள் சுக துக்கத்தில் பங்கு கொள்பவர், புதிய சாதனை படைத்தால் நாங்களும் வாழ்த்து தெரிவிப்பதுதானே முறை? நீங்கள் 2,000 பதிவுகளை கடந்ததற்காக திரு.எஸ்.வி, திரு.யுகேஷ் பாபு ஆகியோர் உங்கள் திரிக்கே வந்து உங்களை வாழ்த்தினார்கள். நீங்களும் பதில் அளித்தீர்கள். இங்கே உங்களுக்கு மக்கள் திலகம் திரியின் கடந்த பாகத்தில் 289-ம் பக்கத்தில் நான், 290-ம் பக்கத்தில் திரு.சைலேஷ் சார், திரு. செல்வகுமார் சார், 301ம் பக்கத்தில் திரு.ரவிச்சந்திரன் ஆகியோர் வாழ்த்தினோம்.
ஒருவரை வாழ்த்துவதே அவர்கள் மேலும் ஊக்கம் பெறத்தான். அந்த வாழ்த்தே அவர்களுக்கு தெரியவில்லை என்றால் வாழ்த்தால் பயன் என்ன? இதை ஏற்கனவே தெரிவித்தேன்.
அந்த வாழ்த்துக்களை நீங்கள் பார்த்தீர்களா?...... இதுதான் நான் கேட்க விரும்பிய கேள்வி.
பார்க்காவிட்டால் பரவாயில்லை. எங்கள் அனைவரின் சார்பிலும் வாழ்த்துக்கள். உங்களை இங்கே வரவழைக்க வேண்டும், உங்களுக்கு தெரியப்படுத்த வேண்டும் என்பதற்காகத்தான் ‘பயப்படுகிறாரா?’ என்று கேட்டிருந்தேன். மன்னிக்கவும்.
கடுமையான வேலைகள் இருந்தாலும் அங்கே வரும்போது இங்கேயும் தலைகாட்டவும். இதுவும் உங்கள் திரிதான். மீண்டும் வாழ்த்துக்கள். நன்றி.
அடடே, கோபால், எப்ப வந்தீங்க? திரிக்கு வரமாட்டேன் என்ற விரதத்தை கைவிட்டு 5ம் முறையாக திரும்பியிருக்கும் உங்களுக்கு வாழ்த்துக்கள். இம்முறையாவது கோபித்துக் கொண்டு போகாமல் தொடர வேண்டும் என்று விரும்புகிறேன். நன்றி.
அன்புடன் : கலைவேந்தன்
சத்துணவு தந்த சரித்திர நாயகன் புகழ் எத்திக்கும் பரவட்டும்
அண்ணா திமுக தொடக்க காலத்தில்
கட்சிப் பொதுக்கூட்டம் ஒன்றில் ,
குழந்தையைக் கொஞ்சும் எம்ஜியார் .
அருகில் அண்ணன் நாஞ்சில் மனோகரன் ,
எஸ்.டி.சோமசுந்தரம் .
http://i1170.photobucket.com/albums/...pswjiizf7q.jpg
COURTESY FB
இன்றும் திரையுலகை ஆளும் இதய தெய்வம்
நடிகர் திரு. அஜீத் நடித்த என்னை அறிந்தால் திரைப்படத்தில் மறுவெளியீட்டில் சாதனை படைத்து வெள்ளிவிழா கண்ட ஆயிரத்தில் திரைப்படத்தின் வண்ண சுவரொட்டியையும், திரைப்படம் நடைபெறும் திரையரங்கையும் காண்பிப்பார்கள்.
நடிகர் திரு. தனுஷ் நடித்த அனேகன் திரைப்படத்தில் பர்மாவில் எடுக்கப்பட்ட காட்சிகளில் சக்கரவர்த்தி திருமகள் திரைப்பட சுவரொட்டியை காட்டுவார்கள். அதேபோல் 1987ம் வருட காட்சிகளில் தலைவரின் திருமுகத்தை தனுஷ் வரைவது போலவும், தலைவரின் திருவுருவத்தை பல இடங்களிலும் காட்டுவார்கள். மேலும், நம்நாடு, எங்கள் தங்கம் ஆகிய திரைப்படங்களின் சுவரொட்டிகளையும் காண்பிப்பார்கள்.
அன்றும், இன்றும், என்றும் எங்கள் இதய தெய்வம்தான் இந்த திரையுல சக்கரவர்த்தி... இந்த நாட்டை ஆளும் சக்கரவர்த்தி...
உலகத்தமிழரின் ஒப்பற்ற தெய்வம்
மறக்க முடியாத மார்ச் -1969
பேரறிஞர் அண்ணாவின் மறைவினால் [ 3.2.1969] மக்கள் திலகம் எம்ஜிஆர் அவர்கள் மனதளவில் மிகவும் பாதிக்கப்பட்டிருந்த நேரம் . அடிமைப்பெண் - நம்நாடு - மாட்டுக்காரவேலன் மற்றும் பல
படங்களில் தொடர்ந்து நடித்து கொண்டிருந்தார் .திமுகவில் தன்னுடைய நண்பரை முதல்வர் பதவியில் அமர்த்திவிட்டு தன்னுடைய கட்சியின் பொருளாளர் பதவி மற்றும் சிறு சேமிப்பு துணை தலைவர் பதவியையும் சிறப்பாக கவனித்து கொண்டு வந்தார் .
மக்கள் திலகத்தின் 101 வது படம் காதல் வாகனம் அக்டோபர் -1968ல் திரைக்கு வந்தது . மக்கள் திலகத்தின் ரசிகர்களுக்கு தினமும் ஆவலை தூண்டும் விதமாக அடிமைப்பெண் படத்தை பற்றிய படபிடிப்பு செய்திகள் வந்த வண்ணம் இருந்தது .அதே நேரத்தில் நம்நாடு - மாட்டுக்கார வேலன் - என் அண்ணன் - தேடி வந்த மாப்பிள்ளை - தலைவன் - எங்கள் தங்கம்
குமரிகோட்டம் - தலைவன் படங்களின் படபிடிப்பு செய்திகளும் வந்த வண்ணம் இருந்தது .மக்கள் திலகத்தின் அடிமைப்பெண் முதலில் தமிழ் புத்தாண்டிற்கு வருவதாக விளம்பரம் வந்தது . பின்னர் 1..5.1969அன்று வெளியீடு விளம்பரம் வந்தது . ஏறத்தாழ 190 நாட்கள் இடைவெளிக்கு பிறகு மக்கள் திலகத்தின் அடிமைப்பெண் படத்தை காணும் வாய்ப்பு ரசிகர்களுக்கு கிடைத்தது ..