Printable View
புரட்சித் தலைவர் கண்ட மக்கள் நல இயக்கமான அனைத்திந்திய அண்ணா திராவிட முன்னேற்றக் கழகத்தின் 44ம் ஆண்டு துவக்க நாளான இன்று புரட்சித் தலைவரின் பல்வேறு சிறப்புக்களை நினைவு கொள்வதில் பெரு மகிழ்வு கொள்வோம்.
புரட்சித் தலைவரின் சிறப்புக்கள் எண்ணிலடங்காதவை.இருப்பினும் அதில் சிலவற்றை தமிழகத்தில் சுமார் 80 வருடங்களாக தொடர்ந்து வெளியாகிக் கொண்டிருக்கும் கலை இலக்கிய குடும்ப மாத இதழான கலைமகளில் அவர் தான் எம்ஜிஆர் எனும் கட்டுரையில் நாம் கூறியுள்ளதை இங்கு பதிவு செய்கிறோம் - அதை தொடர்ந்து மேலும் சில பதிவுகள்.
புரட்சித் தலைவர் எம்ஜிஆர் அவர்கள் கட்சி துவங்க மக்களிடம் அனுமதி கேட்க புறப்பட்ட சூறாவளி சுற்று பயணத்தில் எந்த அரசியல் தலைவருக்கு ஏற்படாத ஒரு வித்தியாசமான நிகழ்வு இது. முதல்நாள் புறப்பாடு-- புரட்சித் தலைவருடன் ஆலந்தூர் மோகனரங்கம், அனகாபுத்தூர் ராமலிங்கம், எம்எம்.காதர் ,செங்கல்பட்டு எஸ்எம்.துரைராஜ்,கேஏ.கிருஷ்ணசாமி, சத்திய ஸ்டுடியோ பத்மநாபன், கலைஇயக்குனர்அங்கமுத்து பாதுகாவலர்கள் கேபி.ராமகிருஷ்ணன், எம் கே.தர்மலிங்கம் முத்து, நார்த்தார்சிங்,என்.சங்கர் போன்றோர் பயணம் செய்கின்றனர். ஆலந்தூரில் இருந்து தொடங்கிய ஊர்வலம் மீனம்பாக்கம் ,பட்ரோடு வழியாக சென்று காஞ்சி மாநகரில் பொதுகூட்டம் என ஏற்பாடு. -நடந்தது என்னவென்றால் பட்ரோடு சந்திப்பிலேய ஊர்வலம் அசைந்து தான் செல்ல முடிந்தது. அப்படி புரட்சித்தலைவரே எதிபார்க்காதவாறு லட்சக்கணக்கான பொதுமக்கள் அணிதிரண்டனர். எங்கு நோக்கினும் மக்கள்வெள்ளம். பட்ரோடு சந்திப்பிலேயே மக்கள் தங்கள் உற்சாகத்தை கட்டுப் படுத்த இயலாமல் ஊழலை ஒழித்துக் கட்டுங்கள்,உடனே கட்சி ஆரம்பியுங்கள் உங்கள் பின்னால் நாங்கள் இருக்கிறோம் என முழக்கமிடத் தொடங்கினர். உணர்ச்சி பொங்க ஆதரவு முழக்கமிட்ட மக்கள் கூட்டத்தை கண்டு புரட்சித் தலைவரும் உணர்ச்சிவசப்பட்டார்.பல இடங்களில் மக்களின் பாச உணர்வில் சிக்கி தடுமாறினார். மதியம் மூன்று மணியளவில் பட் ரோடு சந்திப்பில் துவங்கிய சரித்திர நாயகரின் சுற்றுப்பயணம் காஞ்சி மாநகருக்கு சென்றபோது நள்ளிரவு 1 மணி. அந்த நள்ளிரவு நேரத்தில் புரட்சித் தலைவர் உட்பட அனைவருக்கும் ஒரு இன்ப அதிர்ச்சி. காரணம் அந்த நள்ளிரவு வேளையிலும் காஞ்சி மாநகரம் அண்ணாவின் இதயக்கனியான புரட்சித்தலைவரை வரவேற்பதற்காக கண்விழித்து காத்திருந்தது.எங்கு நோக்கினும் ஆயிரக்கணக்கான மக்கள் கண் விழித்து புரட்சித் தலைவரை காண மகிழ்ச்சி பொங்கும் உற்சாகத்துடன் காத்திருந்தனர். நகர வீதிகளிலெல்லாம் குழல் விளக்குகள் எரிந்தன.வீடுகளிலெல்லாம் தோரணங்கள் ஆடின. திரும்பிய பக்கமெல்லாம் மக்கள் கூட்டம் மொய்த்துக் கொண்டிருந்தது .தொண்டர்கள் தாரை தப்பட்டை முழங்க தங்கள் இனிய தலைவரை வரவேற்று அழைத்து சென்றனர். அண்ணா திடலில் ஏற்பாடு செய்யப் பட்டிருந்த பொது கூட்டத்திற்கு புரட்சித் தலைவர் சென்றபோது மேடையை சுற்றி எங்கு பார்த்தாலும் மக்கள் அவரை காண அமர்ந்திருந்ததால் அவரால் மேடைக்கு செல்ல முடியாத நிலை ஏற்பட்டது. அந்த நள்ளிரவு வேளையிலும் மக்களின் இந்த உற்சாக எதிர்பார்ப்பு என்பது உலக அரசியல் அரங்கில் எங்கும் நடைபெறாத ஒன்று என்பதை நாம் இங்கு நினைவிற் கொள்ள வேண்டும். என்ன செய்வதென்றே புரியாமல் இருந்தபோது பொதுகூட்ட ஏற்பாட்டாளர்களான காஞ்சி பாலாஜி உட்பட சிலர் துரிதகதியில் ஒரு வேலை செய்தனர். அதாவது மேடைக்கு பின்புறமிருந்த ஒரு பெரிய சுற்றுச் சுவரை இடிக்கச் செய்து அவ் வழியாக புரட்சித் தலைவரை அழைத்து சென்று மேடையேற்றினர். மேடையேறிய புரட்சித் தலைவர் பொது மக்களை பார்த்து இரண்டு கைகளை கூப்பி வணக்கம் செய்தபோது எழுந்த மகிழ்ச்சியான உற்சாக ஆராவாரம் இருக்கிறதே விண்ணதிரும்படியாக இருந்தது இன்றும் எனது காதுகளில் ஒலித்துக் கொண்டிருக்கிறது- நாங்கள் மட்டுமல்ல புரட்சி தலைவரே இந்நிகழ்வை கண்டு ஆச்சரியப் பட்டுதான் போனார் அந்தநாள் என்றென்றும் எங்களால் மறக்க முடியாத நாள் இது வேறு எந்த அரசியல் தலைவருக்கும் கிட்டாத சிறப்பு என்று கூறுகிறார் புரட்சித் தலைவரின் பாதுகாவலர்களில் ஒருவரான கேபி.ராமகிருஷ்ணன்.
ஒரு கட்சியிலிருந்து விலக்கப்பட்ட அரசியல் தலைவர் ஒருவரை புதிதாக கட்சி ஆரம்பிக்கும்படி பொதுமக்களே வேண்டிக் கொண்டது வரலாறு காணாத ஒரு விஷயம் ஆகும். அதுபோல் ஓர் அரசியல்வாதி புதிதாக கட்சி ஒன்றை தொடங்கலாமா ? என சுற்றுப் பயணம் செய்து பொது மக்களின் கருத்தை கேட்டதும் வரலாறு காணாத விஷயம் மற்ற அரசியல் தலைவர்களெல்லாம் புதிய கட்சியை ஆரம்பித்து விட்டு அதற்கு ஆதரவு கோரி மக்களிடம் செல்வார்கள்.அதுதான் வாடிக்கையாக இருந்து வந்தது. இந்த வாடிக்கையை புரட்சித் தலைவர் மாற்றினார். இந்த சாதனைக்கு சொந்தக்காரர் புரட்சித் தலைவர் எம்ஜிஆர் ஒருவரே. ஆம் தி மு க விலிருந்து புரட்சித் தலைவர் நீக்கப் பட்ட பின் இனி நிம்மதியாக தனது கலைப் பணி வாயிலாகவே மக்கள் நலப் பணிகளை மேற்கொள்ளலாம் என நினைத்தாரேயன்றி உடனே கட்சி ஆரம்பித்து உடனடி முதல்வராகலாம் என்று துளியும் எண்ணமில்லாத நிலையிலேயே இருந்தார். ஆனால் இயற்கையின் முடிவை யார் மாற்ற இயலும் ? மக்கள்நல பணிக்காகவே நீ படைக்கப் பட்டுள்ளாய் ஆகவே தமிழகத்தின் முதல்வராகி இறுதிவரை மக்களுக்காகவே உன்னை நீ அர்பணித்துக் கொண்டு வரலாற்று சாதனை புரிய வேண்டும் என்று இயற்கை முடிவெடுத்து விட்டதால் அதை மாற்ற புரட்சித் தலைவரால் எப்படி முடியும் ?.ஆம் நாம் ஒன்று நினைத்தால் தெய்வம் ஒன்று நினைக்கும் என்பார்களே அதுபோலவே ஆகிப் போனது புரட்சித்தலைவரின் நிலை. இயற்கை தனது நடவடிக்கைகளை மேற்கொள்ளத் துவங்கியது. புரட்சித் தலைவரை கட்சியிலிருந்து நீக்கியதால் நாடே அல்லோகலப் பட்டது. எங்கு நோக்கினும் ஒரே பதட்டம் இனம் புரியாத வெறி மக்கள் மத்தியில் தி மு க மேல் ஏற்பட்டது. குறிப்பாக புரட்சித் தலைவரின் கோட்டைகளுள் முதன்மையான மதுரையில் தி மு க கொடி கம்பங்கள் வெட்டி சாய்க்கப் பட்டன, தி மு க கொடிகள் கொளுத்தப் பட்டன திரையரங்குகளில் காண்பிக்கப் பட்ட தமிழக அரசின் செய்திப் படங்கள் தடுக்கப் பட்டன இப்படியான பல்வேறு மக்கள் போராட்டங்கள் மதுரையை தொடர்ந்து நெல்லை,திருச்சி தஞ்சை கோவை சேலம் போன்ற நகரங்களுக்கும் பரவியது- குறிப்பாக பள்ளி கல்லூரி மாணவர்களும் தொழிலாளர்களும் இப் போராட்டத்தில் முன்னணியில் இருந்தனர் இறுதியாக புரட்சித் தலைவர் மீது அதீத பற்று பாசம் நேசம் கொண்ட எண்ணற்ற இளைஞர்கள் தீக்குளித்து தங்கள் இன்னுயிரை மாய்க்கத் தொடங்கினர். இது புரட்சித் தலைவரை வெகுவாகவே பாதித்தது. இந்த தீக்குளிப்பில் மாண்ட இளைஞர்களுள் குறிப்பிடத் தக்கவர் இஸ்மாயில். அவர் காலையில் ஒரு டின் மண்ணெணையை எடுத்துக் கொண்டு உடுமலைபேட்டை தாலுக்கா அலுவலகத்திற்கு முன்பு சென்றார் டின்னில் இருந்த மண்ணெணையை தம் உடம்பில் ஊற்றி தீக்குச்சியை கிழித்து தம் மீது வைத்து கொண்டார் எம்ஜிஆர் வாழ்க" எம்ஜிஆர் வாழ்க'' எனும் முழக்கம் மட்டுமே அவரிடம் பலமாக எழுந்தது. மற்றவர்கள் நெருங்கிச் சென்று தடுப்பதற்குள் தீ பிழம்புகள் தனது உக்கிரத்தை காட்டியது. உட்கார்ந்த நிலையிலேயே இஸ்மாயில் தீக்கோளமானார். சுற்றியிருந்த அனைவரும் அதிர்ச்சியடைந்தனர். இத் தீக்குளிப்பு மறுதினம் தமிழகம் முழுவதும் பரவியது இந்த சம்பவம் மேலும் புரட்சித் தலைவரை பாதித்தது ஏற்கெனவே முசிறிப்புத்தன் அவர்கள் தி மு க வினரால் கடுமையாக தாக்குதலுக்கு உள்ளானபோதே ஒரு முடிவுக்கு வந்துவிட்ட புரட்சித் தலைவர் இனியும் தாமதித்தால் தன்னை உயிரினும் மேலாக நேசிக்கும் பல உயிர்களுக்கும் பாதிப்பும் இழப்பும் ஏற்பட்டுவிடும் என்று எண்ணி மக்களின் கருத்தையறிய ஒரு சூறாவளி சுற்றுப் பயணம் மேற்கொண்டார்.சென்ற இடங்களிலெல்லாம் மக்கள் அலைகடலென திரண்டு வந்து புரட்சித் தலைவருக்கு மாபெரும் உற்சாக வரவேற்பை அளித்தனர். எங்கு நோக்கினும் மக்களின் எழுச்சி அதிக அளவில் காணப் பட்டது. புரட்சித் தலைவர் உடனடியாக கட்சி தொடங்க வேண்டும் என்பதே ஒட்டு மொத்த தமிழ் மக்களின் குரலாக ஒலித்தது. அப்படியாக மக்கள் அனுமதி அளித்த பின்னரே புரட்சித் தலைவர் அனைத்திந்திய அண்ணா திராவிட முன்னேற்ற கழகத்தை தொடங்கினார். இது ஒரு வரலாற்று சாதனை. தமிழக அரசியல் களத்தில் இப்படியாக ஒரு சம்பவம் இதற்கு முன் நடைபெறவும் இல்லை இனி நடக்கப் போவதுமில்லை.-- அது தான் புரட்சித் தலைவர்.
இதய தெய்வம் நம் புரட்சித்தலைவர் அவர்கள் தோற்றுவித்த அனைத்திந்திய அண்ணா திராவிட முன்னேற்றக் கழகம் துவங்கி 43 ஆண்டுகள் நிறைவு பெற்று இன்று 44வது ஆண்டு காணும் இந்த நாளை மறக்க முடியுமா ?
பொற்கால ஆட்சி தந்த நம் பொன்மனசெம்மலுக்கு புகழாரம் சூட்டும் அவரது சிறப்புக்களை, இந்த பொன்னாளில் பதிவிடுவதில், பெருமிதம் கொள்கிறேன் :
1. மக்களின் மனதில் நிலையான இடத்தை தக்க வைத்து கொண்டிருப்பவர்
2. பொதுச்செயலாளர் பதவிக்கு மற்றவர்களை அமர வைத்து அழகு பார்த்தவர்
3. சட்டமன்ற தேர்தல்களில் வெற்றியை மட்டுமே கண்டவர்
4. பக்தியுடன் கூடிய மரியாதை வைத்திருந்த தொண்டர்கள் கொண்டிருந்தவர்
5. தொண்டர்களை அரவணைத்தவர். அவர்களின் சுக துக்கங்களில் பங்கு கொண்டவர்.
6. மக்களின் நலன் மட்டுமே பெரிது எனக் கருதி குளு குளு வாச ஸ்தலம் செல்லாதவர்
7. தனது காலத்தில் புதுவையில் ஆட்சி கண்ட புதுமைப்பித்தன். {அனைத்திந்திய அண்ணா திராவிட
முன்னேற்றக் கழகத்தின் சார்பில் முதல் முதல்வர் என்ற பெருமையை புதுவை ராமசாமி அவர்களுக்கு வழங்கி பெருமை சேர்த்தவர். -
தான் நினைத்திருந்தால், 1974ல் கூட்டணி ஆட்சிக்கு வழி வகுத்து, அந்த கூட்டணி கட்சியின் சார்பில் முதல்வரை தேர்ந்தெடுக்க வைத்து அதன் மூலம்,
அனைத்திந்திய அண்ணா திராவிட முன்னேற்றக் கழகத்தின் சார்பில் தேர்ந்தெடுக்கப்பட்ட முதல் முதல்வர் என்ற பெருமையை தான் அடைந்திருப்பார் }.
8. கட்சியின் மூத்த தலைவர்களை மதித்தவர் அமைச்சர்களை அவர்களது அலுவலக நாற்காலியில் அமரவைத்து தான் நின்று கொண்டு, அவர்களை வாழ்த்திய
பொன்மனம் கொண்டவர்.
http://i58.tinypic.com/24m9mq1.jpg
9. : பொய் என்பதையே அறியாதவர்
10. : மந்திரிசபையில் மந்திரிகளை மாற்றியது கிடையாது.
11. : இவரது ஆட்சிக்காலத்தில் மந்திரியாக இருந்தவர் கிரிமினல் குற்றத்துக்காக கைது செய்யப்படவில்லை.
12. : தொடர்ந்து முதல்வாராக, அசைக்க முடியாத சக்தியாக இருந்தவர்.
13. : தனது பலத்தை மட்டுமே நம்பி மாபெரும் வெற்றி கண்டவர்.
14. : சட்டமன்ற தேர்தல்களில் தொகுதிக்கு செல்லாமலேயே படுத்துக்கொண்டே ஜெயித்த பெருமை இவருக்கு மட்டுமே உண்டு
15. : மக்களை எல்லா காலங்களிலும் சந்திப்பதில் பெரும் ஆர்வம் காட்டியவர்.
16. : அரசு விழாக்களில் சளைக்காது கலந்து கொண்டவர். நாட்டு மக்களுக்கு நற்பயனளிக்கும் திட்டங்களை துவக்கி வைப்பதில் பேரின்பம் கண்டவர்.
17. : ஊழல் குற்றச்சாட்டுக்கு ஆளாகாமல், நேர்மையான நெறியாளராக ஆட்சி புரிந்தவர்.
புரட்சித் தலைவரின் சிறப்புக்கள் அள்ள அள்ள குறையாத அட்சயப் பாத்திரம் போன்றவை- எண்ண எண்ண நமக்கு எழுச்சியுட்டுபவை,அவைகளை ஒரு எல்லைக்குள் கொண்டு வர இயலாது. பொதுவாக கடலின் ஆழத்தை கூட அளந்து விடலாம் ஆனால் ஒரு மங்கையின் மனதின் ஆழத்தை அளக்க முடியாது என்பார்கள்- அனால் உண்மை என்னவெனில் ஒரு மங்கையின் மனதின் ஆழத்தை கூட அளந்து விடலாம்- புரட்சித் தலைவரின் சிறப்புக்களின் ஆழத்தை அளக்கவே முடியாது -வானத்திற்கு எப்படி எல்லை இல்லையோ அப்படியே புரட்சித் தலைவரின் சிறப்புக்களுக்கும் எல்லையே இல்லை என்பதை புரட்சித் தலைவரின் மக்கள் நல இயக்க 44 ம் ஆண்டு துவக்க நாளில் கூறி நாம் அனைவரும் பெருமை கொள்வோம் -
ஆர்.கோவிந்தராஜ்
இந்த இனிய பொன்னாளில் புரட்சி தலைவர், மக்கள்திலகம் அவர்கள் இந்த பிரபஞ்சத்திலேயே முதன்-முதலாக திரையுலகிலிருந்து அரசியல் கட்சியை ரசிகர்கள், பெரும்பான்மையான ஆண்கள், பெண்கள் அடங்கிய பொதுமக்கள் - பேராதரவோடு தொடங்கப்பட்டு மிக அபரிமிதமான செல்வாக்கோடு துவங்கிய நிலையிலேயே பீடு நடை போட ஆரம்பித்த அனைத்திந்திய அண்ணா திராவிட முன்னேற்ற கழகம் பிறந்த நாளான இன்று உங்கள் அனைவருக்கும் உளமார நல்வாழ்த்துக்களை தெரிவித்து அண்ணல் மக்கள்திலகம் வழியே மக்கள் பணியாற்றி மகேசன் தொண்டினையாற்றுவோம்...Quote:
Originally Posted by mgrbaskaran
திருவாளர்கள் வினோத் சார், பேராசிரியர் செல்வகுமார் சார், kp கோவிந்தராஜ் சார், கலியபெருமாள் விநாயகம் சார் ஆகியோரின் மக்கள்திலகம் கண்ட, காணும் A I A D M K ... தொடக்க திருநாள் அற்புத நினைவலைகளையும், உளம் கனிந்த நல்வாழ்த்துக்களையும் அளித்த தோழர்களுக்கு நன்றி ...Quote:
Originally Posted by Govindraj Kpr
மக்கள்திலகம் - திரையுலகை நல்வழிபடுத்தி அந்த துறையையே மதிப்பும், ஏக மரியாதையையும் பெற்று தந்ததற்கும், பின்பு எல்லா நிர்வாகங்கள் அடங்கிய அரசியல் துறையையும் தன குணத்தாலும்,பண்பினாலும் பொதுமக்களுக்கு அநேக நன்மைகளையும் ஒரு சேர அமைத்து காத்த மக்கள்திலகம் அவர்களுக்கு தமிழக மக்கள் தங்கள் மனதில் நீங்கaatha இடம் கொடுத்து கொண்டிருபதற்கு முழுமையான நன்றியை காணிக்கையாக்குவோம்...
புரட்சி மாமன்னராக கண்ட மாபெரும் இயக்கம்Quote:
Originally Posted by makkal thilagam mgr
நல்வழியில் மேலும் மேலும் வளர
எல்லாம் வல்ல எம் இறைவானாகி
அருள் புரிவாராக
அருமையான பதிவுகள்Quote:
Originally Posted by Govindraj Kpr
தொடரட்டும் உங்கள் பணி
அனைத்திந்திய அண்ணா திராவிட முன்னேற்றக் கழகத்தின் 44-ஆவது ஆண்டு தொடக்க நாளை முன்னிட்டு, தலைமைக் கழகத்தில் அமைந்துள்ள புரட்சித் தலைவர் டாக்டர் எம்.ஜி.ஆர். அவர்களுடைய திருவுருவச் சிலைக்கு மாலை அணிவித்து மரியாதை செலுத்தப்பட்டது.
தேதி : 17.10.2015
17.10.2015 சனிக் கிழமை
அனைத்திந்திய அண்ணா திராவிட முன்னேற்றக் கழகத்தின் 44-ஆவது ஆண்டு தொடக்க நாளை முன்னிட்டு இன்று (17.10.2015 – சனிக் கிழமை), சென்னை, ராயப்பேட்டை, அவ்வை சண்முகம் சாலை, தலைமைக் கழக வளாகத்தில் அமைந்துள்ள கழக நிறுவனத் தலைவர், புரட்சித் தலைவர் டாக்டர் எம்.ஜி.ஆர். அவர்களுடைய திருவுருவச் சிலைக்கு, கழக அவைத் தலைவர் திரு. இ. மதுசூதனன் அவர்கள் மாலை அணிவித்து மரியாதை செலுத்தினார்.
இந்த நிகழ்ச்சியில், அமைச்சர் பெருமக்களும், கழக உடன்பிறப்புகளும் கலந்து கொண்டனர்.
நானே போடப்போறேன்
சட்டம்
பொதுவில் நன்மை புரிந்திடும்
திட்டம்
நாடு நலம் பெறும்
திட்டம்
நன்மை புரிந்திடும் திட்டம்
நாடு நலம் பெறும் திட்டம்
Quote:
Originally Posted by MGRRAAMAMOORTHI
மக்களுக்காக
மக்களில்
ஒருவனாகி
வாழ்ந்த
தலைவன்
மானம் ஒன்றே
பெரிதெனக் கொண்டு
வாழ்வது
நமது சமுதாயம்!
மரண பயங்கரம்
சூழ்ந்து வந்தாலும்
மாறிவிடாது
ஒரு நாளும்!”
புரட்சி மாமன்னர் பொன் மொழிகள்