மனதைக் கவரும் மதுர கானங்கள் - பாகம் 5

Belly Dancers!

Training the belly for dance is a cumbersome task of body art and science!
Dancing to the tune with rhythm has been a masterly art for these belly dancers!
A fantastic belly dance can be enjoyed in From Russia with Love /Goldfinger starring Sean Connery / The Man with the Golden Gun with Roger Moore as James Bond 007!
In Tamil it has been a rare event to witness such a belly dance....remember ammammaa keladi thozhi....!?

https://www.youtube.com/watch?v=XerKDTp1EEs

https://www.youtube.com/watch?v=-CTpzLphy5Q

https://www.youtube.com/watch?v=JnuJYS_Gzak

https://www.youtube.com/watch?v=JJYqlOX6Dvc

From Harichandra(1968)

kaasiyil vaazhum karuNaik kadale kadaikkkaN paaraai........

http://www.youtube.com/watch?v=qT3dXz4XpDk

MArma veeran dubbed in hindi as Piya milan

here is a fantastic number by PS in hindi (dance by Vaijayanthimala)

https://www.youtube.com/watch?v=-5iSbrJFiHI

Courtesy: Dinamani

டி.ஆர். ராஜகுமாரி: 1.செக்ஸ் அப்பீள்!



1941. பனிக்காற்றோடு பவனி வரும் தை மாத வெயில். ஆற்றங்கரை மரங்கள் கூடுதல் குளிர்ச்சியை வீசின. அதன் நிழலில் ஆயிழைகளின் மாநாடு.வீட்டுக்குப் போக மனமில்லாமல் ஒன்று கூடி களித்தார்கள். இடையில் குடத்தோடு அசைந்தாடி இளம் சிட்டுகள் மெல்ல நடை பழகினர்.

‘நீ என்ன தான் ஒயிலா நடந்தாலும் அவளை மாதிரி இல்லடி. அவ இடுப்புல குடத்தோட எத்தனை அழகு சொட்ட வர்றா தெரியுமோ...! ’

‘என்னோட அண்ணா இத்தோட நாற்பது தடவைக்கு மேலே ‘கச்ச தேவயானி’ பார்த்துட்டான்! ’

‘என் அண்ணா மட்டும் என்ன குறைச்சலாவா பார்த்துருக்கான்...? படிப்பை மொத்தமா மூட்டை கட்டி வெச்சிட்டான் ... சதா ராஜகுமாரி... ராஜகுமாரிங்கிற ஜெபம் தான். ’

சென்னை ராஜதானி என்கிற பாரதத்தின் பாதி தேசம் முழுமையும், கையில்லா ரவிக்கையில் (ஸ்லீவ் லெஸ்) கவர்ச்சியாகத் தோன்றிய டி.ஆர். ராஜகுமாரியின் திருநாமம் சொல்லி மகிழ்ந்தது.



‘கச்ச தேவயானி’யில் வெகு ஜோராக ‘யானை சவாரியும்’ செய்திருப்பார் டி.ஆர்.ராஜகுமாரி.

பட்டு மெத்தையில் துயில் கொண்ட பாக்கியவான்கள்... காட்டு பங்களா மைனர்கள்... வயல் வரப்போர கயிற்றுக் கட்டில் மிராசுகள், கட்டாந்தரையில் உடம்பை சாய்த்த கூலிகள்... என ஒருவர் பாக்கி இல்லை. மீசை முளைத்த எல்லாரும் ‘ராஜகுமாரி மோகம்’ கொண்டு திரிந்தனர்.

அதுவரையில் தமிழர்கள் காணாத திருநாள்! திரை பிம்பங்களாலும் இளமையை வீரிட்டெழச் செய்ய முடியும் என்பதை ஆண்கள் முதன் முதலாக உணர்ந்தார்கள்.

ராஜகுமாரி பற்றி அறிந்து கொள்வதற்காகவே எழுத்து கூட்டிப் பத்திரிகைகளை வாசித்தனர் படிக்காத பண்ணையார்கள்.

‘டி.ஆர். ராஜகுமாரியின் முழு பெயர் ‘தஞ்சாவூர் ரங்கநாயகி’ ராஜகுமாரி. 1922 மே 5 - வெள்ளிக்கிழமை அன்று பிறந்தவர்.

கலைகளில் கொடி கட்டிப் பறந்த ‘தஞ்சை குஜலாம்பாளின்’ குடும்ப வாரிசு! ரங்கநாயகி - ராஜகுமாரியின் தாயார், மற்றும் தஞ்சை குஜலாம்பாளின் இரண்டாவது மகள்.’

என்கிறத் தகவல் தெரிந்தவர்கள் உள்ளம் பூரித்துப் போனார்கள்.

நிராகரிக்கப்பட்டவர்கள் நிகழ்கால வரலாறாவது... கோடியில் ஓரிருவருக்கே கிட்டும் அதிர்ஷ்டம்! டி.ஆர். ராஜகுமாரியும் எடுத்த எடுப்பில் ஏற்கப்படாமல் தூக்கி எறியப்பட்ட ஏந்திழை!

கே.அமர்நாத் - முதல் ஸ்டண்ட் சினிமா ‘மின்னல் கொடி’யை உருவாக்கியவர். இயக்குநர்களின் யுகத்தைத் தொடங்கி வைத்தவர். அன்றைய நட்சத்திரங்களின் சிம்ம சொப்பனம். அவரிடம் டி.ஆர். ராஜகுமாரி நடிப்பதற்குச் சந்தர்ப்பம் கேட்டுச் சென்றார்.

உனக்கு அழகும் இல்லை. நடிப்பும் வராது என்று விடை கொடுத்தார் கே. அமர்நாத்.

டி.ஆர். ராஜகுமாரியின் சித்தி எஸ்.பி. எல். தனலட்சுமி சினிமா ஹீரோயின். ஹாலிவுட் டைரக்டர் எல்லிஸ் ஆர். டங்கன் இயக்கிய படம் ‘காளமேகம்’. அதில் நாதஸ்வர மேதை திருவாடுதுறை ராஜரத்தினம் பிள்ளைக்கு ஜோடியாக நடித்துக்கொண்டிருந்தார்.

தனலட்சுமி ‘ராஜாயி’யை டங்கனிடம் அறிமுகப்படுத்தி வாய்ப்பு கேட்டார்.

‘கருப்பு ரோஜா’ ராஜாயியை காமெடி ரோலில் நடிக்க வைப்பதாகக் கூறினார் டங்கன்.

ராஜாயியும் தனலட்சுமியும் ஏமாற்றத்தில் அதிர்ந்தார்கள். நாயகி அந்தஸ்தை மாத்திரமே அவர்கள் நாடிச் சென்றிருந்தனர்.

‘குமார குலோத்துங்கன்’ படத்தைத் தயாரித்த ‘டெக்கான் சினிடோன்’ ராஜாயியை ஹீரோயின் ஆக்கியது. சி.டி. கண்ணபிரான் - டி.ஆர்.ராஜகுமாரியின் முதல் கதாநாயகன்.

‘குமார குலோத்துங்கன்’ படத்தில் நடிக்கும் போது எனக்கு ராஜலட்சுமி என்று பெயர். வீட்டில் செல்லமாக ராஜாயி என்று அழைப்பார்கள். அந்தக் காலத்தில் திருமதி டி.பி. ராஜலட்சுமி பிரபலமாக இருந்தார்.

எனவே ‘குமார குலோத்துங்கன்’ தயாரிப்பாளர் ராஜாராவ் எனக்கு ராஜகுமாரி என்று பெயர் வைத்தார். அந்தப் பெயரே நிலைத்தது. நல்லதொரு புகழையும் எனக்கு வாங்கிக் கொடுத்தது. குமார குலோத்துங்கன் முதலில் வெளிவரவில்லை என்பதில் எனக்குக் கொஞ்சம் வருத்தம்.’- டி.ஆர். ராஜகுமாரி.

குமார குலோத்துங்கன் நீண்ட காலம் முடங்கிக் கிடந்தது. டி.ஆர். ராஜகுமாரியின் இரண்டாவது டாக்கி ‘மந்திரவாதி’. நேஷனல் மூவிடோன் படைப்பு. மார்க்கோனி என்கிற இத்தாலிய இயக்குநர் டைரக்ட் செய்தார். ராஜகுமாரிக்கு இணை எஸ். டி. சுப்பையா.

தடங்கல்களின் தாயகத்தில் இருந்தவருக்கு சித்தி மூலம் சொர்க்கத்தின் தாழ்ப்பாள் திறந்தது.

தனலட்சுமியைத் தனது படத்துக்காக ஒப்பந்தம் செய்யச் சென்றார் கே. சுப்ரமணியம். வாய்ப்பு வாசல் தேடி வந்திருக்கிற பரவசம்! தனலட்சுமியின் குரலில் உற்சாகத்தின் ஆனந்தத் தாண்டவம்!

‘அடியே ராஜாயி... சீக்கிரமா காபி கொண்டு வா...’ என்றவர் அக்கால வழக்கப்படி தாம்பூலத்தட்டையும் இயக்குநர் அருகே நகர்த்தினார்.

காபியை ஏந்தி வந்த காரிகை ராஜாயி - சுப்ரமணியத்தின் கண்களில் சுடர் விட்டுப் பிரகாசித்தார்.

கே. சுப்ரமணியம் என்கிற கலைச் சிற்பிக்கு மாத்திரமே தெரிந்திருந்தது... அந்தப் பூவிலும் வாசம் உண்டு என்று!

இனி தனலட்சுமி தேவையில்லை. ‘ராஜாயியே நாயகி’ என்கிற முடிவு டைரக்டரின் நெஞ்சை நிறைத்தது.



கிண்டி வேல் பிக்சர்ஸ் ஸ்டுடியோ. அரிதார நிபுணர் ஹரிபாபு. அவரிடம் ராஜாயிக்கு ஒப்பனை செய்ய உத்தரவிட்டார் சுப்ரமணியம்.

புதுமுகத்தைக் கண்டதும் எகிறினார் ஹரிபாபு. ‘அவளுக்கு என்னால் மேக் அப் போட முடியாது. இது திரைக்கேற்ற முகமே அல்ல. நிச்சயம் தேறாது...’ என்று மனக் கொதிப்பில் பதைபதைத்தார்.

‘கே. சுப்ரமணியத்துக்குப் பைத்தியம் பிடித்திருக்க வேண்டும். இல்லாவிடின் தியாகராஜ பாகவதர் போன்ற சூப்பர் ஸ்டார்களை அறிமுகப்படுத்தியவர்... இந்தப் பெண்ணிடம் ஏமாந்து போவாரா..?’

கே.சுப்ரமணியத்தின் வைராக்கியமே வென்றது. ராஜாயி மீது வைத்த நம்பிக்கை வீண் போகவில்லை.

‘வேல் பிக்சர்ஸ் ஸ்டுடியோவில் கச்ச தேவயானி படமாகியது. நன்றாகப் பாடத் தெரிந்த டி.ஆர். ராஜகுமாரியைத் துணிந்து அதில் கதாநாயகியாக நடிக்க வைத்தார் கே.சுப்ரமணியம்.

டி.ஆர். ராஜகுமாரியின் நடையில் ஒரு விதமான கோணல் அமைந்திருப்பதைக் கவனித்து விட்டு, அவரது இடுப்பில் படம் முழுவதும் தொடர்ந்து இருக்குமாறு ஒரு குடத்தை ஏற்றினார் டைரக்டர்.

குடமும் இடுப்புமாக டி.ஆர்.ஆர். நடந்து வந்ததில் அவரது கோணல் தெரியாமல் போயிற்று. - கொத்தமங்கலம் சீனு.(கச்ச தேவயானி ஹீரோ)

டி.ஆர். ராஜகுமாரி கதாநாயகியாக நடித்ததில் கச்ச தேவயானி முதலில் வெளியானது. குமார குலோத்துங்கன், மந்திரவாதி இரண்டும் பின் தங்கின.

அசுரர்களின் குல குரு சுக்ராச்சாரியார். அவரது அன்பு மகள் கச்ச தேவயானியின் புராணக் கதை திரையில் ஓடியது. டி.ஆர். ராஜகுமாரி தோன்றும் முதல் காட்சி. தன் தேன் குரலில்

‘குளிர்ப் பசுஞ்சோலை... ஆனந்த நீரோடை... பார்க்கப் பார்க்கத் திகட்டுவதில்லை’ என்று தித்திக்கத் தித்திக்கப் பாடியவாறு அன்ன நடை நடந்தார்.

இயற்கையின் எழிலைச் சொல்லும் பாடல். நாயகியின் இளமை அழகையும் உள்ளூர நெய்யாக உருக்கி வார்க்கப்பட்ட வரிகள்.

ஹீரோயின் இடுப்பில் இருந்த குடத்தில் தண்ணீர் தளும்பியதைப் போல் ரசிகர்களின் நெஞ்சமும் இன்பத்தில் தத்தளித்தது.

டி.ஆர். ராஜகுமாரியின் அறிமுகப்படலமே வெகு அமர்க்களமாக அமைந்தது.

‘மவுத் டாக்’ என்பார்கள் கோலிவுட் பண்டிதர்கள். அடிப்படைக் கல்வி வளர்ச்சி அறவே இல்லாத அடிமைகளின் தேசம்...

பாமர மக்களின் வாய் வழியாகவே மகுடம் சூட்டப்படாத மகாராணியாக ஓர் இரவில் உயர்ந்து நின்றார் டி.ஆர். ராஜகுமாரி!

1941 ஜனவரி 9. சென்னை கெயிட்டி தியேட்டரில் திரையிடப்பட்டு வெள்ளிவிழா கொண்டாடியது கச்ச தேவயானி. அங்கு மட்டுமல்ல தென்னாடெங்கும் பல நகரங்களில் நூறு நாள்களை அநாயாசமாகக் கடந்தது.

‘கோயில் சிற்பம், ஸ்வப்ன மோகினி, தந்த பொம்மை, ஆடும் மயில், கூவும் குயில்’ என்றெல்லாம் செல்லம் கொஞ்சி எழுதின சஞ்சிகைகள்.

டி.ஆர்.ராஜகுமாரியை கனவில் மொய்த்தார்கள் யுவன்கள். நேரில் காணவும் தவம் கிடந்தார்கள்.

‘செக்ஸ் அப்பீல்’ என்கிற சொல் முதன் முதலாக சபை ஏறியது. நமது கலாசாரம் பண்பாட்டுக்கு ‘இனக்கவர்ச்சியைத் தூண்டும் ஆடைகள்... அங்க அசைவுகள்... முக பாவங்கள்... கொண்ட டாக்கிகள் தேவையா இல்லையா...?’

என்று நாடு முழுவதிலும் பட்டி மன்றங்கள் நடந்தன.

எல்லிஸ் ஆர்.டங்கன் முந்திக் கொண்டார். தனது ‘சூர்ய புத்திரி’ படத்தில் டி.ஆர். ராஜகுமாரியைத் தொடர்ந்து நாயகியாக்கி, அவரது ‘திடீர் புகழில்’ நல்ல லாபம் பார்த்தார்.

சேலம் மாடர்ன் தியேட்டர்ஸ் இரு படங்களில் ஒப்பந்தம் செய்தது. 1. சதி சுகன்யா. 2. மனோன்மணி

மாடர்ன் தியேட்டர்ஸ் அதிபர் டி. ஆர். சுந்தரம். தனது நிறுவனத்தில் கலைஞர்களில் யார் ஒழுங்கீனமாக நடந்தாலும், கட்டி வைத்து சவுக்கால் அடிக்கும் ஆளுமை மிக்கவர்.

டி.ஆர். சுந்தரத்தின் கீழ் பணியாற்றியவர் எம்.ஏ. வேணு. பின்னாளில் சிவாஜி, என்.டி.ஆர்.- பத்மினி நடித்த ‘சம்பூர்ண இராமாயணம்’ தயாரித்தவர். தனது எம்.ஏ.வி. பிக்சர்ஸில் முக்தா சீனிவாசனை இயக்குநராக ’முதலாளி’ படம் மூலம் அறிமுகப்படுத்தியவர்.

டி.ஆர். ராஜகுமாரி குறித்து எம்.ஏ. வேணு-

‘சதி சுகன்யா’ அவுட்டோர் ஷூட்டிங் தொட்டியத்தில் காவேரி கரையில் நடைபெற்றது. கவர்ச்சியான கச்சைகள் அணிந்து முழு மேக் அப்பில் டி.ஆர். ராஜகுமாரி வருவார்.

யாருக்கும் எவ்விதமான தொல்லையும் தராதவர். மிகப் பிரபலமாக இருந்தாலும் எல்லாருடனும் பண்புடன் பழகுவார்.

அது வேண்டும் இது வேண்டும் என்றெல்லாம் தயாரிப்பு நிர்வாகிகளைத் தொந்தரவு கொடுக்க மாட்டார். தண்ணீர் டம்ளர்களைக் கூட வீட்டிலிருந்து தருவித்து வருவார்.

கம்பெனி தரும் டிபன் மற்றும் சாப்பாட்டை எதிர்பார்க்காமல், சொந்த சமையற்காரரை வைத்து வித விதமான சிற்றுண்டி, மற்றும் மதிய உணவு வகைகளைச் செய்து, பெரிய பெரிய கேரியர்களில் தன்னோடே எடுத்து வருவார்.

ஏதாவது ஸ்பெஷல் அயிட்டங்கள் கொண்டு வந்தால் யூனிட் முழுமைக்கும் அதனைப் பரிமாறச் சொல்வார்.

ஒருநாள் காமிராமேனுடன் டி.ஆர்.ராஜகுமாரி, தனது சாப்பாட்டைப் பகிர்ந்து கொண்டார்.

நான் விளையாட்டாக ஒளிப்பதிவாளரிடம்,

‘ என்னய்யா... ஹீரோயின் உங்களுக்கு மட்டும்தான் வீட்டுப் பதார்த்தங்களை சப்ளை செய்வாரா...?

டி.ஆர். ராஜகுமாரி உங்களை காக்கா பிடிக்கிறார் போலிருக்கிறது... என்றேன்.

கதை வசனகர்த்தா சாரி, முதலாளியிடம் உடனடியாக அதை வத்தி வைத்து விட்டார்.

காவிரி நதியில் விளையாடியவாறே முதலாளி டி.ஆர். எஸ். என்னிடம்,

‘டேய் வேணு... என்னடா சொன்னாய் டி.ஆர்.ராஜகுமாரியை... என்றவர், கரையோரம் நீளமாக வளர்ந்திருந்த கொடிக் கம்பைப் பிடுங்கி அடி அடியென அடித்து என்னை வெளுத்து வாங்கினார்.’

-------------

பல்வேறு பெருமைகளின் கலங்கரை விளக்கம் ‘மனோன்மணி!’

‘ பி.யூ. சின்னப்பா - டி.ஆர். ராஜகுமாரி’ இணைந்த முதல் படம். தமிழ்நாட்டுக்குத் தனியார் தொலைக்காட்சிகள் வரும் வரை டூரிங் டாக்கீஸ்களில் இடைவிடாமல் ஓடியது.

லட்சங்களைத் தாண்டித் தமிழில் மிக அதிக பொருட்செலவில் தயாரான முதல் பிரம்மாண்டச் சித்திரம்!

‘லார்டு லிட்டன்’ எழுதிய ரகசிய வழி (‘சீக்ரெட் வே’) பேராசிரியர் சுந்தரம் பிள்ளையால் ‘மனோன்மணி’ என்று தழுவப்பட்டது.

டி.ஆர். ராஜகுமாரி - பாண்டிய மண்டலத்தின் இளவரசி மனோன்மணி. பி.யூ. சின்னப்பா - நாயகியின் சொப்பனத்தில் தோன்றிய காதலன் - ‘சேர மன்னன் புருஷோத்தமன்’. இருவரும் கனவிலேயே காதலிக்கும் புதுமைக் கதை!

வில்லன் டி.எஸ். பாலையா - பாண்டிய மந்திரி குடிலன்.

டி.எஸ். பாலையாவால் ஏற்படும் இடையூறுகளைக் கடந்து பி.யூ. சின்னப்பாவும்- டி.ஆர். ராஜகுமாரியும் கை பிடிப்பது க்ளைமாக்ஸ். மனோன்மணியை மிக்க கவனத்துடன் டி.ஆர். சுந்தரமே இயக்கினார்.

1942 நவம்பர் 11- தீபாவளி தினத்தில் வெளியாகி மாபெரும் வெற்றி பெற்றது மனோன்மணி.



‘கண்டேன் கண்டேன் என் காதல் கனியைக் கண்டேன்’, ‘மோகன மாமதனா’,

‘வானமுதே மான் விழியே உனைக் காண்பேனோ’, ‘உன்றனுக்கோர் இணையாவோர் உலகில் இல்லை’

என்றெல்லாம் டி.ஆர். ராஜகுமாரி- பி.யூ. சின்னப்பா பாடிய காதல் கீதங்கள் தென்னாடெங்கும் தேன்மழை பொழிந்தன.

மனோன்மணியின் வரலாறு காணாத வசூலால் ‘தமிழ் சினிமாவின் முதல் கனவுக்கன்னி’ என்று டி.ஆர். ராஜகுமாரிக்குக் கீரிடம் சூட்டினார்கள் ரசிகர்கள் !

டி.ஆர். ராஜகுமாரியுடன் இணைந்து நடித்து பி.யூ. சின்னப்பா அடைந்த புகழின் சிகரத்தை, தாமும் கடக்க வேண்டும் என்று எம்.கே. தியாகராஜ பாகவதரும் விரும்பினார்.

அவரது ஆணையின் பேரில் கோவை பட்சிராஜா ஸ்டுடியோ, டி.ஆர். ராஜகுமாரியைத் தேடிப் பட்டணம் வந்தது.

டி.ஆர். ராஜகுமாரி பதம் பிடித்து ஆட, எம்.கே. தியாகராஜ பாகவதரின் ‘சிவகவி’ உருவானது. பிரபல இயக்குநர் ராஜா சாண்டோவை நீக்கி விட்டு, பட்சி ராஜா முதலாளி ஸ்ரீராமுலு நாயுடுவே ஆர்வத்துடன் முதன் முதலாக சிவகவியை டைரக்டு செய்தார்.

டி.ஆர். ராஜகுமாரியை வர்ணித்து இரு பாடல்களைப் பாடினார் ஏழிசை மன்னர் எம்.கே. தியாகராஜ பாகவதர்.

1. ‘வதனமே சந்திர பிம்பமோ... மலர்ந்த சரோஜமோ... ’ என்றைக்குக் கேட்டாலும் தித்திக்கும்.

2. ‘கவலையைத் தீர்ப்பது நாட்டியக்கலையே... கணிகையர் கண்களே மதன் விடும் கணையே’

என்ற ‘நாட்டக்குறிஞ்சி’ ராகப் பாடலும் சூப்பர் ஹிட் ஆனது.

சிவகவியின் மகோன்னத வெற்றி மேலும் டி.ஆர்.ராஜகுமாரியின் மவுஸைக் கூட்டியது.

டி.ஆர்.ராஜகுமாரியால் தாமும் பெருத்த செல்வம் பெற வேண்டும் என்று ஜூபிடரும் துடிதுடித்தது.

1943 ஜூலையில் பி.யூ. சின்னப்பா - டி.ஆர். ராஜகுமாரி ஜோடி நடிக்க ‘குபேர குசலா’ பக்திச் சித்திரத்தை வெளியிட்டது.

ஆர். எஸ். மணி ‘குபேர குசலா’ படத்தை இயக்கினார்.

குபேர குசலாவில் பி.யூ. சின்னப்பாவும் பாகவதருக்குப் போட்டியாக, டி.ஆர். ராஜகுமாரியைப் போற்றித் தன் பங்குக்குக் கம்பீரக் குரலில்

‘நடையலங்காரம் கண்டேன்!

அன்னப்பேடையும் பின்னடையும்... பொற்கொடி இவள் மலரடி

நடையலங்காரம் நளின சிங்காரம்’ என்று பாடினார்.

‘ராஜகுமாரியின் நாட்டியம் வெகு அழகு. நாயகியின் நடிப்பிலும் நல்ல ‘நகாஸ்’ என்று விசிறிகளின் அபரிதமான ஆதரவு கிடைத்தது. ஜூபிடருக்கும் அபரிதமான ஐஸ்வர்யம்!

பம்பாய் மிட்டாய்.....ஜெமினிகணேசன்!

Bambaai Mittai song ,,,,most popular in GG starrer Neethipathi...but this song was sung and enacted by the then ace singer actor KR Ramaswami....Nostalgia kindled on bambaai mittai.......wrist watches, rings, ...the lon stick holder on which this mittai is wrapped,,,

ஜெமினிகணேசன் கே ஆர் ராமசாமி நடிப்பில் வெளிவந்த நீதிபதி திரைப்படத்திலிருந்து ...
ஜெமினிக்கு மிக வித்தியாசமான ரோல் !

Quote:

---

பம்பாய் மிட்டாய் ....சிறுவயதில் இந்த மாதிரி ஜவ்வு மிட்டாயை இழுத்து இழுத்து கடிகாரமகவும் மோதிரமாகவும் கையில் கட்டிவிடுவார்கள்...பள்ளிப் பருவத்தில் இலந்தைவடை, பம்பாய் மிட்டாய், மாங்காய் சீவல், குச்சி ஐஸ், பலகையில் பாட்டிமார்கள் ஒட்டிவைத்து பள்ளிக்கூடவாசலில் விற்கும் ஜம்பர் மிட்டாய் ...குச்சிமிட்டாய் குருவிரொட்டி ....என்ன......ஞாபகங்களை தூண்டி விட்டேனோ!?

---

https://www.youtube.com/watch?v=rH2zSsWmMl8

https://www.youtube.com/watch?v=aKwE7O1Ecio

ballroom dance! reminding Fred Astaire and Ginger Rogers!

https://www.youtube.com/watch?v=h6evloY0AtE

https://www.youtube.com/watch?v=mAB12aeI6nA

Ballroom dance with ice skating!! amazing!!

https://www.youtube.com/watch?v=zZ3fjQa5Hls

Just a jolly titile!

A hilarious presentation on the present trend of youth to become bodybuilders like Arnold!!

ஜிம்முக்குப் போன ஜெமினி கணேசன் ...கலாய்!

Gymmukkup pona gemini ganesan!!

https://www.youtube.com/watch?v=_Pn2qrfj3tw

From Rajamukthi(1948)

unnai allaal oru thurumbu asaiyumo.........

http://www.youtube.com/watch?v=AdctBhQTY2g

Russian Ballet! In tamil there was one actress who was trained in ballet dancing...?Laila?

https://www.youtube.com/watch?v=7oPsOut4by0

https://www.youtube.com/watch?v=Wz_f9B4pPtg

https://www.youtube.com/watch?v=eyjlZzMHUyo

Courtesy: Tamil Hindu


சினிமா எடுத்துப் பார் 41: கமலும் ரஜினியும் இணைந்து நடித்தது எந்தப் படம்?

எஸ்பி.முத்துராமன்

‘புவனா ஒரு கேள்விக்குறி’ ஷூட்டிங் கில் வாத்தியார் லட்சுமி நாரா யணனை ரஜினிக்கு வசனம் சொல் லித் தர சொல்லிவிட்டு, ஒளிப்பதிவாளர் பாபுவும் நானும் செட்டுக்குள் சென்று லைட்டிங் வேலைகளைக் கவனிக்கச் சென்றோம். திடீரென்று ரஜினியைக் காணவில்லை. எங்கே என்று தேடிய போது ஒரு புரொடெக்*ஷன் பையன் ‘ரஜினி வாசல் பக்கம் போய்க் கொண் டிருக்கிறார்’ என்றார். அப்போது ரஜினி யிடம் கார் இல்லை. எங்கள் நிர்வாகியை அனுப்பி உடனே அழைத்து வரச் செய் தோம். வந்தவரிடம் என்ன விஷயம் என்று கேட்டோம். ‘‘பாலசந்தர் சார் படத்துல மொத்த வசனமுமே இவ்வளவுதான் இருக்கும். நீங்க ஒரு காட்சிக்கே இவ்வளவு வசனம் கொடுக்குறீங்க. என்னால பேசி நடிக்கிறது கஷ்டம்’’ என்றார். ‘‘முழு வசனத்தையும் ஒரே ஷாட்டில் எடுக்க மாட்டோம். பிரிச்சுப் பிரிச்சுதான் எடுப்போம். உங்களால எவ்வளவு பேச முடியுமோ, அதையும் உங்க ஸ்டைல்ல பேசுங்க, போதும்’’ என்றதும் ஒப்புக்கொண்டார்.

கதைப்படி சிவகுமார் தவறு செய்து விட்டு வருவார். அதனை தெரிந்து கொண்ட ரஜினி அவரை கண்டிப்பார். அதற்கு சிவகுமார், ‘‘பத்தோடு பதி னொண்ணு விட்றா’’ என்பார். உடனே ரஜினி ‘‘கடப்பாரையை முழுங்கிட்டு சுக்குத் தண்ணி குடிச்சா அது செரிக் காது. வயித்த கிழிச்சுக்கிட்டு வெளியே வரும்’’ என்று அழுத்தமாகச் சொல்வார். அன்றைக்கே பஞ்சு அருணாசலம் எழுதிய ‘பஞ்ச்’ டயலாக் அது. ரஜினி சொன்ன ஸ்டைலில் அது மக்களிடம் கைத்தட்டலை பெற்றது. அன்றைக்கு தமிழ் வசனம் பேச பயந்த அதே ரஜினி தான் இன்றைக்கு ‘சும்மா அதிரு துல்ல’ என பஞ்ச் வசனம் பேசி அதிர வைக்கிறார். அதற்குக் காரணம் ரஜினி யின் ஈடுபாடு, உழைப்பு, முயற்சிதான்!

‘புவனா ஒரு கேள்விக்குறி’ படத்தில் ரஜினி, மீரா இருவரும் காதலர்கள். இருவரும் ‘விழியிலே மலர்ந்தது/உயிரிலே கலந்தது/பெண்ணென்னும் பொன்னழகே/ அடடா எங்கெங்கும் உன்னழகே’ என்ற டூயட் பாடுவார்கள். பாடலை எழுதியவர் பஞ்சு அருணா சலம்; இசையமைத்தவர் இளையராஜா. அதில் இருந்த இனிமை இன்றும் இனிக் கிறது. என்றும் இனிக்கும். ஒரு காட்சியில் மீராவை மாடு துரத்தும், அதை பார்த்த ரஜினி அவரை காப்பாற்றப் பின் தொடர்ந்து ஓடுவார். மீரா, ஒரு பாழ் கிணற்றில் விழுந்துவிடுவார். ரஜினி கிணற்றில் குதித்து மீராவை தூக்குவார்.

இந்தக் காட்சிக்காக கிணறு கிடைக்கா மல் தேடி அலைந்தோம். கடைசியில் காட்சிக்குப் பொருத்தமான கிணறு போரூர் அருகே கிடைத்தது. ஷூட்டிங் சமயத்தில் ரஜினியும் மீராவும் கிணற்றில் இருந்து வெளியே வரும்போது, ஒரே துர்நாற்றம். எங்களால் அருகில் நிற்க முடியவில்லை. மொத்த யூனிட் ஆட்களும் தண்ணீரை ஊற்றி அவர் களை சுத்தம் செய்தோம். நாங்கள் படமாக்கிய கிணற்றில்தான் மொத்த போரூர் சாக்கடை நீரும் வந்து சேர்கிறது என்பது பிறகுதான் தெரிந்தது. ‘‘எதுவுமே விசாரிக்காமல் உங்களை கிணற்றில் குதிக்க வைத்தது என் தப்புதான்’’ என்று ரஜினியிடம் மன்னிப்பு கேட்டேன். உடனே ரஜினி, ‘‘சார் அதையெல்லாம் விடுங்க. காட்சி நல்லா வந்திருக்கா, அதை சொல்லுங்க’’ என்றார். அதுதான் ரஜினி. அவரின் பெருந்தன்மைக்கு நாங்கள் நன்றி சொன்னோம்.

தடாவில் ஒரு பாடல் காட்சியைப் பட மாக்க புறப்பட்டோம். அங்கு படப்பிடிப்பு சமயத்தில் திடீரென பிளே பேக் மெஷின் கெட்டுப்போனது. அது இருந்தால்தான் பாட்டைப் போட்டு பாடல் காட்சியைப் படமாக்க முடியும். எவ்வளவோ முயற் சித்தும் சரிசெய்ய முடியவில்லை. முழு யூனிட்டும் சென்னைக்குப் போய் அடுத்த நாள் படப்பிடிப்புக்கு வந்தால் செலவு அதிகமாகும். ரஜினியை மட்டும் சென்னைக்குச் சென்று வர ஏற்பாடு செய்துவிட்டு, நாங்கள் அனைவரும் அங்கேயே தங்க முடிவு செய்தோம்.

அப்போது ரஜினி, ‘‘நீங்க எல்லாரும் இங்கே தங்குறப்ப நான் மட்டும் ஏன் சென்னைக்குப் போயிட்டு வரணும்’’ என்றார். ‘‘இங்கே எந்த அடிப்படை வசதி யும் இல்லை; அதோ அந்த டீக் கடைக் காரர் சப்பாத்தி செய்து தருவதாகக் கூறியுள்ளார்; அந்த வீட்டு மொட்டை மாடி யில் படுக்கப் போகிறோம்’’ என்றோம். அதற்கு ரஜினி, ‘‘நீங்கள்லாம் என்ன செய்றீங்களோ, அதையே நானும் செய்து கொள்வேன்’’ என்று கூறி எங்களோடு டீக்கடை சப்பாத்தியைச் சாப்பிட்டு, மொட்டை மாடியில் உறங்கி, ஆற்றில் குளித்து முடித்து படப்பிடிப்புக்கு வந்து விட்டார். ஹீரோ என்கிற உணர்வு துளியும் இல்லை அவருக்கு. அன்று முதல் இன்று வரை அதே மாதிரிதான் பழகு கிறார். நிறைய புகழ் வந்துவிட்ட பிறகும் ஒருபோதும் அதை தலையில் தூக்கி வைத்துக் கொள்வதில்லை. கேமரா வுக்கு முன்னால் மட்டுமே நடிக்கிறார். கேமராவுக்கு பின்னால் மனிதநேயமுள்ள மனிதராக நடக்கிறார். பொய் சொல்லும் பழக்கமே இல்லாதவர். அவரு டைய 25 படங்களை இயக்கியிருக்கிறேன் என்பதில் எங்கள் குழுவுக்கு பெரிய மகிழ்ச்சி. அந்த மகிழ்ச்சியை ‘தி இந்து’ மூலம் வாசகர்களுடன் பகிர்ந்து கொள் வதில் இன்னும் மகிழ்ச்சி!

சுமித்ராவிடம் தவறாக நடந்து கொண்ட சிவகுமார், ஒருகட்டத்தில் அவரை கை கழுவி விடுவார். இதை அறிந்த ரஜினி சுமித்ராவை அழைத்துக் கொண்டுபோய் வாழ வைப்பார். ஊர் உலகத்துக்காக இருவரும் கணவன் - மனைவியாக நடிப்பார்கள். ஒருகட்டத் தில் ரஜினி, ‘‘ஏன் நாம் நடிக்க வேண்டும்? உண்மையான கணவன் மனைவியாக ஆகிவிட்டால் என்ன?’’ என்று சுமித்ரா விடம் கேட்பார். அதற்கு சுமித்ரா ‘‘உங்கள நான் தெய்வமா நினைக்கிறேன். நான் அழுகிப் போன பூ. என் தெய்வத்துக்கு அழுகின பூவை அர்ப்பணிக்க விருப்ப மில்லை. உங்க மேல இருக்கும் நம் பிக்கையிலதான் என் அறை கதவைக்கூட மூடுறதில்லை. ஒரு திரையை மட்டும் போட்டு வெச்சிருக்கேன். நான் சொல் றதை ஏத்துக்கலன்னா நீங்க எப்போ வேணும்னாலும் என் அறைக்குள்ள வரலாம்’’ என்று சொல்லிவிட்டு அறைக் குள் போய்விடுவார்.

ரஜினி அப்போது அசந்துபோய் ‘ராஜா என்பார்/மந்திரி என்பார்/ராஜ்ஜியம் இல்லை ஆள’. என்று பாடுவார். காட்சி யின் கருத்தாழத்தை அந்தப் பாடல் உணர்த்தும். ரஜினி சுமித்ரா இருவரின் நடிப்பும் அசத்தலாக இருக்கும். பஞ்சு அருணாசலத்தின் வரிகளும் இளைய ராஜாவின் இசையும் கதையை கண் முன் கொண்டுவந்து நிறுத்திவி்டும். ‘புவனா ஒரு கேள்விக்குறி’ பெரும் வெற்றி பெற் றது. ரஜினிக்கு ஸ்டைல் மட்டும்தான் தெரியும் என்று நினைத்த மக்கள் அவரை சிறந்த குணச்சித்திர கதாநாயகனாக ஏற்றுக்கொண்டார்கள். பத்திரிகைகள் பாராட்டின. ரஜினியின் வெற்றிப்படிகளில் ‘புவனா ஒரு கேள்விக்குறி’யும் ஒன்று.

கமலையும் ரஜினியையும் மாறி மாறி இயக்கும் சிறந்த வாய்ப்புகளை நான் பெற்றவன். இருவரைப் பற்றியும் மாறி மாறி எழுதப் போகிறேன். ஒரு படத்தில் என் இயக்கத்தில் கமலும் ரஜினியும் இணைந்து நடித்தார்கள். அது எந்தப் படம்?

http://i1065.photobucket.com/albums/...psumxv1yu3.gif

https://scontent.fmaa1-2.fna.fbcdn.n...c1&oe=57429C7A

மதுர கான திரி அன்பர்கள் அனைவருக்கும் உளமார்ந்த பொங்கல் நல்வாழ்த்துக்கள்.

திரியின் நாயகரே... தங்கள் வருகையை ஆவலுடன் எதிர்பார்க்கிறோம்...

நேற்று {15.01.2016} இரவு அன்பு நண்பர் நெய்வேலியாருடன் பேசும் வாய்ப்புக் கிடைத்தது. நீண்ட நாட்களாகத் திரிக்கு வராத காரணத்தால் ஒரு எதிர்பார்ப்புடன் இருந்ததில், அந்த உரையாடல் மிகவும் மகிழ்வூட்டியது. பணிச்சுமை மற்றும் வேலை பளுவாலும் வேறு பல காரணங்களாலும் திரியில் பங்கு கொள்ள இயலவில்லை எனக் கூறியவர், கூடிய விரைவில் இங்கு தொடர உள்ளதாகத் தெரிவித்தார்.

அவருக்கு நம் அனைவர் சார்பிலும் பொங்கல் வாழ்த்துக்கள் தெரிவிக்கப்பட்டது.

https://www.youtube.com/watch?v=dxpQ1S1NJxs

எம்.ஜி.ஆர். பிறந்த நாளையொட்டி என்னுடைய விருப்பப் பாடலைப் பகிர்ந்து கொள்ள விரும்புகிறேன்.

எம்.ஜி.ஆர். அவர்களின் படங்களைப் பொறுத்த மட்டில் இன்றளவும் மக்கள் மனதில் நிற்பதில் பாடல்களுக்குப் பெரும் பங்குண்டு. குறிப்பாக பாடகர் திலகம் டி.எம்.எஸ். அவர்களின் பங்களிப்பு, மற்றும் வாலியின் வரிகள். இசையமைப்பாளர்களைப் பொறுத்த மட்டில் யார் இசையமைத்தாலும் வாலியின் வரிகள் டி.எம்.எஸ். அவர்களின் குரலில் உயிர் பெற்று விடும்.

மெல்லிசை மன்னர், கே.வி.எம். சங்கர்-கணேஷ், ஜி.ராமநாதன் என பல இசையமைப்பாளர்கள் இசையமைத்திருந்தாலும் எஸ்.எம்.எஸ். எனப்படும் சுப்பய்யா நாயுடு அவர்களின் பாணியையே பின்பற்றி வந்துள்ளனர் என்பது புலப்படுகிறது. இதில் மெல்லிசை மன்னர் தன் இசைக்கருவிகளின் பிரயோகம், தன் விசேஷமான மெட்டு இவற்றால் தனித்து யாராலும் நெருங்க முடியாத உயரத்தில் இருக்கிறார்.

என்றாலும் கூட எம்.ஜி.ஆர். அவர்களின் படங்களில் ஆசை முகம் படத்தில் இடம் பெற்ற இந்தப் பாடலுக்கு இருக்கும் தனித்துவம் மற்ற பாடல்களை விட சற்றே உயர்த்திக் காட்டுகிறது எனலாம். இதற்கு டி.எம்.எஸ். அவர்களை எஸ்.எம்.எஸ். அவர்கள் பயன்படுத்திய வித்தியாசமான பாணியே ஆகும். குறிப்பாக கொள்கைப் பாடல்களுக்கு எஸ்.எம்.சுப்பய்யா அவர்களின் பாணியே இன்றளவும் பயன்பட்டு வருகிறது.

அந்த வகையில் எம்.ஜி.ஆர். அவர்களின் படங்களிலேயே என்னை மிகவும் அதிகம் ஈர்த்த பாடல் என்கிற கண்ணோட்டத்தில் நாளொரு மேடை பொழுதொரு நடிப்பு பாடல் நான் மிகவும் விரும்பிக் கேட்கும் பாடல்களில் ஒன்று.

குறிப்பாக வாலியின் வரிகள் ஒவ்வொரு மனிதனுக்கம் பொருந்தும் வகையில் அமைந்துள்ளது குறிப்பிடத்தக்கது. பிரச்சார நெடி அதிகம் இல்லாததும் இந்தப் பாடலின் சிறப்புக்கு ஒரு காரணம்.

உள்ளத்தில் வைத்ததை உதட்டிலும் வைப்பவன்
எவனோ அவனே மனிதன்
எவனோ அவனே மனிதன்
ஊரார் வேர்வையில் உடலை வளர்ப்பவன்
உலகத்தில் கோழைகள் தலைவன்
உலகத்தில் கோழைகள் தலைவன்

காட்டில் நிலவாய் கடலில் மழையாய்
காட்டில் நிலவாய் கடலில் மழையாய்
பிறந்தால் யாருக்கு லாபம்...
பிறந்தால் யாருக்கு லாபம்..

...இந்த இடத்தில் டி.எம்.எஸ். அவர்களின் குரல் நம்மை அப்படியே கூட அழைத்துக் கொண்டு விடும்.

பகையில் துணையாய்
பசியில் உணவாய்
இருந்தால் ஊருக்கு லாபம்
இருந்தால் ஊருக்கு லாபம்...

கூரைகளெல்லாம் கூட வளர்ந்தால்
கோபுரமாவதில்லை...
கோபுரமாவதில்லை..
குருவிகளெல்லாம் உயரப் பறந்தால்
பருந்துகளாவதில்லை...
பருந்துகளாவிதில்லை...

எம்.ஜி.ஆருக்கே உரித்தான பாணியில் அமைந்தாலும் இசையமைப்பிலும் டி.எம்.எஸ். அவர்களின் குரல் வளத்தினாலும் இந்தப் பாடல் தனித்து நம்மை ஈர்க்கிறது என்பது உண்மை.


http://www.filmibeat.com/img/2013/07...yricist-01.jpg
Vaali

http://tamilweek.com/thiruvedkai/wp-.../TMS052414.jpg
T.M.S.

Courtesy: Dinamani

டி.ஆர். ராஜகுமாரி: 2. பார்த்து ரொம்ப நாளாச்சு...!

1.கச்ச தேவயானி, 2.மந்திரவாதி, 3.குமார குலோத்துங்கன், 4.சூர்யபுத்திரி, 5.ஆராய்ச்சி மணி, 6, சதி சுகன்யா, 7.மனோன்மணி, 8. சிவகவி, 9. குபேர குசலா...

டி.ஆர். ராஜகுமாரி சினிமாவில் அறிமுகமான ஐந்து ஆண்டுகளில், ஒன்பது படங்கள் வெளியாகி இருந்தன.

அதுவரை சித்தி தனலட்சுமி வீட்டில் தங்கி நடித்தவர் டி.ஆர். ராஜகுமாரி.

1943ல், தியாகராயநகரில் ஹபிபுல்லா சாலையில் ‘கன்னியாகுமரி பவனம்’ என்கிற சொந்த மாளிகையில் குடியேறினார்.

சென்னையில் பிரம்மாண்டமாக சொகுசு பங்களா கட்டி புதுமனை புகுவிழா கண்ட முதல் சூப்பர் ஸ்டார் டி.ஆர். ராஜகுமாரி!

---------------
1944. டி.ஆர். ராஜகுமாரி - டி.ஆர். ராமச்சந்திரன் நடிக்க, டி.ஆர். ரகுநாத் டைரக்ட் செய்ய ‘பிரபாவதி’ ரிலிஸானது. டைட்டிலை ‘டி.ஆர். பிரபாவதி’ என்று வைத்திருக்கலாம்.

ஹரிதாஸில் சாருகேசி ராகத்தில் ஒலித்தது ‘மன்மத லீலையை வென்றார் உண்டோ... ’ யவ்வனத்தின் தேசிய கீதம்!

‘நின் மதி வதனமும் நீள் விழியும் கண்டு... ’என்று பாடி வருகையில் இடையில் பாகவதர் ‘ரம்பா... ’ என்று குழைய , டி.ஆர். ராஜகுமாரி சற்று நெருங்கி க்ளோஸ் அப்பில் ‘ஸ்வாமி! என்று இன்ப லாகிரியில் அழைக்க, ‘என் மதி மயங்கினேன்’ என்று பாகவதர் பரவச நிலையில் மன்மத லீலையைத் தொடர திரை அரங்கங்கள் அமர்க்களப்படும்.

ஹரிதாஸில் அந்த ஒரு கணத்தைக் கண்ணாரக் காண, மக்கள் கூட்டம் ஆண்டுக் கணக்கில் அலை மோதியது.

இரண்டாம் உலகப் போரின் கடுமையானத் தாக்குதல். சென்னை ஏறக்குறைய காலி. எங்கும் பசி. பஞ்சம். பட்டினி.

தரித்திரத்தின் தர்பாரிலும் தலைநகரத் தமிழர்களுக்கு டி.ஆர். ராஜகுமாரி மீதான மயக்கம் அதிகரிக்கவே செய்தது.



1944 தீபாவளி ரிலிஸ் ஹரிதாஸ். சென்னை பிராட்வே தியேட்டரில் மூன்று தீபாவளிகளைக் கண்டு 114 வாரங்கள் தொடர்ந்து ஓடியது

அது மட்டுமல்ல மன்மத லீலை பாடல் சூப்பர் டூப்பர் ஹிட் ஆனதும், சாருகேசி ராகத்துக்கும் சபை கூடியது.

ஹரிதாஸ் படத்தில் ‘தாசி ரம்பாவாக’ கொடூரமான வில்லி நடிப்பில் டி.ஆர். ராஜகுமாரி விஸ்வரூபம் காட்டினார்.

‘ஹரிதாஸி’ல் டி.ஆர். ராஜகுமாரி அடைந்த உச்சக் கட்டப் புகழை இன்று வரை எவரும் இலேசாகத் தொடக் கூட முடியவில்லை.

யார் திருஷ்டி பட்டதோ டி.ஆர். ராஜகுமாரியின் கண்களுக்கு நிஜமாகவே ஆபத்து வந்தது. சிகிச்சைக்காக சில மாதங்கள் ஓய்வில் இருந்தார்.

ரஞ்சன்- டி.ஆர். ராஜகுமாரி நடித்த சாலிவாஹனன் 1945ல் வெளியானது.

ஹரிதாஸ் வெளியான ஒரு மாதத்துக்கெல்லாம் 1944 டிசம்பரில் பாகவதர் எதிர்பாராத விதமாக சிறைக்குச் சென்றார். அவர் நடித்திருக்க வேண்டிய சினிமா ஜூபிடரின் வால்மீகி.

ஹொன்னப்ப பாகவதருடன் டி.ஆர். ராஜகுமாரி இணைந்து நடித்தார். வழக்கமான அவரது கவர்ச்சியைக் காணாமல் ரசிகர்கள் ஏமாந்தார்கள். 1946ல் வால்மீகி நல்ல டாக்கியாக உருவாகியும் வெற்றி வாய்ப்பை இழந்தது.

‘விகடயோகி’ டி.ஆர். ராஜகுமாரி நடித்த முதல் சமூகச் சித்திரம்! 1946 அக்டோபரில் வெளியானது.

ஹாலிவுட்டில் அபார வெற்றி பெற்ற ஆங்கில சினிமாவின் தழுவல். ராசியான பி.யூ. சின்னப்பா நாயகனாக நடிக்க, டி.ஆர். ராஜகுமாரியைப் பிரபலப்படுத்திய டைரக்டர் கே.சுப்ரமணியம் இயக்கினார். ரசிகர்களின் எதிர்ப்பார்ப்பைப் பொய்யாக்கி விகடயோகி சுமாராகவே ஓடியது.

‘தமிழ்நாடு டாக்கீஸ்’ புகழ் பெற்றப் பட நிறுவனம். 1947ல் அவர்களது படைப்பு பங்கஜவல்லி. பி.யூ. சின்னப்பா - டி.ஆர். ராஜகுமாரி மீண்டும் ஜோடி சேர்ந்தனர்.

டி.ஆர்.ராஜகுமாரி ஆண்களை வெறுக்கும் அல்லி ராணியாக மிக வித்தியாசமான பாத்திரம் ஏற்ற படம் பங்கஜவல்லி.

கரஹரப்ரியா ராகத்தில் ‘நீ இல்லாமல் அணுவும் அசையுமோ’ என்று டி.ஆர். ராஜகுமாரியிடம் பாடி அவரை வீழ்த்துவார் பி.யூ. சின்னப்பா. அப்பாடல் 1947ன் சூப்பர் ஹிட்.

‘பிரம்மரிஷி விஸ்வாமித்திரா, பங்கஜவல்லி ஆகிய சினிமாக்களில் டி.ஆர். ராஜகுமாரிக்குக் கிடைத்த வேடங்கள் சாதாரணமாக இருந்தன. அதனால் விசிறிகள் தியேட்டர் பக்கம் தலை காட்டவில்லை’ என்று நேற்றைய திரை இதழ்கள் கருத்து வெளியிட்டுள்ளன.

‘பிரம்மரிஷி விஸ்வமித்திரா’ கே.ஆர். ராம்சிங் - டி.ஆர். ராஜகுமாரி பங்கேற்றது. கே.ஆர். ராம்சிங் பிரசித்தமில்லாதவர். ஆனாலும் அவருடன் டி.ஆர். ராஜகுமாரி தயக்கமின்றி நடித்தார்.

---------------------
‘என்ன தயாராகி விட்டதா...? ’ ஜெமினி எஸ். எஸ். வாசன் கேட்டார்.

‘இன்னும் ஒரு அடி பள்ளம் வெட்ட வேண்டும் சார். ’

சூப்பர் ஸ்டார் டி.ஆர். ராஜகுமாரி... இருபது அடி உயரத்தில் ஏறி பார் விளையாடினால், ஏற்படக் கூடிய ஆபத்தைத் தவிர்க்க வாசன் போட்ட திட்டம் முடியும் தறுவாயில் இருந்தது.



டி.ஆர். ராஜகுமாரி நூலேணியில் முதலில் ஏறி, மேலே உள்ள ட்ரபீஸ் என்ற கம்பி ஊஞ்சலைக் கைப்பற்றி, அதிலிருந்து மற்றொன்றுக்குப் பாய வேண்டும்.

அதற்காக அவர் ஏற வேண்டிய உயரத்தைக் குறைத்து, காமிராவை தரைக்குக் கீழே கொண்டு சென்றார்கள்.

டி.ஆர்.ராஜகுமாரி மிகத் துணிச்சலாக இரண்டு அடிகள் உயரத்தில் உள்ள, கம்பி மீது காலைத் தூக்கி வைத்து ஏறினார். திரும்பினார். பின்புப் பெரிதாகப் பெருமூச்சு விட்டார்.

காமிரா சுழன்றது. அவர் பாரில் பாய்ந்து ஆடி, திரும்பவும், கம்பி ஊஞ்சலில் வந்து நின்றதாக அர்த்தம்.

ஒத்திகை முடிந்ததும் சர்க்கஸில் ஷூட்டிங்.

ராஜகுமாரி வந்தாச்சா...? வாசன் மீண்டும் களத்தில் குதித்தார்.

‘டோபா மட்டும் வைக்கணும். இதோ வந்திடுவார்... ’

நாயகியைப் போலவே அங்கு ஆஜர் ஆனது சர்க்கஸ் பையன். ராஜகுமாரிக்கான ‘விக்’ கை மாட்டிக்கொண்டு பூவையும் கூந்தல் நிறைய வைத்துக் கொண்டான்.

அவன் தலைக்கு மேலே உள்ள ஒரு மெல்லிய ஊஞ்சலில், கம்பியை இரு கைகளாலும் பற்றிக் கொண்டு நாற்காலி மீது ஏறி நின்றார் நிஜ டி.ஆர். ராஜகுமாரி. அதுவும் ஒளிப்பதிவானது.

முழு நீளப் படம் திரையில் ஓடும் போது டி.ஆர். ராஜகுமாரியையும், பையனையும் மாற்றி மாற்றிக் காட்டி,

‘டி.ஆர். ராஜகுமாரி சர்க்கஸ் அழகியாக அற்புதமாக பார் ஆடுகிறார்... ’ என்ற பிரமையை ஏற்படுத்தினார் வாசன்.

கிட்டத்தட்ட மூன்றரை ஆண்டுகள்... முப்பது லட்சங்கள் செலவில் மிக பிரம்மாண்டமாகத் தயாராகியது சந்திரலேகா.

‘1948 தைத் திருநாள் வெளியீடு’ என்று முதல் கட்ட விளம்பரங்கள் பறை சாற்றின.

காந்தி எதிர்பாரமல் துப்பாக்கி குண்டுக்குப் பலியானார். வாசனை பெரும் வட்டிச் சுமை யானையாக அழுத்தியது. தேசிய துக்கம் காரணமாகத் தன் பட வெளியீட்டைத் தள்ளி வைத்தார்.

சந்திரலேகா - அன்றையத் தமிழ் சினிமாவின் ஒட்டு மொத்த அடையாளம். அதன் வெற்றி தோல்வியைப் பொறுத்தே படத் தொழிலின் ஜீவன் ஓடிக் கொண்டிருந்தது.

1948 ஏப்ரல் 9. சந்திரலேகா ரிலீஸ்.

‘காக்கி நாடாவிலிருந்து கொழும்பு வரை தென் இந்தியா முழுவதும் 50 தியேட்டர்களில் பிரதி தினமும் ஒரு லட்சத்துக்கு மேற்பட்ட ரசிகர்கள் கண்டு களிக்கின்றனர்’ ‘ஜெமினியின் அற்புத சிருஷ்டி சந்திரலேகா’என்றெல்லாம் விளம்பரங்களுக்காகவும் லட்சக்கணக்கில் வாரி இறைத்தார் வாசன்.

சென்னையில் வெலிங்டன், ஸ்டார், கிரவுன், பிரபாத் என நான்கு தியேட்டர்களில் வெற்றிகரமாக ஓடியது.

‘ஐம்பது அடி உயரத்திலிருந்து அநாயாசமாக பார் விளையாடும் அழகி சந்திரலேகா’ என சர்க்கஸ் காட்சிகளின் தொடக்கத்தில் எஸ்.எஸ். வாசனின் கம்பீரக் குரல் முழங்கும். அத்தனை ஈடுபாடு அவருக்குத் தன் படைப்பின் மீது!

தென்னகத் திரையில் அரை மணி நேரத்துக்கு சர்க்கஸ் காட்சிகளைக் காட்டிய முதல் படம்.

சினிமாவும் சர்க்கஸூம் வெவ்வேறு பொழுது போக்கு பொம்மலாட்டங்கள். ‘டாக்கிக்குள் சர்க்கஸ்’ என்பது அந்நாளில் மிகப் புதுமை!

தன் வாழ்க்கையையே பணயம் வைத்து எஸ்.எஸ். வாசன் தயாரித்தது சந்திரலேகா. சுதந்தர பாரதம் முழுமையிலும் வெற்றி முரசு கொட்டிய முதல் இந்திய சினிமா!

1944 ஆனந்த விகடன் தீபாவளி மலரில் இன்றைக்கும் காணக்கிடைக்கிறது சந்திரலேகாவின் ஆரம்ப விளம்பரம். சர்க்கஸ் அழகி ஒருத்தி குடை பிடித்து ஆடும் போஸ் அதில் உள்ளது.



தொடக்கத்தில் கே.எல். வி. வசந்தா என்கிற வள்ளிக்கண்ணுவை சந்திரலேகாவாக நடிக்க ஒப்பந்தம் செய்தார்கள். ஏனோ அவர் சேலத்துக்கு ரயில் ஏறி திருமதி டி.ஆர். சுந்தரம் (மாடர்ன் தியேட்டர்ஸ்) ஆகி விட்டார்.

பிறகு ‘ஜெமினி சாம்ராஜ்யத்தின் மகாராணி’ என அழைக்கப்பட்ட நடிகை புஷ்பவல்லி(இந்தி ஸ்டார் ரேகாவின் அம்மா) நடிப்பதாக இருந்தது.

சர்க்கஸ் காட்சிகளில் அணியும் உடைகள் ஆபாசமாக இருப்பதாக அவரது கணவர் அட்வகேட் ரங்காச்சாரி குறை கூற, வேறு ஆடைகளை அணிவிப்பதற்குப் பதிலாக ஆளையே மாற்றினார் வாசன்.

ஜெமினியின் அதிர்ஷ்டம் டி.ஆர். ராஜகுமாரியின் ‘சந்திரலேகா’ அவதாரம்!

தங்கத்தின் மதிப்பு பத்து ரூபாய் கூட பெறாத காலம். டி.ஆர். ராஜகுமாரியின் மாண்பு அறிந்து அவருக்கு ஒரு லட்ச ரூபாய் ஊதியம் வழங்கினார் எஸ்.எஸ்.வாசன்.

க்ளைமாக்ஸில் இடம் பெற்ற ட்ரம் டான்ஸைக் குறிப்பிடாமல் சந்திரலேகா பூரணத்துவம் பெறாது. நீண்ட நெடுங்காலம் பாடுபட்டு நூறு முரசங்களில் நாட்டியக் கலைஞர்கள் பங்கேற்க, நூறு ஷாட்களில், உருவானது. 40 அடி உயரத்தில் நாயகி டி.ஆர். ராஜகுமாரியையும் பிரம்மாண்டமான முரசு மீது ஏற்றி ஆடச் செய்து பிரமிப்பூட்டினார் வாசன்.

டி.ஆர். ராஜகுமாரி அதிக பட்ச கவர்ச்சி காட்டி நடித்த படம் சந்திரலேகா. பார் விளையாட்டுக் காட்சிகளைக் கண்டு விநியோகஸ்தர்கள் விழி பிதுங்கினார்கள்.

நிஜார் அணிந்த டி.ஆர்.ராஜகுமாரியின் தொடைகள் கருப்பு வெள்ளையில் கூட மின்னலாகத் தாக்கியது. அவற்றை நீக்கினால் மாத்திரமே கேரளத்தில் திரையிடுவேன் என்றார் ஜியோ பிக்சர்ஸ் என். எஸ். ஜார்ஜ்.

எம்டன் வாசன். சந்திரலேகாவுக்காகவே எர்ணாகுளத்தில் ஜெமினியின் புதிய விநியோக நிறுவனத்துக்கு விதையூன்றினார்.

மலையாள மண்ணில் தமிழனின் பெருமை பேசி, வசூலைக் குவித்த முதல் சாதனைச் சித்திரமாகச் சரித்திரம் படைத்தது.



ஆரம்பம் முதலே ஆண் ஆதிக்கம் நிறைந்தது சினிமா சமூகம். அதை உடைத்தெறிந்தார் ஜெமினி எஸ்.எஸ். வாசன்.

‘சந்திரலேகா’வில் டி.ஆர். ராஜகுமாரியின் பெயரை எடுத்த எடுப்பில் டைட்டிலின் முதலில் போட்டார்.

எம்.கே. ராதா -ரஞ்சன் என்று இரு பிரபல ஹீரோக்கள், ஆற்றல் மிக்கக் கதா பாத்திரங்களில் நடித்திருந்தும், டி.ஆர். ராஜகுமாரிக்காகவே தயாரிக்கப்பட்டதோ என்கிற பிரமிப்பைத் தோற்றுவித்தது சந்திரலேகா.

ஜெமினி ஸ்டுடியோவில் ராஜகுமாரிக்கென்று தனியாக ஒரு மேக் அப் அறையை ஒதுக்கி இருந்தார் வாசன். ஏராளமான காஸ்ட்யூம்களில் டி.ஆர். ராஜகுமாரியை வெகு அமர்க்களமாக ரசிகர்களின் பார்வைக்கு இட்டுச் சென்றார்.

‘டி.ஆர். ராஜகுமாரி மாராப்புத் துணி இல்லாமல், ‘டைட் ஃபிட்டிங்’ டிரஸ்ஸில் வந்து,‘மனமோகன தாரனே, மதனாங்க சுந்தர சிங்காரனே! ’ என்று வில்லன் ரஞ்சனை வளைத்துப் போட, உடலை நெளித்து சாகஸத்தை உல்லாசக் கண்களில் தேக்கி ஆடுவார்.

இன்னொரு காட்சியில் ரஞ்சனின் கையில் பிடித்த மீனைப் போல் டி.ஆர். ராஜகுமாரி வழுக்கி வழுக்கி விழ, அவரைக் கட்டி அணைக்க முடியாமல் களைத்துப் போய் பெருமூச்சு விடுவார் ரஞ்சன்!

என்று சந்திரலேகாவில் நிறைந்திருந்த சல்லாப சம்பவங்களை நினைவு கூர்ந்துள்ளார் மூத்த பத்திரிகையாளர் ‘பொம்மை’ சாரதி.

‘ஸ்வீட் ராஸ்கல்’ என்பார்கள் கன்னியர். தங்களிடம் புத்திசாலித்தனமாகக் குறும்பு செய்யும் வசீகர வாலிபர்களை. சந்திரலேகாவின் வில்லன் சஸாங்கன் அந்த ரகம்! அவ்வேடத்தில் ரஞ்சன் குமரிகளுக்குக் குதூகலமூட்டி, மனம் கவர்ந்த ஸ்வீட் ராஸ்கலாக வெள்ளைக் குதிரையில் வெற்றி பவனி வந்தார்.

சந்திரலேகாவில் டி.ஆர். ராஜகுமாரியிடம் அவர் பேசும் டயலாக் - ‘பார்த்து ரொம்ப நாளாச்சு...! ’அந்தரங்க அர்த்தங்களுடன் யுவதிகளை குஷிப்படுத்தியது.

கல்கத்தாவில் சந்திரலேகா ரிலிஸ். டி.ஆர். ராஜகுமாரி ரஸகுல்லாவாகி வங்கத்து இளைஞர்களையும் இனிக்க இனிக்க வதைத்தார்.

ஒவ்வொரு இளைஞனும் டி.ஆர். ராஜகுமாரியின் ஃபோட்டோக்களை ஒளித்து வைத்துக்கொண்டான்.

‘பாக்கெட்டில் இருந்து அதை வெளியே எடுத்துத் தங்களுக்கும் காட்ட மாட்டானா...’ என்று பெரிசுகள் ஏங்கியதாம்.

சந்திரலேகா குறித்த டி.ஆர். ராஜகுமாரியின் மலரும் நினைவுகள்-

‘தமிழ் நட்சத்திரமாக மட்டும் திகழ்ந்த என்னை அகில இந்திய ஸ்டாராக, ஏன்... சர்வதேச நட்சத்திரமாக ஆக்கியவர் எஸ்.எஸ். வாசன்.

சந்திரலேகா சினிமாவையும் அதன் படப்பிடிப்பையும் இப்போது நினைத்துக் கொண்டாலும் பிரமிப்பாகவே இருக்கிறது.

அவ்வளவு பெரிய துணிச்சலான முயற்சியை எவராலும் எடுத்துக் கொண்டிருக்க முடியாது. அதன் வெற்றிக்காக வாசன் அவர்கள் எதைச் சொன்னாலும் செய்யக் காத்திருந்தேன்.

‘சர்க்கஸ்காரியாக மாற வேண்டுமா, தயார்! மலை மேல் ஏற வேண்டுமா, ரெடி’ என்று எதையும் செய்யச் சித்தமாக இருந்தேன்.



அப்படி உழைத்ததில் ஓர் இன்பம் இருந்தது. அந்த உழைப்பிற்குத் தக்க பலனும் கிடைத்தது.

ஜெமினியில் சந்திரலேகாவை முடித்து விட்டு வெளியே வந்த போது, நிஜத்தில் ஒரு குடும்பத்தைப் பிரிந்து வருகிற நிலையில் இருந்தேன் நான். ’

--------------
‘வெள்ளித் திரையில் டி.ஆர். ராஜகுமாரியின் ராஜாங்கம்’ பற்றி, ‘குண்டூசி’ சினிமா இதழின் முதல் ஆண்டு விழா மலரில் ஆசிரியர் கோபால் எழுதியவை---

‘ஒன்பது வருஷங்களில் இதுவரை பதினாறு சினிமாக்களில் நடித்துள்ளார். நடுத்தர உயரமும், கருப்பு நிறமும், கலகலப்பற்ற சுபாவமும் உடையவர்.

எவரிடமும் அனாவசியமாக பேசித் தன் கவுரவத்தை இழக்க மாட்டார்.

சுமாரான குரல். பாட்டுத் திறமை உடையவர். சம்பாஷணைகளை கனகச்சிதமாக பேசவும், காதல் கட்டங்களில் ரஸமாக நடிக்கவும் கூடியவர்.

கவர்ச்சி மிக்க உடல் அமைப்பையும், எந்தக் கோணத்திலிருந்து எடுத்தாலும் அழகாகத் தெரியும் முகத் தோற்றத்தையும், வசீகரக் கண்களையும் பெற்றிருக்கிறார்.

டி.ஆர். ராஜகுமாரி ஸ்டார் ஆக இருக்க இவையே காரணம்! ’

Courtesy:Tamil Hindu


காற்றில் கலந்த இசை 38: தேனிசை வெள்ளம்!






இளையராஜாவின் இசைக் குழுவில் கிட்டார் இசைக் கலைஞராகவும், பாடலாசிரியராகவும் பணிபுரிந்த கங்கை அமரன், பின்னர் இசையமைப்பாளராகவும் இயக்குநராகவும் வளர்ந்தார். அவர் இயக்கிய முதல் படம் ‘கோழி கூவுது’. கிராமம் அல்லது சிறுநகரங்களுக்குள் நடக்கும் கதைகள், எளிய கதை மாந்தர்களை வைத்துக்கொண்டு ரசிக்கத் தக்க படங்களை இயக்கினார் கங்கை அமரன்.

மறைந்த பாடகர் மலேசியா வாசுதேவனின் குரல் மிக விசேஷமானது. உற்சாகம் கொப்பளிக்கும் ஆர்ப்பாட்டமான பாடல்களை அத்தனை இயல்பாகப் பாடக்கூடியவர் அவர். மற்றொரு கோணமும் உண்டு. வெளித் தோற்றத்தில் இறுக்கமானவர்களாகத் தோன்றினாலும், உள்ளுக்குள் அன்பும் ரசனையும் கசிந்துகொண்டே இருக்கும் மனிதர்களுக்கும் பொருத்தமான குரல் அவருடையது. இப்படத்திலும் முரட்டு இளைஞராக வரும் பிரபுவுக்குப் பாடிய ‘பூவே இளைய பூவே’ பாடலில் இறுக்கத்தை உடைத்துக்கொண்டு இனிமையை ரசிக்கும் மனதை வெளிப்படுத்தியிருப்பார்.

பிரபு ஊரை விட்டு வெளியேறி ராணுவத்தில் சேர்ந்துவிடுவார். கிராமத்தில் உள்ள எழுதப்படிக்கத் தெரியாத தனது காதலிக்கு (சில்க்), தனது நம்பிக்கைக்குரிய சுரேஷ் மூலம் கடிதம் எழுதுவார். அக்கடித வரிகளிலிருந்தே பாடல் தொடங்கும். பின்னணியில் கிட்டார் ஒலிக்க, ‘தம்பி ராமகிருஷ்ணா(வ்) கூச்சப்படாமல் மற்றவைகளையும் படித்துக் காட்டவும்’ என்று அவர் சொல்வதைக் கேட்டுப்பாருங்கள். அதிகாரமும் அன்பும் மிளிரும் குரல் அது.

வயல்வெளிகள், ஓடைகள், தோப்புகள் என்று இயற்கையின் ஆசீர்வாதங்கள் நிறைந்த கிராமங்களில் வளர்ந்தவர்களுக்கு இளையராஜாவின் பல பாடல்கள் தங்கள் வாழ்வுடன் ஒன்றிய அம்சங்களாவே இருக்கின்றன. இந்தப் பாடலின் நிரவல் இசையின் கற்பனை வளம் மனதுக்குள் உருவாக்கும் காட்சிகள் அத்தனை பசுமையானவை.

மெல்ல அழைப்பது போன்ற குரலில் பாடலைத் தொடங்குவார் மலேசியா வாசுதேவன். பெருமிதமும், ஏகாந்தமும் நிறைந்த குரலில் ‘எனக்குத் தானே…’ என்று பல்லவியை அவர் முடித்ததும், ‘லலால’என்று பெண் குரல்களின் கோரஸ் ஒலிக்கும். துள்ளலான தாளக்கட்டு, இயற்கையை விரிக்கும் வயலின் இசைக்கோவை, பறவைகளின் இருப்பை உணர்த்தும் புல்லாங்குழல், நீர்நிலைகளைக் காட்சிப்படுத்தும் ஜலதரங்கம் என்று இசைக் கருவிகளாலேயே இயற்கையின் ஓவியத்தை உருவாக்கியிருப்பார் இளையராஜா.

இப்படத்தில் வரும் ‘அண்ணே அண்ணே சிப்பாய் அண்ணே’ எனும் குழுப் பாடலை சாமுவேல் கிரப், தீபன் சக்கரவர்த்தி, வித்யாதர் ஆகியோர் பாடியிருப்பார்கள். ஊருக்குள் சுற்றித் திரியும் காதல் ஜோடியைப் பற்றி பிரபுவிடம் அரசல் புரசலாகப் புகார் செய்யும் பாடல் இது.

இப்படத்தின் மிக முக்கியமான பாடல் கிருஷ்ணசந்திரன், எஸ். ஜானகி பாடிய ‘ஏதோ மோகம், மலையாளத் திரையுலகில் நடிகராகவும் பாடகராகவும் அறிமுகமானவர் கிருஷ்ணசந்திரன். ஒப்புமை இல்லாத தனித்தக் குரல் கொண்டவர். ‘ஆனந்த மாலை’ (தூரத்துப் பச்சை), ‘பூவாடைக் காற்று’ (கோபுரங்கள் சாய்வதில்லை), ‘அள்ளி வச்ச மல்லிகையே’(இனிமை இதோ இதோ), ‘தென்றல் என்னை முத்தமிட்டது’ (ஒரு ஓடை நதியாகிறது) போன்ற அற்புதமான பாடல்களைப் பாடியவர். ‘ஏதோ மோகம்’ பாடலின் சிறப்பு, மேற்கத்திய செவ்வியல் இசையின் கூறுகளைக் கொண்டிருந்தாலும், தமிழகத்தின் கிராமியக் காட்சிகளை உருவாக்கும் அதன் தனித்தன்மைதான்.

மெல்ல உருக்கொண்டு திடீரென முகிழ்க்கும் எதிர்பாலின ஈர்ப்பைச் சித்தரிக்கும் பாடல். ஒற்றை வயலின், வயலின் சேர்ந்திசை, புல்லாங்குழல், பேஸ் கிட்டார் என்று இசைக் கருவிகளின் மூலம் ஐந்தரை நிமிடங்கள் கொண்ட ‘மினி’ பொற்காலத்தைப் படைத்திருப்பார் இளையராஜா. தேன் சொட்டும் ரகசியக் குரலில் ‘ஏதோ மோகம்…ஏதோ தாகம்’ என்று பாடலைத் தொடங்குவார் ஜானகி.

கூடவே ஒலிக்கும் ஹம்மிங்கையும் அவர்தான் பாடியிருப்பார். அவர் குரலில் வெவ்வேறு சுருதிகளில் பதிவுசெய்யப்பட்ட ஹம்மிங்குகளை ஒருமித்து ஒலிக்கச் செய்திருப்பார் இளையராஜா. முதல் நிரவல் இசையில் நீண்டுகொண்டே செல்லும் ஜலதரங்கத்தினூடே ஒலிக்கும் குழலிசையும், அதைத் தொடர்ந்து வரும் வயலின் இசைக்கோவையும் மனதை மிதக்கச் செய்யும். இரண்டாவது நிரவல் இசையில் வெள்ளத்தைத் திரட்டிக்கொண்டே முன்னேறிச் செல்லும் ஆற்று நீரின் ஓட்டத்தைப் போன்ற வயலின் இசைக்கோவையைத் தந்திருப்பார் ராஜா. நெல் வயல் ஒன்றில் நிகழ்த்தப்பட்ட சிம்பொனி இப்பாடல்!

இப்பாடலைப் பாடிய அனுபவம் குறித்து தற்போது திருவனந்தபுரத்தில் வசிக்கும் கிருஷ்ணசந்திரனைக் கேட்டேன். “பிரசாத் ஸ்டூடியோவின் 70 எம்.எம். தியேட்டரில் இப்பாடலை ஒலிப்பதிவு செய்தார் ராஜா சார். 24 ட்ராக்குகளில் நூற்றுக்கும் மேற்பட்ட இசைக் கருவிகளுடன் பாடலை உருவாக்கியிருந்தார். அப்போது இருந்த பிரம்மிப்பு இன்று வரை எனக்கு இருக்கிறது” என்றார் சிலிர்ப்புடன்.

கிருஷ்ணசந்திரனின் குரலில் தமிழில் ஒலிப்பதிவு செய்யப்பட்ட முதல் பாடல் இதுதான் (ஆனால், ‘பூவாடைக் காற்று’ பாடல்தான் முதலில் வெளியானது!). தமிழில் மிகக் குறைவான பாடல்களைப் பாடியிருந்தாலும் இதுபோன்ற அபூர்வப் பாடல்கள் மூலம் ரசிகர்கள் மனதில் நீங்கா இடம் பிடித்துவிட்டார் கிருஷ்ணசந்திரன்!

From ethirpaaraadhadhu

thiru muruga endru oru dharam sonnaaal...........

http://www.youtube.com/watch?v=4iuXwdopG7Y

என்னாச்சு ரொம்ப நாளா சத்ததையே காணோம்..

நம்ம குடும்ப தலைவர் வாசு ஜி எங்கே அவர் வரலை உடனே ஒருத்தரும் ஒழுங்க வர்ரதில்லை.


சரி நம்மளாவது நிசப்தத்தை உடைப்போம்


https://www.youtube.com/watch?v=j-MCpBgvxNM

Quote:

---

Originally Posted by RAGHAVENDRA

நேற்று {15.01.2016} இரவு அன்பு நண்பர் நெய்வேலியாருடன் பேசும் வாய்ப்புக் கிடைத்தது. நீண்ட நாட்களாகத் திரிக்கு வராத காரணத்தால் ஒரு எதிர்பார்ப்புடன் இருந்ததில், அந்த உரையாடல் மிகவும் மகிழ்வூட்டியது. பணிச்சுமை மற்றும் வேலை பளுவாலும் வேறு பல காரணங்களாலும் திரியில் பங்கு கொள்ள இயலவில்லை எனக் கூறியவர், கூடிய விரைவில் இங்கு தொடர உள்ளதாகத் தெரிவித்தார்.

அவருக்கு நம் அனைவர் சார்பிலும் பொங்கல் வாழ்த்துக்கள் தெரிவிக்கப்பட்டது.

---

ஆஹா பிரமாதம் இதுவே எனக்கு போதும் ஆஹாஹ்ஹா ஆஹ்ஹ்ஹா....

Courtesy: Dinamani

டி.ஆர். ராஜகுமாரி: 3.கூண்டுக்கிளி !

1948--ல் டி.ஆர்.ராஜகுமாரியின் மற்றொரு ஜாக்பாட் கிருஷ்ணபக்தி. லேனா செட்டியாரின் ‘கிருஷ்ணா பிக்சர்ஸ்’ உருவாக்கிய உன்னதச் சித்திரம்!

ரஸ்புடினின் பிரெஞ்சு நாவல் ‘தி மான்க்’ அதைத் தமிழுக்கேற்றாற் போல் வெற்றிகரமாகப் படைத்திருந்தார் டைரக்டர் ஆர்.எஸ். மணி.

‘கண்ணகி’ போல் அவரது படைப்புகளில் மறக்க முடியாத ஓர் அற்புத சிருஷ்டி கிருஷ்ணபக்தி.

முதலில் ஸ்திரிலோலன் என்பதை மறைத்து வாழும் கபட சந்நியாசி, பிற்பாதியில் தவறை உணர்ந்து திருந்தும் ஸ்வாமிகள் என்று பி.யூ. சின்னப்பா சிறந்த நடிப்பின் சிகரத்தில் பின்னிப் பிணைந்து நின்றார்.

வழக்கமாகத் திரையில் வசீகரமான தாசியாக வலம் வந்து, தனது கற்கண்டு பேச்சாலும், காண்போர் மயங்கும் கண் கவர் ஆடைகளாலும், கண்களின் வீச்சாலும், குளிர்ச்சி தரும் சந்தனப் புன்னகையாலும், நாயகர்களை மோகவலையில் விழ வைத்து, மோசம் செய்து ஏமாற்றித் துடிதுடிக்கச் செய்வார் டி.ஆர். ராஜகுமாரி.

கிருஷ்ணபக்தியில் அவர் ராஜநர்த்தகி தேவகுமாரி! - டி.ஆர். ராஜகுமாரியின் அபார நடிப்பாற்றலை அரங்கேற்றிய அட்சயப்பாத்திரம்!



மன்னனின் மஞ்சத்தில் விழ வேண்டிய மந்தார மலர் ‘தேவா’ சரஸத்தை ஏற்க மறுத்து, பி.யூ. சின்னப்பாவைச் சரணடைவார் நாயகி.

‘சாரஸம் - வசீகர கண்கள் சீர் தரும் - முகம் சந்திர பிம்பம்’

‘செக்ஸ் சாமியார்’ பி.யூ. சின்னப்பா சொப்பனத்தில் ‘மோகனாங்கி’ டி.ஆர். ராஜகுமாரியை வர்ணித்துப் பாடிய, கேட்கத் தெவிட்டாத கானம்!

‘தட்டு வாணிக்குத் தாலி பாக்கியம் கிடையாது’ என்று வசனம் பேசி,

தேவதாசிகளின் அவலத்தைக் கண்ணீர் மல்கச் சொல்லிக் கதறிய டி.ஆர். ராஜகுமாரி ரசிகர்களுக்குப் புதுசு!

தன் ஆசைக்கு இணங்காத ஆடல் அரசியின் கற்பைப் பறிக்க முயல்கிறான் அரசன்.

மானத்தைக் காப்பாற்றிக் கொள்ள வேறு வழியின்றி தன் மான்விழிகளைக் கத்தியால் குத்திக்கொண்டு, குருடாகிறாள் ‘தேவா’.

துறவறமே சிறப்பு என்று வாழும் தேவாவுக்கு ‘பகவான் ஸ்ரீகிருஷ்ணர்’ பிரசன்னமாகி மீண்டும் கண் ஒளி தருகிறார்.

கிடைத்த அருமையான சந்தர்ப்பத்தைப் பயன்படுத்தி டி.ஆர்.ராஜகுமாரி குணச்சித்திர நடிப்பின் உச்சம் தொட்டார்.

இன்றைக்கும் அவ்வப்போது சின்னத் திரைகளில் அதிசயமாகக் காணக் கிடைக்கிறது கிருஷ்ணபக்தி. மீண்டும் மீண்டும் பார்க்கத் தூண்டும் வண்ணம் அமைந்த டி.ஆர். ராஜகுமாரியின் மகத்தான வெற்றிச் சித்திரம்!

பட்சிராஜா ஸ்ரீராமுலு நாயுடுவின் மற்றொரு தயாரிப்பிலும் டி.ஆர். ராஜகுமாரிக்கு அழைப்பு வந்தது. சூப்பர் ஸ்டார்களுடன் மாத்திரமே நடிப்பேன் என்று ஒருபோதும் டி.ஆர். ராஜகுமாரி அடம் பிடித்ததில்லை.

டி.ஈ. வரதன் என்ற நடிகர் ஹீரோவாக நடிக்க, டி.ஆர். ராஜகுமாரி நாயகியாக ‘பவளக்கொடி’ சினிமாவில் நடித்தார். 1949 தமிழ்ப் புத்தாண்டில் வெளியானது.

டி.ஆர்.ராஜகுமாரி இரு வேடங்களில் முதலும் கடைசியுமாகத் தோன்றிய டாக்கி விஜயகுமாரி. ஜூபிடர் தயாரிப்பு. எம்.ஜி.ஆரை ஹீரோவாக்கிய ஏ.எஸ். ஏ. சாமியின் இயக்கத்தில் 1950ல் வெளியானது.



அண்ணாவின் ‘வேலைக்காரி’யை அடுத்து வெளியான ஜூபிடர் படம்.

வேலைக்காரி மாதிரி சமூக விழிப்புணர்வுச் சித்திரமாக அமையவில்லை. மாயாஜாலக் கதையாகப் போனதால் மக்கள் நிராகரித்தனர்.

டி.ஆர். ராஜகுமாரியுடனானத் தனது அனுபவங்களை ஏ.எஸ். ஏ. சாமி எழுதி இருக்கிறார்.-

‘ஒன்பது மணி கால்ஷீட்டுக்கு எட்டு ஐம்பத்தைந்துக்கெல்லாம் முழு மேக் அப்போடு செட்டுக்குள் தயாராக இருப்பார்.

யூனிட்டின் ஃபேனை எதிர்பார்த்துக் காத்திராமல், அவருடைய பிரத்யேக மின்விசிறியைச் சுழல விடுவார்.

ஷூட்டிங் முடிந்து வீட்டுக்குப் போகும் வரை டி.ஆர். ராஜகுமாரி நடந்து கொள்ளும் விதமும் அவரது பண்பாடும் இருக்கிறதே ... அப்பப்பா!

சினிமா ஸ்டார்கள் குறிப்பாக நடிகைகள் பலரிடமும் காண முடியாத ஒரு தனித்தன்மையோடு நடந்து கொள்வார்.

இத்தனைக்கும் அம்மையார் புகழின் உச்சத்தில் இருந்த சமயம்!

தனக்கான காட்சிகள் ஓவர் என்று டைரக்டர் கூறுகிற வரையில் சேரை விட்டு எழுந்தது இல்லை. அங்கும் இங்கும் போவது, அரங்குக்கு வெளியே சென்று அரட்டை அடித்துத் திரிவது அறவே கிடையாது.

யாராக இருப்பினும் ஒரு வார்த்தை கூட வீணாகப் பேச மாட்டார்.

படப்பிடிப்பு சமயத்தில் நான் எடுக்க இருக்கும் காட்சியைப் பற்றி, இது எதற்கு அது எதற்கு என்றெல்லாம் குறுக்கு கேள்விகள் இருக்காது.

வீண் விவாதத்தில் ஈடுபட்டு படப்பிடிப்பு நேரத்தையும், தயாரிப்பாளரின் முதலீட்டையும் விரயம் செய்ய மாட்டார்.

ஷூட்டிங்குக்கு வருவதற்கு முதல் நாளே ஏதாவது சந்தேகங்கள் தோன்றினால், இயக்குநரிடம் முழு விளக்கமும் கேட்டுக் கொள்வார். தன் இஷ்டத்துக்குக் கருத்து சொல்ல மாட்டார். தேவை இருந்தால் மாத்திரமே அபிப்ராயங்களைத் தெரிவிப்பார்.

டைரக்டர் சொல்கிற மாதிரி நடிப்பில் செயல்படுவதைத் தனது தலையாய கடமையாகக் கருதியவர் டி.ஆர். ராஜகுமாரி.

----------------

டி.ஆர். ராஜகுமாரியுடன் மனோன்மணி, பவளக்கொடி ஆகிய டாக்கிகளில் இடம் பெற்றார் டி.ஆர். மகாலிங்கம்.

டி.ஆர்.கள் இருவரும் முதன் முதலில் ஜோடி சேர்ந்து நடித்த படம் சிட்டாடலின் இதயகீதம்.

மக்கள் கலைஞர் ஜெய்சங்கரை அறிமுகப்படுத்திய ஜோசப் தளியத்தின் படைப்பு. இனிய பாடல்களுடன் கூடிய காதல் சித்திரம். வெற்றிகரமாக ஓடியது.

1951ல் டி.ஆர். ராஜகுமாரி- பி.யூ. சின்னப்பா நிறைவாக இணைந்து நடித்த வனசுந்தரி, 1952ல் டி.ஆர். ராஜகுமாரி முதலும் கடைசியுமாக பாகவதருடன் ஜோடி சேர்ந்த எம்.கே. டி.யின் தயாரிப்பு அமரகவி இரண்டும் தோல்வி அடைந்தன.

1953ல் டி.ஆர். ராஜகுமாரியுடன் நடித்து, சித்தூர் வி. நாகையா இசை அமைத்து உருவாக்கிய சிறந்த படைப்பு என் வீடு பிரமாதமாக ஓடியது.

அதே ஆண்டில் எம்.ஜி.ஆர்.- டி.ஆர்.ராஜகுமாரி தோன்றிய பணக்காரி’ வசூலில் வறுமையைத் தழுவியது.



1954 ன் மனோகரா. மார்ச் 3ல் வெளியாகி தமிழ் சினிமா வரலாற்றில் புதிய அத்தியாயம் படைத்தது.

தொடர்ந்து சில தோல்விகளைச் சந்தித்துப் பொருளாதார ரீதியில், மிகவும் நலிவடைந்தது ஜூபிடர். நன்றி மறவாமல் மனோகராவில் பங்கேற்று டி.ஆர். ராஜகுமாரி ஜூபிடரைக் கைத்தூக்கி விட்டார்.

டி.ஆர். ராஜகுமாரி பொது நிகழ்வுகளில் கலந்து கொள்வதை வழக்கமாகக் கொண்டவர் அல்ல.

தனது புகழ் பெற்ற சொந்தத் தியேட்டரில் மனோகராவை திரையிட்ட அன்று, ஈவினிங் ஷோவில் இன்டர்வெல் நேரத்தில்,

அவையில் தோன்றி ரசிகர்களுக்கு ‘அதிசயக் காட்சி’யும் அளித்தார் டி.ஆர். ராஜகுமாரி.

‘வசந்தசேனை’ வேடத்தில் டி.ஆர். ராஜகுமாரி நடித்திருக்காவிடின், மனோகராவுக்கு மாபெரும் வெற்றி வாய்த்திருக்காது!

1936ல் தயாரான மனோகரா ஓடவில்லை. மனோகரா நாடகத்தை எழுதிய பம்மல் சம்பந்த முதலியாரே அதில் மனோகரனாக நடித்திருந்தார்.

ஒரே நேரத்தில் தமிழ், தெலுங்கு, இந்தி என்று மூன்று மொழிகளில் உருவான டி.ஆர். ராஜகுமாரி படம் மனோகரா மாத்திரமே.

நடிகர்திலகமும் ‘வசந்தசேனை’யாக அநேக முறை நாடகங்களில் நடித்திருக்கிறார்.

கணேசனின் கண் எதிரிலேயே ஆளை மயக்கும் காஸ்ட்யூமில், போதை வழியும் விழி அசைவில், புருவங்களை உயர்த்தி, புயலின் சீற்றத்தைச் செந்தமிழ் உதடுகளில் உயர்த்திப் பிடித்து ... டி.ஆர். ராஜகுமாரி புத்தம் புது வசந்தசேனையாக வடிவெடுத்தார்.

கதைப்படி மட்டுமல்லாமல் நடிப்பிலும் வீழ்த்தி விடுவாரோ சிவாஜியை...! என்கிற எதிர்பார்ப்பை ஏற்படுத்தினார்.

அத்தனை எளிதில் மறக்க முடியுமா...! டி.ஆர்.ராஜகுமாரி எழிலாகத் தோன்றி வஞ்சக மொழி பேசி வசீகரிக்கும் முதல் காட்சியை...

‘நான் சிரித்தால் போதும்... சிம்மாசனமே கிடைக்கும். மயக்குகின்ற ஒரு பார்வையை வீசினால் இந்த மண்டலமே என் காலடியில்..!

நான் நினைத்தால் இப்போதே ராணி. என் மகன் வசந்தன் இளவரசன்’

மு. கருணாநிதியின் திரைக்கதை வசனத்தில் டி.ஆர். ராஜகுமாரி நடித்த முதல் படம் மனோகரா.

முந்தானை நுனியைக் கைகளில் சுற்றிக் கொண்டு மந்திர ஆலோசனை புரிவது டி.ஆர். ராஜகுமாரி ‘ஸ்டைல்’! மனோகராவிலும் அது மகிழ வைத்தது.

-------------
மனோகராவோடு நடிப்பதைக் குறைத்துக் கொண்டார் டி.ஆர். ராஜகுமாரி.

ஒவ்வொர் விடியலிலும் சூர்யோதயமாக டி.ஆர். ராஜகுமாரியின் முகம் பார்க்கும் சுற்றம். சம்சாரக் கப்பலை எந்த வித சேதாரமும் இன்றி கரை சேர்த்தாக வேண்டும்.

பல ஆண்டுகள் அரிதாரம் பூசி செயற்கை அனலில் பாடுபட்டு சம்பாதித்த காசு பணம்... தன் தம்பிக்காகத் தைரியமாகப் படத் தொழிலில் முதலீடு செய்தார்.

டி.ஆர். ராஜகுமாரி கனவுக்கன்னியாக மட்டும் வெற்றி பெறவில்லை. தரமான படத் தயாரிப்பாளராகவும் பிரமாதப்படுத்தினார்.

தனது தம்பி டி.ஆர். ராமண்ணாவை பிரபல டைரக்டராக்கி அழகு பார்த்தார். ராமண்ணாவுக்காக அக்கா ஆரம்பித்த நிறுவனம் ஆர்.ஆர். பிக்சர்ஸ்.

நெப்டியூன் ஸ்டுடியோவில் ஒலிப்பதிவாளர் ராமச்சந்திரன். இளைய சகோதரர்கள் ‘ராமு அண்ணா’ என்று சேர்த்து அழைக்க, ‘ராமண்ணா’வானார்.

‘அக்கா நடிக்கும் காட்சிகள் இன்னமும் தரமானவையாக இருந்திருக்கலாம்... ’ என்று தினந்தோறும் டி.ஆர். ராஜகுமாரியுடன் தர்க்கம் செய்வார் ராமண்ணா.

‘ராமு, டைரக்டர் எப்படி நடிக்கச் சொல்றாரோ... அப்படியே நடிக்கிறேன். என் படத்துக்கு நீயா டைரக்டர்...?

நீ சினிமா டைரக்டர் ஆகும் போது என் பெர்ஃபாமன்ஸ் எப்படியிருக்கணும்னு சொல்லு. அப்பப் பார்த்துக்கலாம்.

வெளியார் யாரும் நிச்சயம் உனக்குத் துணிஞ்சு டைரக்டர் சான்ஸ் தர மாட்டாங்க. நாமே சொந்தமாப் படம் தயாரிச்சா நீ சொல்றது நடக்கும்.

உன்னை டைரக்டராக ஆக்குறதுதான் அதுக்கு ஒரே வழி. ’

டி.ஆர். ராஜகுமாரிக்கு மூன்று தம்பிகள். 1.ராமச்சந்திரன் என்கிற ராமண்ணா 2. சக்கரவர்த்தி 3.பார்த்தசாரதி

இரண்டு தங்கைகள் சேதுலட்சுமி மற்றும் ரங்க நாயகி.

எஸ்.பி. எல். தனலட்சுமி கடைசி சித்தி. விகடயோகியில் டி.ஆர். ராஜகுமாரியுடன் நடித்த டி.எஸ். தமயந்தி ராஜகுமாரியின் பெரியம்மா பெண். சொந்தங்களில் முதலில் திரையில் முகம் காட்டியவர் அவரே.

டி.எஸ். தமயந்தியின் மகள் குசலகுமாரி. கூண்டுக்கிளியில் சிவாஜியின் காதலியாகவும், கல்கியின் கள்வனின் காதலியில் ‘தங்கை அபிராமியாகவும்’ நடித்திருப்பார். ஜெமினியின் அவ்வையாரில் இளைய அவ்வை.



நேற்றைய தமிழகத்தின் நாட்டிய நடிகை. கொஞ்சும் சலங்கையில் குமாரி கமலாவுடன் அவர் ஆடிய போட்டி நடனம் வெகு பிரபலம்.

கவர்ச்சி சுனாமிகளில் உடன்பிறப்புகளான ஜோதிலட்சுமியும் -ஜெயமாலினியும் டி.ஆர். ராஜகுமாரியின் கலைக் குடும்ப வாரிசுகளே!

அவர்கள் இருவரும் டி.ஆர். ராமண்ணாவால் முறையே பெரிய இடத்துப் பெண், தாலியா சலங்கையா ஆகிய படங்களில் அறிமுகமாயினர். டாக்டர் சிவா ரிலிசில் முந்திக் கொண்டு ஜெயமாலினிக்குப் புகழ் பெற்றுத் தந்தது.

மேற்கூறிய அனைவரும் டி.ஆர். ராஜகுமாரியின் கன்னியாகுமரி பவனத்தில் ஒன்றாக வாழ்ந்தனர்.

டி.ஆர். ராஜகுமாரியின் கடுமையான உழைப்பு அவர்கள் அனைவருக்கும் அடைக்கலம் தந்தது.

குசலகுமாரி முதுமையாலும் வறுமையாலும் அவதியுற்றதை அறிந்ததும், முதல்வர் ஜெயலலிதா கருணையுடன் வீடு ஒன்றை ஒதுக்கித் தந்து அவர் கண்ணீரைத் துடைத்தார் என்பது வரலாறு.

‘சாய்பாபாவை’ கும்பிட்டு விட்டு ஆர்.ஆர். பிக்சர்ஸ் தன் சரித்திரத்தைத் தொடங்கியது. முதலில் ’வாழப்பிறந்தவள்’ படத்துக்கு பூஜை போட்டார்கள்.

‘இதோ பார்... நான் உன் சிஸ்டர், அது இதுன்றதெல்லாம் வீட்டோட. செட்ல நீதான் கமாண்டர். நீ சொல்ற மாதிரிதான் நாங்க நடக்கணும்.

நடிக்கும் போது நான் ஏதாவது தவறா செஞ்சிட்டா அதைத் திருத்தறதுக்கு நீ தயங்கக் கூடாது. ஆர்ட்டிஸ்டை கண்டிக்கப் பின் வாங்கக் கூடாது.

உன் படம் நல்லா இல்லேன்னா... பாதிக்கப்படப் போற முதல் நபர் நீ தான்... அதைப் புரிஞ்சி நடந்துக்க. ’

கட்டளை போல் ஒலித்தது அக்கா டி.ஆர். ராஜகுமாரியின் கனிவான குரல்.

அடுத்து கூண்டுக்கிளி.

‘தம்பி உங்களைப் பட விஷயமாகப் பார்க்கணும்ங்கறான். எப்ப ப்ரீயா இருப்பிங்க? ’

போனில் கணேசனிடம் அப்பாயின்மெண்ட் கேட்டார் டி.ஆர்.ராஜகுமாரி.

டஜன் ஆண்டுகளுக்கும் மேலாக தனித்துத் தெரிந்த ஒரே உச்ச நட்சத்திரம். வலிய வந்து நடிக்கக் கேட்கும் வேளையில், கணேசனின் மனத்தில் கூடுதல் குற்றாலம்!

‘நீங்க தேடி வந்தால் தயாரிப்பாளர்- நடிகர் உறவுதான். நாமெல்லாம் கலைஞர்கள். ஒரே குடும்பம்ற உணர்வு வரணும். உங்க ஆபிசுக்கு நானே வரேன். ’

சிவாஜியிடம் கால்ஷீட் வாங்குவதற்காக அத்தனை ஸ்டுடியோ அதிபர்களும் கால் கடுக்கக் காத்து நிற்க, கணேசனோ ஆர்வத்துடன் ஆர்.ஆர். பிக்சர்ஸ் அலுவலகத்துக்குள் நுழைந்தார்.

ராமண்ணாவுக்கு ஒரே ஆச்சர்யம். சிவாஜி என்கிற சிங்கத்தை எப்படி சிறைப் படுத்துவது என்று சிந்தித்துக்கொண்டிருந்த சமயம். அவரே எதிரில் வந்து நின்றால்..!

நேரடியாக மேட்டருக்குச் சென்றார் ராமண்ணா. ’உங்களோட எம்.ஜி.ஆரும் நடிக்கிறார்! ’

‘நாங்க ரெண்டு பேரும் சேர்ந்து ஆக்ட் பண்ணி, ஒரு படம் வெற்றியடைஞ்சா அது இன்டஸ்ட்ரிக்கே நல்லதுதானே. ’

‘ அட்வான்ஸ் எவ்வளவு தரணும் நாங்க? ’

‘கொடுக்கிறதை வாங்கிக்க. கொடுக்கலன்னா கேட்காதேன்னு எங்கம்மா சொல்லிட்டாங்க. ’

நட்பு நாடி வந்த கணேசனிடம் வெள்ளி நாணயங்களை மழையாகப் பொழிந்தார் ராமண்ணா.

சிவாஜிக்கு முன்பே எம்.ஜி.ஆரை ஒப்பந்தம் செய்து விட்டார்.

‘நாம்’ படுதோல்வியால் வருந்தி நின்றார் எம்.ஜி.ஆர். உடனே அழைத்து உற்சாகப்படுத்தி வாய்ப்பும் கொடுத்தார் ராமண்ணா.

கூண்டுக்கிளியில் ஹீரோ சிவாஜி. அவரோடு நடிக்கப் போகிறோம் என்றதும் எம்.ஜி.ஆர் மெய்யாகவே மகிழ்ந்தார்.

அந்த இன்பத்தின் முனையில் முன் பணம் ஒரே ஒரு ரூபாய் போதும் என்றார்.

‘சினிமா பாஷையில் கேட்கிறார்... ’ என்றெண்ணி ராமண்ணா பெரிய நோட்டை எடுத்துக் கொடுத்தார்.

‘அய்யோ நான் கேட்டது ஒரே ஒரு ரூபாய். ஆயிரம் கிடையாது. ’ அடம் பிடித்து ஒரே ஒரு ரூபாய் அட்வான்ஸ் வாங்கிச் சென்றார்.

என்ன காரணத்தினாலோ சிவாஜி - எம்.ஜி.ஆரோடு, டி.ஆர். ராஜகுமாரி கூண்டுக்கிளியில் நாயகியாக நடிக்கவில்லை.

ஒரே படத்தில் இரு திலகங்களுடன் ராஜகுமாரியும் நடித்திருந்தால் இன்னமும் பரபரப்பாகப் பேசப்பட்டிருக்கும் கூண்டுக்கிளி.

எம்.ஜி.ஆர்.- சிவாஜி, இருவருக்கும் ராமண்ணா ஒரே ஊதியம் வழங்கினார். ஆளுக்குத் தலா இருபத்தைந்தாயிரம்!

Courtesy: Dinamani

டி.ஆர். ராஜகுமாரி: 3.கூண்டுக்கிளி !

1948--ல் டி.ஆர்.ராஜகுமாரியின் மற்றொரு ஜாக்பாட் கிருஷ்ணபக்தி. லேனா செட்டியாரின் ‘கிருஷ்ணா பிக்சர்ஸ்’ உருவாக்கிய உன்னதச் சித்திரம்!

ரஸ்புடினின் பிரெஞ்சு நாவல் ‘தி மான்க்’ அதைத் தமிழுக்கேற்றாற் போல் வெற்றிகரமாகப் படைத்திருந்தார் டைரக்டர் ஆர்.எஸ். மணி.

‘கண்ணகி’ போல் அவரது படைப்புகளில் மறக்க முடியாத ஓர் அற்புத சிருஷ்டி கிருஷ்ணபக்தி.

முதலில் ஸ்திரிலோலன் என்பதை மறைத்து வாழும் கபட சந்நியாசி, பிற்பாதியில் தவறை உணர்ந்து திருந்தும் ஸ்வாமிகள் என்று பி.யூ. சின்னப்பா சிறந்த நடிப்பின் சிகரத்தில் பின்னிப் பிணைந்து நின்றார்.

வழக்கமாகத் திரையில் வசீகரமான தாசியாக வலம் வந்து, தனது கற்கண்டு பேச்சாலும், காண்போர் மயங்கும் கண் கவர் ஆடைகளாலும், கண்களின் வீச்சாலும், குளிர்ச்சி தரும் சந்தனப் புன்னகையாலும், நாயகர்களை மோகவலையில் விழ வைத்து, மோசம் செய்து ஏமாற்றித் துடிதுடிக்கச் செய்வார் டி.ஆர். ராஜகுமாரி.

கிருஷ்ணபக்தியில் அவர் ராஜநர்த்தகி தேவகுமாரி! - டி.ஆர். ராஜகுமாரியின் அபார நடிப்பாற்றலை அரங்கேற்றிய அட்சயப்பாத்திரம்!



மன்னனின் மஞ்சத்தில் விழ வேண்டிய மந்தார மலர் ‘தேவா’ சரஸத்தை ஏற்க மறுத்து, பி.யூ. சின்னப்பாவைச் சரணடைவார் நாயகி.

‘சாரஸம் - வசீகர கண்கள் சீர் தரும் - முகம் சந்திர பிம்பம்’

‘செக்ஸ் சாமியார்’ பி.யூ. சின்னப்பா சொப்பனத்தில் ‘மோகனாங்கி’ டி.ஆர். ராஜகுமாரியை வர்ணித்துப் பாடிய, கேட்கத் தெவிட்டாத கானம்!

‘தட்டு வாணிக்குத் தாலி பாக்கியம் கிடையாது’ என்று வசனம் பேசி,

தேவதாசிகளின் அவலத்தைக் கண்ணீர் மல்கச் சொல்லிக் கதறிய டி.ஆர். ராஜகுமாரி ரசிகர்களுக்குப் புதுசு!

தன் ஆசைக்கு இணங்காத ஆடல் அரசியின் கற்பைப் பறிக்க முயல்கிறான் அரசன்.

மானத்தைக் காப்பாற்றிக் கொள்ள வேறு வழியின்றி தன் மான்விழிகளைக் கத்தியால் குத்திக்கொண்டு, குருடாகிறாள் ‘தேவா’.

துறவறமே சிறப்பு என்று வாழும் தேவாவுக்கு ‘பகவான் ஸ்ரீகிருஷ்ணர்’ பிரசன்னமாகி மீண்டும் கண் ஒளி தருகிறார்.

கிடைத்த அருமையான சந்தர்ப்பத்தைப் பயன்படுத்தி டி.ஆர்.ராஜகுமாரி குணச்சித்திர நடிப்பின் உச்சம் தொட்டார்.

இன்றைக்கும் அவ்வப்போது சின்னத் திரைகளில் அதிசயமாகக் காணக் கிடைக்கிறது கிருஷ்ணபக்தி. மீண்டும் மீண்டும் பார்க்கத் தூண்டும் வண்ணம் அமைந்த டி.ஆர். ராஜகுமாரியின் மகத்தான வெற்றிச் சித்திரம்!

பட்சிராஜா ஸ்ரீராமுலு நாயுடுவின் மற்றொரு தயாரிப்பிலும் டி.ஆர். ராஜகுமாரிக்கு அழைப்பு வந்தது. சூப்பர் ஸ்டார்களுடன் மாத்திரமே நடிப்பேன் என்று ஒருபோதும் டி.ஆர். ராஜகுமாரி அடம் பிடித்ததில்லை.

டி.ஈ. வரதன் என்ற நடிகர் ஹீரோவாக நடிக்க, டி.ஆர். ராஜகுமாரி நாயகியாக ‘பவளக்கொடி’ சினிமாவில் நடித்தார். 1949 தமிழ்ப் புத்தாண்டில் வெளியானது.

டி.ஆர்.ராஜகுமாரி இரு வேடங்களில் முதலும் கடைசியுமாகத் தோன்றிய டாக்கி விஜயகுமாரி. ஜூபிடர் தயாரிப்பு. எம்.ஜி.ஆரை ஹீரோவாக்கிய ஏ.எஸ். ஏ. சாமியின் இயக்கத்தில் 1950ல் வெளியானது.



அண்ணாவின் ‘வேலைக்காரி’யை அடுத்து வெளியான ஜூபிடர் படம்.

வேலைக்காரி மாதிரி சமூக விழிப்புணர்வுச் சித்திரமாக அமையவில்லை. மாயாஜாலக் கதையாகப் போனதால் மக்கள் நிராகரித்தனர்.

டி.ஆர். ராஜகுமாரியுடனானத் தனது அனுபவங்களை ஏ.எஸ். ஏ. சாமி எழுதி இருக்கிறார்.-

‘ஒன்பது மணி கால்ஷீட்டுக்கு எட்டு ஐம்பத்தைந்துக்கெல்லாம் முழு மேக் அப்போடு செட்டுக்குள் தயாராக இருப்பார்.

யூனிட்டின் ஃபேனை எதிர்பார்த்துக் காத்திராமல், அவருடைய பிரத்யேக மின்விசிறியைச் சுழல விடுவார்.

ஷூட்டிங் முடிந்து வீட்டுக்குப் போகும் வரை டி.ஆர். ராஜகுமாரி நடந்து கொள்ளும் விதமும் அவரது பண்பாடும் இருக்கிறதே ... அப்பப்பா!

சினிமா ஸ்டார்கள் குறிப்பாக நடிகைகள் பலரிடமும் காண முடியாத ஒரு தனித்தன்மையோடு நடந்து கொள்வார்.

இத்தனைக்கும் அம்மையார் புகழின் உச்சத்தில் இருந்த சமயம்!

தனக்கான காட்சிகள் ஓவர் என்று டைரக்டர் கூறுகிற வரையில் சேரை விட்டு எழுந்தது இல்லை. அங்கும் இங்கும் போவது, அரங்குக்கு வெளியே சென்று அரட்டை அடித்துத் திரிவது அறவே கிடையாது.

யாராக இருப்பினும் ஒரு வார்த்தை கூட வீணாகப் பேச மாட்டார்.

படப்பிடிப்பு சமயத்தில் நான் எடுக்க இருக்கும் காட்சியைப் பற்றி, இது எதற்கு அது எதற்கு என்றெல்லாம் குறுக்கு கேள்விகள் இருக்காது.

வீண் விவாதத்தில் ஈடுபட்டு படப்பிடிப்பு நேரத்தையும், தயாரிப்பாளரின் முதலீட்டையும் விரயம் செய்ய மாட்டார்.

ஷூட்டிங்குக்கு வருவதற்கு முதல் நாளே ஏதாவது சந்தேகங்கள் தோன்றினால், இயக்குநரிடம் முழு விளக்கமும் கேட்டுக் கொள்வார். தன் இஷ்டத்துக்குக் கருத்து சொல்ல மாட்டார். தேவை இருந்தால் மாத்திரமே அபிப்ராயங்களைத் தெரிவிப்பார்.

டைரக்டர் சொல்கிற மாதிரி நடிப்பில் செயல்படுவதைத் தனது தலையாய கடமையாகக் கருதியவர் டி.ஆர். ராஜகுமாரி.

----------------

டி.ஆர். ராஜகுமாரியுடன் மனோன்மணி, பவளக்கொடி ஆகிய டாக்கிகளில் இடம் பெற்றார் டி.ஆர். மகாலிங்கம்.

டி.ஆர்.கள் இருவரும் முதன் முதலில் ஜோடி சேர்ந்து நடித்த படம் சிட்டாடலின் இதயகீதம்.

மக்கள் கலைஞர் ஜெய்சங்கரை அறிமுகப்படுத்திய ஜோசப் தளியத்தின் படைப்பு. இனிய பாடல்களுடன் கூடிய காதல் சித்திரம். வெற்றிகரமாக ஓடியது.

1951ல் டி.ஆர். ராஜகுமாரி- பி.யூ. சின்னப்பா நிறைவாக இணைந்து நடித்த வனசுந்தரி, 1952ல் டி.ஆர். ராஜகுமாரி முதலும் கடைசியுமாக பாகவதருடன் ஜோடி சேர்ந்த எம்.கே. டி.யின் தயாரிப்பு அமரகவி இரண்டும் தோல்வி அடைந்தன.

1953ல் டி.ஆர். ராஜகுமாரியுடன் நடித்து, சித்தூர் வி. நாகையா இசை அமைத்து உருவாக்கிய சிறந்த படைப்பு என் வீடு பிரமாதமாக ஓடியது.

அதே ஆண்டில் எம்.ஜி.ஆர்.- டி.ஆர்.ராஜகுமாரி தோன்றிய பணக்காரி’ வசூலில் வறுமையைத் தழுவியது.



1954 ன் மனோகரா. மார்ச் 3ல் வெளியாகி தமிழ் சினிமா வரலாற்றில் புதிய அத்தியாயம் படைத்தது.

தொடர்ந்து சில தோல்விகளைச் சந்தித்துப் பொருளாதார ரீதியில், மிகவும் நலிவடைந்தது ஜூபிடர். நன்றி மறவாமல் மனோகராவில் பங்கேற்று டி.ஆர். ராஜகுமாரி ஜூபிடரைக் கைத்தூக்கி விட்டார்.

டி.ஆர். ராஜகுமாரி பொது நிகழ்வுகளில் கலந்து கொள்வதை வழக்கமாகக் கொண்டவர் அல்ல.

தனது புகழ் பெற்ற சொந்தத் தியேட்டரில் மனோகராவை திரையிட்ட அன்று, ஈவினிங் ஷோவில் இன்டர்வெல் நேரத்தில்,

அவையில் தோன்றி ரசிகர்களுக்கு ‘அதிசயக் காட்சி’யும் அளித்தார் டி.ஆர். ராஜகுமாரி.

‘வசந்தசேனை’ வேடத்தில் டி.ஆர். ராஜகுமாரி நடித்திருக்காவிடின், மனோகராவுக்கு மாபெரும் வெற்றி வாய்த்திருக்காது!

1936ல் தயாரான மனோகரா ஓடவில்லை. மனோகரா நாடகத்தை எழுதிய பம்மல் சம்பந்த முதலியாரே அதில் மனோகரனாக நடித்திருந்தார்.

ஒரே நேரத்தில் தமிழ், தெலுங்கு, இந்தி என்று மூன்று மொழிகளில் உருவான டி.ஆர். ராஜகுமாரி படம் மனோகரா மாத்திரமே.

நடிகர்திலகமும் ‘வசந்தசேனை’யாக அநேக முறை நாடகங்களில் நடித்திருக்கிறார்.

கணேசனின் கண் எதிரிலேயே ஆளை மயக்கும் காஸ்ட்யூமில், போதை வழியும் விழி அசைவில், புருவங்களை உயர்த்தி, புயலின் சீற்றத்தைச் செந்தமிழ் உதடுகளில் உயர்த்திப் பிடித்து ... டி.ஆர். ராஜகுமாரி புத்தம் புது வசந்தசேனையாக வடிவெடுத்தார்.

கதைப்படி மட்டுமல்லாமல் நடிப்பிலும் வீழ்த்தி விடுவாரோ சிவாஜியை...! என்கிற எதிர்பார்ப்பை ஏற்படுத்தினார்.

அத்தனை எளிதில் மறக்க முடியுமா...! டி.ஆர்.ராஜகுமாரி எழிலாகத் தோன்றி வஞ்சக மொழி பேசி வசீகரிக்கும் முதல் காட்சியை...

‘நான் சிரித்தால் போதும்... சிம்மாசனமே கிடைக்கும். மயக்குகின்ற ஒரு பார்வையை வீசினால் இந்த மண்டலமே என் காலடியில்..!

நான் நினைத்தால் இப்போதே ராணி. என் மகன் வசந்தன் இளவரசன்’

மு. கருணாநிதியின் திரைக்கதை வசனத்தில் டி.ஆர். ராஜகுமாரி நடித்த முதல் படம் மனோகரா.

முந்தானை நுனியைக் கைகளில் சுற்றிக் கொண்டு மந்திர ஆலோசனை புரிவது டி.ஆர். ராஜகுமாரி ‘ஸ்டைல்’! மனோகராவிலும் அது மகிழ வைத்தது.

-------------
மனோகராவோடு நடிப்பதைக் குறைத்துக் கொண்டார் டி.ஆர். ராஜகுமாரி.

ஒவ்வொர் விடியலிலும் சூர்யோதயமாக டி.ஆர். ராஜகுமாரியின் முகம் பார்க்கும் சுற்றம். சம்சாரக் கப்பலை எந்த வித சேதாரமும் இன்றி கரை சேர்த்தாக வேண்டும்.

பல ஆண்டுகள் அரிதாரம் பூசி செயற்கை அனலில் பாடுபட்டு சம்பாதித்த காசு பணம்... தன் தம்பிக்காகத் தைரியமாகப் படத் தொழிலில் முதலீடு செய்தார்.

டி.ஆர். ராஜகுமாரி கனவுக்கன்னியாக மட்டும் வெற்றி பெறவில்லை. தரமான படத் தயாரிப்பாளராகவும் பிரமாதப்படுத்தினார்.

தனது தம்பி டி.ஆர். ராமண்ணாவை பிரபல டைரக்டராக்கி அழகு பார்த்தார். ராமண்ணாவுக்காக அக்கா ஆரம்பித்த நிறுவனம் ஆர்.ஆர். பிக்சர்ஸ்.

நெப்டியூன் ஸ்டுடியோவில் ஒலிப்பதிவாளர் ராமச்சந்திரன். இளைய சகோதரர்கள் ‘ராமு அண்ணா’ என்று சேர்த்து அழைக்க, ‘ராமண்ணா’வானார்.

‘அக்கா நடிக்கும் காட்சிகள் இன்னமும் தரமானவையாக இருந்திருக்கலாம்... ’ என்று தினந்தோறும் டி.ஆர். ராஜகுமாரியுடன் தர்க்கம் செய்வார் ராமண்ணா.

‘ராமு, டைரக்டர் எப்படி நடிக்கச் சொல்றாரோ... அப்படியே நடிக்கிறேன். என் படத்துக்கு நீயா டைரக்டர்...?

நீ சினிமா டைரக்டர் ஆகும் போது என் பெர்ஃபாமன்ஸ் எப்படியிருக்கணும்னு சொல்லு. அப்பப் பார்த்துக்கலாம்.

வெளியார் யாரும் நிச்சயம் உனக்குத் துணிஞ்சு டைரக்டர் சான்ஸ் தர மாட்டாங்க. நாமே சொந்தமாப் படம் தயாரிச்சா நீ சொல்றது நடக்கும்.

உன்னை டைரக்டராக ஆக்குறதுதான் அதுக்கு ஒரே வழி. ’

டி.ஆர். ராஜகுமாரிக்கு மூன்று தம்பிகள். 1.ராமச்சந்திரன் என்கிற ராமண்ணா 2. சக்கரவர்த்தி 3.பார்த்தசாரதி

இரண்டு தங்கைகள் சேதுலட்சுமி மற்றும் ரங்க நாயகி.

எஸ்.பி. எல். தனலட்சுமி கடைசி சித்தி. விகடயோகியில் டி.ஆர். ராஜகுமாரியுடன் நடித்த டி.எஸ். தமயந்தி ராஜகுமாரியின் பெரியம்மா பெண். சொந்தங்களில் முதலில் திரையில் முகம் காட்டியவர் அவரே.

டி.எஸ். தமயந்தியின் மகள் குசலகுமாரி. கூண்டுக்கிளியில் சிவாஜியின் காதலியாகவும், கல்கியின் கள்வனின் காதலியில் ‘தங்கை அபிராமியாகவும்’ நடித்திருப்பார். ஜெமினியின் அவ்வையாரில் இளைய அவ்வை.



நேற்றைய தமிழகத்தின் நாட்டிய நடிகை. கொஞ்சும் சலங்கையில் குமாரி கமலாவுடன் அவர் ஆடிய போட்டி நடனம் வெகு பிரபலம்.

கவர்ச்சி சுனாமிகளில் உடன்பிறப்புகளான ஜோதிலட்சுமியும் -ஜெயமாலினியும் டி.ஆர். ராஜகுமாரியின் கலைக் குடும்ப வாரிசுகளே!

அவர்கள் இருவரும் டி.ஆர். ராமண்ணாவால் முறையே பெரிய இடத்துப் பெண், தாலியா சலங்கையா ஆகிய படங்களில் அறிமுகமாயினர். டாக்டர் சிவா ரிலிசில் முந்திக் கொண்டு ஜெயமாலினிக்குப் புகழ் பெற்றுத் தந்தது.

மேற்கூறிய அனைவரும் டி.ஆர். ராஜகுமாரியின் கன்னியாகுமரி பவனத்தில் ஒன்றாக வாழ்ந்தனர்.

டி.ஆர். ராஜகுமாரியின் கடுமையான உழைப்பு அவர்கள் அனைவருக்கும் அடைக்கலம் தந்தது.

குசலகுமாரி முதுமையாலும் வறுமையாலும் அவதியுற்றதை அறிந்ததும், முதல்வர் ஜெயலலிதா கருணையுடன் வீடு ஒன்றை ஒதுக்கித் தந்து அவர் கண்ணீரைத் துடைத்தார் என்பது வரலாறு.

‘சாய்பாபாவை’ கும்பிட்டு விட்டு ஆர்.ஆர். பிக்சர்ஸ் தன் சரித்திரத்தைத் தொடங்கியது. முதலில் ’வாழப்பிறந்தவள்’ படத்துக்கு பூஜை போட்டார்கள்.

‘இதோ பார்... நான் உன் சிஸ்டர், அது இதுன்றதெல்லாம் வீட்டோட. செட்ல நீதான் கமாண்டர். நீ சொல்ற மாதிரிதான் நாங்க நடக்கணும்.

நடிக்கும் போது நான் ஏதாவது தவறா செஞ்சிட்டா அதைத் திருத்தறதுக்கு நீ தயங்கக் கூடாது. ஆர்ட்டிஸ்டை கண்டிக்கப் பின் வாங்கக் கூடாது.

உன் படம் நல்லா இல்லேன்னா... பாதிக்கப்படப் போற முதல் நபர் நீ தான்... அதைப் புரிஞ்சி நடந்துக்க. ’

கட்டளை போல் ஒலித்தது அக்கா டி.ஆர். ராஜகுமாரியின் கனிவான குரல்.

அடுத்து கூண்டுக்கிளி.

‘தம்பி உங்களைப் பட விஷயமாகப் பார்க்கணும்ங்கறான். எப்ப ப்ரீயா இருப்பிங்க? ’

போனில் கணேசனிடம் அப்பாயின்மெண்ட் கேட்டார் டி.ஆர்.ராஜகுமாரி.

டஜன் ஆண்டுகளுக்கும் மேலாக தனித்துத் தெரிந்த ஒரே உச்ச நட்சத்திரம். வலிய வந்து நடிக்கக் கேட்கும் வேளையில், கணேசனின் மனத்தில் கூடுதல் குற்றாலம்!

‘நீங்க தேடி வந்தால் தயாரிப்பாளர்- நடிகர் உறவுதான். நாமெல்லாம் கலைஞர்கள். ஒரே குடும்பம்ற உணர்வு வரணும். உங்க ஆபிசுக்கு நானே வரேன். ’

சிவாஜியிடம் கால்ஷீட் வாங்குவதற்காக அத்தனை ஸ்டுடியோ அதிபர்களும் கால் கடுக்கக் காத்து நிற்க, கணேசனோ ஆர்வத்துடன் ஆர்.ஆர். பிக்சர்ஸ் அலுவலகத்துக்குள் நுழைந்தார்.

ராமண்ணாவுக்கு ஒரே ஆச்சர்யம். சிவாஜி என்கிற சிங்கத்தை எப்படி சிறைப் படுத்துவது என்று சிந்தித்துக்கொண்டிருந்த சமயம். அவரே எதிரில் வந்து நின்றால்..!

நேரடியாக மேட்டருக்குச் சென்றார் ராமண்ணா. ’உங்களோட எம்.ஜி.ஆரும் நடிக்கிறார்! ’

‘நாங்க ரெண்டு பேரும் சேர்ந்து ஆக்ட் பண்ணி, ஒரு படம் வெற்றியடைஞ்சா அது இன்டஸ்ட்ரிக்கே நல்லதுதானே. ’

‘ அட்வான்ஸ் எவ்வளவு தரணும் நாங்க? ’

‘கொடுக்கிறதை வாங்கிக்க. கொடுக்கலன்னா கேட்காதேன்னு எங்கம்மா சொல்லிட்டாங்க. ’

நட்பு நாடி வந்த கணேசனிடம் வெள்ளி நாணயங்களை மழையாகப் பொழிந்தார் ராமண்ணா.

சிவாஜிக்கு முன்பே எம்.ஜி.ஆரை ஒப்பந்தம் செய்து விட்டார்.

‘நாம்’ படுதோல்வியால் வருந்தி நின்றார் எம்.ஜி.ஆர். உடனே அழைத்து உற்சாகப்படுத்தி வாய்ப்பும் கொடுத்தார் ராமண்ணா.

கூண்டுக்கிளியில் ஹீரோ சிவாஜி. அவரோடு நடிக்கப் போகிறோம் என்றதும் எம்.ஜி.ஆர் மெய்யாகவே மகிழ்ந்தார்.

அந்த இன்பத்தின் முனையில் முன் பணம் ஒரே ஒரு ரூபாய் போதும் என்றார்.

‘சினிமா பாஷையில் கேட்கிறார்... ’ என்றெண்ணி ராமண்ணா பெரிய நோட்டை எடுத்துக் கொடுத்தார்.

‘அய்யோ நான் கேட்டது ஒரே ஒரு ரூபாய். ஆயிரம் கிடையாது. ’ அடம் பிடித்து ஒரே ஒரு ரூபாய் அட்வான்ஸ் வாங்கிச் சென்றார்.

என்ன காரணத்தினாலோ சிவாஜி - எம்.ஜி.ஆரோடு, டி.ஆர். ராஜகுமாரி கூண்டுக்கிளியில் நாயகியாக நடிக்கவில்லை.

ஒரே படத்தில் இரு திலகங்களுடன் ராஜகுமாரியும் நடித்திருந்தால் இன்னமும் பரபரப்பாகப் பேசப்பட்டிருக்கும் கூண்டுக்கிளி.

எம்.ஜி.ஆர்.- சிவாஜி, இருவருக்கும் ராமண்ணா ஒரே ஊதியம் வழங்கினார். ஆளுக்குத் தலா இருபத்தைந்தாயிரம்!

Courtesy: Tamil Hindu

நினைவுகளின் சிறகுகள்: தாய்மையின் குரல்! - எஸ். வரலட்சுமி



‘ஐந்தாவதாகப் பெண் பிறந்தால் அதிர்ஷ்டம்!’ என்றார்கள் மூத்த குடிகள். வரலட்சுமியின் பெற்றோர் தங்களின் கடைசி, ஐந்தாவது மகளைத் தத்துக்கொடுத்துவிட்டார்கள். குழந்தையில்லாத கர்நூல் பெரியம்மாவின் சுவீகாரப் புத்திரி வரலட்சுமியை, பெரியப்பா - ரங்கப்ப நாயுடு கானக் குயிலாக வளர்த்தார்.

“பெரியப்பா எல்லாத்துலயும் எனக்குச் செல்லம் கொடுப்பாரு. ஆனா சங்கீதப் பயிற்சியில கொஞ்சமும் கருணை காட்ட மாட்டார். காலையில நாலு மணிக்கு எழுந்து பாட்டு பாடலைன்னா காதைப் பிடிச்சித் திருகிடுவாரு. காது மடல் செவந்து கன்னிப்போயிரும். ஒரு பானையில் தண்ணி கொட்டி அதுல ஐஸ் கட்டிகளை மிதக்க விடுவார். குடத்தை அணைச்சபடி நான் பாடணும்.

பானையோட ஜிலுஜிலுப்பு என் நெஞ்சுல பட்டதும் ஒரு உதறல் வரும். பாடும்போது குரலே புதுசாகிப் பல சங்கதிகள் உருவாகும். அப்படியெல்லாம் கஷ்டப்பட்டு பயிற்சி பண்ணியிருக்கேன்” என்று எஸ். வரலட்சுமி சொல்லியிருக்கிறார்.

இரண்டு பாடல்கள்

கே. சுப்ரமணியத்தின் ‘சேவா சதனம்’ டாக்கியில் பத்து வயதில் எம்.எஸ். சுப்புலட்சுமியுடன் பாடி நடிக்கத் தொடங்கியவர் வரலட்சுமி. நிறைவாக கமல் ஹாஸனின் ‘குணா’வில் மாறுபட்ட அம்மாவாகத் தோன்றி, ‘உன்னை நானறிவேன்... என்னை அன்றி யார் அறிவார்...’ என்று அவர் பாடியது இளையராஜாவின் இசையில் தாய்மையின் குரலாக ஒலித்தது.

வரலட்சுமி திரையில் பாடி நடித்த இரு தாலாட்டுகள் சென்ற நூற்றாண்டுத் தமிழச்சிகளின் தாய் வீட்டு சீதனங்கள்!

1.சிங்காரக் கண்ணே உன் தேனூறும் சொல்லாலே... ( படம் - வீரபாண்டிய கட்டபொம்மன் - கு. மா.பாலசுப்ரமணியம் பாடல் - இசை ஜி.ராமநாதன்)

2. ‘இந்தப் பச்சைக்கிளிக்கொரு செவ்வந்திப் பூவில் நான் தொட்டிலைக் கட்டி வைத்தேன்’ (படம் - நீதிக்குத் தலை வணங்கு; புலமைப்பித்தன் பாடல்; இசை எம்.எஸ். விஸ்வநாதன்) .

கட்டபொம்மனின் போட்டிப் படம் கண்ணதாசனின் ‘சிவகங்கைச் சீமை’. பரபரப்பான சூழலில் இரண்டிலும் ஒரே சமயத்தில் வரலட்சுமி பாடி நாயகியாக நடித்திருக்கிறார். ‘தென்றல் வந்து வீசாதோ... தெம்மாங்கு பாடாதோ...’ என்று ‘சிவகங்கைச் சீமை’யில் வரலட்சுமி பாடிக் கண்ணீரைச் சிந்திய தாலாட்டில், கவிஞரின் மண்ணின் மணமும் நாட்டுப்பற்றும் வேர் பிடித்து நின்றன. கனிவும் கம்பீரமும் தண்டவாளங்களாகத் தாங்கி நிற்க, வரலட்சுமியின் குரலில், நம் செவிகளில் வந்து சேர்ந்த சுக ராக ரயில்கள் ஏராளம்!

தெலுங்கைத் தாய்மொழியாகக் கொண்ட பாடகி- நடிகைகளில் கணீர் கணீரென்று அட்சர சுத்தமாகத் தமிழை உச்சரித்தவர் எஸ். வரலட்சுமி மட்டுமே!

திரையிசைக்குத் தேசிய விருது

‘ஏமாற்றம்தானா என் வாழ்விலே’ என்று வரலட்சுமி சினிமாவுக்காகப் பாடியது சீக்கிரத்திலேயே பலித்தது. வரலட்சுமியின் நட்சத்திரப் பரமபதத்தில் அவர் ஏறிய ஏணிகளை விட, அவரது சங்கீதம் சாகடிக்கப்பட்ட தருணங்களே அதிகம். பாடல் பறிபோனதற்காக எஸ். வரலட்சுமியோடு சேர்ந்து கலைவாணரே வருந்திய நிகழ்வும் உண்டு.

நடிகர் திலகத்துடன் எஸ். வரலட்சுமி பாடி நடித்தவை, அவரை இருட்டடிப்பு செய்யாமல் பேரும் புகழும் பெற்றுத்தந்தன. 1959ல் தமிழின் முதல் சரித்திரப் படமான ‘வீரபாண்டிய கட்டபொம்ம’னின் ‘பட்டமகிஷி ஜக்கம்மா’வாக நடித்து அவர் பாடிய ‘மனம் கனிந்தருள் வேல் முருகா’ பார்ப்போர், கேட்போர் உள்ளத்தை உருக்கியது.

1967-ல் தமிழ்த் திரை இசைக்கு முதல் தேசிய விருதைப் பெற்றுத்தந்த ’கந்தன் கருணை’யில் இந்திராணியாக, கே.வி. மகாதேவனின் இசையில் (‘வெள்ளி மலை மன்னவா’), சிம்மக்குரலோன் ஜேம்ஸ்பாண்டாக நடித்த ஒரே வண்ணப் படம் 1969-ன் ‘தங்கச் சுரங்கம்’. அதில் தாயாக (‘பெற்ற மனம் சிறையிலே’) , 1973-ல் முதல் சினிமாஸ்கோப் வண்ணச் சித்திரமான ‘ராஜராஜ சோழ’னில் - பெரிய குந்தவையாக (ஏடு தந்தானடி தில்லையிலே, தஞ்சை பெரிய கோயில் பல்லாண்டு வாழ்கவே!), 1974ல் சிவாஜி நடித்த கடைசி கருப்பு-வெள்ளை சினிமா ‘தாய்.’

அதில் நாயகனின் அம்மாவாக (’மங்கலம் காப்பாய் சிவசக்தி என் மாங்கல்யம் காப்பாய் சிவசக்தி’) ஆகிய பாடல்கள் அவரது குரலில் ஆன்மிக இனிமையின் உச்சமாக நேற்றைய வெள்ளிக் கிழமைகளில் விவித பாரதியில் தவறாது ஒலித்தது.

இரண்டாவது இன்னிங்ஸ்

1979-ல் சிவாஜி கணேசனின் 201-வது படம் கவரிமான். அதில் நாயகனின் அன்னையாக - பிரபலமான கர்நாடக இசைப் பாடகியாக எஸ். வரலட்சுமி! இளையராஜாவின் இசையில், மகாகவி பாரதியின் ‘சொல்ல வல்லாயோ கிளியே’ கவிதையைப் பாடினார்.

ஜெயலலிதாவின் பேரன்பைப் பெற்ற ‘அமர’ தீபங்களில் வரலட்சுமியும் ஒருவர். ‘மாட்டுக்கார வேலன்’, ‘சவாலே சமாளி’, ‘ஆதிபராசக்தி’ ஆகிய வெற்றிப் படங்களில் இருவரும் இணைந்து நடித்திருக்கிறார்கள். 1968-ல் ‘மீனாட்சி’ என்கிற ஆணவமிக்க சீமாட்டியாக, வரலட்சுமியின் அட்டகாச நடிப்பில் வெள்ளி விழா கொண்டாடியது கே.எஸ். ஜியின் ‘பணமா பாசமா.’

வரலட்சுமியின் நடிப்பாற்றலை முதலீடாகக் கொண்டு உடனடியாக, 1969-ல் கே.பாலசந்தரும் ‘பூவா தலையா’ 100 நாள் படம் கண்டார். கே.பி.யின் ‘காவியத்தலைவி’ போன்ற வெள்ளி விழா சினிமாக்களிலும் வரலட்சுமியின் பங்களிப்பு உண்டு. முதல் சுற்றைக் காட்டிலும் இரண்டாம் இன்னிங்ஸில் வரலட்சுமி நன்கு பிரகாசித்தார். ‘பணமா பாசமா’வில் வரலட்சுமியை இரும்பு மனுஷியாகக் காட்டியவர் கே.எஸ்.கோபாலகிருஷ்ணன்.

தனது மிக பிரம்மாண்ட புராணச் சித்திரமான ‘ஆதிபராசக்தி’யில், தயையும் கருணையும் ததும்பும் லோக மாதாவாக வரலட்சுமியைக் கூடு விட்டுக் கூடு பாய வைத்தார். வரலட்சுமியை ‘அம்பாளாக’ ஏற்றுக்கொண்டனர் மக்கள். 1971-ன் தீபாவளி வெளியீடான ‘ஆதிபராசக்தி’ அமோக வசூலோடு வெள்ளிவிழா கொண்டாடியது.

எம்.கே. தியாகராஜபாகவதர் (சியாமளா), பி.யூ. சின்னப்பா (வனசுந்தரி), டி.ஆர். மகாலிங்கம் (மச்ச ரேகை) ஆகிய முன்னாள் மூன்று சூப்பர் ஸ்டார்களுடனும் இணைந்து நடித்து உடன் பாடிடும் வாய்ப்பையும் பெற்றவர் வரலட்சுமி.

‘ஜெமினி’ வெளியீடான ‘சதி முரளி’ டாக்கியில் நடித்தபோது அரும்பியது டி.ஆர். மகாலிங்கம் - வரலட்சுமியின் தோழமை. சில ஆண்டுகளுக்குப் பின்னர் இருவரும் வாழ்விலும் இணைந்தார்கள். மகாலிங்கம் மறைந்த பின்னர் கண்ணதாசனின் அண்ணன் - பட அதிபர் ஏ.எல். ஸ்ரீநிவாசனுடன் வாழ்வில் இணைந்தார் வரலட்சுமி. இத்தம்பதிக்கு இரு பிள்ளைகள். தமது 82 வயதில் சென்னையில் மறைந்த வரலட்சுமியின் குரலும் நடிப்பும் மறையவே மறையாது.

Courtesy: Tamil Hindu

காற்றில் கலந்த இசை 40: இசை என்றொரு பெரும் வரம்!


திரைக்கதையின் நிகழ்வுகளுக்கேற்ப பொருத்தமான பாடல்கள் ஒலிப்பது இந்தியத் திரையுலகின் தொடக்கத்திலிருந்தே தொடர்ந்துவரும் மரபுதான். பரஸ்பரம் தங்கள் கலை வெளிப்பாட்டுடன் பகிர்ந்துகொண்டதன் மூலம், அந்த மரபின் செழுமையை, அதன் உள்ளார்ந்த அர்த்தத்தை ரசிகர்களுக்கு உணர்த்திய மேதைகள் இளையராஜாவும் மகேந்திரனும்.

இக்கூட்டணியின் முக்கியமான படைப்பு 1980-ல் வெளியான ‘ஜானி’. மகேந்திரன், இளையராஜா, ரஜினி என்று ‘முள்ளும் மலரும்’ படத்தின் வெற்றிக் கூட்டணி இப்படத்தில் மீண்டும் அமைந்தது. இவர்களுடன், இந்திரனின் மோதிரத்தைத் தவற விட்டுவிட்டதால் பூமிக்கு வர நேர்ந்த தேவதையான தேவியும் இணைந்துகொண்டார். ஐந்து பாடல்கள், படத்தின் மவுனங்களுக்கு இடையில் இழைந்தோடும் பின்னணி இசைக்கோவை என்று தேனில் தோய்த்தெடுத்த இசையை வழங்கியிருந்தார் இளையராஜா.

படத்தின் தொடக்கப் பாடலான ‘ஒரு இனிய மனது’ பாடல் சுஜாதா பாடியது. அமைதியைக் குலைத்துவிடாத மென் குரலில் ‘லால..லாலலா..லாலலா’ எனும் ஹம்மிங்; வழிந்தோடும் ஒற்றை வயலின் என்று முகப்பு இசையே பாடலின் தன்மையைச் சொல்லிவிடும். பல்லவியைத் தொடர்ந்து துயரங்களைக் கரையவிடும் ஒற்றை வயலின் ஒலிக்கும். ஐரோப்பிய கிராமத்தின் வனப்பை விரிக்கும் சிம்பனி பாணி இசைக்கோவை அதைத் தொடரும்.

இரண்டாவது நிரவல் இசையில் சாக்ஸபோன், புல்லாங்குழலைத் தொடர்ந்து மீண்டும் ஒரு ஒற்றை வயலின். இந்த முறை அதில் தொனிக்கும் துயரம், அன்பின் வரவுக்காகக் காத்திருக்கும் அர்ச்சனாவின் மனதைப் பிரதிபலிக்கும். சில்ஹவுட் பாணியிலான ஒளியமைப்பில், தலைமுடி தங்கமாக மின்ன மேடையில் பாடிக்கொண்டிருக்கும் ஸ்ரீதேவியின் அழகு வர்ணனைகளுக்கு அப்பாற்பட்டது. பாடல் தரும் பரவசத்தில் ‘வந்த வேலையை’ மறந்து வேறு உலகத்தில் மூழ்கிவிடுவான் ஜானி.

‘முள்ளும் மலரும்’ படத்தில் வரும் ‘ராமே(ன்) ஆண்டாலும்’ பாடலில் மலைவாழ் மக்களின் குரல்களையும் இசைக் கருவிகளையும் பயன்படுத்தியிருந்தார் இளையராஜா. ‘ஜானி’ படத்தில் ஷைலஜா பாடும் ‘ஆசையைக் காத்துல’ பாடலும் அந்த வகையைச் சேர்ந்தது. கானகத்தின் கனத்த மவுனத்தைப் பிரதிபலிக்கும் புல்லாங்குழல், மலை முகடுகளில் எதிரொலிக்கும் பழங்குடியினப் பெண்களின் கோரஸுடன் தொடங்கும் இப்பாடல் மலைக் காடு ஒன்றில் இரவில் தங்கும் அனுபவத்தின் சிலிர்ப்பைத் தரக்கூடியது.

வித்தியாசமான தாளக்கட்டில் அதிரும் பாடல் இது. முதல் சரணத்துக்கு முன்னதாக, ‘யோ…யோ’ எனும் பெண் குரல்களைத் தொடர்ந்து எதிர்பாராத வகையில் ஷெனாயை ஒலிக்க விடுவார் இளையராஜா. தீக்காய்தலுக்காக மூட்டப்பட்ட நெருப்பிலிருந்து பரவிச் செல்லும் புகையைப் போல் பாடல் முழுவதும் புல்லாங்குழலைக் கசிய விட்டிருப்பார். இப்பாடலில் தோன்றும் நடிகை சுபாஷிணி, பாடலுக்கு வாயசைக்காமல் நடனம் ஆடுவதாகக் காட்சிப்படுத்தியிருந்தார் மகேந்திரன். “என்னங்க இது, இப்படிப் பண்ணிட்டீங்களே என்று மிஸ்டர் இளையராஜா என்னிடம் கேட்டார்” என்று ஒரு தொலைக்காட்சிப் பேட்டியில் புன்னகையுடன் குறிப்பிட்டார் மகேந்திரன்.

வாவா பெடல் கருவியுடன் சேர்ந்து ஒலிக்கும் கிட்டாருடன் டிஸ்கோ பாணியில் ஆர்ப்பாட்டமாகத் தொடங்கும் ‘ஸ்னோ ரீட்டா ஐ லவ் யூ’ பாடல், அகன்ற கண்ணாடியும் பெல்பாட்டமும் கலைந்த கேசமுமாய் வளையவரும் ரஜினியின் ஸ்டைலுக்காகவே உருவாக்கப்பட்டிருக்க வேண்டும். அத்தனை வேகம் கொண்ட பாடல் இது. அதேசமயம், கரடுமுரடான பாத்திரமான வித்யாசாகருக்குள் எழும் காதல் உணர்வைப் பிரதிபலிக்கும் மெல்லிசையை, பாடல் நடுவே கசிய விட்டிருப்பார் இளையராஜா.

முதல் நிரவல் இசையில் சற்றே நகைச்சுவை உணர்வு ததும்பும். வா வா பெடல் இசைக்குப் பின்னர், பாறையிலிருந்து விழும் அருவியின் சாரல் போன்ற வயலின் இசைக்கோவை ஒலிக்கும். பாடல் காட்சியிலும் அதையே பிரதிபலித்திருப்பார் மகேந்திரன். இரண்டாவது சரணத்துக்கு முன்னதாக ஒலிக்கும் ஒற்றை வயலின், அதைத் தொடர்ந்து, கைக்கெட்டும் தொலைவில் மிதக்கும் மேகத்திலிருந்து விழும் தூறலைப் போன்ற இசை என்று இனிமையைச் சேர்த்துக்கொண்டே போவார் ராஜா. எஸ்.பி.பி. குரலின் கம்பீரம், பாடலின் புத்துணர்ச்சியை இரட்டிப்பாக்கும்.

ஜென்ஸி பாடிய மிகச் சிறந்த பாடல், ‘என் வானிலே ஒரே வெண்ணிலா’. பியானோவின் அதிகபட்ச இனிமையை வெளிக்கொணர்ந்த அதி உன்னதமான பாடல்களில் ஒன்று இது. மெலிதான முணுமுணுப்பாகத் தொடங்கும் பியானோ, ரஷ்ய நாவல்களில் வருவதுபோல், மெலிதான பனிப்படலம் போர்த்திய ஸ்டெப்பி புல்வெளி நிலத்தில் இருக்கும் ஒற்றை வீட்டை நினைவுபடுத்தும். அர்ச்சனாவைப் பொறுத்தவரை, தவறான நோட்ஸைத்தான் பியானோவில் ஜானி வாசிப்பான்.

ஆனால், அதுவே நம்மை உருக வைக்கப் போதுமானதாக இருக்கும். அர்ச்சனாவின் வாசிப்பில் அவள் வீட்டின் வரவேற்பறையில் உருக்கொள்ளும் இசை, மெள்ளப் பெருகிக்கொண்டே வந்து ஒரு கட்டத்தில் இடம்கொள்ளாமல் வெளியே மிதந்து சென்று, மாலை நேரத்தின் மலைப் பிரதேசங்களில் உலவத் தொடங்கிவிடும். நிரவல் இசையை அப்படித்தான் உருவாக்கியிருப்பார் இளையராஜா. அடிவானத்தில் மெல்லியக் கீற்று போல் தோன்றி வளர்ந்துகொண்டே வரும் வானவில்; மலை முகடுகளின் வழியே எல்லைகளற்ற பயணத்தில் நீண்டு செல்லும் மாலை நேரச் சூரியனின் கதிர் என்று வயலின் இசை மூலம் ஒரு தேர்ந்த ஓவியனின் படைப்பாற்றலுடன் காட்சிகளை உருவாக்கியிருப்பார்.

சரணம் தொடங்குவதற்கு முன்னர், மலை மீதிருந்து மிதந்து வரும் இசை மீண்டும் வரவேற்பறையில் பரவும். இரண்டாவது நிரவல் இசையில் வால்ட்ஸ் பாணி தாளத்தில் பியானோ, புல்லாங்குழல், வயலின் என்று இசைக் கருவிகள் ஒன்றையொன்று தழுவியபடி பாலே நடனம் ஆடுவதைப் போன்ற விரிவான இசைக்கோவையைத் தந்திருப்பார். அதைத் தொடர்ந்து வரும் ‘நீ தீட்டும் கோலங்கள்’ எனும் வரி, உண்மையில் இளையராஜாவைக் குறிப்பதாகவே தோன்றும்.

சிறந்த பாடல்கள் நிறைந்த இந்த ஆல்பத்தின் மிக முக்கியமான பாடல், ஜானகி பாடிய ‘காற்றில் எந்தன் கீதம்’. பொன்னிற மழைத்துளிகளின் நடுவே சில்லிடும் மாலை நேரக் காற்றாக, கிட்டார் இசைக்கு மேல் ஒலிக்கும் ஜானகியின் ஆலாபனையுடன் பாடல் தொடங்கும். காதலனின் வருகைக்காகத் துடிப்புடன் காத்திருக்கும் இதயத்தின் புலம்பல் இப்பாடல். முதல் நிரவல் இசையில் மெல்லிய முணுமுணுப்பாகத் தொடங்கும் புல்லாங்குழல், அதைத் தொடரும் சாக்ஸபோன், சந்தூர், கிட்டார் இசைக் கலவை ஆகியவை துயரார்ந்த மனதுக்குள் இருக்கும் வார்த்தைகளின் இசை வடிவங்களாக வெளிப்பட்டிருக்கும்.

ஆனால், அதைத் தொடர்ந்து விவரிக்க முடியாத சோகத்தின் வெளிப்பாடாக ஒலிக்கும் அமானுஷ்யம் கலந்த பேரோசை சாதாரணமாகத் திரைப்படப் பாடல்களின் தென்படாத நுட்பத்தைக் கொண்டது. தனது அன்புக்குரியவர் தொலைதூரத்தில் எங்கோ அலைந்துகொண்டிருக்கிறார் என்று கற்பனை செய்யும் ஆழ்மனதின் வெளிப்பாடு இந்த இசைக்கோவை. இப்பாடல் அமரத்துவம் பெறுவதற்கான அடிப்படை ஆன்மா இந்த இடம்தான். இரவுகளில் தனிமையில் அமர்ந்து இப்பாடலைக் கேட்கும்போது இந்த இடத்தில் மிகப் பெரிய வெற்றிடத்தை உணர முடியும்.

இரண்டாவது நிரவல் இசையிலும் இதுபோன்ற இசைக்கோவை உண்டு. சந்தூர் இசையைத் தொடர்ந்து, அடை மழை சற்றே குறைந்து சாரலாவது போன்ற வயலின் இசைக்கோவையை ஒலிக்கச் செய்வார் ராஜா. அதைத் தொடர்ந்து ஒலிக்கும் எலெக்ட்ரிக் கிட்டார் மற்றும் கிட்டாரின் சம்பாஷணையும் மனதின் பரிதவிப்பைப் பதிவுசெய்திருக்கும். துயரத்தில் தளும்பும் குரலில் பாடியிருப்பார் ஜானகி. கிளைமாக்ஸ் பாடலான இப்பாடலுடன் படம் சுபமாக முடிவடையும். அப்போது ‘மியூசிக் இஸ் தி லைஃப் கிவர்’ எனும் வாசகம் திரையில் ஒளிரும். இளையராஜா போன்ற அபூர்வக் கலைஞர்களின் படைப்புகள் இருக்கும் வரை இந்த வாசகம் சாஸ்வதமானது!



Courtesy: Tamil Hindu


திரை வெளிச்சம்: கோடம்பாக்கத்தின் இன்றைய சூதாட்டம்!




தமிழ் சினிமா கோடிகள் புழங்கும் துறையாகிப் பல ஆண்டுகள் ஆகின்றன. இந்தத் தொகையை முதலீடு செய்வது தயாரிப்பாளர்கள்தான் என்பது எல்லோருக்கும் தெரியும். அப்படிப்பட்ட தயாரிப்பாளர்கள் எவ்வளவு பணக்காரர்களாக இருக்க வேண்டும். எவ்வளவு வசதியாக இருக்கு வேண்டும்.

ஆனால் உண்மை நிலவரம் வேறு. இன்று பெரும்பாலான தயாரிப்பாளர்கள் வாடகை காரில் செல்ல, நடிகர்கள்தான் விதம்விதமான சொகுசு காரில் வலம் வருகிறார்கள். செல்வம் கொழிக்கும் எந்தத் துறையிலும் முதலாளிகள் அல்லது தயாரிப்பாளர்களின் நிலை இப்படி இல்லை. ஆனால் இதுதான் இன்றைய தமிழ் சினிமாவின் யதார்த்தம்.

ஏன் இந்த நிலை?

தமிழ் சினிமாவின் வியாபாரத்தில் தற்போது ஏற்பட்டுள்ள மாற்றம்தான் இதற்குக் காரணம் என்கிறார்கள் திரைத் துறையைச் சேர்ந்தவர்கள். “ஒரு நடிகருக்கு ஒரே ஒரு படம் பிரம்மாண்ட வெற்றியடைந்துவிட்டால், அந்த நடிகர் அடுத்த படத்துக்கான தனது சம்பளத்தில் 3 கோடி வரை உயர்த்திவிடுகிறார். சம்பளம் உயரும்போது படத்தின் தயாரிப்புச் செலவு உயருகிறது.

அதே நடிகரின் படம் தோல்வியடையும் பட்சத்தில் சம்பளத்தைக் குறைக்கிறாரா என்றால் கண்டிப்பாக இல்லை. சம்பளத்தைக் குறைப்பது என்பது தங்கள் தன்மானத்துக்கு இழுக்கு என நடிகர்கள் கருதுகிறார்கள்” என்று பெயரை வெளியிட விரும்பாத ஒரு தயாரிப்பாளர் கூறுகிறார்.

இந்த உதாரணத்தைப் பார்த்தால் அவர் சொல்வது எவ்வளவு உண்மை என்பது புரியும். 2015-ம் ஆண்டு ஒரு நடிகரின் படம் பிரம்மாண்ட வெற்றி பெற்றது. அதைத் தொடர்ந்து ஒரு தயாரிப்பாளர் அவரை வைத்துப் படம் பண்ண அணுகியிருக்கிறார். அந்த நடிகர் கேட்ட சம்பளத்தால், அப்படியே திரும்பிவிட்டார்.

படத்தின் விநியோக வியாபாரத்திலும் பெரும் மாற்றம் நிகழ்ந்திருக்கிறது. ‘கரகாட்டக்காரன்' படத்தின் தயாரிப்புச் செலவு 22 லட்சம். படத்தின் மொத்த வசூல் சுமார் 6.5 கோடி என்கிறார்கள். அந்தத் தயாரிப்பாளருக்கு, அதே நடிகர் அடுத்த படம் பண்ணுகிறார். முதல் படம் 6.5 கோடி வசூலானது, இப்படமும் அந்த அளவுக்கு வசூலாகும் என்று கணக்குப் போட்டு 6.5 கோடிக்கு மேல் விற்பனை செய்ய முனையவில்லை. ரூ. 28 லட்சம் ரூபாய் பொருட்செலவில் படத்தைத் தயாரித்து அதில் சில லட்சங்களை மட்டும் லாபம் வைத்து விற்றார்கள்.

இது இப்போது எப்படி இருக்கிறது என்று பாருங்கள். சில ஆண்டுகளுக்கு முன்பு ஒரு முன்னணி நடிகரின் படம் ரூ.14 கோடி செலவில் தயாரானது. அது சுமார் ரூ.18 கோடிக்கு வியாபாரம் ஆனது. சுமார் ரூ.35 கோடி வசூலை அள்ளியது. அந்த நடிகர் உடனே தனது சம்பளத்தைக் கணிசமாக உயர்த்தினார். அதே நடிகரின் அடுத்த படத்தினை ரூ.34 கோடிக்கு ஒரு முன்னணி நிறுவனம் வாங்கி விநியோகம் செய்தது.

அதில் பெருத்த நஷ்டமே கிடைத்தது. ஆனால் இந்த நஷ்டம் வாங்கியவருக்குத்தான். நடிகருக்கு அல்ல. அவர் ஏற்றிய சம்பளம் ஏற்றியதுதான். அதன் பிறகு அவருக்கு வெற்றிகளும் தோல்விகளும் மாறிமாறி வந்துகொண்டுதான் இருக்கின்றன. ஆனாலும் இன்றுவரை அவரது சம்பளம் ஏறுமுகத்தில்தான் உள்ளது.

தயாரிப்பாளர்களாக மாறும் நடிகர்கள்

முன்னணி நடிகர்கள் பலரும் தயாரிப்பாளர்களாக மாறிவருகிறார்கள். அதற்குக் காரணம், தயாரிப்பாளர்கள் குறைந்துகொண்டேவருவதுதான். தமிழ் சினிமாவில் கொடி கட்டிப் பறந்த ஏ.வி.எம்., சூப்பர் குட் பிலிம்ஸ் போன்ற நிறுவனங்கள் தங்களது படத் தயாரிப்புகளை வெகுவாகக் குறைத்துக்கொண்டன. காரணம், தற்போதைய மாற்றம்தான். பட வியாபாரத்தின் இன்றைய நிலவரத்தின் சூட்சுமம் தெரியாமல் வரும் தயாரிப்பாளர்கள் பலரும் ஒரே படத்தோடு ஓட்டமெடுக்கிறார்கள்.

தொலைக்காட்சி உரிமத்தில் பிரச்சினை, இசை உரிமை விலைகுறைவது, தொழிலாளர்களின் சம்பள உயர்வு, நடிகர்கள், இயக்குநரின் சம்பளவு உயர்வு, தொழில்நுட்பக் கலைஞர்களின் சம்பள உயர்வு... இதையெல்லாம் பார்க்கும் போது ஒரு படத் தயாரிப்பாளரின் நிலைமை என்பது பெரும் சோகக் கதைதான். இவ்வாறு பல்வேறு தயாரிப்பாளர்கள் தங்களது தயாரிப்பை நிறுத்திக்கொண்டதால் நடிகர்களே தங்களது படத்தைத் தயாரிக்கிறார்கள்.

தமிழ்நாடே கொண்டாடும் ஒரு முன்னணி நடிகரின் அடுத்த படத்துக்குத் தயாரிப்பாளர் கிடைக்கவில்லை. 3 படங்களுக்குப் பிறகு ஒரு தயாரிப்பாளருக்குப் படம் பண்ணித் தருகிறேன் என்று வாக்குறுதி அளித்திருக்கிறார். அந்த தயாரிப்பாளரைத் தற்போது அழைத்து எனது அடுத்த படத்தின் தயாரிப்பாளர் நீங்கள்தான் என்று தெரிவித்திருக்கிறார்.

விளம்பரங்களில் மட்டுமே வெற்றி

ராமராஜன், மோகன் உள்ளிட்ட பழைய நடிகர்கள் எல்லாம் நடித்துக்கொண்டிருந்த போது தயாரிப்பாளர்கள் லாபமடைந்து தொடர்ச்சியாகப் படம் பண்ணினார்கள். ஆனால், இன்றைய தயாரிப்பாளர்கள் நிலைமை அப்படி அல்ல. தமிழ்த் திரையுலகில் தற்போதைய தயாரிப்பாளர்கள் லாபம் அடைகிறார்களா என்று கேள்வியை முன்வைத்தால் கண்டிப்பாக இல்லை என்று சொல்லலாம். ஏனென்றால், ஒரு படம் ஓடுவது அதிகபட்சம் 25 நாட்கள்தான். பல படங்கள் ஒரு வாரம்கூடத் தாக்குப்பிடிப்பதில்லை.

ஒரு தயாரிப்பாளரிடம் போய், உங்கள் தயாரிப்பு செலவு எவ்வளவு, வசூல் எவ்வளவு என்று கேட்டால் அவர்களால் சரியான தகவல்களைச் சொல்ல முடியாது. ஒவ்வொரு படத்தின் வசூல் கணக்கின் உண்மையான நிலவரம் வருமான வரி சமர்ப்பிக்கும் பேப்பரில்தான் இருக்கும். 100 கோடி வசூல், பிரம்மாண்டமான வசூல், எதிர்பாராத, திகைக்க வைக்கும் ஹிட் எல்லாம் விளம்பரங்களோடு சரி. மிகச் சில படங்களே இதற்கு விதிவிலக்கு.

பெரிய நடிகர்கள் சம்பளத்தைக் குறைக்க வேண்டும் என்ற குரல் அவ்வப்போது தமிழ் திரையுலகில் எழுந்துகொண்டே இருக்கிறது. இது குறித்து தயாரிப்பாளர் சங்கம் ஒரு நல்ல முடிவுக்கு வர வேண்டும் என்று பல்வேறு தயாரிப்பாளர்கள் தெரிவித்துவருகிறார்கள். ஒரு படம் ஓடினால் சம்பளத்தை உயர்த்தும் நீங்கள் தொடர்ந்து உங்கள் படங்கள் நஷ்டமடைந்தால் சம்பளத்தைக் குறைத்துக்கொள்ளுங்கள் என்று நடிகர்களைப் பார்த்துத் தயாரிப்பாளர்களால் கேட்க முடியவில்லை.

அந்தச் சம்பளத்தைக் கொடுக்க மாட்டேன் என்று சொல்ல முடியவில்லை. காரணம், அதே நடிகரின் அடுத்த படம் நன்றாக ஓடிவிட்டால் தனக்குப் பெரிய லாபம் கிடைக்குமே என்ற எதிர்பார்ப்புதான். இப்போதெல்லாம் ஒரு படம் நன்றாக ஓடினால் தெலுங்கு, இந்தி மொழிகளில் மறுஆக்க உரிமை உள்படப் பல விதங்களில் பெரும் லாபம் கிடைப்பதால் முன்னணி நடிகர் யாரையும் பகைத்துக்கொள்ள முடியாத நிலை. எனவே தொடர்ந்து இந்தச் சூதாட்டம் நடக்கிறது.

Courtesy: Tamil Hindu

‘சிரிக்கும்போது சந்தோஷமாக இருக்கிறேன்’ - கல்பனா ரஞ்சனி அஞ்சலி


தமிழில் ‘சின்ன வீடு’ படம் தொடங்கி ‘சதி லீலாவதி’, ‘டும் டும் டும்’, ‘பம்மல் கே சம்பந்தம்’ வரை மறக்க முடியாத கதாபாத்திரங்களில் நடித்த கல்பனா, ‘குண்டு கல்பனா’ என்றே இங்கே பொதுவாக அறியப்பட்டிருந்தார். தென்னிந்தியாவின் சிறந்த நடிகைகளில் ஒருவரான ஊர்வசியின் அக்காவும் மிகச் சிறந்த குணச்சித்திர நடிகையுமான கல்பனா ரஞ்சனியின் அகால மரணம் தமிழ் சினிமாவுக்கும் மலையாள சினிமாவுக்கும் உண்மையாகவே இழப்புதான்.

இன்னும் அவர் நடிக்க வேண்டிய கதாபாத்திரங்கள் நிறைய இருந்தன. அவற்றை கல்பனாவைத் தவிர வேறு யாரும் செய்ய முடியாது என்று கூறியுள்ளார் மலையாள நடிகர் முகேஷ்.

‘சதி லீலாவதி’ படத்தில் அவர் தனது சேலை முந்தானையை உதறி ஆத்திரமும் அழுகையுமாய் பேசி கமல் ஹாசனுக்கு ஈடாகப் பிய்த்து உதறும் காட்சிகள் தமிழ் சினிமா ரசிகர்களின் ஞாபகத்தில் எப்போதும் இருக்கும். அவர் நடித்த அந்தக் கதாபாத்திரத்தை அதன் இந்தி மறுஆக்கமான ‘பீவி நம்பர் 1’-ல் கரிஷ்மா கபூர் ஏற்றார்.

1977-ல் குழந்தை நட்சத்திரமாக ‘விதருண்ண மொட்டுகள்’ மலையாளப் படத்தில் தன்னுடைய நடிப்பு வாழ்வைத் தொடங்கிய கல்பனா, நாயகி, குணச்சித்திர வேடம் என தனது மரணம் வரை 300 படங்கள் வரை நடித்து பிஸியாகவே இருந்துள்ளார்.

தேசிய விருதுக் கலைஞர்

நகைச்சுவை நடிப்பிற்காகவே கல்பனா உடனடியாக ஞாபகத்திற்கு வந்தாலும் சீரியசான கதாபாத்திரத்திரங்களிலும் சோபித்தவர் அவர். 2012-ல் ‘தனிச்சல்ல ஞான்’ படத்துக்காகச் சிறந்த துணை நடிகைக்கான தேசிய விருது பெற்றவர். மலையாள சினிமாவின் கலைமுகங்களில் ஒருவரான இயக்குநர் ஜி.அரவிந்தனின் ‘போக்குவெயில்’ படம்தான் இவர் நாயகியாக அறிமுகமான படம்.

சமீபத்தில் மொழி பேதம் கடந்து தென்னிந்தியா முழுவதும் ரசிக்கப்பட்ட ‘பெங்களூர் டேஸ்’ மலையாளப் படத்தில் நாயகன் நிவின் பாலியின் அசமந்தமான, விட்டேற்றியான, பொறுப்பற்ற அம்மாவாக அவர் ஏற்ற கதாபாத்திரம் எல்லாராலும் மிகவும் ரசிக்கப்பட்டது. கணவனாலேயே பாலியல் தொழிலுக்குத் தள்ளப்பட்டு எய்ட்ஸ் நோயால் அவதிப்படும் குயின் மேரிஸ் கதாபாத்திரத்தில், அதன் உள்மனப் போராட்டங்களை உணர்ந்து, அவர் நடித்திருந்த ‘சார்லி’ படம் இன்னும் கேரளத் திரையரங்குகளில் ஓடிக்கொண்டிருக்கிறது.

கலைக் குடும்பம்

கேரளத்தின் புகழ்பெற்ற நாடக நடிகர்களான வி.பி.நாயர் மற்றும் விஜயலட்சுமி தம்பதியருக்குப் பிறந்த கலாரஞ்சனி, கல்பனா, ஊர்வசி மூன்று சகோதரிகளும் நடிகைகளாகத் தனித்தனியாக அவரவர் வகையில் சாதனை செய்தவர்கள். கல்பனாவுக்குப் பெயர் பெற்றுத்தந்த மலையாளப் படங்கள் என்று ‘பஞ்சவடிப்பாலம்’, ‘பெருவண்ணப்புரத்தே விசேஷங்கள்’, ‘கவுத்துக வார்த்தகள்’, ‘டாக்டர் பசுபதி’, ‘ஊட்டயாள் பட்டாளம்’, ‘காந்தர்வம்’, ‘குடும்பவிசேஷங்கள்’, ‘மாம்பழக்காலம்’, ‘கேரளா கபே’, ‘இந்தியன் ருபீ’ மற்றும் ‘பெங்களூர் டேஸ்’ படங்களை மலையாள விமர்சகர்கள் குறிப்பிடுகின்றனர்.

இவர் உஷா உதூப்புடன் சேர்ந்து செய்த இசை ஆல்பமான ‘பலவட்டம்’ ரசிகர்களால் இன்றும் நினைவுகூரப்படுகிறது. இவர் மலையாளத்தில் எழுதிய சுயசரிதையான ‘ஞான் கல்பனா’, இவரைத் தேர்ந்த எழுத்தாளராகவும் அறிமுகப்படுத்தியது. இவரது திரை அனுபவங்களையும் இவர் ரசித்த படைப்புகளையும் பற்றிய நூல் அது. அந்தப் புத்தகத்தில் அவர், “ நான் என்னைப் பார்த்துச் சிரிக்கும்போது மிகவும் சந்தோஷமாக இருக்கிறேன்” என்று எழுதியிருப்பார். எத்தனை ஞானமும் சத்தியமும் கொண்ட வார்த்தைகள் இவை. இவரது தங்கை ஊர்வசியும் இவரும் மத்திய வயதை எட்டுகையில் நட்சத்திர அந்தஸ்து எதையும் கருதாமல் சாதாரணமாக நகைச்சுவை மற்றும் குணச்சித்திர பாத்திரங்களுக்குத் தங்களைத் தகவமைத்துக் கொண்டதற்கு இந்த ஞானமே காரணமாக இருந்திருக்கும்.

இயக்குநர் சிகரத்தின் பாராட்டு

கே.பாக்கியராஜின் இயக்கத்தில் ‘சின்ன வீடு’ மற்றும் விசுவின் ‘திருமதி ஒரு வெகுமதி’ படங்களில் கல்பனா முன்னணி நாயகியாகவும் சிறந்த நடிகையாகவும் போற்றப்பட்டார். துயரத்தில் அழுந்திப் போராடும் பெண்களின் மன உணர்வை நன்கு வெளிப்படுத்துவதில் சரிதாவுக்கு இணை கல்பனாதான் என்று கே.பாலச்சந்தரால் பாராட்டப்பட்டவர் அவர்.

ஒரு இந்திய நடிகையிடம் பெரும்பாலும் எதிர்பார்க்கப்படும் கவர்ச்சிகரமான உடலமைப்பைக் கொண்டவர் அல்ல அவர். தனது குண்டு உடலையே தனது மந்திர விளக்காக மாற்றிய கலைஞர் அவர். புற அழகை வென்று அக அழகால் தமிழ் மற்றும் மலையாள ரசிகர்களை வென்ற சில நடிகைகளின் பட்டியலில் அவரும் இருப்பார்.

மலையாளத்திலும் தமிழிலும் அவர் சாதாரணப் பெண்களின் சாதாரண உணர்வுகளான நிராசை, ஏக்கம், ஏமாற்றம் மற்றும் தன்னம்பிக்கையை வெளிப்படுத்தும் கதாபாத்திரங்களிலேயே நடித்தார். அதுவே அவரது சாதனையும்கூட.

ஆயிரம் முத்தங்கள் கல்பனா சேச்சி!

துல்கர் சல்மானின் நெகிழ்ச்சியான ட்வீட்:

கல்பனா சேச்சி பற்றிய செய்தியைக் கேட்டு உடைந்துபோனேன். என்னைக் குழந்தையாகப் பார்த்தவர். எனக்கே தெரியாத எனது குழந்தைப் பருவத்துக் கதைகளை எனக்கு அவர் சொல்வார். சமீபத்தில் நானும் அவரும் ‘சார்லி’ படத்தில் நடித்தோம். அந்தப் படத்தில் சார்லி கதாபாத்திரம் மேரியை முத்தமிடும். நான் கல்பனா சேச்சியின் கன்னத்தில் முத்தமிட்டேன். அப்போது அவர் மிகவும் சந்தோஷப்பட்டார். குழந்தையாக இருந்தபோது அவர் என்னை முத்தமிடச் சொல்லி வற்புறுத்துவாராம். நான் கொடுக்காமல் ஓடிவிடுவேனாம். அவருக்கு என்னுடைய ஆயிரம் முத்தங்கள்.

Courtesy: Tamil Hindu

சினிமா எடுத்துப் பார் 43: அறையில் அழுது கொண்டு இருந்த ஸ்ரீதேவி!


எஸ்பி.முத்துராமன்



வெளிநாட்டில் வித்தியாசமாக எடுக்க திட்டமிடப்பட்ட அந்தப் படத்தை, தமிழில் மட்டும் எடுத்தால் பொருட்செலவு அதிகமாகும்; நிச்சயம் கையைக் கடிக்கும். அதனால் கன்னடத்திலும் சேர்த்து எடுக்கலாம் என்ற ஐடியாவை பஞ்சு அருணாசலம் கூறினார். கன்னடத்தில் எடுக்கத் தயாரிப் பாளர் ராஜண்ணாவும் தயாராக இருந் தார். அந்தப் படம் ‘ப்ரியா’. இந்தப் படத் தைப் பற்றி இந்த வாரம் எழுதும் போது நான் சிங்கப்பூரில் இருக்கிறேன். 1978-ம் வருஷ சிங்கப்பூருக்கும் 2016 சிங்கப்பூருக்கும் எவ்வளவு மாற்றங்கள்!

முன்னாள் பிரதமர் லீ குவான் யூ ஒரு முறை ‘‘சிங்கப்பூரின் வளர்ச்சியில் தமிழர் களுக்குப் பங்கு உண்டு. தமிழர்களின் உழைப்பும் வேர்வையும் இந்த மண்ணில் கலந்துள்ளது’’ என்றார். சிங்கப்பூரின் ஆட்சிமொழிகளில் ஒன்றாக தமிழும் இருப்பது நமக்குப் பெருமை.

சிங்கப்பூரில் புக்கிட் பாஞ்சாங்கில் நடந்த பொங்கல் விழாவில் கலந்து கொண்டேன். தமிழர்களோடு, இந்தியர், சீனக்காரர், மலேசியர் என பல நாட்டு இன மக்களும் ஒன்றாகக் கூடி பொங்கல் வைத்தனர். சிங்கப்பூர் நாடாளுமன்ற உறுப்பினர் டாக்டர் தியோ கோ பின் பட்டு வேட்டி, சட்டை, துண்டு அணிந்தும் அவர் மனைவி பட்டுப் புடவை அணிந்தும் கலந்துகொண்டனர். நான் தமிழ்நாட்டில் இருந்து வந்து கலந்துகொண்ட ஒரு மாமன்காரனாக தாய்நாட்டின் வாழ்த்து களை அவர்களுக்குக் கூறினேன். ‘ஒரே உலகம்; ஒரே இனம்’ என்று பார்க்க பூரிப்பாக இருந்தது

பஞ்சு அருணாசலத்தின் சகோதரர் கேஎன். சுப்புதான் ‘ப்ரியா’ படத் தயாரிப் பாளர். எழுத்தாளர் சுஜாதா எழுதிய ‘ப்ரியா’ நாவலைத்தான் படமாக்கினோம். வெளிநாடுகளில் நடக்கும் கதைக்களம். நானும் ஒளிப்பதிவாளர் பாபுவும் ‘ப்ரியா’ நாவலைப் படித்து கதையை உள்வாங் கிக்கொண்டோம். சுஜாதாவின் கதைகள் பெரும்பாலும் திரைக்கதை வடிவத்தில் இருக்கும். பிரம்மாண்டமான படங்களை எடுக்கும் இயக்குநர் ஷங்கரின் படங் களில் சுஜாதாவின் பங்களிப்பு சிறப்புடன் இருந்தது. சிறந்த கணினி விஞ்ஞானியான அவர், அவ்வளவாக கணினி புழக்கத் துக்கு வராத காலத்திலேயே கமலுக்குக் கணினி கற்றுக்கொடுத்து, திரைப்பட உருவாக்க வேலைகளை அதில் செய்ய வைத்தார். எழுத்தாளர் சுஜாதாவை இந்தக் காலத்தின் ‘திருமூலர்’ என்றே சொல்லலாம். அவருடைய ‘ப்ரியா’ கதைக்கு பஞ்சு அருணாசலம் தன் எழுத் தின் மூலம் மேலும் மெருகேற்றினார்.

‘ப்ரியா’ பட நாயகன் சூப்பர் ஸ்டார் ரஜினிகாந்த். நாயகி தேவி. கன்னட நடிகர் அம்ரிஷ், மேஜர் சுந்தர்ராஜன், தேங்காய் சீனிவாசன் என நடிகர்கள் தேர் வானார்கள். இளையராஜா புதுமையான பாடல்களை அற்புதமாக இசை அமைத்து, ‘இன்ரிகோ’ (INRECO) ஸ்டீரியோபோனிக் முறையில் ஒலிப் பதிவு செய்துகொடுத்தார். சூப்பர் ஸ்டா ரின் படத்துக்கு சூப்பராகவே பாடல்கள் அமைந்தன.

‘ப்ரியா’படத்தை சிங்கப்பூரில் படமாக் கும் வேலைகளைத் தொடங்கினோம். பொதுவாக வெளிநாடுகளில் பாடல் காட்சிகளை மட்டுமே எடுப்பது ஒரு விதம். முழு படத்தையும் எடுப்பது சாதாரணமானது இல்லை. படப்பிடிப் புக்குப் புறப்பட்டபோது, செலவோடு செலவாக மளிகை பொருட்களை எடுத் துக்கொண்டு, உடன் சமையல்காரரை யும் அழைத்துச் சென்றோம். அதிகாலையில் படப்பிடிப்புக்குப் புறப்பட்டால் டிபன் ரெடி ஆகியிருக்காது. புகழ்பெற்ற நடன இயக்குநர் சோப்ரா மாஸ்டர் பிரட்டில் ஜாம் வைத்து காலை உணவை தயார் செய்துகொடுப்பார். பஞ்சாபிக்காரரான சோப்ரா நல்ல மனிதர்.

படத்துக்குத் தேவையான சில காட்சிகளை சிங்கப்பூர் ஏர்போர்ட்டில் படமாக்க நினைத்தோம். ஏர்போர்ட் நிர் வாகத்தை அணுகியபோது, ‘‘பயணிகள் அதிகம் வந்து செல்லும் நேரத்தைத் தவிர்த்து எடுத்துக்கொள்ளலாம்’’ என்று சொல்லி அனுமதி அளித்தனர். அனுமதி கிடைத்த மகிழ்ச்சியோடு ‘‘தொகை எவ் வளவு கட்ட வேண்டும்?’’ என்று கேட் டோம். ‘‘இந்தப் படம் மூலமாக எங்கள் ஏர்போர்ட் பல நாட்டு மக்களுக்கும் தெரியப்போகிறது. இன்னும் பல நாட்டுக்காரர்கள் எங்கள் நாட்டுக்கு சுற்றுலா வருவார்கள். உங்கள் மூலம் எங்களுக்கு விளம்பரம் கிடைக்கும்போது ஏன் பணம் வாங்க வேண்டும்? எதுவும் வேண்டாம்’’ என்றார்கள். சுற்றுலாத் துறைக்கு சிங்கப்பூர் கொடுக்கும் முக்கியத்துவத்தை உணர முடிந்தது.



படப்பிடிப்புக்காக சிங்கப்பூர் ஏர் லைன்ஸ் நிறுவனம் ஒரு விமானத்தை சில மணி நேரங்களுக்கு இலவசமாகக் கொடுத்து உதவியது. சுற்றுலாவுக்கு அவர்கள் கொடுக்கும் முக்கியத் துவத்தை போல நமது இந்தியாவிலும் ‘இங்கே தடை; அங்கே தடை’என்று முட்டுக்கட்டை போடாமல் சுற்றுலாவின் வளர்ச்சிக்குத் திட்டமிட வேண்டும். இந்தியாவில் படப்பிடிப்புக்கு அனுமதி பெறும் கஷ்டம் இங்கு சினிமா எடுப்பவர்களுக்குத்தான் தெரியும்.

‘டார்லிங்… டார்லிங்… டார்லிங்’ என்ற இளமை துள்ளும் பாடலை சிங்கப்பூரில் அழகான ஒரு நீச்சல் குளத்தில் படமாக்கும் வேலையில் ஈடுபட்டிருந்தோம். அந்தப் பாடலுக்கு நடனம் ஆட வேண் டிய நாயகி தேவி உரிய நேரத்தில் படப்பிடிப்புக்கு வரவில்லை. விசாரித்துப் பார்த்தால் அவர் அறையில் அழுது கொண்டு இருக்கிறார் என்றார்கள்.

ஏன்? ஏன்?

From kandhan karuNai

thirupparankundrathil nee sirithaal.....

http://www.youtube.com/watch?v=d9mhH4naphg

Where's everybody??? :)

A nice song in Sivaranjani ragam; featuring Nedumudi Venu & Sumalatha (Actors),
Bichu Thirumala (Lyricist), Raveendran (Music Director), & K.J. Yesudas...

தேனும் வயம்பும் நாவில் தூவும் வானம்பாடி
ராகம் ஸ்ரீ ராகம்
பாடூ நீ வீண்டும் வீண்டும் வீண்டும் வீண்டும்...

https://www.youtube.com/watch?v=lg4U9xHo5gA

எங்கே எங்கே ? நண்பர்கள் எல்லோரும் எங்கே போய் விட்டீங்க ?
மீண்டும் மதுர கானம் மலரட்டும்..

வருக வருக

vandhom vandhom

நண்பர்கள் அனைவருக்கும் வணக்கம் .
அபூர்வமான திரைப்பட விளம்பரங்கள் .
http://i64.tinypic.com/2u8fh3l.jpg

http://i65.tinypic.com/vjitt.jpg

http://i66.tinypic.com/313ozfd.jpg

http://i63.tinypic.com/2rw259c.jpg

From மறக்க முடியுமா ...

https://www.youtube.com/watch?v=W5aesdIQxjY

From காதல் படுத்தும் பாடு ...

https://www.youtube.com/watch?v=RYTcHTbWl3s

From நாம் மூவர்...

https://www.youtube.com/watch?v=sKzp-CxkZMU

From நாணல்...

https://www.youtube.com/watch?v=EOmWoYeyIGY

Happy Valentine's Day ! :)

Quote:

---

Originally Posted by rajeshkrv

vandhom vandhom

---

odi vandha vegamenna rajesh ! nee appadiye nirpadhenna rajesh !

ella ji-kkalum enge poyittanga ?

ஹாய் ராஜ் ராஜ் சார், ரெண்டு எஸ்.வி சார்ஸ், ராகதேவன்,சிவாஜி செந்த்தில், ராஜேஷ், மதுண்ணா.... நலமா.

வண்ட்டோம் மதுண்ணா.ஹவ் இஸ்யுவர் ஹெல்த்..

கலையாகக் கூப்பிட்டீர் கண்ணனும்வந்தே
அழைப்பேன் அனைவரையும் ஆம்..

முன்னம் அழைத்த ரா.தேவனுக்கும் தாங்க்ஸூ.. :)

https://youtu.be/oPhkeqMoWag

எல்லாரையும் லாங்க் லீவ் முடிச்சுட்டு பழைய ஜோஷ்லயே வரவேண்டும்னு சொல்லி ஒரு அந்தாதி..ஹிஹி..வரவேண்டும்னு சாங்க்ஸா போட்டுப் பாக்கலாம்னு பார்த்தா..இங்கன யார்... சிவகுமார் லத்து..

கல்யாண மாலை கொண்டாடும் வேளை வரவேண்டும் தரவேண்டும்..ங்கறாங்க.. பின்ன கல்யாண மாலை கொடுத்தாலே தரத்தானே வேண்டும்..ம்ம் ரெண்டாவதும் எஸ்பி பாட்டாப் போச்சு!

https://youtu.be/OJ5SE_MZ2js