-
பாடம் படிக்கும் மாணவியாய்
பாச மகள் பகிர்ந்து கொண்டாள்
பரவசமான முதல் பனி மழையை
பூப் போல் கையில் விழும் வடிவம்
பொலிவாய் செதுக்கிய நட்சத்திரம்
பொசுக்கென கரைந்துவிடும் மாயம்
பொம்மை மனிதன் செய்யும் கூட்டம்
பாகுபாடின்றி பெரியவரும் சிறாரும்
பளிங்கு போல் எங்கும் ஒரு நிர்மலம்
பரிசுத்தமான நிகழ்வதுவோர் அதிசயம்
பன்முக இயற்கையின் தூய தரிசனம்
பரவிக்கிடந்தது அங்கே ஒரு பயபக்தி
-
பயபக்தியுடன் தான்
கண்களிலே கற்பூரம் ஒற்றி
துளி துளிர்த்திருந்த நெற்றியில்
குங்குமம் இட்டுக் கொண்டு
பின் பார்க்க நானும் இட்டுக்கொள்ள,
திரும்பி சுற்ற ஆரம்பிக்க
பின்தொடர்ந்தால்
மெளனமாய் இரு சுற்ற்ல்..
பின் தூணுக்கருகில் அமர
நானும....
கோயில் என்ப்தால் திட்டாமல் இருக்கிறேன்..
ஏன் தாமதம் என பார்வையில் கேட்க
சைகையில்
ஏகப்பட்ட வாகனங்க்ளுக்கிடையில்
சிக்கிக் கொண்டதைச் சொல்ல
அதுவ்ரை எங்களைப் பார்த்திருந்த சிறுவ்ன்
என்னங்க்ணா ரெண்டுபேரும் ஊமைங்களா
எனக் கேட்க
பட்டென வெடித்த சிரிப்பில்
கரைந்தது கோபமும் நாடகமும்..
-
நாடகமும் முடிந்தது
திரையும் விழுந்தது
கூட்டம் கலைந்தது
அடுத்த வேலை என்ன
அடுப்பில் உலையை வை
இருப்பவர் வயிறை கவனி
-
கவனிப்பு நல்லது தான்
அதற்காக இப்படியா
இளவயது பாவாடை தாவணி மங்கை
பந்தியில்
அமர்ந்திருந்த வாலிபனுக்கு
சரமாரியாகக்
கண்களாலும் கைகளாலும்
பரிமாறிக் கொண்டிருக்க..
அந்தப்பக்கம் அமர்ந்தபடி பார்த்த நான்
பொறுக்கமுடியாமல் கேட்டேன்..
அந்தப் பொண்ணு அந்த ஆளோட காதலியா..
அருகிலிருந்தவ்ர் முறைத்தார்..
வாய் கூசாம இப்படிக் கேக்கறீங்களே..
அந்தப் பொண்
அவரோட மச்சினி...!
-
மச்சினி பாவம் கத்தி அழுவுறா
கண்ணீரை அருவியா கொட்டுறா
கையைக் காலை உதைக்கிறா
குஞ்சுப் பாப்பா கன்னத்தை
கொஞ்சிய மச்சானின் மீசை
குத்துனதுதான் குத்தமா போச்சு
-
போச்சு போச்சுவென்றே பொங்குவதும் போதாமல்
...பேச்சில் நல்வார்த்தை சிறிதேனும் சொல்லாம்ல்
வீச்சு வீச்சென்றே விள்ங்காமல் கத்துவதும்
...வில்லி நாயகனின் நாயகியை வீழ்த்திடவே
பூச்சி பிடிக்கின்ற பல்லியைப்போல் காய்நகர்த்தி
... பொன்னும் மணிநகையும் புடவையும் தானுடுத்தி
சூழ்ச்சி செய்வதையும் விடாமலே பார்த்திடுவார்
...சோம்பல் மாந்தரவ்ர் தொலைக்காட்சித் தொடரினிலே..
-
தொடரினிலே எண்ணற்ற கண்ணிகள்
பொருளுள்ள ஆதாரமான காரணிகள்
ஓரிழையில் கோர்த்த உயிரினங்கள்
அழிக்கக் கிளம்பிய நாம் அறிவிலிகள்
-
அறிவிலிகள்..
கடைசிப் பெஞ்ச் மாணவர்களைப்
பார்க்கும் போதெல்லாம்
தமிழையா சொல்வார்..
கொஞ்சமாவது படிக்கிறார்களா..
நீங்கள் அவர்களைப் பார்க்காதீர்கள்
படித்து முன்னேறுங்கள்...
ஒரு நாள்
அவர்களில் ஒருவன்
அறிவிலிக்குப் பொருள் கேட்டு
அறிந்த பின்
ஐயா மறுபடி விளித்த போது
சொன்னான்..
“ஐயா நாங்கள் அவ்விதமில்லை..
மனிதனாகப் பிறப்பதே அரிது
என்று தானே நீர் சொன்னீர்..
நாங்களும் மனிதர் தாமே’
ஐயா பதிலேதும் சொல்லவில்லை..
ஏனெனில்
அவன் புரிந்து சொல்கிறானா
புரியாமலா எனத்
தெரியவில்லை அவருக்கு...
-
அவருக்கு கொத்தமல்லி துவையல் பிடிக்கும்
தலை நிறைய மல்லிகைப்பூவை சூட்டி
தழையத் தழைய பட்டுடுத்தினால் பிடிக்கும்
காப்பியில் சீனி தூக்கலாய் இருக்க வேண்டும்
கலைந்து கொண்டிருக்கும் அந்த நாள் சித்திரம்
காணாமல் போய்க்கொண்டிருக்கும் பழைய பத்தினிகள்
அவளுக்கு காப்பி மிதமான சூட்டில் இருக்க வேண்டும்
உடுப்பை சுருக்கமின்றி தேய்த்து வைக்க வேண்டும்
அவள் பேசும் போது குறுக்கிடக்கூடாது சொன்னதை
சிரமேற்கொண்டு கச்சிதமாய் முடித்திட வேண்டும்
கூடச் சென்று வாங்கியதை சுமந்து வரவேண்டும்
கொடுத்துவைத்தவர்கள் பூரிப்பில் இன்று பதிகள்
-
பதிகள்
அவ்வண்ணம் மாறிய பிறகு
தொலைத்தவை ஏராளம்..
சுதந்திரம்,
பேச்சு,
இன்ன பிற..
இருப்பினும்
அவ்வப்போது
சதிகளை வழி நடத்துபவர்களும்
அவர்கள் தான்
சில சமயங்களில்...!