Nadigar Thilagam Sivaji Ganesan - Part 6

Raghavendra-sir, Mohan, Murali-sar :clap: I am consumed with jealousy, what to do. But your writings make up for it. :D

Quote:

---

Originally Posted by Murali Srinivas

நமது அருமை நண்பர்கள் எல்லோரும் நிகழ்வுகளை அழகாக எடுத்துச் சொல்லி விட்ட பின் தனியாக என்ன எழுதுவது என்று தெரியவில்லை. இருப்பினும் முயற்சிக்கிறேன்.

சுவாமி அவர்கள் குறிப்பிட்டது போல நமது ரசிகர்களுக்கும் காவல் துறையினருக்கும் எப்போதும் ஏழாம் பொருத்தம்தான். அது நேற்றும் தொடர்ந்தது. மாலைக் காட்சிக்கு முன்னரே வந்து விட்ட ரசிக உள்ளங்கள் வழக்கம் போல் போஸ்டருக்கு மாலைகள் அணிவிக்கப்பட்டு சூடம் காண்பித்து ஒரு பட்டாஸ் வெடித்தவுடன் போலீஸ் வந்து விட்டது. தியேட்டருக்கு அருகாமையில் அகில இந்திய பாரதிய ஜனதா தலைவர் திரு நிதின் கட்காரி அவர்கள் கொடியேற்ற வந்திருக்கிறார். ஆகவே பாதுகாப்பு காரணம் கருதி இங்கே பட்டாஸ் வெடிக்கக் கூடாது என்று தடுக்க ரசிகர்கள் கொந்தளிப்பானார்கள். சற்று நேரத்தில் பா.ஜ. கட்சியினர் அங்கே வெடி வெடிக்க இங்கே சூடு ஏறியது. உடனே கட்காரி கிளம்பி விட்டார். அவர் கார் அதை தொடர்ந்து பல வாகனங்கள் வந்தன. ரசிகர்கள் இருபுறமும் திரண்டு நிற்க அவர் கடக்கும் போது நூற்றுக்கணக்கான ரசிகர்கள் நடிகர் திலகம் வாழ்க! சிங்கத் தமிழன் வாழ்க! எங்களின் ஒரே தலைவன் சிவாஜி வாழ்க! என்று பலத்த கோஷம் எழுப்ப கட்காரியோ தன்னை வாழ்த்தித்தான் கோஷம் போடுகிறார்கள் என நினைத்து மிகுந்த மகிழ்ச்சியுடன் கை அசைத்தவாறே சென்றார். நமது கூட்டத்தின் காரணமாக நின்று நின்று சென்றன வாகனங்கள். பஸ்சிலிருந்த ஒருவர் இது பழைய படம்தானே என்று கேட்க ரசிகர் ஒருவர் எங்களுக்கு என்னிக்கும் இது புது படம்தான் என்று சொன்னார். அதுவரை பொறுமையாக இருந்தவர்கள் ஒரு 10000 வாலா சரத்தை கொளுத்த, அந்த ஏரியாவே சத்தத்தில் சின்னாபின்னமானது. எதிர் அடுக்கு மாடி குடியிருப்புகளின் வசிப்போர் அனைவரும் பால்கனியில் குவிந்து விட்டனர். பட்டாஸ் முடிந்தவுடன் சரமாரியாக கணேசருக்கு தேங்காய் உடைக்கப்பட்டன. குறைந்தது ஒரு 50 காய் உடைத்திருப்பார்கள். தெரு முழுக்க சில்லு தேங்காய். வெளியே ஆரவாரம் தொடர உள்ளே படம் தொடங்க நாங்கள் அரங்கில் நுழைந்தோம். வெளியே எந்த அளவிற்கு அலப்பறை என்பதற்கு ஒரு சின்ன உதாரணம். என்னுடைய நண்பர் ஒருவர் [நமது சுவாமி, ஜோ வயதையொத்தவர்] சிவாஜி ரசிகர், தன்னை விட இளையவர்கள் இரண்டு பேரை அழைத்துக் கொண்டு வந்திருந்தார். வெளியில் நடந்த மாலை சார்த்துதல், சூட ஆராதனை, வாண வேடிக்கை போலீஸ் காவல் இவற்றையெல்லாம் பார்த்துவிட்டு மிரண்டு விட்டார்கள். படம் பார்க்க வந்தவர்கள் பயந்து போய் திரும்பி போய்விட்டார்கள்.அவர்களால் நண்பரும் பார்க்கும் வாய்ப்பை
துறந்தார்.

நடிகர் திலகம் அறிமுக காட்சி. ஒரே ஆரவாரம். தங்கைக்கு அடிப்பட்டு விட்டது என்று தெரிந்து மேஸ்திரியிடம் போய்யா என்று சொல்வது, பிறகு கையெழுத்து போட மறைந்து மறைந்து வருவது, முதலாளியிடம் போய் பேசும் போது ஜெமினி சொல்வதை அபப்டியே பார்ப்பது இவை எல்லாவற்றிற்கும் கைதட்டல் இருந்துக் கொண்டே இருந்தது. ராகவேந்தர் சார் சொன்னது போல் சும்மா கத்தும் கூட்டம் இல்லை ரசனையுள்ள கூட்டம் என்பதற்கு சாட்சி உடனே கிடைத்தது. வெளியே வரும்போது நடிகர் திலகம் தலையை அந்தப்பக்கம் இந்தப்பக்கம் ஆட்டிக் கொண்டே வருவார். அதற்க்கெல்லாம் அப்படி ஒரு கைதட்டல். நீ முதலாளி கிட்டே பேசினது இது இல்லை ஆனா என் தங்கச்சியை காப்பாத்தினேன் சொன்ன பாரு அதுதான் இது என்ற வசனத்திற்கு எல்லாம் பெரிய ஆரவாரம்.

அடுத்து ஜெமினி வீடு தேடி வரும் சீன். ஆனந்தா அது சிரிச்சா நான் சிரிப்பேன். அது அழுதா ஐயையோ என்னாலே தாங்கவே முடியாது என்ற வசனத்திற்கும், இந்த உலகம் என்னை பத்தி கவலைப்படுதோ என்ற வசனத்திற்கும் சுயநலத்திலிருந்துதான் பொது நலமே பிறக்குது என்ற வசனத்திற்கு எல்லாம் ஒரே கைதட்டல்.

வந்தது மலர்களை போல் தங்கை உறங்குகிறாள் பாடல். அதிர ஆரம்பித்தது அரங்கு. ஒலிம்பிக் ஜோதி ஏற்றப்பட, திரையின் முன்னால் ரசிகர்கள் கூட, ஆரவாரம் ஆரம்பமானது.எவ்வளவு ரசனையான ரசிகர்கள் என்பதற்கு மீண்டும் ஒரு குறிப்பு. முதல் சரணத்தில் மாவிலை தோரணம் ஆடிட கண்டாள் என்ற வரிகளுக்கு வலது புருவத்தை மட்டும் ஏற்றி இறக்குவார், அதிர்ந்தது அரங்கு. அது போல் இரண்டாவது சரணத்தில் தங்கைக்கு கற்பனை கல்யாணம் முடிந்தவுடன் காலில் விழும் தங்கையை தூக்கி ஒரு கையால் அணிந்திருக்கும் கண்ணாடியை சற்றே மேலே தூக்கி கண்ணீர் துடைப்பார். இங்கே எழுந்தது கூட்டம். அது போல் மருமகள் கண்ணில் அன்பு மாமன் தெய்வம் கண்டான் என்ற போதும் கைதட்டல் பறந்தது.

பிறகு ஸ்ட்ரைக் காட்சி. வந்து தங்கையிடம் புலம்புவார். தங்கை இவர் கலந்து கொள்ளாவிட்டாலும் வேலை போயிருக்கும் என்பதை விளக்கியவுடன் வரும் முகபாவம், ஆயிரம் ரூபாய் என்று கேட்டவுடன் வரும் அதிர்ச்சி + ஆனந்தம் இவை எல்லாம் அடுத்து வரும் திருவிழாவிற்கு கட்டியம் கூறுவது போல் அமைந்திருந்தது.

சுவாமி சொன்னது போல் எங்களுக்கும் காலம் வரும் ஆரம்பமே அமர்க்களம். சின்னதாய் ஒரு சுற்று சுற்றி பாட தொடங்குவார். அப்போது ஆரம்பித்த ரகளை கூடி கூடி போனது. மேடையில் ஏறவிடாமல் தடுப்பதற்கே இரண்டு மூன்று பேர் வேண்டியிருந்தது. இதற்கிடையில் தீபம் வேறு. மேலே பால்கனியில் முதல் வரிசையில் உட்கார்ந்திருந்த ஒருவர் சூடத்தை கொளுத்தி [கையில்?] சுத்த, அவர் கையைப் பற்றியும், எரியும் சூடம் கிழே விழுந்தால் என்ன ஆவது என்ற பயமும் வந்தன. ஆனால் அவர் லாவகமாக அதை சுற்றி கிழே கைப்பிடி சுவரில் வைத்து அணைத்தார். பாடல் ஓட ஓட அதிகமாகி போன டெசிபல் லெவல் சுவாமி சொன்னது போல் நெஞ்சில் ஒரு களங்கமில்லை வரியில் ஆரம்பித்து வஞ்சமில்லா வாழ்க்கையிலே தோல்வியுமில்லை என்ற உச்சக்கட்ட வரிகளுக்கு டி.எம்.எஸ்-ன் குரலையும் தாண்டிய அலப்பறை- தெருவிற்கே கேட்டிருக்கும். எங்கள் தங்க ராஜாவை விட ஆர்ப்பாட்டம் அதிகம் என்று புரிந்தவுடன் போலீஸ் உள்ளே நுழைய,ரசிகர்கள் மேலும் ஆவேசமானார்கள். மன்றத்தினரும் மற்ற சிலரும் சேர்ந்து சமாதானப்படுத்த சிறிது அமைதி திரும்பியது.

அன்புடன்

(தொடரும்)

tac,

நீங்கள் எழுதியது சென்னை ரசிகர்களை உசுப்பி விட்டது என்று நினைக்கிறேன். தியேட்டரை ரெண்டு பண்ணி விட்டார்கள்.

அரங்கிற்கு வெளியில் கோடம்பாக்கத்தை சேர்ந்த சிவாஜி மன்றத்திலிருந்து பாசமலர் சாதனைகளை பற்றியும் 1961-ல் நடிகர் திலகத்தின் ஏனைய படங்களை பற்றியும் ஒரு நோட்டீஸ் [சாதனை தகவல் உபயம் நமது சுவாமி] கொடுத்தார்கள். சுவாரசியமானதாக இருந்த அதை பலரும் விரும்பி கேட்டு வாங்கி சென்றார்கள்

---

Raghavendra/pammalar/rangan,

Great Analysis of our one and only Paasa Malar.

முரளி,

நடிகர் திலகத்தின் வரலாற்று சிறப்பு மிக்க காவியத்தை முதல் 30 நிமிட படத்தை தான் முடித்து உள்ளீர்கள். இனி மேல் தான் படமே ஆரம்பம் ஆகபோகிறது. அதுவும் அவர் பணக்கார ராஜசேகர்-கா மாறி அவருடைய activities - mannerism மாறும் பொது - நோ சான்ஸ்.. இன்னும் பல நூற்றாண்டுகளுக்கு NT மாதிரி ஒரு நடிகர் பிறக்க போவதில்லை. 3 மணி நேர படத்திற்கு தங்களிடமிருந்து இன்னும் at least 3 பகுதிகள் வரும் என நினைக்கிறேன்.

மதுரை சென்னையை உசுப்பி விட்டது ........... இதை போன்று தமிழ் நாட்டில் எல்லா இடங்களிலும் நமது சிம்ம குரோலோன் படங்கள் வரட்டும்.....

NT 1961 -இல் சாதனை படைத்த வருடம் ஆயிற்றே - Along with Paasa Malar, his Paava Manippu ran for silver jubilee in the same year. Two PAA movies ran for over 175 days in all major centers in TN. Additionally, there were other movies in the year ran for 100+ days.

Two things:

1. NT 1961 - சாதனை நோட்டீஸ் எங்கே ஸ்கேன் செய்து கொடுக்கவும்
2. Video of Sunday evening celebration - video இருந்தால் இங்கே கொடுக்கவும்

சென்னையை அலங்கரிக்க போகும் அடுத்த NT movie எது? மதுரையில் NT நியூஸ் என்ன?

Regards

Dear Murali,Paamlar, Rangan, Tac, KK, Sharada Mada, and others,

உங்களுடைய பதிவுகளை படிக்கும் போது
பொறாமையாக இருக்கிறது என்னால் முடியவில்லையென்று.

அதே சமயம் பெருமையாக உள்ளது உங்களைப் போன்ற சிவாஜி (NT) ரசிகர்களின் நட்பு கிடைத்திருக்கிறது (through FH NT thread).

கோலஞ்செய் நடிப்புவேழத்துக்கு

பாகும் பருப்பும் சேர்த்துப் படைக்கும்
முரளி ஸ்ரீனிவாஸ் அவர்களே..

படிக்கப் படிக்க எத்தனை உணர்ச்சிப்பிரவாகம் எனக்குள்..

என் மனமார்ந்த நன்றி..

தொடருங்கள்..

டியர் ராகவேந்தர், பம்மலார், மோகன் மற்றும் முரளி...

உங்கள் நால்வரின் வர்ணனைகளும், பம்மலாரின் புகைப்படத்தொகுப்பும் வரலாற்று நாயகனின் பாசமலருக்கு மகாலட்சுமியில் கிடைத்த வரவேற்பை கண்முன் நிறுத்தின. முன்போல இருந்தால் முதல் ஆளாக நானும் திரையரங்கில் நின்றிருப்பேன். என்ன செய்வது... 'கனவில் நினையாத காலம் இடைவந்து பிரித்த கதை சொல்லவா?'.

ஆனாலும், என்னைப்போன்ற வரமுடியாத பலரது ஏக்கத்தை தீர்க்கும் வண்ணம் நீங்கள் நால்வரும் விழாவை அப்படியே கண்முன் கொண்டுவந்து காட்டிவிட்டீர்கள்.

இதற்கு 'நன்றி' என்ற வார்த்தையெல்லாம் ரொம்ப ரொம்ப சின்னது.

எல்லோருக்கும் சந்தோஷத்தைத் தந்து மகிழ்ந்தவர் எங்கள் அண்ணன் நடிகர்திலகம். அவரது ரசிகக் கண்மணிகளும், மொழியறியாத (பி.ஜே.பி.தலைவர்) கட்காரிக்கு மனமகிழ்ச்சியைத் தந்துள்ளனர், தங்கள் வாழ்த்துக்கோஷங்கள் மூலமாக.

'சென்னையில் எனக்கு எப்படிப்பட்ட வரவேற்பு தெரியுமா?' என்று வடக்கே சொல்லி மகிழ்வார். :D

Quote:

---

Originally Posted by Murali Srinivas

எங்களின் ஒரே தலைவன் சிவாஜி வாழ்க! என்று பலத்த கோஷம் எழுப்ப கட்காரியோ தன்னை வாழ்த்தித்தான் கோஷம் போடுகிறார்கள் என நினைத்து மிகுந்த மகிழ்ச்சியுடன் கை அசைத்தவாறே சென்றார்.

---

:rotfl:

[quote="tacinema
நான் மும்பை ஆரோர தியேட்டரில் ஞாயிறு காலை காட்சியில் "மலர்ந்தும் மலராத" பாட்டு காட்சியில் தியேட்டர் கதறி விட்டது.

Still, I feel our madurai fans will handsomely beat chennai fans.

regards[/quote]

Tac,

Are u from Mumbai?

I remember seeing Pasamalar screened in Arora, Mumbai in 90s

Enakku ninaivu therinju nan partha padam Pasa malar.

Appuram enga oorla tharai ticket la urkarnthu konjam friends udan evening show(azhudu konde) partha niyabakam

Intha padathukku eedu inai yethu undu

Thirai ulagile paasathai valartha padam endru annan solli irukar

Annan endru nam intha padathukku appurama than avarai azhaikirom.

Entha scenai viduvathu -Sivaji udan oru pullu(grass) nadicha kooda nalla nadikume

Sivaji intha padathil padi padiya munneruvathaka kathai-avarudaya nadai udai bhavam maruvathu arumai

Intha padathil naditha mathiri oru 5% yaravathu nadikka mudiyuma

Gemini-nalla modulation-oru scenela avarukkum NT kkum karuthu verubadu vandapuram-appao kooda avar NT ya vittu kudukkama

pesuvathaka oru katchi irukkum
Thangai Savithri-made for the role
MN rajam-also nalla role-NTs wife in the movie.

Padalgal Then-Kannadasan

Thangavelu-Saroja nalla comedy

PS Gnam ammaa-bayama irukku ippo ninaicha kooda

சிவாஜி வாரம் மற்றும் பாசமலர் அரங்கு நிறைந்த காட்சிகள் பற்றிய செய்திகள் பரவலாக அறியப்பெற்று மீண்டும் நடிகர் திலகத்தின் படங்கள் முதல் தர திரையரங்களிலும் வெளியிடப்பட்டு அனைத்து தரப்பினரும் சென்று பார்க்க வேண்டும் என்பதே எனது விருப்பம்.

சென்னையில் இருந்த போது 90களின் இறுதியில் சங்கம் திரையரங்கில் ‘தெய்வமகன்’ வெளியாகி அரங்கம் நிறைந்த மக்களோடு பார்த்த நினைவுகள் பசுமையாக இருக்கிறது 8-)

டியர் ஜோ,
தங்களைப் போல் நம் அனைவருக்கும் தீராத ஆவல் முதல் தர திரையரங்குகளில் நடிகர் திலகத்தின் படங்களைப் பார்த்து ரசிக்க வேண்டும் என்பதே. ஆனால் அதில் தற்போது ஒரு சிக்கல் ஏற்படக் கூடிய வாய்ப்புள்ளது.
நம் ரசிகர்களை யாராலும் கட்டுப்படுத்த முடியாது. மற்ற வகையான அளப்பரைகள் யாவருக்கும் மகிழ்வூட்டி அவர்களையும் ஈடுபடுத்தும். ஆனால் ஒரே ஒரு விஷயம் மட்டும் தடைக்கல்லாக இருக்கும். திரையருகே சூடம் கொளுத்துவது மட்டும் நாம் சற்று தவிர்த்தால் நலம் என நான் தனிப்பட்ட முறையில் எண்ணுகிறேன். இந்தக் காரணத்தால் முன்னணி திரையரங்குகளில் படம் திரையிடத் தயங்குவார்கள். போதுமான பாதுகாப்பு ஏற்பாடுகள் செய்யப் பட்டால் அந்தத் தடையினையும் நாம் எதிர்கொள்ளலாம்.
மற்றபடி ஒரு முக்கியமான படம் நகரின் மையமான பகுதியில் ஒரு பிரசித்தி பெற்ற குளிர்சாதன திரையரங்கில் வெளிவரக்கூடிய சாத்தியக் கூறுகள் உள்ளன. கூடிய விரைவில் தகவல்களை எதிர்பார்ப்போம்.

ராகவேந்திரன்