Printable View
The episodes are going very interesting. I like watching Kolangal and they are doing it better than before. Interesting stories, and I'm looking forward to see how it will end :)
You can watch every new episodes of Kolangal recorded on w w w. london tamilvideo . com
தன்மகன் என்ன செய்தாலும் சரியென்று காஞ்சனா சப்போர்ட் செய்வது ஏனென்று தெரியவில்லை. அத்தனை பேர்ம் எதிர்த்து நிற்கும்போது, அவன் செய்வது அநியாயமாக இருக்குமோ என்ற எண்ணம் ஏன் துளி கூட வரவில்லை?.
அபியின் வீட்டுக்குப்போய் அனைவரிடமும் சண்டைபோடும் காஞ்சனாவிடம், அர்ஜுனை ஏமாற்றி அத்தனை சொத்துக்களையும் ஆதி அபகரித்துக்கொண்டான் என்ற விவரத்தை காஞ்சனாவிடம் ஏன் யாரும் சொல்லவில்லை?. அவள் என்னவோ தன் மகன் உத்தமன் என்று வாதாடும்போது, சரியான பதிலடி கொடுக்காதது ஏன்?. இத்தனைக்கும் அந்த இடத்தில் கற்பகம், ஈஸ்வரன், திருவேங்கடம், ஆனந்தி, சாரதா, அர்ஜுன், சதீஷ் என்று எல்லோரும் இருக்கிறார்கள். அவளுடைய கத்தலுக்கு பயந்து, 'எங்களுக்கு உங்க சொத்துக்களே வேண்டாம்' என்று சரண்டர் ஆகிறார்கள். எல்லோரையும் பணிய வைக்கும் ஆனந்தியால் கூட காஞ்சனாவை அடக்க முடியவில்லை.
வீட்டுக்குப்போனபின்னும் காஞ்சனா ஆதிக்கு தூபம் போடுகிறாள். அதைக்கேட்டு ரேகாவுக்கு சந்தோஷம். அவளைப்பொறுத்தவரை கட்டிய கணவன் (அர்ஜுன்) தன்னைவிட்டுப்போய் விட்டான் என்ற கவலையோ, பெற்ற அப்பன் (சங்கரபாண்டியன்) தலைமறைவாக திரிகிறான் என்ற வருத்தமோ இல்லை. பழி வாங்க வேண்டும் என்ற உணர்ச்சி மட்டுமே மேலோங்கி இருக்கிறது. (உருப்படும்). சரி... பழிவாங்கி விட்டு மொட்டை மரமாக நின்று என்னத்தை சாதிக்கப்போகிறாள்..?.
தனக்கு உதவிய கல்குவாரி முன்னாள் மேனேஜரை தன் கணவன் பாஸ்கர் அடியாட்களை வைத்து அடித்து துவைத்த பின்னும் (பாஸ்கருக்கு அந்த சந்தேகம் வரக்காரணமே தான்தான் என்று தெரிந்தும் கூட) தனக்கு மேலும் உதவ மறுக்கும் மேனேஜர் மேல் கோபமாக வெளியேறுகிறாள் சங்கீதா. (நல்லவேலை செய்தான் அந்த மேனேஜர். இந்த மாதிரி பைத்தியக்காரிகளை நம்பி உதவி செய்தால் தான் சாவது நிச்சயம் என்று தெரிந்துகொண்டு விட்டான்).
ரெட்டியின் மகளுக்கு மறுநாள் நிச்சயதார்த்தம். ஆனால் முதல்நாளே அவளைக்காணவில்லை. யாரோ போன் செய்து ரெட்டிக்கு தகவல் சொல்லி மிரள வைக்கிறான். அது மேனகாவின் வேலைதான் என்று தெரிகிறது.
கலா தன் பழைய வேலையைத் துவங்கி விட்டாள். அனுவுக்கும் ஆர்த்திக்கும் ஆகவில்லை என்று தெரிந்துகொண்டு, அனுவுக்கு சப்போர்ட் செய்வதுபோல பேசுகிறாள். தான் கொடுத்த வேலைகளை சரியாக செய்யவில்லையென்று ராஜேஷ் மனோவை கோபிக்கிறான். தன்னை யாரும் ஒரு பார்ட்னராக மதிக்கவில்லை என்பதில் மனோவை விட அனுவுக்கு ரொம்ப மனக்குறையாக இருக்கிறது. ஆக அந்த வீட்டில் ஒரு பூகம்பம் நிச்சயம்.
கொஞ்ச நாளைக்கு முன்னர், துப்பாக்கியும் கையுமாக மேனகாவின் வீட்டு வாசலிலேயே சுற்றிக்கொண்டிருந்த அந்த கிழவன் என்ன ஆனான் என்பது தொல்ஸுக்கே வெளிச்சம். (இன்னும் குறிபார்த்துக் கொண்டேயிருக்கிறானா? :lol: ).
பார்ப்போம்..... :wave:
Thanks Saradhaa for the weekly updates.
I agree with you that why Kanchana is so adamant.
" நாய் வாலை நிமித்த முடியாது" mathiri - like kala.
Baskar still get away with that murder. hmmmmm.
keep up your weekly updates.
once again thank you
கடந்த மூன்று எபிஸோட்களாக, மெயின் ட்ராக்கை விட்டு, ரெட்டி மகள் காதல் விவகாரத்திலேயே ஓடுகிறது. தன் மகளை நிச்சயதார்த்தத்துக்கு முதல் நாள் காணவில்லையென்றதும், பெரிய ரெட்டி குடும்பம் கவலையிலும் அதிர்ச்சியிலும் மூழ்குகிறது. இதனிடையே வீட்டு வேலைக்காரி மூலமாக மகளின் காதல் விவகாரம் தெரிய வர, ஆபத்துக்கு பாவமில்லையென மனைவியின் சொல்கேட்டு உதவிக்கு தம்பி ரெட்டியை நாடுகிறார். தான் உயிரை வைத்திருந்த அண்ணன் மகளுக்கு ஆபத்து என்று தெரிந்ததும், தம்பியும் பகையை மறந்து உதவ முனையும் நேரம், மர்ம போன்கால் வருகிறது. அவர்கள் மகளையும் அவளது காதலனையும் காண வேண்டுமென்றால் எண்ணூரில் இருக்கும் பாழடைந்த பங்களாவுக்கு வரச்சொல்கின்றனர்.
(வழக்கமாக பல்லாவரம் மலையடிவாரத்திலிருக்கும் பாழடைந்த பங்களாவுக்குத்தானே வரச்சொல்வார்கள்..?. அப்படீன்னா அந்த வசனத்தை திரைப்படங்களுக்கே விட்டு விட்டனரா..? ஓகே).
அங்கே இவர்கள் போய் நிற்கும்போது, மூன்று வயதுக்குழந்தைக்கு கூட தெரியும், யார் வரப்போகிறார்கள் என்று. ஆம், மேனகா வருகிறாள் தன் பாஷா படையுடன். காதலர்களுக்கு அவள்தான் அடைக்கலம் கொடுத்திருப்பதாகவும், வெளியில் விட்டால் அவர்களுக்கு ஆபத்து என்றும் சொல்கிறாள். அவளால் நியமிக்கப்பட்ட அடியாட்கள் திடீரென வந்து, அந்தப்பையனுக்கு சாதகமாக வாதாடி கல்யாணம் செய்து வைக்க முயல்வதுபோலவும், மேனகா அவர்களைத் தடுப்பது போலவும் (ரெட்டிகளை ஏமாற்ற) ஒரு நாடகம் நடக்கிறது. ரெட்டிகளை தனியே அழைத்துப்பேசும் மேனகா, சீரியல் பார்க்கும் எல்லோரும் எதிர்பார்த்தபடி, மவுண்ட்ரோடு ப்ளாட்டை தனக்கு தந்தால் அவர்கள் மகளை அந்த ரவுடிக்கும்பலிடம் இருந்து மீட்டு தருவதாக சொல்கிறாள். அவர்களும் சம்மதிக்கவே, 'சரி நீங்க வீட்டுக்கு போங்க. உங்க மகள் வருவாள்' என்று சொல்லியனுப்பி விடுகிறாள்.
இப்போது காதலர்களை பிரிக்க வேண்டுமே..!. அவள் காதலில் உறுதியாக இருப்பதை அறிந்து அவனை தனியே அழைத்து பேரம் பேசுகிறாள். 'அவளைக் கல்யாணம் செய்துகொண்டால் ரெட்டிகள் அவனைக்கொன்று விடுவர். அவளை விட்டு விலகிப்போனால் உயிரும் தப்பிக்கலாம். கோடி ரூபாய் பணமும் கிடைக்கும்' என்று ஆசை காட்டுகிறாள். காதலுக்காக உயிரை விடுவதைவிட, உயிரும் பிழைத்து கோடிக்கணக்கில் பணத்தையும் பெற்று அனுபவிப்பதே தேவலை என்று ""புத்திசாலித்தனமாக"" முடிவெடுக்கிறான்.
பின் என்ன, காதலுக்காக உயிரைவிட்டால் கல்வெட்டிலா வரப்போகிறது?. அப்படி வந்தாலும் அந்தக் கல்வெட்டைத்தான் அவனால் பார்க்கமுடியுமா?. ரேகாவுடன் கைகோர்த்து அருவியில் குதித்த கமல் மட்டும் என்ன பண்ணினார்?. அடடா, சட்டை மரக்கிளையில் மாட்டிக்கொண்டதே, சரி திரும்பவும் அருவியில் இருந்து மறுபடியும் குதிப்போம் என்று போனாரா?. இல்லையே... ரேகாவை மறந்துவிட்டு ரேவதியுடன் டூயட் பாடவில்லையா?. விடுங்க, காதலாவது கத்தரிக்காயாவது. 'என்ன சத்தம் இந்த நேரம்' பாடல் முடிந்ததும், ஆவேசமாக கொட்டும் அருவியை அச்சத்துடன் விழித்துப்பார்க்கும் அப்பாவிப்பெண் ரேகா இன்னும் கண்ணில் நிற்கிறார். பாவம், தன்மீது உயிரையே வைத்திருப்பதாக தான் நினைத்த காதலன், தன்னை மட்டும் அனுப்பிவிட்டு இன்னொரு பெண்ணுடன் 'காலகாலமாக வாழும் காதலுக்கு நாங்கள் அர்ப்பணம்' பாடிக்கொண்டிருப்பான் என்று நினைத்திருப்பாரா?. (ஐயய்யோ.. இது என்ன கோலங்களுக்கும் புன்னகை மன்னனுக்கும் முடிச்சு என்று கேட்காதீர்கள். காதல் என்பது வெறும் புடலங்காய் என்பதற்காக சொல்ல வந்தேன்).
அந்த புத்திசாலிப்பையன், ஒருகோடி ரூபாய் போதாது, இன்னும் இருபத்தைந்து லட்சம் சேர்த்து வாங்கிக்கொடுங்கள் என்று கேட்டு, அதையும் மேனகா சம்மதித்தபின் போகிறான். இனி அவனுக்கு தன் கம்பெனியில் வேலையில்லை என்று சொல்லி விரட்டி விடுகிறாள். காதலன் பேசிய அனைத்து பேரமும் வீடியோவில் பதிவு செய்யப்பட்டு, அந்த அப்பாவிப்பெண்ணுக்கு போட்டுக்காட்டப்படுகிறது. காதலனின் சாயமும், காதலின் சாயமும் வெளுக்கிறது. தன்னைக் காப்பாற்ற வந்த தேவதை என்று 'நரியை' அணைத்துக் கொள்கிறாள். ஆக கொக்கு தலையில் வெண்ணையை வைத்து ப்ளாட் வாங்க ஏற்பாடு செய்தாயிற்று. (இப்போது அந்த இரண்டு ரெட்டிகளும் சேர்ந்து ப்ளாட்டை தரமாட்டேன் என்றால் நரி என்ன பண்ணும்?. ரெட்டி மகளுடைய இன்னொரு காதலனைத்தேடுமா?. அதுசரி, திருச்செல்வத்துக்கு தெரியாதா, அதிலிருந்து இன்னொரு கிளைக்கதையை எப்படி ஆரம்பிப்பது என்று).
Thank you
pl keep on update
Oh yaQuote:
Originally Posted by saradhaa_sn
thanks for bringing again.Quote:
Originally Posted by saradhaa_sn
:D
J/K....Intha serial innum odikittu irukka?Naan 10th padikkarache aarambichanga-nu nenaikaren :lol: .....I did watch the first episode.It was my last.ANYWAYS GOOD LUCK THIRUSELVAM!Ivar Hindi Ekta serial range-la part two three ellam edukka maatar-nu nenaikaren....! :rotfl:
பிரபல எழுத்தாளர் கோவி.மணிசேகரன் கோலங்கள் என்ற தொடரில் நடிக்கிறார். தொடரில் இடம்பெறும் `பிளாஷ்பேக்' காட்சியில் தாசய்யா என்ற கேரக்டரில் இப்போது நடித்துக் கொண்டிருக்கிறார்.
:rotfl: :rotfl: :rotfl:Quote:
Originally Posted by VENKIRAJA
So true. Its been going for a long, long time.
மேனகாவைக்கொல்ல வந்த அந்தோனியின் ஃப்ளாஷ்பேக் துவங்கியதும், எங்கே ரொம்ப நாளைக்கு இழுத்துக்கொண்டு போகுமோ என்று நினைத்தோம் (அதாவது பயந்தோம்). நல்ல வேளை நான்கே எபிஸோடில் முடித்துவிட்டனர். இப்போது மீண்டும் கேமரா தொல்ஸ் முகத்துக்கு வந்துவிட்டது. அதுசரி, ஊரில் அடாவடித்தனம் பண்ணிக்கொண்டு இருந்தவர்களிடம் இருந்து தப்பி ஓடிவந்த செல்லம்மாவை விட்டு விட்டு, அவளது வாரிசு மேனகாவை கொல்வேன் என்று அந்தோனி கொதிப்பது என்ன நியாயம்?. அந்த வேட்டை நாய்களிடம் இருந்து தப்பித்துதான் அவள் வந்தாளே தவிர, அவனது குடும்பம் முழுமையும் தற்கொலை செய்துகொண்டதற்கு அவளா காரணம்?. (உண்மையில் ஒன்று மட்டும்தான் தற்கொலை, மற்ற நான்கும் கிழவன் தாசய்யாவால் செய்யப்பட்ட கொலை. அதிலும் அந்த ஜோசப்பைத் தவிர, அவன் மனைவி, அவன் அம்மா (அந்தோனியின் மனைவி), அவன் தம்பி சார்லஸ் ஆகியோரைக்கொன்றது அநியாயத்திலும் அநியாயம்).
'கல்யாணத்துக்கு சம்மதமா?' என்று கேட்கும் அந்த வேட்டை நாய்களின் மத்தியில் 'சம்மதம்' என்று சொல்லி செல்லம்மா அப்போதைக்கு தப்பிப்பது நல்ல புத்திசாலித்தனம். பின்னர் தப்பிக்க எவ்வளவோ வழிகள் கிடைக்கலாம். அந்த சமயத்தில் 'முடியாது' என்று சொல்லி அவர்களிடம் சிக்கி நாசமாவது நிச்சயம் என்பது அவளுக்கு தெரிந்திருக்கிறது (பலே திருச்செல்வம்)
இதை எதுக்காக சொல்கிறேன் என்றால், வில்லனாலும் அவன் ஆட்களாலும் அடிவாங்கி ரத்தம் சொட்ட, கை கால்கள் கட்டப்பட்டு அசையக்கூட முடியாத கதாநாயகன், வில்லன் எதையாவது செய்யச்சொல்லும்போது, சம்மதிப்பது போல் ஏமாற்றி தப்பிக்கலாம் என்று எண்ணாமல், வில்லன் முகத்தில் காறித்துப்பி விட்டு மேலும் அடிவாங்கி சாகும் 'புத்திசாலித்தனமான' (?!?!?!?!?!?!?!) கதாநாயக நாயகியரை திரைகளில் பார்த்து மனம் புழுங்கிப்போன நமக்கு....... (1950-லிருந்து இதைத் தாண்டி சிந்திக்க மறுக்கிறார்கள் நம் கதாசிரியர்கள்).
ஃப்ளாஷ்பேக் கதையைப் பார்க்கும் சாக்கில் நமக்கு காணக்கிடைத்தது, அருமையான தென் தமிழ்நாட்டின் கடலோரக்காட்சிகள். அற்புதமான கடற்கரைப்பகுதிகளும், அதையொட்டியிருக்கும் சிதிலமடைந்த பழங்காலக் கட்டிடங்களும், சுற்றியுள்ள சோலைப்பகுதிகளும் இதுவரை எந்த திரைப்ப்படத்திலும் நாம் காணாதவை. (வெளிப்புறப் படப்பிடிப்பு என்றதுமே கேமராவை தோளில் தூக்கிக்கொண்டு, தயாரிப்பாளர் செலவில் ஆஸ்திரேலியா, ஸ்விட்சர்லாந்து என்று போகும் இயக்குனர்களுக்கு, தமிழ்நாட்டிலும் அதைவிட அற்புதமான இடங்கள் இருக்கின்றன என்பது தெரியுமா?). நன்றி தொல்ஸ். (அடுத்து இவருடைய ஃப்ளாஷ்பேக் இருக்கிறது. அதில் ராமேஸ்வரத்தின் அழகு இடங்கள் நம் கண்ணுக்கு கிடைக்கும் என்று எதிர்பார்க்கிறோம்)
iam back again after a very long time...
i hvn't watched kolangal for more than 7 months..
so help me with the flwng info.. pls :D
Menaka - actress name?
and i watched some river-escape scene 2 days bfore.. some love story.. who r they.. :?: :?: :?
hope not asking too much . :roll:
:D :swinghead: