மனதைக் கவரும் மதுர கானங்கள் - பாகம் 4

மாற்றார் தோட்ட இசை மதுரம்
ஜேம்ஸ் பாண்ட் படங்களின் இசைக் கோர்வை
பகுதி 13 : மூன் ரேக்கர் (1979) / Moon Raker starring Roger Moore as James Bond OO7!

Quote:

---

ஜேம்ஸ் பாண்ட் படங்கள் மட்டுமே பிரமிப்பான பிரம்மாண்டங்கள் என்னும் கருத்து ஸ்டார் வார்ஸ் குளோஸ் என்கவுண்டர்ஸ் போன்ற அதிபிரம்மிப்பான தொழில்நுட்பங்களை உள்ளடக்கிய ஸ்டீவன் ஸ்பீல்பெர்க் ஜார்ஜ் லூகாஸ் விண்வெளி சார்ந்த படங்களின் வருகையால் சற்று மாறத்துவங்கிய காலகட்டம்! போட்டிகளால்தான் தரம் உயரும் என்ற கூற்றின்படி புரோக்கோலி ஜேம்ஸ் பாண்டையும் விண்ணில் ஏவி விட எண்ணி ஆவியான படம்தான் மூன்ரேகர் !!
டைட்டிலுக்கு முன்னால் வரும் விண்வெளி சாகசமும் பேக் ப்ரோஜக்ஷன் உத்தி புகுத்தப் பட்டதால் அதிகம் ரசிக்க முடியவில்லை.
திரைக் கதையும் விண்வெளி சார்ந்த விண்கல/விமானக் கடத்தலை மையமாகக் கொண்டதால் அதிக பொருட்செலவில் அமைக்கப் பட்ட அரங்குகளில் காட்டிய ஆர்வத்தை இயக்குனர் திரைக்கதையில் கோட்டை விட்டு சலிப்படையச் செய்தார் பழையபடி ரோஜர்மூரும் ஒரு மாடல் போல வந்து போனார்!

மீண்டும் இரும்புப் பல் வில்லன் ரிச்சர்ட் கீல் நுழைக்கப் பட்டாலும் அவர் தோன்றும் காட்சிகள் சொதப்பலான எரிச்சலே!! சற்று ஏமாற்றமளித்த காமிக் கதை வரிசைப் படமாக முடிந்தது !

ஆனாலும் டைட்டில் தீம் இசை ஈர்ப்பானது ! இப்படத்திலிருந்து ரோஜர்மூரின் வயதான தோற்றம் வெளிப்படையாக ஒரு ஆயாசத்தை உண்டாக்கத்தொடங்கியது !! முந்திய படத்தில் உச்சம் தொட்ட மூர் ஏழு பட சாதனையாளரானாலும் படிப்படியாக தொய்வடைய துவங்கினார்!!

---

Moonraker pre-title action sequence! Enjoyable music but back projection irks!!

https://www.youtube.com/watch?v=Jesy6Kt-tvc

Moonraker Titles with theme music!
மீண்டும் ஜான் பெரி இசையில் ஷர்லி பஸ்ஸி பட்டையை கிளப்பினார் where are you பாடல் மூலம் !

https://www.youtube.com/watch?v=eR6k_2IVNVU

Some more action scenes .....

https://www.youtube.com/watch?v=woDyKekeTTg

Cloud o' Nine songs Vs Passing Cloud songs
ஒன்பதாம் அடுக்கு மேகப் பாடல்களும் கடந்து செல்லும் மேகப் பாடல்களும் !

குறுந்தொடர் பகுதி 1 கர்ணன்!

உள்ளத்தில் நல்ல உள்ளம் Vs போய் வா மகளே போய் வா !

Quote:

---

நாம் பார்த்து ரசிக்கும் மதுர கானங்களில் பல நமது மனதிலேயே நங்கூரமிட்டு உறக்கத்தில் கூட மனச்செவிகளில் ரீங்காரமிடுகின்றன!! காரணம்....
இசைக்கோர்ப்பு நம்மை ஆகர்ஷித்து ஏதோவொரு இனம் புரியாத பரவச நிலைக்கு நம்மை உட்படுத்துவதே !!
பாடல் காட்சியமைப்பும் நன்கு அமைந்து இசையும் மதுரமாகப் பொருந்தினால் ஒன்பதாம் மேகத்தின் Cloud o' 9 கூரை மேல் அமர்ந்திருப்பது போன்ற சிலிர்ப்பே !!
பல பாடல்கள் இவ் வண்ணம் அமையாமல் கடந்து செல்லும் மேகங்களாகவும் Passing Clouds இருப்பதுண்டு !!

---

கர்ணன் திரைக்கவியத்தில் இறுதிக்கட்ட தெய்வீகப் பாடலான உள்ளத்தில் நல்ல உள்ளம் பாடல் மனதை ஈர்க்கும் சீர்காழியாரின் குரல் வளத்தாலும் MSV பொருத்தமான இசைக் கோர்ப்பினாலும், இதயத்தைப் பிழியும் நடிகர்திலகத்தின் வசனமற்ற உடல்மொழி முகபாவ வேதனை வெளிப்பாடுகளாலும், என் டி ஆரின் விசுவரூப தெய்வீக உருவகத்தாலும், பிரம்மாண்டத்தின் அடையாளமான காட்சியமைப்பாலும், இந்த நூற்றாண்டின் மறக்கவொன்னாத சிறந்த பாடலாக என் மனதில் சிம்மாசனமிட்டு என்னை ஒன்பதாம் அடுக்கு மேகத்தின் மேல் அமர்ந்திருப்பது போன்ற பிரமையை தந்து கொண்டேயிருக்கிறது !!

https://www.youtube.com/watch?v=QroxeC_HQ6k

ஆனால் அதே காவியத்தில் இடம் பெற்ற போய் வா மகளே போய் வா எனும் பாடல் குரலினிமையால் காட்சியின் பிரம்மாண்டத்தால் படம் பார்க்கும்போது ரசிக்க வைத்தாலும் மனதில் தங்காமல் கடந்து செல்லும் மேகமாகி விட்டதே!



https://www.youtube.com/watch?v=3LwFGJSX1h8

ஐ.என்.எஸ் 4

*

ஓரிடத்தில் நிற்காது ஒரொழுங்காய்ப் பார்க்காது
வேறிடத்தில் தாவி விழுந்திடும் - பாரிலே
வீழா அலைபோலே வேடிக்கை காட்டுவதும்
கேளாமல் நிற்குமுள்ளம் ஆம்..

https://youtu.be/DUgmdCmb898

ஐ.என்.எஸ். 5

**


பருவம் வந்திடத்தான் பாய்ந்தே பிரவகிக்கும்
உருவ அழகினிலே உருகி நின்றிருக்கும்
புருவம் நீட்டிவிடும் பூவாய்ச் சிரித்துவிடும்
அருவ இளமையதோ ஆளை மாற்றிவிடும்..

*

https://youtu.be/wy8lwjmnTys

எல் ஆர் ஈஸ்வரி பி.எஸ் மணிஓசை - விஜயகுமாரி புஷ்பலதா..

ஐ.என்.எஸ். 6

**

எள்ளலும் துள்ளலும் இன்னுமோ பலவாறாய்
வெள்ளமாய் சீறி விகசிக்கும் - மெள்ளவே
பொங்கிப் பிரவகித்தே பெண்ணவளும் பாடுவது
தங்குமவன் நெஞ்சிலோ தான்?

*

பூவுக்குள் தேனை வைத்தவன் ஊரென்ன ஊரென்ன
பூவை மேல் ஆசை வைத்தவன் பேரென்ன பேரென்ன

கல்யாண்குமார், மீனாய்த் துள்ளும் ராஜ ஸ்ரீ யாருக்கு சொந்தம். சுசீலாம்மா குரல்.( நல்லா இருக்கே.. நான் முதவாட்டி கேக்கறேன் :) )

https://youtu.be/karcWAkgwDI

சி க
ஏன் திடீரென்று நாலாயிர திவ்யப் பிரபந்தத்திலிருந்து நாலாடியாருக்கு மாறி விட்டீர்கள் ?!

ஓய்.. அது நாலாயிர திவ்யப் பிரபந்தமில்லை..ஒரே ஒரு திருமூலர் பாட் போட்டேன் (விளக்கு)..சங்கப் பாட்டு (பாளையாம் தன்மை கெட்டும்) இப்ப வெண்பா மற்ற பாக்கள்.. சொந்தமாய் எழுத முயற்சி பண்ணினேன் :)

கலைஞர் டீவீயில் ,19/7/2015 ,மானாட மயிலாட ,நடன நிகழ்ச்சி எம்.எஸ்.வீ ஸ்பெஷல் என்று சொல்லபட்டாலும் ,அவரோடு பிரிக்க இயலாத பந்தம் கொண்ட நடிகர்திலகம் ஸ்பெஷல் ஆகவும் அமைந்து விட்டது.

சரோஜாதேவியின் இதயத்தில் இன்றும் ஆக்கிரமிப்பது, பாலும் பழமும்,புதிய பறவைதான். (டெலிபோன் பேச்சில் 1979 என்று நினைவு.தன் பிரிய நடிகராக நடிகர்திலகத்தையே குறித்தார்)

சி.ஐ.டீ சகுந்தலா, மாலையிட்ட மங்கை பட பாடலில் குரூப் டான்சர் ஆக
இருந்ததை குறிப்பிட்டு விட்டு ,தவ புதல்வன் love is fine darling பற்றி சிலாகித்தார்.

முத்தாய்ப்பாக ஏ.எல்.எஸ் புதல்வி (மருமகள்???) ஜெயந்தி ,ஒன்றை குறிப்பிட்டார். எம்.எஸ் .வீ -டி.கே .ஆர் இணைந்தது ,நடிகர்திலகத்தின் பணம்(1952) என்கிற ஏ.எல்.எஸ் தயாரிப்பு. கடைசியில் பிரியும் முன் போட்ட கடைசி பாடல் யார் அந்த நிலவு.சாந்தி(1965) என்ற நடிகர்திலகம் நடித்த ஏ.எல்.எஸ் தயாரிப்பில் வந்த படமே.

நடிகர்திலகத்தின் 14 பாடல்களுக்கு நடனமாடினார்கள்.

ஹாய் குட்மார்னிங்க் ஆல்..

மூன் ரேக்கர் ரொம்ப மோசம் எனச் சொல்ல முடியாது சி.செ.. இதை வீடியோவில் பார்த்த நினைவு..

யூ ஒன்லி லிவ் ட்வைஸில் விண்கப்பலை விழுங்குவது மிக நன்றாக இருக்கும்..இதில் கொஞ்சம் ஏமாற்றமே..

தவிர நன்றாக ஊறவைக்கபப்ட்ட சப்பாத்தி மாவில் ஒரு உருணடையை எடுத்து ஒரு சின்னப் பையன் இடப்பார்த்தால் கன்னா பின்னா வென வட்டமாகவும் இல்லாமல் சதுரமாகவும் இல்லாமல் இருப்பது போன்ற தோற்றத்தில் ஹீரோயின் மூக்கு கொஞ்சம் நீளம்..

போதாக்குறைக்கு இரும்புப் பல்லைக்காந்தமாய் ஈர்க்கும் மூக்குக்கண்ணாடிப் பெண்..

க்ளைமாக்ஸ் விண்வெளி அரண்மனை ஜோர்.. வில்லனின் நாய்கள் வெகு அழகு..

ம்ம்..லிவிங்க் டேலைட்ஸா அடுத்து..ஓஹ்

வியூ டு எ கில், ஆக்டோபஸ்ஸி, ஃபார் யுவர் ஐஸ் ஒன்லி (ஏதென்ஸ் டாக்ஸி சேஸ் இதில் தானே) மறந்துவிட்டேன்..இ.அ தான் லி டே வரும்..!

RARE STILLS VENNIRA ADAI NIRMALA & LATHA
http://i60.tinypic.com/28ur2fm.jpg

http://i62.tinypic.com/33w87lh.jpg

http://i62.tinypic.com/2dklh69.jpg

http://i60.tinypic.com/2jg5lpw.jpg

http://i57.tinypic.com/2cwjrcj.jpg

http://i60.tinypic.com/241qwrm.jpg

http://i62.tinypic.com/6ypmdd.jpg

the monotony breaker

தவற விடக் கூடாத பரவசம் !!
ஹாலிவுட்டின் இசை ஜாம்பவான் என்னியோ மொர்ரிகொன் / Ennio Morricone

மாற்றார் தோட்ட மெல்லிசை மதுரங்கள் ! Cowboy film genre!!

பகுதி 14 : For a few Dollars more and The Good The Bad and the Ugly music by Ennio Morricone!
Starriing Clint Eastwood!

Hollywood's Italian Sphagatti Westerns by Ennio Morricone of the Good, The Bad, and the Ugly fame!!

Quote:

---

ஜேம்ஸ் பாண்ட் படங்களுக்கு சரிநிகர் போட்டியாக ஹாலிவுட்டில் இத்தாலி சார்ந்த தயாரிப்பாளர்கள் இயக்குனர்கள் இசையமைப்பாளர்கள் இத்தாலியின் ஸ்பாகட்டி வேஸ்டேர்ன்ஸ் என்று செல்லமாக விளிக்கப்பட்ட கௌபாய் படங்களால் கலக்கியெடுத்த காலகட்டம்!
ஜேம்ஸ் பாண்ட் ஷான் கானரியின் சமகாலப் போட்டியாளர்களான கிளிண்ட் ஈஸ்ட்வுட் , கிரிகரி பெக், டெரன்ஸ் ஹில்-பட் ஸ்பென்சர்... ஜாங்கோ...படங்கள் ரசிகர்களின் மாறுபட்ட ரசனைகளுக்கு ரசவாத மாற்றங்களில் தீனி போட்டுக்கொண்டிருந்தன !!
கௌபாய் படங்களில் தனி முத்திரை பதித்த கிளிண்ட் ஈஸ்ட்வுட் படங்களான தி குட் தி பேட் தி அக்ளி மற்றும் பார் எ பியூடால்லர்ஸ் மோர்...பட வரிசைகளின் மனதை கவர்ந்திழுத்த இசைக் கோர்ப்புக்கு சொந்தக்காரர் எண்ணியோ மொர்ரிகோன் என்னும் இத்தாலிய இசை மேதை!!
ஜேம்ஸ் பாண்ட் தீம் இசையையும் மிஞ்சி இன்றுவரை ரசிகர்களால் கொண்டாடப்படும் அந்தத் துள்ளிசைத் தூறல் இதோ!...

---

இந்த இசை மந்திரவாதி என்னியோ மோரிகோன் நமது மனங்களை வசியம் செய்து ஜேம்ஸ் பாண்டின் இறவாப் புகழ் பெற்ற டாக்டர் நோ தீம் இசையையும் மிஞ்சுகிறார் !!

Enjoy with a Head Phone!

https://www.youtube.com/watch?v=ZG1fmfZGuWw

https://www.youtube.com/watch?v=AFa1-kciCb4

சிரஞ்சீவித்துவம் வாய்ந்த இறுதிக்கட்ட கல்லறைத் தோட்ட மோதலில் துடிக்கும் தோட்டாக்கள் வெடிக்கும் துப்பாக்கிகள் !!

https://www.youtube.com/watch?v=h1PfrmCGFnk

Watch the rythmic dancing to the tune of Clint Eastwoods'
Cowboy cap!!

https://www.youtube.com/watch?v=mLXQltR7vUQ

https://www.youtube.com/watch?v=O9vZJMVYHf0

மாற்றார் தோட்ட மெல்லிசை மதுரம் !
Cowboy Genre பகுதி 15 : மெக்கன்னாஸ் கோல்டு McKenna's Gold starring Gregory Peck and Omar Shariff

Quote:

---

ஹாலிவுட் திரைவரலாற்றில் மறக்க முடியாத கதாநாயகர் கிரிகரி பெக் !!
ரோமன் ஹாலிடே, கன்ஸ் ஆப் நவரோன், ஓமன் போன்ற காவியங்களின் நாயகர். அவர் கவ்பாய் பாணியில் ஷரீப் ஆக தங்க வேட்டைக்காரர்களை வளைத்துப் பிடிக்கும் சாகசக் கதை ! மிகச்சிறந்த பொழுதுபோக்குப் படமாக சக்கை போடு போட்டு வெள்ளிவிழா கண்டு வசூலில் பெரும் புரட்சி செய்த படம்!!
நண்டுப்பிடி வில்லனாக ஓமர் ஷெரீபிடம் கிரிகரி பெக் படும் அவஸ்தைகள் முறுவலை வரவழைக்கும்!
ஒரு கழுகின் பார்வையில் கதை விரிந்ததும் அமர்க்களமான டைட்டில் இசை ஆரம்பம் !! படம் நெடுக சிலிர்க்க வைக்கும் இசை வெள்ளம்!!

---

Old Turkey Bazzard ....Gold Gold Gold..! by Quincy Jones!

https://www.youtube.com/watch?v=h7mVLWcMm-U

Grand Canyan of Gold! Excellent Gunshot BGM!! Enjoy!

https://www.youtube.com/watch?v=VxJesXhxMrI

https://www.youtube.com/watch?v=33jV9gVjypk

எஸ்.பி.பாலசுப்ரமணியம் பாடிய பழைய பாடல்கள்

http://2.bp.blogspot.com/-HRNJSnA1-8...Y/s320/spb.jpg

(நெடுந்தொடர்)

19

http://musiclounge.in/wp-content/upl...Kanni-Penn.jpg

'பௌர்ணமி நிலவில்'

http://i.ytimg.com/vi/5mfXohOU2eo/hqdefault.jpg

இதோ பாலாவின் 'படா' ஹிட் 1969 ன் ஆரம்ப காலப் பாடல். 'சத்யா' பிலிம்ஸ் 'கன்னிப் பெண்' படத்தில்,'மெல்லிசை மன்னரி'ன் மறக்க முடியாத இசையில், தமிழகத்தையும், சிலோனையும் சும்மா ஆட்டோ ஆட்டோவென்று ஆட்டுவித்த அட்டகாசப் பாடல். திரும்பும் இடமெல்லாம் 'பௌர்ணமி நிலவு' தான். ஒலிக்காத இடங்களே இல்லை எனலாம். அதுவும் புதுச்சேரி வானொலி நிலையத்தில் போட்டு 'கிழி கிழி' என்று கிழித்து விட்டார்கள்.

பின்னால் இளையராஜாவின் ஆஸ்தான ஜோடியாய் பல ஹிட் பாடல்களை அளித்த பாலா, ஜானகியின் ஆரம்ப கால முன்னோடிப் ஜோடிப் பாடல் இது.

இந்தப் பாடலின் இனிமையைப் பற்றி என்ன சொல்வது? சுகம்..கேட்க சுகம்.. கேட்கக் கேட்க சுகம். திகட்டாத, தெவிட்டாத சுகம். நம்மையறியாமல் நாம் மெய் மறந்து விடுவோம். சரி! இப்போது கேட்டால்? எப்போது கேட்டாலும் ஒரே சுகம்தான். அதே இனிமைதான்.

https://i.ytimg.com/vi/O2co_qBEn7w/mqdefault.jpg

மிகப் பொருத்தமாக பாலாவும், ஜானகியும் குரல்களில் ஜோடி சேர்வார்கள். அலட்டல் இல்லாமல் அழகாகப் பாடுவார்கள். (பின்னாளில் போல் அல்ல.) பாலாவை எங்கோ உச்சியில் கொண்டு போய்க் கிடத்திய பாடல் இது. . இன்று பல இளைஞர்களுக்குக் கூட இப்பாடல் தெரிந்திருக்கிறது என்பதை நான் கண்கூடாகப் பார்த்திருக்கிறேன். இதிலிருந்தே இப்பாடலின் விஸ்வரூப வெற்றியை அறியலாம்.

முக்கியமாக பாடல் வரிகள் குறிப்பிடத்தகுந்தவை. (வரிகள் 'வாலிபக் கவிஞர்' வாலி) தமிழின் பெருமையை அந்தக் கால சினிமாக் காதலர்கள் தங்கள் காதல் பாடல்களில் கூட அழகாகப் புகுத்துவது போலக் கவிஞர்கள் அற்புதமாக எழுதிக் கொடுத்தார்கள். இந்தக் காலக் காதலன் போல 'உன் கொலுசு நான்...உன் மூக்குத்தி நான்... உன் பாதம் சரண் அடைவேன்... உன் காலைப் பிடிப்பேன்'... என்றெல்லாம் பிதற்றி உளறிக் கொட்டவில்லை.

காதலில் கூட தமிழின் பெருமை ரசிக்கும்படி உணர்த்தப்பட்டது.

கம்பன் தமிழோ பாட்டினிலே
சங்கத் தமிழோ மதுரையிலே
பிள்ளைத் தமிழோ மழலையிலே
நீ பேசும் தமிழோ விழிகளிலே

என்று தமிழ் எப்படிபோற்றப்படுகிறது பார்த்தீர்களா? எப்படி வளர்க்கப்படுகிறது பார்த்தீர்களா?

துள்ளும் இளமைப் பருவம் நமது
தொட்டுத் தழுவும் சுகமோ புதிது

என்று காதலர்கள் தங்கள் இளமைப் பருவத்தை சிலாகித்தலும் அருமை.

காதலியின் பூமேனியை கவிஞர் பொன் வீணைக்கு ஒப்பிடுதலும் அற்புதம். (காதலன் இசை ஆசிரியன் அல்லவா!)

ஒவ்வொரு பருவத்தையும் ஒவ்வொரு மடியில் வைத்துப் பார்க்கும் கவிஞர் வாலியின் ரசனை அபாரம். அதிலேயும் அவர் தமிழை விடவில்லை. 'பிள்ளைப் பருவ'த்தை தாய் மடியில் ஒப்படைத்து, 'பேசும் பருவ'த்தை தமிழ் மடியில் ஒப்படைக்கிறார். 'கன்னிப் பருவம்' என் வடிவில் என்று காதலி அந்தப் பருவத்தைத் தன் மூலம் பெருமைப்படுத்திக் கொள்வாள். ஜோர்.

http://i.ytimg.com/vi/IIWgLGvy9I0/hqdefault.jpg

மிக இளமையான, 'பாபு' வுக்கு முந்தின, காமெரா முன் கூச்சமுடன் நிற்கும் இசை ஜிப்பா அணிந்த சிவக்குமார் (கொடுவா கிருதா வேறு):) படத்தில் இசை ஆசிரியர். (தலையை இழுத்து, தலைவர் போலப் பாட முயன்று, நமக்கு சிரிப்பை வரவழைப்பார். நிர்மலாவுடன் நெருங்க பயம் நன்றாகவே தெரியும். பரிதாபமாய் இருக்கும்.)

அவரிடம் பயிலும் மாணவி அழகான 'வெண்ணிற ஆடை' நிர்மலா. இருவருக்கும் காதல். அதனால் வரும் டூயட் இந்தப் பாடல். (இந்தப் படத்தில் நிர்மலா மிக அழாக 'மொழு மொழு'வென்றிருப்பார்) கண்கள் காதல் களியாட்டங்கள் புரியும். சிவக்குமார் என்றால் இவரிடம் இன்னும் உற்சாகம் கொப்புளிக்கும். நெருக்கமும் அதிகம் தெரியும். முழங்கால் கவுன் பிளாக் கலரில் நிர்மலாவுக்கு அம்சமாக இருக்கும். கழுத்தில் மின்னும் நெக்லஸ் இன்னும் அழகு சேர்க்கும். காதில் தொங்கும் நீள் ஜிமிக்கியும் ஓஹோ! இந்தப் பாடலுக்கு நன்றாக வாயசைப்பார் நிர்மலா. இந்தக் காலதத்து நடிகைகள் எங்கே வாய் அசைக்கிறார்கள்? வாய்தான் அடிக்கிறார்கள்.

http://i57.tinypic.com/2v1aka8.jpg

'காவல்காரன்'(1967) படத்திற்குப் பிறகு 'சத்யா' மூவிஸாரின் படத்தில் மீண்டும் சிவக்குமார். (நல்ல ஒத்துழைப்பு போல.) மெயின் ஹீரோ ஜெயசங்கர். வாணிஸ்ரீ ஹீரோயின். இன்னொரு காதல் தோல்வி தியாகி லஷ்மி. போலீஸ் கதை. அதெல்லாம் வேண்டாம் நமக்கு.:) 'சத்யா பிலிம்ஸ்' என்பதால் ஆர்.எம்.வீரப்பன் மாலை போட, 'கன்னிப் பெண்' படத்தை எம்.ஜி.ஆர் அவர்கள் வந்து துவக்கி வைப்பது (மானிட்டர் பார்த்து முடுக்கி வைப்பார்) போன்ற காட்சியுடன் படம் ஆரம்பமாகும். படத்தை ஏ.காசிலிங்கம் இயக்கியிருப்பார்.

ஆனால் பாடல்களுக்கென்று ஒரு படம் என்ற பாராட்டை நிச்சயம் நாம் இந்தக் 'கன்னிப் பெண்'ணுக்குத் தரலாம். சிலோன் ரேடியோவில் அடிக்கடி ஒலித்த 'ஒளி பிறந்த போது மண்ணில் உயிர்கள் பிறந்தந்தம்மா', (வாவ்! என்ன பாட்டு அய்யா அது!) அப்புறம் ஜெய், லஷ்மி ஜோடி பாடும் படத்தின் ஆரம்பப் பாடலான 'இறைவன் எனக்கொரு உலகத்தைப் படைச்சி' (இன்றைய ஸ்பெஷல்' தொடரில் விருப்பத்துடன் எழுதி இருப்பேன்) வாணிஸ்ரீ, லஷ்மி இரட்டை நாயகிகள் சுசீலா, ராட்சஸி குரல்களில் பாடும் 'அடி ஏண்டி அசட்டுப் பெண்ணே' (என்னை மிகவும் கவர்ந்த பாடல். இந்தப் பாடல் பற்றியும் ஏற்கனவே எழுதி இருக்கிறேன்) என்று பாடல்கள் ஒவ்வொன்றும் பிரமாதத்திலும் பிரமாதம்.

அப்புறம் சுமாரான 'உன் அத்தைக்கு ஒத்தக் கண்ணு இந்தப் பக்கம்தான்' பாடல் ஒன்றும் உண்டு.

சரி! நம் பாடலுக்கு வந்து விடுவோம். படியுங்கள். கேளுங்கள். பாருங்கள். ரசியுங்கள். அற்புதமான சாகாவரம் பெற்ற சிரஞ்சிவித்துவம் மிக்க பாடல். முக்கியமாக பாலாவின் இளமை கொஞ்சும் குரல் நம் நெஞ்சில் குதூகலமாய் எதிரொலித்தபடியே இருக்கும்.

அதுவும் பாலா,

பௌர்ணமி நிலவில்
பனி விழும் இரவில்
பௌர்ணமி நிலவில்
பனி விழும் இரவில்

வரிகளில் என்று இரண்டாம் முறை பாடுகையில் 'பனி' என்ற வார்த்தையை உச்சரிக்கும் போது சற்றே மாற்றுவார் பாருங்கள். சூப்பர்.

பன்னீர் மழைதான் விழி மேல் பொழிய
தண்ணீர் அலை போல் குழல்தான் நெளிய

எனும்போது கடலலை தாலாட்டும் சுகத்தை அப்படியே நமக்கு அள்ளித் தருவார் பாலா.

ஜானகியும் கூடத்தான்.

http://i.ytimg.com/vi/aZLIpVTeop0/hqdefault.jpg

பௌர்ணமி நிலவில்
பனி விழும் இரவில்
கடற்கரை மணலில் இருப்போமா

மௌனத்தின் மொழியில்
மயக்கத்தின் நிலையில்
கதை கதையாக படிப்போமா

பௌர்ணமி நிலவில்
பனி விழும் இரவில்
பௌர்ணமி நிலவில்
பனி விழும் இரவில்
கடற்கரை மணலில் இருப்போமா

மௌனத்தின் மொழியில்
மயக்கத்தின் நிலையில்
மௌனத்தின் மொழியில்
மயக்கத்தின் நிலையில்
கதை கதையாக படிப்போமா
கதை கதையாக படிப்போமா

கம்பன் தமிழோ பாட்டினிலே
சங்கத் தமிழோ மதுரையிலே
கம்பன் தமிழோ பாட்டினிலே
சங்கத் தமிழோ மதுரையிலே
பிள்ளைத் தமிழோ மழலையிலே
நீ பேசும் தமிழோ விழிகளிலே

நெஞ்சம் முழுதும் கவிதை எழுது
கொஞ்சும் இசையைப் பழகும் பொழுது

துள்ளும் இளமைப் பருவம் நமது
தொட்டுத் தழுவும் சுகமோ புதிது

கண் பார்வையே உன் புதுப் பாடலோ

பொன் வீணையே உன் பூமேனியோ

பௌர்ணமி நிலவில்
பனி விழும் இரவில்
கடற்கரை மணலில் இருப்போமா

மௌனத்தின் மொழியில்
மயக்கத்தின் நிலையில்
கதை கதையாக படிப்போமா

https://i.ytimg.com/vi/O55r1q6kLL8/hqdefault.jpg

பிள்ளைப் பருவம் தாய் மடியில்
பேசும் பருவம் தமிழ் மடியில்
பிள்ளைப் பருவம் தாய் மடியில்
பேசும் பருவம் தமிழ் மடியில்
கன்னிப் பருவம் என் வடிவில்
காலம் முழுதும் உன் மடியில்

பன்னீர் மழைதான் விழி மேல் பொழிய
தண்ணீர் அலை போல் குழல்தான் நெளிய

தன்னந் தனிமை தணல் போல் கொதிக்க
தஞ்சம் புகுந்தாள் உனைத்தான் அணைக்க

பொன்னோவியம் என் மன மேடையில்
சொல் ஓவியம் உன் ஒரு ஜாடையில்

பௌர்ணமி நிலவில்
பனி விழும் இரவில்
கடற்கரை மணலில் இருப்போமா

மௌனத்தின் மொழியில்
மயக்கத்தின் நிலையில்
கதை கதையாக படிப்போமா
கதை கதையாக படிப்போமா

ம்ஹூஹூஹூம் ஹூம் ஹூம்
ம்ஹூஹூஹூம் ஹூம் ஹூம்

https://youtu.be/aZLIpVTeop0

இதுவரை பாலாவின் பாடல்கள்.

1.'மல்லிகைப் பூ வாங்கி வந்தேன்' (பால் குடம்)

http://www.mayyam.com/talk/showthrea...53#post1223953

2. 'ஆயிரம் நிலவே வா.. ஓராயிரம் நிலவே வா' (அடிமைப் பெண்)

http://www.mayyam.com/talk/showthrea...67#post1224467

3. 'இயற்கை என்னும் இளைய கன்னி' (சாந்தி நிலையம்)

http://www.mayyam.com/talk/showthrea...59#post1226259

4. 'ஆரம்பம் யாரிடம்' (மிஸ்டர் சம்பத்)

http://www.mayyam.com/talk/showthrea...AF%8D-4/page35

5. 'கற்பனையோ கைவந்ததோ' (மாலதி)

http://www.mayyam.com/talk/showthrea...AF%8D-4/page62

6. 'சிட் சிட் சிட் சிட் சிட் சிட் சிட் சிட் எங்கே போவோம்' (மாலதி)

http://www.mayyam.com/talk/showthrea...AF%8D-4/page69

7. 'உன்னைத் தொட்ட காற்று வந்து என்னைத் தொட்டது' (நவக்கிரகம்)

http://www.mayyam.com/talk/showthrea...52#post1230352

8. 'நீராழி மண்டபத்தில்' (தலைவன்)

http://www.mayyam.com/talk/showthrea...F%8D-4/page112

9.' நிலவே நீ சாட்சி' (நிலவே நீ சாட்சி)

http://www.mayyam.com/talk/showthrea...F%8D-4/page112

10.'பொன்னென்றும் பூவென்றும்' (நிலவே நீ சாட்சி)

http://www.mayyam.com/talk/showthrea...21#post1233121

11.'வெற்றி மீது வெற்றி வந்து என்னைச் சேரும்' (தேடி வந்த மாப்பிள்ளை)

http://www.mayyam.com/talk/showthrea...=1#post1233667

12.'அங்கம் புதுவிதம் அழகினில் ஒருவிதம்' (வீட்டுக்கு வீடு)

http://www.mayyam.com/talk/showthrea...80#post1234280

13.'இறைவன் என்றொரு கவிஞன்' (ஏன்)

http://www.mayyam.com/talk/showthrea...=1#post1235169

14.'வருவாயா வேல்முருகா' (ஏன்)

http://www.mayyam.com/talk/showthrea...F%8D-4/page160

15.'எங்கள் வீட்டு தங்கத் தேரில் எந்த மாதம் திருவிழா?' (அருணோதயம்)

http://www.mayyam.com/talk/showthrea...78#post1236278

16.'மங்கையரில் மகராணி' (அவளுக்கென்று ஓர் மனம்)

http://www.mayyam.com/talk/showthrea...61#post1236961

17.'ஆயிரம் நினைவு ஆயிரம் கனவு' (அவளுக்கென்று ஓர் மனம்)

http://www.mayyam.com/talk/showthrea...73#post1237573

18.'என்ன சொல்ல! என்ன சொல்ல! (பாபு)

http://www.mayyam.com/talk/showthrea...72#post1238172

19.'பௌர்ணமி நிலவில்' (கன்னிப் பெண்)

http://www.mayyam.com/talk/showthrea...F%8D-4/page206

நான் ரசித்த காட்சி.

நான் மிக மிக ரசித்த காட்சி ஒன்றை சொல்கிறேன். காவியப்படமான 'காவியத் தலைவி' யிலிருந்து தான்.

தன் கணவர் எம்.ஆர்.ஆர்.வாசுவுக்குப் பயந்து ஹாஸ்டலில் தன் குழந்தையைத் தங்க வைத்துப் படிக்க வைப்பார் நடன மாது சௌகார்.

http://i60.tinypic.com/bg5kzc.jpg

குழந்தைக்காக துணி எடுக்க சௌகார் துணிக்கடை சென்றிருப்பார். அப்போது பார்த்தால் தான் முன்னால் காதலித்துப் பிரிந்த காதல் மன்னன் அங்கு இருப்பார். இருவரும் ஒருவரையொருவர் பார்த்து அதிர்ச்சி அடைவார்கள். (காதல் மன்னன் இப்போது பெரிய வழக்கறிஞர். வழக்குகளில் வெற்றி பெற்றவருக்கு வாழ்க்கையில் தோல்வி. அதுவும் காதல் மன்னனுக்கே காதல் தோல்வி) இப்போது சௌகார் நேராக ஜெமினியிடம் வருவார். ஜெமினி பழைய நினைவுகளைச் சொல்லி கண் கலங்குவார்.

யாருக்கும் தெரியா வண்ணம் முகம் பார்த்தும், முகம் பார்க்காமலும், கோட்டை தனக்கு அந்த சமயம் துணையாகப் பிடித்து சௌகாரிடம் 'உனக்குக் கல்யாணம் ஆயிடுச்சா?' என்று தாழ்குரலில் கேட்பார் வேதனையோடு. அதற்கு சௌகார் ஜெமினியிடம் நேரிடையாக பதில் சொல்லாமல் மிக புத்திசாலித்தனமாக துணி எடுத்துக் கொடுக்கும் பையனிடம்,

"ஏம்பா! இந்தத் துணியில ஒரு கோட்டும், ஒரு பேண்ட்டும் தைக்கணும்னா எவ்வளவு துணி வேணும்?"

என்பார்.

உடனே கடைக்காரப் பையன் 'வீட்டுக்காரருக்கு சூட்டா?' என்று சௌகாரிடம் கேட்க, சௌகார் புரிய வைத்துவிட்ட தோரணையில் இப்போது ஜெமினியைப் பார்ப்பார். ஜெமினி அவர்களின் சம்பாஷணையிலிருந்து சௌகாருக்குக் கல்யாணம் ஆகி விட்டது என்று புரிந்து கொள்வார்.

http://i60.tinypic.com/11llesj.jpg

'ஓ'..என்று அதிர்ந்து அதிர்ச்சி முகபாவம் காட்டுவார். சௌகாரும் மிக பாவமாக நடித்திருப்பார்.

உடனே கடைப்பையன்,

'இந்தத் துணியைத்தானே கேட்டீங்கம்மா'

என்று துணியை எடுத்துப் போட,

சௌகார்,

'இல்லே! அவர் கேட்டதையேதான் நானும் கேக்கிறேன்' என்று இருபொருள் படக் கூறுவார்.

அதாவது ஜெமினி கேட்ட துணியை கேட்பது போல் ஜெமினி இவரிடம் கேட்ட 'கல்யாணம் ஆயிடுச்சா? என்ற அதே கேள்வியை பூடகமாகக் கேட்பார். கேட்டு ஜெமினியின் பதிலை ஆவலுடன் அவர் முகத்தில் எதிர்பார்ப்பார்.

கடைப்பையன்,

'ஏன் சார் நீங்களும் இதைத்தான் கேட்டீங்களா?'

என்று ஜெமினியிடம் கேட்டவுடன்,

'முதலில் லேடீஸை கவனிப்பா. இந்தத் தனிக்கட்டையைப் பத்தி என்ன? வீட்ல என்ன பெண்டாட்டியா பிள்ளையா? (குரலில் விரக்தி) என்று விரக்தியுடன் கூறி தனக்குக்கு இன்னும் திருமணம் ஆகாததை சௌகாரின் அந்தப் பாணியிலேயே சொல்லி பதிலை உணர்த்துவார். ஜெமினி இன்னும் தன் நினைப்பில் திருமணமே செய்து கொள்ளவில்லை என்று தெரிந்ததும் சௌகார் கண்கலங்குவார் வேதனையோடு.

கடைக்காரப் பையன் 'துணி கிழிக்கட்டுமா?' என்று கேட்டவுடன்

'வேண்டாம்பா! அந்த அதிர்ஷ்டம் எனக்கில்லே!'

என்று சௌகார் கண் கலங்குவார். ஜெமினி இன்னும் குழம்பி அதிர்வார். 'கல்யாணம் ஆகி விட்டது என்று சொல்கிறாள்....ஆனால் துணி வாங்க அதிர்ஷ்டம் இல்லையென்று சொல்கிறாளே... ஒருவேளை புருஷனை இழந்து விதவை ஆகி விட்டாளோ' என்று ஒருகணம் குழம்புவார்.

இருவரும் அப்போது பிரிந்து மீண்டும் கடையில் உடனே சந்திப்பார்கள்.

'நீ ஏன் அப்படி சொன்னே?'

என்று ஜெமினி விடாமல் சௌகாரிடம் கேட்க,

சௌகாரோ பேச்சை மாற்றுவார். ஜெமினி புகழ் பெற்ற பாரிஸ்டர் என்பதை பத்திரிகைகளில் பார்ப்பதாக, படித்ததாக சொல்வார்.

அதற்கு ஜெமினியின் பதில்,

'நினைவுகளை மறக்க நீதிமன்றத்துக்குப் போறேன்'

'துணியெல்லாம் பேக் பண்ணியாச்சு'

என்று பையன் வந்து சொல்ல, அப்போது ஜெமினி சௌகாரிடம்,

'நீ எப்படி? வசதியாக இருக்கியா?'

என்று அடுத்த கேள்வி கேட்பார்.

அதற்கும் சௌகார் நேரிடையாக பதில் சொல்லாமல் பையனிடம்,

'ஏம்பா ஆயிரம் ரூபாய்க்கு துணி வாங்கியிருக்கேன். கொஞ்சம் குறைச்சி போடக் கூடாதா?' என்று கேட்பார்.

அதிலிருந்து சௌகார் வசதியாக இருக்கிறார் என்று ஜெமினி புரிந்து கொள்வார். (பின்னே! அப்பெல்லாம் ஆயிரம் ரூபாய்க்கு துணி வாங்கினா சும்மாவா?)

'நீங்க எப்படி இருக்கீங்க?'

என்று சௌகார் ஜெமினியிடம் திரும்பக் கேட்பார்.

'நான் நெனச்சபடி வாழ்க்கையை நடத்த முடியல்ல. வழக்குகள் நடத்திகிட்டு இருக்கேன்'

என்று ஜெமினி சலிப்போடு சொல்லிவிட்டு,

'உன் கணவருக்கு இந்த ஊருதானா?'

என்று சௌகாரிடம் எப்படியாவது அவர் கணவரைப் பற்றித் தெரிந்து கொள்ள வேண்டும் என்று ஆவலாய்க் கேட்க,

அதற்கு சௌகாரோ,

'நான் மெட்ராஸில தான் இருக்கேன்'

என்பார் கணவரைப் பற்றி மறந்தும் கூட குறிப்பிடாமல். (எம்.ஆர்.ஆர். வாசு சொல்லக் கூடிய கணவன் வகை இல்லையே)

ஜெமினி வெறுத்து,

'உன் கணவரைப் பத்தி நான் எதுவுமே தெரிஞ்சிக்கக் கூடாதா?'

என்றதும்..

சௌகார்,

'இப்போ எந்த வழக்குல குறுக்கு விசாரணை செய்றீங்க?'

என்பார் அழுகையுடன்.

'எந்த வழக்குல நான் தோத்துப் போய்ட்டேனோ அந்த வழக்குலதான்'

என்று ஜெமினி பதில் சொல்லி வேதனைப்படுவார்.

உடனே சௌகார் அவசரமாகக் கிளம்பி விடுவார்.

என்ன மாதிரி வசனங்கள்! உணர்ச்சிகளின் வெளிப்பாடுகள்! டைரக்டோரியல் டச். பாலச்சந்தர் பாலச்சந்தர்தான்.

http://i61.tinypic.com/oj457b.jpg

காதல் தோல்வியையும், பிரிந்த காதலர்களின் தற்போதைய நிலைமையையும் பார்வையாளர்கள் ரசனையுடன் புரிந்து கொள்ளுமாறு காட்சி அமைப்புகள். ஜெமினியின் பிரிவு வேதனை நெஞ்சை நெருடும். சௌகார் கிழடு தட்டிப் போய் பார்க்க சகிக்கா விட்டாலும் நடிப்பில் முதிர்ச்சி தெரியும். அளவான முகபாவங்கள்.

வசனங்களுக்காகவே நான் மிக மிக ரசித்த காட்சி இது.

வாசு சார்
பாடல்களாகட்டும் காட்சிக் கண்ணோட்டமாகட்டும் அதை அக்கு வேறு ஆணி வேறாக அலசி ஆராயும் அப்பாடக்கர் நீங்களே !
காவியத்தலைவியில் இந்த மனம் பிசையும் நடிப்புடன் கூடிய காட்சியை நீங்கள் விவரித்திருக்கும் விதமே உங்கள் மாஸ்டர்பீஸ் !!
ஜெமினி திரி சார்ந்த நன்றிகள் !!
ஜெமினியின் திரியிலும் மீள்பதிவிட்டுப் பெருமைப் படுத்த வேண்டுகிறேன்
செந்தில்

GG and Sowkaar both are on their recession phase of visibly aging symptoms of rills on face and reduced energy levels in physical movements!!

https://www.youtube.com/watch?v=4wGgjcKCsiE

https://www.youtube.com/watch?v=D9yDuM3OcaI

நன்றி செந்தில் சார்.

ஜெமினி திரியில்தான் முதலில் பதித்தேன். அப்புறம்தான் இங்கு.:)

மாற்றார் தோட்ட மெல்லிசை மது/ரம்
பகுதி 16 : For Your Eyes Only / Roger Moore as Bond OO7!

Quote:

---

வழக்கமான காமெடி கலந்த விறுவிறுப்பான மூரின் பாண்ட் படம்
அதிரடி இசைக் கோர்வையில் ஷீனா ஈஸ்டன் பாடல் !
சாகசக் காட்சிகளின் பின்னணி இசைக் கோர்ப்பும் ரசனையே !

---

https://www.youtube.com/watch?v=TxgwjGn-_Gc

https://www.youtube.com/watch?v=Id08vsWjT2c

https://www.youtube.com/watch?v=RpBWIr4EWb8

https://www.youtube.com/watch?v=Ma0LFJS8Ksc

டியர் வாசு சார்,

பாலா தொடரில் ஆவலுடன் எதிர்பார்த்திருந்த 'பௌர்ணமி நிலவில் பனிவிழும் இரவில்' பாடலை அசத்தலாகத் தந்து ஆனந்தப் படுகுழியில் தள்ளிவிட்டீர்கள். பாலாவின் கொஞ்சும் குரலினிமைக்காக கேட்டுக்கொண்டே இருக்கலாம்.

நீங்கள் சொன்னதுபோல பாடல் வெகுநாள் வரையில் இலங்கை வானொலி, விவித்பாரதி என அனைத்து வானொலிகளிலும் பட்டையைக் கிளப்பியது. படம் பார்க்கதவர்களுக்கும் பாடல் மனப்பாடம் ஆனது.

படம் வெளியானபோது நான் பார்க்கவில்லை. சில வருடங்கள் கழித்து மறு வெளியீட்டில்தான் பார்க்க முடிந்தது. (அப்போதெல்லாம் ஜெய்சங்கர் படங்களும் மறுவெளியீட்டிற்கு வருவதுண்டு). படம் பார்க்கும் வரையில் இந்தப்பாடல் ஜெய்சங்கர் லட்சுமி ஜோடிக்கு என்றே நினைத்திருந்தேன். படத்தில் சிவகுமாருக்கு என்றதும் சற்று ஏமாற்றமாக இருந்தது உண்மை. ('என் கேள்விக்கென்ன பதில்' தந்த ஏமாற்றத்தை விடவா?. நடிகர்திலகத்தின் ரசிகர்களை மிகப்பெரிய ஏமாற்றத்தில் தள்ளிய விஷயமாயிற்றே)

ஜோடியாக நடிக்கும் நடிகையை தொட்டு நடித்தால் தூக்கில் போட்டு விடுவார்களோ என்ற பயத்திலிருந்து சிவகுமார் கொஞ்சம் கொஞ்சமாக வெளியே வந்துகொண்டிருந்த நேரத்தில் வந்ததுதான் 'பௌர்ணமி நிலவில்'. கொஞ்சம் நெருங்கியிருப்பார்.

தன் காலத்தில் இருந்த மொக்கை நடிகைகளைஎல்லாம் முதல்தர கதாநாயகிகளாக உயர்ந்துகொண்டிருக்க, கொள்ளை அழகிருந்தும், மெல்லிய உடலிருந்தும் பெரும்பாலான படங்களில் இரண்டாம் நிலை நாயகியாகவே நடித்துக் கொண்டிருந்த அதிர்ஷ்டமில்லாத நடிகை வெண்ணிற ஆடை நிர்மலா. (கார்த்திக் சார் இவரை 'வெண்ணிறக் கொடியிடை நிர்மலா' என்று பொருத்தமான பெயரில் குறிப்பிடுவார்) . இவர் எம்.எல்.சி.ஆகிறார் என்றதும் மேல்சபையே கலைக்கப்பட்டு விட்டதென்றால் இவர் அதிர்ஷடத்தை என்னவென்று சொல்வது.

'சிலரது நஷ்ட்டம் சிலருக்கு லாபம்' என்பதுபோல, இவர் ஒரு படப்பிடிப்புக்கு தாமதமாக வரப்போய் "நான் சிவாஜி சாரோடு நடித்த ஒரே படம்" என்று சொல்லி பெருமைப்படும் வாய்ப்பு லதாவுக்கு கிடைத்தது. இருந்தாலும் தங்கச்சுரங்கம், எங்க மாமா, தங்கைக்காக, பாபு, உனக்காக நான் என்று பல படங்கள் நிர்மலாவும் பெருமைப்படும்படி அமைந்தன.

'பௌர்ணமி நிலவில்' கவிஞர் வாலி அவர்களின் வார்த்தை ஜாலங்களும் அவைகளை பாலா உச்சரிக்கும் அழகும் அட்சரம் பெரும். ஜானகியம்மாவும் தன் பங்குக்கு அசத்தியிருப்பார்.

இப்படத்தில் இடம்பெற்ற இன்னொரு அசத்தல் பாடலான 'அடி ஏண்டி அசட்டுப்பெண்ணே' பாடலைக் கேட்கும்போது கிட்டத்தட்ட அதே காலத்தில் வந்த 'வாடி தோழி கதாநாயகி' (துலாபாரம்) பாடலும் என் நினைவுக்கு வரும்.

துவக்கத்தில் நீங்கள் சொன்னதுபோல, இத்தகைய அருமையான பாடல்களை தொகுத்து எஸ்.பி.பி. அவர்களிடம் அளிக்கும்போது அவரிடமிருந்து பெரிய பாராட்டும், மரியாதையும் உங்களுக்கு கிடைக்கப் போவது நிச்சயம்.

வாசு - உங்கள் பாலாவின் பாடல்களில் இன்று பதித்த " பௌர்ணமி நிலவில் " அலசல் மிகவும் அருமை . எனக்கு மிகவும் பிடித்த பாடல் - தமிழின் சுவை இந்த காதல் பாட்டில் வரும் காதல் சுவையை விட மிகவும் ரசிக்கும்படி இருக்கும் - அந்த காலத்தில் TMS - NT -கண்ணதாசன் -MSV என்ற combination படங்களையும் பாட்டுக்களையும் நம் மனதில் ஆழமாக பதித்தன . இன்று இதையே சற்று மாற்றி சொல்ல வேண்டும் - பாலாவின் பாடல் + வாசுவின் அலசல் + ராட்சஸியின் பங்கேற்ப்பு - பதிவுகளை அற்புதமாக்கி விடுகின்றன . கூடவே உங்கள் மீது ஒரு கோபமும் வருகிறது - இப்படி உங்களை வருத்திக்கொள்ளத்தான் வேண்டுமா? - எங்களுக்கு மொத்த பொன் முட்டைகளும் தேவையில்லை - தினமும் சாதரணமான ஒரு முட்டையே போதும். உங்கள் உடம்பு ஆரோக்கியத்திலும் கவனம் தேவை .

உங்கள் " நெஞ்சிருக்கும் வரை " பதிவை நேற்றுதான் படிக்க முடிந்தது - நெஞ்சை உருக்கி விட்டது . கொஞ்சம் நேரமே வரும் ஒரு காட்சியே இவ்வளவு அருமை என்றால் - அவரின் நடிப்புத்திறமையை இன்னும் புரிந்துக்கொள்ளாத , புரிந்தும் ஏற்றுக்கொள்ள மனம் வராத , அரசியலை புகுத்தாமல் அவரை - ஒரு தமிழ் நாட்டை சேர்ந்தவரை இன்னும் ரசிக்க தெரியாதவர்களை நினைத்தால் என்ன ஜென்மங்கள் என்றுதான் பரிதாப பட வைக்கின்றது - தமிழன் என்று சொல்லடா ! தலை குனிந்து நில்லடா நடிகர் திலகத்தை புரிந்து கொள்ளும் வரை --- என்றே சொல்ல தோன்றுகிறது .

" காவியத்தலைவி " ஜெமினி - சௌகார் சந்திப்பு , உரையாடல் மிகவும் அருமை - சிந்திக்க வைக்கும் வசனங்கள் பாலச்சந்தரின் மிகப்பெரிய சக்தி - ஒரு முழு படத்தையே பார்த்த சந்தோஷத்தை பதிவின் மூலம் தந்து விட்டீர்கள் . எனக்கு அவர்கள் ஜோடியாக நடித்த படங்களில் " ஸ்கூல் மாஸ்டர் " என்ற படம் எனக்கு மிகவும் பிடிக்கும் - மிகவும் போற்றத்தக்க நடிப்பு , தாம்பத்தியத்தின் பெருமைகளை அருமையாக இருவரும் நடிப்பில் எடுத்துக்காட்டுவார்கள் ...

டியர் வாசு சார்,

'நெஞ்சிருக்கும் வரை' மற்றும் 'காவியத்தலைவி' காட்சி விளக்கம் அருமை. மிகவும் தத்ரூபமாக இருந்தன.

எழுத்துக்களை காட்சி வடிவில் தருவதில் ஸ்ரீதரும், பாலச்சந்தரும் 'இரு வல்லவர்கள்' என்றால், அந்தக்காட்சி வடிவங்களை மீண்டும் எழுத்து வடிவில் தருவதில் நீங்கள் 'வல்லவன் ஒருவன்'.

நெஞ்சிருக்கும் வரை படத்தின் மிக முக்கியமான காட்சியை அப்படியே கண்முன் ஓடவிட்டு விட்டீர்கள். பாராட்டுக்கள்.

நண்பர்கள் அனைவருக்கும் வணக்கம்.

மன்னிக்கவும், சிந்துபாத்துடன் திமிங்கிலத்தின் உள்ளே இருந்து பயணம் போனபோது தொடர்பு அறுந்து போனதால் என்னுடைய பதிவுகளை இட முடியவில்லை - என்று சொல்லி நான் சமாளிக்க முடியாது. கிடைக்கும் நேரம் வெகு சொற்பமே. அதில் நான் வரும் நேரம் எல்லோரது பதிவுகளை படிக்கக் கூட முடியவில்லை. தற்போது கடைசி இரண்டு பக்க பதிவுகளை வேகமாக பார்த்துவிட்டு இப்பதிவை இடுகிறேன்.

கருவின் கருவை ரவி நிறுத்தி விட்டார் என்று நினைக்கிறேன். அபாரமான தொடர். அன்னை, தந்தை, மற்ற உறவு முறைகளுக்கும் எழுதி இருந்தார். எல்லா உறவு முறைகளுக்கும் எழுதினாரா என்று தெரியவில்லை. நல்ல கதைகளையும், நிகழ்வுகளையும் அற்புதமாக கோர்த்து மதுர கானத் திரிக்கு அழகுக்கு அழகு சேர்த்தார். தொடருமாறு அவரை கோருகிறேன்.

வாசு, உங்களை என்ன சொல்லி பாராட்டுவது என்று எனக்கு வார்த்தைகள் வரவில்லை. ரவி சொல்வது போல உங்களின் உடல் நலனிலும் அக்கறை செலுத்தி உங்கள் தொடர்களை நீண்ட மெகா தொடர்களாக வழங்கி எங்களை மகிழ்விக்க வேண்டும். காவியத் தலைவி படக் காட்சியை நீங்கள் விளக்கியிருப்பதை படித்தேன். அப்பா என்ன ஒரு விளக்கம். எவ்வளவு கூர்ந்த கவனிப்பு. கன்னிப்பெண் பட பாலா பாடல் படித்தேன். நீங்கள் சொல்வது நூற்றுக்கு நூறு உண்மை. ஏனென்றால் இந்த பாட்டைக் கேட்டிருக்கிறேன். யார் நடித்தது, எந்த படம் என்ற விவரங்களுக்கு நான் கேட்க வேண்டும் என்று கூட நினைத்ததில்லை. கன்னிப் பெண் என்று திரைப் படம் உள்ளதென்று தெரியும். வானொலி மூலம் கேட்டது நினைவுக்கு வருகிறது. வானொலி மூலமே இப் பாடல் இவ்வளவு பிரபலம் அடைந்திருக்க வேண்டும். நிச்சயமாக பாலாவும், மெல்லிசை மன்னரும், வாலிபக் கவிஞரும் தங்கள் கைவண்ணத்தை அட்டகாசமாக காட்டி இருக்கிறார்கள். தேடித் தேடி எடுத்துக் கொடுத்து, அட்ட, அட்ட, அட்டகாசமாக எழுதி மகிழ்சிக் கடலில் தள்ளி விட்டீர்கள். நன்றி.

ஆதிராம் தங்கள் பாடல்களுக்கு பதில் அளித்து அவர் பங்குக்கு தன் நினைவில் வரும் விஷயங்களாக அள்ளித் தருவதும் அருமை. எனக்கோ உங்கள் எல்லோரின் எழுத்துக்களும் புதுமை. நானோ இப்போது ஒரு பதுமை.

Hi good evening to all. Now I an in dubai will be back on
Sunday.

Vasu sir what happened to your health, Take care,

Enjoying the postings of friends

மாற்றார் தோ(போ)ட்ட மெல்லிசை மது/ரம் கானங்(கள்)!
பகுதி 17 : ஜேம்ஸ் பாண்ட் தீம் ம்யுசிக் மற்றும் டைட்டில் பாடல்கள் வரிசை
ஆக்டோபுசி / OCTOPUSSY starring ROGER MOORE as JAMES BOND OO7!

Quote:

---

வயதின் நிழல் படிந்து விட்ட நிலையில் ஷான் கானரியும் ரோஜர் மூரும் நல்ல நண்பர்களாக போட்டி அடிப்படையில் வெளியிட்ட பாண்ட் படங்கள் ஆக்டோபுஸ்சி / நெவர் சே நெவர் அகைன் !!

இரண்டு பேருக்குமே தனிப்பட்ட ரசிகர் வட்டம் உண்டாகி விட்ட கால கட்டம் ...

இரண்டு படங்களுமே வசூலை வாரிக் குவித்தாலும் ஒரிஜினல் ஜேம்ஸ் பாண்ட் ஷான் கானரியின் மீள் வருகை ரசிகர்களை மகிழ்ச்சியில் ஆழ்த்தியது!!
சென்னையில் இரண்டு படங்களுமே நூறு நாட்களைக் கடந்தன!!

ஆக்டோபுசி பல காட்சிகள் இந்தியாவில் எடுக்கப் பட்டது கூடுதல் ஈர்ப்பானது !

ஜேம்ஸ் பாண்டின் ஆட்டோ ரிக்ஷா சாகசங்கள் முறுவலை வரவழைத்தாலும் இறுதிக்கட்டங்களில் படம் சற்றுத் தொய்வே!!புரோக்கோலி ரோஜர் மூருக்கு மாற்று நடிகர் தேடும் முயற்ச்சியை ஆரம்பித்தாலும் மூரை வைத்தே அடுத்த படமான எ வியூ டு எ கில் படத்தையும் எடுத்து முடித்து நீண்ட காலம் ஷான் கானரியின் மாற்று பாண்டாக உலக ரசிகர்களை மகிழ்வித்து வெற்றிக் கொடி நாட்டிய ரோஜர் மூருக்கு ஓய்வளிக்கப் பட்டது!!

---

https://www.youtube.com/watch?v=Zbl3n2qQ-iQ

இனிய தீமிசைக் கோர்ப்பும் டைட்டில் பாடலும்

https://www.youtube.com/watch?v=VlBUPtKIoHo

https://www.youtube.com/watch?v=kutZEuGZSlA

https://www.youtube.com/watch?v=Md8uNCYX_Nc

https://www.youtube.com/watch?v=jiqmdJqzB10

Quote:

---

Originally Posted by chinnakkannan

Hi good evening to all. Now I an in dubai will be back on
Sunday.

Vasu sir what happened to your health, Take care,

Enjoying the postings of friends

---

ஒன்றுமில்லை சின்னா! இடைவிடாமல் பதிவுகள் இடுவதால் என்பால் உள்ள அக்கறை பொருட்டு ரவி சார், கல்நாயக் சார், மற்றும் நண்பர்கள் உடல் நலனில் அக்கறை காட்டச் சொல்லி அறிவுறித்தி இருக்கிறார்கள். என் இதய தெய்வம் மற்றும் நம் நண்பர்கள் ஆசியால் நலமாகவே இருக்கிறேன். ஒவ்வொரு பதிவுக்கும் நிறைய நேரம் பிடிப்பதால் இடையில் கொஞ்சம் ரெஸ்ட் எடுத்துத்தான் எழுதுகிறேன். இப்போது கல்ஸ் வந்துவிட்டார். ரவி சார் அருமையான தொடர் ஒன்றைத் தர ரெடியாகி விட்டார். நீங்களும் வந்து விடுவீர்கள். அப்போது சற்று ரிலாக்ஸ் செய்து கொள்கிறேன். நீங்கள் உங்கள் பணிகளை முடித்துவிட்டு வாருங்கள்.

நன்றி சிவாஜி செந்தில் சார்.

டியர் ஆதிராம் சார்

தங்கள் மனம் மகிழ்ந்த பாராட்டுதல்களுக்கு நன்றி!

உங்கள் சந்தோஷக் குரலிலிருந்தே 'பௌர்ணமி நிலவில்' பாடல் எந்த அளவிற்கு தங்களால் அப்போதிலிருந்தே ரசிக்கப்பட்டு வருகிறது என்பதை உணர முடிகிறது.

நிர்மலாவைப் பற்றி நீங்கள் கூறியுள்ளது அனைத்தும் நிதர்சனமான உண்மையே. அழகு இருந்தும், ஓரளவிற்கு திறமை இருந்தும் ராசியில்லாத நடிகை ஆகி விட்டார். 'தமிழகத்தின் மும்தாஜ்' என்று இவரை நான் அடிக்கடி கூறுவேன்.

நடிகர் திலகத்துடனான நிர்மலா சம்பந்தப்பட்ட படங்களின் பட்டியலில் 'லஷ்மி கல்யாணம்' படத்தையும் சேர்த்துக் கொள்ளலாம்தானே! அனைவரும் வியந்த 'ராமன் எத்தனை ராமனடி' பாடலை படத்தில் மங்களகரமாக அவர்தானே பாடுவார்! அந்தப் படத்தில் கூட கல்யாண பிராப்தம் இல்லாத, ராசி இல்லாத பெண்தான்.

பெரும்பாலான முன்னணி நடிகைகள் செய்த தவறை முன்னணியில் இல்லாத போதே இவரும் செய்தார். 'அவளுக்கு நிகர் அவளே' என்று சொந்தப்படம் எடுத்து அதலபாதாளத்தில் வீழ்ந்தார்.

ஆனால் பாரதி, நிர்மலா அப்புறம் வாணிஸ்ரீ என்று மிகக் குறைந்த நடிகைகள் மட்டுமே உடலை ஸ்லிம்மாகவும், அழகாகவும் வைத்துக் கொண்டனர். முகமும் இவர்களுக்கு இயற்கையாகவே நல்ல அழகு. மற்ற நல்ல அழகு நடிகைகள் இருந்தும் எல்லோரும் உப்பிப் போன 'போந்தா' கோழிகள்தான். விஜயா கூட ஸ்லிம்மாக இருந்து பின் ஊதியவர்.

//இப்படத்தில் இடம்பெற்ற இன்னொரு அசத்தல் பாடலான 'அடி ஏண்டி அசட்டுப்பெண்ணே' பாடலைக் கேட்கும்போது கிட்டத்தட்ட அதே காலத்தில் வந்த 'வாடி தோழி கதாநாயகி' (துலாபாரம்) பாடலும் என் நினைவுக்கு வரும்//

அதே போல 'அடிப் போடி பைத்தியக்காரி', (தாமரை நெஞ்சம்) 'அடியே ஒரு பேச்சுக்குச் சொன்னேன்' (அன்புக்கு ஓர் அண்ணன்) பாடல்களும் சட்டென்று நினைவுக்கு வருகின்றன.

//துவக்கத்தில் நீங்கள் சொன்னதுபோல, இத்தகைய அருமையான பாடல்களை தொகுத்து எஸ்.பி.பி. அவர்களிடம் அளிக்கும்போது அவரிடமிருந்து பெரிய பாராட்டும், மரியாதையும் உங்களுக்கு கிடைக்கப் போவது நிச்சயம்//

மிக்க நன்றி ஆதிராம் சார். நிச்சயம் உங்கள் எல்லோருடைய ஆதரவிலும் இதைச் செய்து முடிக்கலாம். ஆடியோ மட்டுமல்ல... அந்தந்தப் பாடலுக்கான வீடியோக்களையும் பாலாவிடம் தருவதற்காக தொகுத்துக் கொண்டு வருகிறேன் பதிவு விளக்கங்களையும் சேர்த்து.

ரவி சார்

மற்றவர்களை மனதார பாராட்டும் உயர்குணம் எப்போதும் உங்களுக்கு உண்டு.

'கன்னிப் பெண்' பாடலை ரசித்து நல்ல பின்னூட்டம் தந்துள்ளீர்கள். பாடலின் தமிழை சுவைத்ததற்கு நன்றி.

'நெஞ்சிருக்கும் வரை' பதிவை வாசித்து விட்டு தொலைபேசியில் பாராட்டியதற்கும் நன்றி. எஸ்.எம்.எஸ்ஸுக்கும் நன்றி. காவியத் தலைவி ரசிப்புக்கும் நன்றி.

http://images.boxtv.com/clips/34/110..._11034_q80.jpg

http://www.metromatinee.com/movies/i...aster53154.jpg

உங்களுக்கு 'ஸ்கூல் மாஸ்டர்' ரொம்பவும் பிடிக்கும் என்று தெரியும். ஒன்று தெரியுமா? தமிழ் தவிர மலையாளம், இந்தி, கன்னடம் என்று எடுத்த மொழிகளில் எல்லாம் நம் நடிகர் திலகம் கௌரவ நடிகராக, ஸ்கூல் மாஸ்டரின் அன்புக்குரிய மாணவனாக பட்டை கிளப்புவார். படமே இவரை வைத்துத்தான் முடிவடையும். 'எங்கள் குடும்பம் பெரிசு' என்று 1958 இல் கன்னடத்திலிருந்து தமிழிலும் வெளிவந்தது. சரியா ராகவேந்திரன் சார்?

http://i.ytimg.com/vi/dvIQFMz771Q/0.jpg

1973 ல் வெளிவந்த 'ஸ்கூல் மாஸ்டர்' தமிழில் மட்டுமே அவர் அந்த ரோலைச் செய்யவில்லை. திலகத்திற்குப் பதிலாக முத்துராமன். தமிழில் 'ஸ்கூல் மாஸ்டர்' சிவாஜி செந்தில் சாரின் பிரியத்துக்குரிய 'காதல் மன்னன்'.

http://ecx.images-amazon.com/images/...LL._SY300_.jpg

எல்லா மொழிகளிலும் வெற்றி அடைந்த படம். பந்துலுவின் தயாரிப்பு. கன்னடத்தில், இந்தியில் (1959) அவரே ஸ்கூல் மாஸ்டர். மலையாளத்தில் (1964) 'திக்குரிச்சி' ('உலகின் மூதல் இசை தமிழிசையே' தவப்புதல்வனின் போட்டியாளர்) நடிகர் திலகத்தின் நெருங்கிய நிஜ நண்பர்.

'ஸ்கூல் மாஸ்டர்' தமிழில்,

'தன்னந் தனிமையிலே
உடல் தள்ளாடும் வயதினிலே'

மறக்க முடியாத உணர்ச்சிபூர்வமான பாடல்.

இந்தப் படத்தில் பட்டை கிளப்பிய பாலாவின் பாடல் விரைவில் அவர் பற்றிய தொடரில்.

ஒரு கொசுறு செய்தி

இந்த எல்லா ஸ்கூல் மாஸ்டர் படங்களுக்கும் முன்பாக 1943 இல் இந்தியில் ஒரு 'ஸ்கூல் மாஸ்டர்' வந்து விட்டது.

நன்றி ரவி சார்.

Take Care Vaasu Sir ! We wait for you as the Care Taker of this thread!!
Happy upon your safe landing back to the pavilion Chinnak Kannan Sir. Enjoy your rest pause!! Good to hear you back Ravi Sir

with regards, senthil

நண்பர்களுக்கு வணக்கம்.

ஹலோ, சின்னக்கண்ணன்..

எப்படி இருக்கீங்க? பிரயாணம் எல்லாம் எப்படி? லொக்... லொக். தேவலையா?

//ஆனால் கட்டுப்பாட்டுடன் முன்னுள்ள காருக்கு முத்தா கொடுக்காமல் ஊர்ந்து கொண்டிருக்க, துணிக்கடைகளில் கொஞ்சம் கூட்டம் //

இதுபோன்று புன்னகை அரும்ப வைக்கும் குறும்பு வரிகளை படித்து சுமார் ஒரு மாதம் ஆகிவிட்டது. வந்ததும் வராததுமாய் மீண்டும் குட்டிப் பயணமா?

வாசு சார்,

உழைப்பின் உருவம் நீங்கள். அனுபவி ராஜா அனுபவியில் கரை தட்டி நிற்கும் கப்பல் ஸ்டில்லை மட்டுமல்ல, அந்தக் கப்பலையே கொண்டுவரும் ஆற்றல் உங்களுக்கு உண்டு. ‘நெஞ்சிருக்கும் வரை’ பதிவு இன்றுதான் படித்தேன்.

மனதில் உள்ளதை சொல்கிறேன். வெறும் புகழ்ச்சிக்காகவோ, முகஸ்துதிக்காகவோ அல்ல. உங்களுக்கு பிடித்த பாடகி ராட்சஸி என்றால், தான் ரசித்தவற்றை அதே உணர்வுக்கு எல்லாரையும் கொண்டு வருவதில், அதற்கான உழைப்பில் நீங்கள் ராட்சஸர். காவியத் தலைவி பதிவும் அற்புதம்.

சாதாரணமாக என்னைப் போல டைப் மட்டும் செய்தாலே அதற்கு எவ்வளவு நேரம் ஆகும் என்று என்று எனக்குத் தெரியும். அதிலும் விளக்கங்களுக்கு ஏற்றவாறு காட்சிகளை தரவேற்றுவதற்கு பல மணி நேரம் பிடிக்கும். பாராட்டுக்கள். நன்றிகள்.

சிவாஜி செந்தில் சார்,

தங்கள் ஜேம்ஸ்பாண்ட் பதிவுகள் பொங்கலில் திராட்சையாய் வித்தியாச சுவை.

நடிகர் திலகம் திரியின் 16-வது பாகத்தை தொடங்க இருக்கும் உங்களுக்கு முன் கூட்டியே எனது நல்வாழ்த்துக்கள். தங்கள் திருக்கரங்களால் தொடங்க இருக்கும் திரியில் அரிய தகவல்களும், தங்களுக்கே உரித்தான விதவிதமான கோணங்களில், வித்தியாச சிந்தனைகளில் வீடியோ பதிவுகளும் இடம் பெறவும், நமது நட்புறவு மேலும் பலம் பெறவும் வாழ்த்துக்கள்.

ரவி சார்,

சோர்வாக இருக்கும் நேரங்களில் நீதிகளையும் அறிவுரைகளையும் நல்ல கருத்துக்களையும் கூறும் தங்களின் பதிவுகள் மனதுக்கு இதமளிக்கும். (நான் கொஞ்சம் லேட்டாக படித்தாலும் கூட) சொன்னபடி கேட்டுக் கொண்டிருந்த, வேலைகளை சரியாக செய்து கொண்டிருந்த ஒரு குரங்கை குரங்காட்டி ஒவ்வொரு முறையும் அது சொன்ன வேலையை செய்து முடித்தபின் இரண்டு அடி அடிப்பானாம். ‘‘ஏன்? அதுதான் ஒழுங்காக வேலை செய்கிறதே?’’ என்று கேட்டதற்கு, ‘‘அடித்துக் கொண்டே இருந்தால்தான் அது ஒழுங்காக இருக்கும். இல்லாவிட்டால் பயம் போய் அது வேலையை காட்டி விடும்’என்றானாம். மனம் ஒரு குரங்கு. நல்ல கருத்துக்களால் நெறிப்படுத்திக் கொண்டே இருக்க வேண்டும். தொடருங்கள் தங்கள் பணியை.

அன்புடன் : கலைவேந்தன்
சத்துணவு தந்த சரித்திர நாயகன் புகழ் எத்திக்கும் பரவட்டும்

‘செல்வர்கள் நீதி நன்றோ?’


நெய்வேலி நிலக்கரி சுரங்கத்தில் ஊழியர்களுக்கான 5 ஆண்டுகால ஊதிய மாற்று ஒப்பந்தம் 31-12-2011-ல் முடிந்து விட்டது. 2012 ஜனவரி 1-ம் தேதி முதல் புதிய ஊதிய ஒப்பந்தம் ஏற்படுத்தப்பட்டிருக்க வேண்டும். ஏறத்தாழ மூன்றரை ஆண்டுகள் ஆகியும் தொழிலாளர்களுக்கு புதிய ஊதிய உயர்வு ஒப்பந்தம் நடைமுறைப்படுத்தப்படவில்லை. இதுவரை 22 கட்ட பேச்சுவார்த்தை நடத்தியும் உடன்பாடு ஏற்படாத நிலையில், தொழிலாளர்கள் 20-ம் தேதி இரவு முதல் வேலை நிறுத்தத்தை தொடங்கியுள்ளனர்.

வேலை நிறுத்தம் தொடர்ந்தால் மின் உற்பத்தி பாதிக்கப்படும் அபாயம் உள்ளது. ஏற்கனவே மின்பற்றாக்குறை இருக்கும் நிலையில், மின் உற்பத்தி பாதிக்கப்பட்டால் மக்களுக்கும் கஷ்டம். ஆனாலும், என்.எல்.சி. நிர்வாகம் ஊதிய உயர்வு கிடையாது என்று விடாப்படியாக உள்ளது. தொழிலாளருக்கான ஊதியம் மற்றும் இதர சலுகைக்கான தொகை இப்போது ஆண்டுக்கு ரூ.1,330 கோடி. ஊதியத்தை உயர்த்தினால் அது ரூ.1,500 கோடியாக உயரும் என்று கூறுகிறது. மேலோட்டமாக பார்த்தால், ‘‘பாவம்.....என்.எல்.சி. நிறுவனமும்தான் என்ன செய்யும்? ரூ.1,500 கோடிக்கு எங்கு செல்லும்?’’ என்று தோன்றும். ஆனால், இப்போது செலவாகும் 1,330 கோடியுடன் ஒப்பிட்டால் வெறும் ரூ.170 கோடி மட்டுமே ஆண்டுக்கு கூடுதலாக செலவாகும் என்பதே உண்மை..

என்.எல்.சி. நிறுவனத்தின் ஆண்டு லாபம் எவ்வளவு? 2013-14-ம் நிதி ஆண்டில் ரூ.1,500 கோடிக்கு மேல் லாபம் ஈட்டியுள்ளது. அதில் ரூ.170 கோடி தொழிலாளருக்காக ஊதியம் அளித்தால் என்ன? ஊழியர்கள் 24 சதவீத ஊதிய உயர்வு கோருகின்றனர். ஊழியர்கள் கேட்பது ஊதிய மாற்று ஒப்பந்தம். அது 5 ஆண்டுகளுக்கானது. இப்போது, ஊதியம் நிர்ணயிக்கப்பட்டால் அது, அடுத்த 5 ஆண்டுகளுக்குப் பொருந்தும். அப்படிக் கணக்கிட்டால் ஊதிய உயர்வு ஆண்டுக்கு தோராயமாக 5 சதவீத்துக்கும் குறைவாகவே இருக்கும்.

ஒரு வாதத்துக்கு நஷ்டம் என்றே வைத்துக் கொள்வோம். தொழிலாளருக்கு நியாயமான ஊதியம் வழங்கி, மக்களுக்கும் சேவை செய்யத்தான் அரசும், பொதுத்துறை நிறுவனங்களும் உள்ளனவே தவிர, லாபம் மட்டுமே குறிக்கோளாகக் கொண்டு தொழிலாளரையும் மக்களையும் சுரண்டுவதாக அவை இருக்க முடியாது.

நிலக்கரி நிறுவனம் செயல்படுவது தமிழ்நாட்டில். அங்கு கிடைக்கும் லாபம் மத்திய அரசுக்கு. இதற்காக, தமிழகத்துக்கு மத்திய அரசு ராயல்டி தொகை மட்டுமே கொடுக்கிறது. அதுவும் பல கோடி ரூபாய் நிலுவை. இங்கிருந்து அண்டை மாநிலத்துக்கு மின்சாரம் செல்லும். ஆனால், அவர்கள் தமிழகத்துக்கு காவிரியில் தண்ணீர் கொடுக்க மாட்டார்கள். தென் மாவட்டங்களில் இருந்து காய்கறிகள் செல்லும். ஆனால், அவர்கள் முல்லைப் பெரியாறு அணையின் நீர்மட்டத்தை உயர்த்த அனுமதிக்க மாட்டார்கள். தெலுங்கு சினிமா உலகமே சென்னையில் இருந்து செயல்பட்டது ஒரு காலம். ஆந்திராவின் பொருளாதார மையமாகவும் சென்னை திகழ்ந்தது. ஆனால், பாலாற்றின் குறுக்கே அணைகளை கட்டி தண்ணீர் இல்லாமல் தவிக்க விடுவார்கள். இவற்றை எல்லாம் மத்திய அரசு கண்டு கொள்ளாது. ‘நீ அரிசி கொண்டு வா. நான் உமி கொண்டு வருகிறேன். இரண்டையும் கலந்து இருவரும் ஊதி ஊதி தின்னலாம்’ என்பதற்கு பெயர்தான் தேசியம் நண்பர்களே.

அதற்காக, நான் பிரிவினை பேசவில்லை. சீன ஆக்கிரமிப்பின்போதே பேரறிஞர் அண்ணா அவர்கள் பிரிவினையை கைவிட்டு விட்டார். அப்போது நாடாளுமன்றத்தில் அவர் பேசிய வரலாற்று சிறப்பு மிக்க உரையில், ‘‘நாம் ஒன்றாக இருந்தால் நமக்குள் கேட்டு வாங்கிக் கொள்ளலாம். ஒட்டுமொத்தமாக நாம் ஆக்கிரமிக்கப்பட்டால் நிலைமை என்னாகும்? எனவே, நாட்டு நலன் கருதி பிரிவினை கோரிக்கையை கைவிடுகிறோம். ஆனால், பிரிவினை கோருவதற்கான காரணங்கள் அப்படியே இருக்கின்றன’’ என்றார். பேரறிஞர் அண்ணா சொன்ன அந்தக் காரணங்கள் 50 ஆண்டுகள் கடந்தும் இன்னும் தொடர்கின்றன... வலுவாக.. என்பதுதான் வருத்தம்.

என்.எல்.சி. நிறுவனத்தில் வேலை நிறுத்தம் தொடர்ந்தால் அதனால், ஏற்படும் நஷ்டம் எவ்வளவு? அதை தொழிலாளர்களுக்கு கொடுத்தால் மகிழ்ச்சியாக பணியாற்றுவார்களே? சென்னையில் நேற்று நடந்த முத்தரப்பு பேச்சுவார்த்தையும் தோல்வியில் முடிந்துள்ளது. நெய்வேலியில் நாளை உண்ணாவிரதம் இருக்க தொழிலாளர்கள் முடிவு செய்துள்ளனர். தொழிலாளர்கள் கோரிக்கை ஏற்கப்படும் என்று நம்புவோம். நம்பிக்கைதானே வாழ்க்கை.

மக்கள் திலகம் நடித்த ‘நான் ஏன் பிறந்தேன்?’ திரைப்படத்தில் பாடல்கள் எல்லாமே சூப்பர் ஹிட். புரட்சிக் கவிஞர் பாரதி தாசனின் ‘சித்திரச் சோலைகளே..’ பாடல் தொழிலாளர்களின், உழைத்து உருக்குலைந்து போன அவர்களின் நிலையை, அப்பட்டமாக சொல்லும்.

ஒயிட் & ஒயிட்டில் ஒளிமயமாக தலைவர். பாடலின் ஆரம்பத்தில் பியானோ வாசித்துவிட்டு ஸ்டைலாக இருக்கையில் இருந்து (வலது புறம் மேடை இருக்க, நாம் எதிர்பாராமல் இடதுபுறம் அழகாக) அரைவட்டமாக திரும்பி, எழுந்து, இசையினூடே ரிதத்துடன் மேடையின் படிகளில் ஏறி அசால்டாக மைக்கை பிடித்து ‘சித்திரச் சோலைகளே....’ என்று ஆரம்பிக்கும்போது காலப் பிரமாணம் ஒரு விநாடி கூட தவறாமல் .... என்ன ஒரு டைமிங் சென்ஸ்.

பாதாம் அல்வாவை நாவில் எச்சில் ஊற பார்ப்பதுபோல, மக்கள் திலகத்தின் அழகையும் சுறுசுறுப்பையும் மகிழ்ச்சி பொங்க விரியும் விழிகளால் விழுங்கும் காஞ்சனாவை குறை சொல்ல முடியாதுதான். மக்கள் திலகத்தைப் பார்த்தால் அந்த நிலைதான் ஏற்படும். படம் வெளியாகும்போது மக்கள் திலகத்துக்கு 55 முடிந்து 56 வயது என்றால்... வெளிநாட்டினர் நம்புவது கடினம்.

ஒரு இடத்தில் குழந்தைகளிடம் தனக்கு உள்ள அன்பையும் ஆசையையும் நுணுக்கமாக வெளிப்படுத்தியிருப்பார். ஒவ்வொரு மேஜையாக பரிமாற கேக்கை எடுத்துச் செல்லும்போது புயல் வேகமாகச் செல்பவரின் கண்களில் ஒரு குழந்தை பட, அப்படியே நிதானித்து, வேகம் குறைத்து கண்களில் கருணை வழிய குழந்தைக்கு கேக் கொடுக்கும் பாசமும் அழகும்.... ஏதோ படத்துக்காக நடிப்பது போலவே தெரியாது.

மத்திய அரசின் நவரத்தினா எனப்படும் லாபம் கொழிக்கும் பொதுத்துறை நிறுவனங்களில் ஒன்றாக என்.எல்.சி. நிறுவனம் உள்ளது. இந்த அளவுக்கு அந்நிறுவனத்தை உயர்த்தியிருப்பது யார்? படத்தில் மக்கள் திலகம் பாடும் வரிகளில் சொன்னால்...

ஆர்த்திடும் எந்திரக் கூட்டங்களே
உங்கள் ஆதியந்தம் சொல்லவோ?
நீங்கள் ஊர்த்தொழிலாளர் உழைத்த உழைப்பில்
உதித்தது மெய்யல்லவோ?...

ஏற்கனவே வறுமையால் மக்கள் வாடிய நிலையில், பிரான்சில் புரட்சி வெடிக்க காரணமாக அமைந்தது ஆணவம் பிடித்த அரசியின் கிண்டல். ‘ரொட்டி கிடைக்காவிட்டால் என்ன? மக்களை கேக் சாப்பிடச் சொல்லுங்கள்’ என்ற வார்த்தைகள்தான் பிரெஞ்சுப் புரட்சியை தவிர்க்க முடியாததாக்கி விட்டன. அந்த அரசியைப் போன்ற செல்வந்தர்களின் நிலையை புரட்சித் தலைவர் தோலுரிக்கிறார், புரட்சிக் கவிஞரின் பாடல் வழியாக....

தாரணியே தொழிலாளர் உழைப்புக்கு
சாட்சியும் நீயன்றோ?, பசி தீரும் என்றால்,
உயிர் போகும் எனச் சொல்லும் செல்வர்கள் நீதி நன்றோ?
....செல்வர்கள் நீதி நன்றோ?

அன்புடன் : கலைவேந்தன்
சத்துணவு தந்த சரித்திர நாயகன் புகழ் எத்திக்கும் பரவட்டும்

கலை வேந்தன்,
வழக்கம் போல வேலை பளு காரணமாக எப்போதாவது வந்து உறுப்பினர்களை வாழ்த்தி விட்டு ,ஏதோ ஒரு பத்திரிகை செய்தி போல ஒன்றை போட்டு ,அதற்கு சற்றும் சம்பந்தமில்லா படத்திலிருந்து ஒரு துக்கடா பாட்டை மேற்கோள் காட்டும் பாணியை விட மாட்டீர்கள் போல.
நினைவு நாளன்று ,தமிழர்களின் ஒரே பெருமையான நடிகர்திலகத்தை வாழ்த்த கூட மனமில்லாத தங்களை,உண்மையான நடிகர்திலகத்தின் ரசிகர்கள் நிறைந்த இந்த சபை , நண்பராக ஏற்று விடும் என்று கனவு கூட காண வேண்டாம்.

மக்கள் திலகம் நடித்த ‘நான் ஏன் பிறந்தேன்?’ திரைப்படத்தில் பாடல்கள் எல்லாமே சூப்பர் ஹிட். புரட்சிக் கவிஞர் பாரதி தாசனின் ‘சித்திரச் சோலைகளே..’ பாடல் தொழிலாளர்களின், உழைத்து உருக்குலைந்து போன அவர்களின் நிலையை, அப்பட்டமாக சொல்லும்.

ஒயிட் & ஒயிட்டில் ஒளிமயமாக தலைவர். பாடலின் ஆரம்பத்தில் பியானோ வாசித்துவிட்டு ஸ்டைலாக இருக்கையில் இருந்து (வலது புறம் மேடை இருக்க, நாம் எதிர்பாராமல் இடதுபுறம் அழகாக) அரைவட்டமாக திரும்பி, எழுந்து, இசையினூடே ரிதத்துடன் மேடையின் படிகளில் ஏறி அசால்டாக மைக்கை பிடித்து ‘சித்திரச் சோலைகளே....’ என்று ஆரம்பிக்கும்போது காலப் பிரமாணம் ஒரு விநாடி கூட தவறாமல் .... என்ன ஒரு டைமிங் சென்ஸ்.

https://youtu.be/tsLa1gumBA8

SUPERB KALAI

//நானோ இப்போது ஒரு பதுமை//

கல்ஸ்!

நீங்கள் இல்லாமல் திரி வெறுமை. உங்கள் பதிவு அருமை. எனக்குத் தெரியும் கடலூர் நண்பரின் திறமை மற்றும் அவர் பெருமை. நீங்கள் அடிக்கடி திரிக்கு டிமிக்கி கொடுத்து விடுவது கொடுமை. இதுவரை நான் காப்பது பொறுமை. செல்லத் திட்டில் திண்டாடப் போவது உங்கள் நிலைமை. எனவே மறக்கக் கூடாது உங்கள் கடமை. கலை, உங்களிடம் இருப்பது இளமை,:) உங்கள் பூப் பதிவுகள் தந்தது இனிமை. நண்பர்கள் இல்லாமல் போனால் திரி வறுமை.

பாராட்டிற்கு நன்றி கல்ஸ். உங்கள் பதிவுகளுக்காக எல்லோரும் வெயிட்டிங்.

அப்புறம் நம் ஊரில் வரும் 31ம் தேதி 'வீரபாண்டியக் கட்ட பொம்மன்' நண்பர்களுடன் பார்க்கப் போகிறேன். ஏற்பாடுகள் அமர்க்களமாக நடக்கின்றன. இப்போதே மனம் குதூகலிக்க ஆரம்பித்துவிட்டது.