-
பேரறிஞர் அண்ணா அவர்கள், 1967ல் தமிழக முதல்வராக பொறுப்பேற்ற்றவுடன் தனது அமைச்சரவை சகாக்கள் அனைவருடனும் எடுத்துக் கொண்ட புகைப்படம்
http://i40.tinypic.com/2cp7orm.jpg
ஓங்குக பேரறிஞர் அண்ணா அவர்களின் புகழ். !
அனபன் : சௌ. செல்வகுமார்
என்றும் எம்.ஜி. ஆர்.
எங்கள் இறைவன்
-
பேரறிஞர் அண்ணா அவர்களைப் போற்றி அழைக்கப்பட்ட பட்டங்கள் :
1. அறிஞர் அண்ணா
2. பேரறிஞர் அண்ணா
3. தென்னாட்டு காந்தி
4. இந்நாட்டு இங்கர்சால்
5. காஞ்சி கரிபால்டி
6. இதய தெய்வம்
7. காஞ்சி கண்ணியவான்
8. மக்கள் தலைவர்
ஓங்குக பேரறிஞர் அண்ணா அவர்களின் புகழ். !
அனபன் : சௌ. செல்வகுமார்
என்றும் எம்.ஜி. ஆர்.
எங்கள் இறைவன்
-
பேரறிஞர் அண்ணா அவர்களின் இலக்கியப் படைப்புக்கள் :
a. கடித இலக்கியம் ....
1. " தம்பிக்கு" என தலைப்பிட்டு, உடன்பிறப்புக்களுக்கு, "திராவிட நாடு" மற்றும் "காஞ்சி" இதழ்களில், அண்ணா அவர்கள் எழுதிய கடிதங்கள் .
2. கைதி எண் : 6342 என்ற தலைப்பில் , "காஞ்சி" இதழில் , அண்ணா அவர்கள் எழுதிய கடிதங்கள் .
b. கட்டுரை இலக்கியங்கள் :
1. அறப்போர்
2. இரும்பாரம்
3, இலட்சிய வரலாறு
4. இன்பத் திராவிடம்
5. உலகப் பெரியார் காந்தி
6. எமிலி ஜோலா
7. சொற்செல்வம்
8. ஜமீன் இனாம் ஒழிப்பு
9. ஜாமீன் மாளிகை
10. தமிழரின் மறுமலர்ச்சி
11. நாடும் ஏடும்
12. பணத்தோட்டம்
13. புராண மதங்கள்
14. முத்துக் குவியல்
15. ரோமாபுரி ராணிகள்
16. வந்தது விபத்து
17. வர்ணாஸ்ரமம்
18. வளம் காண வழி
19. விடுதலைப் போர்
20. 1858
21. வெள்ளை மாளிகையில்
22. நல்ல திர்ப்பு
23. அறிவுத் தூதர்கள்
24. ஆலை யூரார் உபதேசம்
25. கல்வியும் அரசாங்கமும்
26. முத்தமிழ்
27. திராவிடர் நிலை
28. அதிர்ச்சி வைத்தியம்
29. அவர்கள் சந்திப்பு
c. கவிதை :
1. அண்ணாவின் கவிதைகள்
ஓங்குக பேரறிஞர் அண்ணா அவர்களின் புகழ். !
அனபன் : சௌ. செல்வகுமார்
என்றும் எம்.ஜி. ஆர்.
எங்கள் இறைவன்
-
செல்வகுமார் ஸார்,
அறிஞர் அண்ணா பற்றிய தகவல்கள் அருமை.
குறிப்பாக அறிஞர் அண்ணா அமைச்சரவை படம் மிக அரிய பதிவு.
நன்றி.
-
திருவாளர்கள் வினோத், ஜெயசங்கர், பேராசிரியர் செல்வகுமார்,வழங்கி கொண்டிருக்கும் பேரரறிஞர் அண்ணாதுரை அவர்களின் பிறந்த நாளை முன்னிட்டு தந்திருக்கும் பதிவுகள், படங்கள், செய்திகள், இவற்றுக்காக தாங்கள் அளித்த உழைப்பு போற்றத்தக்கது... இந்த செய்திகளில் இருக்கும் உண்மையான, தரம் மிக்க இடுகைகள் - மக்களதிலகமே - போற்றுபவர் என்றால் என்ன சும்மாவா? என கேள்வி எழுகிறது .....
-
திரு பாலகுமாரன் எழுதியுள்ள கட்டுரையில் மக்கள்திலகம் & ps.வீரப்பா குச்சு சண்டை கத்தி சண்டை விஷயங்கள் பெரும்பான்மையோருக்கு ஏற்பட்டிருக்கும் அனுபவங்களின் சிறு துளி என்பது எல்லோருக்குமே தெரியும். இதை போன்று உள்மனதின் அடித்தளத்திலிருந்து வெளியேற துடிக்கும் அனுபவ தகவல்களை உறுப்பினர்கள் இத்திரியில் பதிய முயன்றுடுங்களேன் ... திரு sp .பாலசுப்ரமணியம் அவர்கள் பாடகர்கள் எவ்வளவு சிறப்பாக பாடினாலும், பாடலாசிரியர் மிக அருமையாக எழுதியிருந்தாலும், இசையமைப்பாளர் முழு உழைப்பை அளித்திருந்தாலும், நடிகர் அதற்கு உயிர் தந்து பரிணமளிதிருந்தால்தான், அது எக்காலத்திருக்கும் அமையும் என்ற விளக்கம் 100% உண்மையானது.....
-
அறிஞர் அண்ணாவின் ஆங்கிலப்புலமை குறித்த சில தகவல்..
# ஒருமுறை அறிஞர் அண்ணாவிடம் Because என்னும் ஆங்கிலச்சொல் மூன்றுமுறை வருமாறு ஓர் ஆங்கிலச் சொற்றொடர் கூறுமாறு கேட்டார்கள். உடனடியாக அண்ணா சொன்னார் - “No sentence ends with BECAUSE BECAUSE ‘BECAUSE’ is a conjuction."
# அறிஞர் அண்ணா தமிழில் மட்டுமல்ல ஆங்கிலத்திலும் மிகுந்த புலமையுடையவர் என்று வெளிநாட்டுப் பத்திரிக்கைகள் எழுதின. அமெரிக்காவிலிருந்து வெளியாகும் “The Saturday Evening Post" என்ற பத்திரிக்கைக்கான நிருபர் அண்ணாவைப் பற்றி இவ்வாறு கேள்விப்பட்டதும்என்ன தான் ஆங்கிலம் அறிந்திருந்தாலும் மேல்நாட்டினர் அளவுக்குப் பேச முடியாது என்று இறுமாப்புடன் எண்ணிக் கொண்டிருந்தாராம்.
அப்போது அனைத்து மாநிலங்களின் முதலமைச்சர்கள் அடங்கிய மத்திய அரசின்கூட்டம் ஒன்று டெல்லியில் நடந்தது. அப்போது டெல்லி விமான நிலையத்திலேயே அண்ணாவை மடக்கிப் பேட்டி காண்பது மட்டுமல்லாமல் அவரது ஆங்கிலப் புலமையையும் சோதித்துப் பார்த்து விடலாம் என்று எண்ணிய அந்த நிருபர் அவ்வாறே அண்ணாவைப் பேட்டியும் கண்டாராம். விமானத்திலிருந்து இறங்கி வெளியே வந்து கொண்டிருந்த அண்ணாவைப் பார்த்துத் தன்னை அறிமுகப்படுத்திக் கொண்டாராம்.
சரி. கேள்விகளைக் கேளுங்கள் என்று அண்ணா சொன்னவுடன் அந்த நிருபர் கேட்டாராம். “Do you know UNO?".
சுவற்றில் அடித்த பந்தாகப் பட்டென்று பதில் வந்ததாம்.
"ஐ நோ யுனொ.
யு நோ யுனொ.
ஐ நோ யு நோ யுனொ
பட் ஐ நோ யுனொ பெட்டெர் தேன் யு நோ யுனொ"
கேள்வி கேட்ட நிருபருக்கு மயக்கம் வராத குறை தான். தட்டுத் தடுமாறிக் கேட்டாராம். எக்ஸ்கியூஸ் மீ. சற்று விளக்கமாகக் கூறுங்கள் என்றாராம். அண்ணா என்ன விளக்கம் சொன்னார் தெரியுமா?
"I know UNO (United Nations Organisation). You know UNO. I know you know UNO. But I know UNO better than you know UNO"
-
பேரறிஞர் அண்ணா
http://i44.tinypic.com/99ny3a.jpg
பேரறிஞர் அண்ணாவின் அருங்குணங்களையும், அவர்தம் பட்டங்களையும், படைப்புகளையும் பேராசிரியர் திரு. செல்வகுமார் தன்னுடைய பதிவுகளில் அழகுற சொல்லியதோடு அரிய புகைப்படங்களையும் பதிந்து அனைவரையும் ஆச்சர்யத்தில் ஆழ்த்தியது உண்மை. இதய தெய்வம் அண்ணாவும், ஏழைகளின் இதய வேந்தன் எம்ஜிஆரும் இணைந்திருக்கும் படங்களை தன்னுடைய கைவண்ணத்தால் திரு. ரவிச்சந்திரன் அவர்கள் எழிலாய் பதிவிட்டார். திரு. ஜெய்ஷங்கர் அவர்களும் தான் சளைத்தவரல்ல என்று நிரூபித்துவிட்டார். திரு. வினோத் சார், அவர்களின் பதிவும், அவர் குறிப்பிட்ட திரு. சி.எஸ். குமார் அவர்களின் நினைவலைகள் மிக அருமை. திரு. சி. எஸ். குமார் அவர்களின் தலைவரின் சேமிப்புகள் பிரமிப்பூட்டுகிறது. நன்றி. திரு. சி.எஸ். குமார் சார்.
பகைவரையும் பொறுத்தருளிய பண்பாளர்.
காங்கிரஸ் ஆதிக்கத்திலிருந்து அதாவது, பண்ணையார்கள், நிலக்கிழார்கள் பிடியிலிருந்த தமிழகத்தை, தமிழக மக்களை காப்பாற்றும் நோக்கோடு ஆரம்பிக்கப்பட்டதே திராவிட இயக்கம். இந்த இயக்கம் பட்ட துன்பங்கள், அனுபவித்த அடக்குமுறைகள் கொஞ்சநஞ்சமல்ல. பல ஆண்டுகளாக போராட்டங்கள் நடத்தி , பொதுக்கூட்டங்கள் கண்டு, பின்னர் இந்த இயக்கத்திலும் பிளவுகள் உண்டாகி, பிளவு பட்ட இயக்கங்களுக்கு பல தலைவர்கள் உருவாகி, திராவிட இயக்கமே தள்ளாடிய போது, நானிருக்கிறேன் என்னுடன் என் அருமைத்தம்பி எம்ஜிஆர் இருக்கிறார் என்று தி.மு.க. இயக்கம் கண்டு அந்த இயக்கத்தை ஆட்சிக்கட்டிலில் அமர்த்தியவர்தான் அறிஞர் அண்ணா.
http://i43.tinypic.com/j769kz.jpg
அறிஞர் அண்ணா அவர்கள் பகைவர்களையும் பொறுத்து அவர்களை நண்பராக்கிய பெருந்தகை. இதற்கு பல உதாரணங்கள் சொல்லலாம். பேராசிரியர் செல்வகுமார் அவர்கள் குறிப்பிட்டது போல் அவரை வசைமாறி எழுதியிருந்த தட்டியின் அருகில் விளக்கை வைத்து, வசைபாடியவர்களை வெட்கப்பட வைத்தவர். சட்டமன்றத்தில் எதிர்க்கட்சியினரை மதித்து, அவர்கள் பேச நிறைய வாய்ப்பளித்து, அவர்களின் நல்ல கருத்துகளை ஏற்றுக்கொண்டவர். அவர் சட்டமன்றத்தில் நடந்துகொண்ட கண்ணியத்தைக் கண்டு அவரைப் பாராட்டாத ஏடுகளும் இல்லை. போற்றாத நாடுகளும் இல்லை.
மக்கள் திலகம் அவர்கள் குறிப்பிட்டதுபோல் ஏழைகளுக்காக அமைக்கப்பட்டதுதான் அண்ணாவின் அரசு. பாட்டாளிகளுக்காக, உழைப்பாளிகளுக்காக உருவாக்கப்பட்ட அண்ணா அரசு உருவாக முக்கிய காரணமாக இருந்தவர் யார் என்பதை உலகமே அறியும். அதனால்தான் அறிஞர் அண்ணாவுக்கு, லட்சோப லட்சம் தம்பிகள் இருந்தும், அருமைத்தம்பி எம்ஜிஆரை மட்டும்தான் என் இதயக்கனி என்றார். அதே போல் அவரது அருமை உணர்ந்ததால்தான் தம்பி உன் முகத்தைக் காட்டு முப்பது லட்சம் ஓட்டு விழும் என்றார்.
http://i41.tinypic.com/2mrgyfk.jpg
(அமர்ந்திருப்பவர்கள் இடமிருந்து வலம்: 1.திரு. மதியழகன், 2.நாவலர் 3.அறிஞர் அண்ணா, 4-5 ஆளுநர் மற்றும் அவரது துணைவியார் 6.திரு.மு.க.7.திருமதி சத்தியவாணி முத்து - நிற்பவர்கள். 1.திரு.மாதவன் 2. திரு. சாதிக் பாஷா 3.பாவலர் முத்துசாமி 4. திரு.ஏ. கோவிந்தசாமி) - தகவல்-பேராசிரியர் திரு. செல்வகுமார்)
அறிஞர் அண்ணா அமைத்த அதே அரசைதான், அவருக்குப்பின் அவரது தம்பி 1977ம் ஆண்டு அமைத்தார். அறிஞர் அண்ணாவின் அமைச்சரவையில் இடம்பெற்றிருந்த அனைத்து அமைச்சர்களும் புரட்சித்தலைவருடன் இணைந்துவிட்டனர். சாதிக்பாஷா, மு.க. இதற்கு விதி விலக்கு . இன்னொரு அமைச்சர் முகையூர் திரு. ஏ. கோவிந்தசாமி அவர்கள் அதிமுக் ஆட்சி அமைந்தபோது இப்பூவுலகில் இல்லை. மற்ற அனைவருமே அண்ணாவின் ஆட்சி, எம்ஜிஆர் கண்ட ஆட்சி என இணைந்துவிட்டார்கள். எனவே புரட்சித்தலைவர் தலைமையில் அமைந்ததுதான் பேரறிஞர் அண்ணாவின் ஆட்சி என்பதை சொல்லவும் வேண்டுமோ?
http://i42.tinypic.com/2q065i0.jpg
கள்ளமில்லா வெள்ளை சிரிப்பு
உலகத்தமிழரின் ஒப்பற்ற தெய்வம் எம்ஜிஆர்
-
# அறிஞர் அண்ணா ஒரு முறை அமெரிக்க நாட்டின் யேல் பல்கலைக்கழகத்திற்குச் சென்றிருந்தார். அப்போது அங்குள்ள மாணவர்களிடம் உரையாடினார். உரையாடலின் இடையே ஒரு மாணவர் எழுந்து 'தாங்கள் ஆங்கிலத்திலும் வல்லவர் என்று தெரியும். ஆங்கில எழுத்துகளான ‘A,B,C,D’ ஆகிய நான்கு எழுத்துகளும் வராத நூறு வார்த்தைகளைக் கூற முடியுமா?' எனக் கேட்டார்.
உடனடியாக விடையளித்தார் அறிஞர் அண்ணா. வியப்பாக இருக்கிறதா? ஒன்று (ONE) முதல் தொண்ணூற்று ஒன்பது (NINETY NINE) வரையிலான எண்களை ஆங்கிலத்தில் சொன்னார் அவர். நூற்றை ஆங்கிலத்தில் சொன்னால் அதில் ’D’ எழுத்து வந்து விடும் என எல்லோரும் எதிர்பார்த்திருந்த போது 'STOP' எனக் கூறி நிறைவு செய்தார்.
# அண்ணாவை பார்த்து ஒருவர் ஒருமுறை சும்மா இருக்கிறீர்களே Something is better than something என்றார். அதற்க்கு அண்ணா அவரை பார்த்து Nothing is better than nonsense என்றார்.
-
பேராசிரியர் செல்வகுமார் அவர்களுக்கு,
தாங்கள் பதிவிட்ட செய்திகள் பேரறிஞர் அண்ணா அவர்களின் கடமை, கண்ணியம், கட்டுப்பாடு ஆகியவற்றோடு அவர் தம் பேச்சாற்றல், நகைச்சுவை உணர்வு ஆகியவற்றையும் அழகுற எடுத்துக்காட்டுவனவாய் திகழ்கின்றன. மிக மிக அருமையான பதிவுகள். மேலும் அவர் தம் அமைச்சரவை பற்றிய புகைப்படம் ஓர் அரிய ஆவணம். பின்னாளில் அண்ணாவின் அமைச்சரவை உறுப்பினர்களில் பெரும்பான்மையினர் மக்கள் திலகத்திடம் வந்து இணைந்தனர். காரணம் மக்கள் திலகம் அவர்களே குறிப்பிட்டதைப் போல மக்கள் திலகத்தின் அரசு அண்ணாவின் அரசு. அண்ணாவின் படைப்புகள் பற்றிய பட்டியல் அருமை. அருமையான பதிவுகளுக்கு நன்றி.