-
MGR உடன் சேர்ந்து நடித்து கொண்டு இருந்த சோ தான் வாத்தியார் என்று பெயர் வைத்து அழைக்க ஆரம்பித்து வைத்தார். (கண்ணன் என் காதலன், ஒளிவிளக்கு, நம்நாடு, எங்கள் தங்கம்..இப்படி பல படங்களில் சோ வை வாத்தியாரோடு பாக்கலாம்.)
சோ அவர்களின் வாயில் இருந்து வரும் வார்த்தைக்கு சாகாவரம் உண்டு.
வாத்தியார் என்ற வார்த்தை MGR அவர்களுக்கு பிடித்து அவரே இதை அனுமதித்து இருக்கிறார்.
MGR குண்டடிப்பட்டு மருத்துவ மனையில் இருந்து பரங்கிமலை திமுக சட்டமன்ற உறுப்பினராக தேர்ந்தெடுக்கப்பட்டார்.
அவர் தொடர்ந்து நடிப்பாரா இல்லையோ என்று ரசிகர்கள் பெரிதும் எதிர்பார்த்து கொண்டு இருந்தார்கள்.
அந்த கால கட்டத்தில் தமிழ் திரையின் முன்னணி நடிகர்கள் MGR மற்றும் சிவாஜி படங்கள் ஒரே நேரத்தில் வெளி வரும் கொண்டாட்டம் நிறைந்த நேரம்.
சிவாஜி அவர்கள் நடித்த ஸ்ரீதர் அவர்களின் சொந்தப்படமான சிவந்த மண் திரைப்படம், அந்த காலகட்டத்தில் மிக பிரமாண்டமாக தயாரித்து இருந்தார்கள்.
அதே நேரத்தில் MGR அவர்களின் படமான சின்ன பட்ஜெட் படமான நம்நாடு படமும் வெளியிட ரெடியாக இருந்தது.
(MGR அரசியலில் நேரடியாக ஈடுபட்டால் என்ன வரவேற்பு இருக்கும் என் கருதி அவசரமாக 15 நாட்களுக்கு கால்ஷீட் கொடுத்து எடுத்த படம்.)
நம்நாடு படத்தின் தயாரிப்பாளர் திரு.நாகிரெட்டி அவர்கள் MGR இடம், சிவந்த மண் வெளியிடும் நேரத்தை சொல்லி நம்நாடு படத்தின் வெளியீட்டை தள்ளி போடலாம் என்று கேட்டு உள்ளார்.
MGR - நாகிரெட்டியுடம், சிவாஜி அவர்களுக்கும், எனக்கும் தனித்தனியான ரசிகர்கள் உள்ளனர். என்னுடைய ரசிகர்கள் மேலே எனக்கு நம்பிக்கை உண்டு என்று கூறி படத்தை வெளியிட கூறி உள்ளார்.
1969.சிவந்த மண் மற்றும் நம்நாடு இரண்டும் 2 நாட்கள் இடைவேளையில் வெளியிடு.
MGR அவர்களும் நாகிரெட்டி அவர்களும் சேர்ந்து, சென்னை மேகலா தியேட்டரில் இந்த படத்தை பார்த்து மகிழ்ந்தனர்.(நாகிரெட்டி நினைவுகள்.19. பத்தே நாளில் ஒரு MGR படம்)
.…. வாங்கையா ... வாத்தியாரையா.. பாடல் வரவேற்பை பார்த்து சந்தோசம் அடைந்தாராம்.
வாத்தியார் என்ற வார்த்தை MGR அவர்களுக்கு பிடித்து அவரே இதை அனுமதித்து இருக்கிறார்.
என் அண்ணன்(1970) படத்தில் இருந்து உடன் நடித்த தேங்காய் சீனிவாசன் வாத்தியாரே என்று எல்லா படங்களிலும் (பல்லாண்டு வாழ்க, இதயக்கனி (1976), உழைக்கும் கரங்கள்) இதை பிடித்து கொண்டார்.
ஒவ்வொரு துறையிலும் சிறந்து விளங்கியவர்கள் சாமானிய மக்களால் வாத்தியார் என்று அழைக்கப்பட்டனர்.
வாத்தியார் என்றால் ஆசிரியர் என்பதோடு முன்னோடி என்றும் பொருள் படும்.
திரைத்துறையில் முதன்முதலாக வெகு அழகாக நடிப்புத் திறனை நயம்பட, இனிமையாக ,இலகுவாக ,இயற்கையாகக் கலையம்சத்துடன் மென்மையாக வெளிப்படுத்தியவர்
நூற்றாண்டுகளைக் கடந்தும் அவருக்கு ரசிகர்கள் உண்டு. தலைமுறைகளைத் தாண்டி அவரை ரசிப்பவர்கள் உண்டு.
அவரைத் தங்கள் வழிகாட்டியாக ஏற்றுக் கொண்டனர், எனவே வாத்தியார் என்று அன்போடு அழைக்க ஆரம்பித்தனர்.
அதற்கேற்ற பாடலாக, வாங்கய்யா வாத்தியாரய்யா என்ற திரைப்பாடல் பிரபலமானது.
போக்கு அமைப்பாளர் என்று சொல்லப்படும் Trend Setter அவர்.
அவருக்கு இன்னும் பல செல்லப் பெயர்களும் சூட்டப்பட்டன.
ஏழைகளுக்கு வாரி வழங்கிய வள்ளல் தன்மை காரணமாக போற்றப்பட்டார்
பொன்மனச் செம்மல் என்ற பட்டம் வழங்கப்பட்டது. காலத்தை வென்று காவியமானவருக்கு மக்கள் திலகம் புரட்சித் தலைவர் போன்ற பல பட்டங்கள் வழங்கப்பட்டன.
அதே சமயம் அரசியலிலும் முத்திரை பதித்ததால் அவரை பலரும் திரையுலகிலும் அரசியல் உலகிலும் வாத்தியார் ஆகவே ஏற்றுக்கொண்டனர்
பலரும் அவரைப் பின்பற்றி நடித்தனர், பலருக்கும் அவர் ரோல் மாடல். (சத்யராஜிலிருந்து சிவகார்த்திகேயன் வரை) அரசியலிலும் அவர் வழி வந்தவர் பலரும் இருந்தனர், இருக்கின்றனர்.
அந்த வகையிலும் சரித்திரம் படைத்தவர் நமது முன்னாள் முதல்வர் திரு எம் ஜி ராமச்சந்திரன் அவர்கள்........Baa
-
மக்கள்திலகத்தின்
ரசிகனின்
இனிய காலை வணக்கம்..
படித்ததில் பிடித்தது..
மக்கள்திலகத்தின்...." முகராசி"...
65ல் அவரது கன்னித்தாய் வெளியானபோது அவரது பேனருக்கு ஒரு புதுமுகம் கிடைத்தது.அதற்கு முந்தைய ஆண்டுகளில் அவரது ஆஸ்தான நாயகி சரோஜா தான்.வேட்டைக்காரனில் அதற்கு வேட்டு வைத்தது சரோஜாவின் தாயான ருத்ரம்மா.தாய் தலைப்புகளில் மக்கள் திலகத்தோடு இணைந்திருந்த அபிநய சரஸ்வதி ஏகப்பட்ட வெளி பேனர்களில் அப்போது பணியாற்றிக்கொண்டிருந்தார்.வழக்கம் போல் தேவர் ஒரு படம் முடிவடையும் நிலையிலேயே அடுத்த படத்திற்கும் பூஜை போட்டுவிடுவார்.மக்கள் திலகமும் அவருக்கு முழு அதிகாரம் வழங்க வழக்கம்போல் வேட்டைக்காரன் என்ற டைட்டிலோடு சரோஜா வீடு நோக்கிப் பயணித்தவருக்கு அதிர்ச்சி.நீங்கபாட்டுக்கு என்கிட்ட எதுவுமே கேக்காம டேட்ஸ் குடுண்ணு வந்து நின்னா எப்படி?. பாப்பா இப்போ பயங்கர பிஸி. எப்பவும் போலத்தாம்மா இப்பவும் கேக்கறேன்.திடீர்ணு இப்படிச் சொன்னா எப்படி.?. சின்னவரு கால்ஷீட் ரெடியா இருக்கு.அதை நான் வேஸ்ட் பண்ண முடியுமா?. பதிலுக்கு தேவர்.அதுக்கு எங்களை என்ன பண்ணச் சொல்றீங்க.ஏற்கனவே கமிட் ஆன படங்களுக்கு நான் தான் பதில் சொல்லணும்.இப்ப முடிவா என்ன தான் சொல்றீங்க?. அடுத்த படத்தில பாத்துக்கலாம்.இந்தப் படத்தில இல்லேண்ணா உங்க பொண்ணு இனிமேல் எம் படம் எதிலுமே இருக்காது.கோபத்தோடு எழுந்த தேவர் விறுவிறுவென வாசலுக்கு வர அண்ணே கொஞ்சம் இருங்க என சரோஜா ஓடி வர கண்டு கொள்ளாமல் கடுப்போடு வெளியேறிய தேவர் நின்ற இடம் சாவித்திரி வீடு.அதற்குப் பிறகு தான் அபிநய சரஸ்வதிக்கு இறங்கு முகம்.வேட்டைக்காரனில் முடிந்த பிறகு அடுத்த படத்திற்கும் சேர்த்தே அவரை புக் பண்ண ஜெமினி இது ஒன்றே போதும் என்றவுடன் தான் ஆயிரத்தில் ஒருவனில் ஜோடி சேர்ந்தார் கலைச்செல்வி.பிடிச்சுப் போடுங்கடா இந்தப் பொண்ணை என தேவர் குதூகலமாக கன்னித் தாயாக வந்து நின்றவரை மொத்தமாகவே ஒப்பந்தம் செய்தார்.அதில் இரண்டாவதாக வந்த படம் தான் முகராசி.
66 ல் வெளியான முகராசி மக்கள் திலகத்திற்கு மட்டுமல்ல தமிழ்த் திரையுலகிற்கும் ஒரு முக்கியமான படம்.எந்த வகையில் என்று பார்த்தால் மக்கள் திலகம் என்றாலே ஒரு படத்தை முடிக்க ஏகப்பட்ட நாட்களை எடுத்துக்கொள்வார்கள் என்று பரவலாக பேசப்பட்ட காலத்தில் இந்த முகராசி படத்தை இரண்டே வாரங்களில் மொத்தப் படத்தையும் எடுத்து அனைவரையும் வியக்க வைத்தார்.இதற்கு முழு ஒத்துழைப்புத் தந்த மக்கள் திலகம் தயாரிப்பாளர்களின் நம்பிக்கையைப் பெற்றார்.இவ்வளவு அவசர அவசரமாக இந்தப் படத்தை எடுத்து வெளியிட தேவருக்கு என்ன அவசியம்?. அங்கு தான் அவரது வியாபார மூளை பலமாக வேலை செய்தது.
ஏ.வி.எம்மின் அன்பே வா கலரில் மிகுந்த எதிர்பார்ப்போடு வெளியாகப் போகிறது.எப்படியும் படம் பட்டையைக் கிளப்பும்.அந்தப் படத்திற்கு டிக்கட் கிடைக்காத அவரது ரசிகர்கள் வேறு எங்கும் சென்று விடக்கூடாது என்பதற்காகவே இந்த முகராசி விரைவாக எடுக்கப்டட்டது.சொன்ன மாதிரியே காஸினோவில் அன்பே வா கூட்டத்தால் நிரம்பி வழிய ஹவுஸ்ஃபுல் போர்ட் மாட்டிய உடனே அனைவரும் அருகிலுள்ள கெயிட்டி நோக்கி விரைந்தார்கள்.அங்கு தேவரின் முகராசி இவர்களை அரவணைத்தது.இந்தப் படத்தின் படப்பிடிப்பை ஜெயலலிதா ஒரு பேட்டியில் குறிப்பிட்டார்.
இரவு பகல் என இரண்டு ஷிப்ட்.வாஹினியில் மூன்று ஃப்ளோரில் அசுர கதியில் படமானது முகராசி.ஒரு சமயம் காலை நான்கு மணி வரையிலும் படப்பிடிப்பை நடத்தினார்கள்.ஒரு மணி நேரம் தான் தூங்குவதற்கு.நாங்கெல்லாம் புதுமுகம்.ஆனால் எம்.ஜி.ஆர்.திரையிலும் அரசியலிலும் பிஸி.துளி கூட சோர்வே இல்லாமல் அவர் சிரித்துக்கொண்டே பணியாற்றியது எங்களுக்கெல்லாம் வியப்பு என்றார்.இந்தப் படத்தில் இன்றொரு சிறப்பு காதல் மன்னன் மக்கள் திலகத்தோடு பணியாற்றிய ஒரே படம் இது தான்.
நடிகர் திலகத்தோடு ஏகப்பட்ட படங்களில் செகண்ட் ஹீரோவாக அவர் வந்திருந்தாலும் எம்.ஜி.ஆரோடு அவருக்கு இதுவே முதலும் கடைசியும்.முகராசியில் இருவரும் சகோதரர்கள்.வெஸ்டர்ன் மூவியின் தாக்கத்தால் தேவர் இந்தக் கதையைப் பிடித்தார்.சோமு ராமு என்ற இரு சகோதரர்கள்.தந்தையை இழந்த பிள்ளைகளை தாய் செவிலித்தாய் வேலை செய்து காப்பாற்றுகிறாள்.திரண்ட சொத்துக்கள் கொண்ட பணக்காரர் ஒருவர் தனது கர்ப்பிணி மனைவியை தவிக்க விட்டு விட்டு இறக்க பிரசவத்தின்போது அந்தப் பெண்ணும் ஒரு பெண் குழந்தையை பெத்துப் போட்டு விட்டு கண்ணை மூட அந்த சொத்துக்கள் மீது ஆசை கொண்ட அவரது தம்பி அந்த வாரிசைக் கொல்ல செவிலித்தாயை நிர்பந்திக்கிறார்.முடியவே முடியாது என மறுத்தவரை கடைசியில் கத்தியைச் சொருகி முடித்துவிட மூத்த பையன் பார்த்துவிடுகிறான்.அவனைத் தள்ளி விட்டு ஓடிய கொலைகாரனை தேடிப் பிடித்து கொன்று போடுவதே தனது லட்சியம் என வாழும் அண்ணனுக்கு எதிராக தம்பி வளர்கிறான்.ஒழுங்காகப் படித்து ஒரு போலீஸ் அதிகாரியான தம்பி ராமு தனது கொள்கைக்கு இடைஞ்சல் என அண்ணன் பிரிகிறான்.கொலையாளியை சட்டத்தின் பிடியில் கொண்டுவரத் துடிக்கும் தம்பிக்கும் அவனைக் கொல்லத் துடிக்கும் அண்ணனுக்கும் இடையே நடக்கும் போராட்டமே முகராசி.கொலைகாரன் மகளையே காதலிக்கும் தம்பியாக மக்கள் திலகம்.பழி வாங்கத் துடிக்கும் அண்ணனாக ஜெமினி.கொலைகாரன் துரைசாமியாக நம்பியார்.அவரது கூட்டாளி ஜம்புலிங்கமாக அசோகன்.ராமுவின் காதலி ஜெயாவாக ஜெயலலிதா.போலீஸாக நாகேஷ்.அவரது ஜோடி மல்லிகாவாக ஜெயந்தி.ஜெயாவின் சகோதரி இவர்.
வழக்கம்போலவே தேவரின் அதே யூனிட்.விரட்டி விரட்டி வேலை வாங்க அவரும் ரெடி.ஒரே நேரத்தில் அடுத்தடுத்த ஃப்ளோரில் அவரது ராஜ்ஜியம் தான்.அது போக சங்கிலி என்ற அடியாள் அவதாரம் வேறு.தேவரின் படங்கள் என்றாலே கதை விறுவிறுப்பான திருப்பங்களோடு பயணிக்கும்.எப்படி சகோதரர்கள் வளர்ந்தார்கள் என்ற லாஜிக்கான கேள்விகளுக்கு இடம் தராமல் காட்சிகளை அவர் நகர்த்திக்கொண்டு போவார்.மக்கள் திலகத்தை முன்னிருத்தியே கதை நகரும்.வழக்கம்போல் கவியரசு கே.வி.எம்.கூட்டணி தனது பங்கை சிறப்பாகவே செய்யும்.தேவர் படமென்றால் அவரும் பாடல்களில் அதிகம் மூக்கை நுழைக்கமாட்டார்.கவிஞர் அதில் வஞ்சனையும் காட்டமாட்டார்.இதில் ஒரு முக்கியமான பாடல் நம் கவனத்தை ஈர்க்கும்.
ஆயிரத்தில் ஒருவன் ரிலீஸானபோது இந்த ஜோடியை ஒரு கூட்டம் கொண்டாட இன்னொரு கூட்டம் விமர்சனம் செய்தது.பானுமதிஅஞ்சலி பத்மினி சரோஜா என்றிருந்த எம்.ஜி.ஆர்.திடீரென ஒரு சின்னப் பொண்ணை ஜோடியாக்க இது கொஞ்சம் ஓவர்.இவர் வயதென்ன அந்தப் பொண்ணு வயதென்ன.?. என பலர் முணுமுணுக்க கவிஞர் தனது பாடலால் எல்லோரது வாயையும் அடைத்தார்.அவர் போட்ட பல்லவியில் முக்கியமாக குளிர்ந்துபோனது மக்கள் திலகம் தான்.என்ன பல்லவி?.
உனக்கும் எனக்கும் தான் பொருத்தம்
இதில் எத்தனை கண்களுக்கு வருத்தம்
நம் இருவருக்கும் உள்ள நெருக்கம்
இனி யாருக்கு இங்கே கிடைக்கும்.
எந்த முகூர்த்தத்தில் இதை எழுதினாரோ தெரியாது.இந்த நெருக்கம் அதற்குப் பிறகு யாருக்கும் இங்கே கிடைக்கவே இல்லையென திரையுலக வரலாறு சொல்கிறது.தேவர் படமென்றால் கவிஞரும் இசைத் திலகமும் எளிமையாவார்கள்.காரணம் தேவர் ஏழை எளியவருக்காக படமெடுப்பவர்.வரிகளும் எளிதாகப் புரியும் இசையும் ஆரவாரமில்லாமல் பயணிக்கும்.ராமுவும் ஜெயாவும் ஒரு சண்டையில் நெருங்குவார்கள்.சோலோவான ஒரு சாங்கில் பாடிக்கொண்டே போக அதை இரு வாலிபர்கள் படம் பிடிக்க அவர்கள் வெளுத்து விரட்டும் ஜெயாவை ராமு எதேச்சையாக சந்திக்கிறார்.ஆம்பளைங்களை இப்படித் தான் அடிக்கிறதா?. உம்பேரென்ன?. ஜெயா.சர்தான்.பொம்பளைங்களுக்கு வீரம் தேவை தான்.சண்டையெல்லாம் போடறே.நல்ல வாத்தியார் வெச்சு முறையா கத்துக்கோ.ஏன் நீங்களே வாத்தியார் தானே. சொல்லித் தரலாமே.அங்கு தொடங்குகிறது அந்த அரிச்சுவடி.அந்த வாத்தியார் சொல்லித் தந்த பாடம் கடைசி வரை அவருக்கு பயன்பட்டது.கவிஞரும் தனது பங்கிற்கு இன்னும் கொஞ்சம் பசை போட்டார்.
அசரடித்தது இந்தப் பாடல்.வருத்தமான அத்தனை கண்களும் பொறாமைத் தீயில் வெந்தது.அதற்கு இன்னும் கொஞ்சம் எண்ணெய் ஊற்றினார் கவியரசு.கண்ணைப் பார்த்துப் பார்த்து கவிதை எழுதவா?. என குறும்பாகக் கேட்ட பாடல்.
கவிஞர் ஒரு அற்புதமான கலாரசிகன்.கற்பனை ஊற்றில் எடுக்க எடுக்கக் குறையாத தெள்ளமுது அவரது கை வசம் ஏராளம்.காதலைச் சொன்ன கவிஞர் ஃபிலாசபியைச் சொல்லாமல் போவாரா?. மனித வாழ்வின் ஒவ்வொரு படி நிலையும் ஒரு பாடம்.அதை அப்படியே பாடலில் வடிக்கும் மகா கலைஞனவர்.மகா ஞானிகளின் தத்துவங்களை போகிற போக்கில் தனது பாடல் வரிகளில் தூவிக்கொண்டே போவது அவரது வாடிக்கை.அற்ப வாழ்க்கைக்குச் சொந்தக்காரனான மனிதனின் ஆட்டத்தையும் அவனது அடங்களையும் அப்படியே தரும் பாடல் தான்
உண்டாக்கி விட்டவர்கள் ரெண்டு பேரு
இங்கே கொண்டு வந்து போட்டவர்கள் நாலு பேரு
கொண்டாடும்போது ஒரு நூறு பேரு
உயிர் கூடு விட்டு போன பின்னே கூட யாரு?.
விடை தெரியாத கேள்விக்கு விளக்கமாகும் கவிஞர்.மடை திறந்த வெள்ளமென வார்த்தைகள்.மனதைக் கொஞ்சம் அதில் செலுத்த மனிதனின் அசலான முகம் தெரியும்.மண்ணோடு மண்ணாகும் வாழ்க்கைக்காக பொன்னோடும் பெண்ணோடும் போராடும் மனிதன்.விண்ணோக்கிய அவனது பயணம் வீணாகக் கழிகிறதே என்ற ஏக்கம் கவிஞருக்கு.சரணங்களில் சகட்டுமேனிக்கு சாடுகிறார் மாநிடப் பதறுகளை.
பட்டணத்தில் பாதி இவன் வாங்கி முடித்தான்
அதை பட்டயத்தில் கண்டது போல் வேலி எடுத்தான்
அதில் எட்டடுக்கு மாடி கட்டி
கட்டிடத்தைக் கட்டி விட்டு
எட்டடிக்குள் வந்து படுத்தான்
அதை கொட்டி அவன் வேலி எடுத்தான்.
உண்டாக்கிய ரெண்டு பேரில் தொடங்கிய வாழ்க்கை எட்டடிக் குழியில் நிறைவு பெற்றதற்கு இடைவெளியில் இவன் ஆடிய ஆட்டத்தை என்னவென்பது?. தலை கணத்து கால்கள் தரையில் படாமல் மமதையோடு அலையும் மனித பிறவிகளுக்காகவே கவிஞரின் இந்தப் பாடல்.முகராசியை பலர் மறுக்கலாம்.ஆனால் அதில் பணியாற்றிய பலர் உண்மையிலேயே ஜாம்பவான்கள்.திரைப்படம் வெறும் படமல்ல.நமக்கொரு பாடம்.
நன்றி..அப்துல் ஸமத் ஃபையஸ். அவர்கள்.........
-
தமிழ்ப்பட வரலாற்றில் அசுர வெற்றி பெற்ற (எம்ஜிஆர்,அய்யன் காலம்) முதல் இரண்டு இடம் வென்ற படத்தை பார்த்தோம். முதல் இடத்தில் "மதுரை வீரனு"ம் இரண்டாம் இடத்தில் "உலகம் சுற்றும் வாலிபனு"ம் இடம் பெற்றது. இனி மூன்றாவது நான்காவது ஐந்தாவது இடம் பெற்ற படங்களை பார்க்கலாம்.
நாம் பார்ப்பது அதிக திரையரங்குகளில் 100 நாட்கள் ஓடிய அடிப்படையில் தேர்வு செய்தோம்.
நாம் பார்த்தது வசூல் அடிப்படையில் அல்ல. அதை அடுத்து வரும் காலங்களில் பார்க்கலாம்.
சரி, இனி மூன்றாவது இடம் பெற்ற படத்தை பார்க்கலாம். மூன்றாவது இடத்தில் தமிழ்ப்பட உலகையே புரட்டிப் போட்ட விஜயா கம்பைன்ஸ் தயாரிப்பில் வெளியாகி அய்யன் கைஸ்களை கடைசிவரையில் அலறவிட்ட "எங்க வீட்டுப் பிள்ளை"தான் மூன்றாவது இடத்தில் இருக்கும் படம். . இன்று நினைத்தாலும் இரத்தக் கொதிப்பு வந்து விடும் கைஸ்களுக்கு. வாழ்நாள் முழுவதும் போராடி 7 தியேட்டரில் வெள்ளிவிழா என்ற சாதனையை இறுதி வரை வெல்ல முடியாமல் புரட்சி தலைவர் நடிப்பதை விடுத்து முதலமைச்சர் ஆனதும் அவர்களின் பேராசையை பல திரையரங்குகளில் வடக்கயிறு போட்டு நிறைவேற்றிக் கொண்டனர்.
சுமார் 18 திரையரங்குகளில் 100 நாட்கள் ஓடி வெற்றி என்றால் எத்தகையது என்பதை உலகுக்கு எடுத்துக் காட்டிய படம். "ராமுடு பீமுடு" "ராம் அவுர் ஷியாம்" போன்ற தெலுங்கு இந்தி பதிப்பு அடையாத வெற்றி. அகில இந்தியாவையும் திரும்பி பார்க்க வைத்த மாபெரும் வெற்றிப் படம்.
இன்றளவும் இதன் வெற்றிக்கு இணை எதுவும் இல்லை. இந்த வெற்றியை முறியடிக்க கிழி விளையாடல் நடத்திப் பார்த்தனர்.
நெருங்க முடியவில்லை.
'நான் ஆணையிட்டால்' பாடலை மாற்று நடிகர் பாடினால் எப்படியிருக்கும் என்று கற்பனை செய்து பாருங்கள்.
படம் வெளியான தருணத்தில் சென்னையின் மக்கள் தொகை சுமார் 30 லட்சம்தான் இருக்கும். ஆனால் படம் பார்த்தவர்கள் எண்ணிக்கை மட்டும் சுமார் 20 லட்சம் என்று இந்து நாளிதழ் சுட்டிக்காட்டி எழுதியதை யாரும் மறக்க முடியாது.
தமிழ்ப்பட உலகை கனவு தேசம் என்பார்கள். அது "எங்க வீட்டுப் பிள்ளை"க்கு மிக பொருந்தும்
எத்தனை தடவை பார்த்தாலும் இரவில் தூங்கும் போது கண்களை மூடினால் "பெண் போனால்" பாடலும் "குமரிப்பெண்ணின் உள்ளத்திலே" பாடலும் வருவதை என்னால் தடுக்க முடியவில்லை. நீண்ட காலம் பிடித்தது அந்த கனவில் இருந்து வெளியே வர. இனி அடுத்த பதிவில் நான்காம் இடம் பெற்ற காவியத்தை பார்க்கலாம்..........ksr.........
-
எங்கெல்லாம் அடக்குமுறைகள் கட்டவிழ்த்து விடப்படுகிறதோ அங்கெல்லாம் அரசுக்கெதிரான புரட்சிகள் வெடித்தே தீரும்.அப்படித் தான் ரஷ்யாவிலும் புரட்சி வெடித்தது.ஆண்டுகொண்டிருந்த ஜார் மன்னர்கள் மக்களை புழுவினும் கீழாக நடத்த ஒரு கட்டத்தில் பொங்கியெழுந்த மக்கள் மொத்த ஆட்சியாளர்களையும் நொடிப்பொழுதில் காணாமல் ஆக்கினார்கள்.இது ஏதோ சட்டென வெகுண்டெழுந்த நிகழ்வல்ல.காலாகாலமாக குமுறிக்கொண்டிருந்த எரிமலையின் வெளிப்பாடு.
சினிமாவைப் பற்றி பேசும் குழுவில் சரித்திரம் எதற்கு என்ற கேள்வி எழலாம். நேற்றைய சரித்திரங்கள் தான் இன்றைய சினிமாவாகிறது.ரஷ்ய ஜார்களைப் பற்றி அங்கும் பல படங்கள் வெளியானது.அதில் முக்கியமான திரைப்படம் இவான் த டெரிபிள்.1944 ல் வெளியான இந்தப் படத்தை இயக்கியது செர்ஜி ஐஸன்ஸ்டீன்.ரஷ்யாவின் மிகச் சிறந்த இயக்குநர்.இந்த இவான் தான் அவரது கடைசிப் படமாகவும் ஆகியது மிகப் பெரிய சோகம்.அதற்குக் காரணம் அதிலிருந்த பாலிடிக்ஸ் .அதற்குள் நுழைவதற்கு முன்பாக யாரிந்த இவான்?. ஜார் வம்சத்தில் வந்த நான்காம் இவானை ரஷ்யர்கள் எப்போதும் மறக்கமாட்டார்கள்.காரணம் அந்த டெரிபிள். தந்தை மூன்றாம் வசிலி முடங்கியபோது 16 வயதில் அரியணை ஏறிய இவான் படிப்படியாகத் தான் கொடுங்கோலனாக மாறிப்போனான்.கடைசியாக தினம் ஐநூறு கொலையாவது செய்யாமல் அவனால் நிம்மதியாக தூங்க முடியாமல் போனது.சில்லிட வைக்கும் ஓல்காவில் நிர்வாணமாக அவன் வீசியெறிந்த உயிர்கள் ஏராளம்.1547 முதல் 75 வரை அவன் ஆடிய ஆட்டங்களைத் தான் ஐஸன்ஸ்டீன் படமாக்கினார்.
எங்கே சிக்கல் எழுந்தது என்றால் அதிபர் ஸ்டாலினை மனதில் வைத்துத் தான் ஐஸன்ஸ்டீன் இப்போது இவானை கையிலெடுத்திருக்கிறார் என அவரது ஆதரவாளர்கள் கொளுத்திப்போட அந்தப் படத்திற்கு தடை விதித்தார் சர்வாதிகாரி ஸ்டாலின்.அப்போது அவர் தனது அரசியல் எதிரிகளை வேட்டையாடிக்கொண்டிருந்த நேரம். ஏறக்குறைய இவானின் இரண்டாம் பாகத்தை முடிக்கும் நிலையிலிருந்தார் ஐஸன்ஸ்டீன். ஸ்டாலின் தந்த நெருக்கடியால் ஐஸன்ஸ்டீன் 1948 ல் காலமானார்.அந்த இரண்டாவது இவான் 1958ல் தான் வெளியானது.எதற்கு இப்போது ஸ்டாலின் என்றால் தமிழகத்திலும் ஒரு ஸ்டாலின் இங்கொரு படத்திற்கு பிரச்சனை செய்தார்.பயப்படாதீர்கள்.நான் அரசியல் பேசமாட்டேன்.நான் குறிப்பிடும் ஸ்டாலின் மணிக்கொடி இதழை வழிநடத்திச் சென்ற மணிக்கொடி சீனிவாசன்.பாட்சாவைப் போல அவருக்கு இன்னொரு பெயரும் இருக்கிறது.அது தான் ஸ்டாலின் சீனிவாசன்.
இந்த ஸ்டாலின் சீனிவாசன் அப்போது சென்சார் போர்டின் தலைவராக இருந்தார்.ரஷ்யாவின் சர்வ அதிகாரமும் பொருந்திய ஜோஸஃப் ஸ்டாலினைப்போல் சென்சார் போர்டின் சர்வாதிகாரி ஆனதால் சீனிவாசனுக்கு அந்தப் பெயர் வரவில்லை.ஸ்டாலின் போல் மீசையை வளர்த்துக்கொண்டதில் சீனிவாசன் ஸ்டாலினாகிப்போனார்.இவான் த டெரிபிளுக்கு பிரச்சனை செய்த அந்த ஸ்டாலினைப் போல் தமிழகத்திலும் இந்த ஸ்டாலின் ஒரு படத்திற்காக ஒற்றைக் காலில் நின்றார்.அது பிற்காலத்தில் சரித்திரமானது.தமிழகம் முதன் முறையாக அடல்ஸ் ஒன்லி என்ற பெயரைக் கேட்டது.இப்போது புரிந்திருக்குமே.மக்கள் திலகத்தின் மர்ம யோகி.அதே தான்.
திரைப்படம் தணிக்கைக் குழுவின் பார்வைக்கு வந்தது.ஸ்டாலின் மீசையோடு மணிக்கொடி சீனிவாசன் படம் பார்க்க அமர்ந்தார்.கூடவே படத்தயாரிப்பாளர் மொய்தீன் தனது எட்டு வயது மகன் சகாப்தீனோடு.மொத்தப் படத்தையும் பார்த்த ஸ்டாலின் சீனிவாசன் படத்திற்கு ஏ சர்டிபிகேட் என்றார்.அப்படீன்னா?. அது வரை கேள்விப்பட்டிராத விந்தையில் மொய்தீன் கேட்ட கேள்வி.அப்படீன்னா சின்னப் பசங்க பார்க்கக் கூடாத படம்.அப்படியென்ன இதிலிருக்கு.?. படத்தில நிறைய இடத்தில பேய்க் காட்சிகள் வருது மிஸ்டர் மொய்தீன்.சின்னப் பசங்க பார்த்தா பயப்படுவாங்க.இது அவங்களை மனதளவில பாதிக்கும்.படத்தில மஸ்லீன் துணியை போர்த்திட்டு ஒரு எலும்புக்கூடு மட்டும் தானே வருது.எலும்புக் கூட்டைப் பார்த்து பசங்க பயப்படுவாங்களா?. நிச்சயம் பயப்படுவாங்க என்றார் சீனிவாசன்.சார் !.. நம்ம கூட உட்கார்ந்து எம் பயனும் தான் படத்தை பார்த்தான்.எட்டு வயசு தான் ஆகுது.அவன் எந்த சீன்லையும் பயந்த மாதிரி தெரியலையே.உங்க ஸ்டாலின் மீசையைப் பார்த்தா தான் அவனுக்கு பயமா இருக்கு? . சிரித்துக்கொண்டே மொய்தீன் சொல்ல மிஸ்டர் மொய்தீன் உங்க நகைச்சுவை உணர்ச்சியை மதிக்கிறேன்.ஆனால் அடல்ஸ் ஒன்லியில் நான் உறுதியா இருக்கேன்.கறாராகச் சொன்ன சீனிவாசனிடம் இனி வாதாடிப் பிரயோஜனம் இல்லையெனத் தெரிந்தது.தமிழில் முதல் படமாக மர்மயோகிக்கு முத்திரை விழுந்தது.
முதல் ஏ படத்தை பிராட்வே பிரபாத்தில் தொடங்கி வைத்தது சுதந்திரப் போராட்ட வீரரும் இந்திராவின் மிசாவிற்கு காரணகர்த்தாவுமான ஜெயப்பிரகாஷ் நாராயணன் என்ற ஜே.பி.பத்திரிகைகள் நையாண்டியாக இதை குறிப்பிட்டன. தமிழகத்தின் முதல் ஏ படத்தை தொடங்கி வைத்து தலைமை தாங்கிய ஜே.பி.ஒரு அடல்ட் என்பது இதிலிருந்து நிரூபணமாகிறது என எழுதின.மணிக்கொடி சீனிவாசன் இவ்வளவு பிடிவாதமாக ஏ தந்தது நியாயம் தானா என இப்போது வாதிடுவது நல்லதல்ல.இப்போது வரும் படங்களைப் பாராத்தால் இதே போல் நூறு சீனிவாசன்கள் நமக்குத் தேவை.அதைத் தவிர்த்து நாம் மர்மயோகிக்குள் நுழைந்தால் பலருக்கு இந்தப் படம் திருப்பு முனையாக அமைந்த படம்.முக்கியமாக மக்கள் திலகத்திற்கு.
1951 ல் வெளியான மர்மயோகி தான் அவருக்கு ஒரு ஸ்டார் வேல்யூவைத் தந்த படம்.47 ல் இதே ஜூபிடர் தான் அவரை ராஜகுமாரியில் நாயகனாக்கி ஒரு திருப்பு முனையைத் தந்தது.அதற்குப் பிறகும் அவர் திரைத் துறையில் முட்டி மோதிக்கொண்டு தான் இருந்தார்.ஆனால் ராஜகுமாரியில் அவருக்கு அருமையானதொரு நட்பு கிடைத்தது.அது தான் ஏ.எஸ்.ஏ.சாமி.இலங்கையில் வளர்ந்த சாமி மிகச் சிறந்த படிப்பாளி.கிருஸ்தவராக இருந்தாலும் பல புராண இதிகாசங்களில் மிகுந்த ஈடுபாடு கொண்டவர் அதைத் தவிர்த்து ஹாலிவுட் பாணியில் அவருக்கு ஆர்வமுண்டு.ஆங்கில நாவல்கள் படிப்பதில் ஆர்வம் அதிகம்.அப்படித் தான் இந்த மர்மயோகி ஸ்கிரிப்ட்டில் அவர் மேரி கரோலியின் வென்ஜின்ஸை நுழைத்தார்.ஷேக்ஸ்பியரின் மேக்பெத்தை நுழைத்தார்.ரஷ்யாவின் செர்ஜி ஐன்ஸ்டீனின் இவான் த டெரிபிளையும் நுழைத்தார்.மக்கள் திலகமோ தான் எப்படியாவது திரையில் வென்று காட்ட வேண்டும் என்ற வெறியோடு அலைந்த காலகட்டத்தில் சாமி அவருக்கு உதவினார்.
மர்மயோகியில் அட்டகாசமான கரிகாலன் வேஷம் எம். ஜி.ஆருக்கு கிடைக்க காரணமாக இருந்தது ஏ.எஸ்.ஏ.சாமி.எம்.ஜி.ஆர்.அட்டையாக ஒட்டிக்கொண்டு சாமியை நச்சரிக்க கரிகாலன் பாத்திரம் வளரப்போகும் ஹீரோவை அடையாளம் காட்டியது.ஆங்காங்கே பஞ்ச் டயலாக்குகளை எம்.ஜி.ஆருக்காவே எழுதினார் சாமி.அக்கிரமம் எங்கு நடந்தாலும் அங்கே ஆஜராகும் நாயகனுக்கு அச்சாரம் போட்டான் மர்ம யோகி.அக்கிரமக்காரர்களை வெளுத்து வாங்கும்போது வெளிப்பட்ட ஹீரோயிஸம் பல ஆண்டு காலம் எம்.ஜி.ஆருக்கு பயன்பட்டது.அதுவே அவரது ட்ரேட் மார்க்காவும் மாறிப்போனது.இதில் மர்மயோகி அவரில்லை என்பது தான் காமெடி.மர்மயோகியாக வந்தது செருகளத்தூர் சாமா.
பல திருப்பங்களைக் கொண்ட மர்மயோகியின் கதை அநேகமாக எல்லோரும் அறிந்தது தான்.இயக்கியது புகழ் பெற்ற பெரியவர் கே.ராம்நாத்..மிகச் சிறந்த ஒளிப்பதிவு மேதையான ராம்நாத்தின் சீடர்களான மஸ்தானும் சுப்பாராவும் மர்மயோகியின் ஒளிப்பதிவை கவனிக்க சி.ஆர்.சுப்பராமனும் சுப்பைய நாயுடுவும் இசையை கவனிக்க எடிட்டிங் எம்.ஏ.திருமுகம்.சாமியின் ஸ்கிரிப்டில் நாடாளும் மன்னனுக்கு அறிமுகமாகிறாள் ஒரு நாசக்காரி.நாளடைவில் மன்னனை பெட்டிப் பாம்பாக மாற்றி நாட்டை ஆளும் அதிகாரத்திற்கு வருகிறாள்.கடைசியாக மன்னனையே கொல்லத் துணிகிறாள்.தப்பிச் சென்ற அரசர் மர்மயோகியாக மாறி சுரங்கப் பாதையொன்றை அமைத்து அரண்மனையில் குடியேறுகிறார். .அடிக்கடி பேய் உருவில் தோன்றி அந்த சாகசக்காரியை மிரட்டுகிறார்.மன்னன் மரிக்கவில்லை என்ற செய்தி பேரிடியாக வர அந்த சண்டாளியிடமிருந்து நாட்டை எப்படி திரும்பப் பெறுகிறார் என்பது தான் மீதிக் கதை.ஸ்கிரிப்ட்டில் மன்னருக்கு முக்கியத்துவம் இருந்தாலும் அதை ஓவர் டேக் செய்து இளவரசன் கரிகாலனை முன்னிருத்தியது தான் சாமியின் சாணக்கியத்தனம்.இந்தப் படத்தில் ஏகப்பட்ட ஆச்சர்யங்கள்.
பிற்காலத்தில் வில்லனாக மாறிய நம்பியார் இதில் காமெடி செய்வார்.குணசித்திர வேடத்தில் மிளிர்ந்த சகஸ்ரநாமம் இதில் வில்லத்தனம் செய்வார்.இப்போது காமெடியாகத் தெரியும் எம்.ஜி.ஆர்.சகஸ்ரநாமம் கத்திச் சண்டைகள் அப்போது சீரியஸாகவே பார்க்கப்பட்டது.கத்திச் சண்டையில் பெயர் பெற்ற நம்பியார் காமெடி செய்ததும் அப்போது காமெடியாகவே பார்க்கப்பட்டது.வீராங்கனாக வர வேண்டிய நம்பியார் நல்ல தம்பியாக காமெடி செய்தார்.வீராங்கனாக வேஷம் கட்டிய சகஸ்ரநாமத்தோடு பைசாகியாக வந்த எஸ்.ஏ.நடராஜன் இரண்டாம் கட்ட வில்லனாக மாறி பிறகு வந்த மந்திரி குமாரியில் மெய்ன் வில்லனானார்.
வில்லி பாத்திரத்தை வெளுத்து வாங்கியது அஞ்சலி தேவி.அவர் ஏற்ற ஊர்வசி பாத்திரம் நல்ல பெயரை பெற்றுத் தந்தது.கூடவே கரிகாலன் எம்.ஜி.ஆருக்கு ஜோடியாக கலாவதி மாதுரி.பண்டரி பாய் வழக்கம்போல் அடக்க ஒடுக்கமான வசந்தா.நம்பியாருக்கு ஜோடியாக காமெடியில் இறங்கிய நல்லம்மாவாக எம்.எஸ்.எம்.பாக்கியம்.ஜூபிடர் சோமு முதலில் ஊர்வசி பாத்திரத்திற்கு பானுமதியைத் தான் புக் பண்ணினார்.ஹீரோயினாக மாறிவிட்டு வில்லத்தனம் செய்ய பானுமதி விரும்பவில்லை.அதே ஆண்டு இந்திக்கும் இதையே டப் செய்ய அந்த ஏக் தா ராஜாவும் பணத்தை பெற்றுத் தந்தது.அதில் எம்.ஜி.ஆர்.லால் பகதூர் என்ற பெயரில் வந்தார்.அதை விட அவரது வாழ்க்கையில் முக்கிய திருப்பத்தை இந்தப் படம் தந்தது.அது தான் அவரது அரசியல் வாழ்க்கை.
மக்கள் மத்தியில் அப்போது தான் பிரபலமாக மர்மயோகி உதவியதை டி.வி.நாராயணசாமி அண்ணாவிடம் கூறினார்.51 அரசியல் மாநாடு களைகட்ட எம்.ஜி.ஆரை கழகம் பயன்படுத்திக்கொண்டது.கருப்பு உடையணிந்து மின்னும் வாளோடு எதிரிகள் மத்தியில் குதித்த எம்.ஜி.ஆரைப் பார்த்து பூரித்துப் போனது ஒரு கூட்டம்.பொறி பறக்கும் வசனங்களில் விசில் பறந்தது.விழா நாயகனாக மாறிப்போன எம்.ஜி.ஆரை அந்த 51 மாநாடு கண்டு களித்தது.சொல்லின் செல்வர் சம்பத் விழா மேடையை விட்டு வெளியேறும் அளவிற்கு சினிமா மோகம் கழக உடன்பிறப்புகளை மாற்றிப்போட்டதற்குக் காரணம் மர்மயோகியென்றால் அது மிகையில்லை.வெற்றிச் சங்கை ஊதுவேன் என்ற கவியரசு பாடலொன்று மர்மயோகியில் உண்டு.அப்படி வெற்றிச் சங்கை பலமாக கழகத்தில் எம்.ஜி.ஆர்.ஊதக் காரணம் இந்த மர்மயோகி.
படத்தில் பல பாடல்கள்.வந்த வழி மறந்ததேனோ என்ற கவிஞரின் வரிகளுக்கு குரல் தந்தது கே.வி.ஜானகி.இதே ஜானகி கண்ணின் கருமணியே கலாவதி பாடலுக்கு திருச்சி லோகநாதனோடு இணைந்திருப்பார்.ஆ..ஆஹா..இன்பம் இரவில் அமைதியிலே என்றது டி.வி.ரத்தினம்.அழகான பொன் மானைப் பார் என்றார் கிருஷ்ணவேணி என்ற ஜிக்கி.என் மனசுக்கிசைந்த ராஜா என பொங்குமிசைக்காக குரல் தந்தது ரத்தினம் தான்.இதில் காமெடிக்காவும் பாடல்கள் தந்திருந்தார்கள்.தில்லாலங்கடி தில்லாலங்கடி அப்போது ஹிட்டான பாடல்.தமிழ் சினிமாவிற்காக புதிதாக ஒரு காமெடி ஜோடியை அறிமுகப்படுத்தினார்கள் ஜூபிடர் பிக்சர்ஸார்.ஏற்கனவே அவர்களது முந்தைய படத்திற்கு காமெடி செய்த நம்பியாரும் எம்.எஸ்.எஸ்.பாக்கியமும் தான் அது.கலைவாணர் ஜோடி காளி என்.ரத்தினம் ஜோடியோடு போட்டி போட வேண்டிய ஜோடி நல்ல வேளையாக திசை மாறிப் போனது.இல்லையென்றால் இப்படியொரு வில்லனை இந்தத் துறை இழந்திருக்கும்.அழகான முகத்தோடு அப்பாவியாக வந்த நம்பியாருக்கும் பாடல்கள்.மனிதர்களை கழுதையோடு ஒப்பிட்டு கவி புனைந்த வரிகள் இன்றும் ஆச்சரியம்.
சாம்பலைப் பூசிக்கிட்டு
சம்சார வாழ்வைச்
சதமில்லை என்று சொல்வது
என்ன கழுதை?.
அது சத்திரத்துச் சாப்பாட்டு
தடிக் கழுதை.
கள்ளுக்கடை வீதியிலே கொள்ளை அடிச்சுகிட்டு
கௌரவமா இருப்பது எந்தக் கழுதை?.
அது கால முணராத சுத்த போலிக் கழுதை
எனப் போகிறது இந்த கழுதைப் பாடல்.ஜூபிடர் பிக்சர்ஸார் தமிழ்த் திரையுலகிற்காக ஏகப்பட்ட புதுமைப் படங்களைத் தந்ததை ஒரு தொடராகவே இங்கே தந்திருக்கிறேன்.அதில் ஜூபிடரின் ஆரம்ப கால வரலாறுகள் பலதைப் பற்றி இங்கேயே பேசியும் இருக்கிறோம்.மேற்கொண்டு அது தொடராமல் போனதற்கு காரணம் நானல்ல.தொடருக்குக் கிடைத்த வரவேற்பு தான்.போகப் போக உற்சாகம் குன்றியபோது எனக்குள் ஏற்பட்ட சலிப்பு.இதே போல் எப்போதாவது சினிமா வரலாறு பேசுவது தான் எல்லோருக்கும் நல்லதாகப் படுகிறது.ஏனோ மர்மயோகி பற்றி இன்று பேசத் தோன்றியது.மணிக்கொடி சீனிவாசனைப் பற்றி கையில் கிடைத்த ஏதோ ஒரு இதழ் தான் இன்றைய பதிவிற்குக் காரணம்.நீண்ட பதிவாக இருந்தாலும் நிறைய விஷயங்கள் தெரிந்து கொள்ள விரும்பும் நண்பர்களுக்காகவே இந்தப் பதிவு.......... Abdul Samad Fayaz
-
"அவதார புருஷர் அவதரித்த தினம்..!"
-சைதை சா.துரைசாமி,
சென்னை பெருநகர முன்னாள் மேயர்.
’வாழ்ந்தவர் கோடி மறைந்தவர் கோடி
மக்களின் மனதில் நிற்பவர் யார்
மாபெரும் வீரர் மானம் காப்போர்
சரித்திரம்தனிலே நிற்கின்றார்’ – என்று ’மன்னாதி மன்னன்’ படத்தில் பாடியபடியே, புரட்சித்தலைவர், மரணத்துக்குப் பிறகும் மக்களின் மனதில் நிலையாக வாழ்ந்து கொண்டிருக்கிறார்.
இரட்டை இலையைத் தவிர வேறு சின்னத்தில் ஓட்டு போடத் தெரியாத ஒரு பரம்பரையைப் பெற்றிருக்கிறார்.
இன்றும் சமாதியில் காது வைத்து, எம்.ஜி.ஆரின் கடிகாரச் சத்தம் கேட்கும் இளம் தலைமுறைகளின் ரத்தத்தில் கலந்துள்ளார்.
இன்றுவரை தியேட்டர்களில் புரட்சித் தலைவரின் பழைய படங்கள் வெளியாகும்போது, எந்த எதிர்பார்ப்புமின்றி ஃப்ளக்ஸ், பேனர் வைத்துக் கொண்டாடும் தொண்டர்களைப் பெற்றிருக்கிறார்.
எப்படி இவையெல்லாம் சாத்தியமானது என்பதை அவரது பிறந்த தினத்தில் அறிந்து கொள்வோம்.
திரையரங்குகளில் எல்லோரும் வணிக ரீதியாக பொழுதுபோக்கு படங்களை வெளியிட்டு வந்த நேரத்தில், புரட்சித்தலைவர் மட்டும் மனிதநேயச் சிந்தனை, நேர்மை, வாய்மை, உழைப்பு, குடும்ப உறவு, முதியோருக்கு மதிப்பு என வாழ்வியல் பண்புகளுக்கு முக்கியத்துவம் கொடுத்து படங்களை வெளியிட்டார். அதனால்தான், எம்.ஜி.ஆரை இளைஞர்கள் இன்றும் வாத்தியார் என்று ஏற்றுக் கொண்டுள்ளனர்.
புரட்சியாளர் எம்.ஜி.ஆர். நாடக நடிகர் என்பதால், பாடல்களின் முக்கியத்துவம் அறிந்தவர். அதாவது, சுதந்திரப் போராட்டத்துக்குப் பயன்பட்டது போன்று சமூக முன்னேற்றத்துக்கும் பாடல்கள் பயன்படும் என்று நம்பினார். தன்னுடைய படத்தின் பாடலில் இடம்பெறும் ஒவ்வொரு வார்த்தைக்கும் அக்கறை செலுத்தினார்.
1954ம் ஆண்டு வெளியான ‘மலைக்கள்ளன்’ படத்தில் இருந்து, தன்னுடைய படத்தின் பாடல்களை தி.மு.க.வின் பிரசாரத்துக்குப் பயன்படுத்தினார்.
"எத்தனை காலம்தான் ஏமாற்றுவார் இந்த நாட்டிலே
சத்தியம் தவறாத உத்தமன் போலவே நடிக்கிறார்
சமயம் பார்த்து பல வகையிலும் கொள்ளை அடிக்கிறார்" – என்று அன்றைய ஆட்சியாளர்களைப் பார்த்து எம்.ஜி.ஆர். தைரியமாகப் பாடியதும், அவரை ஒரு சமூகப் புரட்சியாளராக மக்கள் கொண்டாடினார்கள்.
அடுத்து, ‘மதுரை வீரன்’ படத்தில் நடித்து, அருந்ததி இன மக்களின் குலதெய்வமாகவே மாறினார். அதனாலே இன்றும் பட்டியலின மக்கள் வீட்டுக்கு வீடு எம்.ஜி.ஆரின் போட்டோவை மதுரைவீரன் சாமியாக வைத்து கும்பிட்டு வருகிறார்கள்.
1958-ல் வெளியான, ‘நாடோடி மன்னன்’ படத்தில் திமுக கட்சிக் கொடி ஏந்திய ஆணும் பெண்ணும் நிற்பது போல 'எம்.ஜி.ஆர் பிக்சர்ஸ்' நிறுவனத்திற்கு சின்னம் அமைத்தார். அதனால் கிராமத்து மக்களும் ரசிகர்களும் தி.மு.க. கொடியை எம்.ஜி.ஆர். கொடியாகவே பார்த்தார்கள். புரட்சித்தலைவரும் தி.மு.க.வை தன்னுடைய கட்சியாகவே நினைத்து வளர்த்தார்.
ஏழைகளுக்கும் உழைப்பாளிகளுக்கும் மதிப்பு கொடுப்பதில் புரட்சித்தலைவருக்கு இணையாக வேறு எவரையும் சொல்லவே முடியாது.
உழைக்கும் மக்கள் மீதான அன்பையும் பாசத்தையும் வெளிப்படுத்தும் வகையில் உழைப்பாளி, தொழிலாளி, விவசாயி, ரிக்ஷாக்காரன், மீனவ நண்பன் என்று படங்களுக்கு பெயர் சூட்டி, தன்னை ஏழைகளில் ஒருவன் என்று அனைவரையும் உணரவைத்தார்.
"தரை மேல் பிறக்க வைத்தான்
எங்களைத் தண்ணீரில் பிழைக்க வைத்தான்
கரை மேல் இருக்க வைத்தான்
பெண்களைக் கண்ணீரில் குளிக்க வைத்தான்" – என்று ’படகோட்டி’ படத்தில் மீனவர்களின் துயரத்தைப் பாடியதன் மூலம் மீனவர்களின் தலைவராகவே மாறினார்.
பாடல் மட்டுமின்றி, வசனம், காட்சி அமைப்புகளிலும் மக்களின் மனதை தொட்டார். இந்த உலகிலேயே ஒரு தனி மனிதரின் கொள்கைக்காக திரைப்படம் எடுக்கப்பட்டு, அது வெற்றியும் அடைந்தது என்றால், அது புரட்சித்தலைவரின் படங்கள் மட்டும்தான்.
தன்னுடைய ஒவ்வொரு சோதனையையும், சாதனையாக மாற்றிக் காட்டியவர் புரட்சித்தலைவர். அதனாலே, எம்.ஜி.ஆரை தெய்வப்பிறவியாக மக்கள் கொண்டாடி வருகிறார்கள்.
வெற்றிகரமான சினிமா நடிகராக இருந்தாலும், நாடகக் கலையிலும் தொடர்ந்து அக்கறை காட்டினார் புரட்சித்தலைவர்.
சீர்காழியில் நடைபெற்ற, ‘இன்பக்கனவு’ நாடகத்தில் நடித்த நேரத்தில், மிகப்பருமனான நடிகர் குண்டுமணியை அலேக்காக தூக்கினார். அந்த நேரத்தில் சற்றே சரிந்ததால் கால் எலும்பு முறிந்துவிட்டது.
இனிமேல் சண்டைக் காட்சிகளில் எம்.ஜி.ஆர். நடிக்கவே முடியாது என்று வதந்தி பரவியது. ஆனால், அடுத்தடுத்து வந்த ராஜா தேசிங்கு, மன்னாதி மன்னன் படங்களில் முன்னிலும் வேகமாக சண்டையிட்டு வதந்தியைப் பொய்யாக்கினார்.
அதேபோன்று எம்.ஆர்.ராதாவால் சுடப்பட்ட நேரத்தில், ‘எம்.ஜி.ஆர். பிழைக்கவே மாட்டார்’ என்றும், ‘பிழைத்தாலும் அவரால் பேசவே முடியாது’ என்று எதிரிகள் பேசினார்கள். ஆனால், அந்த சோதனையையும் எம்.ஜி.ஆர் சாதனையாக்கிக் காட்டினார். ஆம், துப்பாக்கியால் சுடப்பட்டு, கழுத்தில் கட்டுப்போட்டபடி எம்.ஜி.ஆர். சிகிச்சையில் இருக்கும் படம்தான் தமிழகம் முழுவதும் 1967ம் ஆண்டு தேர்தல் சமயத்தில் ஒட்டப்பட்டன.
அந்த புகைப்படத்தைப் பார்த்து பதறிய மக்கள் உதயசூரியனுக்கு ஓட்டு போட்டு அண்ணாவை அரியணையில் ஏற்றினார்கள். தி.மு.க. ஆட்சிக்கு வரக்காரணம் எம்.ஜி.ஆர். மட்டும்தான் என்பதை அண்ணா உணர்ந்திருந்த காரணத்தால்தான், அவரை இதயக்கனியாக கடைசி வரை போற்றிப் பாதுகாத்தார்.
1984ம் ஆண்டு புரட்சித்தலைவருக்கு உடல்நலக் குறைவு ஏற்பட்டு அமெரிக்காவில் சிகிச்சை பெற்ற நேரத்தில், ‘எம்.ஜி.ஆர். உயிருடன் இல்லை’, ‘அவரது உடல் ஐஸ் பெட்டியில் வைக்கப்பட்டுள்ளது’ என்றெல்லாம் வதந்தி பரப்பினார்கள். ஆனால், தமிழக மக்களின் அன்பான பிரார்த்தனைகள் மூலம் அந்த சோதனையையும் வென்று, மருத்துவமனையில் இருந்தபடியே ஆட்சியைப் பிடித்தார்.
இப்படி, ஒவ்வொரு தோல்வியின் போதும் எம்.ஜி.ஆர். வீழ்ந்துவிட்டார் என்று எதிரிகள் நினைக்க, முன்னிலும் வீரியமாக எழுந்து சாதனை படைத்தார். வெற்றி மேல் வெற்றி.
அண்ணாவின் மறைவுக்குப் பிறகு கருணாநிதியை ஆட்சிக்கட்டிலில் அமர்த்தியவரும் புரட்சித் தலைவர்தான். சொத்துக்கணக்கு கேட்டதற்காக தி.மு.க.வில் இருந்து புரட்சித்தலைவர் வெளியேற்றப்பட்ட நேரத்தில், தமிழகம் முழுவதும் பெரும் கொந்தளிப்பு ஏற்பட்டது.
நல்லவர்கள், நாணயமானவர்கள், நியாயம், தர்மத்துக்கு கட்டுப்பட்டவர்கள், நேர்மையாளர்கள், கடவுள் பக்தியும் மனசாட்சியும் உள்ள நடுநிலை மக்கள், அர்ப்பணிப்பு குணமிக்க தொண்டர்கள் அனைவரும் புரட்சித்தலைவரின் பக்கம் நின்றனர்.
அ.தி.மு.க.வை எம்.ஜி.ஆர். தோற்றுவித்த நேரத்தில் ஆளும் கட்சியான தி.மு.க., காமராஜர் தலைமையிலான காங்கிரஸை மீறி வெற்றி பெறமுடியுமா என்று பலரும் சந்தேகப்பட்டனர். ஆனால், மக்களின் பேராதரவுடன் தொடர்ந்து 10 ஆண்டுகள் தோல்வியே சந்திக்காமல் முதல் அமைச்சராக பதவி வகித்தார். அந்த மக்களும், தொண்டர்களும்தான் இன்றுவரை அ.தி.மு.க. என்ற மாளிகையின் கடகாலாகத் திகழ்கிறார்கள்.
நாடோடி மன்னன் படத்தில், ‘நாளை போடப்போறேன் சட்டம், மிக நன்மை புரிந்திடும் திட்டம்… நாடு நலம் பெறும் திட்டம்’ என்று பாடியதை நிஜமாக்கிக் காட்டும் ஆட்சி புரிந்த தீர்க்கதரிசி.
ஆயிரத்தில் ஒருவன் படத்தில், ‘நமது தேவையே பிறருடைய நன்மைதான். மக்களுக்காக நாம் வாழ்வை அர்ப்பணித்துக் கொண்டவர்.
நமக்கு என சேமித்து வைக்கும் ஆசையை வளர்த்துக் கொண்டால் பிறருக்காக நாம் எதையுமே சாதிக்க முடியாது’ என்று சுயநலமற்ற மனிதநேய சிந்தனையை மக்கள் மனதில் பதியவைத்தார்.
ஏழை மக்களுக்காக எதையும் செய்வதற்கு புரட்சித்தலைவர் தயாராக இருந்தார். ரேசன் அரிசி விலையை புரட்சித்தலைவரின் அரசு ஏற்றவில்லை என்ற காரணத்தால், மத்திய தொகுப்பிலிருந்து அரிசி தருவதை மத்திய அரசு நிறுத்தியது. உடனே, பொங்கியெழுந்து அண்ணா சமாதியில் புரட்சித்தலைவர் உண்ணாவிரதம் இருந்தார். மத்திய அரசுக்கு எதிராக முதன்முதலாக உண்ணாவிரதம் இருந்த முதல்வர் எம்.ஜி.ஆர்.தான். உடனே மத்திய அமைச்சர் ஓடோடிவந்து உண்ணாவிரதத்தை முடித்துவைத்தது வரலாறு.
ஒருமுறை எம்.ஜி.ஆர். தூத்துக்குடி அருகே, கைக்குழந்தைகளுடன் சில பெண்களை சந்தித்தார். 'காலையில் சாப்பிட்டீர்களா' என்றார். இல்லை. காலையில் சமைக்க நேரமில்லை. மாலையில் சென்று ஒரே வேளையாக சமைத்துச் சாப்பிடுவோம் என்றனர். அதிர்ந்தார் எம்.ஜி.ஆர். சென்னை திரும்பியதும் அன்றே தலைமைச் செயலாளர் மற்றும் அதிகாரிகளுடன் ஆலோசனை நடத்தினார். சத்துணவுத் திட்டம் பிறந்தது. பெண்கள் தங்கள் குழந்தைகளை பட்டினி போடாமல் உண்ண வழிவகுத்தது
சுதந்திரம் அடைந்த காலத்தில் இருந்து, பணி பாதுகாப்பின்றி புறக்கணிக்கப்பட்ட தொழிலாளர் வர்க்கத்தின் மீது முதன்முதலாக அக்கறை காட்டிவர் புரட்சித்தலைவர். ஒழுங்குபடுத்தப்படாத தொழிலாளர்களாக இருந்த மீனவர், நெசவாளர், பனையேறுவோர், கட்டிடத் தொழிலாளர், கை வண்டி இழுப்போர், மாட்டுவண்டி ஓட்டுவோர், பீடி சுற்றுவோர், சுமை ஏற்றி இறக்குவோர், மண் பாண்டத் தொழிலாளர்கள் என 60 வகையான தொழில் செய்துவந்த லட்சக்கணக்கான தொழிலாளர்களை ஒன்றிணைத்து இந்தியாவிலேயே முதன்முதலாக நல வாரியங்கள் அமைத்து, குறைந்தபட்ச ஊதியம், குடும்ப ஓய்வூதியம், திருமண உதவி, கல்வி உதவி, விபத்து நிவாரணம்,சேமிப்பு பலன் போன்ற நல உதவிகளை வழங்கி, அவர்கள் வாழ்க்கையில் ஒளியேற்றினார் புரட்சித்தலைவர்.
முதன்முதலாக விவசாயிகளுக்கு இலவச மின்சாரம் கொடுத்ததும், முதியோர்களுக்கு உதவித் தொகை கொடுக்கும் திட்டத்தைக் கொண்டுவந்ததும் புரட்சித் தலைவர்தான்.
ஜாதி, மதத்தின் பெயரால் மக்களுக்குக் கொடுமைகள் நடப்பதை அனுமதிக்கவே மாட்டார். ‘உரிமைக்குரல்’ படத்தில், ’தாழ்த்தப்பட்ட ஜாதி உயர்த்தப்பட்ட ஜாதிங்கிறது எல்லாம் இந்த கேடுகெட்ட சமுதாயம் செய்து வைத்த கொடுமை, என்னைப் பொறுத்தவரை எல்லோரும் ஒரே ஜாதிதான், அது மனித ஜாதி’ என்று வசனம் பேசுவார்.
தாழ்த்தப்பட்ட, பிற்படுத்தப்பட்ட மக்களுக்கு 49 சதவிகிதம் என்று இருந்த இடஒதுக்கீட்டை 68 சதவிகிதம் என உயர்த்தி சமூகநீதியை நிலைநாட்டியதும், புரட்சித்தலைவர்தான்.
திராவிட இயக்கத்தைச் சேர்ந்தவர் என்றாலும், புரட்சித்தலைவர் தன்னை ஆன்மிக அரசியல்வாதியாகவே தன்னை அடையாளப்படுத்திக் கொண்டார். அன்னை மூகாம்பிகையை தன்னுடைய அன்னை என்றார்.
அதேநேரம் அனைத்து மதங்களையும் சமமாகவே மதித்தார். நாகூர் தர்கா அருகே ஒரு கூட்டத்தில் பேசிய எம்.ஜி.ஆர்., ‘நான் கைலி கட்டாத முஸ்லிம், சிலுவை அணியாத கிறிஸ்தவன், திருநீறு அணியாத இந்து...’ என்று உணர்வுபூர்வமாகப் பேசினார்.
புரட்சித்தலைவர் நோய்வாய்ப்பட்ட தருணத்தில், கட்சி பேதமின்றி, ஜாதி, மத பேதமின்றி அனைத்து மத மக்களும் பிரார்த்தனையில் ஈடுபட்டனர்.
‘இறைவா உன் மாளிகையில்
எத்தனையோ மணி விளக்கு
தலைவா உன் காலடியில்
என் நம்பிக்கையின் ஒளி விளக்கு’ - என்ற பாடல் தமிழகம் முழுக்க எதிரொலித்தது.
மக்களின் நம்பிக்கை ஜெயிக்கும் என்பதை நிரூபிக்கும் வகையில் நோயில் இருந்து புரட்சித்தலைவர் எழுந்துவந்த காரணத்தால், தமிழகத்தில் ஆன்மிகம் மீண்டும் புதிய எழுச்சி கண்டது.
’நாடோடி மன்னன்’ படத்தில், ’வேலை செய்ய முடியாத வயோதிகர்கள், கூன், குருடு, முடம் போன்றவர்களின் வாழ்வுக்காகவும் வேலை இல்லாத் திண்டாட்டத்தை ஒழிக்க தொழில் நிலையங்கள் அமைக்கவும், பள்ளிகள் கட்டுவதற்காகவும் என்னுடைய சொந்த சொத்தில் பாதியை அளிக்கிறேன் என்று சொன்னதுபோலவே தன்னுடைய சொத்துக்களை அனாதை ஆசிரமத்துக்கும் உயில் எழுதி வைத்தார்.
கொடுத்து சிவந்த கரம்
நடிகர், முதல்வர் என்பதைவிட, புரட்சித்தலைவர் என்றாலே ஞாபகத்துக்கு வருவது, அவரது வள்ளல் தன்மைதான்.
’இருந்தாலும் மறைந்தாலும் பேர் சொல்ல வேண்டும்
இவர் போல யார் என்று ஊர் சொல்ல வேண்டும்’ – என்று ‘பணம் படைத்தவன்’ படத்தில் பாடியது போலவே தன்னுடைய வாழ்க்கையை அமைத்துக் கொண்டவர்.
கண்டியில் பிறந்த எம்.ஜி.ஆர். தமிழகத்தின் கும்பகோணத்திற்கு வந்து வயிற்றுப் பிழைப்புக்காக நடிக்கத் தொடங்கிய காலத்திலேயே, சக கலைஞர்களுக்கு உதவி செய்யத் தொடங்கினார். கொடைத்தன்மை அவரது ரத்தத்திலே ஊறிப்போயிருந்தது.
இடது கை கொடுப்பது, வலது கைக்கு தெரியக்கூடாது என்று நினைக்கக் கூடியவர். அதேபோன்று நேரம், இடம் பார்க்காமல் மனதிற்குத் தோன்றியதும் அள்ளிக் கொடுப்பவர். அதனால்தான், ‘அடுப்பில் உலை வைத்துவிட்டு எம்.ஜி.ஆர். வீட்டுக்கு நம்பிக்கையுடன் செல்லலாம். உலை கொதிக்கும் முன்பு உதவி கிடைத்துவிடும்’ என்று பேசினார்கள். அது உண்மையும்தான்.
புரட்சித் தலைவரின் வள்ளல் தன்மைக்கு எத்தனையோ சான்றுகளை சொல்லமுடியும். அவை எல்லாவற்றையும் அடுக்குவதைவிட, 1961ம் ஆண்டு ரிக்ஷா தொழிலாளர்களுக்கு புரட்சித்தலைவர் மழைக்கோட்டு வழங்கும் விழாவில் பேரறிஞர் அண்ணா பேசியது மட்டுமே போதுமானது.
‘புயல் மழையால் – சேதம் வரும் இடங்களில் எல்லாம், எங்கள் புரட்சி நடிகர் உதவியினைக் காணலாம். தன்னைத் தேடி வருகிறவரின் கண்ணீரைத் துடைக்கிறவன் வள்ளல். தன்னைத் தேடி வருகிறவரின் துன்பத்தைப் போக்குகிறவன் வள்ளல். ஆனால், புரட்சி நடிகர் எம்.ஜி.ஆர். அப்படியல்ல, சமுதாயத்தில் துன்பப்படுபவன் எங்கே இருக்கிறான் என்று தேடிப் போய், அவன் கண்ணீரைத் துடைத்துக் கைகொடுக்கிற எம்.ஜி.ஆர். வள்ளலுக்கெல்லாம் வள்ளல்’ என்று பாராட்டினார் பேரறிஞர் அண்ணா.
இப்படியொரு தனிமனிதப் பண்பு, கலைத்திறன், நிர்வாகத்திறன், ஏழைகளிடம் கனிவு, ஊழல் இல்லாத மக்களாட்சி, தனக்கென சொத்து சேர்க்காத குணம், வள்ளல் தன்மை, அறம் சார்ந்த வாழ்க்கை, உழைத்து சம்பாதித்த சொத்தை மக்களுக்கு எழுதிக் கொடுத்தது போன்ற அரிய பண்புகளை ஒரு சாதாரண மனிதனிடம் காண இயலாது என்பதால்தான், புரட்சித் தலைவரை அவதார புருஷர் என்கிறேன்.
காவிய வள்ளல் கர்ணன், கடையெழு வள்ளல்கள் போன்று காலத்தை வென்ற கலியுக வள்ளல் புரட்சித் தலைவர் எனும் அவதார புருஷர் அவதரித்த தினம் இன்று.
திருக்குறள் முக்காலத்துக்கும் ஏற்ற நூலாக எப்படி திகழ்கிறதோ, அதுபோன்று புரட்சித் தலைவரின் புகழ் எக்காலமும் இம்மண்ணில் வாழும்..........
-
புரட்சித்தலைவர்
மன்னாதி மன்னன்
பொன்மனச்செம்மல் எம்.ஜி.ஆர்.
அவர்களின் ஆசியுடன் நண்பர்கள் அனைவருக்கும் இனிய வியாழக்கிழமை
காலை வணக்கம்...
புரட்சி தலைவர் எம்ஜிஆர் நடித்த படங்களில் இருந்து ஒவ்வொரு நாளும் ஒவ்வொரு காவியங்களை பற்றிய தகவல்களை பகிர்ந்து வரும் இந்த தொடர் பதிவில் இன்று புரட்சி தலைவர் நடித்த மெகா ஹிட் காவியமான தலைவரின் 40 வது திரைப்படமான
#"மகாதேவி" படம் பற்றி காண்போம்..
மகாதேவி 1957 ஆம் ஆண்டு சுந்தர் ராவ் நட்கர்னி இயக்கிய மற்றும் கவிஞர் கண்ணதாசன் கதை வசனம் எழுதிய திரைப்படம்.
இது ஆர். ஜி. கட்காரி எழுதிய
#புண்ய_பிரபாவ்_நாவலை அடிப்படையாகக் கொண்டது.
வெளி வந்த தேதி
22 நவம்பர் 1957
மகாதேவி சாளுக்கிய நாட்டு (சாவித்ரி) ஒ இளவரசி, அவரின் தந்தை ராஜா போரில் தோற்கடிக்கப்படுகிறார். அதற்கு சோழ நாட்டின் தளபதி வல்லவன் தலைமை தாங்குகிறார் இன்னொரு தளபதி கருணாகரனும் போர் புரிகிறார்..
கருணாகரன் சாளுக்கிய மன்னர் மற்றும் அவரது மகள் மகாதேவியை கைது செய்ய செல்லும் போது மகாதேவியின் அழகை கண்டு அவள் மீது காதல் கொண்டு அவளை மனைவியாக அடைய ஆசை கொள்கிறார் அதை மகாதேவி நிராகரித்து விடுகிறார்...
இதில் கோபம் கொண்ட கருணாகரன் அவர்களை சோழ நாட்டிற்கு கைது செய்து கொண்டு சென்று மன்னர் முன்பு போர் குற்றவாளியாக அரசவையில் நிற்க வைக்க படுகிறார்..
அங்கு நடைபெறும் விசாரணையில் மகாதேவி மற்றும் அவரின் தந்தை விடுவிக்க பட்டு சோழ மன்னன் தனது மரியாதைக்குரிய விருந்தினராக தங்குவதற்கு அழைக்கப்படுகிறார். சோழமன்னருக்கு வளர்ப்பு மகள் மங்கம்மா (எம். என். ராஜம்) மற்றும் ஒரு மகன் ('மாஸ்டர்' முரளி) உள்ளனர். அவரது மூத்த தளபதி கருணாகரன் (பி.எஸ். வீரப்பா) . மகாதேவியை அடைவதற்கு பல்வேறு தீய திட்டங்களைத் தீட்டுகிறான், ஆனால் இதற்கிடையில், மகாதேவி இன்னொரு தளபதி வல்லவனை (எம்.ஜி.ஆர்) காதலிக்கிறாள்...
மகாதேவியை சோழ நாட்டின் மருமகளாக வர வேண்டும் என்று சாளுக்கிய மன்னரை கேட்டு கொள்கிறார்.. அவரும் அதற்கு ஒப்பு கொள்ள வீரத்தில் சிறந்தவர் அவரை மணக்கலாம் என்று ஒரு போட்டி வைக்கின்றனர்..
அதில் யார் வேண்டுமானாலும் கலந்து கொள்ளலாம் என்று அறிவிக்கிறார் மன்னர் போட்டி போட பலர் கலந்து கொள்ள வருகின்றனர் ஆனால் கருணாகரன் வருவதால் அனைவரும் போட்டியில் இருந்து விலக்குகின்றனர் கருணாகரன் நண்பர் ஒருவரை தவிர இருவர் மட்டுமே போட்டி போட அதில் கருணாகரன் வெற்றி பெற்று விடுகின்றான்.. மகாதேவியை மனம் முடிக்க வேண்டும் என்று மன்னர் கூற அதை மகாதேவி ஏற்க மறுக்கிறார் வீரர்கள் நிறைந்த இந்த சோழ நாட்டில் ஒருவர் மட்டும் தான் வீரரா வேறு யாரும் இல்லையா என்றும் வேண்டும் என்றால் என்னுடன் போட்டி போட்டு வெற்றி பெற்று மாலை அணிவிக்கட்டும் என்று மன்னரிடம் கூறுகின்றாள்...
இதனால் வல்லவன் போட்டியில் கலந்து கொண்டு கருணாகரனை வெற்றி கொள்கிறார் மகாதேவி வல்லவனுக்கு திருமணம் என்று முடிவாகின்றது..
ஆனால் கருணாகரனால் மகாதேவியைமறக்க முடியவில்லை
கருணாகரன் தனது கையாளான மாரியப்பன் (சந்திரபாபு) உதவியுடன் மகாதேவியைக் கடத்த முயற்சிக்கிறான், ஆனால் அவன் தவறுதலாக மங்கம்மாவை(எம்.என். ராஜம்) கடத்திவந்து விடுகின்றான்... இந்த விஷயம் மன்னருக்கு தெரிந்த கோபம் கொண்ட கருணாகரனை கொல்ல வேண்டும் என்று கூறுகின்றார் அவரை சமாதானம் செய்து வல்லவன் மங்கம்மாவிற்கும் கருணாகரனுக்கும் திருமணம் செய்து வைக்க வேண்டும் என்று கூறி கருணாகரனை காப்பாற்றுகின்றார்... கருணாகரனும் தண்டனையில் இருந்து தப்பிக்க மங்கம்மாவை திருமணம் செய்து கொள்ள ஒப்பு கொண்டு அவளை திருமணம் செய்து கொள்கிறான். மகாதேவியும் வல்லவன் (எம்.ஜி.ஆர்) ஒரே நேரத்தில் திருமணம் செய்து கொள்கிறார்கள்.
வல்லவன், மகாதேவி தம்பதிகளுக்கு ஒரு மகனும், கருணாகரன் மங்கம்மாவிற்கு ஒரு பெண் குழந்தை பிறக்கின்றது...
இருந்தாலும் மகாதேவியை அடைய
தீவிரம் காட்டுகிறான் கருணாகரன்..
ஒருநாள் சூழ்ச்சி செய்து நாட்டில் விவசாய நிலங்களில் விலங்குகள் புகுந்து நாசம் செய்வதாக தவறாக தகவல் தந்து மன்னரையும் தளபதி வல்லவனையும் அரண்மனையை விட்டு வெளியேற்றுகின்றான்..
இந்த நிலையில் இளவரசன்,மகாதேவி
அவளது குழந்தை மூவரும் நந்தவனத்தில் உணவு அருந்தும் போது பாம்பை வைத்து கடிக்க வைக்கிறான் பாம்பு கடித்து இளவரசன் மயக்க நிலைக்கு செல்கிறான் அங்கு வரும் கருணாகரன் இளவரசன் குடித்த பால் குடுவையில் விஷத்தை கலந்து விட்டு வைத்தியரை வைத்து இளவரசன் இறந்ததற்க்கு மகாதேவி கொடுத்த விஷம் உள்ள பால் என்றும் இளவரசனை கொன்று விட்டால் சோழ நாட்டின் வாரிசாக மகனை பெற்ற மகாதேவி மகனை அரசாள வைக்க தான் இளவரசனை கொன்று விட்டதாக குற்றம் சுமத்தி கைது செய்து சிறையில் அடைக்கின்றான்..
இதற்கிடையில் விலங்குகள் விளைநிலங்களை சேதபடுத்தியது பற்றி அறிந்து கொள்ள சென்ற வல்லவன் ஒவ்வொரு ஊராக சென்று பார்க்க அங்குள்ளவர்கள் அப்படி ஒன்றும் இல்லை என்று கூற வல்லவனுக்கு சந்தேகம் ஏற்படுகிறது.. தன் படைகளுக்கு மறுநாளே அரண்மனை திரும்ப வேண்டும் என்று உத்தரவு இட்டு உறங்க செல்கின்றார் அப்போது வல்லவனை கொள்ள கருணாகரன் அனுப்பிய ஆள் வல்லவனை கொல்ல முற்படும் போது வல்லவன் வந்தவனை அடையாளம் கண்டு கொள்ள இருவருக்கும் இடையே மோதல் ஏற்பட்ட அதில் வல்லவன் வெற்றி பெற்று கொல்ல வந்தவனை மன்னித்து விட அவன் வல்லவன் நற்குணத்தை கண்டு மன்னிப்பு கேட்டு கருணாகரன் செய்த சதிகள் பற்றி சொல்லி விடுகின்றான்
வல்லவன் அரண்மனை வந்து கருணாகரனிடம் அவன் செய்த சூழ்ச்சி பற்றி வாதிடுகின்றார் அந்த நேரத்தில் ஏற்படும் சண்டையில் கருணாகரனையும் அவன் ஆட்களையும் தாக்கி விட்டு இளவரசனின் உடலையும் தூக்கி கொண்டு தப்பித்து விடுகின்றார் பின்பு அவருக்கு நம்பிக்கையான வைத்தியரிடம் செல்ல அவர் காயம் அடைந்த வல்லவனுக்கு சிகிச்சை அளித்து மற்றும் இளவரசனுக்கு சிறிது உயிர் இருப்பதாகவும் கூறி அவனையும் காப்பாற்றுகின்றார்..
பிறகு மாறுவேடத்தில் இளவரசன் உயிருடன் உள்ளார் அவர் இறக்கவில்லை என்ற செய்தியை நாட்டு மக்களுக்கு தாயத்து விற்கும் விற்பனையாளராக சென்று செய்தியை தெரிவிக்க கருணாகரன் ஆட்கள் மூலம் அடையாளம் காணப்பட்டு கைது செய்ய பட்டு கருணாகரனின் ரகசிய இடத்திற்கு அழைத்து செல்லப்பட்டு சிறை வைக்க படுகிறார்..
மகாதேவி மீது கருணாகரன் கொண்டுள்ள காமம் பற்றியும் அதனால் தான் அவள் மீது பழி சுமத்தி சிறையில் அடைக்கப்பட்டார் என்பதை பற்றியும் பணிப்பெண் மூலம் அறிந்து கொள்கிறாள் மங்கம்மா இருந்தாலும் அவள் தன் கணவன் கருணாகரன் மீது கொண்டுள்ள காதலால் நம்ப மறுக்கின்றாள்.. ஆனால் கருணாகரன் தூக்கத்தில் மகாதேவி மீது கொண்டுள்ள ஆசை பற்றி உளறி விடுகின்றான் இதை மங்கம்மா கேட்டு அவனிடம் சண்டை போடுகிறாள்..
அவளையும் சிறையில் அடைத்து விடுகின்றான் கருணாகரன்..
இதன் பிறகு மங்கம்மா (எம்.என். ராஜம்), மகாதேவியை ஆதரிக்கிறார், கருணாகரனிடமிருந்து பாதுகாக்க
முயற்சி மேற்கொள்கிறார்..
ஆசைக்கு இணங்க மறுக்கும் மகாதேவியின் குழந்தையை கொல்ல
முற்படும் கருணாகரனின் திட்டங்களை அறிந்த மங்கம்மா, தனது குழந்தையை மஹாதேவி குழந்தைக்கு பதிலாக மாற்றி, தன்னுடைய குழந்தையை மாற்றி வைக்கிறாள்..
கருணாகரன் தனது சொந்த குழந்தையை கொன்று விடுகின்றான்...
பிறகு வல்லவனுக்கும் கருணாகரனுக்கும் நடக்கும் சண்டையில் கருணாகரன் மனைவி மங்கம்மாவும் பலத்த காயம் அடைகிறாள் தனது கணவனை கொல்ல வேண்டாம் என்று வல்லவனை கேட்கிறாள் மங்கம்மா... இறந்தது வல்லவன் குழந்தை அல்ல அது தன்னுடைய சொந்த குழந்தை தான் என்று உண்மையை உணரும்போது,
கருணாகரன் மனம் திருந்துகின்றான்
வல்லவனுக்கு மன்னித்து விடுகிறார்..
ஆனால் மங்கம்மா இறந்ததும் இதெல்லாம் தன்னால் தான் ஏற்பட்டது என்று சொல்லி தன் உயிரை மாய்த்து கொள்கிறான் கருணாகரன்...
ஜெனரல் வல்லவனாக
எம்.ஜி.ஆர்
மகாதேவியாக
சாவித்ரி
ஜெனரல் கருணாகரனாக
பி.எஸ்.வீரப்பா
இளவரசி மங்கம்மாவாக
எம். என். ராஜம்
மரியப்பனாக
ஜே. பி. சந்திரபாபு
வசந்தாவாக
டி.பி.முத்துலட்சுமி
தளபதியாக
ஓ. ஏ. கே. தேவர்
முத்துபுலவனாக
ஏ.கருணாநிதி
விஸ்வநாதன்-ராமமூர்த்தி இசையமைத்தனர்.
பாடல்
தஞ்சை என்.ராமையா தாஸ், பட்டுகோட்டை கல்யாணசுந்தரம், கவிஞர் கண்ணதாசன்,ஏ.மருதகாசி.
பட்டுக்கோட்டையார் எழுதிய
குறுக்கு வழியில் வாழ்வு தேடிடும் குருட்டு உலகமடா..
தாயத்து தாயத்து பாடல்கள் சாக வரம் பெற்ற கருத்து செறிந்த பாடல்கள்..
பி.எஸ். வீரப்பா கூறிய
"மணந்தால் மகாதேவி இல்லையேல் மரணதேவி" என்ற உரையாடல் மிகவும் பிரபலமானது. அது போல மங்கம்மா முதல் இரவில் அத்தான் என்று சொல்லும் போது உன் இந்த
"அத்தான் என்ற இந்த சத்தான வார்த்தையில் இந்த கருணாகரன் செத்தான் " என்று சொல்லும் வசனமும் இன்றும் விண்ணத்திர கைகள் தட்டும் என்றால் அது மிகையாகாது...
அன்புடன்
படப்பை
ஆர். டி. பாபு......... Skt...
-
நடிக* மன்னன் எம்.ஜி.ஆர்.திரைக்காவியங்கள் தனியார் தொலைக்காட்சிகளில்*
ஒளிபரப்பான பட்டியல் (01/03/21* முதல் 10/03/21* வரை )
-------------------------------------------------------------------------------------------------------------------------------
01/03/21 - சன் லைஃப் - காலை 11 மணி - நீதிக்கு தலை வணங்கு*
* * * * * * * *சித்திரம் -காலை 11 மணி /மாலை 6மணி - அபிமன்யு*
02/03/21-முரசு -மதியம் 12 மணி -/இரவு 7 மணி - அலிபாபாவும் 40 திருடர்களும்*
03/03/21-மெகா டிவி -அதிகாலை 1 மணி - குடியிருந்த கோயில்*
* * * * * * * *புதுயுகம் -பிற்பகல் 1.30 மணி - சங்கே முழங்கு*
* * * * * * * *சன் லைஃப் -பிற்பகல் 3 மணி - நான் ஏன் பிறந்தேன்*
4/03/21-வேந்தர் டிவி -காலை 10 மணி -தாயின் மடியில்*
* * * * * * * *-சன் லைஃப் -காலை 11 மணி - சந்திரோதயம்*
* * * * * * * *சன் லைஃப் --பிற்பகல் 3 மணி - எங்க வீட்டு பிள்ளை*
* * * * * * *ஷாலினி - இரவு* 9 மணி - தேர்த்திருவிழா*
* * * * * * * ராஜ் டிஜிட்டல் - இரவு 10 மணி - நல்ல நேரம்*
05/03/21-வேல் டிவி -காலை 10.30 மணி - ஆயிரத்தில் ஒருவன்*
* * * * * * * * சன் லைஃப் - காலை 11 மணி - ரிக் ஷாக் காரன்*
* * * * * * * *ஷாலினி - இரவு 9 மணி - தர்மம் தலை காக்கும்*
* * * * * * * மீனாட்சி - இரவு 9 மணி - நல்ல நேரம்*
* * * * * * *தமிழ் ப்ளஸ் -இரவு 10 மணி - ஆயிரத்தில் ஒருவன்*
06/03/21-முரசு மதியம் 12 மணி /இரவு 7 மணி - தாயின் மடியில்*
* * * * * * * ராஜ் டிஜிடல் -இரவு 7 மணி - பறக்கும் பாவை*
* * * * * * *மீனாட்சி - இரவு 9 மணி - வேட்டைக்காரன்*
* * * * * * *ஷாலினி -இரவு 10 மணி - தனிப்பிறவி*
07/03/21- மெகா டிவி -மதியம் 12 மணி - உரிமைக்குரல்*
* * * * * * * மெகா 24- பிற்பகல் 2.30 மணி - முகராசி*
* * * * * * *ஷாலினி - இரவு 10 மணி - வேட்டைக்காரன்*
* * * * * * *ராஜ் டிஜிட்டல் - இரவு 10.30 மணி - ரகசிய போலீஸ் 115
08/03/21- ராஜ் டிஜிட்டல் - பிற்பகல் 12.30 மணி - தாய் சொல்லை தட்டாதே*
* * * * * * * சன் லைஃப் - பிற்பகல் 3 மணி - புதிய பூமி*
09/03/21- சன் லைஃப்* காலை 11 மணி - குடியிருந்த கோயில்*
* * * * * * * *முரசு மதியம் 12 மணி /இரவு* 7 மணி - நல்ல நேரம்** * * **
* * * * * * * ராஜ் டிஜிட்டல் -பிற்பகல் 12.30 மணி - தாயை காத்த தனயன்*
* * * * * * *விஷ்ணு டிவி - பிற்பகல் 2 மணி - எங்க வீட்டு பிள்ளை*
10/3/21- சன் லைஃப் - இரவு 10 மணி - நம் நாடு*
* * * * * * *மெகா 24- பிற்பகல் 2.30 மணி - தாயின் மடியில்*
* * * * * * வேந்தர் டிவி - பிற்பகல் 1.30 மணி - நல்ல நேரம்*
* * * * * * புதுயுகம் - பிற்பகல் 1.30 மணி -வேட்டைக்காரன்*
* * * * * * வேந்தர் டிவி - இரவு 10.30 மணி -தாயின் மடியில்*
-
மக்கள் தலைவர் எம்.ஜி.ஆர். திரைப்படங்கள் மறு வெளியீடு தொடர்ச்சி* .........
(12/03/21 முதல் )
--------------------------------------------------------------------------------------------------------------------
கோவை சண்முகா - நினைத்ததை முடிப்பவன் - தினசரி 4 காட்சிகள்*
தூத்துக்குடி சத்யா - நம் நாடு - தினசரி 3 காட்சிகள்*
தகவல் உதவி : திரு.வி. ராஜா , நெல்லை .
-
“மறக்க முடியாத மாமனிதர் எம்.ஜி.ஆர்.!”
- என்.எஸ்.கே.நல்லதம்பி
*
எஸ்.பி.அண்ணாமலை
ஜனவரி 17ஆம் நாள் மக்கள் மனதில் என்றும் நிலைத்திருக்கும் புகழுடைய மக்கள் திலகத்தின் பிறந்த நாள். இந்நாளில் மக்கள் மனதில் நீங்காத இடம் பெற்ற மக்கள் திலகத்தின் இனிமையான நினைவுகளை பெருமையோடு பகிர்ந்து கொள்கிறார் கலைவாணரின் புதல்வர் என்.எஸ்.கே.நல்லதம்பி.
மக்கள் திலகத்திற்கு கலைவாணருக்கும் இடையே நெருங்கிய உறவு தமிழ் சினிமாவின் ஆரம்ப காலத்திலிருந்தே இருந்தது. 1935 ஆம் ஆண்டு காலகட்டத்தில் கோவை சென்ட்ரல் ஸ்டூடியோவில் தான் தமிழில் வெளிவந்த படங்கள் தயாராகின. அதில் பலவற்றை இயக்கியவர் எல்லிஸ் ஆர்.டங்கன்.
நாடக நடிகர்கள் தான் தமிழ் சினிமாவின் ஆரம்ப காலத்தில் நடிகர்களாக முக்கியத்துவம் பெற்றிருந்தனர். நடிகர்களுக்கான வீடுகள் ஸ்டூடியோ வளாகத்திலேயே இருந்தன. கலைவாணர், பி.யு.சின்னப்பா, டி.எஸ்.பாலையா, எம்.ஜி.ஆர். போன்ற கலைஞர்கள் தங்கியிருந்து படப்பிடிப்புகளில் பங்கேற்றனர்.
கலைவாணர் மீது ஈர்ப்பும் பாசமும் மக்கள் திலகத்திற்கு அந்த காலகட்டத்திலேயே உருவாகியது என்று குறிப்பிடலாம். கலைவாணரும் மதுரம் அம்மாவும் தங்களுடைய நகைச்சுவை நடிப்பாலும், சிந்தனைக்குரிய கருத்துக்களாலும், பாடல்களாலும் புகழ்பெறத் தொடங்கிய காலகட்டம் அது.
தன்னுடைய நண்பர், ஆலோசகர், வழிகாட்டி என்ற வகையில் மக்கள் திலகம் கலைவாணரிடம் பெருமதிப்பு கொண்டிருந்தார். “எனக்குப் பிரச்சனை வரும்போதெல்லாம் நான் தேடிச் சென்று ஆலோசனை பெற்றது கலைவாணர் இடம் தான்!” என்று மக்கள் திலகம் கூறியுள்ளார்.
கலைவாணரும் எம்.ஜி.ஆரால் பெரிதும் கவரப்பட்டார். கலைத்துறைக்கு அப்பாற்பட்டு இருவருக்குமிடையே இருந்த புரிதல் பல சந்தர்ப்பங்களில் வெளிப்பட்டது.
கலைவாணர் சினிமாவில் கூறும் கருத்துக்களும் பாடல் வரிகள் மற்றும் காட்சி அமைப்புகளும் மக்கள் மனதில் இடம் பெற்றிருப்பதைக் கூர்ந்து கவனித்த மக்கள் திலகம், “வெற்றி பெற்ற இந்த அணுகுமுறையைத் தம் வாழ்நாள் முழுவதும் திரைப்படங்களிலும் பொது வாழ்விலும் கடைப்பிடிப்பேன்” என்று குறிப்பிட்டுள்ளார்.
“நடிகர்களாகிய நமக்கு வரும் பணம் என்பது தமிழ்நாட்டு ரசிகர்களிடம் இருந்து வருவது. அது திரும்பவும் மக்களுக்கே சென்றடைய வேண்டும்” என்பது கலைவாணரின் கருத்து. அவர் கடைபிடித்த இந்தக் கொள்கை தன்னை வழிநடத்தியது என்று குறிப்பிட்டுள்ளார்.
1957 ஆம் ஆண்டில் கலைவாணர் மறைந்த பிறகு, அவரது குடும்பத்தினர் எங்கள் மீது மிகுந்த அக்கறை கொண்ட புரட்சித் தலைவர் எங்களுடைய கல்வி, திருமணம் என்று எல்லா நிலைகளிலும் இன்றியமையாத பங்காற்றினார்.
நான் பள்ளிப் படிப்பு முடித்து மைசூர் மாநிலத்தில் உள்ள மாண்டியாவில் பொரியியல் படிப்பதற்கு தேவையான கேபிடேஷன் பீஸ் ரூபாய் 3000 கட்டி என்னுடைய பொறியியல் கனவை நனவாக்கினார் பொன்மனச்செம்மல்.
1967 – ல் அவர் கொடுத்து உதவிய அந்தத் தொகை, தற்போது பல லட்சங்களுக்கு சமமாகும். அழியாத கல்விச் செல்வத்தை எனக்கு தந்தவர் வள்ளல் எம்.ஜி.ஆர்.
“செல்வம் நிலையானதல்ல. ஆனால், கல்வி நிலையானது!” என்று நான் கல்லூரிக்குச் செல்லும்போது வாழ்த்தியது இன்றளவும் மறக்க முடியாதது. எங்கள் குடும்பத்தின் மீது மக்கள் திலகம் காட்டிய பரிவு, பாசம் என்பது, காலம் கலைவாணர் குடும்பத்துக்கு அளித்த கொடை என்றே தோன்றுகிறது.
1976-ல் எனது திருமணமும் மக்கள் திலகத்தாலேயே நடத்தி வைக்கப்பட்டது. அப்போது வாழ்த்திப் பேசியபோது அவர் குறிப்பிட்டார், “மணமக்களாகிய உங்களை ‘அவர்களைப் போல இருங்கள்… இவர்களைப் போல இருங்கள்’ என்று வாழ்த்துவதை விட, நல்ல மனிதர்களாக வாழுங்கள் என்று வாழ்த்தவே விரும்புகிறேன். அதுவே வாழ்க்கையின் வெற்றிக்கான பாதையாகும்!” என்றார். அவருடைய வாழ்த்துரை என்றும் என் மனதில் உள்ளது.
நாகர்கோவிலில் கலைவாணர் கட்டிய மதுர வனம் இல்லம், 1959-ல் ஏலத்துக்கு வந்தது. அந்த வீட்டிற்கான பணத்தைக் கட்டி, வீட்டை எங்கள் குடும்பத்திற்கு மீட்டுத் தந்த வள்ளல் பொன்மனச்செம்மல்.
சென்னை வாலாஜா சாலையில் இருந்த பாலர் அரங்கம் கட்டடம் 1971-ல் புதுப்பிக்கப்பட்டது. அதில் முதல் நிகழ்ச்சியாக என்னுடைய சகோதரியின் திருமணத்தை நடத்தி வைத்தார் புரட்சித் தலைவர். திருமணத்தில் அவர் பேசும்போது, “இந்த அரங்கம் கலைவாணர் பெயர் தாங்கி பெருமை சேர்க்க வேண்டும்” என்று கோரிக்கை வைத்தார்.
தமிழக முதல்வராக இருந்த கலைஞர் அவர்களால் அப்போதே ‘கலைவாணர் அரங்கம்’ என்று பெயரிடப்பட்டது. புரட்சித் தலைவி அம்மா அவர்களால் மீண்டும் புதுப்பிக்கப்பட்டு, தற்போது புதுப்பொலிவுடன் திகழும் கலைவாணர் அரங்கம், காலம் முழுவதும் என் தந்தையாரின் பெயர் தாங்கி நினைவுச் சின்னமாகத் திகழ்வது எங்கள் குடும்பத்திற்கு பெருமை தரக்கூடியதாகும்.
மேலும் பெருமை தரக் கூடிய செயல், கலைவாணர் பிறந்த நாகர்கோவிலில் 1967-ல் மக்கள் திலகம் தன்னுடைய சொந்தச் செலவில் கலைவாணரின் முழு உருவச் சிலையை நிறுவியது புரட்சித் தலைவரின் பேருள்ளத்தைக் காட்டுகிறது.
ஏழைப்பங்காளனாக, வள்ளலாக, கருணையுள்ளம் கொண்டவரான பொன்மனச்செம்மல் எம்.ஜி.ஆர். அவர்களின் புகழ் என்றென்றும் மக்கள் மனதில் பசுமரத்தாணி போல் இடம் பெற்றிருக்கும்.
நன்றி: 27.01.2021 தேதியிட்ட குமுதம் இதழில் வெளிவந்த கட்டுரை....Png
-
புரட்சித்தலைவர் எம்.ஜி.ஆருக்கு விரால்மீன் குழம்பு பிடித்தமான உணவாம். இவரது வீட்டுக்குத் தேவையான மீன்களை சைதாப்பேட்டையைச் சேர்ந்த மீன் வியாபாரி ஒருவர்தான் அவரது வீட்டுக்குப் போய் கொடுத்து விட்டு வருவார்களாம். இன்றைக்கும் அந்த மீன் வியாபாரியின் குடும்பத்தினர் சைதாப்பேட்டையில் மீன் விற்பனைக் கடை நடத்தி வருகின்றனர். அவரது கடையில் புரட்சித்தலைவர் எம்.ஜி.ஆருடன் எடுத்துக்கொண்ட போட்டோவும் இருக்கிறது. கடைக்கு வரும் வாடிக்கையாளர்கள் அந்த புகைப்படத்தை ஆர்வத்துடன் பார்த்து அதைப் பற்றி கேட்டால் புரட்சித்தலைவர் உடனான நினைவுகளை ஆர்வத்துடன் கூறுகிறார் அந்த மீனவர். உணவளிக்கும் வள்ளல் முன்னாள் முதல்வர் எம்.ஜி.ஆர். விஷயத்தில் விருந்து என்பதில் ஒரு தனித்தன்மை காணப்படும். அவரது வீட்டுக்கு போகிறவர்கள் சாப்பிடாமல் வரமுடியாது. அவருடன் எந்த ஒரு விஷயத்தைப் பற்றிப் பேசுவதற்கு முன்பும் விருந்து கொடுப்பது அவர் பழக்கம். விரால் மீன்குழம்பு குறிப்பாக கேரளா பாணியில் சமைக்கப்பட்ட விரால் மீன் குழம்பு மற்றும் வஞ்சிரம் கருவாடு எம்.ஜி.ஆர் வீட்டு விருந்தில் நிச்சயம் இடம்பெறும் என்கின்றனர் அவரது வீட்டு உணவை ருசித்தவர்கள். எம்.ஜி.ஆருக்கு மீன் கொடுத்த வியாபாரி எம்.ஜி.ஆர். வீட்டு மீன் சமையலுக்கு தொடர்ந்து மீன்கள் அளித்து வந்த வியாபாரிக் குடும்பத்தைச் சேர்ந்தவர் என்.கே.சேகர் என்பவர் இன்றைக்கும் சைதாப்பேட்டையில் மீன் வியாபராம் செய்து வருகிறார். இவரது கடையின் மிகப்பெரிய கவர்ச்சி அங்கு மாட்டப்பட்டுள்ள எம்.ஜி.ஆர். படம் என்கிறார் வாடிக்கையாளர் ஒருவர். அந்தப் புகைப்படத்தில் சேகரின் தந்தையார், கண்ணன் மற்றும் தாயார் ஆகியோர் எம்.ஜி.ஆருடன் இருக்கின்றனர். எம்.ஜி.ஆருக்கு பிடித்த மீன் எம்.ஜி.ஆர் உடன் தனது குடும்பத்தினருக்கு ஏற்பட்ட நட்பு, பாசம் பற்றி நினைவு கூறும் சேகர், இப்போது மீன் கடையை சகோதரி தனமுடன் சேர்ந்து நடத்தி வருகிறார். "நாங்கள் எம்.ஜி.ஆர்-க்கு 1967ஆம் ஆண்டு முதல் மீன்கள் சப்ளை செய்து வந்தோம். நான் விரால் மீன் எடுத்துச் சென்று அவருக்காக அதனை சுத்தம் செய்து கொடுப்பேன். தேர்தலில் போட்டியிட வாய்ப்பு "என்னுடைய தந்தையை எம்.ஜி.ஆருக்கு மிகவும் பிடிக்கும் என்கிறார். 1977 சட்டப்பேரவைத் தேர்தல்களில் என் தந்தையை சைதாப்பேட்டை தொகுதிக்கு நிறுத்தினார். எம்.ஜி.ஆர். ஆட்சியைப் பிடித்தாலும் என் தந்தை 3000 வாக்குகள் வித்தியாசத்தில் தோல்வி தழுவினார்". சகோதரியின் திருமண செலவு தேர்தலில் போட்டியிடுவதற்காக வீட்டைத் தன் தந்தை அடமானம் வைத்திருந்தபோது எம்.ஜி.ஆர் மீட்டுக் கொடுத்துள்ளார். அதேபோல் சகோதரி பாக்கியலட்சுமியின் திருமண செலவுகளை எம்.ஜி.ஆர் ஏற்றுக்கொண்டார். செவ்வாய்கிழமைகளில் சைவம் செவ்வாய்க்கிழமைகளில் புரட்சித்தலைவர் இறைச்சி உணவு எடுத்துக் கொள்ள மாட்டார்" என்று கூறிய சேகர் எம்.ஜி.ஆரை ‘பெரியப்பா' என்றுதான் அழைப்பாராம். பழைய மீன் குழம்பு முதல் நாள் சமைத்த மீன் குழம்பை மறுநாள் காலை உணவில் எடுத்துக்கொள்வதுதான் எம்.ஜி.ஆருக்குப் பிடிக்கும் என்று சேகரின் சகோதரி தனம் நினைவு கூர்ந்தார். அமெரிக்காவில் மருத்துவம் நான் இருதய நோயால் அவதிப்பட்டபோது அமெரிக்காவில் மருத்துவம் செய்து விடலாம் என்று எம்.ஜி.ஆர் உறுதியளித்தார். ஆனால் 1987ஆம் ஆண்டு எம்.ஜி.ஆர். மறைந்தார். அதாவது எங்கள் தந்தை இறந்து 11 நாட்களுக்குப் பிறகு எம்.ஜி.ஆர். மறைந்தார்" என்று கூறினார் தனம். பொங்கல் நாளில் சந்திப்பு எம்.ஜி.ஆர்-உடன் ஒவ்வொரு பொங்கலின் போதும் சந்திப்பு மேற்கொண்டு புகைப்படங்கள் எடுத்துக் கொள்வோம். இன்றும் நல்லபடியாக மீன் விற்பனை செய்து வாழ்ந்து வருகிறோம், ஆனால் எம்.ஜி.ஆர். அவர்களின் நினைவுகளை மறக்கமுடியாது" என்று சேகர் கூறியுள்ளார்.
Read more at: https://tamil.oneindia.com/news/tami...19-208965.html..........
-
மறைந்த மக்கள் திலகம் எம்ஜிஆர் பற்றி பல கதைகள் நீங்கள் கேட்டிருப்பீர்கள்...
ஆனால்,அவரைப்பற்றி அதிகம் வெளியே தெரியாத ஒரு ரகசியம் இருக்கிறது. அவர் ஒரு சாப்பாட்டு ரசிகர்.தமிழகமெங்கும் தனக்குப் பிடித்த ஹோட்டல்கள் என்று ஒரு லிஸ்டே வைத்திருந்தார்.
நடிகராக இருந்தபோதும் முதல்வராக இருந்தபோதும் அந்த ஹோட்டல்களில் இருந்துதான் அவருக்கு உணவு வரவேண்டும்.அப்படி ஒரு உணவகத்தைத்தான் பற்றித்தான் உங்களுக்கு சொல்லப்போகிறோம்.
எம்.ஜி.ஆர் சேலம் மாடர்ன் தியேட்டர்ஸ் படங்களில் நடித்த காலத்தில் அவருக்குப் பிடித்த ஹோட்டல் அது. சேலம் ஆத்தூரை அடுத்த நரசிங்கபுரத்தில் இருக்கும் சின்னஞ்சிறிய உணவகம் அது.அந்த ஹோட்டலை இப்போது காந்தி என்கிற இளைஞர் நடத்திக்கொண்டு இருக்கிறார்.அவருடைய தந்தை பழனிச்சாமி துவங்கிய ஹோட்டல் இது.
mgr
ஏதோ ஒரு முறை கடந்து போகிற வழியில் இங்கே டீ குடித்த எம்.ஜி.ஆருக்கு அதன் சுவை பிடித்துப்போக,அதற்காகவே அந்த உணவகம் வழியாகப் போவாராம் எம்.ஜி.ஆர்! அப்படி அவர் அடிக்கடி வந்து போனதால் உள்ளூர் மக்கள் பெயர்பலகைகூட இல்லாத அந்த ஹோட்டலை ‘அட,எம்.ஜி.யார் கோட வந்து டீ குடிப்பாரல்லோ,அந்த ஓடலு.’ ‘அந்த ஆலமரம் இருக்குதல்லோ அவத்தால போங்க எம்.ஜி.ஆர் ஓட்டலிருக்குதுங்’ என்றும் ஊர் மக்கள் சொல்லிச் சொல்லிதான் அந்த ஹோட்டலுக்கு இந்த பெயரே வந்தது.
காந்திக்கே இதெல்லாம் செவிவழிச் செய்திதான்.ஆனால் அரை நூற்றாண்டு கடந்தும் அன்று எம்ஜியாரை அசத்திய சுவையை அப்படியே தக்கவைத்து இருக்கிறார்கள்.பதினைந்துக்கு இருபது சைஸில் ஒரு குட்டி ஹால்தான் அது.சுவற்றை ஒட்டி ஒரு பெஞ்ச் போட்டு எதிரில் டேபிள் போட்டிருக்கிறார்கள். காலை ஏழுமணிக்கெல்லாம் உணவகம் களைகட்டி விடுகிறது.
mgr
எங்கும் கிடைக்கும் இட்லி தோசைதான் இங்கும் தருகிறார்கள்.ஆனால் அதற்கு கிடைக்கும் சைட் டிஷ்தான் ஆச்சரியம்.அந்த காலை நேரத்திலேயே சுடச்சுட ரத்தப்பொரியல்,குடல் குழம்பு, தலைக்கறி ,சிக்கன் என்று விதவிதமான நான்வெஜ் வெரைட்டிகள் அணிவகுக்கின்றன.
உங்களால் இதில் ஒரே ஒரு சைட்டிஷோடு போதும் என்று சொல்லிவிட முடியாது,அத்தனை சுவை.இது காலை நேரத்து கதை,மதிய உணவு இன்னும் சிறப்பானது .அப்போது ஆடு கோழியுடன் மீன்களும் சேர்ந்து கொள்ளும்.எல்லா குழம்பு வகைகளும் வீட்டில் உள்ள பெண்களால் தயாரிக்கப் படுபவை.அவர்கள் கடைகளில் விற்கும் எந்த பிராண்டட் மசாலாப் பொடிகளையும் வாங்குவதில்லை.வாரச்சந்தைக்கு போய் மிளகாய்,மல்லி,மஞ்சள்,மிளகு,சீரகம் முதல் அவர்களே தேடித்தேடி வாங்குகிறார்கள்.அதை வறுத்து பொடித்து தங்களுக்குத் தேவையான மசாலாக்களை தாங்களே தயாரித்துக் கொள்கிறார்கள்.
நம் முன்னோர்கள் எந்த காயை,அல்லது கறியை என்ன பக்குவத்தில் சாப்பிட்டார்களோ அதே பக்குவத்தில் அதே சுவையுடன் தருகிறார்கள் இந்த எம்ஜிஆர் ஹோட்டலில்.அடுத்த முறை சேலம் போனால் ஊரை நெருங்கும் முன்பே நரசிங்கபுரம் போய் இந்த உணவகத்தில் ஒருமுறை ருசித்து பாருங்கள்.அப்புறம் விடவே மாட்டீர்கள்.
கடைசியா ஒரு தகவல்;ராமாவரம் தோட்டத்தில் பணம் வாங்க மாட்டார்கள். இங்கே கொடுத்துதான் ஆகவேண்டும்.ஆனால்,நம்ப முடியாத விலையில் கொடுக்கிறது இன்னொரு ஆச்சரியம்..........DRN
-
அபாரமான இசை ஞானம் உள்ளவர் எம்.ஜி.ஆர்.!.
இசையமைப்பாளர்களுக்கே சொல்லித் தரும் அளவுக்கு இசையில் புலமை உண்டு. மெல்லிசை மட்டுமின்றி கர்னாடக இசையிலும் அவருக்கு சிறந்த ஞானம் உண்டு.
‘நவரத்தினம்’ படத்தில் கர்னாடக இசையின் பெருமையை உணர்த்தும் வகையில் ஒரு பாடல் உண்டு. மேற்கத்திய, இந்துஸ்தானி, கர்னாடக இசை எல்லாம் கலந்து அந்தப் பாடல் இருக்கும். எம்.ஜி.ஆருக்காக பாலமுரளி கிருஷ்ணா பாடியிருப்பார். படத்தின் இசையமைப்பாளர் பிரபல வயலின் இசைக் கலைஞர் மறைந்த குன்னக்குடி வைத்தியநாதன். கர்னாடக இசையின் சிறப்பை விளக்கும் அந்தப் பாடல் படத்தில் இடம்பெற வேண்டும் என்று ஆசைப்பட்டதே எம்.ஜி.ஆர்தான்!
பெங்களூரில் படப்பிடிப்பு நடந்தபோது குன்னக்குடி வைத்தியநாதனிடம், ‘‘மற்ற சங்கீதங்களுக்கு எல்லாம் அடிப்படையே நமது பாரம்பரியமான கர்னாடக இசைதான் என்பதை விளக்கும் வகையில் பாடல் அமைய வேண்டும்” என்று எம்.ஜி.ஆர். கூறியிருக்கிறார். ‘‘புகழ் பெற்ற ஆங்கில இசைப் பாடலுக்குத் தகுந்த அல்லது அதோடு ஒத்திருக்கும் வகையில் ஒரு கீர்த்தனையை ஒப்பிட்டு காட்டினால் கர்னாடக சங்கீதத்தின் மதிப்பு புரியும்’’ என்றும் சொல்லியிருக்கிறார்.
‘ஒருதாய் மக்கள்’ படத்தில் எம்.ஜி.ஆர்.
இவை கூட பெரிதல்ல, ஒரு ஆலோசனைதான். அடுத்து எம்.ஜி.ஆர். கூறியவை குன்னக்குடியை வியப்பின் உச்சிக்கே கொண்டு சென்றது. ‘மை ஃபேர் லேடி’, ‘சவுண்ட் ஆஃப் மியூசிக்’ ஆகிய ஆங்கிலப் படங்களில் இருந்து புகழ் பெற்ற பாடகர்கள் பாடிய பாடல்களைக் கூறி, அவற்றோடு ஒத்துப்போகும் தெலுங்கு கீர்த்தனைகளையும் எம்.ஜி.ஆரே சொல்லியிருக்கிறார். அவரது இசையறிவைப் பார்த்து பிரமித்துப் போய்விட்டார் குன்னக்குடி வைத்திய நாதன். எம்.ஜி.ஆர். கூறிய பாடல்களும் கீர்த்தனைகளுமே படத்தில் இடம் பெற்றன. மேலும், ‘ ‘ படத்தில் அந்தக் காட்சியில் மிகவும் இயல்பாக தேர்ந்த கலைஞ ரைப் போல எம்.ஜி.ஆர். வீணை வாசித்தார்” என்று குன்னக்குடி அளித்த பேட்டியில் பாராட்டினார்.
வீணை என்றில்லை, எம்.ஜி.ஆருக்கு இருந்த இசையறிவு காரணமாக ‘பணம் படைத்தவன்’ படத்தில் அகார்டியன், ‘கண்ணன் என் காதலன்’ படத்தில் பியானோ, ‘ஒருதாய் மக்கள்’ படத்தில் கிடார் என்று பல படங்களில் பல வாத்தியங்களை எம்.ஜி.ஆர். மிகவும் நுட்பமாக கையாண்டிருப்பார். ‘எங்கள் தங்கம்’ படத்தில் பாகவதரைப் போல வேடமிட்டு கதாகாலட்சேபமே செய்வார். பாடுவது போல நடிப்பதைவிட பாடகரின் பேச்சுக்கு வாயசைத்து நடிப்பது மிகவும் கடினம். இப்போது போல தொழில்நுட்பம் முன்னேறாத அந்தக் காலத்தில் கதாகாலட்சேப காட்சியில், டி.எம்.சவுந்தரராஜனின் பேச்சுக்கு எம்.ஜி.ஆரின் வாயசைப்பு இம்மியும் பிசகாது.
கர்னாடக இசை மீது கொண்டிருந்த ஈடுபாடு காரணமாக இசைக் கலைஞர்களை எம்.ஜி.ஆர். மிகவும் மதிப்பார். அவர்களுக்கு உரிய மரியாதை அளித்து கவுரவிப்பார். கர்னாடக இசையரசி எம்.எஸ்.சுப்புலட்சுமியின் பாட்டு எம்.ஜி.ஆருக்கு மிகவும் பிடிக்கும். முதல்வராக இருந்த போது ஒருமுறை எம்.எஸ். கச்சேரியை முழுவதும் இருந்து ரசித்து கேட்டார். பல கலைஞர்களின் கச்சேரிகளை எம்.ஜி.ஆர். இதுபோல கேட்டிருக்கிறார்.
‘மன்னாதி மன்னன்’ படத்தில் இடம்பெற்ற ‘ஆடாத மனமும் உண்டோ?...’ பாடல் தேவகானமாய் ஒலிக் கும். கர்னாடக இசைப் பாடகி சுதா ரகுநாதனின் குருவும் நடிகை ஸ்ரீவித்யாவின் தாயாருமான மறைந்த இசை மேதை எம்.எல்.வசந்தகுமாரியும், டி.எம்.சவுந்தரராஜனும் பாடிய ‘லதாங்கி’ ராகத்தில் அமைந்த அற்புதமான பாடல். ஒரு இடத்தில் தனக்கு முன்னே அரைவட்டமாக சுற்றி வைக்கப்பட்டிருக்கும் ‘தபேலா தரங்’கை சுருதிக்கு ஏற்ப எம்.ஜி.ஆர். வாசித்து, கடைசியில் வலது கையை மடக்கி இடது தோள் உயரத்துக்கு சிரித்தபடியே ஸ்டைலாக உயர்த்துவது கண்கொள்ளாக் காட்சி.
வயலின் இசைக் கலைஞர் லால்குடி ஜெயராமனுக்கு முதல்வர் எம்.ஜி.ஆர். விருது வழங்குகிறார்.
நாட்டியப் பேரொளி பத்மினியின் ஆடலுக்கு ஏற்ப, சிறிய வடிவில் இருக்கும் ஜால்ராவை (இதை ‘தாளம்’ என்று கூறுவார்கள்) எம்.ஜி.ஆர். பட்டும் படாமலும் தேவை யான ஒலி அளவுக்கேற்ப தேய்த்து வாசிக்கும் அழகே அழகு. இன் னொரு இடத்தில் ‘தபேலா தரங்’கை வாசித்துவிட்டு ஷாட்டை கட் செய்யா மல், ‘வாடாத மலர் போலும் விழிப் பார்வையில்…’ என்ற வரிகளை மிகச் சரியாக ‘டைமிங்’ தவறாமல் ஆரம்பித்து எம்.ஜி.ஆர். வாயசைப்பார்.
‘இதழ் கொஞ்சும் கனிய முதை மிஞ்சும் குரலில் குயில் அஞ்சும் உனைக் காணவே…’’ என்ற வரி களில் கடைசி எழுத்தான ‘வே’யின் நீட்சியாக வரும் ஏ..ஏ.. என்பதில் டி.எம்.எஸ். குரல் மேல் ஸ்தாயியிலும் கீழ் ஸ்தாயியிலும் ஒலிக்கும்போது அதற்கேற்றபடி, முகத்தை உயர்த்தியும் தாழ்த்தியும் பாடுவது போல எம்.ஜி.ஆர். நடிப்பது அற்புதம்! இந்தப் பாடலை இப்போது பார்த்தாலும் ஒரு விஷயத்தை கவனிக்கலாம். ‘லாங் ஷாட்’டில் காட்டும்போது எம்.ஜி.ஆரின் பாதம் தரையில் தாளமிடும். என்ன ஒரு ஈடுபாடு இருந்தால் இப்படி செய்திருப்பார் என்று நினைக்கும்போது பிரமிக்காமல் இருக்கவே முடியாது.
பாடலில்தான் இப்படி அருமையாக நடித்திருக்கிறார் என்றால், பாடல் காட்சி முடிந்த பின்னும் தனக்கே உரிய நுணுக்கமான நடிப்பை எம்.ஜி.ஆர். வெளிப்படுத்தியிருப்பார். நாமே கூட, காலையில் ஒரு பாடலைக் கேட்டு அது மனதில் பதிந்துவிட்டால் அன்று முழுவதும் அதையே முணுமுணுத்துக் கொண்டிருப்போம். இதை ஆங்கிலத்தில் ‘earworm’ என்று சொல்வார்கள். பாடல் காட்சி முடிந்த பின் அடுத்து வரும் காட்சியில் நடந்து வரும்போது, ‘ஆடாத மனமும் உண்டோ?...’ என்று சன்னமான குரலில் எம்.ஜி.ஆர். பாடிக்கொண்டே வருவார். பாடல் எப்படி தன்னை ஈர்த்துள்ளது என்பதை இதன் மூலம் காட்டியிருப்பார். படத்தில் மட்டுமல்ல; இசை ஞானத்திலும் மன்னாதி மன்னன் எம்.ஜி.ஆர்.!
இந்தப் பாடலில் எம்.ஜி.ஆருக்கென்றே கவிஞர் மருதகாசியால் வார்த்தெடுக்கப்பட்ட வைர வரிகள் இவை:
‘நாடெங்கும் கொண்டாடும் புகழ் பாதையில்
வீர நடை போடும் திருமேனி தரும் போதையில்…’
‘ஈடேதும் இல்லாத கலைச் சேவையில்
தனி இடம் கொண்ட உமைக் கண்டும் இப்பூமியில்
ஆடாத மனமும் உண்டோ?....BSM...
-
மக்கள்திலகம்ரசிகன்....
படித்ததில் பிடித்தது
மக்கள்திலகத்தின்.உரிமைக்குரல் படத்தின் வெற்றியைப் பார்க்கும்போது ஒட்டு மொத்த மக்களும் திரண்டெழுந்து கொடுத்த வெற்றி அது.
இந்தப் படத்தின் வெற்றியைப் பற்றி பேசுவதற்கு முன்பாக அதன் கதை என்னவென்று பார்த்துவிடலாம்.ஸ்ரீதரின் வழக்கமான சிம்ப்பிள் கதை தான்.இதன் மூலம் ஆந்திரத்தில் இருந்தாலும் அதன் திரைக்கதை ஸ்ரீதரிடம் இருந்தது.அவர் அந்தக் கதையை சொன்ன விதத்தில் தான் படத்திற்கு ஒரு விறுவிறுப்புக் கிடைத்தது.அந்த விறுவிறுப்பு தான் படத்தை வெற்றிப் பாதைக்கு அழைத்துச் சென்றது.
பொன்மேடு கிராமத்து பஞ்சாயத்துப் பிரஸிடெண்ட் சுந்தரம் பிள்ளை தனது மனைவி குழந்தையோடு தனது தம்பியையும் இணைத்து வாழ்ந்துவருகிறார்.முன்னோர்கள் சொத்தான விவசாய நிலமும் ஒரு வீடும் அந்த சகோதரர்களுக்குச் சொந்தம்.அவரது அடுத்த வீட்டு நண்பர் சபாபதி தனது மனைவியோடும் வயது வந்த மகளான ராதாவோடும் வாழ்ந்து வருகிறார்.சிறு வயது முதலே கோபிக்கு ராதா தான் என பழகி வருகிறது இந்தக் குடும்பம்.அதனால் எந்தவித எதிர்ப்புமின்றி இந்த காதல் ஜோடி வலம் வர அந்த கிராமத்துப் பெரிய மனிதர் கோதண்டம் பிள்ளை மற்றும் அம்புஜத்தின் மகனான துரைசாமி ஒரு அடாவடிப் பேர்வழியாக கிராமத்தில் வலம் வருகிறார்.
கிராமத்தில் நின்று போன பள்ளிக் கட்டிடத்தைக் கட்ட ஊர்ப் பெரியவர்கள் நிதி திரட்ட பஞ்சாயத்து பிரஸிடெண்டான சுந்தரம் பிள்ளை அந்த நிதியை வங்கியில் கட்டப்போகும்போது துரைசாமி ஆட்களால் களவாடப்படுகிறது.ஏற்கனவே அம்புஜத்திடம் கடன் பெற்றிருந்த சுந்தரம் களவு போன இந்தப் பணத்திற்காகவும் சேர்த்து பதினெட்டாயிரம் ரூபாய் கடன்காரனாகிறார்.இந்தத் தொகைக்கு ஈடாக அண்ணனும் தம்பியும் தங்களது நிலக்களைப் பணயம் வைக்க ராதா மீது கண் வைத்த துரைசாமி இப்போது காய் நகர்த்த பணக்கார அம்புஜம் தனது மகனுக்காக சபாபதியிடம் பெண் கேட்க சொத்தை இழந்து நிற்கும் கோபியை மறந்து துரைசாமிக்கு தனது மகளை தர சம்மதிக்கிறார்.கோபியின் காதல் அந்தரத்தில் நிற்க துரைசாமி கனவு பலித்ததா?. காதல் ஜோடிகளின் கதி என்ன?. சுந்தரம் சபாபதி குடும்பம் என்னவானது?. என ஏகப்பட்ட கேள்விகளுக்கு விறுவிறுப்பாக விடை தந்தார் ஸ்ரீதர்.
இரு பெரும் ஆளுமைகள் இணைய இந்தப் படத்திற்கு ஏகப்பட்ட எதிர்பார்ப்பு.நாயகனாக எம்.ஜி.ஆர்.அவருக்கென்று ஒரு மாஸ்.இயக்குநர்களின் அடையாளமாக ஸ்ரீதர்.அவருக்கென்று ஒரு கூட்டம்.இருவரும் ஆற அமர உட்கார்ந்து செதுக்கிய படம் உரிமைக்குரல்.இருவரது இமேஜூம் கெடாமல் இருவருமே பார்த்துக்கொண்டதால் தான் இந்த வெற்றியைச் சுவைக்க முடிந்தது.ஸ்ரீதர் இதுவரை தான் கட்டிக்காத்து வந்த தனித் தன்மையை எம்.ஜி.ஆருக்காக விட்டுத் தந்தார்.அவர் இயக்கிய எந்த ஹீரோவையும் ஓப்பனிங்கில் இப்படிக் காட்டியதில்லை.
பொன் மேடு கிராமத்துப் பெண்ணொருத்தி ஆற்றில் நீரெடுக்க வருவதில் தொடங்குகிறது படம்.துரையின் ஆட்களால் அந்தப் பெண் கடத்தப்பட அவளது அலறல் கேட்டு இரண்டு கால்கள் ஓடி வர ஓடிய கால்கள் தாவிச் சென்று ரேக்ளாவில் ஏறித் துரத்த அந்த வண்டிக்குச் சொந்தக்காரர் யார் என்பதை ஸ்ரீதர் காட்டுவதற்கு முன்பே விசில் பறப்பதில் ஓப்பனிங் களைகட்டுகிறது.இந்த பரபரப்பை ஸ்ரீதர் இறுதிக் காட்சி வரை கொண்டு போனதில் தான் அவரது திறமை அடங்கியிருக்கிறது.
ஸ்ரீதர் இந்தப் படத்தை இரண்டாகப் பிரித்தார்.முதல் பகுதி முழுக்க முழுக்க இளைஞர்களுக்கானது.இரண்டாவது பகுதி ஒட்டு மொத்த ஆடியன்ஸூக்கானது.இரு பகுதிகளும் பட்டையைக் கிளப்ப படம் முடிந்து வெளியேறியவர்கள் திருப்தியாக வெளியேறினார்கள்.எந்தப் பக்கம் திரும்பினாலும் ஃப்ரேம் பை ஃப்ரேம் எம்.ஜி.ஆரும் இருந்தார் ஸ்ரீதரும் இருந்தார்.
எம்.ஜி.ஆர். பேசும் முதல் வசனமே ஜாதிக்கு எதிராக இருந்தது.ஐயா நீங்க மேல் ஜாதி நானோ கீழ் ஜாதி எப்படிங்க என அமர மறுக்கும் அந்தப் பெண்ணிடம் அம்மா இந்த மேல் ஜாதி கீழ் ஜாதி எல்லாம் இந்தக் கேடுகெட்ட சமுதாயம் உருவாக்கி வெச்சது தான்.எனக்குத் தெரிஞ்சதெல்லாம் ஒரே ஜாதி.அது மனித ஜாதி தான்.யாருக்கும் வளையாத ஸ்ரீதரின் பேனா எம்.ஜி.ஆருக்காக வளைந்தது.அது மட்டுமல்ல படம் முழுவதும் எம்.ஜி.ஆர்.சொல்படி தான் அந்தப் பேனா ஆடியது.
இந்த மாதிரி அக்கிரமங்கள் எல்லாம் பல நாள் நீடிக்காது.அவங்கள நான் கவனிச்சுக்கறேன்.நீங்க பத்திரமா இருங்க.இந்த வசனங்கள் அந்தந்த பாத்திரங்களுக்கு ஏற்றார்போல் இருந்தன.
எடுத்த எடுப்பிலேயே டேய் துரைசாமி என்று அழைக்க நம்பியார் மட்டுமல்ல ஸ்ரீதரும் திகைத்தார்.ஸ்ரீதரை அழைத்து தன் விருப்பப்படி வசனங்களை எழுத வைக்க அந்த வசனம் இன்று கூட ஃபேமஸாக இருக்கக் காரணம் அவரது கடும் கோபம் தான்.
டேய் துரைசாமி எங்க பரம்பரைக்கே சோறு போட்டு வளர்த்த பூமி இது.மானம் மரியாதை உள்ள எவனும் தன் உயிர் போனாலும் தன் நிலத்தை மத்தவங்களுக்கு விட்டுக்கொடுக்க மாட்டான்.என் தாய் எனக்கு பாலூட்டி வளத்தாங்க.இந்த நிலத்தாய் எனக்கு சோறூட்டி வளர்க்கிறாங்கடா.இந்தத் தாயை விட்டுக் கொடுக்கிற அளவுக்கு நான் கோழையில்லடா.ஒரு பிடி மண்ணுக்காக எந்தத் தியாகத்தையும் செய்யும் பரம்பரையில வந்தவன்டா.நூறு என்ன ஆயிரம் லட்சம் பேரை கூட்டி வந்து படையெடுத்தாலும் இந்த மண்ணில இருந்து என்னைப் பிரிக்கமுடியாதுடா.என் ரத்தம் வடிஞ்சா இந்த மண்ணிலதான்டா கலக்கும்.என் உடல் கீழே விழுந்தா இந்த மண்ணைத்தான்டா அணைக்கும்.என் உயிர் போனாலும் இந்த மண்ணில தான்டா போகும்.ஆனா அந்த நேரத்தில நான் எழுப்பிற உரிமைக்குரல் இந்த மண்ணு மட்டுமல்ல எங்கெங்கே உழைக்கிறவன் இருக்கிறானோ எந்தெந்த மண்ணில் அவன் வியர்வைத் துளி விழுதோ அங்கெல்லாம் என் உரிமைக்குரல் ஒலிச்சிக்கிட்டுதான்டா இருக்கும்.அவர் பேசப் பேச புரிந்துகொண்ட அன்றைய ரசிகர்கள் போட்ட ஆரவாரத்தில் திரை அரங்குகளேஅதிர்ந்து உண்மை.
அவரது வாயிலிருந்து புறப்பட்ட வசனங்கள் அன்றைய அரசியல் அரங்கை மேலும் சூடேற்றியது.அதைத் தணிக்கும் விதமாக ஸ்ரீதர் ஊற்றிய தண்ணீர் தான் கோபியும் ராதாவும் அடித்த கொட்டங்கள்.மற்ற படங்களை விட இந்தக் கொட்டம் இந்தப் படத்தில் கொஞ்சம் அதிகமானது அதனால் தான்.ஸ்ரீதர் எங்கே தன் படம் ஒரு அரசியல் படமாக மாறிவிடுமோ என்ற பயத்தில் காதல் காட்சிகளை கிளுகிளுப்பாக்கினார்.அதற்குத் தகுந்தார் போல் வாலியும் தன் பங்கிற்கு கிளுகிளுப்பூட்ட படத்தின் முதல் பகுதி கொஞ்சம் ஓவராகத் தான் போனது.
முதல் சண்டை முடிந்த உடனே ஹாய் ஹாய் என ஒரு ஈவ் டீஸிங் கொடுத்தார் ஸ்ரீதர்.நேத்துப் பூத்தாளே ரோஜா மொட்டு பறிக்கக் கூடாதோ லேசாத் தொட்டு.தத்தித் தள்ளாடும் தங்கக் குடம் வந்து சேராதோ அந்தப்புறம்.டி.எம்.எஸ்.ஐயாவின் அலம்பரையை அப்படியே தந்தார் எம்.ஜி.ஆர்.மெல்லிசை மன்னரின் விளையாட்டை மிஞ்சி அவர் அந்தப் பெண்களிடம் விளையாடினார்.
இவர் இப்படி என்றால் அந்தப் பெண்களை இதை விட வம்பிழுத்தார்கள்.ஸ்ரீதரின் கற்பனை எம்.ஜி.ஆருக்காக குழி பறிக்க அந்தக் கண்டாங்கி சேலைகள் அவரை ஒருவழியாக்கின.மாட்டிக்கிட்டாரடி மயிலைக் காளை கட்டிப் போட்டதடி கண்டாங்கிச் சேலை தங்கம்தான்டி பொம்பளைண்ணு சிங்கம்தான்டி என ஈஸ்வரி குழு போட்டுத் தாக்க பின்னால் நின்று அடித்துத் தீர்த்தது எம்.எஸ்.வி.கம்பெடுத்து சண்டை போடும் வாத்தியாரு வீரத்தை எங்ககிட்ட காட்டினாரு.வாலியின் வார்த்தை விளையாட்டில் கடைசியில் வென்றதென்னவோ அந்த வாத்தியார் தான்.இரண்டே வரிகளுக்காக மெனக்கெட்டது கோவை சௌந்தரராஜன்.தங்கந்தான்டி ஆம்பளை சிங்கம்தான்டி என சேலையை உருவிப் போட்டு குதிரையில் பறந்தார் மக்கள் திலகம்.
பாடல் எல்லாம் முடிந்து பெண்கள் கிளம்ப எல்லாரும் இருங்க என்றார் எம்.ஜி.ஆர்.இந்தப் பாடல் காட்சி படமாக்கப்பட்டது மைசூரில்.படத்தின் டான்ஸ் மாஸ்டர் சலீம் இதற்காக நடனப் பெண்களை சென்னையில் இருந்து வரவழைத்திருந்தார்.நினைத்தபடி ஸ்ரீதர் படமாக்கிய திருப்தியில் ஓகே நீங்க கிளம்பலாம் என உத்தரவு தர...முற்றும்..
நன்றி...............Pdmn
-
புரட்சித்தலைவர் எம்ஜிஆரின் நம்பிக்கைக்குரிய நபர்களில் ஹண்டே முதன்மையானவர்.
எம்ஜிஆருடனான தனது அரசியல் பயணம் பற்றி உற்சாகத்துடன் ஹண்டேபகிர்ந்து கொண்டார்.
தமிழகத்தில் 1980 மே மாதம் சட்டமன்ற தேர்தல். 27, 31 என இரண்டு கட்டமாக நடக்கிறது. அண்ணா நகரில் கலைஞர் போட்டியிடுகிறார்.
எம்ஜிஆரிடம் இருந்து எனக்கு போன் வருகிறது.
“அண்ணா நகரில் கலைஞர் போட்டியிடுகிறார்…
நீங்கள் எதிர்த்து நின்றால் வெற்றி வாய்ப்பு எப்படி இருக்கும்?” என கேட்டார்.
“50:50” என்றேன். அதை 51 சதமாக்க முடியுமா என்றார். “நீங்கள் மனது வைத்தால் முடியும்” என்றேன். என்னை போட்டியிட ஆணையிட்டார் எம்ஜிஆர்.
கலைஞர் இல்லா சட்டசபை எனக்கெதுக்கு? எம்ஜிஆர்
இரண்டாவது கட்டத்தில் அதாவது (31.5.1980) தான் அண்ணா நகர் தொகுதிக்கு தேர்தல் நடக்கிறது. கலைஞர் நிற்பதால், முதலாவது கட்டத்தில் (21.5.1980) போட்டியிட்ட திமுகவின் மாவட்ட செயலாளர்கள், முக்கிய தலைவர்கள் அண்ணா நகரில் குவிந்தனர். எங்கு பார்த்தாலும் வெளி மாவட்டங்களிலிருந்து வந்த திமுவினர் தான்.
வாக்கு எண்ணப்படுகிறது. ஆயிரம் ஓட்டு வித்தியாசத்தில் முன்னிலையில் நான் இருக்கிறேன். பச்சையப்பன் கல்லூரியில் ஓட்டு எண்ணப்படுகிறது. திடீரென்று லைட் ஆப் செய்யப்படுகிறது. கடைசியில் 699 ஓட்டு வித்தியாசத்தில் கலைஞர் வெற்றி பெற்றார்.
எனக்கு எம்ஜிஆரிடமிருந்து போன் வருகிறது. கவலைப்பட வேண்டம் ஹண்டே. எனக்கு கலைஞர் சட்டமன்றத்துக்கு வரணும். அவருடன் சும்மா “பைட்” செய்வதற்காகத்தான் உங்களை நிறுத்தினேன்.
எதிர்க்கட்சி தலைவராக கலைஞர் இருந்தால் தான், சட்டசபை சோபிக்கும். அவர் இல்லாத சட்டசபை எனக்கு என்னதுக்கு… உங்களை நான் மந்திரியாக்குகிறேன். மகிழ்ச்சியாக இருங்கள் என்றார்.
ஜூன் 9ந் தேதி கலைவாணர் அரங்கத்தில் பதவியேற்பு விழா. நல்வாழ்வு துறை அமைச்சர் பதவிக்கு என் பெயரை அறிவித்தவுடன் பயங்கர கைத்தட்டல்..........vrh
-
புரட்சித்தலைவர்
மன்னாதி மன்னன்
பொன்மனச்செம்மல் எம்.ஜி.ஆர்.
ஆசியோடு நண்பர்கள் அனைவருக்கும்
இனிய சனிக்கிழமை காலை வணக்கம்..
புரட்சி தலைவர் நடித்த படங்கள் பற்றிய இந்த தொடர் பதிவில் இன்று நாம் காண போவது புரட்சி தலைவர் இயக்கி நடித்து மாபெரும் வெற்றி பெற்ற திரைக்காவியம் தான் "நாடோடி மன்னன்"...
இது புரட்சி தலைவர் எம்ஜிஆரின் 41வது திரைப்படமாகும்.. வாருங்கள் படத்தை பற்றி பல தகவல்கள் பற்றி காண்போம்...
ரத்னாபுரி என்ற நாட்டில் உள்ள மன்னர் இறந்த பிறகு அவரின் மருமகன் மார்த்தாண்டன் பெரும்பான்மையினரால் புதிய மன்னராக தேர்ந்தெடுக்கப்படுகிறார்.
இருப்பினும் இராஜ்ஜியத்தின் ராஜகுருவான விஜயவர்மன்
(பி. எஸ். வீரப்பா) மார்த்தாண்டத்தை கொன்று அவனது கைப்பாவையாக உள்ள பிங்கலனை அரசராக்கி தான் சொல்வது தான் அரசன் செய்ய வேண்டும் என்று திட்டமிடுகிறார். இதற்கிடையில் மறைந்த மன்னரின் விசுவாசமான மெய்க்காப்பாளர் வீரபாஹுவும், அவரது மகன் பூபதி மற்றும் மகள் மதானா ஆகியோர் மார்த்தாண்டத்தை ஒரு அரசராக பார்க்க விரும்பவில்லை.
ரத்னாபுரியின் மக்களின்
நிலைமையால் வருத்தப்படுகிறார்கள். மார்த்தாண்டத்தின் அனுமதி இல்லாமல் விஜயவர்மன் விதித்த வரிகளினால் ரத்னாபுரியில் உணவு பற்றாக்குறை மற்றும் அதிக வேலையின்மை ஆகியவை ஏற்படுகிறது. இதன் விளைவாக மார்த்தாண்டனின்ஒரே தோற்றத்தை ஒத்த வீரங்கன் தலைமையில், அவர் நண்பர் சகாயமின் ஆதரவோடு, மக்கள் ஆர்ப்பாட்டங்களில் ஈடுபடுகின்றனர். முடியாட்சியை கண்டித்து, ஜனநாயகத்தை கோரி அவர்கள் அரண்மனைக்கு அணிவகுக்கிறார்கள். வீரங்கனின் செயல்களுக்காக கைது செய்து அருகிலுள்ள நாகநாதபுரத்தில் சிறையில் அடைக்கப்படுகிறார். இதே குற்றச்சாட்டில் மதனாவும் அதே சிறையில் அடைக்கப்படுகிறார்.
மார்த்தாண்டத்தின் முடிச்சூட்டு விழாவை முன்னிட்டு கைதிகள் மன்னிக்கப்பட்டு விடுவிக்கப்படுகிறார்கள். அவர்கள் ரத்னபுரிக்கு ஒன்றாக பயணம் செய்கிறார்கள். அவர்கள் இருவரும் ஒரே இலட்சியங்களையும், புரட்சிகரமான எண்ணங்களையும் கொண்டு, இருப்பதால் ஒருவருக்கொருவர் காதலிக்கிறார்கள்.
இதற்கிடையில், மார்த்தாண்டம் மன்னராக பதவியேர்க்க ரத்னாபுரிக்கு வருகிறார். விஜயவர்மன் அவரை புறநகரில் தனிமைப்படுத்தப்பட்ட ஒரு அரண்மனையில் தங்கச் சொல்லி, முடிசூட்டு விழா நடக்கும் வரை அவர் தனது மனைவி மனோகாரியை சந்திக்கக் கூடாது என்று கூறுகிறார்,
ஏனெனில் தற்போதைய தருணம் மனைவியை சந்தித்தால் தீங்கு விளைவிக்கும் என்று அவர் கூறுகிறார்.
அதே சமயம் ரத்னாபுரியில் உள்ள ஒரு ஹோட்டலுக்குள் வீரங்கனும் சகாயமும் சாப்பிட செல்லும்போது விஜயவர்மனால் பணியமர்த்தப்பட்ட ஆட்கள் வீரங்கனை மார்த்தாண்டம் என்று தவறாக நினைக்கிறார்கள் அதனால் அவரை கொல்ல எண்ணுகிறார்கள். வீராங்கன் அரண்மனை காவலர்களால் துரத்தப்பட்டு, இறுதியில் மார்த்தாண்டத்தின் அறையில் நுழைகிறார்...
அப்போது தளபதியும் முதன்மை மந்திரியும் வீராங்கனை மன்னர் என்று எண்ணி அவரிடம் உரையாடுகின்றனர் அந்த நேரத்தில் மன்னர் மார்த்தாண்டமும் வர வீராங்கன் ஒருவருக்கொருவர் சந்திக்கிறார்கள் நண்பராக மாறி விடுகின்றனர்... ரத்னாபுரியில் மக்களின் பரிதாப நிலைமை பற்றி வீராங்கன் மார்த்தாண்டத்திடம் கூறுகிறார். மேலும் மார்த்தாண்டம் தான் பொறுப்பேற்றவுடன் எல்லாவற்றையும் சரி செய்வதாக ஒப்புக்கொள்கிறார்.
முடிசூட்டு விழாவுக்கு முன்னதாக, விஜயவர்மன் மார்த்தாண்டத்துக்கு விஷம் கொடுக்க ஏற்பாடு செய்கிறார். அரச ஆலோசகரான கார்மேகத்தின் உதவியுடன், அவர் தனது திட்டத்தை நிறைவேற்றுகிறார். நச்சுதன்மையுள்ள பானத்தை மார்த்தாண்டம் குடித்தபிறகு மயங்கினான். ஆனால் அவர் வீராங்கன் மற்றும் ரத்னாபுரியின் தளபதி மந்திரி ஆகியோரால் காப்பற்றப்படுகிறார். இருப்பினும் மார்த்தாண்டம் இன்னும் இரண்டு நாட்கள் மயக்க நிலையில் இருப்பார் என்று கூறி விட்டு சென்று விடுகிறார் .
தளபதியும், அமைச்சரரும் வீராங்கனை மார்த்தாண்டன் போல் இரண்டு நாட்கள் வரை நடிக்க வேண்டும் என்று கேட்டு கொள்கிறார்கள்.. இல்லை என்றால் ராஜகுருவின் திட்டப்படி பின்கலன் மன்னராக முடிசூட்டி கொள்வான் அதன் பின் நாடு மிகவும் மோசம் ஆகிவிடும் என்று கூறி சம்மதிக்க வற்புறுத்துகிறார்கள்.
தயக்கம் கட்டிய வீரங்கன், அரசின் நலனுக்காக அதை ஒப்புக்கொள்கிறார் மற்றும் முடிசூட்டும் நேரத்தில் வந்து மன்னராக முடிசூட்டி கொள்கிறார். வீராங்கன், மார்தாண்டமாக ரத்னாபுரியின் புதிய அரசராகிறார். விஜயவர்மன் மற்றும் பிங்கலன் இதனால் அதிர்ச்சியடைந்து, மர்த்தாண்டன் விசாரிக்க தனது ஆட்களை அனுப்புகிறார்கள். அவர்கள் மயக்க நிலையில் உள்ள மார்த்தாண்டத்தை கண்டுபிடித்து அவரை கடத்துகிறார்கள்.
மார்த்தாண்டம் திடீரென காணாமல் போனதால், ஆரம்பத்தில் பேரம் பேசியதை விட வீரங்கன் இப்போது ராஜாவின் இடத்தில் அதிக நாட்களை சோகமாக செலவழிக்கிறான். இந்த பின்னடைவு அவரை தடுக்க விடாமல் இருக்க, பல சீர்திருத்தங்களைத் தொடங்குவதன் மூலமும், ஏழைகளை மேம்படுத்துவதற்கு பல நடவடிக்கைகளைச் செய்வதன் மூலமும் நல்ல பயன்பாட்டுக்கான வாய்ப்பை அளிக்கிறார். இந்த நடவடிக்கைகள் மக்களால் ஆதரிக்கப்படுகின்றன, அதே நேரத்தில் உயரடுக்கினரிடையே அரசியல் எழுச்சியை ஏற்படுத்துகின்றன. இருப்பினும், அவர் மார்த்தண்டன் என்று நம்பும் மனோகரியை ஏமாற்றுவதால் அவர் சற்று கலங்குகிறார். அவளிடம் ரகசியத்தை வைத்திருக்க முடியாமல், உண்மையை சொல்கிறான். அவரது உன்னத குணத்தை உணர்ந்த மனோகரி அவரை தனது சகோதரராக ஏற்றுக்கொள்கிறார். பிங்கலனின் ஆட்களால் மதானா கொல்லப்படுகிறாள், துக்கமடைந்த வீரங்கன் அவளது மரணத்திற்குப் பழிவாங்க சபதம் செய்கிறான். முந்தைய ராஜாவின் மகள் ரத்னா மற்றும் ரத்னாபுரியின் சிம்மாசனத்தின் அசல் வாரிசான மார்த்தாண்டன் இருவரும் கடத்தப்பட்டு கன்னி தீவு என்ற தீவில் காவலில் வைக்கப்பட்டுள்ளனர் என்பதை அவர் வீரபாஹு மூலம் கண்டுபிடிக்கிறார். வீரங்கன் தீவுக்குச் சென்று ரத்னாவைக் காண்கிறான், அவள் அவனை காதலிக்கிறாள்.
தீவின் தலைவன் விஜயவர்மன் என்பதைக் கண்டுபிடிப்பதற்காக பிங்கலனும் கார்மேகமும் அங்கு வருகிறார்கள், ரத்னா பிறந்த பிறகு ரத்னாவைக் கடத்தியுள்ளார். விஜயவர்மன் ரத்னாவை திருமணம் செய்து கொள்ளவும், பிங்கலனிலிருந்து விடுபடவும், தன்னை ரத்னாபுரியின் ஆட்சியாளராக அறிவிக்கவும் திட்டமிட்டுள்ளார். ரத்னாவை திரும்ப அழைத்துச் சென்று திருமணம் செய்து தான் கொள்வதன் மூலம் தன்னை சட்டப்பூர்வமாக ராஜாவாக்க பிங்கலன் முடிவு செய்கிறார். ரத்னா அதை ஏற்கவில்லை. பிங்கலன் அவளை வலுக்கட்டாயமாக அழைத்துச் செல்கிறான். வீரங்கன் பிங்கலனின் பிடியிலிருந்து அவளைக் காப்பாற்றுகிறான்.
விஜயவர்மனால் பிடிக்கப்பட்டு சிறையில் இருந்த மார்த்தாண்டன் மற்றும் கார்மேகம் ஆகிய இருவரையும் விடுவிக்கிறார். மார்த்தாண்டன் மற்றும் வீரங்கன் இருவரும் விஜயவர்மனை தோற்கடிக்கின்றனர். வீரங்கன் ரத்னாவை மணக்கிறான், மார்த்தாண்டன் ரத்னாபுரி ஒரு ஜனநாயகம் என்று ஒரு பிரகடனத்தை வெளியிடுகிறார்.
மார்த்தாண்டன் & வீரங்கன் -எம்.ஜி.ராமச்சந்திரன்
விஜயவர்மன் (ரத்னாபுரியின் ராஜகுரு) -பி.எஸ்.வீரப்பா
பிங்கலன் -எம்.என்.நம்பியார்
கார்மேகம் -எம்.ஜி.சக்ரபாணி
பூபதி -டி.கே.பாலச்சந்திரன்
சகாயம் -ஜே.பி.சந்திரப்பாபு
வீரபாஹு -கே.ஆர்.ராம்சிங்
ரத்னாபுரியின் தளபதி -ஈ.ஆர்.சகாதேவன்
மதானா -பானுமதி ராமகிருஷ்ணா
மனோகரி -எம்.என்.ராஜம்
ரத்னா -பி.சரோஜா தேவி
நந்தினி -ஜி.சகுந்தலா
நாகம்மா -டி.பி.முத்துலட்சுமி
பாப்பா -கே.எஸ்.அங்கமுத்து
நாம் (1953) படம் வெளியான பிறகு, எம்.ஜி.ராமச்சந்திரன் மற்றும் அவரது சகோதரர் எம்.ஜி.சக்ரபாணி ஆகியோர் அதன் இணை தயாரிப்பாளர்களாகவும் பங்குதாரர்களாகவும் இருந்தனர், தங்கள் சொந்த தயாரிப்பு பதாகையின் கீழ் ஒரு திரைப்படத்தை உருவாக்க ஆர்வமாக இருந்தனர். எனவே, அவர்கள் எம்.ஜி.யார் புரொடக்ஷன்ஸை நிறுவி, எம்.கருணாநிதியை தங்கள் நிறுவனத்தின் முதல் படமான விடிவெள்ளி என்ற பெயரில் ஒரு ஸ்கிரிப்டை உருவாக்க நியமித்தனர். ஜூலை 1953 இல் கள்ளக்குடி போராட்டங்களில் பங்கேற்றதற்காக கருணாநிதி சிறையில் அடைக்கப்பட்ட பின்னர் படம் நிறுத்தப்பட்டது. ராமச்சந்திரனும் சக்ரபானியும் பின்னர் எம்.ஜி.யார் புரொடக்ஷன்ஸைக் கலைத்து, அதற்கு பதிலாக எம்.ஜி.யார் நாடகக் குழுவை நிறுவினர், ஆனால் ஒரு திரைப்படத்தைத் தயாரிக்கும் எண்ணம் ராமச்சந்திரனின் மனதில் இருந்தது. படத்தின் வளர்ச்சியை, ராமச்சந்திரன் நினைவு கூர்ந்தார்:
அந்த நாட்களில், வறுமை மற்றும் மக்களின் நிலைமை பற்றி நான் நினைத்தேன். 'சிந்தனை' என்று சொல்வதை விட, நான் அதை அனுபவித்தேன் என்று சொல்வது சரியானது. எப்போதாவது, இந்த பிரச்சினைகள் ஏன் உள்ளன என்று நான் நினைப்பேன். எனக்கு கிடைத்த பதில், 'இது வெளிநாட்டவரின் ஆட்சியின் காரணமாக இருந்தது.' ஆனால் வெளிநாட்டவரின் ஆட்சி என்றென்றும் இருக்கும் என்பதை நான் உணரவில்லை. எனவே, வெளிநாட்டவரின் ஆட்சி மறைந்தாலும், ஆட்சியாளர்கள் நல்ல மனதுடன் இருக்க வேண்டும். பின்னர், மக்கள் பயனடைவார்கள். அதனால்தான் நான் வாகபாண்ட் கதாபாத்திரத்தை உருவாக்கினேன். பின்னர், நான் ராஜாவின் நிலைமை பற்றி யோசித்தேன். இப்போது எங்களை ஆளுகிறவர்கள், எங்கள் கோத்திரத்தைச் சேர்ந்தவர்கள். அவர்கள் எங்களுடன் வாழ்கிறார்கள். ஆனால் அவர்களின் சிந்தனையும் திறமையும் வெளிநாட்டினரால் கட்டுப்படுத்தப்படுகின்றன. இவ்வாறு, நான் கற்பனை செய்தேன், அவர்கள் பொதுவானவர்களுடன் சேர்ந்தால் இது ராஜா பாத்திரத்தின் மையமாக இருந்தது.
கல்கத்தாவில் ரொனால்ட் கோல்மன் நடித்த ஃபிராங்க் லாயிட்டின் வரலாற்று நாடகமான இஃப் ஐ வேர் கிங் (1938) திரையிடலில் கலந்து கொண்டதிலிருந்து ராமச்சந்திரன் தனது சொந்த திரைப்படத்தை உருவாக்க வேண்டும் என்று கனவு கண்டார். அவர் மாயா மச்சிந்திராவில் (1939) ஒரு சிறிய பாத்திரத்தில் நடித்தபோது இது நிகழ்ந்தது. தனது அரசியல் கருத்துக்களையும் நலன்களையும் தமிழக மக்களுக்கு வெளிப்படுத்தும் ஒரு திரைப்படத்தை உருவாக்க அவர் விரும்பினார். இதற்காக, ஆர்.எம்.வீரப்பன், வி.லட்சுமணன் மற்றும் எஸ்.கே.டி.சாமி ஆகிய மூன்று பேர் கொண்ட குழுவை அவர் சேர்த்தார். கதையின் அவுட்லைன் குறித்து அவர் அவர்களுக்கு ஆலோசனைகளை வழங்கினார், மேலும் ஐ வேர் கிங் மற்றும் இன்னும் இரண்டு படங்களை பார்க்கும்படி கேட்டுக்கொண்டார்: மற்றொரு கோல்மன் படமான தி ப்ரிசனர் ஆஃப் ஜெண்டா (1937), மற்றும் எலியா கசானின் விவா ஜபாடா (1952). பல சிந்தனைகளுக்கு பிறகு, குழு மூன்று படங்களை அடிப்படையாகக் கொண்ட ஒரு கதையை கொண்டு வந்து நாடோடி மன்னன் என்ற தலைப்பில் முடிவு செய்தது.
நாடோடி மன்னன் 1.8 மில்லியன் டாலர் பட்ஜெட்டில் தயாரிக்கப்பட்டது, இது அந்த நேரத்தில் தயாரிக்கப்பட்ட சராசரி தமிழ் திரைப்படத்தை விட சுமார் இரண்டரை மடங்கு அதிக விலை என்று கருதப்பட்டது. முன் தயாரிப்பு மற்றும் நடிப்பிற்காக கிட்டத்தட்ட ஒரு வருடம் செலவிடப்பட்டது. கே.ராம்நோத் ஆரம்பத்தில் இந்த படத்தை இயக்குவதற்காக நியமிக்கப்பட்டார், ஆனால் தயாரிப்பு தொடங்குவதற்கு முன்பே இறந்தார், இதன் விளைவாக ராமச்சந்திரன் அதை தானே ஏற்றுக்கொண்டார், இதன் மூலம் அவர் இயக்குநராக அறிமுகமானார். இது ராமச்சந்திரன் தயாரித்த இரண்டாவது படம், மற்றும் எம்.ஜீ யார் பிக்சர்ஸ் தயாரிப்பு பதாகையின் கீழ் உருவான முதல் படம். இது ராமச்சந்திரன், சக்ரபாணி மற்றும் வீரப்பன் ஆகியோரால் கையாளப்பட்டது. கதையுடன் வீரப்பன், லட்சுமணன் மற்றும் சாமிக்கு உதவிய கண்ணதாசன் மற்றும் ரவீந்தர் உரையாடல்களை எழுதினர். சி.குப்புசாமி, கே.சீனிவாசன் மற்றும் பி.நீலகண்டன் ஆகிய மூவரும் திரைக்கதையை எழுதியுள்ளனர். ஜி.கே.ராமு, கே.நாகேஸ்வர் ராவ் மற்றும் ஆர்.என்.நாகராஜ ராவ் ஆகியோர் ஒளிப்பதிவு, கலை இயக்கம் மற்றும் ஸ்டில்களின் பொறுப்பில் இருந்தனர். கே.பி.ராமகிருஷ்ணன் மற்றும் அருணாச்சலம் ஆகியோர் ராமச்சந்திரனுக்கு ஸ்டண்ட் இரட்டையராக நடித்தனர்.
திரைப்பட வரலாற்றாசிரியர் ஃபிலிம் நியூஸ் ஆனந்தன், வீரப்பனின் அலுவலக மேசையில் நாடோடி மன்னனின் விளம்பர ஸ்டில்களை எம்.ஜி.யார் பிக்சர்ஸ் அலுவலகத்திற்குச் சென்றபோது கவனித்தார். பின்னர் அவற்றை பத்திரிகைகளுக்கு விநியோகிக்க முன்வந்தார். ஆனந்தன் அப்போது தென்னிந்திய திரைப்பட பத்திரிகையாளர்கள் சங்கத்தில் உறுப்பினராக இருந்தார் என்பதை அறிந்து வீரப்பன் ஒப்புக்கொண்டார். சில நாட்களுக்குப் பிறகு, படத்தின் ஸ்டில்கள் பல பத்திரிகைகளில் வெளியிடப்பட்டன. ராமச்சந்திரன் ஆனந்தனின் படைப்புகளில் ஈர்க்கப்பட்டார், வீரப்பனின் ஆலோசனையின் பேரில், அவரை படத்தின் மக்கள் தொடர்பு அதிகாரியாக பணியமர்த்தினார். பி.ஆர்.ஓ வாக ஆனந்தனின் முதல் படம் இது.
அலிபாபாவும் 40 திருடர்களும் (1956) படப்பிடிப்பின் போது, நாடோடி மன்னனின் விளம்பரம் தி ப்ரிசனர் ஆஃப் ஜெண்டாவின் தழுவல் என்று விவரிக்கப்பட்டது. இரண்டு நாட்களுக்குப் பிறகு, பி.எஸ்.ராமகிருஷ்ணா மற்றும் பானுமதி ராமகிருஷ்ணா இணைந்து நிறுவிய தயாரிப்பு நிறுவனமான பரணி பிக்சர்ஸ் ராவ் , தி ப்ரிசனர் ஆஃப் ஜெண்டாவைப் போன்ற ஒரு படத்திற்கான விளம்பரத்தை வெளியிட்டனர். ராமச்சந்திரனும் பானுமதியும் தங்கள் படங்கள் ஒத்தவை என்று கேள்விப்பட்டபோது, அவர்கள் தங்கள் படத்தின் கதைக்களத்தை மாற்ற ஒருவருக்கொருவர் சமாதானப்படுத்த முயன்றனர். பல விவாதங்களுக்குப் பிறகு, ராமச்சந்திரன் பானுமதியிடம், ஒரு சாமானியரின் பகுதி மட்டுமே ராஜாவிற்கு மாறியது என்று அசலில் வைத்திருப்பதாகவும், மீதமுள்ள படங்கள் வித்தியாசமாக இருக்கும் என்றும் கூறினார். அடுத்து என்ன செய்வது என்று அவர்கள் இருவரும் குழப்பத்தில் இருப்பதை ராமச்சந்திரன் ஏற்றுக்கொண்டார். சில நாட்களுக்குப் பிறகு, அறியப்படாத காரணங்களுக்காக, பரணி பிக்சர்ஸ் திட்டமிட்ட படம் நிறுத்தப்பட்டது. பானுமதி ராமச்சந்திரனுக்கு தகவல் கொடுத்து, தனது படத்துடன் முன்னேறலாம் என்று கூறினார். ஏ.கே.வேலன் தான் எழுதிய ஸ்கிரிப்டை ராமச்சந்திரனுக்கு வழங்கினார், மேலும் அதை நாடோடி மன்னனுக்கு பயன்படுத்தும்படி கேட்டார். ராமச்சந்திரன் அவரது தாராள மனப்பான்மைக்கு நன்றி தெரிவித்ததோடு, மதானா வேடத்தையும் அவருக்கு வழங்கினார். பானுமதி படத்தில் பணியாற்ற ஒப்புக்கொண்டார்.
எம்ஜிஆரின் திரைப்பட வாழ்க்கை ஏறு வரிசையில் நகரத் தொடங்கியிருந்தது. அவர் நடித்த படங்கள் மிகுந்த பொருட்செலவில் எடுக்கப்பட்டிருக்கும். அருமையான பாடல்கள், விறுவிறுப்பான திரைக்கதை, நல்ல நகைச்சுவை, எண்ணற்ற நடிகர்கள், நாகரிகமான கருத்துகள் என்று அவற்றின் உள்ளடக்கம் மக்களுக்குப் பிடிக்கத் தொடங்கிவிட்டது.
ஐந்தாறு ஆண்டுகளுக்குள் எம்ஜிஆரின் பட வணிகம் சூடு பிடித்தது. அந்த ஏற்றத்தைத் தக்கவைத்துக்கொள்ள மேலும் மேலும் பெரும்பொருட்செலவுப் படங்களில் அவர் நடித்தாக வேண்டிய தேவையும் ஏற்பட்டது. அந்நிலையில் கண்ணதாசன் கதை எழுதிய 'மகாதேவி' என்ற திரைப்படம் வெளியானது. மிகுந்த பொருட்செலவில் எடுக்கப்பட்ட அப்படம் சிறிய வெற்றியைத்தான் பெற்றது. இதற்கிடையில் ராஜா தேசிங்கு, விக்கிரமாதித்யன் ஆகிய படங்களும் கைக்கடங்காத பொருட்செலவில் தயாராகிக்கொண்டிருந்தன. எல்லாவற்றுக்கும் மேலாக எம்ஜிஆரே ஒரு பெரும்பொருட்செலவுப் படத்தைத் தயாரித்து இயக்கத் தொடங்கியிருந்தார். அப்படம்தான் நாடோடி மன்னன். அத்தறுவாயில் மேற்சொன்ன மூன்று படங்களுமே செலவு காரணமாக அரைகுறையாய்த் தொடர்ந்து இழுத்துக்கொண்டிருந்தன என்றால் மிகையில்லை.
எம்ஜிஆர் பிக்சர்ஸ் என்ற நிறுவனம் சக்கரபாணியையும் எம்ஜிஆரையும் பங்குதாரர்களாகக் கொண்ட நிறுவனம். அது பிற்பாடு எம்ஜிஆர் பிக்சர்ஸ் (பி) லிமிடெட் என்று மாற்றப்பட்டது. இதற்குப் பல்வேறு வருமான வரிக் காரணங்களும் இருந்தன. இவ்விரு நிறுவனத்திற்கும் ஆர் எம் வீரப்பனே நிர்வாகி. இரண்டாவது நிறுவனத்தில் வீரப்பனுக்குப் பத்துப் பங்குகளையும் கொடுத்திருந்தார். இதனால் நிறுவனத்தின் ஆவணங்களில் அவரும் கையெழுத்திடும் உரிமை பெறுகிறார். நாடோடி மன்னனுக்கு வேண்டிய பணத்திற்கான ஏற்பாடுகளை வீரப்பனே முழுமையாய்ச் செய்தார் என்று சொல்லலாம். பணத்திற்கான ஏற்பாடுகளைக் குறித்த எத்தகைய கவலையும் எம்ஜிஆருக்கு ஏற்படாதபடி அவர் பார்த்துக்கொண்டார். அதனால்தான் எம்ஜிஆரால் முழு மூச்சுடன் படவேலைகளில் ஈடுபட முடிந்தது.
நாடோடி மன்னனுக்குப் பல்வேறு வெளியீட்டு நாள்கள் அறிவிக்கப்பட்டன. அறிவிக்கப்பட்ட நாள்களில் அப்படத்தை வெளியிடவே முடியவில்லை. எதைப் பற்றியும் கவலைப்படாமல் தமக்குத் தோன்றியவாறெல்லாம் காட்சிகளை மாற்றி மாற்றி எடுத்துக்கொண்டிருந்தார் எம்ஜிஆர். வேறு படங்கள் அனைத்தையும் எம்ஜிஆர் ஒத்தி வைத்திருந்தார். அப்போது படச்சுருளுக்கும் கடுமையான தட்டுப்பாடு நிலவியது. ஒரு சுருளின் உண்மை விலை எழுபத்தைந்து உரூபாய் என்றாலும் அது கறுப்புச் சந்தையில் நானூற்றைம்பது வரை விற்பனையாயிற்றாம். இப்படிப் பல்வேறு முனைகளில் செலவு கூடிக்கொண்டே போனது. அதனால் படத்தயாரிப்புக்குப் போதிய பணத்தைப் புரட்டவே முடியவில்லை. படச்சேர்ப்பனை முறைகளில் பல்வேறு வணிக உத்திகளைக் கையாண்டு நிலைமையை ஓரளவுக்குச் சமாளித்தார் வீரப்பன். ஒரு கட்டத்திற்கு மேல் ஏவியெம் மெய்யப்பச் செட்டியாரிடமே சென்று கடன்வாங்க வேண்டிய சூழ்நிலை. நாடோடி மன்னனைப் போன்ற கதையமைப்பிலேயே அங்கே 'உத்தமபுத்திரன்' தயாராகிக்கொண்டிருந்தது. ஆனாலும், வீரப்பனால் தம் படத்திற்குப் பணம் கேட்க அங்கே செல்ல இயல்கிறது என்றால் அப்போது திரை வணிகத்தில் நிலவிய நலமான போக்கை எண்ணி வியக்கலாம். இன்று தமது படத்தைப் போன்றே ஒரு படம் உருவாகிறது என்றால் அதற்கு என்னென்ன முட்டுக்கட்டைகளைப் போட இயலுமோ அத்தனையையும் போடுவார்கள்.
தலைமைக் கணக்காளர் எம்.கே. சீனிவாசன் என்பவர் தலையசைத்தால் மட்டுமே மெய்யப்பன் பணம் கொடுப்பார். சீனிவாசனோ எம்ஜிஆரின் கையெழுத்து வேண்டுமென்கின்றார். படத்தயாரிப்பு நிறுவனத்தின் எல்லாக் கடிதங்களும் வீரப்பனின் கையொப்பத்திலேயே நடந்திருக்கின்றன என்று அவற்றை வீரப்பன் காண்பிக்க அவர் வீரப்பனின் மதிநுட்பத்தை வியந்து பாராட்டிவிட்டார். அப்போது வீரப்பனுக்கு வயது முப்பத்தொன்று. அடுத்த அறையில் இந்த உரையாடலைக் கேட்டுக்கொண்டிருந்த மெய்யப்பன் எழுந்து வந்தார். இளம் அகவையிலேயே இவ்வளவு மதிநுட்பத்தோடு தம் முதலாளிக்கு உண்மையாய் இருக்கும் அவரைப் பார்த்து மெய்யப்பன் பாராட்டினாராம். பிறகு ஏவியெம்மின் கடனுதவி பெறப்படுகிறது.
நாடோடி மன்னன் தயாரிப்பில் காலந்தாழ்ந்தபடியே போக, இதற்கிடையில் உத்தமபுத்திரன் வெளியாகிவிட்டது. எம்ஜிஆரும் வீரப்பனும் முதல்நாள் முதற்காட்சியே பார்த்தார்கள். படம் அருமையாக எடுக்கப்பட்டிருந்தது. ஆனால், செலவிட்ட தொகைக்கு நிகரான வரவேற்பு இருக்கவில்லை. இது எம்ஜிஆரைக் கவலை கொள்ளச் செய்துவிட்டது. தம் படத்திற்கும் அவ்வாறு நேர்ந்தால் என்ன செய்வது என்று முதன்முறையாக அஞ்சினார். அதனால் பிறத்தியாரின் ஆலோசனைகளை ஏற்கும் மனநிலைக்கு எம்ஜிஆர் வந்தார். நாடோடி மன்னனில் இரண்டு எம்ஜிஆர்களும் சண்டையிட்டுக் கொள்ளும் காட்சி எடுக்கப்படவிருந்தது. அக்காட்சிக்கு அளவிற் பெரிய அரண்மனை அரங்கு வேண்டும். குதிரையிலமர்ந்தபடி சண்டையிட்டவாறே படிகளில் ஏறி இறங்க வேண்டும். அது சரியாகவும் வராது, தேவையற்ற செலவும்கூட என்று வீரப்பன் கருதினார். ஆனால், எம்ஜிஆர் அக்காட்சியை எடுப்பதில் உறுதியாக இருந்தார். "எம்ஜிஆரும் எம்ஜிஆரும் சண்டையிட்டுக் கொள்வதைப் பார்வையாளர்கள் விரும்பமாட்டார்கள். எம்ஜிஆர் தீயவர்களோடு மோதுவதைத்தான் விரும்புவார்கள்..." என்று வீரப்பன் கூற அதை ஏற்றுக்கொண்டார். அதன்படி நம்பியாரோடு சண்டையிடும் காட்சியாக அது மாற்றப்பட்டது.
பட்டுக்கோட்டைக் கல்யாணசுந்தரத்தை எம்ஜிஆரிடம் அழைத்து வந்தவரும் வீரப்பன்தான். மூத்த இயக்குநர் கே. சுப்பிரமணியத்தின் அலுவலகத்திற்குச் சென்றிருந்தபோது அங்கே தரையிலமர்ந்து பட்டுக்கோட்டையார் ஒரு பாடலைப் பாடிக்காட்டிக் கொண்டிருந்தாராம். "வீரப்பா... இவரை நல்லாப் பார்த்துக்க... அருமையாகப் பாட்டெழுதுகிறார்," என்று அவர் அறிமுகப்படுத்தி வைத்தார். அங்கே பட்டுக்கோட்டையார் பாடிக்காட்டிய "காடு வெளஞ்சென்ன மச்சான்..." என்ற பாடல் வீரப்பனுக்குப் பிடித்துப் போயிற்று. அவரை அழைத்து வந்து எம்ஜிஆரிடம் அறிமுகப்படுத்தி வைக்க, அப்பாடல் நாடோடி மன்னனில் இடம் பெற்றது.
இப்படிப் பல்வேறு சிக்கல்கள் பிய்த்தல்களுக்கு நடுவே ஒருவழியாக 1958ஆம் ஆண்டு ஆகஸ்டுத் திங்கள் 22ஆம் நாள் நாடோடி மன்னன் வெளியானது. திரையிட்ட இடமெங்கும் கூட்டம் குவிந்தது. படம் வெற்றி பெற்றது. தமிழ்த் திரைப்பட வரலாற்றில் நாடோடி மன்னன் பெற்ற இடத்தை இன்னொரு படம் இதுகாறும் பெறவில்லை என்பதே உண்மை.
’...சொன்னாலும் புரிவதில்லை மண்ணாளும் வித்தைகள்...சாதிக்கமுடியாத சாதனைகளெல்லாம் சோகத்தால் துவண்டு போனவர்கள் செய்துமுடித்தவைதான் ..சிறைக்கு சென்றுமா உனக்கு புத்திவரவில்லை..இந்த வசனங்களெல்லாம் ஏ.ஆர்.முருகதாஸ் இயக்கத்தில் ரஜினி நடிப்பில் வெளிவந்த ‘தர்பார்’பட வசனங்களோ என்று கன்ஃபியூஸ் ஆகவேண்டாம்.கண்ணதாசனின் வசனத்தில் 1958ம் ஆண்டு வெளிவந்த எம்.ஜி.ஆரின்’நாடோடி மன்னன்’பட வசனங்கள்.
58 வது ஆண்டில் ஆகஸ்ட் 22ல் வெளியான ‘நாடோடி மன்னனை’எம்.ஜி.ஆரின் வாழ்வா சாவா படம் என்று சொல்லப்படுவதுண்டு. அதாவது படம் வென்றால் எம்.ஜி.ஆர்.மன்னன் தோற்றாக் நாடோடி என்று சொல்லுமளவுக்கு தனது அத்தனை உழைப்பையும், செல்வத்தையும் இப்படத்தில் கொட்டியிருந்தார் எம்.ஜி.ஆர்.திமுக கொடியை ஆணும் பெண்ணும் தாங்கும் இலச்சினையை கொண்டு எம்ஜிஆர் பிக்சர்ஸ் என ஆரம்பமாகும் படம், திராவிட இயக்க சிந்தனைகளை பட்டியெல்லாம் மக்களிடம் அதிகம் பேசிய மாபெரும் வெற்றித் திரைப்படம்..
இந்த படம் பேசாத விஷயமே கிடையாது.. புரட்சி, மன்னர் காலத்து அரண்மனை சூழ்ச்சிகள், மக்கள் ஆட்சி, ஆட்சி முறை, பட்ஜெட் தீண்டாமை கொடுமை என பெரிய பட்டியலே போடலாம் .கண்ணதாசன்-ரவீந்தர் கூட்டணி வசனம் தெறிக்கும்.
புரட்சியாளனாக வரும் வீராங்கன் பாத்திரம் அண்ணாவையும், வில்லன்கள் அத்தனைபேரும் காங்கிரஸ் பண்ணையார் பார்ட்டிகளாகவும் சித்தரிப்பார் எம்ஜிஆர் என்று இன்று படம் பார்த்தாலும் தோன்றும் வண்ணம் அத்தனை புதுமையாகத் திரைக்கதை அமைத்திருப்பார் எம்.ஜி.ஆர். விளம்பரங்களில் இப்போதுதான் அஜீத்தும் விஜயும் அடித்துக்கொள்கிறார்கள் என்று நினைக்கிறோம். அன்று 1958லும் இதே பஞ்சாயத்து இருந்திருக்கவே செய்கிறது. ...போலிகளுக்கு புத்தி புகட்டும் புள்ளி விபரங்கள்...இரண்டே வாரங்களில் தியேட்டர்களில் கண்டு களித்தவர்கள் விபரங்கள்...ஓஹோ என்று ஊர் முழுவதும் சொல்லுகிறார்கள். நல்லவர்களால் பாராட்டப்படும் படம்’... இத்தனையும் தனது அன்றைய சினிமா எதிரிகளுக்காக எம்ஜிஆர் போஸ்டரில் பொறித்திருக்கும் வாசகங்கள்..
தமிழ் சினிமாவின் ஒன்லி ஒன் சூப்பர் ஸ்டார் என்றால் அது மக்கள் திலகம் எம்.ஜி.ஆர் தான். புதிய படங்களே இரண்டாவது வாரத்தை கடக்க தவிக்கும்போது 60 வருடங்களுக்கு பிறகு மறு வெளியீடு செய்யப்பட்ட நாடோடி மன்னன் 25வது நாளை கடந்து சாதனை படைத்திருக்கிறது.
1958ஆம் ஆண்டு எம்.ஜி.ஆர் நடிப்பில் வெளியாகி மாபெரும் வெற்றி பெற்ற திரைப்படம் “நாடோடி மன்னன்”. அந்தக் காலகட்டத்தைப் பொறுத்த வரையில் வசூலில் இமாலய சாதனை செய்த திரைப்படமாக பார்க்கப்பட்ட இத்திரைப்படத்தை இயக்கியவரும் எம்.ஜி.ஆர் தான்.
இப்படத்திற்கான கதையை ஆர்.எம்.வீரப்பன், வி.லெட்சுமணன் மற்றும் எஸ்.கே.டி.சாமி ஆகியோரும்.. திரைக்கதையை சி.கருப்புசாமி, கே.ஸ்ரீனிவாசன் மற்றும் ப.நீலகண்டன் ஆகியோரும் இணைந்து எழுதினார்கள்.
எம்.ஜி.ஆருடன் பி.எஸ்.வீரப்பா, எம்.என்.நம்பியார், பானுமதி, சரோஜாதேவி மற்றும் எம்.என்.ராஜம் ஆகியோர் நடித்திருந்தார்கள். அப்போதைய காலகட்டத்திற்கு மிகப்பெரிய தொகையான ரூபாய் 1 கோடியே 80 லட்சம் பட்ஜெட்டில், எம்.ஜி.ஆர்.பிக்சர்ஸ் தயாரித்தது. இப்படம் எம்.ஜி.ஆருக்கு 11 கோடி வசூலைக் குவித்தது மட்டுமல்லாமல், அவரது அரசியல் எழுச்சிக்கும் மாபெரும் துணை புரிந்தது.
இவ்வளவு பெருமைகளை உள்ளடக்கிய இத்திரைப்படம் 60 ஆண்டுகளுக்குப் பிறகு, தற்போதைய காலகட்டத்திற்கு ஏற்ப டிஜிட்டல் தொழில்நுட்பத்தில் புதுப்பித்து வெளியிடப்பட்டது. எம்.ஜி.ஆர் ரசிகர்களின் ஆதரவோடு 25 நாட்களைக் கடந்து சாதனை படைத்திருக்கிறது.
இந்த மகிழ்ச்சியைக் கொண்டாடும் வகையில் சென்னை ஆல்பர்ட் திரையரங்கில் விழா நடத்தப்பட்டது. இந்த விழாவில் முன்னாள் சென்னை மாநகர மேயர் சைதை.துரைசாமி கலந்துகொண்டார். ஏராளமான எம்.ஜி.ஆர். ரசிகர்கள் கலந்துகொண்டார்கள்.
அன்புடன்
படப்பை
ஆர்.டி. பாபு.........skt
-
"நல்ல நேரம்" 1972 ன் பிளாக்பஸ்டர் திரைப்படம். "நல்ல நேர"த்தின் மகத்தான வெற்றியை மறைக்க அய்யனின் கைஸ்கள் ஒன்றிரண்டு ஊர்களில் வடக்கயிறு மற்றும் கிழி விளையாடல் நடத்தி ஓட்டிய "பட்டிக்காடா" வையும் "வ.மாளிகை"யையும் வைத்து லாலி பாடுகின்றனர்.
இதோ உங்களுக்காக தென்னகத்தின் நெல் விளையும் பூமியிலே வசூல் யாருக்கு அதிகம் வந்தது என்பதை பார்க்கலாம். "நல்ல நேரம்" 42 நாட்களில் பெற்ற வசூல்
ரூ 113476.91. அதே நேரம் அதே ஆண்டு நெல்லை பார்வதியில்
"பட்டிக்காடா பட்டணமா" 42 நாட்களில்
பெற்ற வசூல் ரூ 85617.10 ( அவர்கள் பெருமையாக கொடுத்த விளம்பரப்படி). மூக்கையனின் வீரம் இவ்வளவுதானா? இதை வைத்தா இவ்வளவு வீரம் காட்டினார்கள்.
சரி, "நல்ல நேரம்" 84 நாட்கள் வசூலை பார்க்கலாம். மொத்த வசூல் 84 நாட்களில் ரூ161711.35. அதேநேரம் "பட்டிக்காடா பட்டணமா" 100 நாட்கள்
வசூலை பார்க்கலாம். 100 நாட்களில்
"ப.பட்டணமா" வசூல் ரூ159982.65.
"நல்ல நேரம்" 84 நாட்களில் பெற்ற வசூலை 100 நாட்கள் வடக்கயிறு போட்டும் முறியடிக்க முடியவில்லை.
இதுதான் மூக்கையனின் நெல்லைச் சீமை வீரம்.
சரி, அதை விடுவோம். ஒரு சில ஊர்களில் 200 நாட்கள் வடக்கயிறு போட்ட "மாளிகை"யின் வடக்கயிறை அகற்ற மறந்து விட 200 நாட்கள் போன பிறகுதான் நினைவு வந்து வடக்கயிறை அகற்றினார்கள்.
நெல்லையில் "வ.மாளிகை" 50 நாட்கள் வசூல் ரூ 112102.71. ஆனால் 42 நாட்களில் "நல்ல நேரம்"
அதை எளிதில் தாண்டி விட்டது.
42 நாட்கள் வசூல் ரூ 113476.91
84 நாட்களில் ரூ161711.35 வசூலாக பெற்று "வ.மாளிகை"யை வடை சுடும் மாளிகையாக மாற்றியது. நெல்லையில் "வ.மாளிகை" மொத்தமே 69 நாட்கள் தான் ஓடியது. "ப.பொன்னையா"வும் 69 நாட்கள் தான் ஓடியது.
உண்மையான வெற்றி "நல்ல நேர"த்துக்குத்தான். மாற்று நடிகரின் படங்கள் வடக்கயிறு மாட்டினால்தான் தாக்குப்பிடிக்க முடியும் என்பதை ஒத்துக் கொள்ளுங்கள் கைஸ்களே!. போலி சிவனடியார்களும் புரிந்து கொள்ள வேண்டும்..........ksr.........
-
ஹண்டே மலரும் நினைவுகள் (பகுதி 2)
எம்ஜிஆர் எப்போதும் மத்திய அரசை பகைத்து கொள்ளமாட்டார். டெல்லியில், ஹெல்த் மினிஸ்டர்களின் கருத்தரங்கம் நடக்கிறது. அதற்காக நான் டெல்லி சென்று இருந்தேன்.
எனக்கு எம்ஜிஆரிடமிருந்து போன். நாளை காலை இந்திராகாந்தியை சந்தியுங்கள் என்று… எனக்கு இக்கட்டாக இருந்தது. காரணம் அந்த நாள்…
சஞ்சய் காந்தி இறந்து, அமேதி தொகுதியில் ராஜீவ்காந்தி அமோகமாக வெற்றி பெற்று, அந்த ரிசல்ட் வந்த நாள் அது. எப்படி பிரதமர் இந்திராகாந்தியை சந்திக்க முடியும்?
எனக்கு ஒரு யோசனை தோன்றிது. மூப்பனாருக்கு போன் செய்தேன். “இந்திராகாந்தியை சந்திக்க வேண்டும். ஏற்பாடு செய்து தர முடியுமா”, என்றேன். காரணம் மூப்பனார் மீது இந்திராகாந்திக்கு நிறைய மரியாதை உண்டு. “நான் அங்கு இருப்பேன் காலையில் வாருங்கள்” என்றார் மூப்பனார்.
கடும் கோபத்தில் இந்திரா
நான் இந்திராகாந்தியை பார்க்க சென்றேன். ஒரு சிறு அறையில் இந்திராகாந்தியால் ஆட்சி கலைக்கப்பட்ட மாநில முதல்வர்கள், தலைவர்கள் என நிறைய பேர் அமர்ந்து இருக்கிறார்கள். உட்கார கூட இடமில்லை.
இந்திராகாந்தியின் பர்சனல் பிஏ பொட்டேடாரிடம் மூப்பானர் என்னை அறிமுகம் செய்து வைத்தார். இந்திராகாந்தி என்னை அழைத்தார்.
அவர் முன் நான் போய் அமர்ந்தபோது, அவர் முகத்தில் அவ்வளவு கோபம்.
போனவுடன், “முதலில் எம்ஜிஆர் எனக்கு நண்பரா? எதிரியா? என்று தெரிந்தாக வேண்டும்” என்று கோபத்துடன் இந்திரா கேட்டார்.
“பாஸ்ட் ஈஸ் பாஸ்ட்”… எம்ஜிஆர் உங்கள் நண்பர் என்பதை சொல்ல சொன்னார். எம்ஜிஆர் உங்களுக்கு எல்லாவிதத்திலும் ஆதரவாக இருப்பார்” என்றேன். ஒருவழியாக இந்திரா அமைதியானார்.
“உங்களை நான் எப்படி தொடர்பு கொள்வது” என்று இந்திராவிடம் கேட்டேன். பிஏவை அழைத்து அவர் நம்பரை எனக்கு கொடுக்க சொன்னார். எந்த நேரத்திலும் என்னை அழைக்கலாம் என்றார்.
சென்னைக்கு சென்று, எம்ஜிஆரை சந்தித்து சொன்னேன். எம்ஜிஆருக்கு சந்தோஷம்.
இந்திராவை அசத்திய புத்தகம்
மதுரையில் உலகத்தமிழ் மாநாடு. இந்திராகாந்தி அதில் பங்கேற்க டெல்லியிலிருந்து மதுரை வருகிறார். சென்னையில் அவரை வரவேற்க எம்ஜிஆர் என்னை அனுப்பி வைத்தார்.
சென்னையில் இந்திராவை வரவேற்றோம். அதற்கு அடுத்த நாள் அவருக்கு ஏற்பாடு செய்யப்பட்ட தனிவிமானத்திலேயே நானும் மதுரைக்கு பயணம் செய்தேன்.
டெல்லியில் உள்ள லேடி ஹார்டிங் மெடிக்கல் கல்லூரியில் இந்திரா காந்தி அற்புதமாக பேசியிருந்தார். ஹெல்த் டிபார்ட்மென்ட் எப்படி இருக்க வேண்டும் என்று பேசியிருந்தார்.
மத்திய அமைச்சர் அந்த பேச்சின் நகலை, நாடுமுழுவதும் இருக்கும் மாநில நல்வாழ்வு துறை அமைச்சர்களுக்கு அனுப்பித்தந்தார்கள். படித்து அசந்து போனேன். இதை ஒரு புத்தகமாக போட்டுவிட்டேன்.
அட்டைப்படத்தில் இந்திராகாந்தி படம், எம்ஜிஆர் படம், என்னுடைய படம். தமிழக அரசு முத்திரையுடன் புத்தகம்.
அடுத்த நாள் காலை விமானத்தில் போகும்போது, நான் இந்த புத்தகத்தையும் உடன் எடுத்துக்கொண்டு போய் இருந்தேன்.
விமானத்தில், ஆர்.வெங்கட்ராமன், மூப்பனார், ஆர்.வி.சாமிநாதன் இருக்கிறார்கள்.
விமானத்தில், இந்திராகாந்தி அம்மையாருக்கு தனி ரூம். நான் அவரது ரூம் கதவை தட்டினேன். யெஸ் கம்… உட்காருங்கள் என்றார். புத்தகத்தை அவரிடம் கொடுத்தேன். ஆயிரம் பிரதிகள் அச்சிட்டு இருக்கிறோம் என்றேன். இந்திரா அசந்து போய்விட்டார். பிரதமர் அறையில் 5 நிமிடத்துக்கு மேல் இருக்க முடியாது. செக்யூரிட்டிகள் வந்து கதவை தட்டுகிறார்கள். இந்திராகாந்தி அவர்களை பார்த்து ரிலாக்ஸ்… ரிலாக்ஸ்… என்று சொன்னார்.
பின்பு நான் வந்து என் சீட்டில் அமர்ந்து கொண்டேன். ஆர்.வி.சாமிநாதன் கிண்டல் அடித்தார். என்ன ஹண்டே … என்ன சொக்குப்பொடி போட்டாயா… நீ ஏதாவது செய்துருப்பயா என்றார்.
நாங்கள் பேசிக்கொண்டு இருக்கும்போதே, இந்திரா மீண்டும் என்னிடம் வந்து அந்த புத்தகத்தை வாங்கிக்கொண்டு போனார். புத்தகத்தை படித்து விட்டு அவரே வந்து திருப்பி கொடுத்துவிட்டு போனார். விமானத்தில் இருந்தவர்களுக்கு எல்லாம் வியப்பாக இருந்தது. இந்த சம்பவம் இந்திராகாந்தியை மகிழ்ச்சிப்படுத்தியது.
எம்ஜிஆருக்கு மயக்கம்
1984 செப்டம்பர் 15ம் தேதி. அண்ணா பிறந்த நாள். தஞ்சை ராஜராஜ சோழன் சிலை வெளியிலிருந்து அகற்றிவிட்டு கற்பகிரகத்துக்குள் கொண்டு செல்லும் நிகழ்ச்சி.
இந்திராகாந்தி அம்மையார் அதில் பங்கேற்றார். அந்த நிகழ்ச்சியில் பங்கேற்ற எம்ஜிஆருக்கு மயக்கம் ஏற்பட்டது. சமாளித்துவிட்டார். ரத்தத்தில் யூரியாவும், கிரியாட்டிணும் மிக அதிகமாக இருந்தது. டாக்டர் பி.ஆர்.சுப்ரமணியம் எம்ஜிஆருக்கு ரத்த பரிசோதனை செய்தார்.
இந்திராகாந்தியின் மனிதாபிமானம்
அக்டோபர் 5ம் தேதி வீட்டில் எம்ஜிஆருக்கு உடல்நிலை மோசமடைகிறது. கிட்னி செயலிழந்து விட்டது. அப்பல்லோவில் அனுமதிக்கப்படுகிறார். அக்டோபர் 13ந் தேதி மூளையில் ரத்த கட்டி இருப்பது கண்டுபிடிக்கப்படுகிறது. அக்டோபர் 17ந் தேதி எம்ஜிஆரை பார்க்க பிதமர் இந்திராகாந்தி வருகிறார்.
ராஜ்பவனில் இந்திராவை நாங்கள் சந்திக்கிறோம். நாவலரிடம், “என்ன ஏற்பாடு செய்து இருக்கிறீர்கள்” என்று இந்திரா கேட்கிறார்.
ஹண்டே மாலை டெல்லி சென்று, அங்கு வரும் நியூயார்க் மருத்துவர் ப்ரீட்மேனை அழைத்து வர இருக்கிறார் என்றார்.
“ஹண்டே டெல்லிக்கு எப்படி செல்வார்” என்று இந்திரா கேட்டார். தனி விமானத்தில் என்று சொன்னவுடன், “ஏன் தனி விமானத்தில் செல்கிறார். என்னுடன் வரட்டுமே” என்றார்.
ட்ரையல் பார்த்தோம்; நூலிழையில் தப்பித்தோம்
இந்திராவின் பர்சனல் செக்ரட்டரி பி.சி.அலெக்சாண்டர். அவர் எனக்கு மிகவும் நெருக்கம்.
பி.சி.அலெக்சாண்டர் உதவியுடன் எம்ஜிஆரை அழைத்து செல்வதற்கான
விமானம், ஒரு மருத்துவமனையாக மாற்றப்பட்டது. அந்த விமானத்தை ஓட்டியவர் என் தம்பிக்கு பழக்கமானவர்.அதனால் அவரிடம் நான் ஒரு கோரிக்கை வைத்தேன்.
“எம்ஜிஆரை இந்த விமானத்தில் ஏற்றுவதற்கு முன், எம்ஜிஆருக்கான படுக்கையில் செக்யூரிட்டி ஆபிசர் ஒருவரை படுக்க வைத்து ஒரு ரவுண்ட் போய் பரிசோதனை செய்வோம்” என்றேன்.
விமானம் ஒரு சுற்று சுற்றி வந்து தரையில் இறங்கியபோது, அந்த படுக்கையில் இருந்தவர் கீழே விழுந்து விட்டார். நாம் சோதனை செய்யாமல் எம்ஜிஆரை படுக்க வைத்திருந்தால் என்ன ஆகியிருக்கும். அருகில் இருந்த பொன்னையன் ஆச்சரியப்பட்டுவிட்டார். “எப்படி இந்த ஐடியா உங்களுக்கு தோன்றியது. நம் அதிர்ஷ்டம்” என்றார்.
அமெரிக்காவும், ஆண்டிப்பட்டியும்…
அக்டோபர் 31ல் இந்திராகாந்தி கொல்லப்படுகிறார். எம்ஜிஆரை மருத்துவ சிகிச்சைக்காக வெளிநாடு செல்வதற்கான உதவிகளை ராஜீவ்காந்தி அரசு செய்தது. எம்ஜிஆர் மருத்துவமனையில் இருக்கும்போதே நாடாளுமன்றம் கலைக்கப்பட்டது, தமிழகத்திலும் தேர்தல் வருகிறது. காங்கிரஸ், அண்ணா திமுக கூட்டணி. ஆண்டிப்பட்டியில் எம்ஜிஆர் போட்டியிட்டார்.
எம்ஜிஆரின் வேட்பு மனுவுக்காக வாஷிங்டனில் தூதரை சந்தித்து, நியூயார்க் துணை தூதரக அதிகாரியை சந்தித்து, எம்ஜிஆரின் கைரேகை உறுதிப்படுத்தப்பட்டது.
பல்வேறு கஷ்டங்களுக்கு பின், எம்ஜிஆரின் வேட்புமனுவை ஆர்.எம்.வீரப்பன், நெடுஞ்செழியன் குழுவிடம் கொண்டு வந்து சேர்த்தேன்.
அமெரிக்காவில் படுத்துக்கொண்டே ஆண்டிப்பட்டியில் எம்ஜிஆர் வெற்றி பெற்றார். என்னை மீண்டும் நல்வாழ்வுத்துறை அமைச்சராக்கினார்.
ஆர்.எம்.வீரப்பன் விருப்பம்
1986ல் சட்டமேலவையை, எம்ஜிஆர் கலைக்க முடிவு செய்தார். இதனால் நானும், ஆர்.எம்.வீரப்பனும் பதவி இழக்கிறோம்.
இதற்கு பின் திருநெல்வலியில் இடைத்தேர்தல் வருகிறது.
திருநெல்வேலியில் ஆர்.எம்.வீரப்பன் போட்டியிட விருப்பம் தெரிவித்தார். எம்ஜிஆர் சம்மதித்தார். அந்த தொகுதியில் சுத்தமல்லி பகுதியில் மட்டும் தேவர் சமூகத்தவர்கள் அதிகம்.
ராஜாஜி ஒரு முறை பேசும்போது, “யாருடைய அரசியல் தலைவர் படங்களை வீட்டில் எந்த அறையில் வேண்டுமானாலும் வைக்கலாம். பசும்பொன்முத்துராமலிங்க தேவர் படத்தை மட்டும் பூஜை அறையில் வைக்க வேண்டும்” என்று பேசியிருந்தார்.
மதுரை தமுக்கம் மைதானத்தில் நடந்த பொதுக்கூட்டத்தில் ராஜாஜியும், பசும்பொன் முத்துராமலிங்கமும் பங்கேற்றார்கள்.
பசும்பொன் முத்துராமலிங்கம் பேசும்போது, அரசியலில் வீரமும் விவேகமும் வேண்டும் என்று பேசினார்.
வீரம் தேவர், விவேகம் ராஜாஜி என்பதை குறிப்பிட்டு பசும்பொன்முத்துராமலிங்க தேவர் அவ்வாறு பேசினார்.
பசும்பொன்முத்துராமலிங்க தேவரும், ராஜாஜியும் நெருங்கிய நண்பர்கள் என்ற தகவலை யாரோ எம்ஜிஆரிடம் சொல்லியிருக்கிறார்கள்.
பசும்பொன் முத்துராமலிங்கத்தின் வாரிசு மூக்கையாத்தேவர். சுதந்திரா கட்சியில் இருக்கும் போது மூக்கையாத்தேவர் தலைவர், நான் செயலாளர்.
எம்ஜிஆர் காதுக்கு இது போனது.
போன் செய்த பொன்னையன்
எம்ஜிஆர் வீட்டிலிருந்து பொன்னையன் திடீரென போன் செய்தார்.
“தலைவர் உங்களிடம் சொல்ல சொன்னார்…
நெல்லை மாவட்டத்துக்கு போங்க.
அங்கு சுத்தமல்லி பகுதியில் 14 பூத்துக்கு
நீங்க தான் இன்சார்ஜ்” என்று சொன்னார்.
நான் அங்கு போய்விட்டேன்.
முரசொலிக்கு ஓர் முற்றுப்புள்ளி
எம்ஜிஆர் மூகாம்பிகை கோயிலுக்கு போனார்.
முரசொலியில், “அண்ணா பகுத்தறிவு பாதையில் பயணம் செய்யும் எம்ஜிஆர் கோயிலுக்கு போகலாமா?” என்று செய்தி போட்டிருந்தார்கள்.
“அந்த கோயிலுக்கு என்னுடைய தாயார் அடிக்கடி போவதுண்டு. என்னுடைய தாயை இழந்து பல ஆண்டுகளாகிவிட்டது. எனக்கு ஒரே ஒரு கடவுள் என் தாய், நான் மூகாம்பிகை கோயிலுக்கு செல்வது அங்கே என்னுடைய தாயை பார்ப்பதற்காக. அந்த தாயை பார்ப்பதற்காக நான் சென்றது தவறு என்றால் அந்த தவறை நான் ஏற்றுக்கொள்கிறேன்” என்றார். அதற்கப்புறம் கோயில் மேட்டர் ஓவர்.
உடல்நிலை சரியில்லாத போதும்…
பிரச்சாரத்துக்காக எம்ஜிஆர் வருகிறார். கிட்னி மாற்று அறுவை சிகிச்சை முடிந்து வந்த நேரம். உடல்நிலை சரியில்லா நேரத்திலும் வந்தார். கெஸ்ட்ஹவுஸில் தங்கி இருந்தார்.
எங்களை அழைத்தார். “இந்த தொகுதியில் என்ன பிரச்சினை?” என்றார். யாரும் வாய் திறக்கவில்லை.
நான் சொன்னேன்… “ஒரு பிரச்சினை இருக்கு சார் என்றேன். திமுக சார்பில் சுப்ரமணி நிற்கிறார். அண்ணாதிமுக நாம் நிற்கிறோம். நம் வேட்பாளர் சிவகங்கை மாவட்டம்.
உள்ளூர் வெளியூர் பிரச்சனை தான் இங்கு” என்று சொன்னேன்.
“அவ்வளவு தானே” என்றார். சரி நீங்க போங்க என்றார்.
“நெல்லை என்னை கைவிட்டதில்லை: எம்ஜிஆர்”
அவரால் அப்போது அதிகம் பேச முடியாது. அதனால், பத்திரிக்கைகளில் கொடுப்பதற்காக பேப்பரில் டைப் செய்து வைக்கப்பட்டது.
முதல் நாள் செய்தி,
“இந்த தேர்தல் சுப்ரமணிய பிள்ளைக்கும் ஆர்.எம்.வீரப்பனுக்கும் நடைபெறுகின்ற தேர்தல் அல்ல.
இந்த தேர்தல் எம்.ஜி.ராமச்சந்திரனுக்கும் கலைஞர் கருணாநிதிக்கு நடைபெறுகின்ற அறப்போர்” என்று பேசினார்.
இந்த இரண்டு வரியில் தேர்தல் நிலவரத்தையே எம்ஜிஆர் மாற்றிவிட்டார்.
அடுத்த நாள் பத்திரிக்கைகள் அனைத்திலும்
“திருநெல்வலி தேர்தல் எம்ஜிஆருக்கும்–கலைஞர் கருணாநிதிக்கும் நடக்கும் அறப்போர்” என்று தலைப்பு இருந்தது.
இரண்டாவது நாள் செய்தி…
“நான் இன்று நெல்லைவிட்டு சென்னைக்கு திரும்புகிறேன். நெல்லை என்னை எப்பொழுதும் கைவிட்டது இல்லை என்று எனக்கு தெரியும்.
அடுத்த நாள் பத்திரிக்கைகளில், “நெல்லை என்னை கைவிட்டதில்லை”: எம்ஜிஆர்” என்று தலைப்பு வந்தது.
மக்கள் மனதில் ஆர்.எம்.வீரப்பன் வெளியூர் நபர் என்ற எண்ணத்தையே எம்ஜிஆர் எடுத்துவிட்டார். இது தான் எம்ஜிஆரின் திறமை.
அந்த தேர்தலில் ஆர்.எம்.வீரப்பன் 19 ஆயிரம் ஓட்டு வித்தியாசத்தில் வெற்றி பெற்றார். எம்ஜிஆருக்கு இது தான் கடைசி இடைத்தேர்தல்.
எனக்கு ஒரு மனக்குறை
1950ல் கிளினிக்கை ஆரம்பித்தேன். 70 ஆண்டுகள் முடிந்துவிட்டது. மருத்துவ சிகிச்சை அளிப்பதில் இருந்த ஓய்வு பெற்று இருக்கிறேன்.
என்னிடம் வரும் நோயாளிகளிடம் பணம் எவ்வளவு கொண்டு வந்திருக்கிறீர்கள் என நான் கேட்டது கிடையாது. பணம் இல்லை என்று சொல்லி சிகிச்சை பெற்றுக்கொள்ளாமல் 70 ஆண்டுகளில் ஒருவர் கூட திரும்பி சென்றதில்லை.
தாழ்த்தப்பட்ட குடிசை வாழ்மக்களுக்கு வைட்டமின் டானிக் வாங்கி வைத்துக்கொள்வேன். பலகீனமான குழந்தைகளுக்கு வழங்குவேன்.
நான் இன்னும் செய்து இருக்கலாம் என்ற வருத்தம் இருக்கிறது. நான் இன்னும் செஞ்சிருக்கணும்… நான் செய்தது போதாது என்ற குறை இன்றும் என் மனதில் இருக்கிறது.
10 அமைச்சர்கள் பதவி இழந்தோம்
சட்டமேலவையை கலைத்ததால் 10 அமைச்சர்கள் பதவி இழக்க நேரிட்டது. அதில் நானும் ஒருவன்.
1986ல், எம்ஜிஆர் முதலமைச்சர். திடீரென செயற்குழு கூட்டம் கூட்டுகிறார். 1986 அக்டோபர் 6ந் தேதி கூட்டம் நடக்கிறது.
முதலமைச்சர் பதவியுடன் கழகத்தின் பொதுச்செயலாளராக பொறுப்பேற்றுக்கொள்ளலாம் என்று முடிவுக்கு வந்திருக்கிறேன் என்றார். எல்லாம் கைத்தட்டினார்கள்.
நான் அங்கு ஓரத்தில் அமர்ந்திருந்தேன். என்னை பார்த்து கைக்காட்டி கூப்பிட்டார். என் முதுகை தட்டி, “ஹண்டெ துணை பொதுச்செயலாளராக இருப்பார்” என்றார்.
யாருக்கு கிடைக்கும் இந்த பாக்கியம்.
எம்ஜிஆரின் ஆட்சியில்…
எம்ஜிஆரின் ஆட்சியில் தமிழகம் அமைதிபூங்காவாக இருந்ததால் பல தொழிற்சாலைகள் வந்தன. பொருளாதார ரீதியாக தமிழகம் அமோகமான முறையில் முன்னேற்றம் அடைந்தது.
உலகத்திலேயே தமிழகத்தில், என்ஜினீயர் கல்லூரிகள் இத்தனை இருக்கின்றன என்றால் அதற்கு எம்ஜிஆர் தான் காரணம்.
தான் வளர வேண்டும் என்று நினைக்காமல் மற்றவர்களை வளர்த்து அவர்களால் சேவை செய்வதற்கு அஸ்திவாரம் போட்டு விட்டுத்தான் எம்ஜிஆர் அமரர் ஆகியிருக்கிறார்.
பேட்டி: ஷீலா பாலச்சந்திரன். ...........