Quote:
குறள் பேசும் குரல்
மக்கள் தொலைக்காட்சியில் நாளை முதல் ஒளிபரப்பாக இருக்கும் பிரமாண்டமான யதார்த்த நிகழ்ச்சி, `குறள் பேசும் குரல்'.
பள்ளி மற்றும் கல்லூரி மாணவர்களுக்கு நடுவில் நடத்தப்படும் இந்த குறள் பேச்சுப் போட்டி, திருக்குறளை மையமாகக் கொண்டு வடிவமைக்கப்பட்ட நிகழ்ச்சி.
ஸ்ரீராம் இலக்கியக்கழகம் ஆண்டு தோறும் மாணவர்களுக்கு திருக்குறள் பேச்சுப்போட்டியை நடத்தி வருகிறது. இந்த ஆண்டு முதல் மக்கள் தொலைக்காட்சியுடன் இணைந்து நடத்துகிறது.
சென்னை, வேலூர், கோவை, சேலம், திருநெல்வேலி, புதுவை, திருச்சி ஆகிய 7 இடங்களில் தேர்வு சுற்றும் கால் இறுதி சுற்றும் நடந்தது.
அரை இறுதி சுற்றும் இறுதி சுற்றும் சென்னை ஏ.வி.எம். ஸ்டுடியோவில் நடந்தது.
இடைநிலை பிரிவு, உயர்நிலை பிரிவு, மேல் நிலை பிரிவு, கல்லூரி பிரிவு என தனித்தனியே மாணவர்களுக்கு போட்டிகள் நடத்தி மக்கள் தொலைக்காட்சியில் ஞாயிறு இரவு 8.30 மணிக்கு ஒளிபரப்புகிறார்கள்.