Nadigar Thilagam Sivaji Ganesan - Part 6

அனைவரும் மன்னிக்கவும். தொழில் நுட்பக் கோளாறு காரணமாக கடந்த நான்கு தினங்களாக என்னால் பதிவிட முடியவில்லை. இப்போதுதான் சரியானது.

நடிகர் திலகத்தின் இணைய தளம் அது பெற வேண்டிய அங்கீகாரத்தை இப்போதுதான் சிறிது சிறிதாக பெற்று வருகிறது. அது வான் புகழ் அடையும் நேரம்தான் ராகவேந்தர் சாரின் உழைப்புக்கு கிடைக்கும் அங்கீகாரம். விரைவில் அது நடைபெற வேண்டுவோம், வாழ்த்துவோம்.

நன்றி ராதாகிருஷ்ணன் அவர்களே.

நன்றி காவேரி கண்ணன் அவர்களே

சாரி செந்தில்.

சாரதா,

நீங்கள் சொல்வதில் உண்மை இருக்கிறது. நானும் பாசமலர் படத்தை பல முறை பல இடங்களில் பார்த்திருக்கிறேன். ஆனால் இது போல் ஒரு ஆரவாரத்தோடு பார்த்ததில்லை.

மோகன்,

நடிகர் திலகத்தின் திரைப்பட விமர்சனங்கள் தொடரும். நானே ஓரிரண்டு படங்களைப் பற்றி நினைத்திருக்கிறேன். விமர்சனம் என்றவுடன் உங்களுக்கு ஒரு சந்தோஷ சஸ்பென்ஸ் காத்திருக்கிறது.

சுவாமி,

தமிழ் வருடப்பிறப்பன்றும் ஒட்டியும் வெளிவந்த நடிகர் திலகத்தின் படப்பட்டியலுக்கு நன்றி. நாங்கள் எப்போதும் காலரை தூக்கிவிட்டுக் கொள்வது போல் இப்போதும் செய்கிறோம். காரணம் பல படங்களும் அதிகபட்சம் ஓடியது எங்கள் நான்மாடக்கூடலான மதுரையம்பதியில்தானே

அன்புடன்

பாசமலர் தொடர்ச்சி

சாவித்திரி கல்யாணம் முடிந்தவுடன் தேனிலவு காட்சிகள். பாடல் இல்லாமல் காட்சிகளாகவே நடக்கும். இந்த நேரத்தில் ஒன்று சொல்ல வேண்டும். நடுவில் யார் யார் அது யாரோ பாடல் வந்த போது நான் எதிர்பார்த்ததற்கு மாறாக பாடல் காட்சி ரசித்து பார்க்கப்பட்டது. வெளியில் சென்ற ஆட்களும் குறைவு. தேனிலவு முடிந்து வரும் போது சாவித்திரி எம்.என்.ராஜத்தை பார்ப்பது, அதன் பிறகு சாவித்திரி வந்து நடிகர் திலகத்திடம் பேசுவது போன்ற காட்சி. டாக்டர் மாலதி என்ற பெயர் கேட்டவுடன் கையில் இருக்கும் சிகரெட்டை ஒரு பப் இழுப்பார். இது நடக்காது என்பார். ஏன் என்று கேட்கும் சாவித்திரியிடம் தயங்கி தயங்கி சொல்லுவார். அதாவது ஜெமினியை திருமணம் செய்துக் கொண்டதால் எப்படி முன் நிச்சயித்த கல்யாணம் நடக்காமல் போனது என்பதை சாவித்திரியின் மனம் புண்பட்டு விடாமல் அவர் சொல்லும் விதம் இருக்கிறதே அதற்கும், அந்த வசனங்களுக்கு நடுவே அவர் சிகரெட்டை இரண்டு விரல்களுக்கிடையில் பிடிக்காமல் ஆனால் அந்த இரண்டு விரல்களால் அவர் உதட்டில் வைத்து இழுப்பதற்கும் அரங்கம் அதிர்ந்தது. அடுத்து சாவித்திரி சென்று நம்பியாரை ஒத்துக்கொள்ள வைக்கும் காட்சி. நம்பியார் இந்த காட்சியில் மிக நன்றாக செய்திருப்பார், ஆரூர்தாஸின் வசனங்களும் மிக இயல்பாக இருக்கும்.

அடுத்து திருமணம். முதலிரவு காட்சி. தேனினும் இனிய குரலில் சுசீலா ஹம்மிங் கொடுக்கும் போதே ஆரவாரம் ஆரம்பித்துவிட்டது. நடிகர் திலகத்தை காட்டும் போதெல்லாம் அலப்பறை. அதிலும் அவர் நடந்து வருவது, ராஜத்திடம் அருகில் வந்து பின் விலகி செல்வது, பின் அந்த ஸ்டைல் நடை நடந்து சென்று சாவித்திரி ஜெமினி போட்டோவை திருப்பி வைத்துவிட்டு வருவது அதற்கெல்லாம் பயங்கர கைதட்டல். பாடல் முடிந்தது. படத்தின் சீரியஸ் காட்சிகள் ஆரம்பித்தன.

(தொடரும்)

அன்புடன்

சகோதரி சாரதா, ரங்கன், காவிரிக் கண்ணன், tac. ஹரீஷ், ராதாகிருஷ்ணன், மகேஷ், பம்மலார், முரளி மற்றும் அனைத்து நண்பர்களுக்கும் என் இதய பூர்வமான நன்றியைத் தெரிவித்துக் கொள்கிறேன். இது ஊர் கூடி இழுக்கும் தேர். இதற்கு தங்கள் அனைவருடைய ஆதரவே முக்கிய காரணம். தொடர்நது தங்கள் ஆதரவை எதிர்நோக்குகிறேன்.

முரளி சாரின் கணிப்பொறி சரியானது அவரைவிட நமக்கு அதிக மகழ்வூட்டுகிறது. இனி மீண்டும் தொடர்ந்து அவருடைய பங்களிப்பு நம்மை அசத்த இருக்கிறது.

சாதனைகளை பறை சாற்றுவதற்கென்றே நடிகர் திலகத்தால் நம்மிடைய அனுப்பப் பட்டுள்ள பம்மலார் மென் மேலும் விவரங்களைத் தந்து நம்மை அசத்த வேண்டும் என்றும் விரும்புகிறேன்.

அனைவருக்கும் மீண்டும் நன்றி.

ராகவேந்திரன்

Quote:

---

Originally Posted by Murali Srinivas

அடுத்து சாவித்திரி சென்று நம்பியாரை ஒத்துக்கொள்ள வைக்கும் காட்சி. நம்பியார் இந்த காட்சியில் மிக நன்றாக செய்திருப்பார்.

---

உண்மை.... நானும் ஒவ்வொருமுறையும் இக்காட்சியில் நம்பியாரின் இயல்பான நடிப்பை ரசித்திருக்கிறேன். சும்மா சம்பிரதாயத்துக்காக, சோபாவில் எதிரெதிரே உட்கார்ந்து பேசுவதாக இல்லாமல், ஒரு எஞ்சினீயர் என்ற வகையில், அதற்கான உபகரணங்களைக்கொண்டு ஸ்கெட்ச் போட்டுக்கொண்டே பேசுமிடம் அருமை. பேச்சிலும் கவனம் செயலிலும் கவனம் என்ற இந்த இடம் ரொம்ப இயல்பு. (அவரை சும்மா அடிவாங்குபவராகக் காட்டியே வீணாக்கி விட்டது தமிழ்த்திரையுலகம்)

Destination : Chennai Srinivasa

On Your Mark! Get Set!! Go!!!

அதன் பிறகு சாவித்திரி வந்து நடிகர் திலகத்திடம் பேசுவது போன்ற காட்சி. டாக்டர் மாலதி என்ற பெயர் கேட்டவுடன் கையில் இருக்கும் சிகரெட்டை ஒரு பப் இழுப்பார். இது நடக்காது என்பார். ஏன் என்று கேட்கும் சாவித்திரியிடம் தயங்கி தயங்கி சொல்லுவார். அதாவது ஜெமினியை திருமணம் செய்துக் கொண்டதால் எப்படி முன் நிச்சயித்த கல்யாணம் நடக்காமல் போனது என்பதை சாவித்திரியின் மனம் புண்பட்டு விடாமல் அவர் சொல்லும் விதம் இருக்கிறதே அதற்கும், அந்த வசனங்களுக்கு நடுவே அவர் சிகரெட்டை இரண்டு விரல்களுக்கிடையில் பிடிக்காமல் ஆனால் அந்த இரண்டு விரல்களால் அவர் உதட்டில் வைத்து இழுப்பதற்கும் அரங்கம் அதிர்ந்தது.

Yes Mr.Murali sir,

எனக்கும் அந்த சீன் மிகவும் பிடிக்கும். என்ன இருந்தாலும் தியேட்டரில் ரசிகர்களுடன் பார்ப்பதில் உள்ள அனுபவம் DVD-இல் பார்க்கும் போது இல்லை

பாசமலர் தொடர்ச்சி

நடிகர் திலகம் - ராஜம் திருமணக் காட்சிக்கு பின் அரங்கில் சற்று அமைதி திரும்பியது. தங்கவேலு உண்ணாவிரதம், எம்.சரோஜாவை அவர் பதிவு திருமணம் செய்துக் கொள்வது பின் பங்களாவில் அதைப் பற்றி நடிகர் திலகம் குறை கூறுவது, இரண்டு புடவை வாங்கி வரும் நடிகர் திலகம், அண்ணியின் முக மாறுதலை கண்டு புடவையை மாற்றிக் கொள்ளும் சாவித்திரி, எம்.என்.ராஜத்தின் பீரோவிலிருந்து பி.எஸ்.ஞானம் புடவையை எடுத்து மறைத்து வைப்பது அதை தொடர்ந்து உண்டாகும் சண்டைகள். இந்தக் காட்சியில் சிவாஜி -ஜெமினி கட்டிப் புரளும் சண்டைக்கு மட்டும் அரங்கில் ஆர்ப்பாட்டம் இருந்தது.

வீட்டை விட்டு வெளியேறும் நடிகர் திலகம் மற்றவர்களின் வற்புறுத்தலுக்காக முனிசிபல் தேர்தலில் நிற்பது, ஜெமினி எதிர்த்து நிற்பது, தேர்தலிலிருந்து விலகுகிறேன் என சொல்லும் நடிகர் திலகத்தை மற்றவர்கள் கன்வின்ஸ் செய்வது [இந்தக் காட்சியிலும் அரூர்தாஸின் வசனங்கள் மிக இயல்பாக, இரு தரப்பு வாதங்களுக்கும் முக்கியத்துவம் கொடுத்து எழுதப்பட்டிருக்கும்], தங்கவேலு வந்து நடிகர் திலகத்திடம் பணம் கேட்பது, அதன் பின் கோர்ட் மூலமாக ரிசீவரை நியமிப்பது, சாவித்திரி வந்து நடிகர் திலகத்திடம் தேர்தலில் விட்டுக் கொடுக்கும்படி கேட்பது. இந்தக் காட்சியில் சாவித்திரி சொல்லுவார் எங்க அண்ணன் பட்டம் பதவிக்கு ஆசைப்படாதவர். அதனாலதான் கேட்கிறேன். இதற்கு நல்ல கைதட்டல் இருந்தது.

பிறகு நடிகர் திலகம் போட்டியிலிருந்து விலகுவது, சாவித்திரியின் கையெழுத்தைப் பயன்படுத்தி வக்கீல் நோட்டீஸ் விடுவது, பதில் நடவடிக்கை காரணமாக சாவித்திரி ஜெமினி வீட்டைவிட்டு வெளியேறுவது, எம்.என்.ராஜத்திற்கு ஆண் குழந்தை பிறப்பது, அப்போது வேலைக்காரன் சங்கரன் வந்து ராதாம்மாவுக்கு பிரசவ வலி எடுத்திருக்கிறது என்றவுடன் நடிகர் திலகம் முகத்தில் மின்னி மறையும் அந்த முகபாவங்களுக்கு பெரிய ஆரவாரம் எழுந்தது. சாவித்திரிக்கு பெண் குழந்தை பிறப்பது, குழந்தையை பார்க்க வரும் சங்கரன் கண் முன்னால் பி.எஸ்.ஞானம் சாவித்திரியை அடிப்பது அதை தட்டி கேட்கும் சங்கரனை வெளியே போடா நாயே என்று சொன்னவுடன் சங்கரன் சொல்லும் நாயா இருந்திருந்தா சோறு போட்டு வளர்த்த எஜமானி அம்மாவை அடிச்சா கையை கடிச்சு குதறி இருக்கும் என்ற வசனத்திற்கு நல்ல வரவேற்பு.

சொத்துகளை தங்கச்சி பேரிலே எழுதிடிங்க என்று சங்கரன் சொன்னவுடன் காமிராவிற்கு முதுகை காட்டியபடியே நடந்து புத்தர் சிலையை அப்படியே பார்த்து, டேபிளில் இருக்கும் தங்கையின் புகைப்படத்தில் முகத்தை வருடிவிட்டு கையில் புகையும் சிகரெட்டை ஆஷ்ட்ரேயில் நசுக்குவார். அந்த ஷாட் முடியும் வரை கைதட்டல் இருந்துக் கொண்டே இருந்தது.

அடுத்த காட்சியில் சொத்துகளை தங்கை பேருக்கு எழுதி வைப்பதை தடுக்கும் நம்பியார், முதலில் சாதாரணமாக பேசும் நடிகர் திலகம் உங்களுக்கு உங்கள் தங்கை மேல் பாசம் இருந்தால் நீங்களும் எழுதி வையுங்களேன் ஏன் அடுத்தவர் சொத்துக்கு ஆசைப்படுகிறீர்கள் என்று கேட்க Mr. ராஜசேகர் என்று நம்பியார் அருகில் வர Mr.பாஸ்கர் என்று நடிகர் திலகம் கையை உயர்த்தி இது என் குடும்ப விஷயம் இதில் தலையிட யாருக்கும் உரிமை இல்லை என்ற வசனத்திற்கு எல்லாம் ஒரே ஆரவாரம் கைதட்டல். அடுத்த காட்சியில் நம்பியார் ராஜத்திற்கு மேற்படிப்பு படிக்க வெளிநாட்டிலிருந்து அழைப்பு வந்துள்ளது எனும் போது கையில் புகையும் சிகரெட்டோடு நடிகர் திலகம் ஒரு கையை தாடையில் கொடுத்து சிலையாய் உட்கார்ந்திருப்பார். இதையெல்லாம் கூட மிகவும் ரசித்து கைதட்டிக் கொண்டே இருந்தார்கள். அந்த வசனத்தை எல்லாம் கேட்கவே விடவில்லை. அது மட்டுமல்ல அப்போதே அகல் விளக்குகளை எல்லாம் எடுத்துக் கொண்டு போய் மேடையில் வரிசையாக வைக்க ஆரம்பித்து விட்டார்கள். அடுத்த காட்சி ஏர்போர்ட். வெளிநாடு செல்லும் ராஜம் விடை பெறும் காட்சி. காட்சி முடிகிறது. தொட்டிலுக்கு மேலே சுற்றும் கிலுகிலுப்பை.

இருபதாம் நூற்றாண்டின் இணையற்ற கவிஞன் எழுதி இருபதாம் நூற்றாண்டின் இணையற்ற இசையமைப்பாளர்கள் இசையமைத்து இருபதாம் நூற்றாண்டின் இணையற்ற பாடகர்கள் பாடி எந்த நூற்றாண்டிலும் ஈடு இணையற்ற நடிகர்கள் நடித்த இருபதாம் நூற்றாண்டின் இணையற்ற பாடல் மலர்ந்தும் மலராத ஆரம்பித்தது. இந்த நேரத்தில் மேடைக்கு முன் அனைத்து விளக்குகளும் ஏற்றப்பட்டுவிட்டன.

சாதாரணமாக இந்த பாடலில் அத்தை மகளை மனம் கொண்டு வரிகளின் போதும், மாமன் தங்கை மகளான மங்கை உனக்காக என்ற வரிகளின் போதும் கடைசி சரணத்திலும் கைதட்டல் விழுவது வழக்கம். ஆனால் இங்கோ பாடல் தொடங்கியது முதல் இறுதி வரை ஆர்ப்பாட்டம் அலப்பறை. அதிலும் இறுதி சரணத்தில் புலிதோலில் படுத்திருக்கும் நடிகர் திலகம், கண்ணின் மணி போல மணியின் நிழல் போல என்ற வரிகளின் போது க்ளோஸ்-அப்பில் நடிகர் திலகத்தின் கண்களும் முகமும் காட்டும் அந்த பாவங்கள், இந்த காட்சியை இப்படி ஒரு ஆரவாரத்தோடு இதற்கு முன் எப்போதும் பார்த்ததில்லை.

[நண்பர் Nerd ஒரு முறை எழுதியிருந்தார். வேலை செய்துக் கொண்டே பாடல்கள் கேட்பேன். ஆனால் இந்த பாடல் வந்தால் மட்டும் என்னால் வேறு எந்த வேலையும் செய்ய முடியாது என்று. பலருக்கும் இதே கருத்துதான். அப்படி மனதை உருக்கும் பாடல், அதை இப்படி பார்த்தது ஒரு புதிய அனுபவம்].

பாடல் முடிந்தவுடன் எதிர்பார்த்தது போல் நிறைய பேர் கிளம்பி விட்டார்கள். அடுத்து வந்தது நடிகர் திலகம் மகனையும் கூட்டிக் கொண்டு ஊர் ஊராக சுற்றும் காட்சிகள், பின் அவர் திரும்பி வருவது, அவரை பி.எஸ்.ஞானம் விரட்டுவது, கடை தெருவில் பட்டாஸ் வெடிக்கும் போது சாவித்திரி மகளை காப்பாற்றுவது, விஷயம் தெரிந்து சாவித்திரி அண்ணனை தேடி வருவது பிறகு வருவது எந்த கல்நெஞ்சையும் கரைக்கும் காட்சி.

திரையிட்ட நாள் முதல் இந்த 49 ஆண்டுகளில் எப்போதெல்லாம் எங்கெல்லாம் திரையிடப்பட்டதோ அந்த ஒவ்வொரு காட்சியிலும் திரையரங்கில் மக்கள் கண்ணீர் சிந்தாமல் இருந்ததில்லை என்ற சாதனையை செய்த காட்சி. அந்த கை வீசம்மா கைவீசு இந்த முறையும் பலரின் கண்களை நனைத்தது. அதன் உச்சக்கட்டமாக காலத்தால் அழியாத அந்த அண்ணன் தங்கை விண்ணுலகம் ஏக, அந்த அன்பிற்கும் உண்டோ அடைக்கும் தாழ் என நாமும் ஆமோதித்து அரங்கிலிருந்து வெளியேறினோம். ஆனால் நமது மனதிலிருந்து என்றுமே வெளியேறாமல் வாழும் இந்த காவியத்தை மீண்டும் ஒரு மறக்க முடியாத அனுபவமாக வடிவமைத்து தந்த சென்னை வாழ் ரசிகர்களுக்கு மனங்கனிந்த நன்றி.

அன்புடன்

I would like to contact Mr.Murali srinivas/Mr.Ragavendar/Mr.Pammalar/Mrs.Saradha Prakash and all other sivaji fans . Kindly include me also in this list as serious sivaji fans. my contact mail id is gk@indiacements.co.in. Basically I belong to Tirunelveli district and migrated to chennai during 2000. Now only got this information about this forum such a nice one.

what a beautiful forum. missed a lot. thank god for atleast shown now. thanks for all sivaji fans

A WARM WELCOME TO NT THREAD MR.GKRISHNA