https://pbs.twimg.com/media/Bi5WnbiCYAI1PkY.jpg:large
https://pbs.twimg.com/media/Bi5Vk_BCUAESbAC.jpg:large
https://pbs.twimg.com/media/Bi5U4KlCIAAnVSC.jpg:large
Printable View
^Even though he is under financial problems, good to see GVM produce movies like this...
http://tamil.thehindu.com/cinema/tam...cle5799404.ece
ஜி.வி.பிரகாஷின் 'த்ரிஷா இல்லன்னா நயன்தாரா'
'பென்சில்' படத்தினைத் தொடர்ந்து ஜி.வி.பிரகாஷ் நடிக்கும் அடுத்த படத்திற்கு 'த்ரிஷா இல்லன்னா நயன்தாரா' என்று தலைப்பிட்டு இருக்கிறார்கள்.
முன்னணி இசையமைப்பாளராக இருக்கும் ஜி.வி.பிரகாஷ், தனது நடிப்பு ஆசையால் நாயகனாக நடிக்கத் தொடங்கினார். முதலாதவாக நடிக்கும் 'பென்சில்' படத்தின் படப்பிடிப்பு தற்போது நடைபெற்று வருகிறது.
ஜி.வி.பிரகாஷ், ஸ்ரீதிவ்யா உள்ளிட்ட பலர் நடித்து வருகிறார்கள். மணி நாகராஜ் இயக்கி வருகிறார். இசையமைக்கும் பொறுப்பையும் ஜி.வி. பிரகாஷ் ஏற்று இருக்கிறார்.
'பென்சில்' படத்தினைத் தொடர்ந்து, ஜி.வி.பிரகாஷ் நடிக்கும் அடுத்த படத்திற்கு 'த்ரிஷா இல்லன்னா நயன்தாரா' என்று பெயரிட்டு இருக்கிறார்கள். இயக்குநர் மேஜர் ரவியின் துணை இயக்குநர் ஆதிக் இப்படத்தில் இயக்குநராக அறிமுகமாகிறார்.
ஜி.வி.பிரகாஷ் இசையமைக்க இருக்கும் இப்படத்திற்கு ரிச்சட்நாதன் ஒளிப்பதிவு செய்ய இருக்கிறார். ரிபேல் ஸ்டூடியோ நிறுவனம் இப்படத்தினை தயாரிக்க இருக்கிறது.
http://tamil.thehindu.com/cinema/tam...cle5799444.ece
'நிமிர்ந்து நில்'லைத் தொடர்ந்து 'கிட்ணா'
'நிமிர்ந்து நில்' படத்தினைத் தொடர்ந்து, சமுத்திரகனி இயக்கும் அடுத்த படத்திற்கும் 'கிட்ணா' என்று தலைப்பிட்டு இருக்கிறார்
ஜெயம் ரவி, அமலா பால் நடிக்க, சமுத்திரகனி இயக்கத்தில் வெளியான படம் 'நிமிர்ந்து நில்'. சமீபத்தில் வெளியான இப்படத்திற்கு கலவையான விமர்சனங்கள் கிடைத்தன.
'நிமிர்ந்து நில்' படத்தினைத் தொடர்ந்து சமுத்திரகனியின் அடுத்த படம் குறித்து பல்வேறு செய்திகள் வெளியாகி வந்தன.
இந்நிலையில், சமுத்திரகனி இயக்கும் அடுத்த படத்தினை அவரே நடித்து, தயாரிக்க இருக்கிறார். இப்படத்தில் சமுத்திரக்கனி ஜோடியாக அமலா பால் நடிக்க ஒப்பந்தமாகி இருக்கிறார்.
முதன் முறையாக இரட்டை வேடத்தில் நடிக்க இருக்கிறார் அமலா பால். முழுக்க அவரை மையப்படுத்தியே இப்படத்தின் கதை நகர்கிறதாம். காட்டுக்குள் படப்பிடிப்பு நடைபெற இருக்கிறது. படத்திற்கு 'கிட்ணா' என்று தலைப்பிட்டு இருக்கிறார்கள். கிருஷ்ணா என்பதின் சுருக்கமாம் இது.
http://tamil.thehindu.com/cinema/tam...cle5804157.ece
ரஜினி முருகனாகும் சிவகார்த்திகேயன்
திருப்பதி பிரதர்ஸ் நிறுவனம் தயாரிப்பில், பொன்ராம் இயக்கத்தில் சிவகார்த்திகேயன் நடிக்கவிருக்கும் படத்திற்கு 'ரஜினி முருகன்' என்று தலைப்பிட்டு இருக்கிறார்கள்.
சிவகார்த்திகேயன், சூரி, சத்யராஜ், ஸ்ரீதிவ்யா மற்றும் பலர் நடிக்க, பொன்ராம் இயக்கத்தில் வெளியான படம் 'வருத்தப்படாத வாலிபர் சங்கம்'. இமான் இசையமைக்க, மதன் தயாரிப்பில் வெளிவந்தது.
'வருத்தப்படாத வாலிபர் சங்கம்' படத்தின் வியாபாரம் மற்றும் வசூல் பல்வேறு முன்னணி நடிகர்களை ஆச்சர்யப்படுத்தியது. இக்கூட்டணியை மீண்டும் இணையும் படத்தினை திருப்பதி பிரதர்ஸ் நிறுவனம் தயாரிக்க திட்டமிட்டது.
தற்போது 'எதிர் நீச்சல்' இயக்குநர் துரை.செந்தில்குமார் இயக்கும் 'டாணா' என்னும் படத்தில் நடிக்க திட்டமிட்டு இருக்கிறார் சிவகார்த்திகேயன். அப்படத்தினைத் தொடர்ந்து பொன்ராம் இயக்கும் படத்தில் நடிக்க திட்டமிட்டு இருக்கிறார்.
இப்படத்திற்கு 'ரஜினி முருகன்' என்று தலைப்பிட்டு இருக்கிறார்கள். படம் முழுவதும் தீவிர ரஜினி ரசிகனாக காமெடி கதகளி ஆட திட்டமிட்டு இருக்கிறார் சிவகார்த்திகேயன்.
http://tamil.thehindu.com/cinema/tam...cle5799865.ece
கோடை விடுமுறைக்கு குவியும் படங்கள்
'கோச்சடையான்', 'மான் கராத்தே', 'நான் சிகப்பு மனிதன்' உள்ளிட்ட பல படங்கள் கோடை விடுமுறைக்கு வெளியிட்டு விட வேண்டும் என்ற முனைப்பில் இருக்கிறார்கள்.
கோடை விடுமுறைக்கு ஒவ்வொரு வருடமும் பல முன்னணி நடிகர்கள் படங்கள் வெளியாகும். ஆனால், இந்த வருடம் பல பெரிய பட்ஜெட் படங்கள் வெளியாவதால் திரையரங்க உரிமையாளர்கள் மத்தியிலும், விநியோகஸ்தர்கள் மத்தியிலும் பெரும் கலக்கத்தை ஏற்படுத்தியிருக்கிறது.
'கோச்சடையான்', 'மான் கராத்தே', 'நான் சிகப்பு மனிதன்', 'தெனாலிராமன்', 'ஜிகர்தண்டா' உள்ளிட்ட பல படங்கள் ஏப்ரல் வெளியீட்டை உறுதி செய்திருக்கிறார்கள்.
இதில் 'நான் சிகப்பு மனிதன்' படம் மட்டுமே ஏப்ரல் 11ம் தேதி வெளியாகும் என்று அறிவித்திருக்கிறார்கள். மற்ற படங்கள் அனைத்துமே, 'கோச்சடையான்' வெளியீட்டு தேதிக்காக காத்திருக்கிறார்கள். 'கோச்சடையான்' வெளியீட்டு தேதி அறிவிப்பு வெளியான ஒரு வாரத்திற்குள் மற்ற படங்களின் வெளியீட்டு தேதி தெரிந்து விடும்.
ஆனால், இம்முறை கோடை விடுமுறைக்கு வெளியாக இருக்கும் படங்கள் அனைத்துமே பெரும் எதிர்பார்ப்புக்குள்ளாகி இருக்கும் படங்கள். ஆகையால் திரையரங்கு உரிமையாளர்கள், விநியோகஸ்தர்கள் ஆகியோர் கடும் கலக்கத்திற்கு உண்டாகி இருக்கிறார்கள்.
காரணம், 'கோச்சடையான்' வெளியீட்டு தேதி முடிவான உடன் அடுத்த அடுத்த வாரங்களில் வரிசையாக மற்ற படங்களை வெளியிட முடிவு செய்திருக்கிறார்கள். இவ்வாறு வெளியிட்டால், நன்றாக போய் கொண்டிருக்கும் படத்தின் வசூல் பாதிக்கும் என்பது அவர்களது கவலையாக இருக்கிறது.
மேலே, குறிப்பிட்டுள்ள படங்களோடு சுந்தர்.சி இயக்கி வரும் 'அரண்மனை', வசந்தபாலன் இயக்கி வரும் 'காவியத்தலைவன்', ஷங்கர் இயக்கி வரும் 'ஐ', விஜய் சந்தர் இயக்கி வரும் 'வாலு', பாலாஜி மோகன் இயக்கி வரும் 'வாயை மூடி பேசவும்' உள்ளிட்ட சில படங்கள் கோடை விடுமுறை போட்டியில் இணையும் என்று எதிர்பார்க்கப்படுகிறது.
http://tamil.thehindu.com/cinema/tam...cle5804313.ece
பாலா - சசிகுமார் இணையும் 'தாரை தப்பட்டை'
பாலா - சசிகுமார் இணையும் படத்திற்கு 'தாரை தப்பட்டை' என்று தலைப்பிட்டு இருக்கிறார்கள். விரைவில் இப்படத்தின் படப்பிடிப்பு துவங்க இருக்கிறது.
'பிரம்மன்' படத்தினைத் தொடர்ந்து பாலா இயக்கவிருக்கும் படத்தில் நடிக்க திட்டமிட்டார் சசிகுமார். அதற்கான பணிகள் தீவிரமாக நடைபெற்று வந்தது.
சசிகுமார் ஜோடியாக நடிக்க வரலெட்சுமி சரத்குமார் ஒப்பந்தமாகி இருக்கிறார். இப்படத்தினை பாலா மற்றும் சசிகுமார் இருவரும் இணைந்து தயாரிக்க இருக்கிறார்கள். அடுத்த மாதம் இப்படத்தின் படப்பிடிப்பு தொடங்கும் என்று எதிர்பார்க்கப்படுகிறது.
இப்படத்திற்காக பாலா, சசிகுமாரின் கெட்டப்பை மாற்றிவிட்டார். படப்பிடிப்பு முடியும்வரை வெளியில் போகக்கூடாது என்று அன்புக் கட்டளை போட்டிருக்கிறார். தாடியை எல்லாம் எடுத்து பென்சில் மீசை போன்று வைத்திருக்கிறார் சசிகுமார். வரலெட்சுமி சரத்குமாரையும் உடம்பை கொஞ்சம் குறைக்க சொல்லி இருக்கிறார்.
இப்படத்தில் சசிகுமார் நாதஸ்வர வித்வானாகவும், வரலெட்சுமி கரகாட்ட கலைஞராகவும் நடிக்க இருக்கிறார்கள்.
இப்படத்திற்கான பாடல்களை இளையராஜா முடித்து கொடுத்து விட்டார். இளையராஜா இசையமைப்பில் வெளிவரும் 1000வது படம் என்று செய்திகள் வெளிவந்த வண்ணம் உள்ளன. ஆனால், இளையராஜா தரப்பில் இருந்து இதுகுறித்து அதிகாரப்பூர்வமாக எதுவும் தெரிவிக்கவில்லை.
GVPrahaas kastam ...he is the biggest victim of Anirudh's rise
'மான் கராத்தே', 'நான் சிகப்பு மனிதன்', 'தெனாலிராமன்', 'ஜிகர்தண்டா' --- idhellaam big budget films?