Printable View
கோ,
உங்களது ராகங்கள் பற்றிய தொடரை வாசித்து வருகிறேன். ராகங்கள் பற்றிய அறிவு முற்றிலுமாக இல்லாததால் புரிந்து கொள்ள முடியாவிட்டாலும் நிச்சயம் உபயோகமான பதிவாக புரிந்தவர்களுக்கு இருக்கும் என்று மட்டும் புரிகிறது.
ராகங்கள் சம்பந்தமான நீங்கள் அளிக்கும் பாடல்களின் லிஸ்ட்டை ஆர்வத்துடன் விடாமல் துரத்துவேன்.
அதனால் நிறுத்துவதெல்லாம் வேண்டாம்.
நல்ல சரக்கிற்கு எப்போதுமே மவுஸ்தானே! (நம் நெஞ்சமெல்லாம் நிறைந்த நடிகர்களின் நடிகன் போல)
கார்த்திக் சார்,
https://i1.ytimg.com/vi/ymcmqoFHv7k/hqdefault.jpg
'அன்னை வேளாங்கண்ணி'யில் என் மனம் கவர்ந்த இன்னொரு பாடல் உண்டு.
தந்தானா தன தந்தானா
தந்தானா தன தந்தானா
தந்தானா... ஆ ஆஆஆஆ......
தண்ணீர் குளத்தருகே
அம்மா தரிசனம் தந்தாளாம்
அருமையான கோரஸுடன் கூடிய ஜேசுதாஸ், மாதுரியின் வளமான குரலில் ஒலிக்கும் இப்பாடல் ஒரு துள்ளிசைப் பாடல். மீனவர்கள் படகுகளில் செல்லும் காட்சிகளும், உழவர்கள் கதிர் அறுத்து நெல் மூட்டைகளை வண்டியில் ஏற்றுவதும், 'மறுபடி வயலை உழும் முன் ஸ்ரீவித்யாவை திருமணம் செய்வேன்' என்ற சிவக்குமாரின் உறுதியும், தன்னனம்பிக்கையும் (இளமையான சிவக்குமார், ஸ்ரீவித்யா), வைக்கோற் போர்களின் மேல் நின்று பாடும் கோஷ்டியனர் கூட்டமும், தென்னந்தோப்புகளும் மறக்கமுடியவில்லை சிறுவயதில் பார்த்ததிலிருந்தே.
பாடலின் நீளமும் அதிகம். இனிமையும் அதிகம். ஜி.தேவராஜனின் மலையாள வாடையையும் மீறி பாடல்கள் இதயத்தில் ஒளிந்து கொண்டு இன்றுவரை வெளிவர மறுக்கின்றன.
வேளாங்கண்ணி அன்னையை இசை வடிவில் மீண்டும் வெளிக்கொணர்ந்ததற்கு தங்களுக்கு நன்றி!
அடுத்து 'ஜீசஸ்' மேடம் பாட்டு பற்றி...
கல்யாணி .
65 ஆவது மேளகர்த்தா ராகமான இது மெல்லிசைக்கு இசைவான classic ,semi classic,Gazhal ,melody,folk ,என்று எல்லா ரக பாடல்களுக்கும் தோது. மனோரஞ்சித மலர் போல காதலென்றால் காதல்,பாசமேன்றால் பாசம்,குதூகலமென்றால் குதூகலம் என்று இந்த ராகத்தின் plasticity சொல்லி மாளாது.தமிழில் அதிக பட்ச மெல்லிசை ,இந்த ராகத்தில்தான் வந்திருக்கும் என்று நினைக்கிறேன்.
சிறு வயதில் ,நடிகர்திலகத்தின் பரம ரசிகரான எங்கள் அம்மா வழி தாத்தாவுடன் 1968 இல் இந்த படம் குடந்தை ஜுபிட்டர் திரையரங்கில் பார்த்தேன்.(எங்கள் குடும்பத்தில் அனைவருமே நடிகர்திலகத்தின் பக்தர்கள்).ஒரு அரச சபையில் நடன காட்சி. சரி. அந்த கால வழக்க படி நிரவல் காட்சி என்று அசுவாரஸ்யமாய் இருந்தேன்.(அப்போதெல்லாம் எவ்வளவு ரீல் என்று அடித்து கொள்வார்கள். ஒரு ரீல் கிட்டத்தட்ட 1000 அடி10 நிமிட படம்)ஆனால் பல திரை ஒன்றால் பின் ஒன்றாக விரிந்து ,ஒரு அற்புத நடன நடை. நடன மாதுவிடமிருந்து அல்ல. நடைக்கென்றே பிறந்த உலக நடிகனின் தாளத்தோடு இசைந்த சிருங்கார நடன நடை.இந்த பாடலை connoisseurs என்று சொல்ல படும் பல இசை மேதைகள் சிலாகித்து ,இதற்கு மேல் கல்யாணியில் என்ன சாதிக்க முடியும் என்று திரை இசை திலகத்தை போற்றி புகழ்ந்த பாடல் "மன்னவன் வந்தானடி தோழி".
அண்ணன் தங்கை பாசமென்றாலே உருக்கம் நிறைந்த demonstrative பாணியில் அமைந்த போது ,ஸ்ரீதர் அழகாக நட்போடு தங்கை மனதை உணரும் மென்மையான அண்ணனை காட்டிய அற்புத பாடல். கசல் (gazal )பாணியில் இரட்டையர் இசையமைப்பில் ,தமிழில் வந்த பாடல்களிலேயே சிறந்தவைகளில் ஒன்றாக நான் சிலாகிக்கும் பாடல்."இந்த மன்றத்தில் ஓடி வரும்". இந்த இடத்தில் இரட்டையர்களின் மேதைமையை நான் புகழ்ந்தே ஆக வேண்டும். ராஜா இசையமைப்பில் ராகங்களை சுலபமாக இனம் காணலாம்.இரட்டையர் இணைவில் அது மிக கடினம்.தமிழின் மிக மிக சிறந்த பாடல்களின் பொற்காலம் என்றால் விஸ்வநாதன்-ராமமூர்த்தி இணைவில் 60 முதல் 65 வரையே.
நாயகனை முழு படமும் ஊனமுற்றவராக சித்திரித்த ,நடிப்பில் இன்றும் எல்லோருக்கும் benchmark ஆக திகழும் பாக பிரிவினை படத்தில் (அடடா ,அந்த ஆரம்ப குதூகல நடனம்)இமேஜ் பாராது உலக நடிகன் எருமை ஏறிய folk wonder (வடக்கு சாயலில்)தாழையாம் பூ முடிச்சு.
பாரதியின் ஜனரஞ்சக தெரிந்த பாடல்கள் பல இருக்க ,அவரின் படு வித்யாசமான தனி பாடலான ,இன்றைய பேரரசுகளுக்கு அன்றே விட்ட சவாலான பாடல் நிற்பதுவே நடப்பதுவே பறப்பதுவே..இதை தேர்வு செய்து இசையமைத்த ஞானிக்கு எனது ஆத்மார்த்த நன்றிகள்.
இப்போது தெரிகிறதா இந்த ராகத்தின் வீச்சு.ஜனரஞ்சகம்.வித்தியாச range . அதுதான் கல்யாணி.
இந்த ராகத்தில் மற்ற சுவையான பாடல்களில் சில.(அத்தனையும் லிஸ்ட் போட முடியாது.)
துணிந்த பின் மனமே - தேவதாஸ்.
சிந்தனை செய் மனமே- அம்பிகாபதி.
முகத்தில் முகம் பார்க்கலாம்-தங்க பதுமை.
அத்திக்காய் காய் காய்- பலே பாண்டியா.
கண்ணன் வந்தான் -ராமு.
அடி என்னடி ராக்கம்மா- பட்டிக்காடா பட்டணமா.
இசை கேட்டால் புவி அசைந்தாடும்-தவ புதல்வன்.
வெள்ளை புறாவொன்று- புது கவிதை.
நதியிலாடும் பூ வனம்- காதல் ஓவியம்.
ஜனனி ஜனனி- தாய் மூகாம்பிகை.
அம்மா என்றழைக்காத- மன்னன்.
சுந்தரி கண்ணால் ஒரு சேதி- தளபதி.
உப்பு கருவாடு ஊற வைத்த சோறு-முதல்வன்.
அவள் அப்படி ஒன்றும் அழகில்லை-அங்காடி தெரு.
அன்பு வழி படத்தில் இடம் பெற்ற இந்த பாடல்
நாணமில்லை உங்கள் கண்ணுக்கு ....பாடல்
விஜயலக்ஷ்மியின் நடிப்பு இந்த கிண்டல் பாடலில் அருமையாக இருக்கும் .
http://youtu.be/w1tnYCgOqIs
"kalyani" meaning auspicious
கல்யாணியின் மேலும் சில பாடல்கள்
என்னை கவர்ந்தவை
1.வந்தாள் மகாலக்ஷ்மியே என் வீட்டில் என்றும் அவள் ஆட்சியே
குடி வாழ தனம் வாழ - உயெர்ந்த உள்ளம்
பாலாவின் அட்டகாசம்
அதிலும்
"நண்பா பெண் பாவை கண் வண்ணம்
கள்ளம் இல்லாத பூ வண்ணம்
சொந்தம் பந்தம் இல்லாமல் வந்ததது ஒரு வண்ணமயில்
வீடு வாசல் எல்லாமே மின்னுது மின்னுது பொன் வடிவில்
மயங்கினேன் ஆ
பின் ஸ்வரங்கள்
2."கலைவாணியே உனைத்தானே அழைத்தேன் " சிந்து பைரவி
அவரோகணம் இல்லாத ஒரு பாடல்
3."காற்றில் வரும் கீதமே கண்ணனை அழைதோயோ" -ஒரு நாள் ஒரு கனவு
தமிழ் சினிமாவில் இந்த படம் ஒரு அங்கம் . 1980 கால கட்டத்திற்கு பிறகு பிறந்தவர்கள் கூட உண்மையில் தமிழ் சினிமா ஆர்வலர்களாக இருந்தால் இந்த படத்தை பார்க்காமல் இருக்க மாட்டார்கள்
வலைப்பூவில் இந்த படத்தை துவைச்சு காய போட்டவர்கள் நிறைய பேர்
இரண்டு அருமையான பாடல்கள் .
இரண்டுமே கதையை,கதா பாத்திரங்களை ஒட்டியே அமைந்து இருக்கும் .
நிறைய படங்களில் பாடல் காட்சி என்பது குட்டி இடைவேளை (short பிரேக்) ஆகவே இருக்கும் . ஆனால் இந்த படத்தின் இரண்டு பாடல்கள்
காட்சிக்கும் யாருமே சீட்டை விட்டு எழுந்து வெளியே செல்ல மாட்டார்கள் .அப்படி அனைவரையுமே கட்டி போட்ட பாடல்கள்
ஒரு திரைப்பட பாடல் என்பதற்கு குறைந்த பட்சம் 5 பேர் தன்னுடைய பங்கை முழு அர்பணிப்புடன் செய்தால் ஓழிய அந்த பாடல் என்றும் சாகா வரம் பெற்ற பாடல் ஆக மாற முடியாது .
(அதற்காக நான் மற்றவர்களின் பங்கை ஒதுக்கிவிடவில்லை )
அந்த வரிசையில் இசை அமைப்பாளர்,பாடலாசிரியர்,பாடகர்,படத்தை இயக்கியவர் மற்றும் அந்த பாடலுக்கு வாய்அசைத்து நடித்த நடிகர்
ஆகிய 5 பெரும் ஜாம்பவான்கள் இணைந்து உருவாக்கிய
காதுகளுக்கு இனிமையாகவும்,எல்லோரும் புரிந்து கொள்வதற்கும் மேலும் எளிமையாகவும் உள்ள இந்த பாடல் சொர்க்கத்தில் இருந்து இசை அமைப்பாளர் மூலமாக ரசிகர்களாகிய நமக்கு வழங்கப்பட்ட கொடை என்றே சொல்லலாம்
இந்த பாடலை பற்றி நான் படித்த ஒரு விமர்சன கருத்து அப்படியே தருகிறேன்
"Like a fine piece of diamond jewellary that captures your attention and hides its intricacies, this song too has the captivating sparkle that shrouds its inner intricacies .. you really have to tear yourself away from the song to look into its inner beauty .. wherein you will find the vocal expression and amazing musical embellishments."
வாசு சார் பாராட்டுக்கு நன்றி..
சின்ன வயசில் மதுரையில் என் வீட்டிலிருந்து இரண்டாவது வீடு அஞ்சு பொண் மாமி வீடு என்பார்க்ள்..பெயர்க்காரணம் புரிந்திருக்கும்..அந்த அ பொ மாமியின் கடைசிப் பெண் என்னை விட இரண்டுவயது மூத்தவர்..கொஞ்சம் புடலங்காய்க்குப்பாவாடை சட்டை தாவணி போட்டு காற்றிலாடும் மாமர இலைகளைப் போல அசைந்தாடி நடப்பார்..பக்கத்து வீட்டு செட்டியார் பையன்கள் வைத்த பெயர் நாட்டியக் குதிரை..அந்தப் பெண்ணின் இயற்பெயர் ம்ம் கல்யாணி.. கோபால் அவரை நினைவு கூற வைத்து விட்டார் :) நன்றி கல்யாணி ராகப் பாடல்களுக்கு கோபால கிருஷ்ணர்க்ளுக்கு..
க்ருஷ்ணா சார்..அது என்னவாக்கும் பாட்டு