KOLANGAL - unkal paakam

ஏற்கெனவே போனில் மேனகாவைத் தொடர்புகொள்ள முயன்று தோற்ற ஆதி, நேரில் அவளைப்பார்க்க வருகிறான். அப்போது அவள் கார்த்திக்கிடம் பிஸினஸ் விஷயமாக முக்கிய டிஸ்கஷனில் இருக்க, ஆதியைக் கண்டுகொள்ளவில்லை. ஆதிக்கு நெருப்பின் மீது நிற்பதுபோலிருக்கிறது. போதாக்குறைக்கு கார்த்திக் போகும்போது தன் பங்குக்கு ஆதிக்கு அட்வைஸ் பண்ணி விட்டுப்போக, 'எப்படி இருந்த நான் இப்படி ஆயிட்டேன்' என்ற நிலை ஆதிக்கு. ஒருவழியாக ஆதியிடம் முகம் கொடுத்துப்பேசும் மேனகாவிடம், ரொம்பவே பணிந்து பவ்யமாக மன்னிப்பு கேட்கிறான் ஆதி. என்ன செய்வது, சிங்கத்தின் வாயில் தலையைக்கொடுத்தாயிற்றே. இனிமேல் மேனகாவிடம் தன்னுடைய ப்ராஜக்ட் பற்றி எந்த ஒரு வார்த்தையும் கேட்கமாட்டேன் என்று சத்தியம் செய்கிறான். மேனகாவிடம் ஆதியின் பிடி வசமாக மாட்டிக்கொண்டது. இனி எந்தக்காலமும் அவன் மேனகாவிடம் எதுவும் கேட்க முடியாது. உடனடியாக ஒரு பிரஸ் மீட்டுக்கு ஏற்பாடு செய்யும்படி தன் எடுபிடிகளில் தலைமை எடுபிடியிடம் சொல்கிறாள். பின் என்ன அது அலுவலகமா, அல்லது அவன்தான் ஆபீஸரா..?. எப்போதும் மேனகாவுக்குப் பக்கத்தில் அடியாட்கள் போலவே நின்று கொண்டிருக்கின்றனர்.

தோழரின் பாசறை. ஆனந்தி மேனகாவின் பிரஸ் மீட்டுக்குப் போகப்போவதாகவும், அவளைப்பற்றியும், ஆதியைப்பற்றியும், தேவராஜ பாண்டியனைப் பற்றியும் ஏராளமான தகவல்கள் சேகரித்து வைத்திருப்பதாகவும் விரைவில் தன்னுடைய பத்திரிகையில் வெளியிடப்போவதாகவும் தோழரிடம் சொல்கிறாள்.

ஊருக்கு ஒதுக்குப்புறமாக கடலோரப்பகுதியில் சிறிய வீடு எடுத்து தங்கியிருக்கும் தொல்காப்பியனைப் பார்க்க சித்ரா வருகிறாள். அங்கிருந்தவர்களிடம் விசாரித்துக்கொண்டு வீட்டை அடையும் அவள் உருப்படியாக எதுவும் பேசவில்லை. இரண்டு துண்டு பிரட் தின்றதோடு சரி. கிளம்பிப்போகும்போது, ஷேர் ஆட்டோவில் போக, அதில் ஏற்கெனவே வின்சென்ட் இருக்கிறான் (இப்போது புது அவதாரமான பிராமணர் வேடத்தில்..., விட்டால் இவரும் தசாவதாரம் எடுப்பாரோ). ஆட்டோவில் போகும்போது விவேக்கிடம் இருந்து போன் வர சித்ரா பேசுகிறாள் (தொல்காப்பியனின் பெயரைக் குறிப்பிடாமல்). ஒரு இடத்தில் வின்சென்ட் இறங்கிக்கொள்ள, ஆட்டோ புறப்படும் நேரத்தில் போனில் சித்ரா தொல்காப்பியன் பெயரைச்சொல்ல இவர் அதிர்கிறார். சுதாரிப்பதற்குள் ஆட்டோ போய்விடுகிறது. (வின்சென்ட் குடியிருக்கும் வீட்டு மாடியில்தான் சித்ரா குடியிருக்கிறாள். இப்போது சித்ராவை வின்சென்ட் பார்த்துவிட்டார். அவளுக்கும் தொல்ஸுக்கும் தொடர்பு இருப்பதும் தெரிந்து விட்டது).

தன்னுடைய ப்ராஜக்டுக்கு பார்த்த இடத்தை விலைபேச கிருஷ்ணனுடன், அந்த இடத்தின் சொந்தக்காரரைச் சந்திக்கப்போகிறாள் அபி. ஓனர் இப்போ வந்துவிடுவார் என்று அங்குள்ள ஒருவர், இவர்களை ஓனரின் அறைக்கு அழைத்துச்சென்று அமர வைக்கிறார். காத்திருக்கிறார்கள். ஓனர் வருகிறார், வேறு யாருமல்ல பாஸ்கர்தான். ஸ்டாஃப்களின் குட்மார்னிங்'களைப் பெற்றுக்கொண்டு (அபி அமர்ந்திருக்கும்) தன்னுடைய அறையின் கதவைத்திறக்க.... FREEZE.... (Freeze ஆனது அபியோ, பாஸ்கரோ அல்ல, காட்சி..)

Thank you saradhaa_sn
keep up

தொல்ஸ் /சித்ரா

யாருக்கும் கஸ்டம் கொடுப்பதில்லயாம் என்கின்றர்ர் தொல்ஸ்

இந்த கோலங்களை விடவா ..

:-)

அபியைத் தன்னுடைய அறையில் பார்த்த பாஸ்கருக்கு இன்ப அதிர்ச்சி. தன்னுடைய இடத்தை விலைக்கு வாங்க அபி வந்திருக்கிறாள், அதன் மூலம் அபியுடன் தன் நெருக்கத்தை அதிகப்படுத்திக் கொள்ளலாம் என்ற எண்ணம் அவன் புன்னகையில் தெரிகிறது. ஆனல் தான் விலை பேச வந்தது பாஸ்கரின் இடம் என்பது தெரிந்த அடுத்த வினாடியே, அபி புறப்பட தயாராகிறாள். ஆனால் பாஸ்கர், தடுத்து, தனக்கும் அவளுக்கும் இடையேயான பழைய குடும்ப உறவுகளை எல்லாம் ஒதுக்கி வைக்கும்படியும், அவள் பிஸினஸ் பேச வந்திருப்பதாகவும் தான் பிஸினஸ் செய்ய இருப்பதாகவும் சொல்லி, தான் விறக் இருக்கும் இடத்தை அபியின் பெரிய ப்ராஜக்ட் ஒன்றுக்கு தருவதை தான் விரும்புவதாகவும் ஆகவே அவளே அதற்கு ஒரு விலையை நிர்ணயித்து எடுத்துக்கொள்ளும்படியும் கூற, அபிக்கோ அவன் சும்மா கொடுத்தாலும் அந்த இடம் வேண்டாம் என்ற எண்ணமே மேலோங்கி இருக்க, மறுத்துவிட்டு புறப்படுகிறாள். (ஆனால் இருவருக்கும் இடையே காரசாரமான வாதம் எதுவும் இல்லை, புன்னகையுடனேயே உரையாடினர்).

வெளியில் வந்ததும் காரை எடுத்துக்கொண்டு வருவதாகச்சொல்லி கிருஷ்ணன் போக, அபியைத்தொடர்ந்து அவள் பின்னாலேயே படியிறங்கி வரும் பாஸ்கர், அவளிடம் ஏதோ தனியாகப் பேசப் போகிறான் என்று எண்ணும் நேரம், அவ்விடத்தில் காரில் வந்திறங்கும் டாக்டர் ரமேஷ், அபியிடம் விவரம் கேட்கிறான். தன் ப்ராஜக்ட்டுக்கு இடம் வாங்கும் விஷயமாக வந்திருப்பதாகச் சொல்லும் அபியிடம், அதே ஏரியாவில் தனக்கு தெரிந்த ஒருவரது இடம் இருப்பதாகச்சொல்லி தன்னுடைய காரில் டாக்டர் ரமேஷ் ஏற்றிக்கொள்ள, தன் காரில் பின்தொடருமாறு கிருஷணனுடன் அபி தெரிவிக்க, நடந்தவற்றைப் பார்த்துக்கொண்டிருக்கும் பாஸ்கருக்கு உள்ளத்தில் பொறாமைத்தீ. (ஏற்கெனவே டாக்டர் ரமேஷை திருமணம் செய்துகொள்ளத் தயாராக இருப்பதாக கோயிலில் வைத்து பாஸ்கர் எதிரிலேயே அபி சொன்னது நினைவிருக்கலாம்).

(திருச்செல்வத்திடம் இருக்கும் ப்ளஸ் பாயிண்ட் இதுதான். எந்த ஒரு கேரக்டரையும் அம்போ என்று தொங்கலில் விட்டு விட்டுப் போய்க்கொண்டிருக்க மாட்டார். எங்காவது ஒரு இடத்தில் அவை வந்து 'லாக்' ஆகிக்கொண்டே இருக்கும். அங்குசாமியும், ராஜேஷின் அண்ணன் குடும்பமும், டாக்டர் ரமேஷும், கார்த்திக்கும் திரும்ப வருவார்கள் என்று நினைத்தோமா?. விரைவில் கங்காவின் குடும்பமும் திரும்பி வருவார்கள்.. பாருங்கள்).

பிரஸ்மீட்டுக்கு வந்திருக்கும் பத்திரிக்கையாளர்களிடம் ஆதியும், கார்த்திக்கும் பிரஸ் மீட் பற்றிய சின்ன அறிமுகம் கொடுக்க, மேனகா பேசுகிறாள். தங்களுடைய ப்ராஜக்டைப் பற்றி தங்களுக்கு வேண்டாத சிலர் இல்லாததும் பொல்லாததுமாக தவறான வதந்திகளைப்பரப்பி வருவதாக சொல்லிக்கொண்டிருக்கும்போது, ஆனந்தி உள்ளே வந்து குறுக்கிடுகிறாள். மேனகாவின் 'ஸேட்டலைட் சிடி' ப்ராஜக்டுக்கு ஏழை எளியோர் குடியிருக்கும் நிலங்களை சங்கரபாண்டியன், தேவராஜ பாண்டியன், ஆதித்யா ஆகியோரின் அராஜக, அடாவடி நடவைக்கைகளால் கைப்பற்றியதாகவும், அதற்கு தன்னிடம் ஆதாரங்கள் இருப்பதாகவும் கூற, மேனகாவுக்கு அதிர்ச்சி. அவள் சந்தேகத்துடன் கார்த்திக் பக்கம் திரும்ப அவனுக்கு தர்மசங்கடம். ஆனந்தியை அடக்க முயலும் ஆதியையும், கார்த்திக்கையும் அவள் சட்டை பண்ணவில்லை.

ஆனந்தியின் அக்கா அபி, இன்னொரு பெரிய ப்ராஜக்ட் பண்ண இருப்பதால் தங்கள் செல்வாக்கைக் குறைக்கவே ஆனந்தி இப்படி குற்றம் சுமத்துவதாகவும், அதற்கு பத்திரிகை என்ற போர்வையை கேடயமாக பயன்படுத்துவதாகவும் மேனகா பத்திரிக்கையாளர்களிடம் சொல்கிறாள்.

ஆனந்தியின் குற்றச்சாட்டுக்கள் ஒரு கட்டத்தில் எல்லைமீறிப்போக, மேனகா உடனே பிரஸ்மீட்டை முடித்துக்கொண்டு, தங்கள் ப்ராஜக்ட் பற்றிய விவரங்களடங்கிய சிறிய கையேட்டை விநியோகிக்குமாறு தன்னுடைய உதவியாளரிடம் கூறிப் புறப்படுகிறாள்.

who is karthick?? Aanandhi's lover? :roll: (Vishva or Vijay saradhi??? )

Quote:

---

Originally Posted by Arthi

who is karthick?? Aanandhi's lover? :roll: (Vishva or Vijay saradhi??? )

---

Its Vishva ... :)

thanks Madhu :D

டாக்டர் மகேஷ் சொன்ன, பெங்களூர் நெடுஞ்சாலையில் உள்ள இடத்தின் சொந்தக்காரரை சந்திக்கும் அபிக்கு அந்த இடம் பிடித்துப்போக, தான் அந்த இடத்தை வாங்கிக்கொள்வதாக சொல்ல, அவர் 30 கோடி விலை சொல்கிறார். அது அபிக்கு சற்று கூடுதல் விலையாக தோன்ற, அவர் விலையில் உறுதியாக இருக்க, இடத்தின் வில்லங்கம் சம்மந்தமான விஷயங்களைத் தெளிவுபடுத்திக்கொண்டு ஒரு வாரத்தில் வருவதாகச் சொல்லி புறப்படுகிறாள். (கூடவே ஒட்டுவாலாக கிருஷ்ணனும்). அவள் போனதும், அபி தன்னை மணந்துகொள்ள மறுத்துப்பேசிய தருணங்களை டாக்டர் மகேஷ் நினைத்துப்பார்க்கிறார். (ஸாரி, முன்னர் நான் குறிப்பிட்டதுபோல அவர் ரமேஷ் அல்ல).

ஆனந்தியும் கார்த்திக்கும் வாக்குவாதத்தில் இறங்குகின்றனர். ஆனந்தியின் செயலால் தனக்கு மேனகாவிடம் கெட்டபெயர் ஏற்படும் என்று கார்த்திக் சொல்ல, அதுபற்றி தனக்கு கவலையில்லையென்றும், எந்த தனிப்பட்ட ஒருவருக்காகவும் தன்னுடைய கொள்கைகளை காம்ப்ரமைஸ் செய்துகொள்ள முடியாது என்றும் மறுக்கிறாள். அப்போது அங்கே வரும் தோழர், அவர்களது பேச்சின் சூட்டைத் தணிக்க முயல, கார்த்திக் அவர்மீதும் குற்றம் சுமத்துகிறான். ஆனந்தியின் தவறான போக்கைக் கண்டித்து திருத்த வேண்டிய அவரே அவளது நடவடிக்கைகளூக்கு தூபம் போடுவதாகச் சொல்ல, கோபம் அடைந்த ஆனந்தி கார்த்திக்கை சத்தம் போட்டு வெளியேற்றுகிறாள்.

பத்திரிகையாளர் சந்திப்பில் நடந்த கசப்பான விஷயங்களால் கொதித்துப்போயிருக்கும் மேனகாவை மேலும் தூண்டும் விதமாக, 'ஆனந்தியை ஏன் இன்னும் சும்மா விட்டு வைத்திருக்கிறீர்கள்?' என்று ஆதி எரிகிற தீயில் எண்ணை ஊற்ற அவள் கோபம் மேலும் அதிகமாகிறது. அந்நேரம் அங்கு வரும் கிரி, ஆதியை தனியே அழைத்துப்போய், 'அபியின் ப்ராஜக்டுக்கு டாக்டர் மகேஷின் நண்பருடைய இடம் கிடைத்து விட்டது' என்ற விவரம் சொல்ல, அவனுக்கும் கோபம் தலைக்கேறுகிறது.

மகேஷின் நண்பர் மதுவருந்திக்குஒண்டு இருக்கும் 'பார்'க்கு அடியாட்கள் சகிதம் வரும் தேவராஜ பாண்டியன், 'அபிக்கு தன்னுடைய இடத்தை விற்றால், அவருடைய உயிரை எடுத்துவிடுவதாகவும் அப்புறம் எத்தனை கோடிகள் வந்தாலும் அவரால் அனுபவிக்க முடியாது என்றும், தன்னுடைய இந்த எச்சரிக்கைக்குப்பின்னால் மேனகா இருப்பதாகவும்' கடுமையாக மிரட்டி விட்டுப்போகிறான்.

தான் ஏற்கெனவே கட்டிக்கொண்டு இருக்கும் 'சைட்'ட்டில் (ஒட்டுவால் கிருஷ்ணன் சகிதம்) போயிருக்கும் அபியை, அந்த பிளாட்களில் ஒன்றுக்கு சொந்தக்காரர் ஒருவர் சந்திக்கிறார். பிளாட் சம்மந்தமான பேச்சுக்கு நடுவே அவர் தொல்காப்பியனைப்பற்றி விசாரிக்க, கிருஷ்ணன் 'அவர் இப்போது இல்லை'என்று பட்டென்று பதில் சொன்னது பிடிக்காமல் அபி அவரைக் கண்டிக்கிறாள். அப்போது அபிக்கு போன்கால் வர, எடுத்துப்பேசினால் மறுமுனையில் நிலத்தின் சொந்தக்காரர். மேனகாவின் சார்பில் தேவராஜபாண்டியன் தன்னைக்கொன்றுவிடுவதாக மிரட்டிவிட்டுப்போன விவரத்தை சொல்லி, அபிக்கு நிலம் தர மறுக்கிறார். அபி சமாதானம் செய்ய முயன்றும் அவர் கேட்கவில்லை. 'உங்களுக்கு இன்னொரு இடம் கிடைக்கும், ஆனால் எனக்கு இன்னொரு உயிர் கிடைக்காது' என்று அவர் சொல்ல, அபியால் மேற்கொண்டு வற்புறுத்த முடியவில்லை. கிருஷ்னனைப்போகச்சொல்லி விட்டு, கோபத்துடன் மேனகாவைப் பார்க்கச் செல்கிறாள்.

செக்யூரிட்டிகள், மேனகாவின் எடுபிடிகள் என்று யார் தடுத்ததையும் பொருட்படுத்தாமல் நேரே சென்று மேனகாவைப்பார்க்க, அவளோ மிகவும் கூலாக 'நீ என் காலில் விழ வருவேன்னு எனக்கு தெரியும்' என்று கூறி அபியின் கோபத்தை உச்சத்திற்கு கொண்டுபோக...., பதிலுக்கு அபி என்ன சொன்னாள்..?

அது இனிமேல்தான் தெரியும்.

:ty: saradhaa

dign

// oru naal :ty: icon pottu pottu thalai sutha poguthu aana kku :lol2:

I am just kidding :D
aana its actually so cute to watch u putting :ty: icon . //

dign 2

:shaking: my mother in law was saying aanandhi and kolangal may finish very soon (and that was in last nov, which she confirmed again this june...so both the serials are still running :roll: ?)

(atleast did aanandhi get over?)

:shaking:

just curiosity! srry guys carry on :thumbsup: :wave: