Printable View
கடந்த ஆண்டு மார்ச் மாதம் தமிழகம் முழுவதும் புரட்சி தலைவர் .எம்.ஜி.ஆர்.
"ஆயிரத்தில் ஒருவன் " டிஜிட்டல் திரைப்படம் வெளியானபோது , நெல்லை ராம்,
& முத்துராம் சினிமாஸ் அரங்கிலும் வெளியிடப்பட்டது .
அப்போது வெளியான டிக்கட் , நெல்லை திரு.வேலாயுதம் அவர்களை பெங்களூரில்
சந்தித்தபோது கிடைத்தது. அதை நண்பர்களின் பார்வைக்கு பதிவிடுகிறேன் .
http://i60.tinypic.com/1zpnm0z.jpg
புரட்சி தலைவர் எம்.ஜி.ஆர். அவர்களின் மெய்காப்பாளரும் , திரைப்பட ஸ்டன்ட்
இயக்குனருமான திரு. என். சங்கர் நேற்று சென்னையில் காலமானார்.
அன்னாரை இழந்து வாடும் அவருடைய குடும்பத்தாருக்கு அனைத்துலக எம்.ஜி.ஆர்.
பொதுநல சங்கம் சார்பான ஆழ்ந்த இரங்கலை தெரிவித்துக் கொள்கிறோம் .
அதுபற்றிய இரங்கல் செய்தி, இன்றைய தமிழ் இந்து தினசரியில் வெளியானது
http://i60.tinypic.com/28b9pv8.jpg
நேற்று திருமண நாள் கொண்டாடிய சகோதரர் திரு.திருப்பூர் ரவிச்சந்திரன் அவர்களுக்கு உளமார்ந்த வாழ்த்துக்கள். தாமதமாக வாழ்த்து கூறுவதற்கு மன்னிக்கவும் திரு. ரவிச்சந்திரன். நேற்று திரியை பார்க்க முடியவில்லை. நன்றி.Quote:
Originally Posted by MGRRAAMAMOORTHI
அன்புடன் : கலைவேந்தன்
சத்துணவு தந்த சரித்திர நாயகன் புகழ் எத்திக்கும் பரவட்டும்
வாழ்த்துக்களுக்கு நன்றி திரு.ராகவேந்திரா சார்.Quote:
Originally Posted by RAGHAVENDRA
அன்புடன் : கலைவேந்தன்
சத்துணவு தந்த சரித்திர நாயகன் புகழ் எத்திக்கும் பரவட்டும்
தலைவரின் விசுவாசியும் அவரோடு படங்களில் நடித்தவரும் மெய்க்காவலருமான திரு.சங்கர் மறைவுக்கு எனது ஆழ்ந்த இரங்கல்களை தெரிவித்துக் கொள்கிறேன்.Quote:
Originally Posted by ravichandrran
அன்புடன் : கலைவேந்தன்
சத்துணவு தந்த சரித்திர நாயகன் புகழ் எத்திக்கும் பரவட்டும்
முப்பிறவி கண்ட நிரந்தர முதல்வர்Quote:
Originally Posted by Varadakumar Sundaraman
1984 அக்டோபர் மாதம். புரட்சித் தலைவர் உடல் நலிவுற்று அமெரிக்காவில் சிகிச்சை பெற்று வந்தபோது பிரதமர் இந்திராகாந்தி அம்மையார் தன் மெய்காவலர்களாலேயே சுட்டுக் கொல்லப்பட்டார். இதைத் தொடர்ந்து நாடாளுமன்றத்துக்கு தேர்தல் வந்தது. அதோடு சட்டசபை தேர்தலையும் நடத்த தமிழக அமைச்சரவை முடிவு செய்தது. இந்திரா காங்கிரசும், அ.இ.அ.தி.மு.க.வும் கூட்டணி அமைத்து திமுக கூட்டணியை எதிர்த்துப் போட்டியிட்டன.
புரட்சித் தலைவர் தமிழகத்தில் இல்லாமலே அவரது இயக்கமான அதிமுக சந்தித்த முதல் தேர்தல் அது. புரட்சித் தலைவர் ஆண்டிப்பட்டித் தொகுதியில் போட்டியிட்டார். புரட்சித் தலைவர் திரும்ப மாட்டார் என்றும் அவரது உடல் ஐஸ் பெட்டியில் வைக்கப்பட்டிருப்பதாகவும் தமிழகத்தில் (பொய்) பிரசாரங்கள்.
அதற்கு பதிலடியாக அமெரிக்காவில் தலைவர் சிகிச்சை பெற்று வருவதையும் சூப் குடித்து எலும்பை கடிப்பதையும் படமாக்கி புகைப்படங்களும் வீடியோ காட்சிகளும் வெளிவந்தன. திரையங்குகளில் அந்தக் காட்சிகள் காட்டப்பட்டன. அதைப் பார்ப்பதற்கே தியேட்டர்களில் கூட்டம் திரண்டது. இந்தக் காட்சிகள் படமாக்கி காட்டப்பட்டதில் முன்னாள் அமைச்சர் அண்ணன் ஆர்.எம்.வீரப்பன் அவர்களுக்கும் திரு.ஏவிஎம் சரவணன் அவர்களுக்கும் முக்கிய பங்கு உண்டு. செல்வி. ஜெயலலிதாவும் கழக முன்னணியினரும் தமிழகம் முழுவதும் பிரசாரத்தில் ஈடுபட்டனர்.
தலைவர் களத்தில் இல்லாவிட்டாலும் அவரது புகைப்படமே பிரசாரத்தில் கலக்கியது. அவ்வப்போது அமெரிக்காவில் அவர் சிகிச்சை பெறும் புகைப்படங்கள் வெளியாயின. எம்.ஜி.ஆரின் புதிய (புகைப்)படம் என்று நாளிதழ்களின் போஸ்டரில் போட்டு விளம்பரம் செய்யப்பட்டு கடைகளில் தொங்கவிடப்பட்ட நாளேடுகள் உடனே விற்றுத் தீர்ந்தன.
திமுக சார்பில் ‘‘நண்பரின் (தலைவரின்) நலிவு நீங்கிட வாழ்த்துக்கள். நாட்டின் நலிவு நீங்கிட உதயசூரியனுக்கு வாக்குகள்’’ என்ற வாசகத்தோடும், தலைவரும் திரு.கருணாநிதியும் பேசிக் கொண்டிருப்பதை போன்ற படத்துடனும் கூடிய சுவரொட்டி தமிழகம் முழுவதும் ஒட்டப்பட்டது. உச்சகட்டமாக,‘‘ என்னைத் தேர்ந்தெடுங்கள். எம்.ஜி.ஆர். திரும்பி வந்ததும் அவரிடமே முதல்வர் பதவியை ஒப்படைத்து விடுகிறேன்’’ என்று கூட திரு.கருணாநிதி பிரசாரத்தில் கூறினார். அந்த பிரசாரங்களுக்கெல்லாம் தலைவரின் புகைப்படங்களே பதிலாக அமைந்தது.
தேர்தலுக்கு 4 நாட்கள் முன்பு இடதுகையை உயர்த்தி தலைவர் இரண்டு விரலை காட்டும் புகைப்படம் வெளியானது. தொண்டர்களிடமும் மக்களிடமும் உற்சாகத்தையும் நம்பிக்கையையும் ஏற்படுத்தியது அந்தப் படம்.
மக்கள் வழக்கம் போல தலைவர் பக்கமே. அந்தத் தேர்தலில் அ.இ.அ.தி.மு.க. சட்டமன்றத்தில் 132 இடங்களையும், நாடாளுமன்றத்தில் 12 இடங்களையும் பெற்று அமோக வெற்றி பெற்றது. 6000 மைல்களுக்கு அப்பாலுள்ள அமெரிக்காவின் புரூக்ளின் மருத்துவமனையில் படுத்துகொண்டே ஆண்டிப்பட்டி தொகுதியில் தலைவர் மகத்தான வெற்றி பெற்றார்.
யாரும் நினைத்துப் பார்க்க முடியாத வரலாற்று சாதனை இது. உலகில் இதுபோன்ற அதிசயம் நிகழ்ந்ததாக வரலாறு இல்லை. இனியும் நிகழாது. முதல்வராக அமெரிக்கா சென்றவர் தேர்தலில் வென்று 1985 ஆம் ஆண்டு பிப்ரவரி 4 ஆம் தேதியன்று முதல்வராகவே தாயகம் திரும்பினார். சாதனை படைத்த சரித்திர நாயகரைத் தமிழகமே திரண்டு வந்து வரவேற்றது.
1985 ஆம் ஆண்டு பிப்ரவரி 10 ஆம் தேதியன்று மூன்றாவது முறையாகத் தமிழக முதல்வர் பொறுப்பை ஏற்றுக் கொண்டார், புரட்சித்தலைவர். ஆளுநர் எஸ்.எல்.குரானா பதவிப் பிரமாணம் செய்து வைத்தார். (அந்தப் படம் மேலே) மற்ற அமைச்சர்களை நம்பித்தான் முதல்வர் செயல்பட வேண்டியிருக்கும் என்றும் அவரால் செயல்பட முடியாது என்றும் விமர்சனங்கள் எழுந்த வேளையில், இதே நாளில் தான் ஒருவர் மட்டுமே பதவியேற்று தனது மன உறுதியை தலைவர் வெளிப்படுத்தினார்.
குடும்பத்திற்கு ஒருவருக்கு வேலை வாய்ப்பு அளிக்கும் திட்டம், ஆண்டு வருமானம் ஐயாயிரம் ரூபாய்க்கு குறைவாக உள்ள குடும்பங்களுக்கு தினசரி 10 கிராம் இலவச பல்பொடி வழங்கும் திட்டம், இலவசக் காலணிகளை வழங்கும் திட்டம், கிராமந்தோறும் மாதம் ரூ.150 சம்பளத்தில் பாம்புக்கடி மருத்துவர் ஒருவரை நியமிக்கும் திட்டம் முதலியவற்றை அமல்படுத்திப் புதிதாக 25 ஆயிரம் பேருக்கு வேலை வாய்ப்பை ஏற்படுத்தினார். இத்திட்டங்களை சிலர் கேலி பேசலாம். நேரடி மற்றும் மறைமுக வேலை வாய்ப்பால் பயனடைந்த குடும்பங்களைக் கேட்டால் தலைவரின் தொலைநோக்கு பார்வை புரியும்.
முப்பிறவி கண்டு மூன்றாம் முறையாக தலைவர் பதவியேற்ற நாள் இன்று. அவர் மறைந்து 27 ஆண்டுகள் ஆகியிருக்கலாம். ஆனால், மக்களின் மனதில் என்றென்றும் நிரந்தர முதல்வர் அவர்தான்.
தலைவர் பஞ்ச் : புரட்சித் தலைவர் உடல் நலம் குன்றியிருந்தபோது ஒருமுறை பேட்டியளித்தார். ஒரு நிருபர் அவரிடம், ‘‘உங்களால் செயல்பட முடியவில்லை. நீங்கள் ஒரு வெஜிடபிள்’ என்று சிலர் கூறுகிறார்களே?’’ என்று கிண்டலாக கேட்டார்.
தலைவர் கோபப்படவில்லை. லேசாக சிரித்துக் கொண்டே அங்கிருந்த பேப்பர் ஒன்றை எடுத்து அதில், ‘‘ உழைப்பவரே உயர்ந்தவர், அண்ணா நாமம் வாழ்க’ என்று எழுதி அதன் கீழே எம்.ஜி.ராமச்சந்திரன் என்று கையெழுத்து போட்டு ‘‘என்னை அப்படி சொன்னவர்களிடம் இதைக் கொண்டுபோய் காட்டுங்கள்’’ என்று அந்த நிருபரிடம் கொடுத்து வாயடைக்கச் செய்தார்.
அன்புடன் : கலைவேந்தன்
சத்துணவு தந்த சரித்திர நாயகன் புகழ் எத்திக்கும் பரவட்டும்
TODAY 7.00 PM WATCH SUNLIFE TV
http://i62.tinypic.com/5dnm2b.jpg
http://i59.tinypic.com/f9iiax.jpg