'Makkal Kalaignar' JAISHANKAR

மக்கள் கலைஞரின் 1970-ம் ஆண்டு சாதனைப் பட்டியல் :
(திரைப்படம் - வெளியான தேதி - சென்னை அரங்குகள் என்கின்ற ஃபார்மெட்டில்)

1. பெண் தெய்வம் - 22.1.1970 - கெயிட்டி, நட்ராஜ், மஹாராஜா, ராம்

2. எதிர்காலம் - 21.2.1970 - சித்ரா, மஹாலட்சுமி, முருகன், தங்கம், சீனிவாசா

3. நம்ம குழந்தைகள் - 27.2.1970 - சாந்தி, கிரெளன், புவனேஸ்வரி

4. காதல் ஜோதி - 14.4.1970

5. C.I.D. சங்கர் - 1.5.1970

6. வீட்டுக்கு வீடு - 29.5.1970 - சித்ரா, அகஸ்தியா, மஹாலட்சுமி

7. மாணவன் - 10.7.1970 - பிளாசா, அகஸ்தியா, சயானி

8. காலம் வெல்லும்- 11.9.1970

9. கண்ணன் வருவான் - 2.10.1970

10. நிலவே நீ சாட்சி - 4.12.1970

அன்புடன்,
பம்மலார்.

Quote:

---

Originally Posted by saradhaa_sn

நடிகர்திலகத்துக்கு அடுத்து, முதல் படத்தில் துவங்கி 150 படங்கள் வரையில் கதாநாயகனாகவே நடித்த பெருமைக்குரிய இன்னொருவர் 'மக்கள் கலைஞர்' ஜெய்சங்கர். அவர் வில்லன் வேடங்களிலும், துணைக் கதாபாத்திரங்களிலும், குணசித்திர வேடங்களிலும் நடிக்கத்துவங்கியது 150 படங்களுக்குப்பின்னர்தான். அதுவரை கதாநாயகனாகவே கொடிகட்டிப்பறந்தார்.

---

In both of the NT films he was second hero right :lol:

Okay, just wanted to kid you. I am reading, madam, I am reading and have related some of the stuff here to my mom. She thanked you for the efforts :thumbsup: :clap:

சாரதா,

நான் தவறாமல் மூன்று திரிகளையும் படித்துக் கொண்டுதானிருக்கிறேன். நீங்கள் அனைத்து தகவல்களையும் மிக நேர்த்தியாக பதிந்து விடுவதால் மேலே சொல்வதற்கு ஒன்றுமே இல்லை. எனக்கும் பிடித்த நடிகர் ஜெய். அதை முதலிலேயே சொல்லியிருக்கிறேன். ரவிச்சந்திரனை பொறுத்த வரை அவர் நிறைய நடிகர் திலகத்தின் பாணியை நகலெடுப்பார். போதாதற்கு 1971- தேர்தல் நேரத்தில் அவர் தி.மு.க.வில் சேர்ந்து பிரசாரம் செய்ய, என் மனதுக்கு அந்நியமாகிப் போனார்.

கிழக்கும் மேற்கும் சந்திக்கின்றன நான் பார்க்காத படம். உங்கள் விமர்சனத்தை படித்த பிறகு தான் அந்த படத்தின் கதை பற்றியே தெரிந்துக் கொண்டேன். 1979 வருடம் மார்ச் மாதம் வெளி வந்தது என்று நினைக்கிறேன். 1979-ல் திரிசூலம் வெளியான போது நடிகர் திலகத்தின் 200 -வது பட விழா மதுரையில் மார்ச் மாதம் 10,11 தேதிகளில் நடைப்பெற்றது. முதல் நாள் ஊர்வலத்தை மேல மாசி வீதி வடக்கு மாசி வீதி சந்திப்பில் நின்று நடிகர் திலகம் பார்வையிட்டார். அந்த விழா நிகழ்ச்சிகள் படமாக்கப்பட்டு திரிசூலம் படத்தோடு காண்பிக்கப்பட்டது. இப்போது அதை காணும் வாய்ப்பு கிடைத்தால் கவனியுங்கள். இந்த கிழக்கும் மேற்கும் சந்திக்கின்றன படத்தின் போஸ்டர்கள் அந்த மேடைக்கு எதிரே ஒட்டியிருப்பதை பார்க்கலாம்.

வண்டிக்காரன் மகன் படத்தை பற்றிய அனைத்து தகவல்களும் நீங்களே சொல்லிவிட்டீர்கள். வெகு நாட்களுக்கு பிறகு மதுரையில் இந்த ஜெய் படம்தான் 53 நாட்கள் ஓடியது. உழைக்கும் இனமே உடன் பிறப்பே பாடலில் ஜெய் பழைய எம்.ஜி.ஆர் படப் பாணியில் சிவப்பு சட்டை கருப்பு பான்ட் அணிந்திருப்பார். இந்த படம் வெளியாகி நன்றாக ஓடிக் கொண்டிருக்கும் போது ஜெய் மதுரையில் படம் ஓடிய கல்பனா தியேட்டருக்கு வந்தார். இடை வேளையில் பேசும் போது, தான் அடுத்த சில நாட்களில் அமெரிக்கா போகப் போவதாக சொன்னவர், எதையும் படிக்க போகவில்லை, நடிக்கப் போகிறேன் என்றார் [ஒரே வானம் ஒரே பூமி ஷூட்டிங்]. அந்த சமயத்தில்தான் அப்போது தமிழக முதல்வராக இருந்த எம்.ஜி.ஆர். முதன் முறையாக அமெரிக்கா செல்கிறார். நிருபர்களிடம் பேசிய எம்.ஜி.ஆர். அமெரிக்காவின் முன்னேற்றத்தைப் பற்றி படிக்க போகிறேன் என்று சொல்லியிருந்தார். ஜெய் பேசியதற்கு கூடியிருந்த தி.மு.க. தொண்டர்களின் கைதட்டல் கிடைத்தது. இதற்கு சில காலம் முன்னர் வெளியான இது எப்படி இருக்கு படத்திலும் சார் நீங்க எங்க பக்கம் தானே என்று கேட்கும் தேங்காயிடம் இல்லைப்பா நான் அந்த பக்கம் என்று பதில் சொல்லும் ஜெய்யின் பதில் சலசலப்பை உண்டாகியிருந்தது.

ஆனால் அந்த ஒரு வெற்றி [வண்டிக்காரன் மகன்] மட்டும்தான் ஜெய்-க்கு கிடைத்தது. அதன் பிறகு கருணாநிதி எழுதி ஜெய் நடித்த அத்தனை படங்களும் தோல்வி அடைய நாயக ஸ்தானத்திலிருந்து அவர் சரிவு ஆரம்பமானது.

அன்புடன்

saaradha-sn, I dont know about others but I follow these threads keenly. Interestingly, there is a personal connection here - as I said, my father along with his friends apparently financed Ravi's lodge days while Jaishankar was a paying guest in my mother's father's house in Delhi I believe hence my interest in these two.
Obviously, many of these films arent great shakes so you are obviously working with much more difficult material than Murali has for the NT thread :-) so extra credit for running these threads interestingly!

I am waiting for you to come to Veettukku Veedu, which as P_R noted before, is one of Jai's best comic acts.
Hope you would be covering it in due course of time

மக்கள் கலைஞரின் 1971-ம் ஆண்டு சாதனைப் பட்டியல்:
(திரைப்படம் - வெளியான தேதி - சென்னை அரங்குகள் என்கின்ற ஃபார்மெட்டில்)

1. நான்கு சுவர்கள் - 6.2.1971 - மிட்லண்ட், மஹாராணி, சயானி

2. நூற்றுக்கு நூறு - 18.3.1971 - கெயிட்டி, மேகலா, மஹாராஜா, சீனிவாசா

3. குலமா குணமா - 26.3.1971 - ஆனந்த்(பகல்), பிளாசா, மஹாராணி, சயானி, லிபர்ட்டி (100 நாட்களுக்கு மேல் ஓடிய சூப்பர்ஹிட் குடும்பக்காவியம்)

4. நீதி தேவன் - 7.5.1971

5. சூதாட்டம் - 12.6.1971 - வெலிங்டன், மஹாராஜா, ராக்ஸி, சீனிவாசா, பழனியப்பா

6. அன்புக்கு ஒரு அண்ணன் - 22.7.1971 - பிளாசா, பிராட்வே, சயானி, லிபர்ட்டி

7. தங்க கோபுரம் - 12.8.1971 - பாரகன், பாரத், பழனியப்பா, சயானி(19.8.1971)

8. புதிய வாழ்க்கை - 9.9.1971 - பிளாசா, அகஸ்தியா, ராக்ஸி, லிபர்ட்டி

9. வீட்டுக்கு ஒரு பிள்ளை - 18.10.1971 - மிட்லண்ட், மஹாராணி, மஹாலட்சுமி, நூர்ஜஹான்

10. கெட்டிக்காரன் - 19.11.1971 - கெயிட்டி, தங்கம், சரவணா, ஈராஸ், லிபர்ட்டி, பிரபாத்

குறிப்பு :
1. குலமா குணமா நடிகர் திலகத்துடன் ஜெய் இணைந்த இரண்டாவது படம்.

2. குலமா குணமா ஆனந்த் திரையரங்கில் மட்டும் பகல் காட்சியாக வெளியானது.

3. தங்க கோபுரம் சயானி திரையரங்கில் மட்டும் ஒரு வாரம் தள்ளி 19.8.1971 அன்று வெளியானது.

அன்புடன்,
பம்மலார்.

நடிகர் திலகத்துடன் மக்கள் கலைஞர் இணைந்த குலமா குணமா குடும்பக் காவியம் 100 நாட்களுக்கு மேல் ஓடி அமோக வெற்றி கண்ட திரை ஓவியம். இத்திரைப்படம் 100 நாள் விழாக் கொண்டாடிய திரையரங்குகள் :

1. சென்னை - பிளாசா (858 இருக்கைகள்)- 100 நாட்கள்

2. மதுரை - தேவி (1549 இருக்கைகள்) - 100 நாட்கள்

3. சேலம் - ஜெயா - 100 நாட்கள்

4. திருச்சி - ஜூபிடர் - 118 நாட்கள்

அன்புடன்,
பம்மலார்.

சகோதரி சாரதா அவர்களுக்கு,
மற்றுமொரு சிறப்பான பதிவு. பாராட்டுக்கள். சினிமா பைத்தியம் குட்டி ஹிந்தி திரைப்படத்தின் தமிழாக்கம். ஹிந்தியில் ஜெயா பாதுரிக்கும் வாணி ஜெயராமுக்கும் திருப்புமுனையாக அமைந்த படம். குறிப்பாக வாணி ஜெயராமின் குரல் இப்படத்தின் பாடலில் மிகவும் சிறப்பாக அமைந்து லதா மங்கேஷ்கரையே திக்குமுக்காட வைத்ததாக அக்காலத்தில் கூறுவார்கள். இதுபற்றி அக்காலத்தில் பல கதைகளுண்டு. வாணி ஜெயராம், அனுராதா போட்வால் போன்ற பல பாடகிகள் மிகுந்த எதிர் நீச்சல் போட்டுத்தான் ஹிந்தித் திரையுலகில் நிலைக்க முடிந்தது. இது ஒரு காரணமாகவோ என்னவோ, அவர்கள் தமிழ்த்திரையுலகில் நுழைந்தார்கள். அவர்களைத் தமிழ்த்திரையுலகில் அழைத்து வந்த பெருமை சங்கர் கணேஷ் இரட்டையர்களையே சாரும். வீட்டுக்கு வந்த மருமகள் படத்தில் ஓரிடம் ஓரிடம் என்ற பாடலை டி.எம்.எஸ். ஸுடன் பாடி தமிழில் நுழைந்தார். சங்கர் கணேஷ் இரட்டையர்கள் இப்படத்திற்கு இசையமைத்திருந்தனர். ஹிந்தியில் இடம்பெற்ற போலெரே பப்பி ஹரா பாடலின் மெட்டைக் கிட்டத்தட்ட அப்படியே பயன்படுத்தி என்னுள்ளம் அழகான வெள்ளித்திரை என்ற பாடலைப் பாடவைத்தனர். தமிழிலும் இப்பாடல் மிகப் பிரபலமானது. சென்னையில் தேவி பாரடைஸில் வெளியானது. மற்றொரு பாடல் நானறிந்த மட்டில் இந்த நாட்டிலுள்ள பைத்தியங்கள் என்று துவங்கும் பாடல், டி.எம்.எஸ். அவர்கள் பாடியிருந்தார். வாஞ்சிநாதனாக நடிகர் திலகத்தின் தோற்றம் - அப்படியே அவரைக்கண் முன் நிறுத்தியது. தற்போது இப்படம் ஒளிக்குறுந்தகடாகவும் வெளிவந்துள்ளது.
தமிழில் வாணி ஜெயராம் பாடிய என்னுள்ளம் அழகான வெள்ளித்திரை பாடலை இதுவரை கேட்டிராதவர்களுக்காக அதற்கான இணைப்பைக் கீழே தருகிறேன்.
http://music.cooltoad.com/music/download.php?id=191236
மேலும் படக்காட்சியும் இணையத்தில் இடம் பெற்றுள்ளது.
http://www.rajshritamil.com/Movie/Cinema-Paithiyam
ஜெய்சித்ராவின் சிறந்த நடிப்பிற்கு இப்படம் ஒரு சான்றாக விளங்கும்.

ராகவேந்திரன்

மக்கள் கலைஞரின் மதுரை மாநகர சாதனைப் புள்ளி விவரங்கள் :

1. அக்கா தங்கை திரைப்படம், 1549 இருக்கைகள் கொண்ட தேவி திரையரங்கில் வெளியானது. அங்கே 84 நாட்கள் ஓடி அமோக வெற்றி கண்டது.

2. நூற்றுக்கு நூறு திரைப்படம், 1637 இருக்கைகள் கொண்ட கல்பனா திரையரங்கில் வெளியாகி , நல்ல வரவேற்புடன் 49 நாட்கள் ஓடியது.

அன்புடன்,
பம்மலார்.

பேசும் படம் ஏப்ரல் மலர் 1971 இதழில் , கேள்வி - பதில் பகுதியில், வெளியான ஒரு கேள்வி பதில் :

கேள்வி : குறுகிய காலத்தில் நிறைய படங்களிலும் அதே சமயம் அதிக வெற்றிப் படங்களிலும் நடித்த கதாநாயகன் யார் ? (வி. ஆர். நடராஜன், திருச்சி - 2)

பதில் : முதலாவது சிவாஜி. இரண்டாவது ஜெய்சங்கர்.

நடிகர் திலகமும் , மக்கள் கலைஞரும் படமெடுக்கும் தயாரிப்பாளர்களை முதலாளிகளாக மதித்தனர் என்பதும் இங்கே குறிப்பிடப்பட வேண்டிய ஒன்று. பல சாமானியர்களை, திரைப்படத் தயாரிப்பில் ஈடுபடச் செய்து, அவர்களை செல்வந்தர்களாக உயர்த்திய பெருமை, நல்லவர்களான இந்த இரு வல்லவர்களையும் சாரும்.

அன்புடன்,
பம்மலார்.

விகடன் பிரசுரம் வெளியிட்டுள்ள புத்தகம் "தமிழ் சினிமாவில் நகைச்சுவை கலைஞர்கள்". இதன் ஆசிரியர் சினிமா எக்ஸ்பிரஸ் வி. ராமமூர்த்தி. நகைச்சுவை நடிகர்கள் பற்றிய சுவையான கட்டுரைகள் அடங்கிய இப்புத்தகத்தில், நடிகர் கே.ஏ. தங்கவேலு அவர்களைப் பற்றிய கட்டுரையிலிருந்து சில வரிகள் :

"தங்கவேலுவுக்கு சினிமாவில் ஆத்மார்த்தமான நண்பர்கள் ஏராளம். அவர்களுள் ஒருவர் ஜெய்சங்கர். குடும்ப நிகழ்ச்சி எதுவாக இருந்தாலும் அல்லது தனிப்பட்ட விஷயம் எதுவாயினும் அவர் முதலில் யோசனை கேட்பது, ஜெய்சங்கரிடம் தான்!"

தங்கமான கலைஞரான தங்கவேலு, தங்கமனசுக்காரரான ஜெய்யிடம், அனைத்து விஷயங்களையும் முதன்முதலில் பகிர்ந்து கொள்வது இயற்கை தானே !

அன்புடன்,
பம்மலார்.