Printable View
Something like this:-
உலகமே கண்டிராத வள்ளலே வானம்
கலகமே ஒன்றில்லை தேர்ந்த விடையே.
பழகும் கொடியினுக்குத் தேரினைத் தந்தார்
உலவும் மயிலுக்குப் போர்வையை ஈந்தார்
உயிரெனத் தேர்ந்தே உதவி அளித்தார்
உருளும் சகடம் உயிர் இல் உலோகமெனும்
காருக்குப் பாலுடை தந்து.
Now you may scan to pick out the errors in "thaLai".
OK. We shall try another veNpaa in a while.Quote:
Originally Posted by P_R
நாட்டின் கண்வாழ்வைத் துறந்து போய்நான் மறையோர்
ஈட்டங்கள் சூழ விருந்தானைக் - காட்டில்
பெருந்தகையைக் கண்டார்கள் பேரெழிற் றோள்வேந்தர்
வருந்தகையாரெல் லோரும் வந்து.
Please scan and critically analyse this veNpA.
Also attack this compo:
உலவும் மயிலுக்குப் போர்வை கொடியோ
பழகும் படிக்கொருதேர் தந்த ---- உலகம்
வியக்கும் பெருவள்ளல் விண்ணே்; நயக்குமே
காருக்குப் பாலுடை காண்.
Quote:
Originally Posted by bis_mala
வரிகளை கீழ்க்கண்டவாறு எழுதினால் தளை தட்டவில்லை:
1--> நாட்டின்கண் வாழ்வைத் துறந்துபோய் நான்மறையோர்
3--->பேரெழிற்றோள் வேந்தர் (தேமாங்காய் தேமா) என்று எழுத வேண்டும்.
4--> வருந்தகையா ரெல்லோரும் வந்து
பொருள்
வருந்தகையார் என்ற சொல்லுக்கு என்ன பொருள்?
பல்வேறு spellingஇல் இங்கு தேடிப்பார்த்தேன்.
'லௌகீக வாழ்வைத் துறந்து நான்மறையோர் ஈட்டிய (தவச்)செல்வங்கள் சூழ காட்டில் இருந்த பெருந்தகையை, பேரழகு தோள்கள் உள்ள வேந்தர்கள் எல்லோரும் வந்து கண்டார்கள்' என்று பொருள் விளங்கிக்கொள்ள முயன்றேன். சரியா?
21 211 11 21Quote:
Originally Posted by bis_mala
21 221 11 21
21 211 11 22
111 12 1
தளை தட்டவில்லை ஆனால் கடைசி இரு அடிகளுக்கு இடையில் எதுகை இல்லையே
நேரிசை வெண்பாக்களில் இரண்டாம் அடியில் முதற்சீருக்கும் கடைச்சீருக்கும் இருக்க்கும் எதுகைபோல மூன்றாம் அடியிலும் வருகிறது. அப்படி வந்தால் கடைசி அடியில் எதுகைக்கு விலக்கா?
பொருள்
என் புரிதலில் மிகச்சிறப்பான ஒரு பொருள் படுகிறது:
உலகம் என்ற சொல் இரண்டாமடியில் கடைச்சீராக இருப்பதால் முதல் இரு அடிகளில் கூறப்பட்ட கொடைச்செயல்கள் இவ்வுலகம் செய்தது என்று பொருள்படும்படி வாசித்தால் உலகம் என்பதன் பொருள் விரிவாகப் படுகிறது. Ground reality (as opposed to something celestial that "droppeth as gentle rain from heaven").
அப்படிப்பட்ட வள்ளல்தன்மை வாய்த்த உலகமே வியக்கும் பெருவள்ளல் விண்தான்...என்றவாறு புரிந்துகொள்கிறேன்.
நயக்கும் - என்றால் நயம் உண்டாக்கும் (embellish) என்று பொருள் கொண்டேன். சரியா?
முதலடியில் கொடியோ என்பதை கொடியும் என்று சொன்னால் 'கொடு கூட பழகும்படி' (even a creeper) என்றும் 'and' என்ற பொருளும் கிடைக்கும். அசையிலும் மாற்றமில்லை.
ஒரு சந்தேகம்....ஒரு சில குறட்பாக்களில் எதுகை அமையாமல் வருவதைப் பார்க்கிறேன்.
இங்கு சென்னையில் 'வாயில்தோரும் வள்ளுவம்' என்ற பெயரில் ஒவ்வொரு அரசாங்கக் கட்டிடத்தின் வாயிலிலும் ஒரு பலகையில் விளக்கத்துடன் திருக்குறள் ஒன்றை வைக்கிறார்கள். மிகப் பிரபலமான நீதிபோதனைக் குறள்கள் மட்டுமல்ல, சில அழகான காமத்துப்பால் குறட்பாக்களும் உண்டு.
என் வீட்டருகில் உள்ள பூங்காவில் இன்று இதைப் படித்தேன்:
இதில் எதுகை அமையவில்லையே.Quote:
இம்மைப் பிறப்பில் பிரியலம் என்றேனாக்
கண்நிறை நீர்கொண் டனள்.
ஏதாவது விதிவிலக்கு உண்டா?
இரண்டாம் எழுத்து தொடங்கி, எழுத்துக்கள் ஒன்றி வருதல் எதுகை என்று இலக்கண நூல்கள் கூறுகின்றனவே தவிர, எதுகை இல்லாமல் எழுதலாகாது என்று எந்த விதியும் இல்லையே!Quote:
Originally Posted by P_R
எனவே விதிவிலக்கு என்ற பேச்சே எழ இடமில்லை.எதுகையிலும் பலவகை. பொருளெதுகையும் உண்டு, வந்துழிக் காண்க.
மிகச் சிறந்த கவிதை என்பது பொருளை வைத்தே முடிவு செய்யப்படும்.
"அப்படியானால் மறுமையில் என்னைப் பிரிந்துவிடுவீரோ என்று அழும் காதலியை நம் முன் தெய்வப் புலவர் நாயனார் நிறுத்துகிறார்.இம்மை - மறுமை என்று இரண்டையும் போட்டுப் பொருளெதுகையாய்க் காட்டியிருக்கலாம். ஆனால் கவிதை என்பது எதுகை மோனைகளை மட்டும் வரிகளில் அமைத்துக் காட்டும் பயிற்சி அன்று. அதனினும் மேலான உயர்ந்த கருத்துக்களின் பெட்டகம் அதுவாம்.
கவித்துவம் வாய்ந்த ஒன்றைத் தெளிவாகவும் நேரடியாகவும் சொல்வதற்கு எதுகை முதலியவை தடையாய் இருப்பின், அவற்றைத் தொலைவில் எறிந்துவிட்டுத் தொடரலாம் என்பது நல்லிசைப் புலவர்களுக்குத் தெரியுமே!
மறுமைபற்றிச் சொல்லாமல் விட்டதும், இடையில் வரும் சாவு என்ற அமங்கலத்தைத் தலை எடுக்கவிடாமல் பாடியதும்,
....கவிதையின் அழகே அழகு.
Well analysed.Quote:
Originally Posted by P_R
As viyakkum and nayakkum are ethukais occurring in the same line in 1 x x 4 sequence, no ethukai in the next line is necessary. If you can get one more in the next line, then, good; the more the merrier!
This veNpaa is just a hurriedly shortened form of the lines furnished by our friend Jaiganes. Any praise for substance should go to him. I just assembled the words in his poem.
Sorry about that, Jaiganes avl.
அழகாக என் கவிதையை வெண்பாவாகவும்Quote:
Originally Posted by bis_mala
அதே சமயம் நற்பாவாகவும் ஆக்கியுள்ளீர்.
நன்றிகள் நான் தந்து நீங்கள் பெற வேண்டியது.
பி_ஆர் அவர்களின் விளக்கமும் மிக அருமை..
நான் சில வெண்பாக்களைப்பழகி வருகிறேன். அடுத்த வெண்பா
சுத்தமாக வெளி வரும் என நினைக்கிறேன்.
Good.Quote:
Originally Posted by P_R
YesQuote:
பொருள் - வருந்தகையார் ?
...........'லௌகீக வாழ்வைத் துறந்து நான்மறையோர் ஈட்டிய (தவச்)செல்வங்கள் சூழ காட்டில் இருந்த பெருந்தகையை, பேரழகு தோள்கள் உள்ள வேந்தர்கள் எல்லோரும் வந்து கண்டார்கள்' என்று பொருள் விளங்கிக்கொள்ள முயன்றேன். சரியா?
வேந்தருள் வந்துகாணும் தகுதி,அகச்சிறப்பு முதலிய படைத்தோர். வாராத அரைவேக்காடுகளும் உளர் என்று சாடியவாறு.
புகழேந்திப் புலவரின் பாடல்.
பாடிய தூக்கில் பயின்ற பொருள்கண்டு
தேடிய நோக்கும் நிறைகண்டு --- ஓடிய
தெண்ணீரில் பொன்கண்டு தேர்ந்தாரை ஒப்பர்காண்்
எண்ணீரோ இன்னார் திறம்.
for your critical appreciation....
Oh !!Quote:
Originally Posted by bis_mala
வெண்பா இலக்கணப்படி எதுகை வரவேண்டும் என்றும் எவ்வாறு வருகிறது என்பதைப் பொருத்து இன்னிசை/நேரிசை வகைகள் அறியப்படும் என்று நினைத்தேன்.
எதுகையும், மோனையைப் போல, நயம் கருதி சேர்த்துக்கொள்ளப்படுவது மட்டும் தானா?
அதில் மாற்றுக்கருத்து இல்லை. இலக்கணத்தைத் தெரிந்து கொள்ளவேண்டியே என் கேள்வி.Quote:
மிகச் சிறந்த கவிதை என்பது பொருளை வைத்தே முடிவு செய்யப்படும்.
......கவிதை என்பது எதுகை மோனைகளை மட்டும் வரிகளில் அமைத்துக் காட்டும் பயிற்சி அன்று. அதனினும் மேலான உயர்ந்த கருத்துக்களின் பெட்டகம் அதுவாம்.
கவித்துவம் வாய்ந்த ஒன்றைத் தெளிவாகவும் நேரடியாகவும் சொல்வதற்கு எதுகை முதலியவை தடையாய் இருப்பின், அவற்றைத் தொலைவில் எறிந்துவிட்டுத் தொடரலாம் என்பது நல்லிசைப் புலவர்களுக்குத் தெரியுமே!
திறம்பட செய்யப்பட்ட மீறலும் அழகே.
கம்பராமாயணத்தில் நான் சமீபத்தில் படித்த ஒரு வரி
Structure:உம். பெண்யானையின் அழகிய நடையை நகுவதாக இருக்குமாம் அப்பெண்களின் அழகு நடை. அதாவது சுமாரான, நகைப்புக்குறிய உவமைகள் தான் கிட்டும் என்ற structure.Quote:
விதியினை நகுவன அயல்விழி - பிடியின்
கதியினை நகுவன தளர்நடை - கமலப்
பொதியினை நகுவன புணர்முலை - கலைவாள்
மதியினை நகுவன வனிதையர் வதனம்
எல்லாவற்றுக்கும் உவமை சொல்கிறார். ஆனால் இந்த பாவின் structure படி வேல்விழிகளுக்கும் உவமை சொல்லவேண்டும். ஆனால் அது கூட இயலவில்லையாம். உவமை சொல்ல வேண்டும் என்ற விதியைக் கூட நகைக்கின்றனவாம் அவ்விழிகள்.
Afflatus cannot be contained.
Quote:
Originally Posted by P_R
இலக்கியம் கண்டதற்கு இலக்கணம் இயம்புதல். இலக்கியமே
முன்பிறந்தது; இலக்கணம் பின் ஆய்ந்து நெறிமுறைகளைக் கண்டறிந்து வகைப்படுத்தி, பெயர்களிடப்பட்டு உரைக்கப்பட்டது. இலக்கணமில்லாத காலத்தில், ஒருவன் தானே நெறிமுறைகளைக் கண்டுகொண்டு பாட வேண்டியிருந்தது.
இப்படி இருந்தால் இது இன்னிசை, இப்படியானாலதிது நேரிசை
என்று அடையாளத்திற்கு இடப்பட்ட நிலை பின் வந்த
ஆசிரியர்களால் "இப்படி வரவேண்டும்" "அப்படி வரவேண்டும்"
என்று கட்டாய விதிபோல போதிக்கப்பட்டது.பலர் போற்றிய (கடைப்பிடித்த) ஒரு நெறி, போதிப்பவரால் வலியுறுத்தப்பட்டு "விதி"யாக அல்லது "விதி"போல மறுதரவு
செய்யப்பெறும்.
இன்னிசை நேரிசை என்று குறியீடுகள் இருப்பதால், எதுகை ( etc) கட்டாயம் ஆகிவிடாது.
எதுகை மோனை இன்ன பிற இல்லாத கவி தொடுப்பது,
"செந்தொடை" என்று இலக்கணியர் ஒருபுறம் வைத்துக்கொள்ள
வேண்டியதாயிற்று. காரணம் செந்தொடை கொள் புலவ
மலைகளுக்கு இவ் இலக்கணியர் காலத்திலிருந்த செல்வாக்கு தவிர வேறென்ன?
திருவள்ளுவனார் காலத்திலேயே செந்தொடை முறை சற்று
அருகிவிட்டது. மறைந்துவிடவில்லை. செம்மையான தொடை
அதுதான். அதனாலேயே அதற்கப்பெயர்.
அக அழகு குறையும்போது, புற அழகில் ஈடுபடுகிறோம் என்பர்
மேலை நாட்டறிஞர். எதுகை மோனை முதலியவை புற அழகு.
எதுகை மோனைகளின் தாக்கம், சங்க இலக்கியத்தில் சற்று
கீழ்மட்ட நிலையில்தானிருந்தது என்பதை அறிந்துகொள்ளலாம்.
இப்படிக்கூறுவதனால், எல்லோரும் எதுகை மோனை இல்லாமல் கவிபாடவேண்டும் என்ற கருத்தை நான் முன்வைக்கவில்லை.
என்னைப்பொறுத்தவரை எதுகை மோனைகள் பெய்தே
எழுதுவேன். ஆனால், கருத்துக்கு முதலிடம் கொடுத்து, ஒரோவழி செந்தொடையையும் கையாளுவேன்.
[quote]Quote:
மிகச் சிறந்த கவிதை என்பது பொருளை வைத்தே முடிவு செய்யப்படும்.
......கவிதை என்பது எதுகை மோனைகளை மட்டும் வரிகளில் அமைத்துக் காட்டும் பயிற்சி அன்று. அதனினும் மேலான உயர்ந்த கருத்துக்களின் பெட்டகம் அதுவாம்.
கவித்துவம் வாய்ந்த ஒன்றைத் தெளிவாகவும் நேரடியாகவும் சொல்வதற்கு எதுகை முதலியவை தடையாய் இருப்பின், அவற்றைத் தொலைவில் எறிந்துவிட்டுத் தொடரலாம் என்பது நல்லிசைப் புலவர்களுக்குத் தெரியுமே!
Thanks. well expounded.Quote:
அதில் மாற்றுக்கருத்து இல்லை. இலக்கணத்தைத் தெரிந்து கொள்ளவேண்டியே என் கேள்வி.
திறம்பட செய்யப்பட்ட மீறலும் அழகே.
கம்பராமாயணத்தில் நான் சமீபத்தில் படித்த ஒரு வரி
Structure:உம். பெண்யானையின் அழகிய நடையை நகுவதாக இருக்குமாம் அப்பெண்களின் அழகு நடை. அதாவது சுமாரான, நகைப்புக்குறிய உவமைகள் தான் கிட்டும் என்ற structure.Quote:
விதியினை நகுவன அயல்விழி - பிடியின்
கதியினை நகுவன தளர்நடை - கமலப்
பொதியினை நகுவன புணர்முலை - கலைவாள்
மதியினை நகுவன வனிதையர் வதனம்
எல்லாவற்றுக்கும் உவமை சொல்கிறார். ஆனால் இந்த பாவின் structure படி வேல்விழிகளுக்கும் உவமை சொல்லவேண்டும். ஆனால் அது கூட இயலவில்லையாம். உவமை சொல்ல வேண்டும் என்ற விதியைக் கூட நகைக்கின்றனவாம் அவ்விழிகள்.
Afflatus cannot be contained.
விளக்கத்துக்கு நன்றி.
சட்டகங்கள் சிறைகளாகக்கூடாது என்பதில் எனக்கும் மாற்றுக்கருத்தில்லை. சட்டகத்தைக் கற்றுக்கொண்டு சரளத்தைப் பெருக்கிக்கொள்ள விருப்பம்.
உங்கள் வெண்பாவுக்கு வருவோம்.
தளை தட்டவில்லை.
எதுகையும் சரி.
ஈற்றடியைத் தவிற மோனையும் வந்திருக்கிறது.
பொருள்...
இங்கு தான் நிற்கிறேன். இதற்கு பொருள் என்ன. இந்த பயன்பாட்டை நான் வாசித்ததில்லை.Quote:
Originally Posted by bis_mala
பாடிய தூக்கில் - 'இலக்கண வரையறைகளை சற்றே மீறிய பாட்டில்' என்று புரிந்துகொண்டேன். சரியா?
அப்பிடியென்றால் மிக அழகாக வந்திருக்கிறது.
தூக்குக்கவி என்று நானும் கேள்விப்பட்டு இருக்கிறேன்.Quote:
Originally Posted by P_R
அதைத்தான் சொல்கிறீர்களா?
தூக்கு என்ற சொற்குப் பல பொருள் உள. "பா" என்ற பொருளிலும் வரும். எ-டு: வஞ்சிப்பா - வஞ்சித்தூக்கு. தூக்கு என்ற சொல், அடிப்படையில் ஒன்றைத்தூக்குதலைக் குறிக்கும்.
அரசர் முதலிய உயர்மக்களைத் தூக்கிப் பாடிய வழக்கத்தினால்
இப்பொருள் எழுந்ததோ ? நன்மணம் பரப்பி மயக்குறுத்தும்
மணப்பொருள் போன்றது என்ற ஒப்பீட்டுப் பொருண்மையினால்
பாக்களையும் குறித்ததோ ? என்பது ஆய்வுக்குரியது. பலவகைத் தூக்குகள் உளவென்ப புலவர்.(பாவாணர் சொல்லாய்வுகளில் விடை காணக்கிடைக்கலாம்.) அது நிற்க.
உங்கள் இருவர் விடைகளும் பொருந்துவனவாகவே
தோன்றுகின்றன. j avl கூறியது பொதுப்பொருள்; ......P_R avl உரைத்தது சிறப்புப்பொருள். வாழ்த்துக்கள்.
உயர்வகலம் திண்மை அருமைஇந் நான்கின்
அமைவரண் என்றுரைக்கும் நூல்.
இக் குறளில் எதுகைகளைக் கண்டுபிடியுங்கள்.
கண்டு இன்புறுவோம்.
வெறுத்தோ ஒதுக்குவது வெண்பாவை? இன்னல்
பொறுத்துப் பயிலல் கடன்!
vவணக்கம் பிஐஎஸ் மாலா..
என் வீட்டில் கடந்த இரு நாட்களாக ஒரு எலி விசா இல்லாமல் வந்து படுத்துகிறது.. கொஞ்சம் எழுதிப் பார்த்தேன்..
குறுகுறுத்துப் பார்க்கும் குதித்தேதான் ஓடும்
உருவத்தில் சிறிதாய் ஒடுங்கி இருந்தே
பழியாய்ப் பதுங்கியே படசணம் தானுண்டே
எளிதாய்ப் படுத்தும் எலி
கண்மயங்கும் வாயோ கணம்மடியும் வண்ணம்யில்
அன்ன்நடை தான்குலையும் வஞ்சியர்க்கே வெண் திரையில்
நன்றாக நடக்குமிந்த நாடகத்தை எப்பொழுதும்
கண்ட்துண்டு கேட்ட்தில்லை காண்..
(ரொம்ப முன்னாலே – ஐந்து வருடம்முன் எழுதிப் பார்த்த்து...திரைப்பட்த்தில் எப்பொழுதும் நாயகி நாயகன்ஸ்பரிசத்தில் கண் மயங்குவாள் கால் அரைவட்ட்ம் போடும் உதடு கொஞ்சம் மடிந்து ஸ் ஸ் என சப்தம் வரும்...
நிஜ வாழ்க்கையில் நடக்குமா என்ன... உயர் காலணிகளை எப்படிக்கழட்டுவாள்..எப்படி அரைவட்டம் போட முடியும்..!)
x changeQuote:
Originally Posted by chinnakkannan
குறுகுறுத்துப் பார்க்கும் குதித்தேதான் ஓடும்
உருவத்தில் சின்ன(து) ஒடுங்கி -- இருந்தே
பழியாய்ப் பதுங்கியே பட்சணம் தானுண்(டு)
எளிதாய்ப் படுத்தும் எலி
என்று சிறிது மாற்ற, வெண்பா சரியாகிவிடும்.
Good attempt.
Show your immigration authority card to the எலி.
3rd and 4th lines, can also be rendered with this slight change:
பழியாய்ப் பதுங்கியே பட்சணம்தா னுண்டே
எளிதாய்ப் படுத்தும் எலி
கண்மயங்கும் வாயோ கணம்மடியும் வண்ணமயில்Quote:
Originally Posted by chinnakkannan
அன்னநடை தான்குலையும் வஞ்சியர்க்கே-- வெண் திரையில்
நன்றாய் நடக்குமிந்த நாடகத்தை எப்பொழுதும்
கண்டதுண்டு கேட்டதில்லை காண்..
ஒரு சிறு மாற்றமே தேவைப்பட்டது.
முதலில் நன்றாய் என்று தான் எழுதியிருந்தேன்.. நினைவிலிருந்து எழுதுகையில் தளை சரிபார்க்க வில்லை..ம..
*
சின்ன எலி என்று பார்த்தால் பாருங்கள் இதுவும் தளையில் கடித்து விட்ட்து..
ம்ம் நேற்று வரவில்லை.. அது சிறுகதை எலியா தொடர்கதை எலியா தெரியவில்லை..
திருத்தங்களுக்கு நன்றி..
*
பாரில் என்னென்ன நடக்கும்- நடக்கின்றன என்று யோசித்தால்..
கண்கள் நிறமோ கருஞ்சிவப்பாய் ஆகிவிட
உண்மையை வாயதுவும் தானாய் உளறிவிட
தேர்போல ஆடியே தள்ளாடும் கால்பலவும்
பாரில் நடக்குது பார்
ஹி.ஹி.. ஆங்கில பார் ஆகவும் வைத்துக் கொள்ளலாம் தமிழ் பார் ஆகவும் வைத்துக் கொள்ளலாம்..
மரபில் நடந்து சிலகாலம் ஆனதால் கற்பனைக் குதிரை சற்றே நொண்டியடிக்கிற்து..மன்னிக்க..கூடியவிரைவில் ஓடும் என நினைக்கிறேன்
முன்பெல்லாம் பெரிய அட்டைகளில் நாயகன் , நாயகி அல்லது காட்சியை வண்ணத்தில் வரைந்து பட வெளியிடும் திரையரங்குகளில் வைப்பார்கள்..அவை வரைவதற்கென்றே சில் ஓவியர்கள் இருப்பார்கள்..அருகில் பார்த்தால் கலங்கி இருக்கும்..உயரத்தில் வைத்திருந்து பார்க்கையில் வெகு அழகாக இருக்கும்..இப்போதோ டிஜிட்டல் என நிறைய மாற்றங்கள் வந்து விட்டன...அந்த ஓவியர்கள் என்ன ஆனார்கள் எனத் தெரியவில்லை..
வானுயர நின்றிருக்கும் வண்ணப் படங்களுந்தான்
பூணும் விழிகளுக்குள் பாந்தமாய்த் தங்கும்
மலையென வந்துவிட்ட மாற்றத்தால் இன்றோ
கலைந்தே கரைந்த கலை
வானுயர நின்றிருக்கும் வண்ணப் படங்களுந்தாம்
பூணும் விழிகளுக்குள் பாந்தமாய்த் தங்கும்
மலையென வந்துவிட்ட மாற்றத்தால் இன்றோ
கலைந்தே கரைந்த கலை
மலையென வந்துவிட்ட மாற்றத்தால்: மலைபோலும் பெரிய மாற்றமென்றும், மலைத்து நிற்றலை ஏற்படுத்தும் மாற்றமென்றும் இருபொருள் தந்து, சிறப்புச் சேர்க்கும் வரி.
கலைந்தே கரைந்த கலை - முற்றுமோனை மட்டுமன்று. ஒரு சொற்சித்திரமாய் யாத்துள்ளீர்கள்.கலை கரைந்ததோடின்றிக் கலைந்தும் விட்டது....
படங்களைப் பூணும் விழிகள். வெறுமனே "பார்க்கும்" என்னாது, பூணும் என்றதில் கவித்துவம் காணலாம்.
எழுதிக்கொண்டிருங்கள். வாழ்த்துகள்.
Quote:
கண்கள் நிறமோ கருஞ்சிவப்பாய் ஆகிவிட
உண்மையை வாயதுவும் தானாய் உளறிவிட
தேர்போல ஆடியே தள்ளாடும் கால்பலவும்
பாரில் நடக்குது பார்
மேடுகள் பள்ளங்கள் மீதூர்ந்த தேரும்தள்
ளாடுதல் தாங்கும் நிலம்.
The pun of bar/pAr, well-done. Keep it up.
மிக்க நன்றி சிவ மாலா..
உங்கள் குற்ளும் அழகு..
*
இந்தக் கால அடுக்கு மாடிக் குடியிருப்பில் கதவுகளுக்கு என்ன செய்கிறார்கள்..மிகச் சாதாரணமாக நீள் செவ்வக மரம்..பின் அதில் சில செவ்வகங்கள்.. நடுவில் ஒரு கண்.. (யாரவதுவந்தால் பார்ப்பதற்கு) பின் இரண்டு மூன்று தாழ்ப்பாள்கள்..
அவ்வளவு தான்.. நான் அவ்வ்ப்போது பூட்டிவிட்டுப் போவேன்..நீ உடையாமல் சமர்த்தாய் நின்று கொண்டிரு.. அவ்வளவு தான்
அந்தக் காலத்தில் இப்படியா இருந்த்து...ராஜாக்களின்காலத்தில் அரண்மனைக் கதவுகளில் சிற்பம் மணி என அழகாய்ச் செதுக்கியிருப்பார்கள் கலை நயம் த்தும்பும்..மற்றும் செட்டி நாட்டு வீடுகளிலும் கதவுகள் தேக்கு மரத்தில் இழைக்கப் பட்டு வேலைப்பாடுகளுடன் இருக்கும்..ம்ம்ம்..
காப்பது மட்டும் கதவென்று கண்வைத்துத்
தா(ழ்)ப்பாள்கள் சேர்த்துத் தருமிந்த நாளில்
விலையதிகம் என்றே வியக்காமல் செய்தே
நிலைத்தங்கே நிற்கும் நிலை
செப்பலோசை வரமாட்டேங்குதுல்ல... !
Well done,well done.Quote:
Originally Posted by chinnakkannan
lst line: y x y y : மோனைகள்: மேற்கதுவாய்.
மற்ற ஈரடிகளிலும் பொழிப்பு மோனைகள்.
இறுதி: முற்றுமோனையாய் முடிந்தது.
Let me give an alternative version:
காப்பது மட்டும் கதவென்று கண்வைத்துத்
தா(ழ்)ப்பாள்கள் பூட்டித் தருவியப்பில் இந்நாள்
கலை நயம் காட்டா விலைநயமொன் றீட்டி
நிலைநயம் நேர்ந்த நிலை.
கலை நயம் இல்லை என்பதே உங்கள் முன்மைக் கருத்தாகத் தோன்றுகிறது.
அதையும் உள் விரித்துக் கூறுவோம்.
வியப்பில் = வியப்பு + இல்.
PS. previous posts with edits lost as connections were disrupted quite frequently.
Hope this one appears. Will edit after posting to overcome disruptions.
நன்றி சிவமாலா..
*
காலையில் போனவனைக் காணவில்லை..எப்ப்ப் பார்த்தாலும் விளையாட்டு தான்.. எங்கே போனான் என்றும் தெரியவில்லை..காத்துக்காத்துக் கண்கள் பூத்த்து தான் மிச்சம்..எப்பொழுதும் அங்குமிங்கும் ஓடிக்கொண்டிருக்கும் அவனைக்காணவில்லை..வாசலில் நின்று அங்கிருக்கும் கோபியரிடம் கேட்டுப் பார்க்கிறாள் யசோதை... (கண்ணா.. நீ எழுத்ற வெண்பாக்குப் இ.பொ.வியும் தேவையா.. ஹேய் மனச்சாட்சி கம்முனு இரு..)
வருவான் அவ்னென்றே வாசலிலே நின்றால்
குற்குறுப்பாய் அங்கிங்கே கொஞ்சமும் ஓடாமல்
எண்ணத்தில் உள்வந்து எள்ளித்தான் செல்கின்ற
கண்ணனைக் கண்டாயோ சொல்..
எலிக்குமே கோபியரோ எங்கே?உம் நெஞ்சம்
களிக்கவே காரணமே உண்டு.
களிப்புடன் தந்தீர் கவிதை! விழிப்புடன்
அப்பணி மேல்தொடர் வீர்.
வெண்பா எழுதி விரைவில் இலக்கியமே
அன்பாய் அமைப்பீர் எலிக்கு.
நான் முன் எழுதியிட்ட இதுபோன்ற மூன்று பாடல்கள் மீண்டும் வந்தபோது காணப்படவில்ல.
ஆகவே கூடியவரைக்கும் மீட்டுருவாக்கி எழுதியுள்ளேன்.
மீண்டுவந்து அழகிய வெண்பாக்கள் அளித்தமைக்கு நன்றி.. நான் தான் தவறாக எழுதியிருக்கிறேனோ என சற்றுப் பயந்திருந்தேன்..
*
அதையேன் கேட்கிறீர்கள்..அவ்வப்போது வருகிற்து..சரியான ரஜினி ரசிகர் போல இருக்கிறது.. எப்படி வருகிறது எப்போது வருகிறது எனத் தெரியவில்லை..ஆனால் வருகிறது.. விளக்குகளை இரவு முழுவதும் எரியவிட்டால் வருவதில்லை.. கொஞ்சம் அணைத்தால் எப்படியோ வந்து (பாவம் பசி போலும்) மூடியிருக்கும் சமையலறைக்கதவைச் சுரண்டிப் பார்த்துப் போகிறது.. என் மனைவி ‘ஆமை வடை பண்ண்ட்டா..உங்களுக்கும் எலிக்கும் சேர்த்து!’ என்றாள்.. வேண்டாம் என்றுவிட்டேன்..
சில அட்டைகளில் கோந்துபோல ஏதோ தடவி வைத்தாள் நேற்று இரவு ..ம்ம் வரவில்லை.. ஆனால் இரவில் அவ்வப்போது எழுந்து அது வருவது போல் , நடப்பது போல சத்தம் கேட்பதாக நினைத்துப் பார்த்துக் கொண்டிருந்தோம்..
வந்தே மிரட்டிய வ்ல்ல எலியுந்தான்
பந்தமென எண்ணியே போகாமல் தான்படுத்த
வேட்டையிட வைத்த மருந்தும் மறைந்துபோய்
கேட்கிறது காலின் ஒலி
சிற்பக்கலைஞர் கணபதி ஸ்தபதி காலமானாராம் இன்று..பொய் சொல்கிறார்கள்.. அவர்தான் வள்ளுவர் கோட்ட்த்திலும் திருவள்ளுவர் சிலையிலும் நிலைத்து நிற்பவராயிற்றே...
உளிகள் உணர்விழந்து உள்ளம் கலங்கி
விழிகளிலே கட்டும் குளத்தை – ஒளிமங்கி
கற்களும் மென்மேலும் கல்லாகி எங்கெங்கும்
சிற்பியைச் சிந்தித் திடும்..
சுற்றும் சுழன்றிடும் சுண்டிணா லேதுள்ளும்
மற்றும் மதிமயக்கும் வண்ணமுள்ள பம்பரமும்
கண்பட்டுத் தோற்று அடிவாங்க நெஞ்சமோ
புண்ணாகிப் போனதே பார்..
ஓட்டலாம் சைக்கிளென ஓர்பையன் கூறிவிட
நாட்டமாய்க் கால்களை நன்றாக வைத்தெதிரே
பாயப் பயப்பட்டுக் கீழ்விழ மாறவில்லை
காயத்தில் வந்த வடு
(பல வருடங்களுக்கு முன்னால் எழுதிப் பார்த்த பாட்டு...)
Quote:
Originally Posted by chinnakkannan
வருடம் பலமுன் வருடிவழி வெண்பா
நெருடேதும் இன்றி நிகழ -- மருள்தீரத்
தந்தவர்க்கு நன்றி தருகவே பல்சுவையால்
இந்தநாள் முன்போல் இனி.
Quote:
Originally Posted by chinnakkannan
செயற்கரிய நற்சிலைகள் செய்தார் அவர்க்குச்
செயற்குரிய நன்றி செயல்.
கலைவடிவம் காட்டி நலமே நயந்தார்,
நிலைபெறுக அன்னார் புகழ்.
உற்றார் உறவினர் உற்றார் துயரவரால்
உற்றிலரோ வற்றாப் புகழ்.
இரங்கும் மனமே இறப்பறிந்து நோவற்க
பிறங்கும் உலகில் புகழ்.
Note: If a veNpa does not measure up in poetics to the required standard, it may still be classified under other kinds of poem and accepted as such.
ஒரு நடிகைக்கு அகங்காரம் வந்துவிடுகிற்து.. தான் நடிக்கும் திரைப்படங்கள் ஓடுவதெல்லாம் தன்னால் தான் என்பது.. தான் இருந்தால் குழம்பத்தான் வேண்டும். தானில்லாவிட்டால் தான் ரசம். நிறையப் பேருக்குத் தெரிவதில்லை இது..சில வருடங்கழித்து என்னாவாள் என்பதை யோசிக்கவே இல்லை அவள் (ஏதோ ஒருதொலைக்காட்சி நடன நிகழ்ச்சிக்கு வேண்டுமானால் நடுவராகச் சென்று இயற்பியல் வேதியியல் என உளறலாம்)..ம்ம் கொஞ்சம் யோசித்துப் பார்த்த்தில்..;
என்னாட்டம் யாரிங்கே இப்புவியில் என்றங்கே
பெண்ணாட்டம் போடுகின்றாள் பேதையும் தானறியாள்
முன்னோட்டம் தந்தே முதுமை வராதென்ற
கண்ணோட்டம் இல்லாத கண்
அம்மாவுக்கோ வெளியில்கொஞ்சம் வேலை.. சின்னப் பையனையும் தூக்கிச் செல்ல முடியாது..எனில் சொல்கிறாள்.. ஹேய்.. சமத்தா வீட்டுக்கணக்கைப் பொடு..உனக்குப் பிடிச்ச குட்டி இட்லி சின்ன வெங்காய சாம்பார் வெச்சிருக்கேன்.. எடுத்து நன்னா சாப்பிட்டுட்டுத் தூங்கு..தொலைக்காட்சியில் படம் பார்க்காதே. நான் வர்ற்ச்சே உனக்குப் பிடித்த குலோப்ஜாமூன் வாங்கிண்டு வர்றேன்.. சரிதானா செல்லம்..
செல்லம் என்ன செய்யும்.. கணக்குப் போட்டுப் பார்த்த்து.. தொலைக்காட்சியை போட்டுப் பார்த்த்து..மனம் செல்லவில்லை.. பசிக்கிற மாதிரி இருக்கு.. ஆனா அம்மா இல்லை...போர்.. சாப்பிட்த் தோணவில்லை..மணி என்ன. சின்னமுள் ஒன்பது பெரிய முள் ஆறு.. ஒன்பதரையா. அட இன்னும் அம்மாவைக் காணோமே..எனக்குத் தூக்கம் வருதே பசிக்கிறதே என எண்ணும் போது தானாகவே அதன் கண்கள் கலங்குகின்றன..
சமர்த்தாய் இருந்துவிடு சாப்பிட்டுத் தூங்கு
கமகமக்கும் தின்பண்டம் கொண்டுதான் நான்வருவேன்
என்றே சொலிச்சென்ற அன்னையும் வாராமல்
கண்கள் கலங்கிடுமே காண்..
அம்மா வந்து பார்த்தால் வீடு வீடாக இல்லை.. உருளைக்கிழங்கு சிப்ஸ்பாக்கெட் அங்கெங்கே இறைந்திருக்கிறது.. புத்தகங்கள் மூடி வைக்கப் படவில்லை.. தொலைக்காட்சிப் பெட்டி இறைந்தபடி ஓடிக் கொண்டிருக்கிறது... சமையலறைய்ல் இட்லி வைத்த பாத்திரம் மூடிய படியே இருக்கிறது.. தொ.கா. பெட்டிக்கெதிரே இருந்த இருக்கையில் கண்மூடித் தூங்கிக் கொண்டிருக்கிறான் கடங்காரன். இவனை என்ன சொல்லித் திருத்த.
நறுக்கென்று கிள்ளுகிறாள். பையன் மலங்க மலங்க முழிக்கிறான்..படவா சாப்பிடச் சொன்னேனில்லை.. நீதான் வரலை.. ஒன்பதரை ஆச்சா தூங்கிட்டேன்....அடேய் நான் வந்த்து ஒன்பது முப்பத்தொன்றுக்கு சரி எழுந்து சாப்பிடு..போம்மா தூக்கம் வ்ருது.. டேய்..அப்பாகிட்ட சொல்லிடுவேன். அவர் பத்தரைக்கு வந்துடுவார்.. போம்மா தூக்கம் வருது.. ஆ..அடிக்காதே சாப்பிடறேன்..
வைத்திருந்த குட்டி இட்லிகள் வயிற்றுக்குள் சென்றவுடன் சாரிம்மா.இனி இப்படி செய்ய மாட்டேன் தூங்கட்டா.. அம்மாவிற்குச் சிரிப்பு வருகிறது. என் சமர்த்துக் குட்டி எனக் கொஞ்ச அவனுக்குத் தூக்கம் வருகிற்து. தூக்க்க் கலக்கத்தில் சிந்தனையும் வருகிறது..
கோபமாய்க் கேட்ட்தற்கு கிஞ்சித்தும் கூறாமல்
பாபமாய்ப் பார்த்தே பசியடங்கும் பையனும்தான்
கொஞ்சுபவள் சற்றுமுன்னே கொந்தளித்த தேனென்று
எண்ணித் துயில்கொண்டா னே..
கணவன் பத்தரைக்கு வந்தவன் கொஞம் முகம் மாறி இருந்தான்.. என்னப்பா பாஸ் திட்டினாரா..இல்ல...செக்ரட்டரி உன்கூட சினிமாக்கு வரமாட்டேன்னுட்டாளா..இல்ல.. ஏதாவது வெளியில் சாப்பிட்டாயா.. அடிப்பாவி எப்படிக் கண்டுபிடித்தாய்... ரெண்டு வெங்காய வடை..நண்பன் கொடுத்தான்..நெஞ்சுல்லாம் என்னவோ பண்ணுது..ஹேய் சும்மா இரு..தடவாதே. வேற என்னவோ தோணுது..பையன் தூங்கிட்டானா.. அது சரி..உடம்பு ச்ரியில்லாத போதே இப்படி..இந்தாங்க..இதக் குடிங்க சரியாய்டும்..
என்ன இது..இப்படி நுரைச்சு மப்பும் மந்தாரமுமா இருக்குது..உன்னப் போல..யோவ்.. இது ஈனோ..குடிஎல்லாம் சரியாய்டும்.. ஹி.ஹி..இதுவா சரிபண்ணுமா...கொஞ்சமிரு வெண்பால்ல சொல்லப் பார்க்கறேன்..
ஈனோ எனும்மருந்தை எள்ளாமல் உண்ணுவதும்
வீணோ எனவே நினைக்காதே – ஏனோதான்
நெஞ்செரிச்சல் போக்குவதை நோகாமல் செய்யுமிதை
விஞ்சுதற்கு இல்லையே இங்கு...