KOLANGAL - unkal paakam

It is high time Thols understands one thing :

All the viewers have understood each and every character and about their good and bad thoughts.

The Director need not explain the mentality of the characters again, that too after so many episodes, by creating certain incidents and with lengthy dialogues. Instead can take the story at a faster pace.

Looks like the serial has left the main thread lose and concentrating on trivial issues.

Saradha....... as you rightly said, dialogues of
Arthi, the non stop crying of karpagam and baseless talks of Thiru thiruvengadam........ ellam thanga mudivadhillai.

oru kaalathila manaivi makkaloda virumbi partha serial. serial aarambicha poluthu college padicha en ponnukku ippo kalyanam pesi mudichittom. innum serial poittu irukku. entha serialum surukka mudikka theriyaama romba porumai sodhikkaranga

அன்றைக்கு வாக்குப்பதிவு என்று சன் டிவியின் செய்தி வாசிப்பாளர் அறிவிக்க, அப்பாடா இந்த தேர்தல் முடிந்தால், திருவேங்கடத்தின் கோமாளித்தனங்களும், அதற்கு தோழரின் கண்டனக்கணைகளும் குறைந்து, கதை சரியான பக்கம் பயணிக்கும் என்ற ஆறுதல் ஏற்படுகிறது. வாக்குச்சாவடி முன் இரண்டு பிரதான வேட்பாளர்களின் பூத் ஏஜண்டுகளும் எதிர் எதிராக மேஜை போட்டு வாக்காளர் பதிவுச்சீட்டு வழங்கிக்கொன்டிருக்க, வழக்கம்போல திருவேங்கடத்தின் ஆட்கள் தோழரை கிண்டலடிக்க, ஒரு சிறிய மோதல் முற்றுகிறது. சற்று நேரத்தில் திருவேங்கடமும், தோழர் பாலகிருஷ்ணனும் வாக்குபதிவைப் பார்வையிட வருகின்றனர். கழுத்திலும் தலையிலும் கட்டுடன், கிழிந்த சட்டை அணிந்தவாறு திருவேங்கடம், வாக்காளர்களின் அனுதாபம் பெற முயல்கிறார். வழக்கம்போல பாலகிருஷ்ணன் எச்சரிக்கை விடுகிறார். அனால் அவரது எச்சரிக்கை பயனற்றுப்போகிறது. ஓட்டுப்போட செல்லும்போதும் வரிசையில் நிற்பவர்களிடம் பவ்யமாக வணக்கம் சொல்ல, அவரது நிலையைப்பார்த்து வரிசையில் நிற்கும் வாக்காளர்கள் அனுதாபத்தைக் காட்டுகின்றனர். அதைப்பார்த்து மனதுக்குள் சந்தோஷமாக இருந்தபோதிலும் வெளிக்காட்டாமல் தன் நாடகத்தைத் தொடர்கிறார். அதன் உச்சகட்டமாக ஒருக்கட்டத்தில் மயக்கமடைகிறார். (அதாவது மயக்கமடைவதுபோல நடிக்க) வாக்காளர்களின் அனுதாபம் (குறிப்பாக தாய்க்குலம்) மேலும் அவர் பக்கம் திரும்புகிறது. முதலில் போய் ஓட்டுப்போடுமாறு மற்றவர்கள் கேட்டும், மறுத்து வரிசையில் நின்றே ஓட்டுப்போகிறார். ஓ…. தேர்தலில் இத்தனை தில்லுமுல்லுகள் உண்டா என்று ஆச்சரியம் கலந்த சிரிப்புடன் தோழர் இவையனைத்தையும் பார்த்துக்கொண்டிருக்கிறார்.

அதென்ன இது ஏதோ வார்டு கவுன்சிலர் தேர்தல் போல இரண்டு வேட்பாளர்களும் ஒரே வாக்குச்சாவடியில் முகாமிட்டுள்ளனர்?. வாக்குச்சீட்டில் நிறைய சின்னங்கள் காண்பிக்கப்பட்டபோதிலும் வேறு எந்த வேட்பாளர்களையோ அவர்களின் ஏஜண்டுகளையோ காணோம். வாக்குப்பதிவு காண்பிக்கப்படும்போது, திருவேங்கடத்தின் சங்கு சின்னத்தில் அதிக வாக்குகள் முத்திரையிடப்படுவதாகக் காண்பிக்கப்படுகிறது. சன் டிவியின் மாலைச்செய்தியில் தண்டலம் தொகுதி தேர்தல் மிகவும் அமைதியாக நடந்ததாக சொல்லப்படுகிறது. தேர்தலுக்கு முன்னிருந்த பரபரப்பு என்னாயிற்று?. இது தன்னுடைய தன்மானப்பிரச்சினை என்று சொன்ன ஆதித்யா, வெற்றிக்காக எதையும் செய்வதாகச் சொன்ன தேவராஜ பாண்டியன் ஆகியோரின் நடவடிக்கைகள் எதையும் காணோம். திருவேங்கடத்தின் ஒருசில சில்லறை நாடகங்கள் மட்டுமே அரங்கேறின. ஆனால் இம்மாதிரியான நேரங்களில் அடாவடிச்செயல்கள் வாக்களர்களை திசை திருப்பி விடும் என்பதால், அடிதடிகளில் இறங்காமல் திருவேங்கடம் அடக்கி வாசித்திருக்க கூடும்

தேர்தல் முடிவு எப்படி ஆகப்போகிறதென்று தெரியவில்லை. தோழர் வெற்றி பெற்றால், அது சினிம்மாத்தனமாக, அதாவது நல்ல விஷயங்கள் திரைப்படங்களில் மட்டுமே நடப்பது போல இதுவும் இருக்கும். அதே சமயம் திருவேங்கடம் வெற்றி பெற்றால் அது நாட்டின் இன்றைய நடைமுறைகளை அப்படியே பிரதிபலிப்பதாக அமையும். காலம் முழுவதும் ஒருவனைக் கயவனாக அறிந்திருந்தபோதிலும், சற்றுநேரம் அவன் நடத்தும் நாடகப்பிரச்சாரத்தில் மயங்கி வாக்களித்துவிட்டு ஐந்து வருடங்கள் அல்லல்படுவது நம் மக்களின் வாடிக்கையாயிற்றே. (சரி… இப்பகுதியில் அரசியல் பேசக்கூடாது என்பதால், கண்டனம் வரும் முன் நிறுத்திக்கொள்வோம்).

ரொம்ப நாளைக்குப்பிறகு அபியை அலுவலக அறையில் பார்க்க முடிகிறது. அப்போது அங்கு வரும் ராஜாமணி மேடம், தன்னுடைய ப்ராஜக்டை நல்லபடி முடித்துக் கொடுத்ததற்காக நன்றி தெரிவிக்க, அபி அதை மறுத்து, தன்னை மேடம் ஒப்படைத்த வேலையைத்தான் தான் செய்து முடித்ததாக சொல்ல, ராஜாமணி மீண்டும் சொல்ல, அபி மீண்டும் மறுக்க, ராஜாமணி தன் நன்றியை வாபஸ் பெற்றுக்கொள்கிறார். (சரிங்க, நன்றி சொல்வது அவ்வளவு பெரிய தவறா?. அதுக்கு இத்தனை ஃபுட்டேஜ் தேவையா?).

அப்போது கோட்டும், சூட்டுமாக ஒரு பெரியவர் வருகிறார். தோரணையைப்பார்த்தால் அவர் பெரிய பிஸினஸ்மேன் என்று தெரிகிறது. வந்தவர் பில்டர்ஸ் அசோஷியேஸனைச் சேர்ந்தவர் என்று அபியும், ராஜாமணியும் கண்டுகொள்கின்றனர். அவர் அபியுடன் ஏதேனும் ரகசியம் பேச இருந்தால் தான் வெளியே செணுவிடுவதாக ராஜாமணி சொல்ல, அவர் அப்படியொன்றும் ரகசியமில்லை என்று சொல்லி விஷயத்தை ஆரம்பிக்கிறார். தாங்கள் எல்லாம் உறுப்பினர்களாக இருக்கும் பில்டர்ஸ் அசோஸியேஷன் தலைவர் தேர்தல் வருகிறது என்று (மீண்டும் ஒரு தேர்தலா..?) அவர் சொல்ல, அதற்கு அபியும், ராஜாமணியும் ‘வழக்கம்போலவே அதில் ஆதித்யாதான் நின்று வெற்றி பெறுவார், இது தெரிந்ததுதானே’ என்று கூற, அவர்மறுத்து இந்த முறை ஆதியைத் தேர்ந்தெடுக்க கூடாதென்றும், தொடர்ந்து அவரையே தேர்ந்தெடுப்பதால் அவர் தலைக்கனத்துடனும் தான்தோன்றித்தனமாகவும் நடப்பதாகவும் சொல்லி இம்முறை அசோஸியேஷன் தலைவராக அபியைத் தேர்ந்தெடுக்க விரும்புவதாகவும் சொல்ல அபி முதலில் மறுக்கிறாள். தான் ஏற்கெனவே பெரிய ப்ராஜக்ட்டை ஒப்புக்கொண்டு அதில் முழுமூச்சாக ஈடுபட்டிருக்கும்போது இந்த புதிய பொறுப்பு தனக்கு வேண்டாம் என்று மறுக்க, ராஜாமணியும், வந்தவரும் ரொம்ப வற்புறுத்தி அவலை சம்மதிக்க வைக்கின்றனர்.

இதை சாக்காக வைத்து நாளை ஆதி, அபிக்கு தொல்லைகள் தரும்போது, வற்புறுத்திய இவர்கள் காணாமல் போய்விடுவார்கள். அவள்தான் தனியாக அனுபவிக்க வேண்டும். இதெல்லாம் ராஜாமணிக்கும், வந்தவருக்கும் தெரியாதா?. (ராஜாமணியின் அக்கா மகன் என்று சொல்லிக்கொண்டு ரஞ்சன் என்ற ஒரு தடியன் சுற்றிக்கொண்டிருந்தானே என்னவானான்..?. சரி, தொல்ஸ் என்றைக்காவது கொண்டுவந்து கண்ணில் காட்டுவார்…….. )

I have become a regular reader of this thread :boo: ellaappugazhum Saradha prakash madam'kE :bow: :bow:

நேற்றைய எபிசோடில் தேர்தல் முடிவு தவிர வேறு எந்த திருப்பமும் இல்லை. வரப்போகும் தேர்தல் முடிவு குறித்து நண்பர் ஒருவருடன் பேசிக்கொண்டிருக்கும் திருவேங்கடம், வழக்கம்போல தனது சவடால்களை அவிழ்த்து விடுகிறார். தான் எம்.எல்.ஏ. ஆவது உறுதி என்றும், ஆனதும் முதல் வேலையாக தன் தொகுதியிலுள்ள புறம்போக்கு நிலங்களை தன் வசப்படுத்திக்கொள்ள வேன்டும் என்றும் பேசிக்கொண்டிருக்கும்போது அங்கு வரும் சாரதா, முடிவு வருவதற்குள் ஏன் இப்படி பந்தா பண்ணுகிறீர்கள் என்று கேட்க, தான் வெற்றி பெறுவது உறுதி என்றும் தான் தேர்தல் தினத்தன்று போட்ட நடகங்கள் மக்கள் மத்தியில் தனக்கு பெரிய அனுதாப அலைகளை தோற்றுவித்துள்ளது என்றும் சொல்லிக்கொண்டிருக்கும்போது அங்கு வரும் மகள் இப்படி கேவலமான முறையில் வெற்றி பெறுவது வெட்கமாக இல்லையா என்று கேட்கிறாள். வாழ்க்கையில் கேவலம் எல்லாம் பார்க்கக்கூடாது என்றும், வாழும் வரை எப்படியும் சந்தோஷமாக வாழ்ந்துவிட்டுப் போகவேண்டுமென்றும், அவர் எம்.எல்.ஏ. ஆனால் எம்.எல்.ஏ. மகள் என்ற பெருமை அவளுக்கும்தானே என்றும் கூடிய சீக்கிறமே மந்திரி மகள் என்ற பெருமையையும் அவளுக்கு கொடுப்பதாகவும் கூற, மகள் மீண்டும் அவருடன் வாக்குவாதத்தில் ஈடுபட, சாரதா மகளை வெளியே அழைத்துப்போகிறாள்.

ஆதித்யாவின் அலுவலகத்துக்கு வரும் அலமேலு, ஆதித்யாவைப்பார்க்க வேண்டுமென்று ரிஷப்ஸனிஸ்ட்டிடம் சொல்ல , அவ்ள் எம்.டி.யிடம் கேட்பதாக சொல்லி இண்டர்காமில் அழைக்கப்போகும்போது அவளிடமும் அலமேலு பிரச்சினை பண்ணுகிறாள். தன்னை அவள் தடுத்தது ஆதிக்கு தெரிந்தால் அவளுக்கு வேலை போய் விடும் என்றும் சவடால் விடும் நேரம், அங்கே வரும் கிரி அலமேலுவைப்பர்த்து வந்த காரனம் கேட்க, முக்கியமான குடும்ப விஷயம் பேச இருப்பதாக சொல்ல, பாஸ் ரொம்ப பிஸியாக இருக்கிறார் என்றும் இப்போது பார்க்கமுடியாது என்றும் அவளைத்தடுக்கிறான். ஆதியின் அப்பா ஈஸ்வரனை பிச்சைக்கார கோலத்தில் பார்த்ததையும், தற்போது அவள் அபி வீட்டில் இருப்பதையும் ஆதியிடம் சொல்லி கோள்மூட்டி தூபம் போடலாம் என்ற எண்ணத்துடன் வந்த அலமேலுவுக்கு, கிரி நந்தி மாதிரி தடுப்படகிக்கண்டு எரிச்சல் அடைந்தவளாக வெளியேறுகிறாள். ஆலமேலு போனதும், இனி எப்போது அவள் வந்தாலும் உள்ளே அனுமதிக்க கூடாது என்று கிரி கண்டிப்புடன் சொல்கிறான்.

தேர்தல் முடிவு அறிய திருவேங்கடம் வீடில் அவரும் அவரது கைத்தடிகளும், தொலைக்காட்சி முன் அமர்ந்திருக்க, தோழரின் இருப்பிடத்தில் அவரும் மற்ர தோழர்களும், அவரது தயாரும் தொலைக்காட்சி செய்தியை எதிர்பார்த்துள்ளனர். முதல் சுற்றில் தோழர் 8,000 வாக்குகள் முன்னிலை, அடுத்த சுற்றில் 3,500 வாக்குகள் முன்னிலை, பின்னர் 2,500 வாக்குகள் முன்னிலை, அடுத்து திருப்பமாக திருவேங்கடம் 750 வாக்குகள் முன்னிலை……. இப்படியாக சென்ற வாக்கு எண்ணிக்கை கடைசியில் 5,500 வாக்குகள் வித்தியாசத்தில் திருவேங்க்டம் வெற்றி.

நல்லவேலை, தோழர் வெற்றி பெற்றிருந்தால் நான் ஏற்கெனவே சொன்னமாதிரி செயற்கையாக, சினிமாத்தனமாக, நம்ப முடியாததாக அமைந்திருக்கும். போலி அரசியல்வாதியை வெற்றிபெற வைத்ததன் மூலம், ஒரு யதார்த்த முடிவையும், இது நடப்பது தமிழ்நாட்டில்தான் என்பதையும் தெள்ளத்தெளிவாக உணர்த்தியுள்ளார் திருச்செல்வம்… வாழ்க.

thanks for the update Saradha.

Anyway the (comedy) electrion got over before our parliament elections.

Though the election result is not cinematic, the serial also confirms that people are fools, which is really a sad truth ????? !!!!!!

Quote:

---

Originally Posted by saradhaa_sn

ரொம்ப நாளைக்குப்பிறகு அபியை அலுவலக அறையில் பார்க்க முடிகிறது. அப்போது அங்கு வரும் ராஜாமணி மேடம், தன்னுடைய ப்ராஜக்டை நல்லபடி முடித்துக் கொடுத்ததற்காக நன்றி தெரிவிக்க, அபி அதை மறுத்து, தன்னை மேடம் ஒப்படைத்த வேலையைத்தான் தான் செய்து முடித்ததாக சொல்ல, ராஜாமணி மீண்டும் சொல்ல, அபி மீண்டும் மறுக்க, ராஜாமணி தன் நன்றியை வாபஸ் பெற்றுக்கொள்கிறார்.

---

Abhikku business kodukkum clientaaga irukkum Rajamani madam eppadi Tholsai veLiyil anuppum mukkiya meetingil ellaam pangukoLgiraar ? avar Ranjanudan sErndhu Abhiyai pEsiyadhai ellaam convenientaaga marandhuvittaargaL.

அபியின் அலுவலக அறைக்குள் வரும் கிருஷ்ணன், அவளுடைய சித்தப்பா திருவேங்கடம் வெற்றி பெற்றதையும், தோழர் பாலகிருஷ்ணன் தோல்வியடைந்தது பற்றியும் சொல்ல, அவள் சித்தப்பாவின் வெற்றிக்காக மகிழவில்லை, மாறாக தோழரின் தோல்விக்காக பெரிதும் வருத்தம் அடைகிறாள்.

திருவேங்கடம் வெற்றி பெற்றதற்கு ஆதிக்கு போன் கால்கள் வந்த வண்ணம் இருந்தன. சற்று நேரத்தில் தேவராஜ பாண்டியனும் வருகிறார். ஈருவரும் திருவேங்கடத்தின் வெற்றி மகிழ்ச்சியைப் பகிர்ந்துகொள்கின்றனர். ஏற்கெனவே பணபலம், அடியாள் பலத்துடன் இருக்கும் தங்களுக்கு இப்போது அரசியல் பலமும் சேர்ந்துவிட்டதென மகிழ்கின்றனர். ஆனால் யாரிடம் இருந்து போன் வரவேன்டுமோ அவரிடமிருந்து வரவில்லை. ஆம், தனது வெற்றிச்செய்தியை திருவேங்கடம் ஆதிக்கு தெரிவிக்கவுமில்லை, அதற்கு நன்றி சொல்லவுமில்லை. பொறுத்துப்ப்பார்த்த ஆதி கிரியிடம் சொல்லி திருவேங்கடத்தை போனில் அழைக்கும்படி சொல்ல, போனை எடுக்கும் கைத்தடி ஒருவன் கிரியை தகாத வார்த்தைகளில் திட்ட கிரி போனைத் துண்டித்துவிடுகிறான். மூவரும் திருவேங்கடத்தைக்காண அவர் வீட்டுக்கு செல்கின்றனர்.

திருவேங்கடம் வீட்டில் கூட்டம் திருவிழாக்கோலமாக இருக்கிறது. கைத்தடிகளின் எண்ணிக்கையும் கணிசமாக அதிகரித்திருக்க ‘வருங்கால அமைச்சர், வருங்கால முதல்வர், வருங்கால பிரதமர்’ என்கிற ரீதியில் கோஷங்கள் முழங்கிக்கொண்டு இருக்கின்றன. அங்கு வரும் ஆதியிடம் ‘அப்பா உள்ளே கட்சித்தலைவருடன் பேசிக்கொண்டிருக்கிறார் என்றும், சற்று நேரம் வெளியில் அமர்ந்திருக்கும்படியும்’ சதீஷ் சொல்லி அவர்களை உட்கார வைக்க சாரதா அவர்களுக்கு காபியும் இனிப்பும் கொண்டு வந்து தருகிறாள்.

உள்ளே கட்சித்தலைவருடம் பேசிக்கொண்டிருக்கும் திருவேங்கடம், தான் வெற்றி பெற்ற செய்தியறிந்து ஆளுங்கட்சி உட்பட பல கட்சிகளில் இருந்தும் அழைக்கிறார்கள் என்றும், தான் இதே கட்சியில் தொடர்ந்து நீடிக்க தனக்கு பத்து கோடி ரூபாய் தரவேண்டும் என்றும் கோரிக்கை வைக்கிறார். பத்துகோடியா என்று வாய்பிளக்கும் தலைவரிடம், தலைவருடைய சொத்து பத்துக்கள் அனைத்தும் அடங்கிய ஃபைல் தன்னிடம் இருக்கிறது என்றும், அவற்றோடு ஒப்பிடும்போது பத்துகோடி அவருக்கு சின்ன டிப்ஸ் போன்றது என்றும் மிரட்டும் தொணியில் சொல்ல தலைவர் அரண்டு போகிறார். அத்துடன் பத்துகோடி உடன் தருவதாக சம்மதிக்கிறார். அதைக்கொண்டு முதலில், தன் கையைவிட்டுப்போன தன் வீட்டை மீட்பதே தன் முதல் வேலையென்று திருவேங்கடம் சொல்ல, தலைவர் புறப்படுகிறார். போகும்போதும் கைத்தடிகளின் (இவர்களை தொண்டர்கள் என்று சொல்வது, உண்மையான தொண்டர்களை அவமானப்படுத்துவதாகும்) வாழ்க கோஷம் ஒலிக்கிறது. .

தலைவருடன் வெளியே வரும் திருவேங்கடம் ஆதியையும் தேவராஜ பாண்டியனையும் சந்திக்கிறார், ஆனால் அவர் நடவடிக்கைகளில் பெரிய மாற்றம் அவர்களை துணுக்குறச்செய்கிறது. வாழ்த்துக்களை தெரிவித்துவிட்டு பின்னர் சந்திப்பதாகச் சொல்லிப்போகின்றனர்.

தோழர் பாலகிருஷ்ணன் இருப்பிடத்தில் மற்ற தோழர்களும், தாயாரும் சோகமே உருவாக அமர்ந்திருக்க தோழர் மட்டும் கலங்கவில்லை. ஆனால் மக்களின் அறியாமையும் ஏமாளித்தனமும் அவரை அதிசயிக்க வைக்கிறது. ‘இவ்வளவு நாள் நீ பொதுவாழ்க்கையில் கஷ்ட்டப்பட்டதற்கு கிடைத்த பரிசு இதுதானா’ என்று கேட்கும் தாயாரிடம், தான் மக்கள் தொண்டு செய்வது இதைப்போல சட்டமன்ற, நாடாளுமன்ற பதவிகளைப் பரிசாகப் பெறுவதற்காக இல்லையென்றும், ஆனால் சட்டமன்ற உறுப்பினரானால் இன்னும் திறம்பட மக்கள் சேவை செய்யமுடியும் என்று எண்ணியே இதில் இறங்கியதாகவும் கூறுகிறார். ஆனாலும் தொண்டர்கள் சமாதானம் அடையவில்லை. ‘தியாகச்செம்மல், கர்மவீரர், பெருந்தலைவர் காமராஜரையே தோற்கடித்து பெருமைப்பட்டுக்கொண்ட தமிழகம் இதுவென்றும், அவற்றோடு ஒப்பிடும்போது தனது தோல்வி வெறும் தூசி என்றும், அதற்காக மக்கள் தொண்டை விட்டுவிடமாட்டேன், என் இறுதி மூச்சு வரை உழைப்பேன்’ என்று சொல்லி தோழர்களை அணைத்துக்கொள்கிறார்.

After so many months I watched this serial today.

summa solla koodadhu oru coma patient 10 varusham kazhichu thirumbavum nenavu vandhaalum kooda indha kadhai purinjudum pola :lol2: :evil:

Naane super-a direct pannuven!! 8-)

சிலசமயம் சுறுசுறுப்பாக செல்வது, பலநேரங்களில் ‘டல்’லடிப்பது என்பது கோலங்கள் சீரியலின் வாடிக்கை. சமீப நாட்களாக ரொம்ப டல்.. கதையோட்டத்துக்கு முக்கியமான விஷயங்கள் எதுவுமே நடக்கவில்லை. சும்மா ஏனோதானோ என்று போய்க்கொண்டிருக்கிறது. நேற்று பதினெட்டு நிமிட விளம்பரங்களுக்கிடையே பணிரெண்டு நிமிடம் ஓடிய எபிசோடில் நடந்தது என்ன?. ஒரே வார்த்தையில் ‘ஒண்ணுமில்லை’ என்று சொல்லிவிட்டுப்போயிடலாம்.

அபியின் அலுவலகம். காட்சி ஆரம்பித்தபின் பகுதி நேரம் அவள் ஏதோ ஒரு ஃபைலை படித்தபடி அங்குமிங்கும் நடப்பதிலேயே போய்விட, அடுத்து உள்ளே நுழையும் ஆர்த்தி தான் தற்போது மருத்துவமனையில் இருந்துதான் வருவதாகவும், சித்தப்பா திருவேங்கடம் தேர்தலில் வெற்றிபெற்ற செய்தியை ரொம்ப மகிழ்ச்சியோடும் சொல்ல, அபியோ’இதில் நாம் மகிழ்ச்சியடைய என்ன இருக்கிறது. இதுவரை அவரால் நம் குடும்பத்துக்கு எந்த பயனும் இல்லை. இப்போது அவரைத் தேர்ந்தெடுத்ததால் தொகுதி மக்களுக்கும் எந்த பயனும் இருக்கப்போவதில்லை, போய் உன் வேலையைப்பார்’ என்று அனுப்பிவிடுகிறாள். அவள்போகும் முன் அப்பா ஈஸ்வரன் தங்களுடன் இருப்பது ஆதிக்கோ கான்சனாவுக்கோ தெரியக்கூடாது என்பதால் இதுபற்றி யாரிடமும் எந்த வார்த்தையும் சொல்லவேன்டாம் என்றும் எச்சரிக்கிறாள். (யாருக்கும் தெரியக்கூடாதாம், ஆனால் அழைப்பிதழ் எல்லாம் அச்சடித்து ஊரை அழைக்கிறார்களாம். அபி வீட்டில் தும்மினால்கூட கண்டுபிடித்துவிடும் ஆதியிடம் இதை தெரியாமல் மறைப்பது சாத்தியமா?)

மருத்துவமனையில் தன்னைப்பார்க்க வந்திருக்கும் தோழர் பாலகிருஷ்ணனிடம் ஆனந்தி அவருடைய தோல்விக்கு அதிர்ச்சியும் வருத்தமும் தெரிவிக்கிறாள். தோழரோ ‘அசத்தியவாதிகள் (‘அசத்தப்போவது யாரு’ நிகழ்ச்சியில் வருபவர்கள் அல்ல, சத்தியத்துக்கு புறம்பானவர்கள்) வெற்றிபெறுவதுபோல தெரியும், ஆனால் பின்னர் வீழ்ச்சியடைவார்கள்’ என்று சொல்ல, அதற்கு ஆனந்தி, ‘அவர்கள் தானாக வீழ்வார்கள் என்று சொன்னால் போதாது, அவர்களை நாம்தான் வீழ்த்த வேண்டும். நான் உடல்நலம் தேறியதும் முன்னைவிட இரட்டிப்பு வேகத்துடன் வருவேன் என்று’ சொல்ல, தோழர் முதலில் அவளுடைய உடல்நிலை பூரணமாக தேறட்டும், பின்னர் செயலில் ஈடுபடுவோம் என்று சொல்லி விடைபெற்றுச்செல்கிறர். அவர் போகும்வரை இன்னொரு அறையில் மறைந்திருந்த ஈஸ்வரன் வெளியே வந்து, ‘சஷ்டியப்த பூர்த்தி’ விழா நடக்கும்வரை ஆதி, கான்சனா இவர்கள் கண்ணில் படாமல் இருக்க தான் இவர்களைவிட்டு தனியாக வேறிடத்தில் தங்கிக்கொள்வதாக அபியிடமும் ஆனந்தியிடமும் சொல்ல, முதலில் தயங்கிய அபி பின்னர் சம்மதிக்க, அவர் செல்கிறார். நல்லவேளை அந்த இடத்தில் அப்போது கற்பகம் இல்லாததால் ஒரு அழுகைக்காட்சியில் இருந்து நமக்கு விடுதலை.

ஆதி, திருவேங்கடம், தேவராஜ பாண்டியன் மூவரும் மதுவருந்திக்கொண்டிருக்கின்றனர். (சித்தப்பா, மகன் என்ற பேதமின்றி இந்தக்குடிப்பழக்கம் மனிதர்களை எவ்வளவு கீழ்த்தரமாக கொண்டு செல்கிறது..!!). தேர்தலில் வென்ற செய்தியை தன் பாஸுக்குத்தானே முதலில் தெரிவிக்க வேண்டும், அப்படியிருக்க தான் போன் செய்தபோது அவருடைய கைத்தடி ஒருவன் தரக்குறைவாக பேசியதாக கிரி பேச்சை ஆரம்பிக்க……(போசுடா) ஆரம்பித்தது திருவேங்கடத்தின் அறுவை புராணம். தான் வெற்றி பெற்ற செய்தியைக்கேட்டதும் தன்னுடைய இரண்டு போன்களிலும் கால்கள் வந்தவண்னம் இருந்ததாகவும் முகேஷ் அம்பானி, நடிகை ஷில்பா ஷெட்டி, ஒலிம்பிக் வீரர் அபினவ் பிந்த்ரா ஆகியோர் போன் செய்து தன்னை வாழ்த்தியதாகவும், மாயாவதியிடமிருந்து போனை எதிர்பார்த்திருப்பதாகவும் தன் உளறல் புராணத்தை எடுத்துவிட ஆதியும், தே.பா.வும் எரிச்சல் அடைகின்றனர். (தண்டலம் சட்டமன்ற உறுப்பினர் பதவி, அமெரிக்க அதிபர் பதவியைவிட உயர்ந்தது என்று சொல்ல வருகிறாரா?. தொல்ஸ், உங்களுக்கே இதெல்லாம் ரொம்ப ஓவராக தெரியலையா?) புதிய பங்களா வாங்கியிருக்கும் விஷயத்தைப் பற்றி தே.பா. கேட்க, தான் பார்த்துப்பார்த்து கட்டிய வீட்டை தான் மீண்டும் வாங்கியதாகவும், தன்னுடைய இந்த ஐந்துவருட பதவியை வைத்து தன்னை எவ்வளவு வளப்படுத்திக்கொள்ள முடியுமோ அப்படி செய்ய திட்டமிட்டிருப்பதாகவும் சொல்கிறார்.

இதையெல்லாம் செவிமடுக்காத ஆதி, அவருடைய பதவியைவைத்து தங்களுக்கு சில சாதகமான, அதே சமயம் அபியின் தொழிலை பாதிக்கக்கூடிய, நடவடிக்கைகளில் ஈடுபடவேன்டும் என்று கேட்க, ‘உனக்கு செய்யாமல் யாருக்கு செய்யப்போகிறேன் ஆதி’ என்று உறுதியளித்தாலும், தேர்தலுக்குப்பின் திருவேங்கடத்தின் செயல்பாடுகளில் தேவராஜ பாண்டியனுக்கு நம்பிக்கை வரவில்லை.