மனதை கவரும் மதுர கானங்கள் இரண்டாவது பாகம

டியர் கோபால் சார்,

நீலவானம் பற்றிய முரளிசாரின் பதிவை மீள்பதிவு செய்தமைக்கு மிக்க நன்றி. அண்ணியின் மிக மிக அருமையான நடிப்பில் மிளிர்ந்த படம். நடிகர்திலகம் நடிப்பைப் பற்றி சொல்ல வேண்டியதில்லை. அதுவும் ஒவ்வொரு காட்சியையும் முரளிசார் விவரித்திருக்கும் விதம் அவருக்கே கைவந்த கலை.

சோகம் என்னவென்றால், நீலவானம்தான் இருவரும் ஜோடியாக நடித்த கடைசிப்படம். (பதினொரு ஆண்டுகள் கழித்து வந்த சத்யம் சும்மா ஒரு டெயில் என்டர்). இதன்பிறகு நடிகர்திலகத்தின் படங்களான சரஸ்வதி சபதம், எங்கிருந்தோ வந்தாள், பாரதவிலாஸ் போன்ற படங்களில் நடித்திருந்தாலும் யார் யாருக்கோ ஜோடியாக...

//யார் யாருக்கோ ஜோடியாக...//:sad: நீலவானம் பதிவு நானும் பார்த்தேன்..எனக்கு மிகவும் பிடித்த படங்களில் அதுவுமொன்று..ஓஹோ ஹோ ஓடும் எண்ணங்களே. குலமகள் ராதையில் பார்க்கும் குறும்பு ந.தியை இந்தப் படத்தில் ராஜஸ்ரீயுடன் ஆரம்பக் காட்சிகளில் பார்க்க முடியும்..ஆனால் அந்தக் காலத்தில் லிஃப்ட் என்பது சாதாரணமான ஒன்றாக இருந்ததா என்ன..முதல் தடவை படம் பார்த்த போது பாபுவைத் தனியாக குழந்தை பொம்மையுடன் போக விட்டது ஒருவித கோபமே வந்தது எனக்கு..ஏன் முதலில் லவ் பண்ணிய பெண்ணுடன் இருப்பதாகக் காண்பித்திருக்கக் கூடாதா என ஒரு சண்டையே போட்டிருந்தேன் அந்த சமயம் - மனதிற்குள்..

க்ருஷ்ணா சார்..ஸ்ரீப்ரியா அதற்கப்புறம் தானே வாழ்வே மாயத்தில் நடித்திருந்தார்..கொஞ்சம் இளைச்ச ஃபீலிங்க் இருந்தது..ஓ ராஜாவே ஓ ரோசாப்பூ.. பாட்டு ஓ நோ எனக்குப் பிடிக்காது :)

சாமியே சரணம் ! கிருஷ்ணா ஜி.. நல்ல தரிசனம் கிடைத்து எல்லாரும் எல்லாமும் பெற வேண்டிக் கொண்டதற்கு நன்றி ஜி.

நாயக்கரின் மகளில் வாணி ஜெயராம் பாடும் "கலையாத கனவொன்று கண்டேன்" எனக்கு பிடித்த பாடல். கர்நாடக சங்கீத மெட்டு என்பதால் வாணிக்கு நல்லாவே பொருந்தும்.

சிக்கா... ஜெ.சி... ஸ்ரீப்ரியா... நடிகர் திலகத்துடன் ரத்த பாசத்திலும் நடிச்சாங்க.. அதிலேயும் இளைக்கலையே !!

சிகா,madhu anna

ஸ்ரீப்ரிய ஆரம்பம் சூப்பர் பியுட்டி.பட்டிகாட்டு ராஜா படத்தில்
அசோகன் சொல்வார் "மாற்றன் தோட்டத்து மல்லிகையே வா வா வா
மன்சூர் கண்டுஎடுத பெட்டகமே வா வா " அப்படி மல்லிகை மாதிரி இருப்பார் .6 அல்லது 7 வருசம் பீக் மார்க்கெட்.மல்லிகையை எல்லோரும் மோந்து பார்த்ததினால் என்னவோ
பொல்லாதவன் அப்பறும் என்னடி மீனாட்சி (ரொம்ப நாளாக எனக்கொரு ஆசை ) பீக் வீங்கல் ,
தீடீர்னு 3 மாதம் அஞ்சாத வாசம் (வெளிநாடு அமெரிக்கானு நினைவு .உறிஞ்சு எடுத்துட்டான் டாக்டர் எக்ஸ்ட்ரா கொழுப்பை ) திருப்பி வரும் போது வசந்தத்தில் ஒரு நாள்,வாழ்வே மாயம் ,தீ,தனிகாட்டு ராஜ இப்படின்னு ஒரே ஸ்லிம் அதிலும் வாசு சார் ஒரு பாட்டு போட்டார்
(அய்யாவுக்கு மனசு இருக்கு அம்மாவுக்கு வயசு இருக்கு இஷ்க் இஷ்க்)
ஒரு டிராயர் பனியன் costume சகிகல்லை

Quote:

---

Originally Posted by gkrishna

இளமை ஊஞ்சல் ஆடுகிறது படத்தில் நான் மிகவும் ரசித்தது
திவாரியின் துல்லியமான ஒளிபதிவு சிகா சார்

---

டியர் கிருஷ்ணாஜி,

இளமை ஊஞ்சலாடுகிறது ஒளிப்பதிவு நிவாஸ்.
அழகே உன்னை ஆராதிக்கிறேன் படம்தான் திவாரி.

http://antrukandamugam.files.wordpre...3jpg.jpg?w=412http://antrukandamugam.files.wordpre...i-11.jpg?w=358

ரஜpனி முதன் முதலாக கதாநாயகனாக நடித்த ~பைரவி' யில் ஜோடி சேர்ந்தவர் ஸ்ரீபிரியா
வில்லனாக நடித்துக் கொண்டிருந்த ரஜினிகாந்த் முதன் முதலாக ‘பைரவி’ படத்தில் கதாநாயகனாக நடித்தார். அந்தப் படத்தில் அவருக்கு ஜோடியாக நடிக்கும் வாய்ப்பு ஸ்ரீபிரியாவுக்கு கிடைத்தது.

ஸ்ரீபிரியாவின் முதல் படமான ‘முருகன் காட்டிய வழி’ படம் தயாராகிக் கொண்டிருந்த நேரத்தில் டைரக்டர் கே. பாலசந்திரனின் ‘அவள் ஒரு தொடர்கதை’ படத்திலும் ஒப்பந்தமானார் ஸ்ரீபிரியா.

‘முருகன் காட்டிய வழி’ படம் 1974 ஜூன் மாதம் ரிலீசானது. இதே ஆண்டில் தீபாவளி தினத்தில் ‘அவள் ஒரு தொடர்கதை’ படம் வெளியானது. இந்த நேரத்தில் எம். ஜி. ஆர். நடித்து டைரக்டர் ஸ்ரீதர் இயக்கிய ‘உரிமைக்குரல்’ உள்ளிட்ட சில பெரிய படங்களும் வெளிவந்தன. இருந்தும் முற்றிலும் புதுமுகங்களை வைத்து கே. பாலசந்தர் இயக்கிய ‘அவள் ஒரு தொடர்கதை’ படம் மகத்தான வெற்றிபெற்றது

இதுபற்றி ஸ்ரீபிரியா கூறியதாவது ::-

‘அவள் ஒரு தொடர்கதை’ படத்தில் நடிக்கும்போதே டைரக்டர் கே. பாலசந்தர் என்னிடம் ‘படத்தில் எத்தனை கெரக்டர்கள் இருந்தாலும் உன் கெரக்டர் தனித்துப் பேசப்படும்’ என்றார். அப்படியே நடந்தது.

தமிழில் வெற்றிபெற்றதைத் தொடர்ந்து இந்தப் படத்தை தெலுங்கிலும் கே. பாலசந்தர் அந்துலேனி கதா’ என்ற பெயரில் உருவாக்கினார். தமிழில் சுஜாதா நடித்த கெரக்டரில் தெலுங்கில் ஜெயபிரதா நடித்தார். தமிழில் படாபட் ஜெயலட்சுமியும், நானும் ஏற்றிருந்த அதே கெரக்டர்களை தெலுங்கிலும் நடித்தோம். தெலுங்கிலும் படம் பெரிய அளவில் வெற்றி பெற்றது.

இந்த வெற்றியைத் தொடர்ந்து தெலுங்கு ரசிகர்களிடமும் நான் பிரபலமானேன். தமிழில் என் அண்ணன் கெரக்டரில் ஜெய்கணேஷ் நடித்திருந்தார். தெலுங்கில் இந்தக் கெரக்டரில் ரஜினி நடித்து பிரபலமானார்.

இப்படி ரஜினியும், ஸ்ரீபிரியாவும் தெலுங்கில் நல்லவிதமாக அறிமுகமானதைத் தொடர்ந்து ‘சிலகம்மா செப்பந்தி’ என்ற தெலுங்குப் படத்தில் இருவரும் ஜோடியாக நடித்தனர். இது ‘அடிமைகள்’ என்ற மலையாளப் படத்தின் ரீ மேக், மலையாளத்தில் சாரதா நடித்த கெரக்டரில் தெலுங்கில் ஸ்ரீபிரியா நடித்திருந்தார். கே. பாலசந்தர் மேற்பார்வையில் ஈரங்கி ஷர்மா டைரக்ட் செய்திருந்தார்.

இந்த தெலுங்குப் படமும் வெற்றிபெற்றது. இதையே தமிழில் ‘நிழல் நிஜமாகிறது’ என்ற பெயரில் சில மாற்றங்களுடன் உருவாக்கினார். தெலுங்கில் ரஜினி நடித்த கெரக்டரில் தமிழில் கமலஹாசனும், ஸ்ரீபிரியா நடித்த கெரக்டரில் ஷோபாவும் நடித்தார்கள். தமிழிலும் படம் வெற்றிபெற்றது.

தமிழில் பாலசந்தர் கேட்ட திகதிகளை தரமுடியாத அளவுக்கு ஸ்ரீபிரியா பிசியாக இருந்ததால், தமிழில் ஸ்ரீபிரியாவுக்கு பதிலாக ஷோபா நடித்தார்.

இதுபற்றி ஸ்ரீபிரியா கூறும்போது, ‘1974 ல் வருஷத்துக்கு ஐந்தாறு படம் என்ற நிலையில் இருந்தேன். ஆனால் அடுத்து வந்த வருடங்களில் வருடத்துக்கு 16 முதல் 18 படம் வரை நடித்தேன்! அந்த ஆண்டுகளில் அதிக படங்களில் நடித்த நடிகை என்ற பெயரை தொடர்ந்து தக்க வைத்துக் கொண்டிருந்தேன்’ என்கிறார்.

வி. சி. குகநாதன் டைரக்ட் செய்த ‘மாங்குடி மைனர்’ படத்தில் ஸ்ரீபிரியா கதாநாயகியாக நடித்தார். இப்படத்தில் ரஜினி நடித்திருந்தாலும், விஜயகுமார்தான் ‘மாங்குடி மைனர்’. ரஜினி, வில்லனாகவே நடித்துக் கொண்டிருந்த காலக்கட்டம் இது.

இந்தியில் ‘ராம் கு காலட்சுமண்’ என்ற பெயரில் ரந்திர்கபூர், சத்ருகன் சின்கா, ரேகா நடித்த படத்தில் தமிழ்ப் பதிப்பு இது. இந்தியில் சத்ருகன் சின்கா ஏற்றிருந்த வேடத்தை தமிழில் ரஜினி ஏற்க, ரேகா கெரக்டரில் ஸ்ரீபிரியா நடித்தார்.

இந்த சமயத்தில்தான் ‘பைரவி’ படத்தில் ரஜினியை கதாநாயகனாக அறிமுகப்படுத்தினார் தயாரிப்பாளர் கலைஞானம். இந்தப் படத்தில் ரஜினிக்கு ஜோடியாக நடிக்கும்படி ஸ்ரீபிரியாவை கேட்டார்.

ஸ்ரீபிரியா ஏராளமான படங்களில் நடித்துக் கொண்டு பிசியாக இருந்த நிலையிலும், கால்iட்டுகளை அட்ஜஸ்ட் செய்து ‘பைரவி’யில் கதாநாயகியாக நடித்தார்.

இதுபற்றி ஸ்ரீபிரியா கூறியதாவது :-

‘அப்போது நான் நிறைய தெலுங்குப் படங்களை கைவசம் வைத்திருந்தேன். நான் கமல், ரஜினி, மூவருமே சம காலத்தில் நடிக்க வந்தவர்கள். டைரக்டர் கே. பாலசந்தர் படங்களில் நடிக்கும்போதே எங்களுக்குள் நல்ல நட்பு இருந்து வந்தது. ருத்ரையா டைரக்ஷனில் ‘அவள் அப்படித்தான்’ படத்தில் கமல், ரஜினி, நான் என்று மூவருமே நடித்தும் இருக்கிறோம். ரஜினியுடன் ‘ஆடுபுலி ஆட்டம்’ போன்ற சில படங்களில் நடிப்பை தொடர்ந்திருக்கிறேன்.

‘அவள் அப்படித்தான்’ படத்தில் என் நடிப்புக்காக தமிழக அரசு ‘சிறந்த நடிகை’ விருது தந்தது. உண்மையில் இந்தப் படத்தின் கதையை கேட்டதும் நான் நடிக்கத் தயங்கினேன். திருமணமானவரை விரும்பும் பெண் கெரக்டரை ரசிகர்கள் ஏற்பார்களோ, மாட்டார்களோ என்று பயந்தேன். ஆனால் கமல்தான், ‘நிச்சயமாக இந்த கெரக்டர் உனக்கு பேரும் புகழும் வாங்கித் தரும், நடி’ என்று வற்புறுத்தினார்.

இப்படி ஒருவர் வளர்ச்சியில் மற்றவர்கள் அக்கறை செலுத்தி மகிழ்ந்து கொண்டிருந்தோம்.

முதல் முதலாக ரஜினி கதாநாயகனாக நடித்த படத்தில், அவருடன் இணைந்து நடிக்கும் வாய்ப்பு எனக்கு வந்ததும், அப்போது ‘பத்மாலயா’ நிறுவனத்தின் தெலுங்குப் படத்துக்கு கொடுத்திருந்த கால்iட்களை அவர்களிடம் கேட்டு மாற்றிக்கொண்டு? ‘பைரவி’ படத்தில் நடித்தேன். படமும் வெற்றிபெற்றது’ என்றார் ஸ்ரீபிரியா.

http://www.thinakaran.lk/2013/05/07/f4.jpg

Quote:

---

Originally Posted by mr_karthik

டியர் கிருஷ்ணாஜி,

இளமை ஊஞ்சலாடுகிறது ஒளிப்பதிவு நிவாஸ்.
அழகே உன்னை ஆராதிக்கிறேன் படம்தான் திவாரி.

---

சாரி கார்த்திக் சார் .திருத்தி கொள்கிறேன்

நமது திரியின் முதல் பாகத்தில் லட்டு லதாவைப்பற்றி அலசும்போது ஒருவர் சொன்னார் "லதா சிகாமியின் செல்வன் என்ற ஒரே படத்தில் மட்டுமே நடிகர்திலகத்துடன் நடித்தார். இன்னும் சில படங்களில் நடித்திருந்தால் நன்றாக நடிக்க கற்றுக்கொண்டிருப்பார்" என்று.

அப்போது எனக்கு தோன்றிய எண்ணம்... 'ஸ்ரீபிரியாவும் தானே நடிகர்திலகத்துடன் பல படங்களில் நடித்தார். ஆனால் நடிப்பைக் கற்றுக்கொண்டாரா என்ன'

அப்பனே அப்பனே புள்ளையாரப்பனே பாட மட்டுமே லாயக்கு...

வலைப்பூவில் படித்து ரசித்த ஒரு பகுதி

சந்திரோதயம் பாடல் பற்றி பாகம் ஒன்றில் அலசி விட்டோம்
திரு கார்த்திக் சார் கூட அருமையான பாடலை வீணாக்கி விட்டார்கள்
என்று எழுதிய நினைவு இருந்தாலும் இந்த கட்டுரை நன்றாக இருப்பதாக நினைத்ததால் மீள் பதிவு


http://www.thinakaran.lk/2013/05/07/f5.jpghttps://encrypted-tbn2.gstatic.com/i...Q8_ZwqerkXYhWb

வைரங்களைப் புதைத்திருக்கும் வரிகளை கொண்ட உவமைகள் நிறைந்த பாடல்
மிகவும் சாதாரணமான, சுவாரஸ்யமற்ற கதையைக் கொண்ட சந்திரோதயம் படத்துக்கு முத்து முத்தான பாடல்களை எழுதியிருக்கிறார் வாலி. அவை அனைத்துக்கும் சத்தான இசையை ஊட்டி, உலவ விட்டிருக்கிறார் மெல்லிசை மன்னர்.

இது ஒரு வழக்கமான காதல் டூயட்தான் என்றாலும், இதை ஒரு சிற்பம்போல மிக அழகாக செதுக்கியிருக்கிறார் வாலி.

இந்தப் பாடலில் நாயகன் பாடும் வரிகள் வழக்கமானவைதான். ஆனால் நாயகியின் வரிகளில்தான் வைரங்களைப் புதைத்திருக்கிறார் இந்த வித்தகக் கவிஞர். ஒரே பாடலில் எத்தனை உவமைகள்! இத்தனை உவமைகள் நிறைந்த பாடல் வேறொன்று இருக்குமா (அத்திக்காய் நீங்கலாக) என்பது சந்தேகம்தான்.

இந்தப் பாடலில் இசைக் கருவிகளைக் குறைந்த அளவே பயன்படுத்தியிருக்கிறார் எம். எஸ். வி. என்று தோன்றுகின்றது. பாடல் முழுவதும் அவர் நடத்தியிருக்கும் கச்சேரிக்கு இசைக்கருவிகள் தடங்கலாக இருக்கக் கூடாது என்பதாலோ என்னவோ!

மிக எளிமையான துவக்க இசை கட்டியம் கூறும் குழல் இசை (பாடல் முழுவதிலுமே, புல்லாங்குழலின் இனிமைதான் தூக்கி நிற்கிறது) ஒரு பிரமாண்டமான இசை வேள்வி நடக்கப்போகிறது என்பதற்கான எந்த ஒரு குறிப்பும் இல்லாமல் மெல்ல மென்மையாக ஆர்ப்பாட்டமில்லாமல் இசைத்துவிட்டுப் போகிறது துவக்க இசை.

கேட்டவுடனேயே மயங்க வைக்கும் இனிமையான பல்லவியை டி. எம். எஸ். துவங்கி வைக்கிறார். பல்லவியிலேயே மூன்று உவமைகளைத் தாராளமாக அநாயாசமாக இந்தா எடுத்துக்கொள் என்பது போல எடுத்து வீசியிருக்கிறார் கவிஞர் வாலி.

சந்திரோதயம் ஒரு பெண்ணானதோ

செந்தாமரை இரு கண்ணானதோ

பொன்னோவியம் என்று பேரானதோ

என் வாசல் வழியாக வலம் வந்ததோ

அடுத்து நாயகி தன்னைப் பற்றிப் பேசுகிறாள் நான் எப்படிப்பட்டவள் தெரியுமா?

குளிர்காற்று கிள்ளாத மலர்

கிளி வந்து கொத்தாத கனி

நிழல்மேகம் தழுவாத நிலவு

வியப்பாக இருக்கிறதா? ஆயினும் என்ன? இப்படிப்பட்டவளை நீ உன் நெஞ்சோடு சேர்த்துக் கொண்டு விட்டாயே!

இந்த வரிகளில் நாயகியின் பெருமை தெரிகிறது. எப்படிப்பட்ட தூய்மையான பொருளை நீ அடைந்திருக்கிறாய் என்பதை நீ உணர வேண்டும்’ என்று நாயகனுக்கு உணர்த்துவதாக அமைந்திருக்கின்றன இவ்வரிகள். இப்படி என்னைத் தூய்மையாக வைத்துக் கொண்டதெல்லாம் நீ உன் நெஞ்சுடன் என்னை இணைத்துக் கொள்ளத்தானா?’ என்ற (போலியான) ஆதங்கமும் இவ்வரிகளில் ஒலிக்கிறது.

இவ்வரிகளுக்கு இன்னொரு விதமாகவும் பொருள் கொள்ள முடியும்.

குளிர் காற்று கிள்ளாத (என்ன அருமையான சொல்! குளிர் காற்று உடலில் படும்போது ஏற்படும் சிலிர்ப்பை ‘கிள்ளல்’ என்று வாணித்திருக்கிறார். மலர், கிளி வந்து கொத்தாத கனி, நிழல் மேகம் தழுவாத நிலவு இவை எல்லாம் இயற்கையில் இருக்க முடியாதே? அப்படியானால் நான் மட்டும் எப்படி? நீ என்னை உன் நெஞ்சோடு சேர்த்துக் கொண்டு விட்டதால் வேறு எந்த விதத் தீண்டல்களும் எனக்கு ஏற்படவில்லை!

குளிர்காற்று கிள்ளாத மலரல்லவோ

கிளி வந்து கொத்தாத கனியல்லவோ

நிழல்மேகம் தழுவாத நிலவல்லவோ

நெஞ்சோடு நீ சேர்த்த பொருளல்லவோ

எந்நாளும் பிரியாத உறவல்லவோ

இதைத் தொடர்ந்து, நாயகி நாயகனை வர்ணிக்கும் பல்லவி

இளம் சூரியன் உந்தன் வடிவானதோ

செவ்வானமே உந்தன் நிறமானதோ

பொன்மாளிகை உந்தன் மனமானதோ

என் காதல் உயிர் வாழ இடம் தந்ததோ

பாடல் இன்னும் பாதி கூட முடியவில்லை அதற்குள் பன்னிரண்டு உவமைகளை அள்ளித் தெளித்து விட்டார் இரண்டாம் கம்பன். உவமைக் கவிஞர் என்ற பட்டம் இவருக்கும் பொருந்தும். இந்த ஒரு பாடலுக்காகவே இளம் சூரியன் உந்தன் வடிவம். செவ்வாணம் உந்தன் நிறம் என்பதெல்லாம் வழக்கமான வர்ணனைகள் ஆனால் ‘பொன்மாளிகை உந்தன் மனமானதோ’ என்ற வரியில் ஒரு பொடியை (பொறியை) வைத்திருக்கிறார் கவிஞர். ‘என் காதல் உயிர் வாழ இடம் தந்ததோ’ என்ற அடுத்த வரியின் மூலம் ‘நீ பொன்மனச் செம்மல்தான். ஆனால் அது எதனால்? என் காதல் உன் மனதில் உயிர் வாழ்கிறதே அதனால்தான் என் காதல்தான் பொன் அது உன் மனதில் இருப்பதால்தான் அது பொன் மாளிகை’

மீண்டும் பல்லவியின் இரு வரிகளைப் பாடுகிறார் நாயகி

(இளம் சூரியன்)

இந்த இடத்தில் மெல்லிசை மன்னருக்கு ஒரு எண்ணம் தோன்றுகிறது. இது ஒரு நீளமான பாடல் இந்த நீளமான பாடலின் சுருக்கத்தை அளித்தால் என்ன? எப்படி அளிப்பது? ஒரு ஹம்மிங் மூலமாகத்தான்! ஆஹாஹாஹா

என்ன ஒரு ஹம்மிங் (இதற்கு சரியான தமிழ்ச் சொல் இருக்கிறதா?)

இந்த ஹம்மிங்கைக் கேட்கும் போது வேறு இரண்டு ஹம்மிங்குகள் நினைவுக்கு வருகின்றன. மூன்றையும் ஒப்பிட்டு இந்தப் பாடலின் ஹம்மிங் காற்றில் லேசாக மிதப்பது போன்ற உணர்வைத் தருகிறது. இங்கே நாயகி இப்போதுதான் காதலின் உணர்வை அறியத் தொடங்கியிருக்கின்றாள்.

‘சிட்டுக்குருவி முத்தம் கொடுத்து’ பாடலில் வரும் ஹம்மிங். ஒரு இன்பக் கடலில் மூழ்கி மூழ்கி எழும் உணர்வை வெளிப்படுத்துகிறது. இந்த நாயகியின் காதல் உறுதியாகி விட்ட ஒன்று.

யாருக்கு மாப்பிள்ளை யாரோ’வில் வரும் ஹம்மிங் நாயகியின் உல்லாசமான, குறும்புத்தனமான, சீண்டிப் பார்க்கும் மனப்பான்மையை வெளிப்படுத்துகிறது.

பகவத் கீதையை முழுமையாகப் படிக்க முடியாதவர்கள், ‘ஸர்வ தர்மான பரித்யஜ்ய என்ற சரல் ஸ்லோகத்தை மட்டும் படித்தால் போதும் என்று சொல்வார்கள். அது போல், இந்தப் பாடலை முழுமையாகக் கேட்க நேரம் இல்லாவிட்டால், இந்த ஹம்மிங்கை மட்டும் கேட்டுப் பாடல் முழுவதையும் கேட்ட உணர்வைப் பெறலாம்.

டியர் கிருஷ்ணாஜி,

'சந்திரோதயம் ஒரு பெண்ணானதோ' பாடல் மிக அருமையான ஒன்றுதான், சந்தேகமேயில்லை. எனக்கு மிகவும் பிடித்த பாடல். பாடலை பல நூறுமுறை கேட்டபின்பு படத்தில் பார்த்தால்..... என் மனநிலைக்கு இப்போதைய உதாரணம் ஒன்றைச்சொல்லலாம்.

நண்பர் வாசு அவர்கள் பழைய நடிகைகளின் அழகான, இளமையான, மனதைக்கவரும் ஸ்டில்களையெல்லாம் போட்டுவிட்டு, கடைசியில் அந்த நடிகையின் இன்றைய தோற்றம் என்று ஸ்டில்லை போட்டு ஒரு அதிர்ச்சி அளிப்பார் அல்லவா, அதுபோல...