new serials/programs

Quote:

---

`அணு அளவும் பயமில்லை' சீசன்-3

விஜய் டி.வி.யில் இளம் பெண்கள் தங்களது மன தைரியத்தை நிரூபிக்கும் விதமாக அமைந்திருநëத சாகச நிகழ்ச்சியான `அணு அளவும் பயமில்லை' நிகழ்ச்சி, இரண்டு சீசன்களை தொடர்ந்து மூன்றாவது சீசனில் அடியெடுத்து வைக்க உள்ளது.

ஏழு பெண்களின் தைரியத்தை சோதிக்கும் வகையில் பலவித பலப்பரீட்சை சாகசங்கள் இரண்டு சீசன்களிலும் இருந்தன. முதல் சீசனில் பூஜாவும், இரண்டாவது சீசனில் மகாலட்சுமியும் வெற்றியாளர்கள். இப்போது இதே சூட் டோடு சீசன்-3ம் துவங்க இருக்கிறது.

மலைப்பிரதேசம் ஒன்றில் சென்று மலை ஏறுதல், மேடு பள்ளம் நிறைந்த பாதையில் காலை கீழே வைக்காமல் சைக்கிள் ஓட்டுதல், பாறை ஏறுதல் என ஜோடிகள் சேர்ந்து செய்கிற பல புதிய சாகச நிகழ்ச்சிகள் இந்த மூன்றாம் சீசனில் இடம் பெற உள்ளன.

தொகுப்பாளர் கிரேக் தொகுத்து வழங்குகிறார். வரும் 12-ந் தேதி வெள்ளிக்கிழமையும், மறுநாளும் இந்த நிகழ்ச்சியை காணலாம்

---

நன்றி: தினதந்தி

Quote:

---

சூடுபிடிக்கும் `விசாரணை'



கலைஞர் டிவியில் திங்கள் முதல் வியாழன் வரை தினமும் இரவு 10 மணிக்கு ஒளிபரப்பாகி வரும் ராஜேஷ்குமாரின் `விசாரணை' தொடர், டிவி நேயர்கள் மத்தியில் பெரிய வரவேற்பை பெற்றுள்ளது. தினமும் 10.30 மணிக்கு `விசாரணை' முடிந்ததும் அவருடைய செல்போனும், வீட்டு டெலிபோனும் நள்ளிரவு 12 மணி வரைக்கும் அலற ஆரம்பித்து விடுகிறது.

கதையில் துப்பறியும் நிபுணராக வரும் விவேக்கும் அவருடைய மனைவி ரூபலாவும் கடந்த 25 வருடங்களாக வாசகர்கள் மத்தியில் பிரபலமானவர்கள். விவேக் - ரூபலா கற்பனை பாத்திரங்கள் என்பதை வாசகர்களில் பலர் ஒப்புக்கொள்வது இல்லை. அவர்களுக்கு ராஜேஷ்குமார் கற்பனையாக திருமணம் செய்து வைத்தபோது நூற்றுக்கணக்கான வாசகர்கள் மணியார்டர்கள் மூலமாக `மொய்' பணம் அனுப்பி வைத்தது ஹைலைட்டான விஷயம்.

தற்போது விசாரணை தொடரில் விவேக்காக `சாக்ஷி' சிவாவும், ரூபலாவாக சாந்தி ஷியாம் கணேஷும் நடித்து வருகிறார்கள். அதேபோல் விவேக்கின் உதவியாளராக விஷ்ணு பாத்திரத்தில் நடிப்பவர் ஷ்யாம். அவர் ஒரு ஜொள்ளு பார்ட்டியாக தோன்றி அமர்க்களம்

செய்கிறார்.தொடரை இயக்கும் டைரக்டர் பிரபு ராஜேஷ்குமாரின் கதையை சிதைக்காமல் இயக்கி இருப்பது, ரசிகர்களின் கூடுதல் சந்தோஷம். தயாரிப்பு: விஜயகுமார், சுவிசாவ்லா.

---

நன்றி: தினதந்தி

Quote:

---

மகாலட்சுமி



கலைஞர் டி.வி.யில் திங்கள் முதல் வியாழன் வரை தினமும் இரவு 7.30 மணிக்கு ஒளிபரப்பாகி வரும் புதிய தொடர், மகாலட்சுமி, பிரபல நடிகை லட்சுமியின் முதல் சின்னத்திரை தொடர் இது.

இயற்கை எழிலும், அழகும், அமைதியும் சூழ்ந்த பொன்மலை எஸ்டேட்டில் 23 வருடங்களாக டாக்டராக பணிபுரிந்து வருகிறார் டாக்டர் மகாலட்சுமி. அங்கு வேலை செய்யும் ஏழைத் தொழிலாளர்களுக்கு அவர் தான் கண்கண்ட தெய்வம். அந்த அளவுக்கு பாசமும், பரிவும், கருணையும் நிறைந்தவர். அவரது கணவர் ராஜசேகர் போலீஸ் அதிகாரியாக ஊட்டியில் பணி புரிகிறார். கடமை, கண்ணியம், கட்டுப்பாடு தவறாதவர்.

இந்த அன்புத் தம்பதிகளுக்கு நான்கு பிள்ளைகள். அனைவரும் கல்லூரி படிப்பை முடித்து விட்டு அவர்களது எதிர்காலக் கனவுகளை நனவாக்க காத்துக் கொண்டிருப்பவர்கள்.

எதிர்பாராத சதி என்ற சுழல் காற்றில் சிக்கிய குடும்பம், திசைக்கு ஒரு பக்கமாக சிதறுகிறது. அவமானமும், வேதனையும் அந்தக் குடும்பத்தை ஆட்கொள்ள முயலும் போது, அதை தடுக்கின்ற பெரும் கேடயமாக மகாலட்சுமியின் துணிவும், தைரியமும் துணை நிற்கிறது.

சிதறிய குடும்பத்தை ஒன்று சேர்க்கும் பொறுப்புள்ள ஒருதாயின் பாசப் பயணம்தான் மகாலட்சுமி.

டாக்டர் மகாலட்சுமியாக நடிகை லட்சுமி நடிக்கிறார். அவரது கணவர் சிவச்சந்திரன் போலீஸ் அதிகாரி ராஜசேகராகவும், பிள்ளைகளாக ஸ்ரீவித்யா, ஜோதி, ராஜ்கமல், ஜானி ஆகியோரும் நடிக்கிறார்கள். இவர்களுடன் தேவிப்பிரியா, பிருந்தா, வாசுகி, சுக்ரன் ஆகியோரும் உண்டு.

இத்தொடருக்காக முதல் முறையாக சின்னத்திரையில் இசையமைத்திருக்கிறார்கள் சபேஷ்-முரளி. பாடல்: கபிலன். பாடியவர்: அனுராதா ஸ்ரீராம். ஒளிப்பதிவு: பி.எஸ்.செல்வம். கதை, திரைக்கதை, வசனம், தயாரிப்பு, கிரியேட்டிவ் ஹெட்: சிவச்சந்திரன். டைரக்ஷன் எம்.ராதாகிருஷ்ணன்.

இத்தொடரின் படப்பிடிப்பு ஊட்டி, குன்னூர், கோத்தகிரி ஆகிய இடங்களில் நடைபெற்றது. சென்னையிலும் தொடர்ந்து படப்பிடிப்பு தொடர்ந்து வருகின்றது.

[html:fda7a33a5f]<div align="center">http://www.dailythanthi.com/muthucha...20DSC_2787.jpg[/html:fda7a33a5f]

---

நன்றி: தினதந்தி

Quote:

---

இளவரசியின் திருமணம் நடக்குமா?

சித்தி, அண்ணாமலை, செல்வி, அரசி, செல்லமே தொடர்களை தந்த `ரடான்' நிறுவனத்தின் அடுத்த படைப்பு `இளவரசி'. நடுத்தர வர்க்கத்து குடும்ப சூழ்நிலைகளை மையமாகக் கொண்டு உருவாக்கப்பட்டுள்ள இந்த தொடருக்கு ரசிகர்கள் மத்தியில் வரவேற்பு கிடைத்துள்ளது.

இளவரசி நடுத்தரக் குடும்பத்துப் பெண். சாதாரண சீட்டுக் கம்பெனி ஒன்றில் வேலை பார்க்கிறாள். தகப்பனார் கதிரேசன் ஒரு கார்பென்டர். அவர் தனது மகள் இளவரசிக்குத் திருமணம் செய்து வைக்க ஏற்பாடு செய்கிறார். அவளை மணக்கப் போகும் கார்த்திகேயன் ஒரு தனியார் நிறுவனத்தில் வேலை பார்க்கிறார். மணமகனின் பெற்றோர் பணத்திற்கு ஆசைப்பட்டு இளவரசி வீட்டில் அதிக வரதட்சணை கேட்கிறார்கள். தன் மகளின் திருமணத்தை எப்படியாவது நடத்திவிட வேண்டும் என்ற ஆசையில் தனது தகுதிக்கு மீறி பல இடங்களில் கடன் வாங்கியும், தன் இளைய மகள் திருமணத்திற்காக சேர்த்து வைத்திருந்த பணத்தையும் கொடுத்து திருமணத்தை நடத்த முற்படுகிறார்.

இதனால் ஏற்படுகின்ற பல்வேறு மன உளைச்சலில் அவர் தவியாய் தவித்துக் கொண்டிருந்த போது, யாரும் எதிர்பாராத வகையில் ஒரு சம்பவம் நடக்கிறது. இதனால் திருமண ஆசைக் கனவுகளோடு காத்திருந்த இளவரசி அதிர்ச்சிக்குள்ளாகிறார். இந்த நிலையில் இளவரசிக்கும், கார்த்திகேயனுக்கும் நிச்சயித்தபடி திருமணம் நடக்குமா? வரும் எபிசோடுகளில் அதிரடியான விடை கிடைக்கும்.'' என்கிறார், கிரியேட்டிவ் ஹெட்டான ராதிகா சரத்குமார்.

சந்தோஷி, மனு, காத்தாடி ராமமூர்த்தி, ஜெயமணி, ரேவதி, சங்கர், நந்தகுமார், சாந்தி கணேஷ் மற்றும் பலர் முக்கிய கதாபாத்திரங்களில் நடிக்கிறார்கள். கதை-திரைக்கதை எழுதி இயக்குபவர் என்.சந்தானம். ஒளிப்பதிவு: பாலகுருநாதன். வசனம் சுரேஷ் கிருஷ்.

இந்த தொடர் திங்கள் முதல் வெள்ளி வரை தினமும் பிற்பகல் 1.30 மணிக்கு சன் டிவியில் ஒளிபரப்பாகிறது.

---

நன்றி: தினதந்தி

Quote:

---

சுட்டித் தமிழ்

தமிழ் மொழிக்கு கவுரவம் சேர்க்கும் விதத்தில் விஜய் டிவி நடத்தி வரும் ``தமிழ்ப் பேச்சு எங்கள் மூச்சு சுட்டிகள்'' நிகழ்ச்சி தமிழகத்தின் சிறந்த இளம் பேச்சாளரை தேர்வு செய்து வருகிறது.

தமிழ்நாட்டில் சேலம், கோவை, திருச்சி, மதுரை, நெல்லை மற்றும் சென்னை ஆகிய இடங்களில் இதற்கான நேர்முகத் தேர்வு நடத்தி அதில் சுமார் 160 குழந்தைகள் தேர்வானார்கள். இறுதியாக 50 சிறுவர்களுடன் போட்டி துவங்கியது.

இறுதிப்போட்டி சென்னை அண்ணா கலையரங்கத்தில் மூத்த தமிழ் அறிஞர்கள், தமிழ் சான்றோர்கள், ஆன்றோர்கள், தமிழ் பேராசிரியர்கள் முன்னணியில் நடைபெற்றது.

கணேஷ்வர், கார்த்திகேயன், பாலகுமரன், ஆகாஷ், நரேன், கவுதம், குறிஞ்சிக் கொற்றவன் ஆகியோரே இறுதிச்சுற்றின் 6 போட்டியாளர்கள். இவர்களில் ஒருவருக்குத்தான் வெற்றி மகுடம். சிறப்பு விருந்தினர்களாக நடிகர் சிவகுமார், கவிஞர் பா.விஜய், நக்கீரன் கோபால், கவிஞர் ஞானி மற்றும் சுப.வீரபாண்டியன், பர்வீன் சுல்தானா ஆகியோர் பங்குபெற்றனர்.

இந்நிகழ்ச்சியை தொகுத்து வழங்குகிறார் நெல்சன்.

`தமிழர் வாழ்வியல்', `தமிழர் கலை', `தமிழர் கொடை', `தமிழர் வீரம்', `தமிழர் பண்பாடு, `தமிழர் இலக்கியம்' ஆகிய தலைப்புகளின் கீழ் இந்த சிறுவர்கள் பேச இருக்கின்றனர். இந்த சிறுவர்கள் மேடை ஆளுமை தலைப்பை எங்ஙனம் புரிந்து கொண்டுள்ளனர் என்ற அடிப்படையில் வெற்றியாளர் தேர்வாக உள்ளார் என்பது குறிப்பிடத்தக்கது.

ஒளிபரப்பு நேரம் நாளை காலை 9 மணி.

---

நன்றி: தினதந்தி

Quote:

---

பால்ய விவாகத்தை எதிர்க்கும் அபிராமி

கலைஞர் டிவியில் திங்கள் முதல் வியாழன் வரை தினமும் இரவு 9.30 மணிக்கு ஒளிபரப்பாகி வரும் அபிராமி தொடர், பால்ய விவாகத்தை எதிர்க்கும் கதையமைப்பில் உருவாக்கப்பட்ட தொடர். பால்ய விவாகத்தை தடுக்க சட்டங்கள், திட்டங்கள் என எல்லாமே வந்துவிட்டாலும், அங்கொன்றும் இங்கொன்றுமாக சிறுமிகளின் திருமணங்கள் நடைபெற்றுக்கொண்டு தானிருக்கின்றன. இதை அறவே இல்லாமல் போகப்பண்ண அபிராமியும் தன்னளவிலான முயற்சிகளைத் தொடர்கிறாள்.

அபிராமி கேரக்டரில் நடிகை கவுதமி நடிக்கிறார். தொடரில் தனது கேரக்டர் பற்றி அவர் குறிப்பிடும் போது, "சினிமாவில் கூட எனக்கு இத்தனை அழுத்தமான கேரக்டர் அமைந்ததில்லை. இந்த தொடரில் நடிக்கத் தொடங்கிய பிறகு நான் முழுக்க முழுக்க அபிராமியாகவே மாறிவிட்டேன்'' என்கிறார்.

"தொடரில் அடுத்து இனி காட்சிகள் எப்படிப்போகும்?'' தொடரின் கிரியேட்டிவ்ஹெட்டான குட்டிபத்மினியைக் கேட்டால்...

"அன்பே உருவான அபிராமி தன் உறவுச்சிறுமியான ஏழைப்பெண் ஒருத்திக்கு ஒரு ஜாக்கெட் துணி கொடுக்கிறாள். எந்தவித உள்நோக்கமும் இன்றி உதவும்நோக்கில் கொடுக்கபட்ட அந்த ஜாக்கெட் துணி, அபிராமி குடும்பத்துக்குள் ஒரு பிரளயத்தையே ஏற்படுத்தி வைக்கிறது. விஷயம் குடும்ப உறவுகளின்பஞ்சாயத்து வரை போய், அதனால்அபிராமியின் குடும்பம் உடைந்து சிதறுமோ என்கிற நிலை நீடிக்கிறது. அடுத்து அந்த பாரம்பரிய குடும்பம் என்னாகும் என்பதும், இந்த பிரச்சினையில் கவுதமியின் நிலை என்ன என்பதும் அடுத்த கட்ட அதிரடி திருப்பங்கள்'' என்கிறார்.

தயாரிப்பு: அபிராமிராமநாதன், நல்லம்மை ராமநாதன்.

---

நன்றி: தினதந்தி

Quote:

---

சாஃப்ரான் கிரியேஷன்ஸ் நிறுவனம் தயாரிப்பில் கலைஞர் டி.வி.யில் ஒளிபரப்பாகி வரும் "சதிலீலாவதி' தொடர், நேயர்களின் ஆதரவோடு 300வது பகுதியை கடந்துள்ளது. பழி வாங்கும் படலம், சொத்துகளுக்காக லீலாவதியை பைத்தியமாக்க முயற்சிக்கும் சித்தி, இந்தத் தடைகளை உடைக்க பல வியூகங்களை வகுத்துத் தன்னையும் காப்பாற்றிக்கொள்ள முனையும் லீலாவதி என விறுவிறுப்பான கட்டத்தை இந்தத் தொடர் எட்டியுள்ளது. யோகினி, தேவிப்ரியா, வந்தனா, லஷ்மிராஜன், நேத்ரன் உள்ளிட்டோர் முக்கிய கதாபாத்திரங்கள் ஏற்றுள்ள இந்தத் தொடரின் கதை, திரைக்கதை, வசனம் எழுதி இயக்குபவர் எஸ்.பிரபுசங்கர். ஒளிப்பதிவு: ஆர்.விக்ரமன். பாடல்: எஸ்.ஜெயலெட்சுமி. ந்தத் தொடர், திங்கள்கிழமை முதல் வெள்ளிக்கிழமை வரை மாலை 6.30 மணிக்கு கலைஞர் தொலைக்காட்சியில் ஒளிபரப்பாகிறது

---

Quote:

---

`யாமிருக்க பயமேன்'

விஜய் டிவியில் திங்கள் முதல் வியாழன் வரை தினமும் இரவு 7.30 மணிக்கு ஒளிபரப்பாகி வரும் மர்மத்தொடர் `யாமிருக்க பயமேன்.'

பூமிக்குள் புதைந்த ரகசியம் உறங்கிவிடும்; மனித மனங்களுக்குள் புதைந்த ரகசியம் உறங்கிடாது என்பதற்கேற்ப நூற்றுக்கணக்கான வருடங்களுக்குமுன் நமது மண்ணில் வாழ்ந்த சித்தர்களும், சித்தாந்தர்களும் விட்டுச்சென்ற மர்மங்கள் ஏராளம். அவற்றை அறிய நாம் செய்த ஆராய்ச்சியில் விடை தெரியாத பல மர்மங்கள் அடங்கிக் கிடக்கின்றன. அதில் சில உண்மைகளையும், கற்பனைகளையும் கலந்து மக்களின் ரசனைக்கேற்ப ஒரு தேர்ந்த கதைக்களத்தை எடுத்து அதை தொடராக வழங்கியுள்ளதுதான் இந்த `யாமிருக்க பயமேன்' தொடர்.

பழனி முருகன் சிலையை உருவாக்கியது போகர் சித்தர் என்பது புராண இதிகாசங்கள் கூறும் உண்மை. நவபாஷாணங்களால் உருவான அந்த சிலையைப் போல போகர் இன்னொரு சிலையை உருவாக்கினார் என்று நம்பப்படுகிறது. ஆனால் அந்த இரண்டாவது சிலை எங்கே என்பதுதான் இன்றுவரை பதில் கண்டறியப்படாத மர்மமாக நீடித்து வருகிறது.

பழனி மலைப்பகுதியில் மறைந்துள்ள முருகனின் இரண்டாவது சிலையை காலம் காலமாய் பல குழுக்கள் தேடியும் பலன் என்னவோ பூஜ்யம் தான். பல தலைமுறைகளாக தொடரும் முருகன் சிலைக்கான இந்த தேடலில் தற்காலத்தில் மிக தீவிரமாக முயற்சித்து வருபவர்கள் பழனி நகரத்தில் வசிக்கும் இந்திராணி மற்றும் பழனி மலைப்பகுதியில் வசிக்கும் திணைக்காத்தான் குடும்பத்தினர். இரு குழுக்களுமே `இரண்டாவது சிலை தங்கள் பரம்பரைக்கு சேர வேண்டிய குலச் சொத்து' என கருதுவதால், அதை கைப்பற்றும் முயற்சியில் பல தலைமுறைகளாக பல்வேறு யுத்தங்களையும், அதனால் பெரும் உயிரிழப்புகளையும் சந்தித்துள்ளனர்.

புதிராய் தொடரும் இந்த மர்மக் களத்தில் ஒருவன் பலியாக, அந்த வழக்கை விசாரிக்க வரும் இன்ஸ்பெக்டர் வெற்றிவேல் அது கொலையாக இருப்பதற்கான வாய்ப்புகளை ஆராய, பழனியில் வசிக்கும் வெற்றிவேலின் நண்பன் ஆறுமுகம் இந்த மரணத்திற்கும் சிலை தேடலுக்கும் நிச்சயம் தொடர்புண்டு என திட்டவட்டமாக கூறுகிறான். வெற்றிவேல் இதை நம்ப மறுத்தாலும், தொடர்ந்து நடக்கும் சில நிகழ்வுகள் புரிதலுக்கும் மீறிய நிஜங்களாக வந்து போக, இந்த வழக்கில் மிகுந்த ஆர்வம் கொள்கிறான்.

அந்த இரண்டாவது சிலையை தேடும் நோக்கத்தோடு சென்றவர்கள் கண்டது பல சாகசங்களை தெரிந்து வைத்திருந்த சித்தர்களை. இந்த சித்தர்கள் இரும்பை தங்கமாக்கும் `ரசவாதக்கலை'யில் தேர்ந்தவர்கள். பாதரசத்தை இறுகச்செய்து ஆபரணமாக அணிபவர்கள். பலவித ஆரூடங்களும், மாயவித்தைகளும் கற்றுத்தேர்ந்தவர்கள். இவர்களால் நிகழவிருக்கும் அற்புதங்கள் என்ன என்பதை `யாமிருக்க பயமேன்' கதை சொல்லும்.

வழிபடுவதற்காக முருகன் சிலையை தேடும் இவர்களைத் தவிர, சிலையை கைப்பற்றி, பல்லாயிரம் கோடி பணம் பார்க்கவும் ஒரு கும்பல் இந்த தேடுதல் போராட்டத்தில் ஈடுபடுகிறது. விடையில்லா இந்த தேடலின் முடிவில் உணர்த்தப் போகும் உண்மை இறுதியில் தரப்போவது என்ன? முருகனின் இரண்டாவது சிலையா? அதைத் தேடியலைந்தவர்கள் அதற்காக கொடுத்த விலையா? புதைந்திருக்கும் ரகசியங்கள் வெளிப்பட பதிலளிக்க வருவதே `யாமிருக்க பயமேன்'.

மூலக்கதை நாகா மற்றும் ராம்ஜி. திரைக்கதை இந்திரா சவுந்தர்ராஜன். இசை: ஸ்ரீஹரி கிருஷ்ணா. நட்சத்திரங்கள்: வடிவுக்கரசி, மாஸ்டர் சாணக்கியா, சசி ஆனந்த், அனில், மகாலட்சுமி.

தயாரிப்பு விஜய் டிவி.

---

thanks: dailythanthi

Quote:

---

இதயம் தொட்ட `இதயம்'

திங்கள் முதல் வெள்ளி வரை தினமும் இரவு 7.30 மணிக்கு சன் டிவியில் ஒளிபரப்பாகி வரும் தொடர், `இதயம்'. ஒரு கொடியவனால் அநீதி இழைக்கப்பட்ட தன் மருமகளுக்காக போராடும் பாசமிகு மாமியாராக டாக்டர் கல்யாணி கதாபாத்திரத்தில் சீதா நடித்திருக்கிறார். நந்தினியைக் கெடுத்தவனே அவள் கணவனுக்கு நண்பனாக, அதனால் குடும்பத்தில் ஏற்படும் குழப்பங்கள், பின்னர் அவன் கொலையான பிறகு அதற்கு காரணம் யார்? என்ற சஸ்பென்ஸ்... இப்படி பரபரப்பும் விறுவிறுப்புமாய் போகிறது கதை.

"கல்யாணியின் மகள் நிச்சயதார்த்த நிகழ்ச்சி நடக்கும்போது, பிரசாத் கொலை வழக்கு தொடர்பாக, கல்யாணி கைது செய்யப்படுகிறாள். பிரசாத்தை கொலை செய்யவில்லை என கல்யாணி மறுக்க, சாட்சியங்கள் கல்யாணிக்கு எதிராக இருக்க- கல்யாணியின் நிலை என்னவாயிற்று.? கல்யாணி, பிரசாத்தை கொல்லவில்லையென்றால், அவனை கொன்றது யார் என்ற கேள்விகளை முன்வைத்து தொடர்கிறது கதை. உணர்வுகளுடன் உலா வரும் காட்சியமைப்புகளால் இது ரசிகர்களின் இதயம் தொட்ட தொடராகி இருக்கிறது'' என்கிறார், இயக்குனர் நித்யானந்தம்.

தொடரில் சித்ரா லட்சுமணன், நித்யாதாஸ், நளினி மற்றும் தேவதர்ஷினி ஆகியோர் மிக முக்கிய கதாபாத்திரங்களில் நடிக்கிறார்கள்.

---

[html:e34eed366e]<div align="center">http://www.dailythanthi.com/muthucha...00227/TV03.jpg</div>[/html:e34eed366e]


thanks to Thinathanthi

Quote:

---

நாயகன் எம்.ஜி.ஆர்.

ஜீ தமிழ் தொலைக்காட்சியில் மக்கள்திலகம் எம்.ஜி.ஆரின் வாழ்க்கை வரலாறு `நாயகன்' என்ற பெயரில் தொடராக வரவிருக்கிறது. அடுத்த மாதம் 4-ந் தேதி முதல் தினந்தோறும் இரவு 9 மணிக்கு இது ஒளிபரப்பாகிறது.

சாதாரண மனிதனாக வாழ்க்கையை தொடங்கிய எம்.ஜி.ஆர். எப்படி மக்கள் நாயகனாக உருவெடுத்தார் என்பது பற்றி மூத்த பத்திரிகையாளர் சுதாங்கன் திரைப்பட பிர பலங்களுடன் கலந்துரையாடுவதோடு தொகுத்தும் வழங்குகிறார். மேலும், எம்.ஜி.ஆரின் தனிப்பட்ட வாழ்க்கையிலும், திரைப்பட வாழ்க்கையிலும் ஏற்பட்ட ஏற்றத்தாழ்வுகள் பற்றி இந்த நிகழ்ச்சியில் விரிவாக அலசப்படுகிறது. அவரது திரைப்படங்கள் மக்களின் மனதை எவ்வாறு கொள்ளை கொண்டது என்பது பற்றியும், அவரது இளம் வயதில் நடைபெற்ற சுவாரசிய சம்பவங்களை அரிய புகைப்படங்களுடன் விளக்கும் விதமாக நாயகன் நிகழ்ச்சி உருவாக்கப்பட்டுள்ளது.

இந்த நிகழ்ச்சி மூலம் மக்கள் நாயகன் எம்.ஜி.ஆரின் வாழ்க்கை வரலாற்றை இளம் தலைமுறையினர் முழுமையாக அறிந்து கொள்ளும் வாய்ப்பு அமையும்.

---

Thanks : Thinathanthi