KOLANGAL - unkal paakam

Quote:

---

Originally Posted by ksen

Quote:

---

Originally Posted by saradhaa_sn

ரொம்ப நாளைக்குப்பிறகு அபியை அலுவலக அறையில் பார்க்க முடிகிறது. அப்போது அங்கு வரும் ராஜாமணி மேடம், தன்னுடைய ப்ராஜக்டை நல்லபடி முடித்துக் கொடுத்ததற்காக நன்றி தெரிவிக்க, அபி அதை மறுத்து, தன்னை மேடம் ஒப்படைத்த வேலையைத்தான் தான் செய்து முடித்ததாக சொல்ல, ராஜாமணி மீண்டும் சொல்ல, அபி மீண்டும் மறுக்க, ராஜாமணி தன் நன்றியை வாபஸ் பெற்றுக்கொள்கிறார்.

---

Abhikku business kodukkum clientaaga irukkum Rajamani madam eppadi Tholsai veLiyil anuppum mukkiya meetingil ellaam pangukoLgiraar ? avar Ranjanudan sErndhu Abhiyai pEsiyadhai ellaam convenientaaga marandhuvittaargaL.

---

நீங்கள் சொல்வது உண்மை. நானும் பலசமயம் குழம்பிப்போனதுண்டு. இதில் இன்னொரு வேடிக்கை என்னவென்றால், அபி வெளிநாட்டிலிருந்து திரும்பியதும் முதல்முறையாக அவளைசந்திக்க தொல்காப்பியன் அலுவககம் வரும்போது, உள்ளே அபி கன்ஸ்ட்ரக்ஷன்ஸ் கம்பெனி ‘போர்டு மீட்டிங்’ நடந்துகொண்டிருக்கிறது. அந்த மீட்டிங்கில் இருப்பவர்கள் அபி, விஸ்வநாதன், ராஜாமணி (?), ஆர்த்தி(?), கிருஷ்ணன்(?). அபோது உள்ளே செல்ல முற்படும் ‘கம்பெனியின் டைரக்டர்களில் ஒருவரான’ தொல்காப்பியனிடம், உள்ளே மீட்டிங் நடப்பதாகவும், அதனால் யாரையும் உள்ளே விடக்கூடாதென்று அபிமேடம் சொன்னதாகவும் (தொல்காப்பியனிடம் அதுவரை சம்பளம் வாங்கிக்கொண்டிருக்கும்) ஒரு பெண் குமாஸ்தா தடுப்பது.

I saw the last episode.

Easwaran leaves the hospital with a heavy heart. Cinemavil varuvadhu pol, kadhavu varai poivittu thirumbi, unnai marupai orumurai (kadaisiyaga) parka vendum pol ulladhu- nnu solvaangale, adhu madhiri pesittu porar.

Easwaranaiyum mudichuduvaangalo alladhu marupadi oru kadathal naadagam nadakkumo ????

(Adhukkapparam karpagathin kanneer kadhai 3 or 4 vaarangal oodum....)

அண்ணனும் தங்கையுமாக ராஜேஷிடம் வேலை பார்த்துக்கொண்டே அவனுக்கு துர்ப்போதத்களைத்தந்து படுகுழியில் தள்ளக் காத்திருக்கும் சிவசு (முழுப்பெயர் சிவசுப்ரமணியமா..?), ராஜேஷின் மைத்துனன் மனோ புதிதாக ஒரு பெட்ரோல் பங்க் வைக்கப் போவதாகவும், அதற்கு போட்டியாக ராஜேஷும் டேங்கர் லாரி பிஸினஸில் இறங்க வேண்டும் என்றும் சொல்ல, ராஜேஷுக்கு மனதில் பேராசை தட்டுகிறது. அதற்கு தூபம் போடுவது போல தானும் தன் தங்கையும் ராஜேஷின் முன்னேற்றத்தை மட்டுமே குறிக்கோளாகக்கொண்டு செயல்படுவதாகவும் கூற ராஜேஷுக்கு உச்சி குளிர்ந்து போகிறது. ஆர்த்தியிடம் ஒரு வார்த்தை சொல்லிவிட்டுத்துவங்கலாம் என்று கூறி விட்டு அங்கிருந்து போக, சிவசு முகத்தில் (சினிமாவில் கதாநாயகன் தன் வலையில் விழுந்துவிட்டான் என்று தெரிந்ததும் வில்லன் சிரிக்கும்) கள்ளச்சிரிப்பு.

தன் வீட்டை மீண்டும் வாங்கி அதில் புதுமனை (?) புகுவிழா நடத்திக்கொண்டிருக்கும் திருவேங்கடம் எம்.எல்.ஏ.க்கு வழக்கம்போல கைத்தடிகளின் ‘அஞ்சாநெஞ்சன், தன்மானச்சிங்கம், விடிவெள்ளி, எழுச்சி ஞாயிறு’ என்ற அடைமொழிகளோடு வாழ்த்து முழக்கங்கள். இது தன் லட்சியத்தின் முதல் படிதான் என்றும் இன்னும் சாதிக்க வேண்டியது (?) நிறைய இருக்கிறது என்றும் (அதுசரி, அரசியல்வாதி தனக்காக வீடு, சொத்து, தோப்பு துறவு என்று தேடிக்கொள்வதுதானே இப்போதைய சாதனை) எம்.எல்.ஏ.சொல்ல, அவர் என்ன சொல்ல வருகிறார் என்று கூட தெரியாமல் அதற்கும் மகிழ்ச்சி ஆரவாரம். (பின்னர் ஏன் ஆளுக்கொரு கட்சி துவங்க மாட்டார்கள்..?). நிறையப் பரிசுப்பொருள்கள் வந்தவண்னம் இருக்கின்றன.

ஆதி, தேவாராஜ பாண்டியன், கிரி மூவரும் கையில் பூக்கொத்துடன் வாழ்த்து சொல்ல வருகிறார்கள். ஏற்கெனவே இருந்த வீட்டை திரும்ப வாங்கியதற்கு இவ்வளவு பந்தாவான விழா தேவையா என்று கேட்கும் ஆதியிடம், இப்படி விழா நடத்தினால்தான் வீட்டுக்கு தேவையான ஃப்ரிட்ஜ், வாஷிங் மெஷின், ஏ.சி. என்று நிறைய பரிசுகள் வருமென்றும், அரசியல்வாதியான பின் எந்த பொருளையும் காசுகொடுத்து வாங்குவது முட்டாள்தனம் என்றும் தற்கால அரசியலை உரித்து வைக்கிறார். எல்லோரும் பரிசுகளுடன் வந்திருக்கும்போது ஆதி & கோ மட்டும் வெறும் பூக்கொத்துடன் வந்திருப்பதை சுட்டிக்காட்டுகிறார். அதற்கு பதில் சொல்லும் கிரி, இவையெல்லாவற்றையும் பெற்றுத்தரக்கூடிய எம்.எல்.ஏ. பதவியே தன்னுடைய பாஸ் கொடுத்த பெரிய பரிசுதான் என்று சொல்லி வாயை அடைக்கிறான். ஓரு கோமாளியின் பிதற்றல்களுக்கு இன்னொரு கோமாளி பதில் சொன்னால்தான் சரியாயிருக்கும் என்பதாலோ என்னவோ திருவேங்கடம் எம்.எல்.ஏ.யின் உளறல்களுக்கு கிரியையே பதில் சொல்ல வைக்கிறார் இயக்குனர்.

‘மதியாதார் தலைவாசல் மிதிக்க வேண்டாம்’ என்று இரண்டாம் வகுப்பில் படித்ததை வேன்டுமானால் (படித்து ரொம்ப நாளாகி விட்டதால்) மறந்திருக்கலாம். ஆனால் அடிக்கடி தேன்கிண்ணம் நிகழ்ச்சிகளில் “மதியாதார் தலைவாசல் மிதிக்காதே என்று மானமுள்ள மனிதருக்கு அவ்வை சொன்னது” என்று கண்ணதாசன் பாடுவதைக்கூட அபி குடும்பத்தினர் பார்த்ததில்லை போலும். மதியாதார் வாசலை தேடிப்போய் வண்டி வண்டியாக அவமானங்களை வாங்கி வருவதையே வாடிக்கையாகக் கொண்ட அக்குடும்பத்தின் சார்பில், இப்போது அபி கையில் ஒரு பூக்கொத்துடன் சித்தப்பா வீட்டுக்கு செல்ல, அவள் நுழைந்தது முதலே அர்ச்சனையை ஆரம்பிக்கிறார் திருவேங்கடம் எம்.எல்.ஏ. தன்னுடைய தோல்விக்காகவும் தோழரின் வெற்றிக்காகவும் பாடுபட்ட குடும்பத்திலிருந்து அபி எந்த முகத்துடன் தன்னைப்பார்க்க வந்திருக்கிறாள் என்று கேட்கிறார். (நியாயம்தானே?). அபி அமெரிக்காவில் இருந்து வந்து இத்தனை நாட்களாகியும் தன்னைப்பார்க்க வராமல் இப்போது, தான் எம்.எல்.ஏ. ஆகிவிட்டது தெரிந்ததும் தன்னுடைய தயவு தேவைப்படும் என்று வந்ததாகவும் சொல்கிறார். (நியாயம்தானே..?. அவருடைய குறுக்குபுத்தி அப்படித்தான் நினைக்கும். தனக்கு ஆதாயம் இல்லாமல் ஒரு துரும்பைக்கூட தூக்கிப் போடாதவர் அவர்). தான் சித்தி சாரதாவுக்காக வந்ததாக அபி சொன்னதையும் அவர் ஏற்றுக்கொள்ளவில்லை. அபியின் சப்போர்ட்டுக்கு வந்த சாரதா’ அபி நம்முடைய மூத்த மகள்’ என்று சொன்னதையும் மறுத்து. ‘இதோ நிற்கிறானே இந்த ஆதிதான் என் மூத்த மகன்’ என்று கொக்கரிக்கிறார். இதையெல்லாம் பார்த்துக்கொண்டிருக்கும் ஆதியின் மனதில் மகிழ்ச்சி பொங்க அது கண்களில் தெரிகிறது.

‘சித்தப்பா, ஒரு காலத்தில் கடன்காரர்கள் உங்களை கடனுக்காக நெருக்கியபோது இந்த அபிதான் உங்களுக்காக ஜாமீன் கையெழுத்துப்போட்டேனே தவிர, இந்த ஆதி அப்போ எங்கிருந்தான்?’ என்று நம்மைப்போல பத்து மாதத்தில் பிறந்த சாதாரண மனிதர்கள் கேட்டிருப்போம். ஆனால் உலகத்தின் மொத்த பெருந்தன்மையையும் ஒரேயடியாக குத்தகைக்கு எடுத்துக்கொண்டு, வானத்தில் இருந்து ‘தொபுக்கடீர்’னு குதித்த தெய்வமங்கை அபினயா கேட்பாளா? கேட்கமாட்டாள். திரும்பிப்போய்விடலாமா அல்லது எம்.எல்.ஏ.சார், காலில் கிடப்பதை கழற்றி அடிக்கும் வரை நிற்கலாமா என்று யோசிக்கும் அபி, இன்றைக்கு இந்த அவமானம் போதும், சித்தப்பா எங்கே போய்விடப்போகிறார், அப்பப்போ வந்து வாங்கிக் கட்டிக்கொள்வோம் என்று முடிவெடுத்து திரும்ம்புகிறாள்.

எம்.எல்.ஏ.சார். வீட்டு அறையில் ஆதி, தே.பா., கிரி ஆகியோருடன் பேசிக்கொண்டிருக்கும் எம்.எல்.ஏ.சார், தன்னுடைய வெற்றிக்கு ஆதியின் உதவியைவிட தன்னுடைய மூளையில் உதித்த குறுக்கு யோசனைகளே முக்கிய காரணம் என்று கூறுகிறார். தானே தன்னுடைய ஆட்களைவைத்தே தன்னையும் தன் குடும்பத்துப் பெண்களையும் தாக்கி அடிக்கச்சொன்னதையும், அதனால் மக்களுக்கு தன்மீது ஏற்பட்ட அனுதாபமே ஓட்டுக்களாக மாறியது என்றும் கூற, அப்படி தாக்கும்போது உங்கள் வீட்டுப்பெண்கள் யாராவது இறந்திருந்தால் என்ன செய்வீர்கள் என்று கேட்கும் கிரியிடம், அப்படி நடந்திருந்தால், இப்போது ஆறாயிரம் வாக்குகளில் வெற்றியடைந்த நான் இன்னும் பல்லாயிரக்கணக்கான வாக்குகள் வித்தியாசத்தில் வெற்றியடைந்திருபேன் என்று எக்காளச்சிரிப்புடன் எம்.எல்.ஏ. கூற……… திரைக்குப்பின்னால் இவற்றைக்கேட்டுக்கொண்டிருக்கும் சாரதாவுக்கும் மகள் சுமதிக்கும் பயங்கர அதிர்ச்சி………….

எம்.எல்.ஏ.சாரின் இன்னொரு முகம் தெரிந்த அதிர்ச்சியை மனதில் அமுக்கி வைத்துக்கொண்டு காய் நகர்த்தப்போகிறார்களா, அல்லது “அட பாவி மனுஷா” என்று அலறிக்கொண்டே உள்ளே நுழையப்போகிறாற்களா என்பது இன்றைக்கு தெரியலாம்….. (சாரதா என்று பெயர் வைத்திருப்பதால் புத்திசாலித்தனமாக நடந்துகொள்ள வாய்பில்லை. பார்ப்போம்).

Sariyaana punch-udan mudithirukireergal.

Punch nalla irukku, anaal adhu unmai allave...

நன்றி சாரதா

உயிர் ஓட்டமாக இதுவரை இந்த இழையை நடத்திக் கொண்டிருப்பதற்கு மிக்க நன்றி

ஒரு மாத கால விடுமுறை.

உங்களது விமர்சனம்தான் என்ன நடக்கின்றது எனபதைப் புரியவைக்கின்றது.

தொடரட்டும் விமர்சனம்

மீண்டும் நன்றி

தன்னுடைய தேர்தல் வெற்றி பற்றியும், தன்னுடைய வீட்டை மீட்டதுபற்றியும் மனைவி சாரதாவிடம் திருவேங்கடம் எம்.எல்.ஏ. பெரிய சாதனையாகவும், அதற்காக தான் எவ்வளவெல்லாம் யோசித்து செயல்பட்டதாகவும் சொல்ல, அவளும் ‘உண்மைதான், என்னையும் தன்னுடைய மகள் மருமகளையும் நீங்களே ஆள் வைத்து அடிக்கும் அளவுக்கல்லவா செயல் பட்டீர்கள்’ என்று அவரிடம் சீற, திருவேங்கடம் எம்.எல்.ஏ.க்கு லேசான அதிர்ச்சி, இவளுக்கு எப்படி தெரிந்தது என்று. ஆதியிடம் அவர் பேசிக்கொண்டிருக்கும்போது கேட்டதாக அவளே சொல்ல, ‘சரி, அதான் தெரிஞ்சுபோசுல்ல அப்புறம் என்ன? என்னுடைய அரசியல் வெற்றிக்காக நான் என்ன வேணும்னாலும் செய்வேன். வீட்டில் இருப்பவர்கள் அதை பொறுத்துத்தான் ஆகவேன்டும். பாருடி, நான் வெற்றிபெற்ற செய்தியறிந்து எவனெல்லாம் என்னைத்தேடி வரபோறானுங்கன்னு ’ என்று சொல்லிக்கொண்டே வாசல் பக்கம் திரும்ப……….

அவருக்கு மட்டுமல்ல, அங்கு நின்ற மற்றவர்களுக்கு மட்டுமல்ல நமக்கும் ஆச்சரியம் மற்றும் அதிர்ச்சி. ஆம், எப்போதோ ஒரு கயவனுடன் சேர்ந்து அப்பா மகன் என்று நாடகம் ஆடி, திருவேங்கடத்தை ஏமாற்றி, அவர் மகள் சுமதியைத் திருமணம் செய்து, திருவேங்கடத்தின் கோடிக்கணக்கான் ரூபாய்களையும் சுமதியின் ஏராளமான நகைகளையும் கொள்ளையடித்துச்சென்ற அயோக்கியன் வந்து நிற்கிறான். (முதலிரவில் சுமதியை ஏமாற்றிச்சென்ற பின், அவள் மனநிலை பாதிக்கப்பட்டு சிகிச்சைக்காக கொடைக்கானலில் இருந்தபோதும் இவன் அங்கு வந்து வம்பு பண்ணி சுமதி, அபி, சாந்தி இவர்களிடம் அடிவாங்கி தப்பி ஓடிப் போனது நினைவிருக்கலாம்). திருவேங்கடத்தை “மாமா” என்று அழைக்க அவருக்கு கோபம் தலைக்கேறுகிறது, தன் மகளை ஏமாற்றி அவள் வாழ்க்கையை பாழடித்துவிட்டானே என்பதால் அல்ல, தன்னுடைய கோடிக்கணக்கான பணத்தை கொள்ளையடித்து தன்னை நடுத்தெருவுக்கு கொண்டுவந்து நிறுத்தினானே என்பதால்தான். திருவேங்கடமும் மகன் சதீஷும் சேர்ந்து அவனை அடித்து நொறுக்குகின்றனர். ‘தான் திருந்தி வந்துவிட்டதாகவும், அவர்களுடன் சேர்ந்து வாழ விருபுவதாகவும்’ சொல்ல அவர்களின் கோபம் இன்னும் தலைக்கேறி மீண்டும் அடித்து நொறுக்குகின்றனர். கூடவே சுமதியும் சேர்ந்து அவனைத்திட்டுகிறாள்.

அவனை வீட்டை விட்டுத்துறத்தும்போது, திருவேங்கடம் எம்.எல்.ஏ.யின் பிரதான கைத்தடி தங்கராசு, திருவேங்கடத்தைத் தனியாக அழைத்துப்போய், தூபம் போடுகிறார். (நமக்கென்னவோ அந்த அயோக்கியனை தங்கராசே அழைத்து வந்திருப்பாரோ என்ற சந்தேகம் வருகிறது). ‘நின்ங்கள் இவனை வீட்டை விட்டு துறத்தினால் அது உங்களுக்கு இடைஞ்சல் ஆகிவிடும். நின்ங்கள் ஏற்கெனவே உங்கள் மாப்பிள்ளை ஏர்கிராஷ் விபத்தில் இறந்து விட்டதாக பத்திரிகையாளர்களிடம் ரீல் விட்டிருக்கிறீர்கள். இந்நிலையில் இவனை வெளியே அனுப்பினால், நேராக எதிர்க்கட்சி முகாமில் போய் நடந்தவை யாவற்றையும் சொன்னால், இப்போதுதான் பிரகாசமாக சுடர்விடத்துவங்கியுள்ள உங்கள் அரசியல் வாழ்வு அஸ்தமனமாக நேரிடும்’ என்று இடம் பார்த்து அடிக்க, அரசியல் ஆதாயத்துக்காக எதையும் செய்யத்தயாராக இருக்கும் திருவேங்கடம் எம்.எல்.ஏ., அவனை தன் வீட்டிலேயே வைத்துக்கொள்ள முடிவு செய்கிறார். ‘இந்த ஒருமுறை மன்னிக்கிறேன். இனிமேல் ஒழுங்காக இரு’ என்று சொல்லும் திருவேங்கடம் எம்.எல்.ஏ.யைப்பார்த்து சாரதாவுக்கும் சுமதிக்கும் கடுமையான அதிர்ச்சி மற்றும் கோபம். அவருடைய முடிவை மறுத்துப்பேசும் சாரதாவை கன்னத்தில் அறைந்து, ‘நான் என்ன முடிவெடுத்தாலும் அதுக்கு கட்டுப்பட்டு இருந்தால் இரு. இல்லாட்டி வெளியே போ’ என்று கூற அவளும் சுமதியும் வீட்டை விட்டு வெளியேறுகின்றனர். (நேராக அவர்கள் எங்கே போவார்கள் என்று உங்களுக்கு தெரியாவிட்டால், நீங்கள் சின்னஞ்சிறு பாப்பா என்று அர்த்தம்). சதீஷின் மிரட்டலுக்கு கட்டுப்பட்டு சாந்தி மட்டும் அந்த வீட்டில் தங்கி விடுகிறாள்.

திருச்செல்வத்திடம் இருக்கும் விசேஷம் இதுதான். எந்த ஒரு கதாபாத்திரத்தையும் அம்போன்னு தொங்கலில் விட்டுவிட மாட்டார். எங்காவது ஒரு இடத்தில் வந்து லிங்க் ஆகும். பாருங்கள், நான் சொன்னமாதிரி ரஞ்சனும், சிவதாஸும் கூட எங்காவது வந்து சேருவார்கள்.

ஆனந்தி டிஸ்சார்ஜ் ஆகி வீட்டுக்கு வருகிறாள். அம்மாவும் அபியும் அவளை அழைத்து வருகின்றனர். புதுப்பணக்கார்களான மனோவையும், ஆர்த்தியையும் காணவில்லை. முழு ஓய்வில் இருக்கும்படி சொல்லும் கற்பகத்திடம், அம்மா சொல்லியபடி தான் வேளாவாளைக்கு மருந்து, மாத்திரைகள், சாப்பாடு சாப்பிடுவதோடு தன் வேலையையும் வீட்டில் இருந்தே பார்க்க இருப்பதாகவும் அதற்கு அம்மா தடை போடக்கூடாது என்றும் சொல்ல, கற்பகத்துக்கு அது பிடிக்கவில்லை. அப்போது கற்பகம் அபியிடம், சித்தப்பா வீட்டுக்கு போகவேண்டாம் என்று நான் சொல்லியும் போனாயே. என்ன நடந்தது என்று கேட்க, சித்தப்பா கொஞ்சமாவது மாறியிருப்பார் என்று தான் நினைத்ததாகவும், ஆனால் தேர்தல் வெற்றிக்குப்பின்னர் அவருடைய நடவடிக்கை இன்னும் மோசமாகிவிட்டதாகவும் சொல்லிக்கொண்டிருக்கும்போதே சாரதாவும், சுமதியும் அங்கே வந்து அவர்கள் வீட்டில் நடந்ததைக்கூறுகின்றனர். தேர்தல் வெற்றிக்காக தன் கணவரே தன்னையும் மகளையும் மருமகளையும் ஆள் செட் பண்ணி அடித்ததை அவர் வாயால் சொல்லக் கேட்டதையும், போதாக்குறைக்கு திடீரென்று வந்து நிறகும் ‘ஃப்ராடு’ மாப்பிள்ளையை வீட்டில் சேர்த்துக்கொண்டதையும், அதனால் தாங்கள் இருவரும் வீட்டிலிருந்து வெளியேறிவிட்டதையும், எங்கே போவதென்று தெரியாததால் இங்கு வந்திருப்பதாகவும் சொல்ல, இனிமேல் எவ்வளவு காலம் வேன்டுமானாலும் அவர்கள் இருவரும் தங்களுடன் இருக்கலாம் என்று மூவருமே ஒட்டுமொத்தமாக சொல்ல, சாரதாவும் சுமதியும் நெகிழ்ந்து போகின்றனர்.

சாரதா தன் கணவரின் தகிடுதத்தங்களைச் சொல்லும்போது, கேமரா ஆனந்தியின் முகத்தைல் ஃபோகஸ் ஆகிறது. சித்தி சொல்லச்சொல்ல, விஷயங்களை ஆழமாக உள்வாங்கிக்கொள்கிறாள். அனேகமாக விரைவில் அவளது பத்திரிகையில் ‘திருவேங்கடத்தின் தேர்தல் தில்லுமுல்லுகள்’ என்ற தலைப்பில் அவை வெளியாகக்கூடும்….

Thanks for the update Saradhaa madam :ty:

thank you Saradha

saradha madam, ungaLai neengaLe thazzhvaa madhipidalaamaa (last episode)....
come on... ungalavida arumaya indha serial-a yaarala kOnNdupOda mudiyum :thumbsup: :clap:

Thanks Geetha, Aanaa (nice to see you back) , Sudha, Arthi & others........

தங்களது ட்ராவல்ஸ் பிஸினஸ் போதாதென்று ராஜேஷ் தனது புதிய திட்டமான, டேங்கர் லாரி திட்டத்தை செயல்படுத்துவது குறித்து வீட்டில் ஆர்த்தியுடன் ஆலோசனையில் ஈடுபட்டிருக்கிறான். கூடவே சிவசுவும் இருந்து அந்த திட்டத்தைப்பற்றி ஆகா ஓகோ என்று புகழ்ந்துகொண்டிருக்கிறான். ராஜேஷின் அண்ணன் (வழக்கம்போல) 'முன்பின் தெரியாத தொழிலில் இறங்குவதற்கு முன் நன்றாக யோசித்து செய்யவேன்டுமென்றும் அவசரப்பட்டு முடிவெடுத்துவிடக்கூடாது' என்றும் சொல்ல (வழக்கம்போல) அவரது யோசனை குப்பையில் போடப்படுகிறது. மனோ பெட்ரோல் பங்க் தொடங்கிவிட்டான் என்று தெரிந்ததும், இந்த டேங்கர் லாரி திட்டத்தில் ஆர்த்தி ரொம்ப தீவிரமாகிறாள்.

இறந்துபோன நாராயணன், காணாமல் போன ஈஸ்வரன், கையொடிந்துபோன இவர் ஆகியோருக்கு ஒரு ஒற்றுமை உண்டு. தங்கள் யோசனைகள் தங்களுடைய வீட்டாரைப்பொறுத்தவரை செல்லாக்காசு என்று தெரிந்தும், வாயை மூடிக்கொண்டிருக்க மாட்டார்கள். என்னமோ இவர்கள் யோசனையை மற்றவர்கள் உடனே கேட்டு அதன்படி நடந்துவிடுவது போல யோசனை சொல்வார்கள். (வழக்கம்போல) மனைவி கலா அவரைக்கொத்தி அடக்குகிறாள். ஆர்த்தி எந்த வகையிலாவது நொடித்துப்போக வேண்டும் என்று விரும்பும் கலா, எங்கே இந்த புது பிஸினஸை ஆர்த்தி கைவிட்டு விடுவாளோ என்ற எண்ணத்தில், மேலும் மேலும் அவளுக்கு தூபம் போட்டு, மனோவை விட முன்னேறிக்காட்ட வேண்டும் என்று வேகத்தை ஏற்றி விடுகிறாள்.

சரி எந்த பிஸினஸ் துவங்கினாலும் அதற்கு வைட்டமின் 'ப' வேண்டுமே. அதுவும் ஐம்பது லட்சம். அதற்கு என்ன செய்வது என்று யோசித்துக் கொண்டிருக்கும்போது, அபியிடம் கேட்கலாம் என்று ராஜேஷ் சொல்ல, ஏற்கெனவே ப்ளாட் வாங்க பணம் கேட்டபோதே அக்கா தர மறுத்துவிட்டதைச்சொல்லி, அதற்கு வேறொரு யோசனை இருப்பதாக சொல்கிறாள். (அந்த யோசனை என்ன என்பது நமக்கு கிட்டத்தட்ட தெரிந்துபோகிறது. முன்னொருமுறை தங்கள் ட்ராவல்ஸ் வண்டி, அபி கன்ஸ்ட்ரக்ஷன்ஸுக்காக ஓடக்கூடாது என்று தொல்காப்பியன் தடை விதித்தபோது "திடீர் அண்ணனனிடம்" போய் உதவி பெற்றது நமக்கு நினைவு வருகிறது).

தொல்காப்பியனைச்சந்திக்கும் தோழர், தேர்தலில் தனது தோல்வியால் தொல்ஸ் மிகுந்த வருத்தம் அடைந்திருப்பதை அறிகிறார். தேர்தல் தோல்வி தன்னைப்பாதிக்கவில்லை என்று தோழர் சொன்னபோதும் தொல்ஸ் சமாதானம் ஆகவில்லை. தேர்தல் என்று வந்தாலே நல்லவர்கள், மக்களுக்காக உழைப்பவர்கள் எளிமையானவர்கள் தோற்றுக்கொண்டே இருப்பதும், அயோக்கியர்கள், சுயநலவாதிகள், ஊரை அடித்து உலையில் போடுபவர்கள் எல்லோரும் வெற்றி மகுடம் அணிவதும் தொடர்ந்துகொண்டே இருப்பதும் தொடர்ந்தால் இதற்கு முடிவுதான் என்ன என்று விரக்தியடைகின்றான். தொல்ஸ் சொன்னபிறகு தனக்கும் அப்படி ஒரு எண்ணம் வருகிறது என்று சொல்லும் தோழர், அப்படி ஒரு எண்ணம் நிறைவேற தொல்காப்பியனும் தங்கள் பாசறையில் இணைந்துவிடலாமே என்று கேட்க, எல்லோரும் ஒரே கூடாரத்தில் இருந்து செயல்படுவதைவிட அவரவர்கள் மட்டத்தில் விழிப்புணர்ச்சியைக் கொண்டுவரலாம் என்று தொல்ஸ் கூற, இது நடக்கிற காரியமா என்கிற ரீதியில் தோழர் சிரிக்கிறார்.

நாம் நினைத்தது சரியாகிவிட்டது. ஆர்த்தியும் ராஜேஷும் "திடீர் அண்ணன்" ஆதித்யாவிடம்தான் உதவி கேட்டு வந்திருக்கிறார்கள். கூடவே சகுனி சிவசுவும். ஆதி விஷயத்தைக்கேட்டதும் 'என்ன ஆர்த்தி இது, அபி கன்ஸ்ட்ரக்ஷன்ஸ் டைரக்டர்களில் ஒருவரானா ஆர்த்திக்கு அங்கே ஐம்பது லட்சம் புரட்ட முடியலையா?' என்று போலி ஆச்சரியத்தை வெளிப்படுத்த, 'பணம் இருக்கிறது, தருவதற்கு அக்காவுக்கு மனசுதான் இல்லை'யென்று சொல்ல, 'பரவாயில்லை, ஒண்ணாயிருந்த மாடுகள் தனித்தனியாக மேய ஆரம்பித்துவிட்டன' என்று ஆதிக்கு சந்தோஷம்.

தன் தங்கை ஆர்த்திக்காக ஐம்பது லட்சம் ஏற்பாடு செய்வது ஒண்ணும் பெரிய விஷயமில்லையென்றும், அவர்களுக்கு தான் உதவுவதாகவும் சொல்கிறான். அதற்காக உடனே 'செக்'கை கிழித்து நீட்டிவிடவில்லை. தனக்கு தெரிந்த ஃபைனான்ஸியருக்கு போன் செய்து லோன் ஏற்பாடு செய்கிறான். அதற்கான எல்லா பத்திரங்களிலும் கையெழுத்து வாங்கிக்கொளும்படியும் அவர்கள் முன்னிலையிலேயே போனில் சொல்கிறான். ஃபைனான்ஸியர் எதில் கையெழுத்துப்போடச் சொன்னாலும் போடும்படியும், அதற்கு தான் பொறுப்பு என்றும் சொல்ல, ஆர்த்திக்கும் ராஜேஷுக்கும் வாயெல்லாம் பல். ஆதி விரிக்கும் வலையில் தானாக வந்து விழுகிறோம் என்று தெரியாத இரண்டு கூமுட்டைகளும் சந்தோஷமாக விடைபெற்றுச்செல்ல, அதுவரை சாதாரணமாக சிரித்துக்கொண்டிருந்த ஆதியில் முகத்தில் இப்போது நம்பியாரின் குரூரப்புன்னகை.....