new serials/programs

Quote:

---

மால்குடி டேஸ்

பிரபல எழுத்தாளர் ஆர்.கே.நாராயணனின் சிறுகதைத் தொகுப்பு, `மால்குடி டேஸ்'. இதில் அவர் சரï நதிக் கரையில் அமைந்த இயற்கை எழில் கொஞ்சும் மெம்பி மலை சூழ்ந்த ஒரு சிறு நகரமான மால்குடியின் மக்களையும், அவர்களின் வாழ்க்கையையும், அவர்களுக்கு வரும் பிரச்சினைகளையும் நயமாக பதிவு செய்திருக்கிறார்.

ஆர்.கே.நாராயணனின் கதைகளில் பெரும்பாலானவை அவர் வாழ்வின் போராட்டங்கள் நிறைந்த காலகட்டத்தில் எழுதப்பட்டவை. தனது பாட்டியால் பரிசளிக்கப்பட்ட பேனா மற்றும் நோட்டில் எழுதத்துவங்கிய இந்த `மால்குடி டேஸ்' கதையில் அவர் வாழ்ந்த மைசூர் நகரும், அதன் வாசனையும் எங்கும் நிறைந்திருப்பதைக் காணலாம்.

மறைந்த கன்னட நடிகரும், இயக்குனருமான சங்கர்நாக் கைவண்ணத்தில் உருவான இத்தொடர், கர்நாடகாவின் சிமோகா மாவட்டத்தில் அகும்பே என்ற பகுதியில் படம் பிடிக்கப்பட்டது.

பாலிமர் தொலைக்காட்சியில் வாரந்தோறும் ஞாயிற்றுக் கிழமை காலை 10 மணிக்கு `மால்குடி டேஸ்' தொடர் ஒளிபரப்பாகிறது.

---

Quote:

---

கதையல்ல நிஜம் சீசன்-2

கடந்த 2002 -ம் ஆண்டு விஜய் டிவியில் வந்த `கதையல்ல நிஜம்' நிகழ்ச்சியை அதற்குள் மறந்துவிட முடியாது. சமுதாயத்தில் நடந்து கொண்டிருக்கும் அவலங்களை படம் பிடித்துக்காட்டிய இந்த நிகழ்ச்சியை நடிகை லட்சுமி நடத்தி வந்தார்.

இப்போது மீண்டும் விஜய் டிவியில் `கதையல்ல நிஜம்' நிகழ்ச்சி, சீசன்-2 நிகழ்ச்சியாக வரும் திங்கள் முதல் ஒளிபரப்பாகிறது.

சிறு வயதில் காணாமல் போன ஒரு சிறுவன் `கதையல்ல நிஜம்' நிகழ்ச்சிக்கு வந்து பங்கெடுத்த பின்னர் அவன் மீண்டும் பெற்றோருடன் சேர்ந்தான். சந்தேகப்படும் கணவனிடமிருந்து போராடி விடுதலை பெற்ற ஒரு பெண் தனக்கு பிடித்தமான வாழ்க்கையை வாழத் துவங்கினாள். இது போல பலவித உண்மை சம்பவங்கள், கதைகள் என எல்லாமும் சீசன் 1-ல் ஒளிபரப்பாகி பரபரப்பை ஏற்படுத்தி வைத்தன.

இந்த நிகழ்ச்சியை தொகுத்து வழங்கும் லட்சுமி, அவருக்கே உரிய தனித்தன்மையில் இந்த நிகழ்ச்சியை வழங்குகிறார். பாதிக்கப்பட்டவர்களை அணுகும் போது அவர்கள் மனம் நோகாத படி பேசும் அழகு, மக்களோடு மக்களாக அவர் பழகும் விதம் நிகழ்ச்சிக்கான இன்னொரு சிறப்பு. இவரது அணுகுமுறையில் நிஜ வாழ்க்கையை பிரதிபலிக்கும் `கதையல்ல நிஜம் சீசன் 2' நிகழ்ச்சியும் எதிர்பார்ப்பைத் தாண்டி அமையும் என்ற நம்பிக்கையை ஏற்படுத்தியிருக்கிறது.

கல்வி, திருமணம், குழந்தை தொழிலாளி, விபச்சாரம், பாலியல் வழக்குகள், ஓரினச் சேர்க்கை என கால மாற்றத்திற்கேற்ப ஏற்படும் பலவித மாற்றங்களை `கதையல்ல நிஜம்' நிகழ்ச்சி தரும்.

திங்கள் முதல் வியாழன் வரை தினமும் பகல் 12 மணிக்கு இந்த நிகழ்ச்சியை காணலாம்.

[html:59f6512d88]<div align="center">http://www.dailythanthi.com/muthucha...00306/IM-1.jpg</div>[/html:59f6512d88]

---

நன்றி: தினதந்தி

Quote:

---

`கண்ணதாச' ஓவியம்

கலைஞர் தொலைக்காட்சியில் ஞாயிறு தோறும் காலை 9.30 மணிக்கு ஒளிபரப்பாகி வரும் நிகழ்ச்சி `ரசிகன்'.

வெள்ளித்திரையின் கலைஞர்களையும், அவர்களது படைப்புகளையும் ரசிக்கும் ரசிகர்களின் திறமைகளை சின்னத்திரையில் வெளிச்சம் காட்டும் `ரசிகன்' நிகழ்ச்சி, 80 வாரங்களைக் கடந்திருக்கிறது.

நடிகர்கள், இசையமைப்பாளர்கள், பின்னணிப் பாடகர்கள், கவிஞர்களின் ரசிகர்கள் இதுவரை பங்குபெற்றுள்ளனர். இதன் தொடர்ச்சியாக கவியரசு கண்ணதாசன் ரசிகர்கள் பங்குபெறும் நிகழ்ச்சியில் கவிஞர் நெல்லை ஜெயந்தா, கவிஞர் நந்தலாலா, முனைவர் கிருதயா மற்றும் கவிஞர் குகை மா.புகழேந்தி ஆகியோர் சிறப்பு பங்கேற்பாளர்களாக கலந்து கொள்கிறார்கள்.

இந்த நிகழ்ச்சித் தொடரில் நாளை சிறப்பு நிகழ்ச்சியாக கவியரசு கண்ணதாசனின் பாடல் வரிகளை பிரபல ஓவியர் மணியம் செல்வன் ஓவியமாக வரைகிறார். `கவிஞர் கண்ணதாசன் திரைப்படப் பாடல் வரிகளை எழுதும்போது அவர் மனத்திரையில் ஓடிய காட்சிகள் தனக்கு மிகவும் சவாலாகவும், வித்தியாசமான ஒரு சுகானுபவமாகவும் இருந்தது. மேலும் கவிஞரின் பாடல் வரிகளுக்கு ஓவியம் வரைவது மிகவும் பெருமைக்குரிய ஒரு விஷயம்'' என்கிறார் ஓவியர் மணியம் செல்வன்.

நிகழ்ச்சியில் ஓவியர் மணியம் செல்வன் வரையும் ஓவியங்களைப் பார்த்து, எந்தப் பாடலின் வரிகள் ஓவியமாக்கப்பட்டுள்ளது என்று ரசிகர்கள் கண்டுபிடித்து பாடுகிறார்கள்.

இயக்கம்: மணிவண்ணன். நிகழ்ச்சித் தொகுப்பு: பி.எச்.அப்துல்ஹமீத். தயாரிப்பு: கிராவிட்டி எண்டர்டெயின்மென்ட் சார்பில் பி.விஜயகுமார், சுவிசந்தர் சாவ்லா.

---

நன்றி: தினதந்தி

Quote:

---

வெகுமதி தரும் `அபிராமி'

சாஸ்திர சம்பிரதாயத்தை மதிக்கும் ஒரு கூட்டுக்குடும்பத்தின் மூத்த மருமகள் அபிராமி. அவள் ஊரில் யாருக்கோ நடக்கும் பால்ய விவாகத்தை தடுத்து விட்டு வந்திருக்கிறாள். ஆனால் அந்த வீட்டில் மூட நம்பிக்கைக்காக உயிரையே கொடுக்கும் ராஜேஸ்வரி பாட்டி அபிராமிக்கே தெரியாமல் அவளது மகனுக்கு நிச்சயம் நடத்தி விடுகிறார்.

இதனால் குடும்பத்தில் ஏற்படும் குழப்பங்கள், பிரிவினைகள் என்னென்ன? ஜெயிப்பது அபிராமியா? ராஜேஸ்வரி பாட்டியா? இதில் அபிராமியின் கணவர் யார் பக்கம்?

தொடரில் `அபிராமி'யாக கவுதமி நடிக்கிறார். `அபிராமி' தொடரை ரசிக்கும் நேயர்களுக்கு தொடரின் தயாரிப்பாளர்கள் அபிராமி ராமநாதன், நல்லம்மை ராமநாதன் புதிய பரிசுத் திட்டத்தை உருவாக்கினர். அதன் அடிப்படையில் தொடரை பார்க்கும் ரசிகர்களுக்கு போட்டிகள் அறிவிக்கப்பட்டன. அதில்

ரூ.25 ஆயிரம் முதல் பரிசை தஞ்சையைச் சேர்ந்த பி.தனபாக்கியம் பெற்றார். இரண்டாவது பரிசு ரூ.15 ஆயிரத்தை சென்னையை சேர்ந்த வனிதாமணியும், மூன்றாம் பரிசு 10 ஆயிரத்தை மதுரை ஜி.சுப்ரியாவும் பெற்றுக் கொண்டார்கள்.

மற்றும் பம்பல் டி.நிர்மலாதேவி, திண்டுக்கல் சி.என்.பானுமதி, ஜி.புஷ்பம், மதுரை கே.ரவிச்சந்திரன் ஆகியோர் மிக்சியை பரிசாக பெற்றார்கள்.

---

நன்றி: தினதந்தி

Quote:

---

வீட்டுக்கு வீடு

ராஜ் டிவியில் திங்கள் முதல் வெள்ளி வரை தினமும் இரவு 9.30 மணிக்கு ஒளிப்பரப்பாகி வரும் தொடர், `வீட்டுக்கு வீடு'. குடும்பக்கதைகள் மூலம் ரசிகர்கள் மனதில் தனியிடம் பிடித்த இயக்குனர் வி.சேகரின் வித்தியாசமான இந்த படைப்பில், அவருக்கே உரித்தான குடும்ப பின்னணி காமெடிக்கலப்பில் சொல்லப்பட்டு இருப்பது சிறப்பு.

ராஜ்காந்த், மீனாகுமாரி, ஜெயலெட்சுமி வந்தனா, சுமங்கலி, ஷோபனா, சுப்புராஜ், சங்கீதா பாலன் ஆகியோர் தொடரின் நட்சத்திரங்கள்..

திரைக்கதை: வி.சேகர். இயக்கம் ஜி.இராஜேந்திரன். தயாரிப்பு தமிழர் கலைக்கூடத்தின் சார்பில் கே.பார்த்திபன், எஸ்.தமிழ்செல்வி.

---

நன்றி: தினதந்தி

Quote:

---

சபாஷ் மீரா

ஜெயா டிவியில் திங்கள் முதல் வியாழன் வரை இரவு 9.30 மணிக்கு ஒளிபரப்பாகி வரும் நகைச்சுவைத் தொடர் `சபாஷ் மீரா'.

மீரா தன் வீட்டு வேலைக்காரியை நீக்கியதால் வரும் பிரச்சினைகளை எப்படி சமாளிக்கிறாள்? மீராவின் கணவர் மீராவை பணத்திற்காக எப்படியெல்லாம் ஏமாற்றுகிறார்? இதை மீரா எப்படி முறியடிக்கிறாள்? தினந்தோறும் ஒவ்வொரு சம்பவத்தை அடிப்படையாகக் கொண்ட இந்த தொடரில் மீராவாக நடிப்பவர் கோவை சரளா.

மற்றும் கணேஷ் அரவிந்த், சிவாஜி சதுர்வேதி, `அடடே' மனோகர், சுந்தரராஜன், லட்சுமி, சாய் கணேஷ், மூர்த்தி, கிரீஷ், ராம்கி, மாஸ்டர் ப்ரேம்சுந்தர், மதுமிதா ஆகியோரும் உண்டு.

---

நன்றி: தினதந்தி

Quote:

---

ஊர்வசி நடிக்கும் புதிய தொடர்

மக்கள் தொலைக்காட்சியில் நாள் தோறும் நண்பகல் ஒரு மணிக்கு ஒளிபரப்பாகும் புதிய தொடர் வித்யா. மருத்துவப்பணியை மேற்கொள்ளும் வித்யா என்ற பெண்மணியை மையமாக வைத்து உருவாக்கப்பட்டுள்ள ஒரு குடும்பக்கதை தான் வித்யா.

வித்யா என்ற மருத்துவப்பெண்மணியாக நடிகை ஊர்வசி நடிக்கிறார். அவருடன் முன்னணி சின்னத்திரை நட்சத்திரங்களும் தொடருக்கு வண்ணம் சேர்க்கின்றனர். குடும்பம், மருத்துவப்பணி என்ற வாழ்க்கையை நகர்த்தும் ஒரு பெண் சந்திக்கும் வாழ்க்கைப்போராட்டமே கதை. இது பெண்களைக் கவரும் வண்ணம் சித்தரிக்கப்பட்டிருப்பது சிறப்பு.

திங்கள் முதல் வெள்ளி வரை தினமும் நண்பகல் ஒரு மணிக்கு மக்கள் தொலைக்காட்சியில் வலம் வருகிறாள் வித்யா.

---

நன்றி: தினதந்தி

Quote:

---

நடுத்தர வர்க்கத்தின் கதை

கலைஞர் தொலைக்காட்சியில் திங்கள் முதல் வெள்ளி வரை தினமும் மதியம் 12 மணிக்கு ஒளிபரப்பாகும் ``வாடகை வீடு'' நடுத்தர வர்க்கத்தினரிடையே வரவேற்பை பெற்ற தொடராகியிருக்கிறது.

மனதில் ஆயிரக்கணக்கான கனவுகளை சுமந்து கொண்டு, ஆனால், அதைவிட, நிஜ வாழ்க்கையில் அதிகளவில் பிரச்சினைகளோடு வாழ்ந்து கொண்டு இருக்கும் நடுத்தர வர்க்கத்தினரின் பிரச்சினைகளை செயலிலும் கொண்ட கதையிது.

சென்னையில் பத்து, பதினைந்து குடும்பங்களைக் கொண்ட ஒரு காம்பவுண்டு. அதன் உரிமையாளர் சிங்கப்பூரில் எங்கேயோ இருக்க, ரெட்டியார் தானே உரிமையாளர் என்று எல்லோரையும் நம்ப வைத்து நாடகமாடுகிறார். ரெட்டியாக சிலோன் மனோகர் முதல் முறையாக காமெடியில் கலக்குகிறார்.

சிங்கப்பூரை சேர்ந்த ஸ்ரீராம் வேதம் தயாரிக்க, திரைக்கதை அமைத்து டைரக்ட் செய்கிறார் எம்.விஸ்வநாத்.

---

நன்றி: தினதந்தி

Quote:

---

ஜான்சி ராணி

தமிழ் தொலைக்காட்சி வரலாற்றில் முதல் முறையாக சுதந்திர போராட்ட வீராங்கனை ஜான்சி ராணியின் வாழ்க்கை வரலாற்றுத் தொடர் வருகிறது. ஜீ தமிழ் தொலைக்காட்சியில் வருகிற திங்கள் முதல் ஒளிபரப்பாக இருக்கும் தொடர் இது. திங்கள் முதல் வியாழன் வரை தினமும் இரவு 7 மணிக்கு `ஜான்சி ராணி'யை காணலாம்.

நமது நாட்டின் சுதந்திரத்திற்காக பாடுபட்ட பெண் வீராங்கனை ஜான்சி ராணிக்கு இளம் வயதில் எப்படி சுதந்திர வேட்கை உருவானது என்பது பற்றி இந்தத் தொடர் விவரிக்கிறது. பெண்களுக்கே முன் உதாரணமாக திகழும் ஜான்சிராணியின் வாழ்க்கை வரலாற்றுத் தொடரில் அவரது வீரம், போராடும் குணம் போன்றவை தத்ரூபமாக படமாக்கப்பட்டுள்ளது.

---

நன்றி: தினதந்தி

Quote:

---

சனி பகவான் மகிமை

பாலிமர் டிவியில் ஞாயிறு தோறும் காலை 9 மணிக்கு ஒளிபரப்பாகும் புராணத் தொடர் `சனி பகவான் மகிமை'.

சனிபகவான் பிறந்து, இமை திறந்து பார்த்த முதல் பார்வையிலேயே சூரியனுக்கு பிடித்தது கிரகணம். இந்நிகழ்ச்சியில் ஜோதிட அட்டவணையில் சனிபகவானின் ஈடு இணையற்ற ஆற்றலை அறியலாம்.

தொடரின் முக்கிய நோக்கம், அருள்தரும் சனிபகவான் பற்றிய எதிர்மறையான கருத்துக்களை களைந்து அவரின் அருமைபெருமைகளை விளக்குவதே. ஒருவன் தன் வாழ்வில் நல்வழியில் நடப்பானாயின் அவன் சனிபகவானின் ஆசியை பெறுகிறான். தீயவழிக்கு திரும்புகிறவனோ அவரின் கோபத்துக்கு உள்ளாகிறான். இது தொடர்பான காட்சிகள், தொடருக்கு சுவாரசியம் கூட்டுகிறது.

---

நன்றி: தினதந்தி