new serials/programs

Printable View

Show 40 post(s) from this thread on one page

3rd April 2010, 10:52 PM
aanaa

Quote:

பொம்மை

சனிக்கிழமை தோறும் இரவு 7 மணிக்கு மக்கள் தொலைக்காட்சியில் ஒளிபரப்பாகும் புத்தம் புது நிகழ்ச்சி `பொம்மை'.

இந்த நிகழ்ச்சி குழந்தைகளுக்கு பொம்மைகள் செய்ய சொல்லித்தரும் நிகழ்ச்சியாக மட்டுமல்ல... குழந்தைகளின் கற்பனைத் திறனை அதிகரிக்கச் செய்யும் பயிற்சியாகவும் இருக்கும்.

முக ஓவியம், கை ஓவியம், பாட்டில் ஓவியம், வாழ்த்து அட்டை செய்வது, காகிதக் கிளி, களிமண் புறா, பென்சில் கொக்கு என்று விதவிதமான பல கைவினைப் பொருட்களை உருவாக்க சொல்லித்தரும் வண்ணமயமான நிகழ்ச்சி.

குழந்தைகள் இந்தக் கலைப் படைப்புகளால் தங்கள் வீடுகளை அழகு படுத்துவதோடு வகுப்புத் தோழர்களின் பிறந்த நாளுக்கு இந்தமாதிரி பொம்மைகளை செய்தும் பரிசளிக்கலாம்.

நன்றி: தினதந்தி
3rd April 2010, 10:53 PM
aanaa

Quote:

ஜான்சி ராணி

நமது நாட்டின் சுதந்திரத்திற்காக பாடுபட்ட பெண் வீராங்கனை ஜான்சி ராணியின் வாழ்க்கை வரலாற்றுத் தொடர் `ஜீ தமிழ் தொலைக்காட்சியில் ஒளிபரப்பாகி வருகிறது. இந்த தொடரில் ஜான்சி ராணியின் வீரம், போராடும் குணம் போன்றவை தத்ரூபமாக படமாக்கப்பட்டுள்ளது.

திங்கள் முதல் வெள்ளி வரை தினமும் இரவு 7 மணிக்கு காணலாம். இதன் மறுஒளிபரப்பு சனிக்கிழமை மற்றும் ஞாயிற்றுக்கிழமைகளில் காலை 8.30 மணிக்கு.

நன்றி: தினதந்தி
3rd April 2010, 10:54 PM
aanaa

Quote:

அறிவியல் எளிது

புரியாத வரைக்கும் தான் அறிவியல் புதிர். புரிந்து கொண்டுவிட்டால் அறிவியல் மிக எளிது.

ஆகவே அறிவியலை எளிய முறையில் மாணவர்களிடம் கொண்டு சேர்க்க மக்கள் தொலைக்காட்சி எடுத்திருக்கும் முயற்சிதான் இந்த `அறிவியல் எளிது' நிகழ்ச்சி.

மக்கள் தொலைக்காட்சியில் வெற்றிகரமாக ஒளிபரப்பான `கண்டுபிடி கண்டுபிடி' நிகழ்ச்சியை நடத்திய பேராசிரியர் சுப்பையா பாண்டியன் தான் இந்த `அறிவியல் எளிது' நிகழ்ச்சியையும் நடத்துகிறார்.

நாம் மிக்க கடினம் என்று நினைத்துக் கொண்டிருக்கிற, புரியாமல் விழித்துக் கொண்டிருக்கிற புதிர்களின் முடிச்சை மிக எளிதாக அவிழ்ப்பதோடு மிகப் பெரிய அறிவியல் உண்மைகளை எளிய உதாரணம் மூலம் விளக்கிக் காட்டுவதும் இந்த நிகழ்ச்சியில் சிறப்பம்சம்.

பள்ளி மாணவர்களின் மத்தியில் நிகழ்ச்சி நடத்தி, கேள்வி - பதில் முறையில் மாணவர்களின் ஐயங்களுக்கும் விளக்கம் தருவது இதன் கூடுதல் சிறப்பு.

மக்கள் தொலைக்காட்சியில் இன்று மாலை 6.30 மணிக்கு ஒளிபரப்பாகும் இந்த நிகழ்ச்சி, சனிக்கிழமை தோறும் இதே நேரத்தில் தொடர்ந்து ஒளிபரப்பாகும்.

நன்றி: தினதந்தி
11th April 2010, 08:30 PM
aanaa

Quote:

நடிகை குஷ்பு தேர்ந்தெடுக்கும் `அழகிய தமிழ் மகன்'

`அழகி' என்ற நிகழ்ச்சியை நடத்திய விஜய் டிவி, சற்று இடைவெளிவிட்டு அறிமுகப்படுத்தும் புதிய நிகழ்ச்சி, `அழகிய தமிழ் மகன்'.

விஜய் டி.வி.யில் இதற்கான விளம்பரங்கள் வரத்தொடங்கியதும் தமிழகம் முழுவதும் இருந்து பத்தாயிரத்திற்கும் மேற்பட்ட விண்ணப்பங்கள் வந்து குவிந்தன. அதிலிருந்து இருநூறு பேரை தகுதி அடிப்படையில் தேர்வு செய்து நேரடித் தேர்விற்கு அழைப்பு விடுத்தது விஜய் டி.வி.

இந்த நேர்முகத்தேர்வில் பங்குபெறும் இளைஞர்களின் தனித்திறமைகளை கணிக்க பிரபல சின்னத்திரை நடிகர்கள் நடுநிலையாளர்களாக நியமிக்கப்பட்டு தமிழகத்தின் அழகிய தமிழ் மகனுக்கான தேர்வு நடைபெறுகிறது.

இந்த நிகழ்ச்சியில் கலந்துகொள்ளும் இளைஞர்களுக்கு பலவிதமான திறமை அடிப்படை போட்டிகள் நடைபெறும். முதல்கட்ட நேர்முகத்தேர்விற்கு வந்திருந்தவர்களை தேர்வு செய்யும் பட்டியலில் சின்னத்திரை நடிகைகள் திவ்யதரிஷினி, திவ்யா, ப்ரியா, பின்னணி பாடகி சுவி சுரேஷ் ஆகியோர் இடம்பெறுகின்றனர்.

இந்த அழகிய தமிழ் மகன்களை நிகழ்ச்சியில் கேள்விகள் கேட்டு, போட்டிகள் வைத்து அவர்களை ஊக்குவித்து வழிநடத்தப்போகிறார், நடிகை குஷ்பு.

இது ஒரு முழுக்க முழுக்க சிறந்த ஆண் மகனுக்கான தேடல் மட்டுமே. மாப்பிள்ளைக்கான தேடல் அல்ல.

இன்று இரவு 8 மணிக்கு விஜய் டிவியில் ஒளிபரப்பாகும் இந்த நிகழ்ச்சியை தொகுத்து வழங்குபவர் ரம்யா.

நன்றி: தினதந்தி
11th April 2010, 08:33 PM
aanaa

Quote:

புதிய தொடர் அனுபல்லவி

அபிநயா கிரியேஷன்ஸ் சார்பில் திங்கள் முதல் வெள்ளி வரை தினமும் மதியம் 12.30 மணிக்கு சன் டிவியில் ஒளிபரப்பாகி வரும் `திருப்பாவை' தொடர், வருகிற 23-ந்தேதியுடன் நிறைவு பெறுகிறது. இதைத்தொடர்ந்து இதே நிறுவனம் தயாரிக்கும் புதிய தொடர் அனுபல்லவி. இந்ததொடர் 26-ந்தேதி முதல் இதேநேரத்தில் ஒளிபரப்பைத் தொடங்குகிறது.

வாழ்க்கை ஒரு இனிமையான சங்கீதம். அந்த சங்கீதம் ஸ்ருதிலயத்துடன் அமைய பல்லவி, அனுபல்லவி மற்றும் சரணம் முக்கியம்!

ஒரு பாடலில் சரணம் சிறக்க வேண்டுமெனில் பல்லவியும், அனுபல்லவியும் சரியாக இருக்க வேண்டும். சங்கீதத்தை பற்றிய பொது விதி இது.

தொடராக வரும் இந்த `அனுபல்லவி'யில் சரணமாக இன்ஜினீயர் ராஜாராமன் விளங்க, பல்லவியாக அவனின் முதல் மனைவி அனுவும்; அனுபல்லவியாக இரண்டாவது மனைவி பல்லவியும் திகழ்கின்றார்கள்.

இவர்களின் வாழ்க்கை சங்கீதத்திலும் ஸ்ருதி, லய பேதங்கள் ஏற்படுகின்றன. அதை எல்லாம் சரி செய்து இவர்களால் இசைபட வாழமுடிந்ததா என்பதே இந்த `அனுபல்லவி' தொடர்.

இன்ஜினீயர் ராஜாராமன் தன் இரு மனைவியருமே நன்றாக வாழவேண்டும்; அவர்களின் நிம்மதியும், சந்தோஷமும் எக்காரணத்தைக் கொண்டும் பறிபோய் விடக்கூடாது என்று நினைப்பவர். உலகத்தில் உள்ள எல்லா ஜீவராசிகளுடனும் அன்போடு பழகி அரவணைத்து செல்லும் குணம் கொண்டவர். ஆனால், முதல் மனைவி பற்றி இரண்டாவது மனைவியிடமோ, இரண்டாவது மனைவி பற்றி முதல் மனைவியிடமோ இவர் கூறவில்லை. இரு குடும்பங்களையும் தனித்தனியாக நடத்தி வருகிறார்.

முதல் மனைவி அனுவிற்கு மூன்று குழந்தைகள்... இதில் இரண்டு பெண்கள், ஒரு பையன்!

இரண்டாவது மனைவி பல்லவிக்கு இரண்டு குழந்தைகள்... இதில் ஒரு பெண்; ஒரு பையன்!

தனலட்சுமி, ஸ்ரீவித்யா, சங்கீதா, `மின்னல்' தீபா
பிள்ளைகள் அனைவரும் கல்லூரி மற்றும் பள்ளிகளில் பயில்கிறார்கள்.

சமூகம் போற்றும் நிலையில் வாழும் ராஜாராமனின் வாழ்க்கையில் இரண்டு பெண்கள் எப்படி நுழைந்தார்கள்? அதற்கான சூழல் என்ன?

ராஜாராமன், தனது இரு மனைவியரிடமும் உண்மையை மறைப்பது ஏன்?

இந்த உண்மை எப்படி வெளிப்படப்போகிறது? அப்போது ராஜாராமன் மற்றும் குடும்பத்தினரின் நிலை என்ன? இந்த உண்மை, அவரின் குழந்தைகள் வாழ்க்கையை எப்படி பாதிக்கப்போகிறது?

இரு குடும்பங்களும், மனைவியரும் ஒன்று சேர்ந்தார்களா?

கேள்வி முடிச்சுகளை அவிழ்த்து சுவாரசியங்களும், ரகசியங்களும் வெளிப்பட பதில்களை தரப்போகிறது `அனுபல்லவி' என்கிறார் தொடரின் இயக்குனர் ஜே.கே.

ராஜாராமனாக நடிகர் அபிஷேக் நடிக்கிறார். மற்றும் நட்சத்திரங்கள்: யுவஸ்ரீ, தீபாநரேந்திரன், சங்கீதா, ஸ்ரீவித்யா, தனலட்சுமி, `மின்னல்' தீபா, காத்தாடி ராமமூர்த்தி.

கதை:ஜே.கே. திரைக்கதை: சி.யு.முத்துச்செல்வன். வசனம்:ஆர்.எஸ்.பாலமுருகன். ஒளிப்பதிவு: ஆர்.பார்த்திபன். இசை: சத்யா. பாடல்: காதல்மதி. டைட்டில் பாடல்: ஸ்ரீனிவாஸ். கிரியேட்டிவ் ஹெட்: ஜே.கே.ஆனந்த். தயாரிப்பு: ராதா கிருஷ்ணசாமி. இயக்கம்: ஜே.கே.

[html:aa0d473b84]<div align="center">http://www.dailythanthi.com/muthucha...00410/Tv06.jpg</div>[/html:aa0d473b84]

நன்றி: தினதந்தி
11th April 2010, 08:44 PM
aanaa

Quote:

ஏவி.எம்.சரவணனின் `திரும்பிப் பார்க்கிறேன்'

திங்கள் முதல் வெள்ளி வரை தினமும் இரவு 10 மணிக்கு ஜெயா டிவியில் ஒளிபரப்பாகி வரும் நிகழ்ச்சி `திரும்பிப் பார்க்கிறேன்'. கலைத்துறையின் பிரபலங்கள் தங்கள் சாதனை நாட்களை நினைவுகூரும் இந்த நிகழ்ச்சியில் இந்த வாரம் பட
அதிபர் ஏவி.எம்.சரவணன் தனது அனுபவங்களை விவரிக்கிறார்.

இதில் அவர் கூறும் பல விஷயங்கள் புத்தம் புதியவை. சிறுவயதில் சினிமா ஆர்வமே இல்லாமல் இருந்த சரவணன், சினிமா பார்க்க அப்பா கொடுக்கும் காலணாவை சேமித்து வைத்திருக்கிறார். அதோடு நில்லாமல் எப்போதாவது அந்த காலணாக்களில் ஒன்று அவரது புளிப்பு மிட்டாய் சாப்பிடும் ஆசையை தீர்த்து வைக்கும். இன்னும் சில காலணாக்கள் அவ்வப்போது முட்டை சேர்க்காமல் தயாராகும் கேக்குக்காக செலவாகும்.

இப்படியிருந்தவருக்கு எம்.ஜி.ஆரை பிடித்துப்போக, அவர் படத்தை விரும்பிப்பார்க்கும் ரசிகராக மாறியது எதிர்பாராத ஆச்சரியம். அப்போது ரிலீசாகும் எம்.ஜி.ஆர் படங்களை கூட்டம் கருதி சென்னையில் பார்க்காமல் தாம்பரத்தில் உள்ள ஜி.ஆர்.(இப்போது அது எம்.ஆர். தியேட்டர்) தியேட்டருக்குப் போய் பார்த்திருக்கிறார்.

பின்னாளில் இதே எம்.ஜி.ஆரின் நெருங்கிய நண்பர் என்ற நட்பு வளையத்துக்குள் வந்த கதையையும் சுவைபட விவரிக்கிறார். எம்..ஜிஆரை வைத்து ஏவி.எம். நிறுவனம் தயாரித்த `அன்பே வா' படத்துக்கு இவர் தான் தயாரிப்பு நிர்வாகி. அந்தப் படத்தின் படப்பிடிப்பு சிம்லா, நைனிடால் போன்ற சுற்றுலாத்தலங்களில் நடந்தபோது எம்.ஜி.ஆருடன் பழக நேர்ந்த 82 நாட்கள் தன்வாழ்வில் மறக்கவியலாத நாட்கள் என்கிறார்.

எம்.ஜி.ஆர். இவரை `சரவணி' என்று தான் அழைப்பாராம். எதற்காக அப்படி அழைக்கிறீர்கள்? என்று ஒருமுறை இவர் கேட்டபோது `உங்க வீட்டில் உன்னை சரவணி என்று தானே அழைக்கிறார்கள். அதனால்தான் நானும் அப்படி அழைக்கிறேன்' என்று சொல்லியிருக்கிறார், எம்.ஜி.ஆர். அதாவது `நானும் உங்கள் குடும்பத்தில் ஒருவன்' என்பதை எம்.ஜி.ஆரின் அந்த பதில் பிரதிபலித்திருக்கிறது.

இதுமாதிரி சிறு வயதில் தன் தவறுகளை அவ்வப்போது கண்டித்து வந்த அம்மாவை இவருக்கு பிடிக்காது போயிருக்கிறது. அதனால் அம்மா குளிக்கப் போனதும் பாத்ரூமின் வெளிப்புறமாக தாழ்ப்பாள் போட்டுவிட்டு ஓடி விடுவாராம். இதனால் ஒரு கட்டத்தில் பாத்ரூமின் வெளிப்புற தாழ்ப்பாளையே அகற்ற நேர்ந்திருக்கிறது. இதுமாதிரியான இதுவரை இவர்சொல்லாத பல சுவாரசிய சம்பவங்கள் இந்த நிகழ்ச்சியில் இடம் பிடிக்கின்றன. இயக்கம்: கா.பரத்.

நன்றி: தினதந்தி
11th April 2010, 08:46 PM
aanaa

Quote:

பொதிகையில் சாதகப் பறவைகள்

பொதிகை தொலைக்காட்சியில் இளையராஜாவின் பாடல்களை ``சங்கரின் சாதகப் பறவைகள்'' இசைக்குழு அதன் தனித்துவம் மாறாமல் இசைக்கிறது.

பொதிகையில் நாளை இரவு 9.30 மணிக்கு தொடங்கும் இந்த நிகழ்ச்சியை ஞாயிறு தோறும் காணலாம்.

பின்னணி பாடகர்கள் எஸ்.என்.சுரேந்தர், `சூலமங்கலம்' முரளி, ராதிகா, ரோஷிணி, பரணி, சுனந்தன், மேகா, பெல்லிராஜ் பங்கு பெற்று இளையராஜாவின் பாடல்களை பாடியுள்ளனர்.
[html:fb880dde20]<div align="center">http://www.dailythanthi.com/muthucha...00410/Tv01.jpg</div>[/html:fb880dde20]

நன்றி: தினதந்தி
17th April 2010, 07:21 PM
aanaa

Quote:

மாறுபட்ட காதல் இசை!

சென்னையில் நடந்து முடிந்த `காதல் அன்பிலக்ட்' நிகழ்ச்சி விஜய் டிவியில் ஒளிபரப்பாகிறது.

இந்தியாவின் முன்னணி திரைஇசைக் கலைஞர்கள் மற்றும் திரைப்பட பின்னணி பாடகர்கள் கலந்து கொண்டு ஐம்பதாண்டுகால தமிழ் சினிமாவின் காதல் பாடல்களை ஒரே மேடையில் பாடினர்.

இந்த இசை நிகழ்ச்சியில் இளம் பாடகர்களான ஸ்ருதி ஹாசன், பிளாசே, `ஜேய் ஹோ புகழ்' விஜய் பிரகாஷ், சுனிதா சாரதி, ஹரிச்சரண் மற்றும் நேகா பசின் ஆகியோர் கலந்து கொண்டு பாடினர்.

சென்னை ரசிகர்கள் இதுவரை கண்டிராத ஒரு நிகழ்ச்சியாகவே இது அமைந்திருந்தது.

ஏ.ஆர்.ரஹ்மான் பாடல்களுக்கு பிரத்யேகமாக புல்லாங்குழல் இசைக்கும் நரேன்ஐயர் நிகழ்ச்சியின் ஆரம்பத்தில் பல பிரபல பாடல்களை புல்லாங்குழலில் இசைத்தார்.

பாஸ் கிட்டார் வாசிப்பதில் புகழ்பெற்ற கெய்த் பீட்டர்ஸ், கிட்டார் கலைஞர் பிரதீப், டிரம்ஸ் புகழ் வசந்த், ஆல்வின், விக்ரம், டிரம்பெட் தாமஸ் டி.ஜே.கேல் ஆகியோர் ஒரே மேடையில் தோன்றிய முதல் நிகழ்ச்சி இது என்பது குறிப்பிடத்தக்கது.

நன்றி: தினதந்தி
17th April 2010, 07:22 PM
aanaa

Quote:

முதன் முதலாய்

முதல் வெற்றி, முதல் பரிசு, முதல் சறுக்கல், முதல் பாடம், முதல் வாய்ப்பு என ஒவ்வொருவரின் வாழ்க்கையிலும் முதல் நிகழ்வுகள் மறக்க முடியாதவை. காலத்தால் மறக்கடிக்க முடியாத பசுமையான நினைவுகளை, அந்தச் சிலிர்ப்பான அனுபவங்களை முக்கியப் பிரமுகர்கள் நம்மோடு பகிர்ந்துகொள்ளும் நிகழ்ச்சி `முதன் முதலாய்'.

நிகழ்ச்சியில் வெற்றி அனுபவத்தை மட்டும் பகிர்ந்துகொள்வதோடு நின்று விடுவதில்லை. அந்த வெற்றியை எட்டிப் பிடிக்க பட்ட பாடுகளையும் பகிர்ந்து கொள்வதால் வெற்றி பெறத் துடிப்பவர்களுக்கு அது ஒரு வழிகாட்டியாகவும் அமையும்.

நிகழ்ச்சியில் இடம் பெறும் சில தகவல்கள் ரசிக்கவும், சில பின்பற்றி நடக்கவும், சில நெகிழ, சீர்தூக்கிப் பார்க்கவும் உதவும்.

ஞாயிறு தோறும் இரவு 7 மணிக்கு ஒளிபரப்பாகும் இந்த நிகழ்ச்சி கலகலப்பானது மட்டுமல்ல, வாழ்க்கைக்கு உதவும் அனுபவ கருத்துக்களின் தொகுப்பும் கூட.

நன்றி: தினதந்தி
17th April 2010, 07:25 PM
aanaa

Quote:

கதையல்ல நிஜம்!

விஜய் டிவியின் `கதையல்ல நிஜம்' நிகழ்ச்சி நேயர்களிடையே மிகுந்த வரவேற்பை பெற்று வருகிறது. நடிகை லட்சுமியின் கம்பீரம், தைரியம், ஆளுமை, பிரச்சினைகளை கையாளும் நேர்த்தி ஆகியவை நேயர்களை கவர்ந்துள்ளது.

எட்டு ஆண்டுகளுக்கு பிறகு புத்தம் புதிய வடிவில் மீண்டும் `கதையல்ல நிஜம்' நிகழ்ச்சியை எடுத்து வரும் விஜய் டிவி, அதே கம்பீரத்துடன் நிகழ்ச்சியை நடத்திச் செல்கிறது.

இந்த நிகழ்ச்சியில் இதுவரை பல விறுவிறுப்பான கதைகள் இடம் பெற்றுள்ளன. காதலர்கள் இரண்டு பேர் தங்கள் பெற்றோர்களுடன் நிகழ்ச்சியில் கலந்துகொண்டபோது எதிர்பாராத சம்பவம் நடந்தது. அந்தப் பெண் தனக்கு `காதலன்தான் முக்கியம். எனக்கு இதே மேடையில் திருமணம் நிச்சயம் செய்ய வேண்டும்' என்று பிடிவாதமாக இருந்தார்.

மேலும் நானே போகர், சித்தர் என்று கூறிக் கொண்டு வந்திருந்த ஒரு பெண்மணி நடிகை லட்சுமி கேட்ட கேள்விகளுக்கு முழுவதுமாக பதிலளிக்காமல் கோபித்துக்கொண்டு நிகழ்ச்சியில் இருந்து வெளியேறினார்.

இனி வரும் வாரங்களில் இன்னும் பல சுவாரஸ்யமான கதைகளை நேயர்களின் முன்னிலையில் கொண்டு வர தயாராகிக் கொண்டிருக்கிறது. `காதலை எதிர்த்த பெற்றோரை ஒதுக்கி வைத்த கிராமம்' என்பது போன்ற பல புதுமைக் கதைகளை கொண்டு வருகிறது நிகழ்ச்சி.

திங்கள் முதல் வியாழன் வரை தினமும் பகல் 12 மணிக்கு ஒளிபரப்பாகும் நிகழ்ச்சி இது.

[html:5a8738212e]<div align="center">http://www.dailythanthi.com/muthucha...17/Lakshmi.jpg</div>[/html:5a8738212e]

நன்றி: தினதந்தி

Show 40 post(s) from this thread on one page