Makkal thilagm mgr-part -12

http://i58.tinypic.com/24grcrr.jpg

http://i59.tinypic.com/23rwksg.jpg

புகைபடத்தில் மதுரை திரு. எஸ். குமார் தன் சக நண்பர்களுடன்

http://i62.tinypic.com/2a5bwnt.jpg

மதுரை புதூர் விஜய் சினி பாரடைசில்

28/11/2014 முதல் மக்கள் திலகம் எம்.ஜி.ஆர். "அன்பே வா "
என ரசிகர்களை அழைத்தார். அதன் சுவரொட்டி நமது திரியில் பதிவிட அனுப்பியவர்
மதுரை திரு. எஸ். குமார். அவர்கள்.
http://i62.tinypic.com/1zxw9c3.jpg

http://i57.tinypic.com/sflcuv.jpg

சென்னை மகாலட்சுமியில் வெள்ளி முதல் (05/12/2014) புரட்சி தலைவர் எம்.ஜி.ஆர்.
(பேரறிஞர் அண்ணாவின் ) "இதயக்கனி " தினசரி 2 காட்சிகள் வெளியாகிறது.

http://i62.tinypic.com/9qzbyd.jpg

Quote:

---

Originally Posted by esvee

M.G.R. - இது மருதூர் கோபால மேனன் ராமச்சந்திரனின் ஆங்கிலப் பெயர் சுருக்கெழுத்து. ஆனால் இந்த அந்நிய எழுத்தையே தமிழ் பெயர்ச் சொல்லாகிய மூன்றெழுத்து மந்திரச் சொல் அது!

எம்.ஜி.ஆர்., ஒரு சுயம்பு. . இனம், மொழி, ஜாதி என்று எந்த ஒரு பின்புல ஆதரவும் கிடையாது. படிப்பும் இல்லை. ஆனாலும் நிமிர்ந்தார். தானாகவே நடந்து.. விழுந்து.. எழுந்து...

இமய எழுச்சி தானென்றாலும், இந்த எழுச்சியை எட்ட அவர் சந்தித்த தோல்விகள், அவமானங்கள், பட்ட அடிகள் தான் ஏராளம். ஆனாலும் சோராத மனோதிடம், தெளிவான இலக்கு, அதை நோக்கி காய்களை நகர்த்திய சாமர்த்தியம், கடின உழைப்பு... இவை மட்டுமின்றி தனக்கு இயல்பாக அமைந்த பலவீனங்களையும் பலங்களாக மாற்றிக் கொண்ட சாதுரியம் ஆகியவையே அவரை கரையேற வைத்தது.

டீன்-ஏஜ் பருவத்தில் பையன்களுக்கு தொண்டை உடைந்து ( இதை ' மகரக்கட்டு ' என்பார்கள்) பிறகு சரியாகும். ஆனால் எம்.ஜி.ஆருக்கு இது முழுமையாக சீராகவில்லை. நாடகமானாலும் சினிமாவானாலும் பாட்டே பிரதானமாக அப்போதிருந்த நிலையில் , இது பெரிய பலவீனம் தான். பாடுமளவுக்கு தனக்கு குரல் வளமில்லை என்று உணர்ந்து கொண்டார் எம்.ஜி.ஆர். இந்த பலவீனத்துக்காக அவர் சோர்ந்து விடவில்லை. மாற்றாக, வாள் வீச்சு, சிலம்பம், குஸ்தி என்று வீர விளையாட்டுக் கலைகளை கற்றுக் கொண்டார். உடலை அதற்கேற்ப கட்டுமஸ்தாக வைத்துக் கொண்டார். இது சினிமாவில் அவருக்கு பெரிதும் கைகொடுத்தது. ஆரம்பத்தில் சினிமாவில் ஒதுக்கப்பட்டாலும் பின்னாளில் அவரை கவனிக்க வைத்தது. தமிழ் சினிமாவின் முழுமையான முதல் ' ஆக்ஷன் கிங்' ஆக உருவெடுக்க உதவியது. கடைசி வரை அதாவது அவரது 60வது வயதிலும் சாகச நாயகனாக ரசிகர்களை ஏற்றுக் கொள்ள செய்தது.

அடுத்து , அவரது முக அமைப்பு. முதல் படமான ' சதிலீலாவதி 'யில் (1936ல் வெளியானது) நடிக்கும் போது MGRஎம்.ஜி.ஆருக்கு வயது 19 தான். முதன்முதலாக கதாநாயகனாக 'ராஜகுமாரி' (1947) படத்தில் நடிக்கும் போது அவருக்கு வயது 30. இளவயது தான். ஆனாலும், உன்னிப்பாகப் பார்த்தால் நீள் சதுர வடிவிலான அவரது முகத்தில் அந்த வயதை மீறிய முதிர்ச்சி மெலிதாகப் படர்ந்திருப்பதை அவரது மிக ஆரம்ப கால படங்களில் காணலாம். இதற்கு, அனுபவித்த வறுமை காரணமா அல்லது பிறப்பிலேயே அப்படியா என்று தெரியவில்லை.

ஆனால் அதே முகம், அதற்கு பிறகு முதிர்ந்ததாக காணப்படவில்லை. ஆரம்பத்தில் வயதிடம் தோற்ற அந்த முகம் பின்னாளில் வயதையே தோற்கடித்தது தான் ஆச்சரியம். அதாவது தனது 45, 50 வயதிலும் எம்.ஜி.ஆரின் முகம், 30, 35 வயதைத் தான் காட்டியது. அதற்கேற்ப அவர் பராமரித்து வந்த தொந்தி தள்ளாத 'சிக்' உடற்கட்டும், துள்ளல் நடிப்பும், இளமையை வெளிப்படுத்தும் 'பாடி லேங்குவேஜ்'ம் உறுதுணையாக இருந்தன. (உதாரணத்துக்கு: 'தாழம்பூ, அன்பேவா, சந்திரோதயம், நம்நாடு ...' என்று படங்கள் பட்டியலை அடுக்கிக் கொண்டேப் போகலாம்)

அதே போல், அவரது முகம் நுணுக்கமான, நெகிழ்வான உணர்வுகளை பளீரென பிரதிபலிக்காத தன்மை கொண்ட 'Metallic' என்றும் 'தூண்' என்றும் விமர்சித்து பலர் ஆரம்ப காலத்தில் சினிமாவில் சான்ஸ் தராமல் நிராகரித்தார்களாம். இந்த பலவீனத்தையும் புரிந்துக் கொண்ட எம்.ஜிஆர்., அதற்கேற்ப மாறுபட்ட உணர்ச்சிகளை வெளிப்படுத்தும் உணர்ச்சிப்பிழம்பான கதையம்சங்களை தவிர்த்தார். தனக்கு தோதான கதாபாத்திரங்களையேத் தேர்ந்தெடுத்தார். தனக்கு பலமாக இருக்கும் சண்டைக்கலையை முழுமையாக பிரயோகித்தார். படத்தின்
திரைக்கதை, வசனம், பாடல் காட்சிகள், பட டைட்டில் போன்றவற்றிலும் கூடுதல் கவனம் செலுத்தினார். ' எம்.ஜி.ஆர். ·பார்முலா ' என தனி பாணியையே உருவாக்கினார். மாபெரும் வெற்றியும் கண்டார்.

தமிழ் சினிமாவில் ' மெலோடிராமா ' நிறைந்திருந்த காலகட்டத்தில் - அதுவும் அந்த நடிப்பில் திலகமாக போட்டி நடிகர் விளங்கிய நிலையில் இவ்வாறு வெற்றி பெறுவது சுலபமான விஷயமல்ல. ' நடிக்கவே தெரியாத நடிகன்', ' ', ' அட்டைக் கத்தி வீரன்'.... இப்படியான கிண்டல்கள் கேலிகளுக்கு மத்தியில் சாதிக்க முடிந்ததற்கு காரணம், மைனஸ் பாயிண்ட்டுகளை ப்ளஸ் பாயிண்ட்டுகளாக மாற்ற எம்.ஜி.ஆர் காட்டிய உழைப்பும், நம்பிக்கையும், மனோ உறுதியும் தான்.

அரசியலிலும் அவர் சுலபமாக நீந்தி விடவில்லை. அரசியலில் தான் எதிர்த்து நிற்க வேண்டிய நபரின் கெட்டிக்காரத்தனத்தையும் சாணக்கியத்தனத்தையும் நன்கு அறிந்துமே துணிந்து களம் இறங்கினார் எம்ஜிஆர். மக்களின் நாடித் துடிப்பை மட்டுமின்றி தனது பலவீனத்தை அறிந்திருந்த அளவுக்கு எதிரியின் பலவீனத்தையும் நன்கு புரிந்து வைத்திருக்கும் புத்திசாலித்தனத்தால் அரசியலிலும் ஜெயித்தார் எம்ஜிஆர். உலகிலேயே, ஒரு சினிமா நடிகர் தனியாக ஒரு அரசியல் கட்சியை ஆரம்பித்து ஜெயித்து ஒரு மாநிலத்தின் முதலமைச்சராகவும் ஆகி சாதித்த முதலாமவர் என்ற பெருமையை பெற்றார்.

'அரசியல் விதூஷகன்' என்று கேலி பேசியவர்களும், 'அரிதாரம் பூசிவனெல்லாம் அரசாள முடியுமா? ' என்று கிண்டலாக கேட்டவர்களையும் கூட பின்னாளில் அவரை 'புரட்சித்தலைவர்' என்று புகழ வைத்தது அவரது வெற்றி.

அவருக்கு பிள்ளைச் செல்வம் இல்லாத குறையும் கூட அவருக்கும் அவர் மீதான 'இமேஜ்'க்கும் ஒரு வகையில் இயற்கையாகவே சாதகமாக அமைந்தது எனலாம். முதலமைச்சராக இருந்த போது அவர் மீது ஊழல் குற்றச்சாட்டுகள் எதிர்தரப்பால் அடுக்கப்பட்ட போது, "அவருக்கென்ன. பிள்ளையா குட்டியா? பிறகெதுக்கு. ஊழல் செய்து சொத்து சேர்க்க வேண்டிய அவசியமே அவருக்கில்லை. ஏழைகளுக்கு அள்ளிக் அள்ளி கொடுக்கிறவராச்சே. சும்மா சொல்றாங்க" என்று மக்கள் மன்றத்தில் புகார்கள் எடுபடாமல் போகச் செய்தது.

1967ல் சக நடிகர் ஒருவரால் எம்.ஜி.ஆர். நேருக்கு நேர் துப்பாக்கியால் சுடப்பட்டார். 1984ல் உடல் நலம் குன்றி சாவின் விளிம்பை தொட்டு வந்தார். இந்த இரண்டு நிகழ்வுகளிலுமே உயிருடன் மீண்டு , ஒரு மனிதன் ஒரே பிறவியில் மூன்று முறை பிறவி கண்ட அதிசயமாக பாமரர்கள் மத்தியில் தானொரு அபூர்வப் பிறவியாக பிரமிக்க வைத்தார் எம்.ஜி.ஆர். சாவையே தோற்கடித்த சாகச வீரனாகவும், ' தர்மம் தலைகாக்கும் ' என்கிற உபதேசத்தின் உதாரண புருஷனாகவும் அவர் சாமானிய மக்கள் மத்தியில் உலா வர, அந்த 1967, 1984 அசம்பாவிதங்களும் கூட அவருக்கு சாதகமாக அமைந்த அதிசயத்தை என்னவென்று சொல்வது !

அதே 1967ல் துப்பாக்கி குண்டு காயத்துடன் சென்னை ஆஸ்பத்திரியிலும் இருந்த போதும், 1984ல் சிறுநீரக கோளாறு அறுவை சிகிச்சைக்காக அமெரிக்க ஆஸ்பத்திரியிலும் படுத்திருந்த நிலையிலும் பிரச்சாரத்துக்கு தொகுதிக்கே போகாமல் சட்டசபைத் தேர்தலில் நின்று ஜெயித்து அரசியல் எதிரிகளை அதிர வைத்த செல்வாக்கு!

அதுமட்டுமா, மேற்குறிப்பிட்ட அவ்விரு சம்பவங்களிலும் எம்.ஜி.ஆரின் பேச்சுத் திறன் பாதிக்கப்பட்ட போதும் அவரை அவராகவே அப்படியே ஏற்று அள்ளி அரவணைத்துக் கொண்ட மக்களின் அபிமானம் !!

இப்படி ஆச்சரியம் அல்லது அதிசய நிகழ்வுகளை உள்ளடக்கிய எம்.ஜி.ஆரின் வாழ்க்கைக் காலம் மொத்தம் 70 ஆண்டுகள். அதில் சுமார் 40 ஆண்டு கால சினிமா வாழ்க்கையில் (1936- 1977) அவர் நடித்தது மொத்தமே 136 படங்கள் தான். இதன் ஊடே 1953ம் ஆண்டு எம்.ஜி.ஆர். திமுகவில் சேர்ந்தது தொடங்கி அரசியலில் முழுவீச்சில் ஈடுபட்டது (1987ல் தமிழக முதலமைச்சராக மரணமடையும் வரை) 34 ஆண்டுகள் தான்.

MGRஆரம்பத்தில் அவர் ஆட்சியை பிடித்த போது 'சினிமா கவர்ச்சி' என்றார்கள். இந்த மாயை சீக்கிரமே விலகி விடுமென்றார்கள். ஆனால், இன்றளவுக்கும் கணக்குப் பார்த்தால் எம்.ஜி.ஆர். சினிமாவை விட்டு விலகி சரியாக 37ஆண்டுகள் ஆகிறது. அவ்வளவேன், அவர் மண்ணை விட்டு மறைந்தே சுமார் 27 ஆண்டுகள் ஆகி விட்டது. ஆனால் இன்றளவும் அவர் முகமும் பெயரும் தான் தமிழக அரசியலில் அசைக்க முடியாத ஓட்டு வங்கி. அவரது காலத்தில் அவருக்கு அரசியல் எதிரிகளாக இருந்தவர்களானாலும் சரி... நேற்றைக்கு புதியதாக கட்சி ஆரம்பித்தவர்களானாலும் சரி.. எம்.ஜி.ஆர். பெயரைச் சொல்லி தான் ஓட்டுகள் வாங்க முடியுமே தவிர திட்டி வாங்கிட முடியாது என்பது தான் நிகழ்கால நிதர்சனம்.

courtesy -net

---

அன்பு நண்பர் வினோத் அவர்களுக்கு, வணக்கங்கள். தாங்கள் வெளியிட்ட இந்தப் பதிவு வலைத்தளத்திலிருந்து பதிவிறக்கம் செய்யப்பட்டது. தங்களுடைய கருத்து அல்ல என்பது தெளிவாகிறது. ஆனாலும் இதில் கீழ்க்காணும் வரிகளை என்னால் துளியும் ஏற்றுக் கொள்ள இயலவில்லை.
[Bஅதே போல், அவரது முகம் நுணுக்கமான, நெகிழ்வான உணர்வுகளை பளீரென பிரதிபலிக்காத தன்மை கொண்ட 'Metallic' என்றும் 'தூண்' என்றும் விமர்சித்து பலர் ஆரம்ப காலத்தில் சினிமாவில் சான்ஸ் தராமல் நிராகரித்தார்களாம். இந்த பலவீனத்தையும் புரிந்துக் கொண்ட எம்.ஜிஆர்., அதற்கேற்ப மாறுபட்ட உணர்ச்சிகளை வெளிப்படுத்தும் உணர்ச்சிப்பிழம்பான கதையம்சங்களை தவிர்த்தார். தனக்கு தோதான கதாபாத்திரங்களையேத் தேர்ந்தெடுத்தார். [/B]
தங்களது கருத்தும் அதுவாகவே இருக்கும் என்பது என் எண்ணம். தயவு செய்து மக்கள் திலகத்தினைப் பற்றிய செய்திகளை பதிவிறக்கம் செய்யும் போது இது போன்ற தவறான கருத்துக்களைப் பதிவேற்றம் செய்ய வேண்டாம் என்று கேட்டுக் கொள்கிறேன். மக்கள் திலகத்தின் ஒவ்வொரு படத்தையும் பல முறை பார்த்து நவரசத்தையும் கொட்டி உணர்ச்சியுடன் அவரது மாறுபட்ட நடிப்புத் திறனைப் பார்த்துப் பார்த்து பரவசம் அடைந்த நம் போன்றோருக்குத் தெரியும் அவர் எப்படிப்பட்ட மிக மிக மிக சிறந்த நடிகர் என்று. இது போன்ற துளிகூட உண்மையில்லாத கருத்தை அதன் பின்னால் வரும் பாராட்டுரைகளுக்காகக் கூட மன்னிக்க இயலாது. சேலத்தைச் சார்ந்த அருமை நண்பர் முத்தையன் அவர்கள் வெகு அற்புதமாக மக்கள் திலகத்தின் முகம் மாறுபட்ட பல்விதமான உணர்ச்சிகளைக் காட்டும் புகைப்படங்களைப் பதிவிட்டு மக்கள் திலகத்தின் படங்களைப் பார்க்காதவர்கள் கூடப் புரிந்து கொள்ளும் வகையில் நடிகர் பேரரசரின் முகம் எவ்வளவு அழகாக எல்லாவிதமான உணர்ச்சிகளையும் வெளிக்காட்டுகிறது என்பதை விளக்கி மாபெரும் சேவை புரிந்திருக்கிறார். தயவு செய்து எங்களது மன உணர்வுகளைப் புரிந்து கொள்ளுங்கள் , நெட்டில் கிடைக்கும் கட்டுரைகளை முழுமையாகப் படித்துவிட்டு பதிவேற்றுங்கள்என்று கேட்டுக் கொள்கிறேன். மக்கள் திலகத்தின் மீது காழ்ப்புணர்ச்சி கொண்ட யாரோ ஒருவர் தான் மக்கள் திலகத்தின் ரசிகர்கள் இக் கட்டுரையைப் படிக்க வேண்டும் என்பதற்காக அவரைப் பாராட்டுவது போல் எழுதிவிட்டு நடுவே நஞ்சைக் கக்கி இருக்கிறார் என்றே நான் கருதுகிறேன். எந்தத் திறமையிலும் எவருக்கும் எங்கள் எம்.ஜி.ஆர் சளைத்தவர் அல்ல என்பதை அழுத்தமாகப் பதிவு செய்ய விரும்புகிறேன். He had no minus points, only plus points. All that he had in him is Good, All that he said is Good. All that he done is also Good.

இனிய நண்பர் திருஜெய்சங்கர்

இணையத்தளத்தில் இருந்து எடுத்து பதிவிட்ட மக்கள் திலகத்தை பற்றிய சிறப்பு கட்டுரையில் தவறுகள் இருப்பது உண்மை .ஏற்று கொள்ள முடியாத சில வரிகளை எடிட் செய்யாமல் பதிவிட்டதின் காரணம் எந்த அளவிற்கு மக்கள் திலகம் அவர்களை திரை உலகினர் மற்றும் விமர்சகர்கள் தவறான கண்ணோட்டத்தில் அவரை விமர்சனம் செய்தார்கள் என்பதை இன்றைய தலை முறையினர் அறிந்து கொள்ளவே பதிவிட்டேன்

நீங்கள் குறிப்பிட்டதை போல இனிய நண்பர் திரு முத்தையன் அவர்கள் பதிவிட்டு வரும் மக்கள் திலகத்தின் பல்வேறு நடிப்பு முகபாவங்கள் ஒன்று போதுமே நம் மக்கள் திலகத்தின் நடிப்பின் வெளிப்பாடுகள் . கட்டுரையை முழுமையாக படித்த பின்னர்தான் பதிவிட்டேன் . உங்கள் மனதுபுண்பட்டதால் என்னுடைய பதிவை நீக்கி விட்டேன் . நன்றி .திரு ஜெய்சங்கர் .

இனிய நண்பர் லோகநாதன் சார்

மதுரை நகரில் வெளிவந்த மக்கள் திலகத்தின் எங்க வீட்டு பிள்ளை மற்றும் அன்பே வா போஸ்டர்ஸ் மற்றும் திரை
அரங்கு நிழற் படங்கள் அருமை .

இனிய நண்பர் திரு முத்தையன் சார்

மக்கள் திலகம் எம்ஜிஆர் ஸ்டில்ஸ் - ராக்கெட் வேகத்தில் செல்கிறது .

http://i61.tinypic.com/efq5wi.jpg