KOLANGAL - unkal paakam

எதிர்பார்த்தபடி ஆதி அம்மா காஞ்சனாவிடம் போய் தன் மனக்குமுறல்களைக் கொட்டுகிறான்.

‘கேட்டியாம்மா அவள் என்ன பண்ணியிருக்கான்னு?. என்னை எல்லார் முன்னாடியும் தலைகுனிய வைக்கிறதுக்காக என்னவெல்லாம் பண்ணுகிறாள் தெரியுமா? என்னால் தாங்க முடியலைம்மா’ ஆதியின் கூச்சலைக்கேட்ட காஞ்சனாவுக்கும் ரேகாவுக்கும் அந்த ‘அவள்’ யாரென்று புரியவில்லை. ஒருவேளை வழக்கம்போல அபியைப்பற்றித்தான் சொல்கிறானென்று நினைத்து ‘நீ யாரைப்பா சொல்றே?’ என்று கேட்க, ஆதியின் குமுறல் மேலும் வெடிக்கிறது. 'வேறு யார், உன் மருமகள் அந்த உஷாதான். நான் கட்டிய தாலியை தூக்கி எறிஞ்சதோடல்லாமல், என் எதிரியான அந்த தொல்காப்பியனோடு கைகோர்த்துக்கிட்டு சுத்துறாளாம். அதைப்பார்த்த பில்டர்ஸ் அசோஸியேஷன் மெம்பர்களெல்லாம் என்னைக் கையாலாகதவன், மனைவியை இப்படி ஊர்சுற்றவிட்டு விட்டு கண்டும் காணாமல் ஒதுங்கியிருப்பவன் என்றெல்லம் பேசுறாங்களாம். கிரி கேட்டுட்டு வந்து என்கிட்டே சொன்னான். அதைகேட்டதிலிருந்து எனக்கு எப்படியிருக்கு தெரியுமா?’ என்று வீடே ரெண்டுபடுவது போல் கத்த, அம்மா காஞ்சனா சமாதானம் சொல்கிறாள்.

‘அந்த கேடு கெட்டவள் எப்படிப்போனா உனக்கென்னடா?. அவளை நினைத்தெல்லாம் கவலைப்படணும்னு உனக்கென்ன தலையெழுத்தா?. நீ மட்டும் சரின்னா இன்னைக்கே எத்தனையோ பணக்கார பெண்கள் உன்னைக் கல்யாணம் செய்ய போட்டி போட்டுக்கிட்டு வருவாங்க. கழிசடை ஒழிந்தாள் என்று நிம்மதியாக இருப்பதை விட்டுட்டு யாரோ எதையோ சொன்னதுக்காக நீ வருத்தம் அடையாதே’.

அம்மாவின் ஆறுதலான வார்த்தைகள் அவன் கோபத்தைதணிக்க, ‘ஸாரிம்மா, இதையெல்லாம் உங்க கிட்டே சொன்னதுனால என் மனப்பாரம் குறைஞ்ச மாதிரி இருக்கு. இந்த கவலையில் நான் செய்ய வேண்டியதை மறந்திடுவேனோன்னு மட்டும் நினைக்காதீங்க. அந்த அபி நடத்தப்போகும் சஷ்டியப்த விழாவை நிச்சயம் நடக்க விட மாட்டேன்’ பேசிக்கொண்டே மாடிக்குபோகும் மகனை நிம்மதியோடு காஞ்சனா பார்க்கிறாள்.

ஆதி தேவராஜ பான்டியன், திருவேங்கடம் மூவரும் மதுவருந்திக்கொண்டிருக்க, கிரி அவர்களுக்கு ‘ஊற்றிக்கொடுக்கும்’ வேலையில் இருக்க, வழக்கம்போல திருவேங்கடத்தின் உளறல்கள். ‘நீங்க எம்.எல்.ஏ.ஆனதில் எங்க பாஸுக்கு என்ன லாபம்’ என்று கிரி கேட்க, ‘இதுவரை என்ன செய்யணும்னு ஆதி சொல்லவே இல்லையே, அது மட்டுமல்ல அவன் ஒருமுறை கூட என்னை சித்தப்பா என்று அழைத்ததும் இல்லை. சர் இப்ப என்ன செய்யணும்னு சொல்லு’ என்று திருப்பிக் கேட்க, ‘உஷாவின் கதையைச்சொல்ல கிரி முன்வரும்போது ஆதி அவனை அடக்குகிறான். உடனே கிரி பிளேட்டை மாற்றி, ‘அபி நடத்தப்போகும் விழாவை தடுக்க முடியுமா என்று கேட்க, அவரோ போதையில் உளறுகிறார். மொத்தத்தில் இரண்டாவது பகுதி சுத்த வேஸ்ட். நேரத்தைக்கடத்த தொல்ஸ் கையாளும் தந்திரம், நமக்கோ தலைவலி.

அபி அலுவலக மீட்டிங் அறையில் அமர்ந்து அழைப்பிதழ்களுக்கு பெயர் எழுதிக்கொண்டிருக்க, கிருஷ்ணன் ஒவ்வொன்றாக சொல்லிக்கொண்டு வருகிறார். அப்போது கற்பகமும் சாரதாவும் அங்கு வர, அபி வேலையில் மும்முரமாக இருப்பதைக் கண்ட சாரதா, ‘கொஞ்ச வேலைகளை மற்றவர்களுக்கும் பிரித்துக்கொடுக்கலாமே. வெளி வேலைகளையெல்லாம் மனோவிடம் கொடுக்கக்கூடாதா?’ என்று சொல்லிக்கொண்டிருக்கும்போதே மனோ, தன் மனைவி அனுவுடன் அங்கு நுழைகிறான் (விழாவை நிறுத்துவது பற்றிப் பேசும் நோக்கத்துடன்).

அவன் வந்த விவரம் தெரியாத அபி, மண்டபத்துக்கான அட்வான்ஸ் தொகையைக் கட்டிவிட்டு வருமாறு அவனிடம் நீட்ட, அவன் தயங்க, ‘ஏன் உனக்கு வேறு ஏதாவது வேலையிருக்கிறதா?’ என்று அபி கேட்க, அவன் பதில் சொல்லப்போகிறன் என்று பார்த்தால்.... அட அதற்குள் நேரம் முடிஞ்சு போச்சு.

Quote:

---

Originally Posted by saradhaa_sn

மொத்தத்தில் இரண்டாவது பகுதி சுத்த வேஸ்ட். நேரத்தைக்கடத்த தொல்ஸ் கையாளும் தந்திரம், நமக்கோ தலைவலி.

---

ஒன்றா இரண்டா
5 வருடங்களை அல்லவா கடத்திவிட்டார்.
இன்னும் எத்தனை வருடங்களோ ..
ஆதங்கத்துடன்....

Quote:

---

Originally Posted by saradhaa_sn

அட அதற்குள் நேரம் முடிஞ்சு போச்சு.

---

எப்படா முடியும்ணு காத்திருகிறவர்களுக்கு ஓரு வரப்பிரசாதம்..

நனறி சாரதா

Thanks for the update Saradha madam :ty:

‘அக்கா உன் கிட்டே கொஞ்சம் தனியா பேசணும்’

‘பரவாயில்லை, இங்கே யாரும் வெளியாட்கள் இல்லை. சொல்லு’

‘இப்போதைக்கு இந்த சஷ்டியப்த விழா அவசியம்தானா?. இவ்வளவு நாள் எங்கே இருந்தார்னே தெரியாது. நம்மைப்பற்றி இதுவரை அவர் கவலைப்பட்டதும் கிடையாது. திடீர்னு வந்திருக்கும் அப்பாவுக்கு நாம் எதுக்காக சஷ்டியப்த விழாவெல்லாம் கொண்டாடணும்?. நமக்காக இத்தனை நாள் அப்பா என்ன செய்தார்?. எப்போது அந்த ஆதி குடும்பத்தோடுதானே நெருக்கமாக இருந்தார்?’

இப்போது கற்பகம் குறுக்கிடுகிறாள். ‘டேய் என்னடா சொல்றே?. நீங்கள்ளாம் அவருடைய புள்ளைங்கடா. அவர்தான் உங்களுக்கெல்லாம் அப்பா, நான் அவருடைய சட்டப்படியான முதல் மனைவி. நாம நடத்தாம வேறு யார் நடத்துவாங்க?’

‘இருக்கட்டும்மா. ஆனா இவ்வளவு நாள் அவர் அந்த ஆதி குடும்பத்தோடு தானே இருந்தார்?. அப்படீன்னா அவங்களே இதையெல்லாம் நடத்திட்டுப்போகட்டுமே. நமக்கு எதுக்கு வீண் செலவும் சிரமமும்?’

மனோவின் உள்நோக்கம் அபிக்கு தெரிஞ்சு போக, ‘சபாஷ், ரொம்ப நல்லா பேச கத்துக்கிட்டேடா. யார் சொல்லி இப்படியெல்லாம் பேசுறேன்னு தெரியுது. அனு ட்ரைனிங் கொடுத்தாளா?. நம்ம குடும்பத்துக்கு சாதகமாக பேசுவதுபோல அந்த ஆதியின் குடும்பத்துக்கு சாதகமா பேச வந்திருக்கியா?. இதோ பாருடா, நான் உன்னை நம்பி இந்த சஷ்டியப்த விழாவை நடத்தலை. நீ போனாலும் நாங்க மூணு பொண்ணுங்களும் நடத்துவோம். நீ போறதுன்னா போடா’

‘என் முடிவை நான் சொல்லிட்டேன். அப்புறம் உங்க இஷ்ட்டம். நான் இந்த விழாவில் கலந்துக்க மாட்டேன்’. அனுவை அழைத்துக்கொண்டு வெளியேறப்போகும் மனோவை சமாதனப்படுத்த சாரதா எடுத்த முயற்சிகள் பலனளிக்கவில்லை. அவன் போயே விட்டான். வழக்கம்போல அழத்துவங்கும் கற்பகத்தை சமாதானப்படுத்த, ‘அவன் போறான் விடும்மா, நாங்க மூணு பொண்ணுங்களும் இந்த விழாவை ஜாம் ஜாம்னு நடத்துறோம் (ஆர்த்தி அடுத்த குண்டைப் போடப்போவது அபிக்கு தெரியாது, பாவம்). நான் போய் மண்டபத்துக்கு அட்வான்ஸ் கொடுத்திட்டு வாரேன்’. அபி சென்றதும் கற்பகத்தின் அழுகை மீண்டும் தொடர, சாரதா சமாதனப்படுத்த முயல்கிறாள். (முயல்கிறாள் அவ்வளவுதான்..... ஆனால் கற்பகத்தின் கண்கள் இடையிடையே வற்றிப்போகும் குற்றாலமோ, சிவசமுத்திரமோ அல்ல. என்றைக்கும் கொட்டிக்கொண்டிருக்கும் நயாகரா)..

மேனகாவைப்பார்க்க ஆதி வருகிறான். (மேடத்தைப்பார்த்து எவ்வளவு நாள் ஆச்சு). ‘என்ன ஆதி அசோஸியேஷன் தலைவர் தேர்தலில் மும்முரமாக இருக்கீங்க போலிருக்கு’.

‘யெஸ் மேடம், இத்தனை வருஷமா போட்டியில்லாமல் நானே ஜெயிச்சு வந்தேன். இப்போ அந்த அபி குறுக்கே வந்திருக்கா. அவளை நாண் வளர விட்டது தப்பா போச்சு’.

‘நோ மிஸ்ட்டர் ஆதி, அந்த அபியை நீங்க வளர்த்து விடலை, உங்களை எதிர்த்து தானா வளர்ந்திருக்கா’.

‘மேடம் நான் சொன்னா தப்பா எடுத்துக்க கூடாது, அவள் உங்களையும்தான் எதிர்த்து வளர்கிறாள்’.

‘அப்படீன்னா அவளை என்னாலும் ஒண்ணும் செய்ய முடியலைன்னு குத்திக் காட்டிறீங்களா ஆதி?’

‘நோ மேடம், இப்போ என்னுடை இமேஜை ஸ்பாய்ல் பண்ற மாதிரி இன்னொருத்தி கிளம்பியிருக்கா. அதுதான் என்னுடைய மூட் அவுட்டுக்கு காரணம். அது வேறு யாருமல்ல, என் மனைவி உஷாதான். அந்த தொல்காப்பியனுடன் சேர்ந்துகொண்டு சுற்றுவதைப்பற்றி நம்ம அசோஸியேஷனிலேயே ஒரு மாதிரியா பேச ஆரம்பிச்சுட்டாங்க’.(இப்போ மேனகா ஜாடை காட்ட அவளுடைய எடுபிடிகள் அவ்விடத்தை விட்டு அகலுகின்றனர், நிலைமையை அறிந்த கிரியும் அவர்களுடன் வெளியேற மேனகாவும் ஆதியும் தனிமையில்).

‘ஆதி நீங்க ஆரம்பத்திலேயே தப்பு பண்ணிட்டீங்க. உங்க மனைவியை உங்க கண்ட்ரோலிலேயே வைத்திருக்க வேண்டும். அதுதான் பிஸினஸ்மேனுக்கு அழகு. இப்போ எனக்கு ஒரு கணவர் இருந்தால் அவரையும் என் காலடியில்தான் வைத்திருப்பேன். என்னதான் பிஸினஸ் வேறு குடும்பம் வேறு என்று நாம் நினைத்தாலும் எதாவது ஒரு கட்டத்தில் ரெண்டும் மெர்ஜ் ஆயிடும். அதுனாலதான் சொல்றேன், முதலில் உங்க மனைவி உஷாவை உங்க கஸ்டடியில் கொண்டு வாங்க’.

யெஸ் மேடம், நீங்க சொல்றது கரெக்ட். இனி நான் வேறு வழியில் அப்ரோச் பண்ணப்போறேன். வருகிறேன்’.

கிருஷ்ணனிடம் கீதோபதேசம் பெற்ற அர்ஜுனனாக ஆதி வெளியேறுகிறான்.

காஞ்சனா வீட்டுக்கு வரும் மனோவும் அனுவும் ரொம்ப உற்சாகமின்றி காணப்படுவதை உணர்ந்த காஞ்சனா, ‘என்ன ஆச்சு?. ரொம்ப வீராப்பா போனீங்களே, இப்போ அந்த அபி செய்வதுதான் சரின்னு சொல்ல வந்திருக்கீங்களா?. அப்படி சொல்ல்றமாதிரி அவள் உங்களை மாத்தி அனுப்பிட்டாளா?’ என்று காஞ்சனா கேட்க, ‘இல்லமா, இவரும் எவ்வளவோ சொல்லிப்பார்த்தார், அவங்க யாரும் கேட்கலை. அந்த வீட்டில் இவருடைய வார்த்தைகளுக்கு அவ்வளவுதாம்மா மதிப்பு’ என்று அனு கூற, ‘ஆனால் அந்த விழாவில் நாங்க கலந்துகொள்ள மாட்டோம்னு சொல்லிட்டு வந்துட்டோம், இனி நாங்க உங்க பக்கம்தான் இருப்போம்’ என்று கூறும் மனோவைப்பார்த்து,’நீங்க ரெண்டு பேரும் என் பக்கம் இருப்பது எனக்கு நிம்மதியாக இருக்கிறது. ஆனால் உங்களால் முடியாததை என் மகன் ஆதி செய்துமுடிப்பான். அபி நடத்தும் விழாவை நடக்காமல் செய்வதன்மூலம் அந்த அபிக்கு தான் யாருன்னு காட்டுவான்’ என்று காஞ்சனா கொக்கரிக்கிறாள்.

உஷாவின் வீடு.... உஷா, அம்மா, அப்பா, தொல்ஸ் அமர்ந்து பேசிக்கொண்டிருக்கும்போது உஷாவின் அப்பா, ‘என்ன இருந்தாலும் அபி உங்களை இப்படி இன்ஸல்ட் பண்ணியிருக்கக் கூடாது. அதென்ன உஷாவுக்கு மட்டும் அழைப்பிதழ் கொடுத்துவிட்டு உங்களைப் புறக்கணிப்பது?’.

‘ஓ... சொல்லிட்டீங்களா உஷா?’

‘இதிலென்ன தப்பு?. அவள் செஞ்சது தவறுதானே. என்ன இருந்தாலும் நீங்க அவளுக்காக செய்ததெல்லாம் இவ்வளவு சீக்கிறத்தில் மறந்து உங்களை தவிர்ப்பாள் என்று நினைக்கவில்லை’

‘அதெல்லாம் இல்லை உஷா, இப்போ ஒரு சின்ன பிரச்சினை, அதனால் விலகியிருக்காங்க’

‘சும்மாயிருங்க தொல்ஸ், இப்பவும் கூட அவளுக்கே சப்போர்ட் பண்ணி பேசாதிங்க. எப்படி உங்களால் எல்லாத்தையும் மறந்து இப்படி தியாகி வேடம் போட முடியுது?’

‘அப்படியில்லை உஷா…., அன்னைக்கு அசோஸியேஷன் அலுவலக்த்தில் கூட நல்லாத்தானே பேசினாங்க?’

‘அது சும்மா ஒரு சம்பிரதாயத்துக்காக நம்ம புது பிஸினஸுக்கு வாழ்த்து சொன்னாள். அவ்வளவுதான்’

இப்போது உஷாவின் ஃப்ளாட்டில் படியேறிவரும் ஆதி, வெளியில் நின்றுகொண்டு கிரியை உள்ளே அனுப்பி உஷாவை அழைத்து வரச்சொல்கிறான். உள்ளே போகும் கிரி, அங்கு அவளது பெற்றோர் மட்டுமல்லது தொல்காப்பியனும் கூட இருப்பதைப்பார்த்து, ‘மேடம், பாஸ் உங்களுடன் பேசணுமாம். வெளியில் நிற்கிறார். உங்களை அழைத்துவரச்சொன்னார்’.

‘கிரி, இங்கேயிருப்பவர்கள் யாரோ எவரோ அல்ல, எல்லோரும் என்னைப்பற்றியும் உங்க பாஸைப்பற்றியும் தெரிந்தவர்கள்தான். இங்கே வந்து பேசச்சொல்லுங்கள்’.

‘உஷா நான் வேண்டுமானால் போயிட்டு அப்புறம் வர்ரேன். நீங்க பேசுங்க’ என்று தொல்காப்பியன் வெளியே செல்ல முயற்சிக்க, ‘பரவாயில்லை தொல்ஸ், குடும்ப விஷயத்தை போயும் போயும் ஒரு செக்ரட்டரியை விட்டுப் பேசச்சொல்லி அவர் அனுப்பியிருக்கும்போது நீங்க இருப்பதில் தவறில்லை’ என்று கூறும் உஷா கிரியின் பக்கம் திரும்பி, ‘கிரி, ஒண்ணு அவரை இங்கே வந்து பேசச்சொல்லுங்க. அல்லது என்ன விஷயம்னு நீங்க சொல்லுங்க’.

‘எங்க பாஸ் உங்களை ‘டைவர்ஸ்’ பண்ண முடிவு பண்ணியிருக்கார்’.

அதிர்ச்சியில் நால்வரும் சோபாவை விட்டு எழுந்து நிற்க, உஷாவின் குழப்பமான முகத்தில் கேமரா உறைய..........,

Quote:

---

Originally Posted by saradhaa_sn

கேமரா உறைய..........,

---

அந்த கேமராவை அப்படியே எங்கள் கண் முன்னும் நிறுத்தியதற்கு நன்றி சாரதா

Saaradha madam... daily am reaching home only by 10 or 11... so missing this serial... but ur posts are compensating that... ur write-up is more realistic... ungal sevai thodarattum :clap: Thanks for ur wonderful write-ups till date :D

saradha madam :clap:, this episode is especially nice with direct speech. I could visualise each and every characters through your words...
wow, keep up the work madam :D

Quote:

---

Originally Posted by saradhaa_sn

அபி சென்றதும் கற்பகத்தின் அழுகை மீண்டும் தொடர, சாரதா சமாதனப்படுத்த முயல்கிறாள். (முயல்கிறாள் அவ்வளவுதான்..... ஆனால் கற்பகத்தின் கண்கள் இடையிடையே வற்றிப்போகும் குற்றாலமோ, சிவசமுத்திரமோ அல்ல. என்றைக்கும் கொட்டிக்கொண்டிருக்கும் நயாகரா)..

---

:rotfl: wow, enna oru udharanam :rotfl:

Quote:

---

Originally Posted by saradhaa_sn

கிருஷ்ணனிடம் கீதோபதேசம் பெற்ற அர்ஜுனனாக ஆதி வெளியேறுகிறான்.

---

wow wow, this quote simply visualise how Aadhi wld have gone to Geetha's place

Quote:

---

Originally Posted by saradhaa_sn

அதிர்ச்சியில் நால்வரும் சோபாவை விட்டு எழுந்து நிற்க, உஷாவின் குழப்பமான முகத்தில் கேமரா உறைய..........,

---

wow wow wow.... wat a great freeze.... and make us eagerly waiting for the next episode :D
:thumbsup:

Thanks a lot aanaa, Madhushree & Arthi....

தன்னுடைய பாஸ் ஆதி, உஷாவை டைவர்ஸ் பண்ணப்போவதாக கிரி சொன்ன தகவல் முதலில் உஷாவுக்கு அதிர்ச்சியாக இருந்தாலும், உடனே சுதாரித்துக்கொண்டு ‘இது நான் முன்பே எதிர்பார்த்ததுதான்’ என்கிறாள். ஏதோ சொல்ல வரும் அப்பாவையும் அம்மாவையும் தடுக்கிறாள். ‘கிரி, உங்க பாஸ்தானே என்னை டைவர்ஸ் பண்ணப்போறார். அதுக்காக நீங்க ஏன் முகத்தை தொங்கப்போட்டுக்கொண்டு இருக்கீங்க?’ என்று கேட்க, அந்நேரம் உள்ளே நுழையும் ஆதி, ‘தெரியும்டி, நீ இப்படித்தான் பேசுவேன்னு எனக்கு நல்லாவே தெரியும்’ என்றவன் உஷாவின் அப்பாவைப்பார்த்து ‘என்னைய்யா பொண்ணை வளர்த்து வச்சிருக்கே கொஞ்சம் கூட மட்டு மரியாதை தெரியாதவள்’ என்று சீற, உடனே உஷா ‘இதோ பாருங்க ஆதி, நீங்க ‘டி’ போட்டுப்பேசினால் நானும் ‘டா’ போட்டுப் பேசவேண்டியிருக்கும். என்னோடு பேசிக்கொண்டிருக்கும்போது எங்க அப்பாவிடம் ஏன் பாய்றீங்க?. நீங்களும் நானும் வாழ்ந்த வாழ்க்கைக்குப் பெயர் வாழ்க்கையா?. என்னைக்குமே நாம புருஷன் பெஞ்சாதியாய் வாழ்ந்ததே கிடையாது’ என்று கூற, அதற்கு ஆதியும் ‘அதுக்குத்தான் நாம் ரென்டு பேரும் சுமுகமா பிரிஞ்சிடுவோம்னு சொல்றேன். இந்த மியூச்சுவல் அக்ரிமெண்ட்டில் கையெழுத்துப் போட்டுக்கொடு’ என்று அக்ரிமெண்ட்டை நீட்ட, இப்போது உஷா வெடிக்கிறாள்.

‘இந்த ஒப்பந்தத்தில் நான் கையெழுத்துபோட்டுக் கொடுப்பதன்மூலம், தவறு அனைத்தும் என்மீதுதான் என்பதைபோல ஆகிவிடும். அதை நான் என்னைக்கும் ஒப்புக்கொள்ள மாட்டேன். நீங்க ஒரு ஆணாதிக்க வெறியர் . பெண்களின் உணர்வுகளை மதிக்கத்தெரியாத ஒரு காட்டுமிராண்டி. சும்மா கோட்டும் சூட்டும் போட்டுக்கொள்வதால் நாகரிக மனிதனாக தோற்றமளிக்கிறீர்கள், ஆனால் உள்ளுக்குள் நீங்க ஒரு பக்கா சுயநலவாதி. உங்களுக்கு டைவர்ஸ் வேணும்னா கோர்ட் மூலமா வாங்க. அப்போ யார் மீது என்ன தப்புன்னு இந்த ஊருக்கு தெரியட்டும்’ என்று பதிலுக்கு கத்த, பக்கத்தில் நிற்கும் தொல்காப்பியனைப்பார்த்து முறைத்தவாறு ஆதி வெளியேறுகிறான்.

பத்திரிக்கையாளர்களின் உண்ணாவிரதப் பந்தலில் தோழர் பாலகிருஷ்ணனும், கார்த்திக்கும் மற்ற பத்திரிக்கையாளர்களும் அமர்ந்திருக்க, தொலைக்காட்சி நிருபர்கள் அவர்களைப் பேட்டியெடுக்கின்றனர்.

சமீபத்திய தொடர் அடிகளால் மன நிம்மதியிழந்த ஆதி, கிரியிடம் தன் மனப்பாரத்தைபற்றிப் புலம்பிக்கொண்டிருக்கிறான். அச்சோஸியேஷன் தலைவர் தேர்தலில் அந்த அபி தன்னை எதிர்த்துப்போட்டியிட்டு தனக்கு பெரிய சவாலை உண்டாக்கியிருப்பது போதாதென்று, இப்போது தன் மனைவி உஷாவும் தன்னைப் பற்றிய இமேஜை தன்னுடைய தொழிலதிபர்களின் வட்டத்தில் உடைத்து நொறுக்கப் புறப்பட்டிருக்க இன்னொரு தலைவலியாக அபி தன் அப்பாவுக்கு அவளுடைய அம்மாவுடன் சஷ்டியப்த விழா நடத்தப் போவதன்மூலம் தனக்கும் தன் அம்மாவுக்கும் தீராத அவமானத்தைத் தர முயற்சிப்பது எல்லாம் ஒரே நேரத்தில் சேர்ந்து வந்து தன்னை நிலைகுலையச் செய்திருப்பதைப்பற்றியும், தன் அப்பா இருக்குமிடத்தை இன்னும் கண்டு பிடிக்க முடியாதிருப்பதையும் கிரியிடம் புலம்ப, தலைமறைவாயிருக்கும் ஈஸ்வரனை ஆதியால் அனுப்பப்பட்டிருக்கும் தேவராஜ பாண்டியனின் ஆட்கள் எப்படியும் கண்டுபிடித்து விடுவார்கள் என்றும், தன்னுடைய பாஸ் இப்போது உஷா விஷயத்தில்தான் கவனம் செலுத்த வேண்டுமென்றும், அதற்கு முன் கொஞ்சம் ரிலாக்ஸாக தொலைக்காட்சியைப் பார்க்கும்ப்படி சொல்லி டி.வி.யை ஆன் பண்ண, அதில் உண்ணாவிதப்பந்தலில் இருக்கும் தோழர் மற்றும் கார்த்திக்கின் பேட்டி ஒளிபரப்பாகிக் கொண்டிருக்கிறது.

அதைப்பார்த்த் ஆதிக்கு இன்னும் அதிர்ச்சி, என்னடா இது தலைவலிக்கு மேல் தலைவலி வந்து இப்படிக் கொல்கிறதேயென்று நொந்துகொண்டே பேட்டியைத் தொடர்ந்து பார்க்க தோழரும் கார்த்திக்கும், ஆனந்திக்கு நடந்தது சாதாரண சாலை விபத்து அல்லவென்றும் திட்டமிட்ட கொலைமுயற்சியென்றும், அந்த கொலை முயற்சியின் பின்னணியில் தொழிலதிபர்களான ஆதித்யாவும், மேனகாவும் இருக்கின்றனர் என்றும், இவர்களின் மோசடி மற்றும் அடாவடித்தனங்களைப்பற்றி ஆனந்தி பத்த்ரிகையில் எழுதியதாலேயே அவர்கள் ஆனந்தியைக்கொல்ல ஏற்பாடு செய்திருந்தனர் என்றும் கூற, பார்த்துக்கொண்டிருக்கும் ஆதி கோபத்தின் உச்சிக்குப்போகிறான். இந்த தொலைக்காட்சி பேட்டியைப் பார்த்துக்கொண்டிப்பவர்கள் மத்தியில் தன் செல்வாக்கு எப்படி சரியும் என்பதையறிந்து திடுக்கிடும் ஆதி, கிரியின் யோசனைப்படி மேனகாவுக்கு போன் செய்து ‘நியூஸ் பார்த்தீர்களா?’ என்று கேட்க அவளோ, ‘பார்த்தேன், ஷேர் மர்கெட் கொஞ்சம் சரிந்திருக்கிறது. அத்துடன் இரண்டு பில்டர்ஸ் ஒன்று சேர்ந்து ஒரு புதிய ஸ்டார் ஓட்டல் கட்டப்போகிறார்கள்’ என்று தன் தொழில் ரீதியான நியூஸ்களைச்சொல்ல, ஆதி கார்த்திக்கின் ட்.வி.பேட்டியைப் பற்றிக்கேட்க அதையெல்லாம் தான் பெரிதாக எடுத்துக்கொண்டு அவர்களை வளர்த்துவிட விரும்பவில்லையென்று சொல்லி போனை ‘கட்’ பண்ணுகிறாள்.

அபியின் நடவடிக்கைகளை முடக்க இப்போது ஆதி அந்த கார்த்திக்குடன் நேரடியாக மோத தீர்மானிக்கிறான்.

மேனகாவைப்பார்க்க ஆதி வருகிறான் (கிரியோடுதான்). ரொம்பவும் பிஸியாக போனில் இருக்கும் அவள் ஆதி வந்த விஷயத்தைக்கேட்க, அவளது அட்வைஸ்படி உஷாவுக்கு வக்கீல் மூலமாக டைவர்ஸ் நோட்டீஸ் விட்டிருப்பதாகச்சொல்ல, அவள் அதைப் பாராட்டும் நேரம் ஆதி, கார்த்திக்கின் உண்ணாவிரதப்பந்தல் பேட்டியைப்பற்றிச் சொல்லத் துவங்க அதில் அவள் சிரத்தை காட்டவில்லை. அவனுக்கெல்லாம் முக்கியத்துவம் கொடுத்துப் பேசி வளர்த்துவிட விரும்பவில்லையென்று சொல்லி தவிர்க்கிறாள். அவளைப்பற்றியும் கார்த்திக் பேட்டியில் சொல்லியிருப்பதாக சொல்லியும் அவள் சட்டை செய்யவில்லை. இதற்கிடையே அவளுக்கு போன் வர எழுந்து உள்ளே போகிறாள், கூடவே ஜென்னியும். உள்ளே சென்ற அவள் ஏதோ ஃபைல் கேட்க அவளுடைய பிரதான கைத்தடி ரவி அதை எடுத்துக்கொண்டு உள்ளே போக இப்போது அந்த இடத்தில் ஆதியும் கிரியும் மட்டுமே.

தன்னுடைய வீட்டில் கிரியின் வருகைக்காக காத்திருக்கும் ஆதியைச்சந்திக்கும் கிரி, தான் ரொம்ப கஷ்ட்டப்பட்டு மேனகா ஆஃபீஸிலிருந்து திருடி வந்ததாக சட்டைக்குள்ளிருந்து ஒரு ஃபைலை எடுத்து ஆதியிடம் கொடுக்க, அதை வாங்கிப்பார்க்கும் ஆதி, ‘வெரிகுட்’ இதுதான் நான் கேட்ட ஃபைல் என்று சொல்லி கிரியைப்பாராட்டுவதுடன், ‘இதோடு உன் வேலை முடியலை’ என்று சொல்ல, ‘அயோ பாஸ் மீண்டும் திருடனுமா?’ என்று கிரி அலற, ‘இல்லை, இதைக்கொண்டுபோய் அபியின் அலுவலகத்தில் வேலை செய்யும் முருகேசன் என்பவனிடம் கொடுக்க வேண்டும்’ என்று சொல்ல, ‘பாஸ், நாம கஷ்ட்டப்பட்டு எடுத்து வந்த ஃபைலை ஏன் அபியிடம் கொடுக்க வேண்டும்?’ என்று கேட்கும் கிரியிடம் ‘எல்லாம் நடக்கும்போது உனக்கு தானாக தெரிய வரும்’ என்று சொல்லி அனுப்புகிறான். இது, மேனகாவிடம் கார்த்திக்கை மாட்டிவிடும் திட்டம் என்பது நமக்கு தெரிந்துவிடுகிறது.

அப்போது அங்கு வரும் காஞ்சனா, ‘ஆதி, நீ கிரி கிட்டே பேசிக்கிட்டு இருந்ததெல்லாம் நானும் கேட்டேன். நீ உன்னுடைய பிஸினஸ்லதான் மும்முரமாக இருக்கியே தவிர, அந்த அபி நடத்தும் சஷ்டியப்த விழாவைத்தடுக்க எதுவும் செய்ததாக தெரியவில்லை’ என்று சீறுகிறாள். ‘இல்லம்மா, நான் அதை மறக்கலை’ என்று சொல்லும் ஆதியிடம் ரேகா, ‘வெறுமனே ஞாபகத்தில் வைத்திருந்தால் போதாது ஆதி, அதைத்தத்டுக்க உடனடி நடவடிக்கையில் இறங்க வேண்டும். இந்த விஷயம் கேள்விப்பட்ட நாளாக அத்தை சரியாக சாப்பிடுவதில்லை தெரியுமா? என்று சொல்ல, ‘நானும் சும்மா இல்லை ரேகா, அந்த விழாவைத்தடுக்க ஒரே வழி, அப்பாவை அந்த அபிக்கு தெரியாமல் கடத்தி வந்து என் கஸ்டடியில் வைப்பதுதான். அதற்காக அவரைத்தேடும் முயற்சியில் தேவராஜ் பாண்டியன் தன் ஆட்களை மும்முரமாக ஏவி விட்டிருக்கிறார். அவங்க என் அப்பாவை நிச்சயம் கண்டுபிடிப்பாங்க’ என்று பதிலளிக்க, அதற்கு காஞ்சனா ‘அவங்க தேடினா மட்டும் போதாது ஆதி, நீயும் இதில முழுமூச்சய் இறங்கணும். அபி குறித்த நாள் நெருங்கிக்கொண்டிருக்கிறது. அந்த விழா மட்டும் அவள் ஏற்பாடு செய்தபடி நடந்துவிட்டால் அதைவிட நமக்கு அவமானம் கிடையாது. அப்புறம் என்னை நீ உயிரோடு பார்க்க முடியாது’ என்று கடுமையாக எச்சரிக்கிறாள்.

ஆதியின் உத்தரவுப்படி அபியின் ஆஃபீஸ் செல்லும் கிரி, தன் காரில் இருந்தவாறே அந்த ஃபைலை முருகேசனிடம் சேர்ப்பிக்க, அவன் யாரும் அறியாமல் மற்ற ஃபைல்களோடு சேர்த்து அபியில்லாத நேரத்தைப் பயன்படுத்திக்கொண்டு அவளது மேஜையில் வைக்கப்போகும் நேரம் அங்கு வரும் ஆர்த்தி அவனிடம் இருந்து ஃபைல்க்ளை வாங்கி புரட்டிப்பார்க்கும் நேரம், அவளுக்கு போன் வர, ஃபைல்களை அப்படியே அபியின் டேபிளில் வைத்து விட்டு வெளியே போகிறாள்.

மீண்டும் மேனகாவின் அலுவகத்துக்கு (அது அலுவலகமா அல்லது மேனகாவின் வீடா?) வரும் ஆதி அவளிடம் அபி கன்ஸ்ட்ரக்ஷன்ஸ் செய்யவிருக்கும் ‘டிஜிட்டல் வேல்லி ப்ராஜக்டுக்கான’ ப்ரொபோஸல் ஒன்றைக்காட்டி அது மேனகா செய்யவிருக்கும் ‘சேட்டலைட் சிடி’ ப்ளானுடன் ஒத்துப்போவதைச் சுட்டிக்காட்டுகிறான். மேனகாவுக்கும் ‘இது எப்படி அபி கைக்குப் போனது’ என்று அதிர்ச்சி. கார்த்திக்தான் இதை அவளிடம் இருந்து திருடி அபியிடம் கொடுத்திருக்க வேண்டும் என்று ஆதி சொல்ல, உடனே ரவியிடம் சொல்லி தங்கள் கம்பெனி ஃபைலைத் தேடச்சொல்லி மேனகா உத்தரவிட…… அது அங்கு இருந்தால்தானே?. ‘காணவில்லை’ என்ற ரவியின் பதில் ஆதியின் கூற்றை ஊற்ஜிதப்படுத்த, அவள் கோபம் கார்த்திக் மேல் திரும்புகிறது.

என்றைக்குமில்லாமல் கார்த்திக் அபியின் அலுவலகத்துக்கு வருகிறான். (உண்ணவிரதம் என்னாயிற்று?). அந்த வழியாக போனவன் சும்மா பார்த்துவிட்டுப்போகலாமே என்று வந்தானாம். ‘சூப்பர் ஸ்டாரு யாருன்னு கேட்டா’…. ஸாரி… கார்த்திக் எதற்கு வந்திருக்கிறான் என்று கேட்டா ‘சின்னக்குழந்தையும் சொல்லும்’. ஆம், பின்னாலேயே போலீஸ் வரப்போகிறது. அப்படி போலீஸ் வரும்போது கார்த்திக் அங்கு இருந்தால்தானே கையும் களவுமாகப் பிடிக்க முடியும்னு ‘அய்யாச்சாமி’ நினைச்சு முடிக்கலை (நன்றி விஜய்) அதற்குள் போலீஸ் வந்துவிட்டது.

வராத கார்த்திக் வந்திருக்கிறானே என்பதற்காக அபி சும்மாவேனும் ஆனந்தியின் பத்திரிகை எப்படி போய்க்கொண்டிருக்கிறது என்று சம்பிரதாயமாக விசாரித்துக்கொண்டிருக்கும்போது அபியின் கேனுக்குள் போலீஸ் நுழைகிறது. வழக்கம்போல இம்முறை ஆதியோ கிரியோ கூட வரவில்லை, இது மேனகாவின் கம்ப்ளைண்ட் என்று காட்டவோ என்னவோ அவளது பிரதான எடுபிடி ரவி போலீஸுடன் வந்திருக்கிறான்.

‘மேடம் உங்க ஆஃபீஸை சோதனை போடணும்’……..

(அபியின் அதிர்ச்சியான முகத்தோடுதான், காட்சியை திருச்செல்வம் 'ஸ்டில்' பண்ணியிருப்பார்னு உங்களுக்கு தெரியாதா என்ன, 1500 எபிசோடுக்கு மேல் பார்த்திருக்கீங்களே).