Makkal Thilakam MGR -PART 15

http://i60.tinypic.com/24v89sj.jpg

Quote:

---

Originally Posted by g94127302

திரு செல்வகுமார் அவர்களுக்கு , இரு தரப்பினரும் இணைந்து ஒரு காழ்புணர்ச்சியும் இல்லாமல் செயல்படுவோம் என்று நீங்கள் சொன்னது , இந்தியா விற்கு சுதந்திரம் வந்த செய்தி எப்படி அன்று உள்ள அனைவருக்கும் பெரிய மகிழ்ச்சியை அளித்திருக்குமோ , அப்படி எனக்கிருந்தது . மிகவும் நன்றி சார் ! - உங்களுக்கு தெரியாத விஷயம் இல்லை இது - இரு கைகளும் இணைந்தால் தான் சப்தம் வரும் - நியூட்டனின் 3வது சட்டம் போல ( every action has its equal and opposite reaction ) இரு திரிகளும் ஆரோக்கியம் குன்றி வளர்வதால் நமக்கும், நம் அடுத்த தலைமுறைக்கும் என்ன இலாபம் இருக்க முடியும் ? நாம் ஒருவரை ஒருவர் பார்த்ததில்லை . இருந்தாலும் உரிமையுடன் சகோதரர் என்று எழுதுகிண்டீர்கள் - உங்கள் எண்ணங்களை நான் மதிப்பேன் என்ற ஒரு நம்பிக்கைத்தானே என்னை உங்கள் சகோதரர் என்று சொல்லத்தோன்றுகின்றது - அப்படித்தானே மற்றவர்களும் நினைப்பார்கள் - அப்படி அவர்கள் நினைக்காவிட்டால் தான் தவறு .. கண்ணுக்கு புலப்படாத ஏதோ ஒரு சக்தி இங்கே நம்மை எழுதவைப்பத்தின் மூலம் உறவை பிணைக்கின்றது - அதே சக்தி நாளை நேரில் சந்திக்கவும் வழி வகுக்கலாம் - இதில் ஏன் மற்றவரை புண்படுத்தக்கூடிய கடும் சொற்கள் நம்மிடையே ஒரு வில்லனாக வர வேண்டும் ? இரு திலகங்களுக்கும் இல்லாத அந்த குணம் தீவிர பக்தர்களான நமக்குள் ஏன் வளரவேண்டும் - கடிகாரத்தை பின்னோக்கி ஓட வைக்கும் திறன் நமக்கு இருந்தால் - அன்று நடந்த சில தவறுகளை திருத்தி விடலாம் - ஆனால் என்ன செய்வது காலத்தை பின்னோக்கி செல்ல வைக்கும் திறனை நமக்கு இறைவன் ஏனோ கொடுக்க வில்லை . இவர்தான் சிறந்தவர் என்று சொல்வதை சற்றே தவிர்த்து இவரும் சிறந்தவர் என்று சொல்லும் போது ஏற்படும் சுவை தேனிலும் இனியது - உங்கள் எழுத்துக்கள் போல , திரு கலைவேந்தனனின் அழகிய தமிழைபோல --- சத்தியமாக யார் மனமும் புண் பட கண்டிப்பாக வாய்ப்பே இல்லை . நடைமுறை சற்று கடினம் - முடிந்தால் முடிக்க முடியாதது ஒன்றுமே இல்லை - இரு திலகங்களும் காட்டிய வழி இதுதான் . நினைத்ததை முடிப்பவரை தலைவனாக கொண்ட உங்களுக்கு இது ஒரு சவாலே அல்ல ! எங்களுக்கும் அப்படித்தான் - சவால்களை வெற்றிகரமாக சமாளித்த ஒருவரை எங்கள் திலகமாக வைத்து கொண்டிருக்கின்றோம் !!

இந்த பதிவு ஒரு நட்பு முறையில் எழுதப்பட்ட ஒன்று - உங்களுக்கு யோசனை சொல்வதாக எடுத்து கொள்ளாதீர்கள் - எனக்கு அந்த அளவிற்கு திறமையோ , தகுதியோ இல்லை

அன்புடன்
ரவி

---

அன்பார்ந்த திரு.ரவி அவர்களுக்கு,

தங்களது வாழ்த்துக்களுக்கும் பாராட்டுக்களுக்கும் நன்றி. அன்பின் மிகுதியால் நீங்கள் பாராட்டினாலும் அந்த தகுதி எனக்கு இல்லை. உங்களைப் போல அமைதியாக, பொறுமையாக இருக்கும் பக்குவம் எனக்கு இன்னும் வரவில்லை.

சொல்வதற்கு வெட்கமாக இருந்தாலும் மனதில் இருப்பதை சொல்லி விடுகிறேன். இங்கே திரு. ரவிரவி என்ற நண்பர் சில பதிவுகளுக்கு லைக் போட்டிருக்கிறார். திரு.வெங்கிராம் என்ற நண்பர் சமீபத்தில் ஒரு பதிவு போட்டார். நடிகர் திலகம் திரியிலும் இவர்கள் இருவரும் பதிவிட்டிருக்கின்றனர். இவர்கள் திரு.கமல்ஹாசன் அவர்களின் ரசிகர்கள். இவர்களின் பதிவுகளைப் பார்த்த பிறகுதான் நம்மையும் இவர்கள் கவனிக்கிறார்கள் போலிருக்கிறது என்று தெரிந்து கொண்டேன்.

திரு.கமல்ஹாசனின் ரசிகர்கள் என்றால் நமக்கு அடுத்த தலைமுறை ரசிகர்கள். நம்மை விட இளையவர்களாகத்தான் இருப்பார்கள். அதே போல திரு.ரஜினிகாந்த் அவர்களின் ரசிகர்களும் நம்மை கவனிக்கக் கூடும். இவர்களுக்கெல்லாம் வழிகாட்டிகளாக, முன்மாதிரிகளாக இருக்க வேண்டிய mt, nt திரிகளின் நண்பர்கள் சச்சரவுகளில் ஈடுபடுவதை பார்த்து அவர்கள் என்ன நினைப்பார்கள்? என்று நானும் சிந்தித்தேன். அவர்கள் இப்படி சச்சரவுகளில் ஈடுபடுவதாகத் தெரியவில்லை. என் முகம் தெரியாவிட்டாலும் வெட்கமாகத்தான் இருக்கிறது.

சர்ச்சைகளால் என் சிந்தனை ஓட்டமும் பாதிக்கப்படுகிறது. நியூட்ரினோ திட்டம் குறித்து எழுதினேன். அடுத்து, மீத்தேன் எரிவாயு திட்டம் குறித்து எழுதலாம் என்று யோசித்தால், அதைப் பற்றி சிந்திக்க முடியாதபடி சூழ்நிலைகள்.

எனக்கும் தெரிகிறது சார். ‘கலைவேந்தன் ஒரு முட்டாள், ஒழிக..’ என்று யாராவது என்னைத் திட்டி பதிவு போட்டால், நானும் பதிலுக்கு ‘அப்படி பதிவு போட்டவர்கள் வாழ்க...’ என்று பதிவிட்டு போய் விடுவேன். ஆனால், நினைவு தெரிந்த நாள் முதல் ஊனோடும் உயிரோடும் கலந்து விட்ட பொன்மனச் செம்மலை விமர்சிக்கும்போது மனம் கேட்க மாட்டேன் என்கிறது.

இதில் எதேச்சையாக அமைந்த ஒன்றை கவனித்தீர்களா? இரு திரிகளிடையே ஒற்றுமையையும் நல்லிணக்கத்தையும் வலியுறுத்தும் ரவிக்குமார் என்ற பெயர் தாங்கிய இந்துவான உங்களின் அந்தப் பதிவு எண், இஸ்லாமிய சகோதரர்கள் வணங்கும் எண்ணான 786. இதுவே, நல்லிணக்கத்தை உண்மையாக நேசிக்கும் உங்கள் நல்ல மனத்துக்கு சான்று. நீங்கள் விரும்பும் அந்த நல்லிணக்கத்துக்கு எங்கள் ஒத்துழைப்பு எப்போதும் உண்டு.

கடுமையான பணிச்சுமைகளால் வர முடியவில்லை என்று கூறியிருந்தீர்கள். இருந்தாலும் எனது அன்பு வேண்டுகோளுக்கு இரங்கி இரவு 12 மணி அளவில் கூட, சிரமம் பாராது பதிவிட்டிருக்கும் உங்கள் பெரிய மனதுக்கும் அன்புள்ளத்துக்கும் நன்றி. பணிச்சுமை இருந்தாலும் விடுமுறை நாட்களிலாவது இங்கே தொடர்ந்து பதிவிடுங்கள் என்று சிரம்தாழ்த்தி வேண்டுகிறேன். நன்றி.

அன்புடன் : கலைவேந்தன்
சத்துணவு தந்த சரித்திர நாயகன் புகழ் எத்திக்கும் பரவட்டும்

எனக்கு வாழ்த்து தெரிவித்த அன்பு சகோதரர் பேராசிரியர் திரு.செல்வகுமார், 1000 பதிவுகளை விரைவில் இடுவதற்கு ஊக்கமளிக்கும் வகையில் வாழ்த்திய சகோதரர் திரு.லோகநாதன் ஆகியோருக்கு பணிவு கலந்த நன்றிகள்.

அன்புடன் : கலைவேந்தன்
சத்துணவு தந்த சரித்திர நாயகன் புகழ் எத்திக்கும் பரவட்டும்

*** 15வது பாகத்தை துவக்கி வைத்து வழிநடத்தும் மூத்த சகோதரர் குமார் அவர்களுக்கு என் பணிவான வாழ்த்துக்கள். ராமருக்கு உதவிய அணில்போல் இந்த ராமச்சந்தரரின் திரிக்கு எனது கடமை தொடரும்..வாழ்க தலைவரின் புகழ் வளர்க்க அவரின் பக்தர்கள்..***** [/U]

http://i58.tinypic.com/10rk1s4.jpg

http://i61.tinypic.com/1ioo46.jpg

http://i61.tinypic.com/wravec.jpg

http://i59.tinypic.com/2i7tw8n.jpg

http://i58.tinypic.com/2akcv6.png

http://i60.tinypic.com/x3fq80.jpg

http://i61.tinypic.com/1zydmvm.png