Printable View
துணுக்குக் கதைத்திறன் தோய்த்துவெண் பாவில்
இணக்கி இன்புறுத்து முறையும் --- இனிக்கிறதே
பாணி தனிச்சுவையில் பளிச்சிடவே மேற்சென்றீர்
ஏணிப் படிகளிலே நீர்.
இன்னும் எழுதி இவணுலவு நேயரைப்
பின்னும் மனமகிழச் செய்வீரே -- பன்னும்
கவிதை சிறக்க; கருத்தாழம் காணும்
நவைதீர் பயணம் செல.
:exactly::-D
நன்றி மாலா.. அழகிய வெண்பாக்களுக்கு.. கொஞ்சம் பயமாகத் தானிருக்கிறது..சுவையாய் எழுத முயற்சி செய்கிறேன்..
நன்றி பவள மணிக்காவிற்கும்..
*
பலவருடங்களுக்கு முன் முதன் முதலாக என் மனைவியார் திருமணம் முடித்த ஒருமாத்த்தில் அப்போது துபாயில் இருந்த என்னிடம் சேர்வதற்காக வந்தார். அப்போது அவர் அருகில் ஒரு பெண்..கிராமத்துப் பெண்..கையில் குழந்தை- ஒன்றரை இரண்டு வயதிருக்கும்.. கணவ்ன் திருமணம் முடித்துச் சென்றவன் தான். கிட்ட்த்தட்ட மூன்று வருடம் வராமல் இப்போது விசா எடுத்து மனைவியையும் குழந்தையையும் கூப்பிட்டிருக்கிறானாம்..
விமான நிலையத்திலிருந்து வெளிவர என் மனைவியிடம் உதவி கேட்க என் மனைவியும் ஆன உதவியை (விசா வாங்குவது, பெட்டிகள் எடுப்பது என) செய்தார். பின் பெட்டிகள் எடுப்பதற்காக நின்றிருந்த போது வெளியில் கண்ணாடிக் கதவின் பின் என்னைக் கண்டு கொண்டார் என் மனைவி.. கூட இருந்த பெண்ணோ கண்ணாடிக் கதவின் பின்னிருந்தவர்களில் கணவனை அடையாளம் காண முற்பட்டு இவரா..இல்லையில்லை அவரா எனக் குழம்பியது என் மனைவிக்கு மிகவும் உறுத்தலாய் இருந்த்தாம்..அந்தப் பெண்ணுக்கோ விழிகளில் குளம் கட்டியதாம்.. ஆசை முகம் மறக்கடித்தது அயல் நாட்டில் பொருளீட்டும் ஆசை தானே..(வெளியில் வந்து அந்தப் பெண்ணைக் கணவனிடம் சேர்த்த்து வேறு விஷயம்)
இவர்தானா இல்லை அவர்தானா என்றே
உவப்பின்றிப் பார்த்தபடி உள்ளம் அலைபாய
தேவைக்குத் தான்சென்ற தேவனைக் காணாமல்
பூவிழியில் பூத்த குளம்.
எப்பொழுதுமே இன்றில் தான் நாமிருந்தாலும் சில சமயம் அன்றைப் பற்றியும் நினைக்கவேண்டுமன்றோ..! முன்பு எழுதி இங்கேயே இட்டிருந்த சில பாக்கள் இங்கே..(பாருங்கள்..வெண்பா எனச் சொல்ல்வில்லை..)
*
கவி காளமேகம் பாடல்கள் முன்பு படித்திருந்த போது அதையொட்டி ஒரே ஒரு ஈற்றடி மட்டும் (கின்னரி வாசிக்கும் கிளி) வைத்துக்கொண்டு எழுதிப் பார்த்த்து..
அவன்:
கண்ணிற் கழகும்யில் காட்சிக் கினியவெழில்
ப்ண்ணிற் குகந்தயிசைப் பாவையே நீயுந்தான்
பின்னிரவில் என் தோளில் பக்குவமாய்ச் சாய்ந்துகொண்டு
கின்னரி வாசிக்கும் கிளி..
அவள்:
கிளியென்பீர் கிட்டே வியந்துவந்தால் சற்றே
விளித்திருந்தேன் உன்மூக்கின் விந்தையெனச் சொல்வீர்
மணத்தைப் பரப்புகின்ற மாலையைப் பிய்க்கும்
குணத்தினைக் காட்டும் குரங்கு
அவன்:
குரங்கென்று கூறாதே கூர்விழியே உன்னால்
உறங்காத நல்லிரவு எத்தனையோ ஆனால்
இடிமுழக்கம் செய்த இதழ்கொண்டு எனது
பிடிக்குள் இறுகும் பிடி..
அவள்:
பிடித்த பிடிவிட்டுப் படியுங்கள் பாடம்
விடிந்தபின் தந்தையார் வேறுவழி சொன்னால்
உளியால் மனம்சிதையும் உண்மை வயிற்றில்
புளியைக் கரைக்கும் புலி
அவன்:
புலிபதுங்கும் பாயத்தான் பூவழகி உந்தன்
விழிநீர் துடைத்து விடைகொடு நானும்
விரைந்தவர் சம்மதம் வேண்டுவேன் பின்னால்
சிரித்திவன் சிங்கமெனச் சொல்..
*
முன்னைப்போல் இப்பொழுதும் பாவெழுத வரவில்லை..என்னசெய்ய வயதாகிவிட்ட்து.(எட்டு முடிந்து ஒன்பது ஆகின்றது!).கற்பனையும் தள்ளாடுகிறது...வரும்..வரும்..
அன்புடன்
சி.க.
8? 9?:roll:
சின்ன்க் கண்ணன் என்பதால் சொன்னேன்.. இப்படி முழிக்காதீர்கள்..
குறும்புக்கண்ணன்!
எட்டகவை வெண்பா புனைகலை எட்டித்தேன்Quote:
Originally Posted by pavalamani pragasam
சொட்டுவபோல் பாக்கள் சொரிந்திடலாம்!-- எட்டுடன்
ஒட்டினால் ஒன்றினைக் கொட்டிக் கவிமழையால்
முட்டும் சுனாமி முனை.
Keep it up thiru ChinnakaNNan!
அன்பின் சிவமாலா..
என்னைத் திரு.வென்றெல்லாம் கூற வேண்டாம்..
வலைவாழ் பாவலர் தம் அடியார்க்கும் அடியேன் என்பதால் பெயரின் முன்
சின்னதைச் சேர்த்துக் கொண்டேன்..(ப.பிக்கா தொண்டையைக் கமறப் போகிறார்..விளம்பரம்..விளம்பரம் என்று)
நீங்கள் தமிழில் 2ஜி ஸ்பெக்ட்ரம் என்றால் அடியேன்சாதாரண சின்ன பிக் பாக்கெட் (கொஞ்சம்புதுசா உவமை சொல்லிப் பார்த்தேன்!)..வர்றேன்..வெண்பாக்களுடன்மீண்டும் (அலுவலகத்தில் கொஞ்சம் வேலை மீட்டிங்க் என(மனச்சாட்சி: கண்ணா புருடா விடாதே..சோம்பல் என்று நேரடியாகவே சொல்லு) வருகிறேன்..
அன்புட்ன்
சி.க
வெண்பாக் கதை..
ஆதெள் கீர்த்தனாரம்பத்திலே
நம்ம கதாநாயகன் சுந்தரமூர்த்தி ரொம்பக் குழப்பத்தில இருந்தானாம்..அவனோட தலவிதி பிற்ந்த்தில்ருந்தே போராடணும்னு யாரோ எழுதி வெச்ச மாதிரி ஆயிடுத்தாம்
அவன் பொறந்த்து எப்போன்னா நம்ம் இந்நாளைய முதலமைச்சர் இருக்காரோன்னோ அவர் அந்தாளில் சின்னப்பொண்ணா திரைப்பட்த்தில டூயட் பாடிக்கிட்டிருந்தப்பதான் மதுரை மெஷினாஷ்பத்திரில்ல பொறந்தான்.
அவ்னோட அப்பாக்குஏக் குஷி.. பிற்காலத்தில பையன் நிறைய பேர் வாங்கணும்னு அவனுக்கு ஊர்ல உள்ள எல்லாப் பெயரையும் சேர்த்து சுருக்கமா நடராஜ சுந்தர மூர்த்தின்னு வெச்சுட்டார்...
புகழெல்ல்லாம் த்ன்குழவி தான்பெறவே தந்தை
சிகரமாய்ச் சிந்தித்தே சொன்னது ஏதென்றால்
தேரை இழுக்கின்ற தென்னாட்டு மக்களவர்
பேரைச் சும்ந்த பெயர்
நம்ம பையன், பேர் நீளமா இருக்கேன்னு அப்போதே ஆட்சேபித்து கையக் கால் உதறி அழுது பார்த்தான்.. முதுகுல நெல் குத்தறதால குழந்தை அழறதுன்னு அவன் வாயில சீனியை வச்சுட்டா அவ்ன் பாட்டி..
(தொடரும்)
நம்ம கதாநாயகன் சுந்தரா நாளொரு மேனி பொழுதொரு வண்ணம் (ஐல்வ்யூ இல்லிங்க்காணும்..) வளர்ந்தான். அவனை மதுரைல மங்கையர்க்கரசிப்பள்ளில்ல சேர்த்தாஙக.. காம்ப்ளான் ஹார்லிக்ஸ் எல்லாம் குடிக்காம வெறுமனே காப்பி குடிச்சே வள்ர்ந்துட்டான் ஓய்..
ஓலமிட்டு நில்லென்று ஊர்கூடிச் சொன்னாலும்
காலமது காத்திருக்கு மா
இப்போ சுந்தரா ப்ள்ஸ்டூ ல ஃப்ர்ஸ்ட் இயர் படிக்கறாங்கானும்..
(தொடரும்)
ஒரு அந்தக்கால வசனம் உண்டு. பொண்ணு வள்ர்த்தியோ பீர்க்கங்கா வளர்த்தியோ என்பார்கள்.. அதாவது பீர்க்கங்காய் முதலில் சிறிதாய் இருக்கும்..போகப் போக படபடவென வள்ர்ந்து விடும்..இது பையனுக்கும் பொருந்துமல்லவா..(வாடா மச்சான் வயசுக்கு வந்துட்டே என்பார்கள் இந்தக்காலப் பாவலர்கள்!)
நம்ம கதா நாயகன் சுந்தராவும் நன்னா வள்ர்ந்துட்டான் ஓய்..ஒரு ஆறு இரண்டு இஞ்ச் இருக்கும் ஒசரம்.. நம்ம் பையனோட அப்பா வேணு கோபாலன் ஒரு நாள் பையன் ஸ்கூல் போறப்ப பார்த்தார்..ப்ள்ஸ் டூங்கறான்...இன்னும் டிராயர்ல ஸ்கூல் போறான்.. அவனோட அண்ணன் வரதுவைக் கூப்பிட்டார்..”வரதா.. இந்தப் பயல் காலப் பாத்தியோ ஒரே முடி.. இவனுக்கு ந்ல்லதா ஒரு பேண்ட் வாங்கிக் கொடுன்னார்...
வரத ராசன் ராணிமங்கம்மாள் சத்திரத்துக்குப் பக்கத்தில இருந்த ஸ்டேட் பாங்க் காசாளர்... கொஞ்சம் கஞ்சூஸ் மார்வாடி.. நம்ம பையனைக் கூட்டிட்டுப் போய் தானப்ப முதலி தெரு பாண்டியன் சூப்பர் மார்க்கெட்ல அவனோட செய்ண்ட்மேரீஸ் ஸ்கூல் (ப்ள்ஸ்டூக்கு அங்க சேர்ந்தாச்சு) யூனிஃபார்ம் மெரூன் கலர் காட்டன் துணிய எடுத்து அங்கேயே இருந்த அப்துல் டைலர்ட்ட கொடுத்துட்டார்..
தம்பி வளர்ச்சியிலே தன்னைவிடக் கூட்வென
விம்மியே அண்ணனும்தான் வாகாக அப்துலிடம்
திக்கான துணிவகைகள தேர்ந்தெடுத்து சொன்னார்தான்
சிக்கெனத் தைப்பீர் உடை..
இப்படியே தொடரும் போட்டா மர்ம்ம்(சஸ்பென்ஸ்) ஏதுமில்லையே ஓய்..
நம்ம சுந்தராவோட வீட்டில இருந்து ப்ள்ளி செல்லும் பேருந்து நிறுத்தம் பார்த்தீங்க்ன்னா ரொம்ப கிட்டக்கத்தான்..ஒண்ணுலருந்து இருபது சொல்றதுக்குள்ள வந்துரும்..(இந்தக்காலத்தில ஒரு தொலைக்காட்சித்தொடரோட விளம்பர இடைவேளைக்குள்ளன்னு வெச்சுக்குங்க்ளேன்)
அங்கருந்து தான் சுந்தரா தூய மரியன்னைப் பள்ளிக்கு 12 (மஹால் கோச்சடை –அந்தக்காலத்தில) பேருந்து ஏறி பள்ளிக்குப் போவான்.. அந்த் நேரத்திலபார்த்தா பேருந்து நிறுத்த்த்தில கூட்டம் நிறைய இருக்கும்.. முண்டியடிச்சுத்தான் ஏறணும்..அல்லது தொங்கணும்..யாரும் வரிசைல்ல நிக்க மாட்டாங்க..
தறிகெட்டுப் பேருந்தில் தானேறும் மக்கள்
வரிசையில் நிற்காத வர்...
(தொடரும்)
அப்படி ஒரு நல்ல குருபார்வை உச்சத்தில இருந்த ந்ன்னாளில நம்ம பையன் சுந்தரா பேருந்தில ஏறினான்..அங்க (இயல்புத் தமிழில்) பஸ் ந்டுல்ல ஒரு அப்ஸரஸ்..இப்பத்தான் வானத்திலருந்து விழுந்த மாதிரி..இப்பத்தான் பொறந்து குளிப்பாட்டப்பட்ட் குழந்தை எப்படி சுத்தமா இருக்குமோ அந்தமாதிரி, இப்பத்தான் எதிர்க்கட்சித் தலைவரா ஆன அரசியல்வாதி எப்படி ஆட்சியப் பிடிக்கலாம்னு யோசனை பண்ற போது எப்படி அவருக்கு குழ்ப்பம் வருமோ அப்படிக் குழம்பவைப்ப்வது போல (மனச்சாட்சி: கண்ணா அரசியல்லாம் எதுக்கு), அழகா பாவடை சட்டை தாவணியோட கொஞ்சூண்டு மேக்கப்போட அழகாஆஆஆ நின்னுண்டுருந்தா..
.
மயில்வண்ணத் தாவணியும் மஞசளென மேல்துணியும்
துயில்வரும் ராத்திரியில் தோய்ந்திருக்கும் வண்ணமதைக்
கொண்டிருந்த கூந்தலிலே கூட்டுகிறேன் அழகென்றே
நின்றிருந்த ரோஜாவும் ந்ன்று.
.
வேல்விழிகள் நெஞ்சத்தை வேரோடே தானழிக்க
பால்நிறத்துக் கன்னமதும் பண்கூட்டிப் பாநவில
மேலாடை அணிந்திருந்தாள் மெய்யிலே பொய்கூட்டிக்
கேளாமல் கொன்றாளே காண்
(தொடரும்)
அன்பின் சிவமாலா
உங்க்ள் பாராட்டு வெண்பாதான் என்னை இங்ஙனம் (மனச்சாட்சி..என்ன மொழிப்பா இது) எழுத வைத்தது..நன் றி/ இங்கு ம்ணி ஒன்று நாற்பத்தைந்து (அதிகாலை) பக்கத்து இழையில் சதிக்குன்னு சதி செஞ்சிருக்காங்க..ஒண்ணும் ஓட மாட்டேங்குது..முடிச்சுட்டு அப்புறம் வர்றேன்.. காலேல்ல ஏழு முப்பதுக்கு அலுவலகம் போகணும்..ஹாஆஆவ்..
அன்புட்ன்
சி.க.
தட்தட்த்தே தந்திட்ட தங்கமான பாவால்
படபடக்கும் என்னுள்ளம் பாந்தமாய்ச் செய்ய
கட்கட வென்றுதான் கற்பனையும் வந்தே
சுடச்சுட்ப் பாய்கின்ற தே..
:rotfl::rotfl::rotfl:
ப்ளஸ் டூன்னா எப்படிப் பட்ட ப்ருவம்..அறிவதில் தெரிவதை அறியும் பருவம்..இருந்தாலும் படிப்புக்குத்தான் கொஞ்சம் அதிகம் முன்னுரிமை இருக்கும்..
நம்ம பையன் அந்தப் பொண்ண தினசரி பஸ்ஸில பார்ப்பான்..பாக்கறதோட் சரி.. அதுவும் கொஞ்சம் ஓரவிழிப் பார்வை எல்லாம் வீசும்.. பஸ்மேட் ஆச்சே.. தோழிகள் பேசிக்கறதுலருந்து அந்தப் பொண்ணோட பேர் மலர்னும்
அவ ஆரப்பாளையம் தாண்டி தேம்பாவணி சைட்ல இருக்கான்னு தெரிஞ்சுக்கிட்டான்..பக்கத்தில செய்ண்ட் ஜோசப் தான் அவளோட ஸ்கூல்..அண்ட் பத்தாவது படிக்கிறாள்..
மறுபடியும் ரெக்க கட்டி ரெண்டு வருஷம் பறக்க சுந்தரா ப்ளஸ்டூ எக்ஸாம்லாம் சமர்த்தா முடிச்ச்ப்ப மலர் ப்ள்ஸ் ஒன்ல இருந்தா.. கொஞ்சம் ஹாய், எப்படி இருக்கன்னுல்லாம் பேசிக்குவாங்க..ஒரு நாள் அவளோட வீடைப் பார்க்கணும்னு தொடர்ந்து போய் அவளோட ஸ்டாப்பிலேயே எறங்கினா பொசுக்குன்னு அவ மறஞ்சு போயிட்டா...எந்த சந்துல புகுந்து போய்ட்டான்னு தெரியல. பின் சுத்திசுத்திப் பார்த்தப்ப ஒரு வீட்டில அவளைப் பார்த்தான்..இந்தக்காலத்தில சொல்றா மாதிர் அவனோட கண்ல பல்பு எரிஞ்சுது!
இந்த்த் தெருதானா இல்லை இதுதானா.
பந்தம் கொளநினைக்கும் பாவையின் வீடிதுவா
என்றெல்லாம் சுற்றிய்வள் இல்லத்தைப் பர்ர்த்தவுடன்
கண்ணுக்குள் வந்த கதிர்
(தொடரும்)
திரைக்காதல் ஒப்பதோர் தேம்பாயும் தன்மை
உரைத்திட்ட உங்கள்பா ஒண்மை -- அரைத்திட்ட
சந்தனம்போல் வீசும் சலிக்கா எழுத்து நடை
வந்திணைவோர் வாய்போற்று வார்.
அழகான அந்த்த் தெருல்ல அவ வீடு இன்னும் அழகா இருந்த்து.. அந்தப்பக்கம் போன சைக்கிள் காரனும் அழகா இருந்தான்.. காய்கறி விக்கிற் கிழவி கண்ணிலும் மின்னல் இருந்த்து.. பைக்கில சுந்தராவ க்ராஸ்பண்ணினவா, கொஞ்சம் ஹார்ன் அடிச்சுண்டே வந்த லாரி, தெருக்கூட்டின மாநகராட்சி ஊழியர்கள் எல்லாமே அழகா இருந்த்து சுந்தராக்கு..
இன்னும் மயக்கமே வந்த்து அவனுக்கு.. ஏன்னாக்க வீட்டு வாசல்ல மலர் மஞ்சள் கலர் தாவ்ணி சிகப்பு ரவிக்கைக்கு மாறி இருந்தா.. தலையில அவளோட சிரிப்பைப் போலவே மல்லிப்பூ..போதாக்குறைக்கு பொன்னியம்மா வந்தாளாம்னு சொலவடை மாதிரி இவனப்பாத்து என்ன இந்தப் பக்க்ம் உள்ள வாங்கன்னா.. சுந்தராக்கு மயக்கமே வந்த்து..
எங்கும் அழகாட்சி ஈடில்லா கண்காட்சி
பங்கயமாய்த் தான்சிரித்தே பார்த்தபடி செல்பவரும்
சேவகரும் ந்ன்றாய்ச் சிறப்பாய் இருந்தவது
தேவதையைக் கொண்ட தெரு
எல்லாம் அழகென் றெடுத்தகதை செல்லுகமேல்!
உள்ளாரே கேட்கப் பலர்!
வந்து விட்டேன்..
*
அதுல பாருங்கோ.. இந்தக் காதல் இருக்கே சம்யத்தில மகாதைரியத்தக் கொடுத்து கோழைய வீரனாக்கிடும்.. அதேசமயத்தில மனசுக்கு இஷ்ட்மானவ மொதல்ல ஏதாவது சொன்னான்னா கொஞ்சம் தடுமாறவைக்கும்..
அப்படித் தான் சுந்தராக்கும் இருந்த்து.. மலரோ ஏன் இப்படி மலங்க மலங்க கர்ப்பமான ஆடு மாதிரி முழிக்கறேள்..உள்ள வாங்க அப்படின்னு சொன்னவ் வீட்டுக்குள்ள பாத்து பாட்டீஈஈன்னு கூப்பிட்டா..உள்ள இருந்து அவ பாட்டியும் வந்தா..
கண்ணில் அழகான கண்ணாடி; நெற்றியிலோ
வண்ணம் சிவப்பான வாகான பொட்டுடனும்
கூந்தல் நரைத்தே குரலும் இளகாமல்
காந்தமாய் கூப்பிட்டாள் காண்..
சரின்னு உள்ள போனான்.. கொஞ்ச நேரம் அப்பா அண்ணா எல்லாம் என்ன வேலை பாக்கறான்னு கேட்டா பாட்டி.. மல்ர்க்கிட்ட முன்னால அவன் ஜாஸ்தில்லாம் பேசினது கிடையாது.. சரி கூப்பிட்டுட்டா.. பேசலாம்னு பார்த்தாக்க பாட்டி ஃபெவிகால் ஒட்டின மாதிரி பேசிண்டே இருக்கா.. கொஞ்ச நிமிஷம் கழிச்சு உள்ளே போன பாட்டி வெளிய வந்து என்ன கொடுத்தான்னா..
பத்திரிகை வாங்கிப் படிக்கையில் தான்தெரியும்
அத்துடன் சேர்ந்திருக்கும் அழகான புத்தகம்போல்
பொங்கிச் சிரித்தவள் பாட்டியும் தந்தாளே
தங்கநிறத் தின்பண்டம் தான்..
பஜ்ஜியெல்லாம் சாப்பிட்டுட்டு அப்புறமா பாட்டி உள்ள போயிருக்கறப்ப தைரியமா மலர்கிட்ட “உன்கிட்ட ஒண்ணு சொல்லணும்’னான்.. மல்ரோட அழகான கண்ணு இன்னும் கொஞ்சம் பெரிசா மலர்ந்துச்சு.....
(தொடரும்)
மலருக்கு கைகால் பதட்டமாயிருச்சு.. என்னடா இது வம்பாப் போச்சு..
பஸ்ல பார்த்த சினேகிதன்.. ஏதோ வீட்டுப் பக்கம் வந்தான்.. (கொஞ்சம் உள்ளுக்குள்ள புடிக்கத்தான் செய்யுது) வான்னு கூப்பிட்டுப் பேசினா.. பாட்டி இல்லாத சமயத்தில ஏதோ சொல்லணும்கறான்.. அச்ச்ச்சோ ஐலவ்யூ சொல்வானோ..பாவி.. அதெல்லாம் சினிமால தானே பாத்துருக்கோம்..அப்பா வேற வர நேரம்.. இந்தப் பாட்டி எங்க போய்த் தொலஞ்சா..இப்பத் தானா பாத்ரூம் வரணும்.. இவன் என்ன சொல்லப் போறான்..
காதலைச் சொல்வானோ கற்பனையாய்த் தான்பட்ட
வேதனையைச் சொல்லியே விம்மலுடன் நிற்பானோ
இன்னும் பலவாறாய் ஏதோதோ எண்ணியே
பின்னும் குழம்பினாள் பார்..
ஒரே ஒரு நொடிக்குள்ள ஓராயிரம் சிந்தனை மலர்பொண்ணுக்கு.. கற்பனை தண்ணிப் பஞ்ச காலத்தில வர்ற தண்ணீர் லாரி தாறுமாறாப் போறமாதிரி வந்துச்சாம்..
”என்ன சொல்லப் போறேள்’ன்னா.. கொஞ்சம் காத்துப் போன பலூன் மாதிரி முகமும் சுருங்கி, சரியா சிக்னல் கிடைக்காத ரேடியோ மாதிரி குரலும் கொஞ்சம் கரகரக்குது..
நம்ம சுந்தராவோ கொஞ்ச்ம சிரிச்சான்..அதுல கவலப்படாதேங்கற அர்த்தமும் இருந்த்து..
மலர்.. நான் இப்ப ப்ளஸ்டூ எழுதிட்டேன்.. ரிசல்ட் வந்தா காலேஜ்..இந்த ஊர் தான்.. இருந்தாலும் பஸ்ல பார்க்க முடியாது.. அப்ப்ப்ப வந்து உன்னப் பாக்கலாமா..என்னை மறந்துட மாட்டியேன்னு சிரிச்சுட்டே கை நீட்டினான்..
அவளும் ரிலாக்ஸாகி கை கொடுக்கறா...
மயக்கங் கொண்டே மலர்விழியோ கொஞ்சம்
தயக்கமாய் வார்த்தை தொடுத்தங்கே கேட்டுவிட
பட்டெனச் சொல்லிவிட்டான் பாவையிடம் நெஞ்சத்தில்
விட்டு விலகா திரு..
(தொடரும்)
இப்படி எல்லாம் எழுதலாமான்னு தெரியாது..ஏதோ விளையாட்டுத்தனமா எழுத ஆரம்பிச்சது கொஞசம் தத்தித்தத்தி தொட்ருது..(கொஞசம் வேலைப் பளு..அதனால் உடனே எழுத முடியலை..) ஸினாப்ஸிஸ் கூட ஒரு நாள் ஒக்காந்து எழுதி வெச்சுருக்கேன்..(மனசாட்சி: கண்ணா..!) கொஞ்சம் கொஞ்சமாய் எழுதுகிறேன்.. குத்தங்குறையிருந்தா ஷமிககணும்..
கொஞ்சம் பழைய பாக்கள்..ஹி.,ஹி..
ஓவியப் பாவையென ஓராள்தான் உண்டதுவும்
தேவிகா என்று தெளிவு..
தீஞ்சுவை கொண்டிருக்கும் தேனைப்போல் தித்திக்கும்
காஞ்சனையைக் கண்டுவந்தார் கண்..
மழுக்கட்டில் தந்த மயக்கிதுவோ நும்கண்
விழக்கட் டழகியர்தம் வேடு.
(மஸ்கட்டில் உள்ள கட்டழகியர் முக்காடிட்டு மறைத்துக் கொள்வதால், அந்தக் குழப்பத்தில், வேறு சிலரைப் பாராட்டுகிறீர்களோ? )
vEdu = veil.
அன்பின் மாலா..
வீட்டுக் கணினிக்கு வியாதி வந்து வைத்தியரிடம் காட்ட் வேண்டும்.. எனில் அலுவலிடத்திலிருந்து கிடைத்த நேரத்தில் இடுகை செய்கிறேன்..
முக்காடு போட்டே முகம்மறைக்கும் மங்கையரால்
துக்கமாய் நெஞ்சமும் தூங்கி வழிந்தாலும்
பக்குவமாய் காட்டுமெழில் பாவையரின் முன்னாலே
சிக்கிடும் பாக்களோ சீர்.
விரைவில் மீண்டும் வருகிறேன்..
அன்புடன்
சி.க
Quote:
Originally Posted by chinnakkannan
தத்தித் தொடரும் தமிழ்க்கதைப் பாடலில்
குத்திய கூலத்துக் கோதகற்றி --- வைத்தாற்போல்
கொஞ்சமாய்க் கொஞ்சமாய்க் கூர்ந்தெண்ணி நன்கெழுதி
விஞ்சுதன் ஆர்வம் வெளிப்படவே -- அஞ்சா
திடுகின்ற உங்கள் இடரணையாச் செய்கை
எழுகின்ற வெண்ணிலவு போல வளர்க
ஒழுகுசீ ரோடே உடன்.
மாதமோர் வெண்பா மதிபெறப் பாடினும்
சாதனை யாகிடும் சின்னாளில் -- யாதொன்றும்
தீதில்லை தென்மொழியின் தேனைப் பருகிடத்
தோதில்லை என்பதோ பொய்.
அலகிட்டுப் பிழை[ பொறுக்குக. That means - pl pick out the faults.
பிழை இல்லாதது போல் தான் தெரிகிறது..
இலைமறை காயாக ஏதோ உண்டோ
பிழையெனக்குத் தோன்றவில்லை பார்..
Quote:
Originally Posted by chinnakkannan
வெற்றுத் தலையொடு நீச்சல் அடித்தேனா!
கற்றார் பொறுத்தல் கடன்.
கண்ணுக்குள் காதலி சென்றமர்தல் கற்பனையே
பெண்ணுக்குப் பேதலிப்பு ஏற்படுத்த -- மண்ணுலகில்
ஆடவர்செய் தந்திரம் அஃதென்றே நான்சொல்வேன்
ஓடுவளோ பெண்ணவர்கள் பின்.
கூடத்தில் தங்கிக் குளத்தில் குளித்துவிட்டு
மாடத்தில் நின்று மகிழாமல்----வீடகன்று
போராட்டம் ஏனோ? புகைவீச்சு துன்புறுத்தத்
தாலாட்டும் ஆழிபுக் கார்.
to scan
அரசினர் தந்தாலே ஆகாதோ பட்டம்!
உறுகுணம் உள்ளார்பின் யார்?
http://leftwrite.wordpress.com/2009/...-padma-awards/
Quite an interesting argument raised in that website...
தலைமைப் பொறுப்பில் தலைவலிதான் மிச்சம்
நிலைமை குளிராய் நெருப்பாய்க் ---குலைந்துவரும்
எத்தொடர்பும் இலலா எதற்கும் சுமைதாங்கி
கத்துகிற பேர்க்கும் இலக்கு.
மேற்கண்ட பாடலில் மிஞ்சு தனிச்சொல்லில்
பார்க்கும் "குலைந்துவரும்" என்பதனைச்-- சேர்க்காமல்,
பாடு "குலைவுறவே" என்று ; பயின்றிடவே
கூடும் சுவைதேன் குழைந்து.
வாரநாள் தன்னில் வந்ததீ பாவளிப்பெண்
கூர்ந்துநான் நோக்கக் குசும்பாகப் -- பேர்ந்தோடிக்
கண்ணிற் படாமல் கதவிடுக்கில் போய்மறைய
இன்னுமினி என்றென்றேன் நான்.
குசும்பு = குறும்பு.
"_________________________________________________ ____________
Don't try to figure out what other people want to hear from you; figure out what you have to say. It's the one and only thing you have to offer.
BARBARA KINGSOLVER "
தீபாவளிக்கு நண்பர் சின்னக்கண்ணன் ,,,,,,,,,,,,,,,,,,,,,,,,,,,,,,,,,, அவருக்கு இந்த வெண்பா"
பெரியகண்ணன் பேர்புகழ்தீ பாவளி நாளில்
சிறியகண்ணன் சென்றவிடம் எங்கோ-- நறியதேன்
ஒத்த தமிழ்ப்பாடல் ஒன்றிவண் தந்தவரும்
மெத்தப் புகழ்ச்சிபெறல் விட்டு.
இருபொருள்:
தந்தவரும் -- தந்து+அவரும், தந்தவர் +உம்.
வெண்பா எழுதுவது எப்படி என்ற நூல்களில் சிறந்தவற்றை பகிரவும். வாசித்து, வெண்பா பழக ஆசை. நடந்து வருகிற சென்னை புத்தகக் கண்காட்சியில் வாங்கிக் கொள்கிறேன் . நன்றி
https://www.nhm.in/shop/978-81-8493-484-7.htmlQuote:
Originally Posted by venkkiram