Nadigar Thilagam Sivaji Ganesan - Part 6

டியர் பம்மலார்...
'என்னைப்போல ஒருவன்' படத்தின் வெற்றி விவர அறிக்கை (பதிவு) வெகுஜோர். அசத்திட்டீங்க. தேடினாலும் கிடைக்காத தகவல்கள், வசூல் விவரங்கள் அனைத்துக்கும் நன்றிகள் பல. நீங்களும் முரளியண்ணாவும் சொன்னது ரொம்ப சரியே. எனக்கு மிகவும் பிடித்த படங்களின் பட்டியலில் என்னைப்போல் ஒருவன் நிச்சயம் உண்டு. அதனால்தான் இந்த திரியின் முதல் பாகத்தில் நான் எழுதிய முதல் விமர்சனக்கட்டுரையே இப்படத்துக்குத்தான்.

ராமண்ணா மிகுந்த சிரமத்துக்கிடையேதான் இப்படத்தை வெளிக்கொணர்ந்தார். இறுதியில் ரீ-ரிக்கார்டிங் செய்வதற்குக்கூட வசதியின்றி, மெல்லிசை மன்னரின் அனுமதியுடன் அவர் முன்னர் பல்வேறு படங்களுக்கு அமைத்திருந்த பின்னணி இசையை அப்படியே பயன்படுத்திக்கொண்டார். டைட்டில் மியூசிக் சொர்க்கம் படத்தினுடையது அப்படியே பயன்படுத்தப் பட்டிருந்தது. நடிகர்திலகத்தை அறிமுகப்படுத்தும் மியூசிக், ஊட்டிவரை உறவு படத்தில் நாகேஷ், கடையொன்றில் ஒரு ஆங்கிலோ இந்தியப்பெண்ணின் பார்சலில் இருந்து 'காணவில்லை' விளம்பரத்தைக் கிழிக்க முற்படும்போது வாசிக்கப்பட்ட இசை. இப்படி பல்வேறு படங்களில் இருந்து பொருத்தமாக இணைத்திருந்தார். (சொன்னால்தான் மற்றவர்களுக்கே தெரியும். மற்றபடி இப்படத்துக்காகவே அமைக்கப்பட்ட ரீரிக்கார்டிங் போலவே இருக்கும்). நடிகர்திலகத்தின் காட்சிகள் எல்லாம் வெகுநாட்களுக்கு முன்பே முடிக்கப்பட்டிருந்தபோதிலும், தயாரிப்பாளரின் வேறு பல காரணங்களால் படம் தாமதப்பட்டது. நடிகர்திலகம் நடித்த ஒன்றிரண்டு சிறிய காட்சிகள் மட்டும் கடைசியில் எடுக்கப்பட்டு இணைக்கப்பட்டன. பள்ளியின் 'பெற்றோர் தின விழாவுக்கு' சேகரின் குழந்தைகள் சுந்தரமூர்த்தியை அழைக்கும் காட்சியும், மாடியிலிருந்து உருண்டுவிழும் பெண் குழந்தையை சுந்தரமூர்த்தி தூக்கும் காட்சியும் கடைசியில் எடுக்கப்பட்டன. (இந்தக்காட்சியில்கூட நடிகர்திலகத்தின் சட்டை, தோள்பட்டையில் கிழிந்திருக்கும். அதைக்கூட கவனிக்காமல் எடுத்திருப்பார் ராமண்ணா).

ஆனால் படத்தின் வெற்றி ராமண்ணா எதிர்பாராத ஒன்று. நிச்சயம் படத்தின் வெற்றியில் அவர் திக்குமுக்காடிப்போனார். 'என்னைப்போல் ஒருவன்' படம் ஓடிக்கொண்டிருக்கும்போதே, தினத்தந்தி பத்திரிகையில் நடிகர்திலகம் - லட்சுமி ஜோடியாக நடிக்கும் 'ராஜ பரம்பரை' என்ற புதிய படத்திற்கான விளம்பரத்தை வெளியிட்டார். அப்படத்துக்கான ஆரம்ப கட்ட ஆயத்தங்கள் நடந்துகொண்டிருக்கும்போது ராமண்ணாவின் உடல்நிலை நலிவுற்றதால் அப்படத்தைக் கைவிட்டார். அதன்பிறகு அவரது இறுதிக்காலம் வரை ஓய்விலேயே இருந்து வந்தார்.

Raghavendra sir, Sivandha Mann Bharath reading a book in TN Assembly's back ground - Super !!

Pammalar sir, ALL THE BEST for your endeavours.

Quote:

---

Originally Posted by groucho070

Again, the co-ordination between the two actors...oh crap, co-ordination between NT & NT, unmaiyana two actors-kku kuda irukkathu :notworthy: :notworthy:

---

.....and, the Academy Award for Best Actor in a lead role, goes to Nadigar Thilagam Dr. Sivaji Ganesan.


.....and, the Academy Award for Best Actor in a supporting role, goes to, Nadigar Thilagam Dr. Sivaji Ganesan.

:D

Quote:

---

Originally Posted by rangan_08

Kanna, onnu pannu

Enna periappa

Aatha vittu poyidu


Wow!! He just says it as a matter of fact. So very bland.

---

In the following scene, VV Sundaram gives a classy touch in the form of a dialogue :

Pandaribhai : Avar theertham sapidrache nee yenda anga pona ? :thumbsup:


Ah! Now, “ theertham “ serves as a cue for me to write the next piece :) .

“ Poda, nee appa pulla illa, amma pulla “

When they offer “ prasadam “ to BR, he says, “ enakku edhukku patta, enakkudhan ingeye irukke patta “ . He sips a glass of whisky and dances, “ hare Rama hare Rama, Rama Rama hare hare. Hare Krishna hare Krishna, Krishna Krishna hare hare “. :boo: Chance-e illa. :victory:

A few days back we were discussing the masterpiece, Pudhiya Paravai, here. After chewing the cud I was prompted to write this.

The scene where the self-introduction between NT & SD takes place on the ship’s deck is one of my favourite scene. While strolling on the ship’s deck watching the sea through binoculars, he accidentally trips up on SD, who is sitting down on a chair reading a magazine. Immediately, he repents and then begins to engage in a brief chat with her.

He carries himself in the most suave and gentle manner in this scene. The way in which he introduces himself and then very eagerly enquires about her, registers a “ gentleman “ image at once in the minds of the audience. His costume in that scene is just an ordinary pant and a shirt that is rolled up to his sleeves. But still he commands dignity and honour through his body language and over all performance.

படத்தில் ஒரே ஒரு சின்னக் குறை நம்ம சரஸ்வதி தான் (nothing against her performance). அவங்க அபிநயமும் ஜாஸ்தி, அரிதாரமும் ஜாஸ்தி. I prefer to watch her only in b&w movies.

டியர் ரங்கன்,
புதிய பறவை பற்றிய உங்கள் பதிவு அருமை. நீங்கள் சொன்னது போல் சரோஜாதேவி கருப்பு வெள்ளை படங்களில் இருந்த அழகும் எழிலும் வண்ணப் படங்களில் இல்லை என்பது ஏற்கத்தக்கதே. இப் படத்தில் முழுக்க முழுக்க நடிகர் திலகத்தை ரசித்தாலும், ஒரு காட்சியில், தான் எவ்வளவு உன்னதமான நடிகர் என்பதை நிரூபித்து விட்டார். தன்னுடைய பிறந்த நாளன்று சித்ரா இன்னும் வரவில்லையே என்ற கவலையிலும் வந்தவர்களை இன்முகத்துடன் வரவேற்கும் காட்சி. இக்காட்சியில் இயக்குநரின் திறமையும் பளிச்சிடும். வாசலில் மூன்று வெவ்வேறு கலாச்சாரத்தைச் சார்ந்த குடும்பத்தினர் நடிகர் திலகத்திற்கு அவரவர் முறைப்படி வணக்கம் செலுத்திக் கொண்டே வருவர். அவ்வளவு வருத்தத்திலும் கவலையிலும், அதே இன்முகத்தோடு அவர்கள் மூவரையும் அவர்களுடைய கலாச்சாரத்தின் படியே பதில் வணக்கம் செலுத்துவார் நடிகர் திலகம். இக்காட்சியில் உன்னிப்பாகப் பார்த்தால் ஒரே ஷாட்டில் எடுக்கப் பட்டதாகத் தோன்றுகிறது, அதுவும் மிகவும் சில விநாடிகள் தான். அப்படியென்றால் அந்த மிகச் சிறிய வினாடிகளுக்குள் மூவருக்கும் அவரவர் கலாச்சாரப்படி பதில் வணக்கம் செலுத்தும் நடிப்பு நிச்சயம் நடிகர் திலகத்தைத் தவிர வேறு யாராலும் அவ்வளவு வேகமாக நடித்திருக்க முடியாது. அது மட்டுமன்றி, ஒவ்வொரு பதில் வணக்கத்திற்கும் ஒவ்வொரு ஷாட் வைத்திருப்பர்.

What a Genius!

ராகவேந்திரன்

நடிகர் திலகமும் பாகவதரும்

தமிழ்த் திரையுலகின் முதல் சூப்பர் ஸ்டாராகத் திகழும் திரு.எம்.கே.தியாகராஜ பாகவதர் அவர்களின் நூற்றாண்டு, சமீபத்தில் 1.3.2010 அன்று நிறைவடைந்துள்ளது. தமது ஈடு, இணையற்ற கந்தர்வக் குரலாலும், வசீகரிக்கும் தோற்றப் பொலிவாலும், மக்கள் மனங்களில் நிரந்தர இடம் பிடித்தவர் பாகவதர் என்றால் அது மிகையன்று. எத்தனையோ பாகவதர்கள், "பாகவதர்" என்ற அடைமொழியுடன் இருந்தாலும், பாகவதர் என்று சொன்னால் அது திருவாளர் மாயவரம் கிருஷ்ணமூர்த்தி தியாகராஜ பாகவதரையே குறிக்கும். பாகவதர் 14 படங்களே நடித்தார். ஆனால், 100 படங்களில் நடித்த புகழைப் பெற்றார். வெள்ளித்திரையில் அவரது முதல் இன்னிங்ஸ்(1934-1944) சாதனைகளின் சிகரம். இரண்டாவது இன்னிங்ஸ்(1948-1959) சோதனைகளின் உச்சம். திரையிசையில் அமரத்துவ படைப்புகளை அளித்த பாகவதர் 1.11.1959 அன்று அமரத்துவம் அடைந்தார்.

இனி தலைப்பிற்கேற்ற தகவல்களைக் காண்போம்.

பாகவதரின் இரண்டாவது திரைப்படமான நவீன சாரங்கதரா(1936)வும், நடிகர் திலகத்தின் 50வது திரைப்படமான சாரங்கதரா(1958) திரைப்படமும் ஒரே கதைக்களங்களைக் கொண்டவை. சிந்தாமணி(1937) திரைப்படத்தில், பாபநாசம் சிவன் இயற்றி, அவரே செஞ்சுருட்டி ராகத்தில் இசையமைத்து உருவாக்கிய 'ராதே உனக்கு கோபம் ஆகாதடி' என்கின்ற பாடல் பாகவதரின் பிரசித்தி பெற்ற பாடல்களில் ஒன்று. இதையே நடிகர் திலகத்தின் குலமகள் ராதை(1963) திரைப்படத்தில், திரை இசைத் திலகம் கே.வி. மகாதேவன் அவர்கள் மிக அழகாக, மிகுந்த நேர்த்தியோடு, ஒரிஜினலையே மிஞ்சும் வண்ணம் ரீ-மிக்ஸ் செய்திருப்பார். கதைக்கும், காலத்துக்கும் ஏற்றாற் போல, கவிஞர் அ. மருதகாசி அவர்கள் பாடல் வரிகளை பாங்குற மாற்றியமைத்திருப்பார். பாகவதரின் பிம்பமான பாடகர் திலகம் டி.எம்.எஸ். பாட, நடிகர் திலகம் தமது நடையழகாலும், ரொமான்ஸாலும் பாடலை எங்கோ கொண்டு சென்று விடுவார். சரோஜாதேவியின் ரியாக்ஷ்ன்களும் இப்பாடலில் நன்றாகவே இருக்கும். பாடல் முடிந்ததும் சரோஜாதேவி நடிகர் திலகத்திடம், "முடிஞ்சுதா?" என்பார். "பெரிய பாகவதரோட பாட்ட இத்தன நேரமா மூச்ச புடிச்சுகிட்டு பாடிருக்கேன். இப்படிக் கேக்குறையே?" என்பார் நடிகர் திலகம். ரசிக்கத்தக்க அம்சங்கள். பாகவதருக்கு வான்புகழை அளித்த ஹரிதாஸ்(1944) திரைப்படத்தில் இடம்பெற்ற சூப்பர்ஹிட் பாடல், 'மன்மத லீலையை வென்றார் உண்டோ'. பாபநாசம் சிவனின் வைர வரிகளுக்கு, சாருகேசியை பழச்சாறாக பிழிந்து கொடுத்திருப்பார் திரை இசை மாமேதை ஜி.ராமநாதன். பாகவதர் குரலில் இப்பாடல், தமிழ்த் திரைப்பாட்டின் உச்சம். இதே 'மன்மத லீலையை' வார்த்தெடுத்தது போல், இதே சாருகேசி ராகத்தில், ஜி. ராமநாதன் அவர்கள் இசைமணம் பரப்பிய பாடல் தான், 'வசந்த முல்லை போலே வந்து'. சாரங்கதரா(1958)வில் இடம்பெற்ற இப்பாடலை இயற்றியவர் கவிஞர் அ.மருதகாசி. பாடலைப் பாடிய டி.எம்.எஸ்சை சௌந்தரராஜ பாகவதர் என்றே சொல்ல வேணடும். அந்த அளவுக்கு பாகவதரின் குரலை குளோனிங் எடுத்திருப்பார். தமது சிருங்கார காதல் நடிப்பால், இவையனைத்தையும் வென்று, முதலாவதாக நிற்பார் ஒருவர். அவர் தான் நடிகர் திலகம்.

1954-ல் திருச்சி சங்கிலியாண்டபுரத்தில் சீரும், சிறப்புமாக நடைபெற்ற நடிகர் திலகத்தின் ஒரே தங்கை பத்மாவதி அவர்களின் திருமண (பத்மாவதி-வேணுகோபால் திருமணம் தான்) வைபவத்திற்கு வந்தவர்களை வரவேற்று உபசரித்தவர் எம்.கே.டி.பாகவதர்.

1954-ல் வெளிவந்த மனோகரா திரைப்படத்தைக் திரையரங்கில் கண்டு களித்த பாகவதர், நடிகர் திலகத்தின் நடிப்பை இப்படிப் புகழ்ந்தார். "அம்மா என்ற ஒரு வார்த்தையை உணர்ச்சிப்பிழம்பாகச் சொல்லி கைத்தட்டல் பெற்ற ஒரே நடிகர் சிவாஜி தான்." நடிகர் திலகத்தின் நடிப்பில் மயங்கிய பாகவதருக்கு, நடிகர் திலகத்துடன் சேர்ந்து நடிக்கும் வாய்ப்பும் வந்தது. 1937-ல் சேலம் சங்கர் பிலிம்ஸ் தயாரிப்பில், அமெரிக்கர் எல்லிஸ்.ஆர்.டங்கன் அவர்களின் டைரக்ஷ்னில் வெளிவந்த அம்பிகாபதி திரைப்படத்தில் கதாநாயகன் அம்பிகாபதியாக பாடி நடித்தார் பாகவதர். படம் பொன்விழாக் கண்டது. 1957-ல் இதே அம்பிகாபதிக் கதையை ஏ.எல்.எஸ் புரொடக்ஷ்ன்ஸ் தயாரிக்க, ப.நீலகண்டன் இயக்கினார். கதாநாயகன் அம்பிகாபதியாக நடிகர் திலகம் நடித்தார். அம்பிகாபதியின் தந்தை கவிச்சக்கரவர்த்தி கம்பராக யாரை நடிக்க வைக்கலாம் என படக்குழுவினர் யோசித்த பொழுது, பாகவதரே பளிச்சிட்டார். அவரை படக்குழுவினர் அணுகிய போது 'கம்பராக நான் நடித்தால் சரி வராது' எனக் கூறி விட்டார். பின்னர் கம்பர் கதாபாத்திரத்தில் எம்.கே.ராதா நடித்தார். சிவாஜியுடன் நடிக்க பாகவதர் மறுத்து விட்டார் என சினிமாவுலகில் சிற்சில சர்ச்சைகள் கிளம்பின. அவைகளை பாகவதர், தமது சொல்லாலும், செயலாலும் ஒரு முடிவுக்குக் கொண்டு வந்தார். "சிவாஜியுடன் நடிக்க எல்லோரையும் போல் எனக்கும் விருப்பமே. ஆனால் அம்பிகாபதியின் தந்தை கம்பராக நடிக்க நான் விரும்பவில்லை. ஏனென்றால், ஏற்கனவே நான் அம்பிகாபதியாகவே நடித்திருக்கிறேன். அதனால் கம்பராக நடிக்க மனமில்லை." என அறிவித்தார். இதோடு நில்லாமல், தனது சொந்தத் தயாரிப்பில், நடிகர் திலகத்தைக் கதாநாயகனாகக் கொண்டு, தானும் நடிகர் திலகத்துக்கு தந்தையாக நடிக்க முடிவு செய்து ஒரு படத்தைத் துவக்கினார் பாகவதர். அந்தப் படத்தின் பெயர் "பாக்கிய சக்கரம்". இது நிகழ்ந்த ஆண்டு 1958. இந்த சமயத்தில், பாகவதரின் உடல்நிலை மோசமடைய, பாக்கிய சக்கரத்தின் படப்பிடிப்பு நடத்த முடியாமலே நின்று போனது. பின்னர் 1959-ல் பாகவதர் இயற்கை எய்தினார். "திரை, இசை உலகின் இமயம் வீழ்ந்தது" என நடிகர் திலகம் இரங்கல் விடுத்தார்.

சமீபத்தில், சிவாஜி-பிரபு அறக்கட்டளையின் பெருமுயற்சியில், திரையுலக முன்னோடிகளை கௌரவிக்கும் விதமாக, நடிகர் திலகத்தின் இரண்டாம் ஆண்டு நினைவு தினத்தன்று(21.7.2003), சென்னையில் நடந்த நிகழ்ச்சியில், தபால் துறை, பாகவதருக்கு சிறப்பு தபால் உறை வெளியிட்டு கௌரவித்தது. (இதே நிகழ்ச்சியில், நடிகர் பி.யூ.சின்னப்பா அவர்களுக்கும், கலைவாணர் என்.எஸ்.கே. அவர்களுக்கும் சிறப்பு தபால் உறை, அவர்களை கௌரவிக்கும் விதமாக வெளியிடப்பட்டதும் இங்கே குறிப்பிடப்பட வேண்டிய ஒன்று.)

அன்புடன்,
பம்மலார்.

கடந்த புதன்கிழமையன்று (17.10.2010) வசந்த் தொலைக்காட்சியில் ஒளிபரப்பான 'சிங்கத்தமிழன் சிவாஜி' நிகழ்ச்சியில், நடிகர் 'சிலோன் மனோகர்' கலந்துகொண்டு நடிகர்திலகத்திப்பற்றிய தன் நினைவலைகளைப் பகிர்ந்து கொண்டார் என்று சொல்வதைவிட அவர்மீதான தன்னுடைய பக்தியை வெளிப்படுத்திக்கொண்டார். அவரது பக்திப்பிரவாகமான பேச்சு நம்மை மெய் சிலிர்க்க வைத்தது.

பள்ளியில் படிக்கும் காலத்தில் நடிகர்திலகத்தின் படங்கள் வெளியாகும் நாட்களில் அவர்களின் நண்பர்கள் வட்டாரத்தில், யார் முதல் டிக்கட் வாங்குவது என்று பெரிய போட்டியே நடக்குமாம். அப்போட்டியில் ஜெயித்து முதல் டிக்கட் வாங்குபவர், மற்றவர்களுக்கு தேனீர் விருந்து அளிப்பாராம். அதில் பெரும்பாலும் தானே வெற்றி பெற்றதாக பெருமை பொங்கச் சொன்னார்.

பள்ளியில் நடந்த பாட்டுப்போட்டியில், பங்கேற்ற மனோகர், நடிகர்திலகம் நடித்த 'எல்லோரும் நலம் வாழ நான் பாடுவேன்' (எங்க மாமா) பாடலைப்பாடி முதல் பரிசு பெற்றதாகச் சொன்னவர் அப்பாடலைப்பாடியும் காட்டினார். திரைப்படங்களில் பாட ஆர்வம் கொண்டு எம்.எஸ்.வி. அவர்களையணுகியபோது, தகுந்த சந்தர்ப்பம் வரும்போது அழைப்பதாகக்கூறியனுப்பிய மெல்லிசை மன்னர், நடிகர்திலகத்தின் 'பைலட் பிரேம்நாத்' படத்தில் வரும் 'கோப்பித்தோட்ட முதலாளிக்கு' பாடலை L.R.ஈஸ்வரியுடன் இணைந்து பாட முதன்முதலில் வாய்ப்பு அளித்ததாகச்சொன்னார். நடிகர்திலகத்துடன் இணைந்து நடிக்க வாய்ப்புக்கிடைத்தது, வாழ்நாளில் தனக்குக்கிடைத்த மிகப்பெரும் பாக்கியம் என்றார்.

உலகமெங்கிலும் உள்ள தமிழர்களின் நெஞ்சங்களில் நீங்கா இடம்பெற்றிருப்பவர் நடிகர்திலகம் என்று குறிப்பிட்டவர், வெளிநாடு வாழ் தமிழர்களின் இல்லங்கள் அனைத்திலும் அவர் நடித்த படங்களின் வீடியோக்களும், சி.டி.க்களும் இல்லாத இல்லங்களே இல்லையென்று பெருமையுடன் சொன்னார். அரைமணிநேரம் அவர் பேச்சு, நடிகர்திலகத்தின் மீதான பக்திப்பிரவாகமாகப் பாய்ந்தது. நடிகர்திலகத்தின் மீது, சிலோன் மனோகர் இந்த அளவு பற்றுதல் வைத்திருப்பது நம்மை ஆச்சரியத்தில் மூழ்கடித்தது என்றால் அது மிகையல்ல.

oted Hubber


Joined: 13 Sep 2009
Posts: 260
Location: Chennai
Posted: Fri Mar 19, 2010 5:42 pm Post subject: Re: Sivajiganesan reg
J.Radhakrishnan wrote:
பம்மலார் சார் உங்கள் தகவல்கள் அருமை. கர்ணன் படம் 108 நாள் ஓடியதா? யாரோ அது தோல்வி படம் என்று சொன்னார்களே ?

ராதாகிருஷ்ணன் (NT Devotee)


வெற்றிக்காவியமே கர்ணன்

"கலைப்பொன்னி" சினிமா மாத இதழின் ஜூலை 1964 இதழில் வெளியான ஒரு கேள்வி-பதில்:

கேள்வி : 'கர்ணன்' படத்துக்கு செலவழித்த தொகையைத் தயாரிப்பாளர் பந்துலு பெற்றிருப்பாரா?

பதில்: நிச்சயமாகப் பெற்றிருப்பார். பந்துலுவைக் 'கர்ணன்' காப்பாற்றி விட்டதாகத்தான் வட்டாரத்தில் பேசிக் கொள்கிறார்கள்.

Thank you pammalar Sir, very good information.

Radhakrishnan.

நன்றி ஜோ, செந்தில், சுவாமி.

சாரதா,

நன்றி. நீங்கள் சொன்னது முழு உண்மை. அவர் இது போன்ற சாதனைகளை மதுரையிலே எத்தனையோ முறை செய்திருக்கிறார். சில தியேட்டர்களை ஏன் விட்டு வைத்தார் என்று கேட்டீர்கள்.நீங்கள் குறிப்பிட்டவற்றில் கல்பனா தியேட்டரில் அதே 1978 மே 12 முதல் புண்ணிய பூமி வெளியானது. தேவியைப் பொறுத்த வரை 1975 தீபாவளிக்கு வெளியான வைர நெஞ்சம் படத்திற்கு பிறகு அந்த தியேட்டரில் நடிகர் திலகத்தின் படம் என்றால் 1979 ஆண்டு வெளியான கவரி மான்தான். சென்ட்ரலில் Dr. சிவா [1975 தீபாவளி] படத்திற்கு பிறகு 1978 தீபாவளியன்று வெளியான பைலட் பிரேம்நாத்தான், இதை தவிர எத்தனை பழைய படங்கள்? நான் நடிகர் திலகத்தின் பல பழைய படங்களைப் பார்த்ததும் அந்த காலக்கட்டத்தில் தான். இப்போது கர்ணன் பற்றி பேச்சு வந்தது. கர்ணன் 1978 -ம் ஆண்டு நவம்பரில் மதுரை மீனாட்சியில் திரையிடப்பட்டபோது புதிய படம் போல் ஓடியது. தொடர்ந்து 50 காட்சிகள் ஹவுஸ் புல். இப்படி சொல்லிக் கொண்டே போகலாம்.

Quote:

---

Originally Posted by pammalar

மாபெரும் வெற்றிவீரரான கர்ணன், செஞ்சோற்றுக் கடன் தீர்க்க இ(ரு)ந்த பக்கமே இருந்ததால், தோற்கடிக்கப்பட்டார். மாபெரும் தயாரிப்பாளரான பந்துலு, அந்தப் பக்கம் போனதால், வெற்றியாளர் கர்ணன், வெற்றி பெற்ற கர்ணன் தோல்வி என அறிவிக்கப்பட்டார். ஆக, பரமாத்மா முதல் பந்துலு வரை, கர்ணனைத் தோற்கடிக்க, எத்தனை குறியாக இருந்திருக்கிறார்கள்.

---

சுவாமி தங்களின் இந்த வரிகள் மிகப் பிரமாதம். அது போல பாகவதரின் இறுதி ஆசையும் பற்றிக் குறிப்பட்டது சாலப் பொருந்தும். நடிகர் திலகம் பாகவதர் செய்திகள் பிரமாதம்

அன்புடன்

டியர் முரளி சார், ராகவேந்திரன் சார், திரு.செந்தில், திரு.ராதாகிருஷ்ணன், திரு.ரங்கன், சகோதரி சாரதா, தமிழ்,

அனைவருக்கும் எனது மனமார்ந்த நன்றி!

சகோதரி சாரதா,

என்னைப் போல் ஒருவன் குறித்த கூடுதல் விவரங்களும், சிலோன் மனோகர் அவர்களின் சிவாஜி நினைவலைகளும் அசத்தல், அருமை. சிங்கத்தமிழன் சிவாஜி நிகழ்ச்சியை, பார்க்க முடியாமல் போகின்றவர்களுக்கு, தங்களது பதிவுகள் ஒரு வரப்பிரசாதம். பார்த்து ரசித்தவர்களுக்கு அதுவே ஒரு நல்ல நினைவூட்டல்.

திரு.ரங்கன்,

ஒரு கைதேர்ந்த திரைப்பட இயக்குனரைப் போல், கௌரவத்தின் ஒவ்வொரு காட்சியையும் அனுபவித்து எழுதுகிறீர்கள்! புதிய பறவை ஆரம்பக் காட்சி வர்ணனை அருமை. மேலும், புதிய பறவை படக் காட்சிகளை, தங்களின் புதிய, புதிய வர்ணனை வடிவங்களில் ஆவலுடன் எதிர்நோக்குகின்றேன்.

ராகவேந்திரன் சார்,

"வணக்கம் பல(மூன்று) முறை சொன்னேன்." தாங்கள் கூறியது முற்றிலும் உண்மை. மூன்று நபர்களுக்கும், அவரவர் கலாசாரத்தின் படி, மூன்று வெவ்வேறு விதமான வணக்கங்களை ஒரே ஷாட்டில் நமது நடிகர் திலகத்தால் மட்டுமே செலுத்த முடியும்.

அன்புடன்,
பம்மலார்.

Quote:

---

Originally Posted by saradhaa_sn

ராமண்ணா மிகுந்த சிரமத்துக்கிடையேதான் இப்படத்தை வெளிக்கொணர்ந்தார். இறுதியில் ரீ-ரிக்கார்டிங் செய்வதற்குக்கூட வசதியின்றி, மெல்லிசை மன்னரின் அனுமதியுடன் அவர் முன்னர் பல்வேறு படங்களுக்கு அமைத்திருந்த பின்னணி இசையை அப்படியே பயன்படுத்திக்கொண்டார். டைட்டில் மியூசிக் சொர்க்கம் படத்தினுடையது அப்படியே பயன்படுத்தப் பட்டிருந்தது. நடிகர்திலகத்தை அறிமுகப்படுத்தும் மியூசிக், ஊட்டிவரை உறவு படத்தில் நாகேஷ், கடையொன்றில் ஒரு ஆங்கிலோ இந்தியப்பெண்ணின் பார்சலில் இருந்து 'காணவில்லை' விளம்பரத்தைக் கிழிக்க முற்படும்போது வாசிக்கப்பட்ட இசை. இப்படி பல்வேறு படங்களில் இருந்து பொருத்தமாக இணைத்திருந்தார். (சொன்னால்தான் மற்றவர்களுக்கே தெரியும். மற்றபடி இப்படத்துக்காகவே அமைக்கப்பட்ட ரீரிக்கார்டிங் போலவே இருக்கும்). நடிகர்திலகத்தின் காட்சிகள் எல்லாம் வெகுநாட்களுக்கு முன்பே முடிக்கப்பட்டிருந்தபோதிலும், தயாரிப்பாளரின் வேறு பல காரணங்களால் படம் தாமதப்பட்டது. நடிகர்திலகம் நடித்த ஒன்றிரண்டு சிறிய காட்சிகள் மட்டும் கடைசியில் எடுக்கப்பட்டு இணைக்கப்பட்டன. பள்ளியின் 'பெற்றோர் தின விழாவுக்கு' சேகரின் குழந்தைகள் சுந்தரமூர்த்தியை அழைக்கும் காட்சியும், மாடியிலிருந்து உருண்டுவிழும் பெண் குழந்தையை சுந்தரமூர்த்தி தூக்கும் காட்சியும் கடைசியில் எடுக்கப்பட்டன. (இந்தக்காட்சியில்கூட நடிகர்திலகத்தின் சட்டை, தோள்பட்டையில் கிழிந்திருக்கும். அதைக்கூட கவனிக்காமல் எடுத்திருப்பார் ராமண்ணா).

---

:o enga irundhu indha information ellam pudikkireenga ??? Amazing !!! It really helps people like me to know more about the making of such great films and that's one of the reasons for my addiction to this thread.

Quote:

---

Originally Posted by RAGHAVENDRA

டியர் ரங்கன்,
புதிய பறவை பற்றிய உங்கள் பதிவு அருமை. நீங்கள் சொன்னது போல் சரோஜாதேவி கருப்பு வெள்ளை படங்களில் இருந்த அழகும் எழிலும் வண்ணப் படங்களில் இல்லை என்பது ஏற்கத்தக்கதே. இப் படத்தில் முழுக்க முழுக்க நடிகர் திலகத்தை ரசித்தாலும், ஒரு காட்சியில், தான் எவ்வளவு உன்னதமான நடிகர் என்பதை நிரூபித்து விட்டார். தன்னுடைய பிறந்த நாளன்று சித்ரா இன்னும் வரவில்லையே என்ற கவலையிலும் வந்தவர்களை இன்முகத்துடன் வரவேற்கும் காட்சி. இக்காட்சியில் இயக்குநரின் திறமையும் பளிச்சிடும். வாசலில் மூன்று வெவ்வேறு கலாச்சாரத்தைச் சார்ந்த குடும்பத்தினர் நடிகர் திலகத்திற்கு அவரவர் முறைப்படி வணக்கம் செலுத்திக் கொண்டே வருவர். அவ்வளவு வருத்தத்திலும் கவலையிலும், அதே இன்முகத்தோடு அவர்கள் மூவரையும் அவர்களுடைய கலாச்சாரத்தின் படியே பதில் வணக்கம் செலுத்துவார் நடிகர் திலகம். இக்காட்சியில் உன்னிப்பாகப் பார்த்தால் ஒரே ஷாட்டில் எடுக்கப் பட்டதாகத் தோன்றுகிறது, அதுவும் மிகவும் சில விநாடிகள் தான். அப்படியென்றால் அந்த மிகச் சிறிய வினாடிகளுக்குள் மூவருக்கும் அவரவர் கலாச்சாரப்படி பதில் வணக்கம் செலுத்தும் நடிப்பு நிச்சயம் நடிகர் திலகத்தைத் தவிர வேறு யாராலும் அவ்வளவு வேகமாக நடித்திருக்க முடியாது. அது மட்டுமன்றி, ஒவ்வொரு பதில் வணக்கத்திற்கும் ஒவ்வொரு ஷாட் வைத்திருப்பர்.

What a Genius!

ராகவேந்திரன்

---

Very true Raghavendra sir. Once again, NT's amazing observation power played a great role here.

Quote:

---

Originally Posted by pammalar

சரோஜாதேவியின் ரியாக்ஷ்ன்களும் இப்பாடலில் நன்றாகவே இருக்கும். பாடல் முடிந்ததும் சரோஜாதேவி நடிகர் திலகத்திடம், "முடிஞ்சுதா?" என்பார். "பெரிய பாகவதரோட பாட்ட இத்தன நேரமா மூச்ச புடிச்சுகிட்டு பாடிருக்கேன். இப்படிக் கேக்குறையே?" என்பார் நடிகர் திலகம். ரசிக்கத்தக்க அம்சங்கள்.

---

:lol: Fantastic article pammalar sir. Very interesting informations. Very heartening to know that Bhagavadhar played host in NT's sister's wedding. What an integrity the actors had in those days.

( BTW, I personally, am a big fan of MKT. Avarudaya " rajan maharajan, maraivai pudhaitha oadu - and of course the evergreen's, soppana vazhvil, ammayappa, manmadha leelai.....". Innaikellam kaetukitte irukkalam ).

மார்ச், ஏப்ரல் மாதங்கள் வந்தாலே பள்ளிகளிலும், கல்லூரிகளிலும் எல்லா வகுப்புகளுக்கும் ஆண்டுத் தேர்வுகளும், பொதுத் தேர்வுகளும் நடைபெறும் நேரம். ஆகவே, தேர்வுகளை எழுதும் மாணவ-மாணவியர் அனைவருக்கும் உளங்கனிந்த நல்வாழ்த்துக்கள்! எதிர்கால இந்தியாவின் தூண்களான மாணவமணிகள் அனைவருக்கும் கடவுள் அருளும், கலைமகளின் கிருபையும், கலைமகளின் அருள் பெற்ற நமது வித்யாபதியின் ஆசிகளும் ஒரு சேர கிடைக்கப் பெற்று, எழுதும் தேர்வுகள் எல்லாவற்றிலும் மிக அதிகமான மதிப்பெண்களைக் குவித்து, கல்வியில் மென்மேலும் உயர்வடைய வளமான வாழ்த்துக்கள்!

இனி விஷயத்திற்கு வருவோம். பள்ளியிலும், கல்லூரியிலும் எந்தவொரு வகுப்பில் படித்தாலும், படிப்பதற்கு ஒவ்வொரு வகுப்பிலும் பற்பல பாடங்கள் உண்டு. தமிழ், ஆங்கிலம், ஹிந்தி, கணிதம், அறிவியல், வரலாறு, புவியியல், சமூக அறிவியல், இயற்பியல், வேதியல், உயிரியல், தாவரவியல், விலங்கியல், கணக்கியல், கணிப்பொறியியல், பொருளாதாரம், வணிகவியல் என பலவகைப் பாடங்கள் உண்டு. எல்லாப் பாடங்களின் தேர்வுகளுக்கும், கேள்வித்தாள்கள் வடிவமைக்கப்படும். நடிகர் திலகம் சம்பந்தப்பட்ட விஷயங்களை எல்லாம், சிவாஜியியல் என்கின்ற தலைப்பில் ஒரு பாடமாக்கி, அதற்கு ஒரு தேர்வு வைப்பதற்காக, ஒரு கேள்வித்தாளை வடிவமைத்தால் எப்படி இருக்கும். இதோ உஙகள் பார்வைக்கு சிவாஜியியல் பாடத்தின் கேள்வித்தாள்.

(கேள்வித்தாள் அடுத்த பதிவில்)

அன்புடன்,
பம்மலார்.

சிவாஜியியல்

நேரம் : 3 மணி ; மொத்த மதிப்பெண்கள் : 100

பகுதி - அ [மதிப்பெண்கள் : 30 x 1 = 30] (எல்லா வினாக்களுக்கும் விடை தருக)

சரியான விடையைத் தேர்ந்தெடுக்கவும்:

1. பராசக்தி படத்தில் நடிகர் திலகத்தின் கதாபாத்திரத்தின் பெயர்

அ) ஞானசேகரன் ஆ) குணசேகரன் இ) ராஜசேகரன் ஈ) சந்திரசேகரன்

2. வாழ்விலே ஒரு நாள் திரைப்படத்தில் நடிகர் திலகத்திற்கு ஜோடியாக நடித்தவர்

அ) பத்மினி ஆ) எஸ். வரலட்சுமி இ) பண்டரிபாய் ஈ) ஜி. வரலட்சுமி

3. "மாதவிப் பொன்மயிலாள் தோகை விரித்தாள்" பாடலை இயற்றியவர்

அ) வாலி ஆ) கண்ணதாசன் இ) மருதகாசி ஈ) ஆத்மநாதன்

4. சிம்ம சொப்பனம் படத்தின் இசையமைப்பாளர்

அ) இளையராஜா ஆ) எம்.எஸ்.விஸ்வநாதன் இ) கே.வி.மகாதேவன் ஈ) சங்கர்-கணேஷ்

5. தனது தமிழக முன்னேற்ற முன்னணி கட்சிக்கு தலைவர் சிவாஜி முதலில் சூட்டிய பெயர்

அ) தமிழக முன்னணி ஆ) தேசிய முன்னணி இ) தமிழக காங்கிரஸ் ஈ) தமிழ் தேசம்

கோடிட்ட இடங்களை சரியான விடை கொண்டு நிரப்புக:

6. பள்ளிக் குழந்தைகளின் மதிய உணவு திட்டத்திற்காக, பிரதமர் நேருவிடம் நடிகர் திலகம் ரூ.--------------------- அளித்தார்.

7. சிவாஜி-பீம்சிங் கூட்டணியில் உருவான முதல் "ப" வரிசைப் படம் -------------------------------------.

8. -------------------------------------------- திரைப்படம் நாதத்தையும், பரதத்தையும் மையமாகக் கொண்டது.

9. சிவாஜி அவர்கள் மூன்று வேடங்களில் (கதாபாத்திரங்கள்) தோன்றிய முதல் படம் ------------------------------.

10. நடிகர் திலகம் ---------------------------------- கோவிலுக்கு யானை அளித்தார்.
(பல கோவில்களுக்கு யானைகளைக் காணிக்கையாக அளித்துள்ளார். ஏதேனும் ஒரு கோவிலுக்கு வழங்கியதைக் குறிப்பிடவும்.)

சரியான விடையைத் தருக:

11. கணேசன் அவர்கள் பிறந்த ஊர் எது?

12. சிவாஜி கணேசன் அவர்களின் இயற்பெயர் என்ன?

13. சிவாஜி அவர்கள் ஏற்று நடித்த முதல் நாடக வேடம் என்ன?

14. இராமாயண நாடகத்தில் சிவாஜி அவர்கள் நடிக்காத மிக முக்கிய வேடம் ஒன்று உண்டு. அது எந்த வேடம்?

15. கணேசன் அவர்களுக்கு சிவாஜி கணேசன் என்று பட்டம் கொடுத்து அழைத்தது யார்?

16. சிவாஜி கணேசன் அவர்கள் எந்த வருடம் சக்தி நாடக சபாவில் சேர்ந்தார்?

17. சக்தி நாடக சபாவில் சிவாஜி அவர்கள் நடித்த ஏதேனும் ஒரு நாடகத்தின் பெயரினைக் கூறுக.

18. பராசக்தி படத்தின் மேக்கப் டெஸ்டிற்காக நடிகர் திலகத்தை புகைப்படங்கள் (ஸ்டில்ஸ்) எடுத்த புகைப்படக் கலைஞர் யார்?

19. இல்லற ஜோதியில் இடம்பெற்ற 'அனார்கலி - சலீம்' ஓரங்க நாடகத்தின் வசனங்களை எழுதியவர் யார்?

20. இரும்புத்திரை எந்த ஊரில், எந்த அரங்கில் 100 நாட்களுக்கு மேல் ஓடியது?

21. மக்களை பெற்ற மகராசியில் எந்த வட்டாரத் தமிழ் பேசப்பட்டது?

22. நடிகர் விஷாலின் சகோதரர் ஒரே ஒரு படத்தில் நடிகர் திலகத்துடன் இணைந்து நடித்தார். அந்தப் படத்தின் பெயர்?

23. சிவாஜி அவர்களுக்கு கலைக்குரிசில் என்ற பட்டத்தை வழங்கியவர் யார்?

24. விஸ்வரூபம் 100வது நாள் விழாவில் சிங்கத்தமிழனுக்கு வெற்றிவிழா ஷீல்டை அளித்தவர் யார்?

25. நடிகர் திலகம் இசைக் கருவியை இசைத்த முதல் திரைப்படம் எது?

26. களம் கண்ட கவிஞன் நாடக உரையாடல்களை எழுதியவர் யார்?

27. கல்யாணியின் கணவன் திரைப்படத்தின் ஒளிப்பதிவாளர் யார்?

28. தெய்வமகன் திரைப்படத்திற்கு முதலில் வைக்கப்பட்ட பெயர் என்ன?

29. வைரநெஞ்சம் எந்த ஊரில் 50 நாட்களுக்கு மேல் ஒடியது?

30. நடிகர் திலகத்தின் 159வது திரைப்படம் எது?

பகுதி - ஆ [மதிப்பெண்கள் 15 x 2 = 30] (எல்லா வினாக்களுக்கும் விடைகளைத் தருக)

31. வீரபாண்டிய கட்டபொம்மன் நாடகம் எந்த ஊரில் அரங்கேற்றப்பட்டது? அரங்கேற்றத்தன்று தலைமை தாங்கியவர் யார்?

32. திருவிளையாடலில், புலவராக வரும் சிவபெருமான், தன்னை தருமியிடம் அறிமுகம் செய்து கொள்ளும் அந்த 2 வரி வசனங்களை எழுதுக.

33. நடிகர் திலகத்தின் பிள்ளைச்செல்வங்களின் (வாரிசுகளின்) நற்பெயர்களைக் குறிப்பிடுக.

34. இந்திய தேசிய காங்கிரஸ் கட்சியில் நடிகர் திலகம் எந்த வருடம் இணைந்தார்? யாரை அவர் தலைவராக ஏற்றுக் கொண்டார்?

35. மாடர்ன் தியேட்டர்ஸ் திரைப்பட தயாரிப்பு நிறுவனத்தின் தயாரிப்பில் வெளிவந்த நடிகர் திலகத்தின் திரைப்படங்கள் எவை?

36. நடிகர் திலகமும் மக்கள் திலகமும் இணைந்து நடித்த ஒரே திரைப்படம் எது? மக்கள் திலகம் தலைமை தாங்கிய நடிகர் திலகத்தின் 100வது நாள் திரைப்பட விழா எது?

37. பாசமலர் ராஜசேகரன் தனது தங்கையை ஆனந்தனிடம் ஒப்படைக்கும் போது கூறும் வார்த்தைகள் என்ன?

38. நடிகர் திலகத்துக்கு சந்திரபாபு பின்னணி பாடிய படம் எது? அப்பாடலின் முதல் வரி என்ன?

39. நடிகர் திலகத்துடன்

i) கமல் நடித்த முதல் திரைப்படம்

ii) ரஜினி நடித்த முதல் திரைப்படம்

iii) விஜய் நடித்த ஒரே திரைப்படம்

iv) நதியா நடித்த திரைப்படம்

ஆகியவைகளின் பெயர்களைக் குறிப்பிடுக.

40. நடிகர் திலகத்தின் அண்ணன், தம்பி, தங்கை, தங்கையின் கணவர் ஆகியோரது நற்பெயர்களைக் குறிப்பிடுக.

41. நடிகர் திலகத்தின் திரைப்படம் வெளியான தினத்தன்று வெளியான ஏதேனும் 4 மக்கள் திலகத்தின் திரைப்படங்களின் பெயர்களைக் கூறுக.

42. கீழ்க்காணும் திரைப்படங்களில் நடிகர் திலகத்தின் கதாபாத்திரப் பெயர்களைக் குறிப்பிடுக.

i) படிககாத மேதை ii) பாகப்பிரிவினை iii) எங்க மாமா iv) நிறைகுடம்

43. நடிகர் திலகத்தின் திருமணம் எந்த ஊரில், எந்த தேதியில் நடைபெற்றது?

44. தங்கப்பதக்கம் நாடகம் எத்தனை முறை நடத்தப்பட்டது? தங்கப்பதக்கம் திரைப்படம் வெளியான தேதி என்ன?

45. கீழக்காணும் எழுத்தாளர்களின் படைப்புக்கள் நடிகர் திலகத்தின் படங்களாகியுள்ளன. படைப்பையும், படத்தையும் குறிப்பிடவும்.

i)அகிலன் ii) கல்கி iii) லக்ஷ்மி iv) ஜெயகாந்தன்

பகுதி - இ (மதிப்பெண்கள் : 6 x 5 = 30)

குறிப்பு:

i) எல்லா வினாக்களுக்கும் விடை தருக.

ii) ஒவ்வொரு வினாவிலும் தரப்பட்டுள்ள மாற்று வினாக்களில் ஏதேனும் ஒன்றுக்கு மட்டும் விடையளிக்கவும்.

46. பராசக்திக்கு முன் உள்ள சிவாஜி அவர்களின் நாடக உலகத் தகவல்கள் சிலவற்றைத் தொகுத்து எழுதுக. (குறைந்த பட்சம் 10 வரிகள்)

(அல்லது) நடிகர் திலகத்தின் திரைப்படங்களில் இடம்பெற்ற ஓரங்க நாடகங்களைப் பட்டியலிடுக. (குறைந்த பட்சம் 10 ஓரங்க நாடகங்கள்)

47. பீம்சிங் இயக்கிய நடிகர் திலகத்தின் படங்களைப் பட்டியலிடுக. (குறைந்த பட்சம் 15 படங்கள்)

(அல்லது) நடிகர் பாலாஜி தயாரிப்பில் வெளிவந்த நடிகர் திலகத்தின் திரைப்படங்களைப் பட்டியலிடுக. (குறைந்த பட்சம் 15 படங்கள்)

48. தங்கப்பதக்கம் எஸ்.பி.சௌத்ரி அவர்களின் அழகு முகத்தை ஓவியமாக வரைக.

(அல்லது) பாவமன்னிப்பு ரஹீம் கதாபாத்திரத்தின் தன்மைகள் சிலவற்றை விவரித்து எழுதுக. (குறைந்த பட்சம் 10 வரிகள்)

49. திருவிளையாடல் திரைப்படம் 100 நாட்களும் அதற்கு மேலும் ஓடிய திரையரங்குகளைக் குறிப்பிடுக.
(ஊர் - அரங்கு என்ற ஃபார்மெட்டில்) (குறைந்த பட்சம் 10 அரங்குகள்) (அல்லது)

வசந்த மாளிகை திரைப்படம் 100 நாட்களும் அதற்கு மேலும் ஓடிய திரையரங்குகளைக் குறிப்பிடுக.
(ஊர் - அரங்கு என்ற ஃபார்மெட்டில்) (குறைந்த பட்சம் 10 அரங்குகள்)

50. நடிகர் திலகமும் இளைய திலகமும் இணைந்து நடித்த திரைப்படங்களைப் பட்டியலிடுக. (குறைந்த பட்சம் 15 திரைப்படங்கள்)

(அல்லது) ராஜபார்ட் ரங்கதுரையில் நடிகர் திலகத்தின் விதவிதமான கெட்டப்புகளை(வேடங்களை) பட்டியலிடுக. (குறைந்த பட்சம் 10 கெட்டப்புகள்)

51. புதிய பறவை திரைப்படத்தின் கதையை விவரித்து எழுதுக. (குறைந்த பட்சம் 10 வரிகள்)

(அல்லது) என்னைப் போல் ஒருவன் சுந்தரமூர்த்தி, ஞான ஒளி அருண் - சிறு குறிப்பு வரைக.
(ஒவ்வொரு பாத்திரத்தைப் பற்றியும் குறைந்த பட்சம் 5 வரிகள்)

பகுதி - ஈ (மதிப்பெண்கள் : 10)

52. கீழ்வருவனவற்றைப் பொருத்துக :

1) 21.7.2004 i) நயாகரா நகர மேயராக தங்கச்சாவி

2) செவாலியே விருது ii) தாயைப் போல பிள்ளை நூலைப் போல சேலை

3) அமெரிக்க அரசு iii) வீரபாண்டிய கட்டபொம்மன்

4) நான் பெற்ற செல்வம் iv) எம்.கே.ராதா சிறப்பு தபால் உறை

5) பைலட் பிரேம்நாத் v) பிரான்ஸ்

6) பத்மினி பிக்சர்ஸ் vi) இந்திய-இலங்கை கூட்டுத் தயாரிப்பு

7) எகிப்து - கெய்ரோ vii) கர்ணன்

8) விஸ்வநாதன்-ராமமூர்த்தி viii) சேக்கிழார்

9) திருவருட்செல்வர் ix) ஆசிய-ஆப்பிரிக்க சிறந்த நடிகராக வெள்ளிப் பருந்து சிலை

10) பொற்கைப் பாண்டியன் x) ஏ.பி.நாகராஜன்

-----------------------------------------------------------------------------------------------------------------------------------

சிவாஜியியல் கேள்வித்தாள் தொகுப்பு : பம்மல் ஆர். சுவாமிநாதன் (பம்மலார்)

-----------------------------------------------------------------------------------------------------------------------------------

அன்புடன்,
பம்மலார்.

தமிழ்த் திரையுலக மூவேந்தர்களில் ஒருவராகத் திகழ்ந்த காதல் மன்னன் ஜெமினி கணேசன் அவர்களுக்கு, இன்று (22.3.2010) ஐந்தாம் ஆண்டு நினைவு நாள். அமரர் ஜெமினிக்கு நமது இதய அஞ்சலி.

நடிகர் திலகத்துடன் காதல் மன்னன் இணைந்து நடித்த திரைக்காவியங்கள்:

1. பெண்ணின் பெருமை(1956)

2. பதிபக்தி(1958)

3. வீரபாண்டிய கட்டபொம்மன்(1959)

4. பாவமன்னிப்பு(1961)

5. பாசமலர்(1961)

6. கப்பலோட்டிய தமிழன்(1961)

7. பார்த்தால் பசி தீரும்(1962)

8. பந்தபாசம்(1962)

9. சரஸ்வதி சபதம்(1966)

10. கந்தன் கருணை(1967)

11. திருவருட்செல்வர்(1967)

12. உனக்காக நான்(1976)

13. நாம் பிறந்த மண்(1977)

அன்புடன்,
பம்மலார்.

டியர் பம்மலார்,
தங்களுக்கு தமிழ்த்திரையுலக கலைஞர்கள் மீது என்ன கோபமோ, என்ன காழ்ப்புணர்ச்சியோ என்ன வெறுப்போ தெரியவில்லை. அவற்றையெல்லாம் ஒரு சேர இப்படிப்பட்ட ஒரு தேர்வை உருவாக்கியிருக்கிறீர்கள்.
குறிப்பாக இந்தத் தேர்வில் பூஜ்யம் மார்க் வாங்குவோர்க்கு பம்பர் பரிசாக ஒரு வீடு கொடுத்தால் தமிழ்த்திரையலகின் முன்னணி நட்சத்திரங்கள் அனைவரும் போட்டி போடுவார்கள். அதே சமயம் இந்தத் தேர்வில் நூற்றுக்கு நூறு மார்க் வாங்கும் தமிழ்த்திரைக் கலைஞர்களை நாடு கடத்தவேண்டும் என்றும் அவர்கள் தமிழரல்லர் என்றும் உத்தரவிட வேண்டும். அதுதான் சிறந்த பரிசாக இருக்க முடியும்.

ராகவேந்திரன்

தங்கப்பதக்கம், பட்டிக்காடா பட்டணமா, எங்கள் வீட்டு பிள்ளை, எங்க ஊரு ராஜா, உயர்ந்த மனிதன் உள்பட எம்ஜிஆர், சிவாஜி யின் பல சூப்பர் ஹிட் படங்களுக்கு ஒளிப்பதிவு செய்த பி.என்.சுந்தரம் காலமானார் . ஆழ்ந்த அஞ்சலி :(

http://thatstamil.oneindia.in/movies...sses-away.html

RIP :(

திரையுலக வரலாற்றில் பல வெற்றிப் படங்களுக்கும், குறிப்பாக நடிகர் திலகத்தின் பல மெகாஹிட் படங்களுக்கும் ஒளிப்பதிவு செய்துள்ள ஒளிப்பதிவு மாமேதை பி.என்.சுந்தரம் அவர்களின் மறைவுக்கு நமது இதயபூர்வமான அஞ்சலி. அவரது பிரிவால் வாடும் அவரது குடும்ப உறுப்பினர்கள், உறவினர்கள், நண்பர்கள், திரையுலகத்தினர் ஆகியோருக்கு நமது ஆழ்ந்த அனுதாபங்களைத் தெரிவித்துக் கொள்கிறோம்.

பம்மல் ஆர். சுவாமிநாதன்

நடிகர்திலகத்தின் எங்க ஊர் ராஜா, ராமன் எத்தனை ராமனடி, ஞான ஒளி, பட்டிக்காடா பட்டணமா, ராஜபார்ட் ரங்கதுரை, தங்கப்பதக்கம், மன்னவன் வந்தானடி, மோகனப்புன்னகை போன்ற பல்வேறு வெற்றிப்படங்களை நம் கண்களுக்கு விருந்தாக்கிய ஒளிப்பதிவு மேதை திரு பி.என்.சுந்தரம் அவர்களின் மறைவு தமிழ்த்திரையுலகின் மிகப்பெரிய இழப்பு. அவரை பிரிந்து வாடும் அனைவரின் இழப்பிலும் பங்கேற்கிறோம்.

'தேவனே என்னைப்பாருங்கள்' பாடலில் மேகக்கூட்டம் நகரும் காட்சியைக் காணும்போதெல்லாம் இனி உங்கள் முகம்தான் எங்கள் கண்முன் தோன்றும்.

நடிகர் திலகத்தின் பல படங்களுக்கு குறிப்பாக மாதவன் இயக்கிய பல படங்களுக்கு ஒளிப்பதிவாளராக இருந்த பி.என்.சுந்தரம் அவர்களின் மறைவுக்கு இதய அஞ்சலி. சாரதா அவர்கள் சொன்னது போல தேவனே என்னைப் பாருங்கள் பாடல் காட்சி இருக்கும் வரை சுந்தரம் அவர்களின் பெயர் நிலைக்கும்.

சுவாமி,

பத்திரிகை நடத்திய அனுபவம் உங்களுக்கு இருக்கிறது என்று தெரியும். பள்ளிக்கூடத்தில் ஆசிரியர் வேலைப் பார்த்த அனுபவமும் உங்களுக்கு இருக்கிறது என்றே அனைவரும் நினைப்பர். அது போன்ற எண்ணம் உங்கள் கேள்வித்தாள் வடிவமைப்பை பார்க்கும் போது தோன்றுகிறது. நீங்கள் வைத்துள்ள சிவாஜியியல் தேர்வு அவரது வாழ்க்கை சரித்திரத்தை முழுவதும் கவர் செய்வது போல் அமைந்து விட்டது.

Quote:

---

Originally Posted by rangan_08

Quote:

---

Originally Posted by saradhaa_sn

ராமண்ணா மிகுந்த சிரமத்துக்கிடையேதான் இப்படத்தை வெளிக்கொணர்ந்தார். இறுதியில் ரீ-ரிக்கார்டிங் செய்வதற்குக்கூட வசதியின்றி, மெல்லிசை மன்னரின் அனுமதியுடன் அவர் முன்னர் பல்வேறு படங்களுக்கு அமைத்திருந்த பின்னணி இசையை அப்படியே பயன்படுத்திக்கொண்டார். டைட்டில் மியூசிக் சொர்க்கம் படத்தினுடையது அப்படியே பயன்படுத்தப் பட்டிருந்தது. நடிகர்திலகத்தை அறிமுகப்படுத்தும் மியூசிக், ஊட்டிவரை உறவு படத்தில் நாகேஷ், கடையொன்றில் ஒரு ஆங்கிலோ இந்தியப்பெண்ணின் பார்சலில் இருந்து 'காணவில்லை' விளம்பரத்தைக் கிழிக்க முற்படும்போது வாசிக்கப்பட்ட இசை. இப்படி பல்வேறு படங்களில் இருந்து பொருத்தமாக இணைத்திருந்தார். (சொன்னால்தான் மற்றவர்களுக்கே தெரியும். மற்றபடி இப்படத்துக்காகவே அமைக்கப்பட்ட ரீரிக்கார்டிங் போலவே இருக்கும்). நடிகர்திலகத்தின் காட்சிகள் எல்லாம் வெகுநாட்களுக்கு முன்பே முடிக்கப்பட்டிருந்தபோதிலும், தயாரிப்பாளரின் வேறு பல காரணங்களால் படம் தாமதப்பட்டது. நடிகர்திலகம் நடித்த ஒன்றிரண்டு சிறிய காட்சிகள் மட்டும் கடைசியில் எடுக்கப்பட்டு இணைக்கப்பட்டன. பள்ளியின் 'பெற்றோர் தின விழாவுக்கு' சேகரின் குழந்தைகள் சுந்தரமூர்த்தியை அழைக்கும் காட்சியும், மாடியிலிருந்து உருண்டுவிழும் பெண் குழந்தையை சுந்தரமூர்த்தி தூக்கும் காட்சியும் கடைசியில் எடுக்கப்பட்டன. (இந்தக்காட்சியில்கூட நடிகர்திலகத்தின் சட்டை, தோள்பட்டையில் கிழிந்திருக்கும். அதைக்கூட கவனிக்காமல் எடுத்திருப்பார் ராமண்ணா).

---

:o enga irundhu indha information ellam pudikkireenga ??? Amazing !!! It really helps people like me to know more about the making of such great films and that's one of the reasons for my addiction to this thread.

---

மோகன்,

சாரதாவின் ஆழ்ந்த கவனிப்பு வெளிப்படும் இடங்களில் இதுவும் ஒன்று. அவருக்கு பிடித்த படம் என்றால் இது போன்ற பல நுண்ணிய தகவல்களை எதிர்பார்க்கலாம். என்னைப் போல் ஒருவன் படம் தாமதமாக வெளியானதற்கு நடிகர் திலகம் எந்த விதத்திலும் காரணமில்லை என்பதை உதாரணத்தோடு சொல்லியிருக்கிறார். நடிகர் திலகத்தின் மேல் தவறில்லை என்பதற்கு மேலும் ஒரு உதாரணம் படத்தின் சென்சார் சான்றிதழ் பார்த்தால் தெரியும். படம் சென்சார் செய்யப்பட்ட தேதி 1976 டிசம்பர் 31 -ந் தேதி. அதன் பிறகு 14 மாதங்கள் கழித்துதான் ராமண்ணா படத்தை வெளியிட்டார். நடிகர் திலகத்தின் வேறு சில படங்களுக்கு சொன்னது போல் இந்த படமும் தாமதமில்லாமல் வந்திருந்தால் மிகப் பெரிய வெற்றியை பெற்றிருக்கும் என்பதில் சந்தேகமில்லை.

அன்புடன்

Some more AMRaja songs for Shivaji

http://www.youtube.com/watch?v=9Ev_vECibzM

http://www.youtube.com/watch?v=r6XgTP5MwOc

Quote:

---

Originally Posted by Murali Srinivas

சுவாமி,

பத்திரிகை நடத்திய அனுபவம் உங்களுக்கு இருக்கிறது என்று தெரியும். பள்ளிக்கூடத்தில் ஆசிரியர் வேலைப் பார்த்த அனுபவமும் உங்களுக்கு இருக்கிறது என்றே அனைவரும் நினைப்பர். அது போன்ற எண்ணம் உங்கள் கேள்வித்தாள் வடிவமைப்பை பார்க்கும் போது தோன்றுகிறது. நீங்கள் வைத்துள்ள சிவாஜியியல் தேர்வு அவரது வாழ்க்கை சரித்திரத்தை முழுவதும் கவர் செய்வது போல் அமைந்து விட்டது.

---

டியர் முரளி சார்,

பல நாட்கள் சிந்தித்து சிந்தித்து, அந்த சிந்தனைகள் செயல்வடிவம் பெற்றதன் வெளிப்பாடே, இந்த சிவாஜியியல் கேள்வித்தாள். தாங்கள் அளித்துள்ள மனம் திறந்த பாராட்டுக்களே இது போன்ற முயற்சிகளுக்கு கிடைக்கும் மாபெரும் வெற்றி. தங்களது பாராட்டுக்களுக்கு எனது ஆத்மார்த்தமான நன்றிகள்!

அன்புடன்,
பம்மலார்.

Dear friends,
There has been a discussion going on about the Shanthi Theatre 50 years banner, at the following link:
http://onlysuperstar.com/?p=6299

Interesting

Raghavendran

Dear Mr.Rajesh,

Thanks a lot for the lovely links of rare NT film songs.

The first song THIRAI POTTU NAAMAEY is from the film RAJA RANI(1956). Sivaji & Padmini - One of the best romantic pairs in the annals of World Cinema. The playback here for NT is voiced by AMRaja and his wife Jikki for Padmini. The song is set to tune by TRPapa and the lyrics are penned by A.Maruthakasi. Every nerve in the face of NT acts and his walk & body language are simply superb. Padmini also does a fine job in the song. This song is the last capsule in the film, which comes in the film after the climax. Perhaps, with this song the film ends on a graceful note. This kind of practice of inserting a song even after the climax and finishing the film in a musical fashion was an accepted & popular formula in the films of 1950s. Anyway, THIRAI POTTU NAAMAEY is a scintillating song.

The other number YENNA YENNA INBAMAEY is from ANBU, NT's 6th film, which came in 1953. The same pair in romance with a piano for their company. The music for the song is from none-other-than again TRPapa and the same gifted melodious couple gift their voices for the romantic couple. Kavignar Kaa.Mu.Sharif has penned the lyrics for this song. As we all know, NT entered filmdom with a bang through PARASAKTHI. This electrifying entry's after-effects are very much proven in a line in this song. As mentioned earlier, ANBU is only NT's Sixth film. In the Charanam of this song.

NT Sings KARPANAI MAEYVUM KAAVIYAM NEEYAEY & (கற்பனை மேவும் காவியம் நீயே)

Padmini replies KAAVIYAM POTTRUM KALAIGNANUM NEEYAEY (காவியம் போற்றும் கலைஞனும் நீயே)

Aaha! Aaha!! A delightful treat for die-hard NT Fans!!!

(This kind of lines are enough ample proofs that NT has conquered Tamil Film World right from 1952 itself)

By-the-by, this is the first film in which NT plays a musical instrument.

Once again Mr.Rajesh, Thank you so much for the two excellent links!

Regards,
Pammalar.

Dear Pammalar,
If NT is included in the syllabus on cinema, your question paper will be the one used to test the students - hope it's not far away.

A small info: NT plays a mrdangam and violin while Padmini dances - a rare scenario - in a female solo song - in the film Illara Jyothi. This song was the inspiration for featuring 5 sivajis in the song Paattum Naane Bhavamum Naane from Thiruvilaiyadal. I shall try to provide the audio link for that song (if it's available online) and an image of that scene.

Raghavendran

An image of the poster for Sivaji Week at the Mahalakshmi Theatre, Chennai:
http://s872.photobucket.com/albums/a...eekmarch10.jpg

Raghavendran

Please click the following link for a Visual Feast with regard to the Sivaji Treat at Chennai Mahalakshmi:

http://pammalar.webs.com/apps/photos...lbumid=8540602

Happy Viewing,
Pammalar.

வசந்த் தொலைக்காட்சியில் புதன் தோறும் ஒளிபரப்பாகும் 'சிங்கத்தமிழன் சிவாஜி' தொடர் நிகழ்ச்சியின் நேற்றைய (23.03.2010) எபிசோட்டில் கலந்துகொண்டு நடிகர்திலகத்தைப்பற்றிய அரிய பல விஷயங்களை வழங்கியவர், தமிழ்நாடு காங்கிரஸ் தலைவர்களில் ஒருவரும் முன்னாள் பாராளுமன்ற் உறுப்பினருமான திரு இரா. அன்பரசு அவர்கள். காங்கிரஸ் தலைவராதலால், அவருடைய உரை நடிகர்திலகத்தின் திரைப்படங்களைபற்றியல்லாது, காங்கிரஸ் பேரியக்கத்தில் அவருடைய பங்களிப்பின் அரிய தொகுப்பாக அமைந்தது. அவருடைய உரையிலிருந்து சில துளிகள்.....

"நடிகர்திலகத்தின் ஒவ்வொரு பிறந்தநாளின்போதும் ஆயிரக்கணக்கில் தொண்டர்களும் ரசிகர்களும் அன்னை இல்லத்தில் காலைமுதல் இரவு வரை அவருக்கு வாழ்த்துச்சொல்லிச் சென்றவண்னம் இருப்பார்கள். அனைவரும் சென்ற பின்னர் அவர்கள் விட்டுச்சென்ற செருப்புக்கள் இரவில் ஒரு லாரியில் ஏற்றி வெளியேற்றப்படும். ஒவ்வொரு பிறந்த நாளின்போதும் அவர் இல்லத்தில் விருந்துக்கழக்கப்படுவோரில் நானும் கண்டிப்பாக இருப்பேன். பிறந்தநாளின்போது அவருக்கு அளிக்கப்படும் பல்வேறு பரிசுப்பொருட்களை அவர் தனக்கென்று வைத்துக்கொள்ளமாட்டார். அங்கு வந்திருக்கும் ரசிகர்களுக்கு அளித்துவிடுவார்.

எப்போதுமே மிகவும் வெளிப்படையாக மனதில் இருப்பதை அப்படியே பேசும் வழக்கமுள்ளவராக இருந்தார். மனதில் ஒன்றை மறைத்துக்கொண்டு வெளியில் வேறொன்றைப்பேசி நிஜவாழ்க்கையில் நடிக்கத்தெரியாதவராக இருந்தார். அதனாலேயே அரசியலில் பலரால் ஏமாற்றத்துக்குள்ளானார்.

ஒவ்வொரு தேர்தலின்போதும் அவருக்கான சுற்றுப்பயணம் தனியாக தயாரிக்கப்படும். சிவாஜி அவர்கள் இருந்தவரையில் அவர் எந்த தேர்தல் பிரச்சாரத்திலும் பங்கேற்காமல் இருந்ததில்லை. அதிலும் குறிப்பாக அப்போது காங்கிரஸ் பேரியக்கத்துக்கு பெரிய தொண்டர் பாசறையாக செயல்பட்டதே அவரது ரசிகர் மன்றங்கள்தான். (இதை மிகவும் பெருமிதத்துடன் குறிப்பிட்டார்). ஒவ்வொரு தேர்தலின்போதும் சிவாஜி ரசிகர்களின் உழைப்பு, காங்கிரஸுக்கு பெரிய பலமாக அமைந்தது.

சிவாஜி அவர்களை தமிழ்நாடு காங்கிரஸ் தலைவராக நியமிக்க வேண்டும் என இந்திராகாந்தியிடம் அப்போது ராணுவ அமைச்சராக இருந்த ஆர்.வெங்கட்ராமன் தெரிவித்திருந்தார். அதை ஏற்று அது தொடர்பாக நேர்முக பேட்டிக்கு வருமாறு டெல்லிக்கு இந்திகாந்தி அம்மையார் அழைத்தார். சிவாஜி அவர்களுடன் நானும் டெல்லி சென்றிருந்தேன். வழக்கமாக இந்திரா அம்மையாரை சந்திக்க யார் சென்றாலும் அவர் அலுவலக அறையில் இருப்பார், போகின்றவர்கள்தான் வணக்கம் செய்துவிட்டு உள்ளே செல்வார்கள். ஆனால் சிவாஜி அவர்கள் சென்றபோது, இந்திரா அம்மையார் வாசல் வரை எழுந்துவந்து வரவேற்று அழைத்துச்சென்றார். கிட்டத்தட்ட அப்போது அவரையே தமிழ்நாடு காங்கிரஸ் தலைவராக நியமிக்க முடிவு செய்தபோதிலும் அது நடைபெறவில்லை. அதற்கு கட்சியில் நிலவிய உட்கட்சிப்பூசல்தான் காரணம் என்று நான் அடித்துச்சொல்வேன். அப்போதுமட்டும் அவர் தலைவராகியிருந்தால், அப்போதே தமிழ்நாட்டில், இப்போது நாம் சொல்லிவரும் 'காமராஜ் ஆட்சி' ஏற்பட்டிருக்கும். அப்படி நடக்காமல் போனதால்தான் இன்னும் நாம் மாநிலக்கட்சிகளுக்கு மாறி மாறி பல்லக்குத் தூக்கிக்கொண்டிருக்கிறோம். (நெத்தியடி)

அவரது திரைப்படங்களில் எப்போதும் தேசியம் இடம்பெற்றிருக்கும். அவர் பங்குபெறும் காட்சிகளில் பின்னணியில் பெருந்தலைவர் காமராஜ் அவர்களின் படம் இருக்கும்படி பார்த்துக்கொள்வார். அதுபோல அவரது படங்களின் பாடல்களில் பெருந்தலைவர் அவர்களைப்பற்றி புகழ்ந்து பாடும் வரிகளை சேர்க்கச்சொல்வார். தேசியம் அவரது ரத்தத்தில் ஊறியிருந்ததால்தான் யாருமே ஏற்றிராத பல்வேறு தேசியத்தலைவர்களின் பாத்திரமேற்று நடித்து மக்கள் மத்தியில் எழுச்சியை உண்டாக்கினார். (இந்த இடத்தில் பகவத்சிங், திருப்பூர் குமரன் கிளிப்பிங்குகள் காண்பிக்கப்பட்டன).

தமிழ்நாட்டில் அதிகமான இடங்களில் பெருந்தலைவர் காமராஜ் அவர்களின் சிலை இடம்பெற்றுள்ள்தென்றால் அதற்கு முழுமுதற்காரணம் அண்ணன் சிவாஜி அவர்கள்தான். அதிகமான காமராஜ் சிலைகளின் பீடத்திலுள்ள கல்வெட்டைக் கவனித்தோமானால், அவற்றைத்திறந்து வைத்தவர் அண்னன் சிவாஜி அவர்கள்தான். தன்னை தங்கள் ஊருக்கு வரும்படி அழைக்க வரும் தொண்டர்கள்/ரசிகர்களிடம் 'உங்கள் ஊரில் பெருந்தலைவர் சிலையை நிறுவ ஏற்பாடு செய்யுங்கள், நான் வந்து திறந்து வைக்கிறேன்' என்று சொல்லியே ஊருக்கு ஊர் தலைவர் சிலை ஏற்படக் காரணமாயிருந்தவர் அண்னன் சிவாஜி அவர்கள். (அடுத்து அன்பரசு அவர்கள் சொன்ன விஷயம் சிலிர்க்க வைத்தது).

பெருந்தலைவர் ஆணைப்படி தமிழ்நாட்டில் விலைவாசி உயர்வுப்போராட்டத்தை முன்னின்று நடத்திய அண்னன் சிவாஜி அவர்கள், அந்தப்போராட்டத்தில் கலந்துகொள்வோர் பட்டியலை, தொண்டர்களின் முகவரிகளோடு சேகரிக்க அந்தந்த பகுதி மன்ற பொறுப்பாளர்களுக்கு உத்தரவிட்டார். முகவரி எதற்கென்றால், தொண்டர்கள் கைது செய்யப்பட்டு சிறையில் இருக்க நேர்ந்தபோது அவர்களின் குடும்பங்களுக்கு பண உதவி செய்தார். தமிழ்நாட்டில் எந்த கட்சித்தலைவரும் செய்யாத அரிய செயல் இது.

அதுபோல கன்னியாகுமரி மாவட்டத்தில் பெரிய வெள்ளம் வந்தபோது, 16 பேரைக்காப்பாற்றிய சிவாஜி ரசிகருக்கு, அப்போதைய அரசு 'வீர இளைஞர்' பட்டம் வழங்கியது. 'நீங்கள் என்ன பட்டம் வழங்குவது?. நான் வழங்குகிறேன்' என்று அவ்விளைஞருக்கு சென்னையில் பாராட்டுவிழா நடத்தி 'வீர இளைஞர்' பட்டம் அளித்ததோடு நில்லாமல் பணமுடிப்பும் வழங்கி கௌரவித்தவர் அண்ணன் சிவாஜி அவர்கள்.

1975 அக்டோபர் முதல்தேதி அவரது பிறந்தநாள்விழாவுக்கு வழக்கம்போல் ஏராளமான ரசிகர்களும், தொண்டர்களும் , திரைப்பட நடிகர்களும் வந்து வாழ்த்துச்சொல்லி சென்றவண்ணம் இருந்தனர். ஆனாலும் அண்ணன் சிவாஜி அவர்களுக்கு பெருந்தலைவர் அவர்கள் இன்னும் வரவில்லையே என்று மனதில் ஒரு தவிப்பு இருந்தது. அதே நேரம் திருமலைப்பிள்ளை ரோட்டில் தனது இல்லத்தில் உடல்நலமின்றி இருந்த பெருந்தலைவர் அவர்களுக்கு, 'சிவாஜியின் பிறந்தநாளில் அவரை வாழ்த்தப்போக முடியவில்லையே' என்ற துடிப்பு இருந்தது. ஒரே நேரத்தில் இருவருக்கும் ஒரே மாதிரியான தவிப்பு. இறுதியில் அங்கிருந்த குமரி அனந்தன், மணிவர்மா ஆகியோரிடம் 'புறப்படுங்கள், சிவாஜி வீட்டுக்குப்போவோம்' என்று காரில் கிளம்பிவிட்டார். தலைவர் புறப்ப்ட்டு விட்டார் என்ற செய்தி கிடைத்ததுமே அண்ணன் சிவாஜி அவர்கள் வீட்டுக்குவெளியே வந்து தலைவரை எதிர்பார்த்து நின்றவர், அவர் காரிலிருந்து இறங்கியதும் அவரது கைகளிரண்டையும் பிடித்துக் கண்ணில் ஒற்றிக்கொண்டு உணர்ச்சிவசப்பட்டார். எல்லோரையும் வீட்டுக்குள் அழைத்துச்சென்றார். தலைவர் அண்னன் சிவாஜியை வாழ்த்திவிட்டு சிறிதுநேரம் பேசிக்கொண்டிருந்துவிட்டு புறப்பட்டார். பெருந்தலைவர் கலந்துகொண்ட கடைசி நிகழ்ச்சி அண்ணன் சிவாஜி அவர்களின் பிறந்த நாள்தான். மறுநாள் பெருந்தலைவர் மறைந்தார்.

அண்ணன் சிவாஜி அவர்களுடைய கனவெல்லாம் தமிழ்நாட்டில் மீண்டும் 'காமராஜ் ஆட்சி' அமைய வேண்டுமென்பதாகவே இருந்தது. எனவே அவர் கனவு கணடது போல தழகத்தில் 'காமராஜ் ஆட்சி' அமையச்செய்வதே அவருக்கு நாம் செய்யும் பெரிய கைம்மாறு ஆகும் என்று கூறி விடைபெறுகிறேன்".

(காங்கிரஸ் பேரியக்கத்தில் நடிகர்திலகத்தின் பங்களிப்பு பற்றிய அரிய பல தகவல்களைத்தந்த அன்பரசு ஐயா அவர்களுக்கு சிவாஜி ரசிக நெஞ்சங்களின் நன்றிகள்).

சகோதரி சாரதா,

தேசிய திலகம், இந்திய தேசிய காங்கிரஸ் பேரியக்கத்திற்கு ஆற்றிய அரும்பெரும் தொண்டுகளை, அளப்பரிய பங்களிப்பை ஒளிவு மறைவில்லாமல், எவருக்கும் அஞசாமல், எதையும் மறைக்காமல், இருட்டடிப்பு செய்யாமல் உள்ளதை உள்ளபடியே உண்மையாக உரைத்த பெருமதிப்பிற்குரிய திரு.இரா. அன்பரசு அவர்களுக்கு பல கோடி நன்றிகள்!

ஒவ்வொரு வாரமும், புதனன்று, வசந்த் தொலைக்காட்சியில் ஒளிபரப்பாகும் சிங்கத்தமிழன் சிவாஜி நிகழ்ச்சியை, கர்ம சிரத்தையோடு, சிறப்பு பதிவுகளாக, நமது நடிகர் திலகம் திரியில் தொடர்ந்து தொகுத்தளித்து வரும் தங்களது திருத்தொண்டு போற்றுதலுக்குரியது, பாராட்டுக்களுக்குரியது. தங்களுக்கு சிவாஜி சமூகமே நன்றிகளைத் தெரிவிக்கக் கடமைப்பட்டுள்ளது.

பாராட்டுக்கள்! வாழ்த்துக்கள்! நன்றிகள்!

அன்புடன்,
பம்மலார்.

Thiru Anbaru vin expressions in vasanth tv programme on NT -athai Sahothari sarathavin ezuthkalil padikum podu arumai.

சகோதரி சாரதா அவர்களே,
Vasanth Tv-ல் இரா அன்பரசு அவர்கள் கூறியபடி பெருந்தலைவர் அவர்கள் கலந்து கொண்ட கடைசி நிகழ்ச்சி அண்ணன் சிவாஜி அவர்களின் பிறந்த நாள்தான். மறுநாள் பெருந்தலைவர் மறைந்தார்.

இதே போல் அண்ணா அவர்கள் கலந்து கொண்ட கடைசி நிகழ்ச்சி நடிகர் திலகத்தின் 125 வது படமான உயர்த்த மனிதன் திரைப்பட விழா ஆகும்

நடிகர் திலகம் அவர்களே தன்னால் மறக்க முடியாத நிகழ்ச்சி என்று ஒரு பேட்டியில் குறிப்பிட்டுள்ளார்கள்.

Radhakrishnan.

திரு பம்மல் சார்,
சிவாஜியியல் கேள்வித்தாள் அருமை.அதற்க்குரிய பதில்களை படித்தாலே நடிகர்திலகத்தின் வாழ்க்கை சரித்திரத்தை படித்த நிறைவு உண்டாகும்.நடிகர்திலத்தின் பழைய பட தகவல்களை இவ்வளவு துல்லியமாக தெரிந்துவைத்திருப்பது வியக்க வைக்கிறது.நடிகர்திலகத்தின் மீதான தங்களின் பக்தி சிலிர்க்க வைக்கிறது.சிவாஜி வாரம் பற்றிய செய்தியும் நோட்டீசும் அருமை.ஞாயிறு மாலை பூமாலை,பாலபிஷேகம்,தீபாராதனை என்று தியேட்டரே அமர்க்களப்பட போகிறது

சாரதா மேடம்,
சிங்கத்தமிழன் சிவாஜி நிகழ்ச்சியை பார்க்க வாய்ப்பில்லாத என்னை போன்றவர்களுக்கு தங்களின் தொகுப்பு ஒரு வரப்பிரசாதம்.வாழ்த்துக்கள்.

குமரி அனந்தன், அன்பரசு, இளங்கோவன்,சிதம்பரம் போன்றவர்கள் முழு மனதோடு முயற்சித்தால் இப்போதும் நடிகர் திலகத்தின் ரசிகர்கள் மூலமாக காங்கிரஸ் பேரியக்கத்தை தமிழகத்திலே வலிமையான இயக்கமாக மாற்றலாம். நடிகர் திலகத்தின் கனவையும் நிறைவேற்றலாம்.

நன்றி சாரதா.

இதை சொல்லும் போது நீங்கள் இரண்டு மூன்று முறை குறிப்பிட்ட ஒரு விஷயம் [நாம் இப்போது பகிர்ந்து கொண்ட விஷயத்திற்கு தொடர்பில்லை என்றாலும்] நினைவுக்கு வருகிறது. மார்ச் 26, 1971 குலமா குணமா வெளியான நாள். 39 வருடங்கள் நிறைவு பெறுகின்றன. 1971-ம் வருடத்தில் நடிகர் திலகத்தின் முதல் நூறு நாட்கள் ஓடிய படம் என்று சாரதா குறிப்பிடுவார். உண்மை, ஆனால் அதே நேரத்தில் வெளியான மற்ற படங்களும் அந்த வெற்றிகோட்டை தொட வேண்டியவை தான். அவை அதை தொட முடியாமல் போனது மக்கள் ஆதரவு இல்லாததால் அல்ல. மாறாக அவை நல்ல முறையில் ஓடியும் தியேட்டர், விநியோகஸ்தர்களின் ஒத்துழைப்பு இல்லாதாதால் மாற்றப்பட்டது. இரு துருவம், தங்கைக்காக மற்றும் அருணோதயம் இவற்றையே குறிப்பிடுகிறேன். குறிப்பாக தங்கைக்காக மற்றும் அருணோதயம் படங்கள்.

குலமா குணமாவைப் பொறுத்த வரை கே.எஸ்.ஜி. படத்திற்கு பெயர் வைப்பதில் தன்னுடைய பணமா பாசமா வெற்றியின் hang over -லியே இருந்தார் என்பதற்கு இந்த படமும் ஒரு உதாரணம். இதற்கு பிறகு கே.எஸ்,ஜி. மீண்டும் நடிகர் திலகத்துடன் இணைய 14 வருடங்கள் காத்திருக்க வேண்டி வந்தது [படிக்காத பண்ணையார்-1985]. இந்த படத்திற்கு பிறகு ஜெய்சங்கர் மீண்டும் 10 வருடத்திற்கு பிறகே நடிகர் திலகத்துடன் கீழ்வானம் சிவக்கும் படத்தில் சேர்ந்து நடித்தார். நாட்டியப் பேரொளியோ 15 வருடங்கள் காத்திருந்து 1986 -ல் தாய்க்கு ஒரு தாலாட்டு மூலம் இணைந்தார் [வெகு நாட்களாக தயாரிப்பில் இருந்து அதே 1971-ம் வருடம் வெளியான தேனும் பாலும் படத்தையும் 1977-ல் பிளாஷ் பாக்கில் ஒரே ஒரு காட்சியில் அம்மாவாக தோன்றிய தீபம் படத்தையும் கணக்கில் எடுத்துக் கொள்ளவில்லை]. இதை தவிர வாணிஸ்ரீயின் நடிப்பு திறமையை வெளிக் கொணர்ந்த படம் இது. மாஸ் ரசிகர்களுக்காக மசாலா படங்களில் அதிகமாக நடிக்கிறார் என்று சொல்லப்பட்ட நேரத்தில் எந்த காலத்திலும் தன்னால் முன் போன்றே கதைக்கு முக்கியத்துவம் கொடுக்கும் படங்களிலும் நடித்து வெற்றிக் கொடி நாட்ட முடியும் என்று நடிகர் திலகம் நிரூபித்த படம் குலமா குணமா.

அன்புடன்

சிவாஜி நியூஸ்

சென்னையில் நாளை வெள்ளிக்கிழமை (26.3.2010) நடைபெற உள்ள நடிகர் திலகத்தின் நிகழ்ச்சிகள்:

1. தங்கத்தமிழ்ப் பெருமகனின் வெள்ளித்திரைத் திருவிழா - செவாலியே சிவாஜி வாரம் (முதல் நாள்) - பெரம்பூர் மஹாலட்சுமி திரையரங்கம் - மன்னவன் வந்தானடி திரைக்காவியம் - நண்பகல் 2:30, மாலை 6:15, இரவு 9:45

2. செல்வாவின் சிவரஞ்சனி இசைக் குழுவினர் வழங்கும் இன்னிசை மழை - இரு சிகரங்களின் காலத்தால் அழியாத பாடல்கள் - நடிகர் திலகம், மக்கள் திலகம் திரைப்படப் பாடல்கள் இன்னிசை நிகழ்ச்சி - ராஜா அண்ணாமலை மன்றம், பிராட்வே - மாலை 6:30

அன்புடன்,
பம்மலார்.

Tomorrow (26.3.2010) at 6:30 PM , A Musical Treat at Chennai Raja Annamalai Mandram.

Please click the following link to have a Visual Treat of the above function:

http://pammalar.webs.com/apps/photos...lbumid=8552310

Happy Viewing,
Pammalar.

http://cinema.dinamalar.com/tamil-ne...rsonalites.htm

Can anyone elaborate on which period Kamal is talking about when he refers to NT's 13 films that did not succeed commercially.