மனதை மயக்கும் மதுர கானங்கள்

dear madhu sir

your post on sankar ganesh music in both malayalayam (lasharchanai kandu) and tamil (ponnoviyum ondru - kumari pennin ullathile) excellant

dear rajesh sir

your post on kunguma thumbigal song is also good .enjoyed both the songs

thanks

regards

gk

வீ.குமார்.

வரதராஜுலு குமார் 1934 இல் பிறந்தவர்(1996 இல் மறைவு).முதலில் இசையில் நாட்டமில்லாமல் இருந்தவர்,பிறகு ஆர்மோனியம் கற்று சிறிதே கர்நாடக இசை கற்று ,எங்கோ குமாஸ்தாவாக பணியாற்றியவர்,பிறகு நாடகங்களுக்கு இசையமைக்க தொடங்கி, இன்னொரு குமாஸ்தா கே.பாலச்சந்தரின் ,ராகினி creations நாடகங்களுக்கு இசையமைத்தது வாழ்வின் திருப்பு முனை.அவரோடு சேர்ந்தே நீர்க்குமிழி அறிமுகம்,.

நீர்க்குமிழியில் அனுபவம் இல்லை என்பதால் அனுபவஸ்தர் ஆர்.குலசேகர முதலியார் என்கிற ஆர்.கே.சேகரை(திலீப் என்ற ரகுமானின் அப்பா) இணை சேர்த்து ,இறங்கி வெற்றி கண்டார். தொடர்ந்து நாணல்,மேஜர் சந்திரகாந்த்,எதிர் நீச்சல்,இரு கோடுகள் என்ற தொடர் வெற்றிகள்.

இவரை ஆதரித்தவர்கள் கே.பாலசந்தர் வீ. ஸ்ரீனிவாசன் (முக்தா),என்.எஸ்.மணியம்.(கே.பீ.சிஷ்யர்).அப்போத ு உச்சத்தில் இருந்த கே.வீ.மகாதேவன்,எம்.எஸ்.விஸ்வநாதன் இவர்களுடன் பட உலகில் இணையாக தனக்கென ஒரு பாணி ஏற்படுத்தி வெற்றி பெற்றார்.

ஓரளவு ஹிந்துஸ்தானி,மேற்கத்திய இசை இவற்றிலும் பரிச்சயம் கொண்டு ,அழகாக படங்களில் பயன் படுத்தினார். இவரது நேர்மையும் ,வாய்மையும் இவரை கை விட்டு ,மாயவ நாதன் என்ன கதியானாரோ ,அங்கேயே கொண்டு நிறுத்தியது. அரங்கேற்றம் என்ற மெகா வெற்றி படத்துடன் கே.பீ யை மன கசப்புடன் பிரிந்தவர்,பிறகு பார்க்கவே இல்லை என்று கேள்வி.பட உலகம் ,இவருக்கு செய்த ஒரே பிரதி பலன் ,நிறைய சம்பள பாக்கி.உதாசீனம்.

எனது பிரிய இசையமைப்பாளர்களில் ஒருவர்.

இவரின் மறக்க முடியாத பாடல்கள்.

ஆடி அடங்கும் வாழ்க்கையடா , நீரில் நீந்திடும், கன்னி நதியோரம்- நீர்க்குமிழி.

குயில் கூவி துயில் எழுப்ப, என்னதான் பாடுவது,விண்ணுக்கு மேலாடை- நாணல்.

நேற்று நீ சின்ன பப்பா , கல்யாண சாப்பாடு போடவா, ஒரு நாள் யாரோ -மேஜர் சந்திரகாந்த்.

வெற்றி வேண்டுமா, அடுத்தாத்து அம்புஜத்தை, சேதி கேட்டோ , தாமரை கன்னங்கள் -எதிர் நீச்சல் .

தம்பி வாடா அடிச்சது, தொட்டதா தொடாததா,பறவைகள் சிறகினால்,நந்தன் வந்தான்-நினைவில் நின்றவள்.

முந்துங்கள் இடத்துக்கு, புன்னகை மன்னன் - இரு கோடுகள்.

மயக்கத்தை தந்தவன்,நீ ஆட ஆட அழகு,நல்ல நாள் பார்க்கவோ,வா வாத்யாரே- பொம்மலாட்டம் .

அத்தான் நிறம் சிகப்பு,கண்ணொரு பக்கம் , விளக்கே நீ கொண்ட -நிறை குடம்.

கண்ணான கண்ணுறங்கு, முள்ளுக்கு ரோஜா சொந்தம், எங்கெல்லாம் வளையோசை, தித்திக்கின்றதா முத்தமிட்டது- வெகுளி பெண் .

நான் உன்னை வாழ்த்தி, நித்தம் நித்தம் ஒரு - நூற்றுக்கு நூறு.

காதோடுதான், உனக்கென்ன குறைச்சல் - வெள்ளி விழா.

ஆண்டவனின் தோட்டத்திலே ,மூத்தவள் நீ கொடுத்தாய்,ஆரம்ப காலத்தில் -அரங்கேற்றம்.

புன்னகையோ பூ மழையோ - டெல்லி டு மெட்ராஸ்.

கண்ணெல்லாம் உன் வண்ணம் - ஒண்ணே ஒண்ணு கண்ணே கண்ணு .

நான் ரோமாபுரி ராணி, பாடாத பாட்டு- சவாலுக்கு சவால்.

ஆள தொட்டு தோள தொட்டு - மாப்பிள்ளை அழைப்பு.

தாகம் அது பருவத்தில் ஒரு வகை,பட்டெடுத்து விரிக்கவா - உனக்கும் எனக்கும்.

பனி மலரோ குளிர் நிலவோ - பொன் வண்டு.

உன்னிடம் மயங்குகிறேன் ,எழுதாத பாடல் ஒன்று- தேன் சிந்தும் வானம்.

வாழ்வில் சௌபாக்கியம் ,என்னோடு என்னன்னவோ - தூண்டில் மீன்.

இனங்களிலே என்ன இனம் - நல்ல பெண்மணி.

நாள் நல்ல நாள் - பணக்கார பெண்.

தேவன் ஏசுவின் வேதம், மாணவன் நினைத்தால் - ராஜ நாகம்.

மதனோத்சவம் ரதியோடுதான்,ஐயராத்து பொண்ணு சொன்னா- சதுரங்கம்.

கே.சொர்ணா.

அதிர்ஷ்டக்கட்டை இசையமைப்பாளரின் (வீ.குமார்) அதிர்ஷ்டக்கட்டை மனைவி கே.சொர்ணா. (சொர்ணலதா அளவு ,இவர் புண்ணியம் செய்யவில்லை) . வாய்ப்பு தேடும் பாடகியாக அறிமுகமாகி குமாரின் மனைவியானவர். open Voice ,Husky Voice என்று எல்லாவற்றிலும் பாடும் திறமையிருந்தும் , வாய்ப்பு மறுக்க பட்டவர் .இவர் கணவரே ,இவருக்கு சில வாய்ப்புகளே கொடுத்தார்.ஆனாலும் ,அத்தனை வாய்ப்பையும் பயன் படுத்தி இவர் வெற்றி கண்டார்.

மறக்க முடியாத பாடல்கள் .

சேதி கேட்டோ - எதிர் நீச்சல்.

கண்ணெல்லாம் உன் வண்ணம் - ஒண்ணே ஒண்ணு கண்ணே கண்ணு .

இனங்களிலே என்ன இனம்- நல்ல பெண்மணி.

நாள் நல்ல நாள் - பணக்கார பெண்.

தாகம் அது பருவத்தில் - உனக்கும் எனக்கும்.

என்னோடு என்னென்னவோ ரகசியம்- தூண்டில் மீன்.

ஒரு பார்வை பார்க்கும் போது - நங்கூரம்.

நாதநாமகிரியா.

இந்த ராகம் அப்படியே கம்பீர ஓட்டம். இந்த ராகத்தை கேட்கும் போது ,பக்தி,உருக்கம், வீரம்,தன்னம்பிக்கை நிறைந்த கேள்விகள் மனதில் உருவாகும்.

இது மாயா மாளவ கௌளை ராகத்தின் ஜன்யமே என்றாலும், பல பாடல்களில் விற்பன்னர்களுக்கே இது மாயாவா, நாதமா என்று சந்தேகம் கிளப்பும் வகையில் உறவு.(மதுரை மரிகொழுந்து).இசையமைப்பாளர்கள் அபூர்வமாகவே கையாண்ட ராகம். ஆனால் கர்நாடக composer களுக்கு அல்வா போல.ஹிந்துஸ்தானியில் பைரவ் இன இணை.

அந்த படத்தில் ,புராண பட மேதை, ஒரு இளம் நடிகரை வைத்து பரீக்ஷித்தார்.ஆனாலும்,இதே வேடத்தில் முன்பே நடித்திருந்த ,நடிக மேதை தேவரை ,வீரபாகு தேவர் என்ற முருகனின் அண்ணனாக போட்டு ,அவர் பாத்திரத்துக்கு மிகுந்த முக்கியத்துவம் அளித்த பின்பே,விநியோகஸ்தர்களின் ஒத்துழைப்பு கிடைத்து படம் வெற்றியானது. (சம்பந்தமில்லாமல் மாற்றணி நண்பர்களால் தொல்லைக்குள்ளான படங்களில் ஒன்று. ).அந்த படத்தில் வெற்றியின் மிதப்பில் யானை கம்பீரத்துடன் civilian march ஒத்த வீர நடை போடும் வீரபாகுவால் ,மனதில் என்றும் நின்ற பாடல் "வெற்றி வேல் வீர வேல்".

அந்த படம் இயக்குனர்திலகம், அருட்செல்வர் பாதையில் பயணித்து, திரை இசை திலகம் துணையுடன் வெற்றி கண்டு, இரு திலகங்களையும் முந்திய வசூல் கண்டார் 1971 இல். (இதற்கு முன்பே 1963 கற்பகம்,1968 பணமா பாசமா வில் இந்த சாதனைகள் செய்தவர்)அந்த படத்தில் ,இந்த குறிப்பிட்ட பாடல் ஆதி பராசக்தி படத்தின் வெற்றிக்கு உறுதுணையான மறக்க முடியாத ஒன்று. (மற்றது மாயி மகமாயி).அபிராம பட்டரின் நிலா வரும் போடா சவாலில் "சொல்லடி அபிராமி ".

இது ஒரு முக்கிய நடிகருக்கு திருப்பு முனை படம். நடிகர்திலகத்தின் பெருந்தன்மை ஊரறிந்த ஒன்று. சுலபமாக நற்பெயர் வாங்கி புகழ் பெற வேண்டிய பாத்திரத்தில் ,அவரையே இரட்டை வேடம் ஏற்க சொல்லி நண்பர்கள் வலியுறித்திய போதும் ,அப்போது வளர்ந்து கொண்டிருந்த ரஜினிகாந்துக்கு இந்த பாத்திரத்தை விட்டு கொடுத்தார்.நான் வாழ வைப்பேன் என்று சொல்லி சூப்பர் ஸ்டார் ஐ வாழ வைத்து,ரசிகர் கூட்டத்தை பரவலாக்க துணையானார். அந்த படத்தில் கால் ஊனமான தங்கைக்கு ஆறுதல் சொல்வதாக அமைந்த இசைஞானி-பாடகர்திலகத்தின் அபூர்வ முத்து ."எந்தன் பொன் வண்ணமே".

http://www.ragasurabhi.com/carnatic-...namakriya.html

2000 பதிவுக்கு வாழ்த்து தெரிவித்த வாசு ஜி, கோபால் ஜி, கிருஷ்ணா ஜி, சி.கா எல்லோருக்கும் நன்றிகள்..

வி.குமார் அடேயப்பா மெலோடி கிங் என்ற பட்டம் இவருக்கு பொருந்தும்.. எப்படிப்பட்ட பாடல்கள் ..

எப்பவுமே ஓப்பனிங் பாடல் இசையரசிக்குத்தான்...

இதோ புன்னகை மன்னன் பூவிழி கன்னன் பாடல் தெலுங்கில் ...

செளகாரின் வேடத்தில் ஜமுனா .. ஜெயந்தி தன் வேடத்தை தெலுங்கிலும் செய்தார்
இசையரசியும் ஜமுனாராணி அங்கேயும்

https://www.youtube.com/watch?v=pP774k7z4S0


கன்னடத்தில் இதோ இசையரசியும் வாணிஜெயராமும்

https://www.youtube.com/watch?v=rkWbXhVtd84

Quote:

---

Originally Posted by Gopal,S.

கே.சொர்ணா.

மறக்க முடியாத பாடல்கள் .
நாள் நல்ல நாள் - பணக்கார பெண்.

---

கோபால் ஜி...

"நாள் நல்ல நாள்" பாடலை டி.எம்.எஸ்ஸுடன் பாடியது வாணி ஜெயராம் என்று நினைவு.

Quote:

---

Originally Posted by madhu

நேற்றே நிலாவை நம்ம SSS தயவில் பார்த்து ரசித்தாகி விட்டது..

அடுத்த ரிக்வெஸ்டை மெதுவாக வைக்கலாம் என்று வரலக்ஷ்மி.. வரலக்ஷ்மி

( சிக்கா.. ஆயிரம் தலை வாங்கிய அபூர்வ சிந்தாமணியில் எஸ்.வரலக்ஷ்மி சொந்தக் குரலில் பாடும் "காதலாகினேன்.. எவர் ஏது சொன்ன போதும் நான்... காத..லாகினேன்" பாட்டு கேட்டதுண்டா ? )

இருக்கட்டும்.. வரலக்ஷ்மி விரதம் அன்றைக்கு உங்கள் முன் பணிவன்புடன் சமர்ப்பிக்கிறேன் என் அடுத்த ரிக்வெஸ்டை.

ஜெய்சங்கர் நடித்து வெளிவராமல் போன "கதா நாயகன்" என்ற படத்தில் டி.எம்.சௌந்தரராஜன் பாடும் ஒரு அருமையான பாட்டு..

"சில நேரங்களில் சில மனிதர்களை
சிந்தித்து பார்த்தால் சிரிப்பு வரும்
என்ன கோலமோ என்ன கொள்கையோ
இதயம் சிலருக்கு இரண்டல்லவோ"

என்று ஆரம்பித்து

"சந்திரனுக்கு செல்பவனுக்கு சாம்பார் சாதம் இல்லை.. அங்கு இல்லை
சந்ததி என்று ஒன்பது பிள்ளை இனிமேல் பிறந்தால் தொல்லை.. என்றும் தொல்லை
சோழன் காலக் குடுமி... இதில் காரில் என்ன பவனி
அடி பெண்ணே கொஞ்சம் கவனி
நீயும் ஆண்பாதி பெண் பாதி அவதாரமோ"

என்றெல்லாம் stanzas வரும்..

சில ஆண்டுகளுக்கு முன் இந்தப் பாடலுக்கான படம் தெரியாமல் நான் தேடிக்கொண்டு இருந்த சமயம் நம்ம ராகவ்ஜிதான் கண்டு பிடித்து சொன்னார்.

இந்தப் பாட்டு எங்கேயாச்சும் கிடைச்சா மதுர கானங்கள் திரிக்கு மடக்கி இழுத்துக் கொண்டு வாருங்கள்.

---

மது சார்,

இழுத்துக் கொண்டு வந்தாகி விட்டது. இதோ நீங்கள் கேட்ட 'கதாநாயகன்' படப்பாடல்

'சில நேரங்களில் சில மனிதர்களை'
சிந்தித்தித்துப் பார்த்தால் சிரிப்பு வரும்.

நான் அப்போது மிகவும் விரும்பிக் கேட்ட பாடல். மீண்டும் நினைவு படுத்தியதற்கு நன்றி மது சார்.

http://www.mediafire.com/download/3y...Nerangalil.mp3

(இப்பாடலை இணையத்தில் தந்து உதவி செய்த அன்பு நண்பர் பாடல் பிரியன் அவர்களுக்கு நமது திரியின் சார்பில் நெஞ்சார்ந்த நன்றி!)

வி.குமாரின் இசையில் அர்த்தமுள்ள இனிமையான பாடல்கள் நிறைந்த படம் அதிர்ஷ்டம் அழைக்கிறது.
பாவம்.. படத்துக்குத்தான் அதிர்ஷ்டம் இல்லை.. வெகு நாட்கள் ஓடி வசூலைக் குவிக்காமல் போனது..

Eternal beauty ஸ்ரீவித்யா அய்யராத்து பெண்ணாக வந்து முத்துராமனை எண்ணிப்பாட அவரோ
ஏசுவின் வழி செல்லும் ஜெயசுதாவைக் காதலிக்கிறார். சுசீலா, டி.எம்.எஸ்ஸின் இனிய குரல்களைக்
கேட்க என்ன தவம் செய்தேன் ?

http://youtu.be/ZPQvgQBYLXI?list=UUt...YQWV3ZKF_XSlag

வாலியின் படத்தில் கண்ணதாசனின் புத்தகத் தலைப்பு.. அர்த்தமுள்ள இந்து மதம் என்ன சொன்னது
என்று டி.எம்.எஸ் குரலில் கேட்கும் தேங்காய் சீனிவாசன்

http://youtu.be/fGS19Qmp00o?list=UUt...YQWV3ZKF_XSlag

பாடகர் ஜேசுதாஸும் பாடகி சுவர்ணாவும் திரையிலே தோன்றிப் பாடிய பாடல்

ஆனந்த திருமணம்

http://youtu.be/2wQHLdrrGck

அப்புறம்.. சுசீலாவின் குரலில் " இந்த வீட்டில் தலையை நீட்டும் அடுத்த வீட்டு வாழை"

ஒரு குடும்பம் இங்கே கோவிலானது

http://youtu.be/CEKyMfd4Vsw

மது சார்,

உங்கள் மூலம் எங்களுக்கு 'அதிர்ஷ்டம் அழைக்கிறது'. அற்புதம். இப்போதுதான் சொர்ணா பாடலை எடுத்தேன். எனக்கு சிரமமில்லாமல் செய்து விட்டீர்கள். நன்றி!

வி.குமாரின் இசையமைப்பில் இன்னொரு அருமையான படம் வெகுளிப்பெண் என்று ஞாபகம்.

"கண்ணான கண்ணுறங்கு", "முள்ளுக்கு ரோஜா சொந்தம்", "எங்கெல்லாம் வளையோசை", "தித்திக்கின்றதா முத்தமிட்டது", " நீதான் மோகினியோ" என்ற பாடல்கள் எல்லாமே இனிமைதான்.

நண்பர்களே,
மனதை மயக்கும் மதுரகானங்களால் இன்றும் மக்கள் மனதில் சிரஞ்சீவியாய் நிலைத்திருக்கும் காதலிக்க நேரமில்லை திரைப்படத்தின் 50வது ஆண்டு நிறைவு விழா வரும் 16.08.2014 சனிக்கிழமை அன்று மாலை சென்னை தேனாம்பேட்டை அண்ணா சாலையிலுள்ள காமராஜர் அரங்கத்தில் நடைபெறுகிறது. நுழைவுச் சீட்டு பற்றிய விவரங்கள் கீழே உள்ள நிழற்படத்தில் காணும் தொலைபேசி எண்களில் தெரிந்து கொள்ளலாம்.

https://scontent-a-sin.xx.fbcdn.net/...22427685_n.jpg

Quote:

---

Originally Posted by madhu

வி.குமாரின் இசையமைப்பில் இன்னொரு அருமையான படம் வெகுளிப்பெண் என்று ஞாபகம்.

"கண்ணான கண்ணுறங்கு", "முள்ளுக்கு ரோஜா சொந்தம்", "எங்கெல்லாம் வளையோசை", "தித்திக்கின்றதா முத்தமிட்டது", " நீதான் மோகினியோ" என்ற பாடல்கள் எல்லாமே இனிமைதான்.

---

மது,



ரொம்ப நன்றி. சொர்ணா குரல் சிறிது வாணியின் குரலின் பிரதி போல உள்ளதால் நேர்ந்த குழப்பம். நாள் நல்ல நாள் வாணியே.



வெகுளி பெண் விடுபட்டது ,சற்றே நினைவுகளின் தடம் புரளல். திருத்தி விட்டேன் ,அசல் பதிவிலேயே.

CONGRATULATIONS VASU SIR


http://i61.tinypic.com/123se2u.jpg

http://i60.tinypic.com/maw4sg.jpg

http://youtu.be/_YI8AHFvMcg

வாசு ஜி காலை வணக்கம் வாங்கோ வாங்கோ....

வி.குமாரின் இசையை மறக்க முடியுமா .. எத்தனை எத்தனை பாடல்கள் .எத்தனை முத்துக்கள்

பொதுவாகவே வி.குமார் வாலி கூட்டணி ஏ கிளாஸ்.

கண்ணதாசனுடனுன் பணியாற்றினார்
அப்படி வி.குமார் கண்ணதாசன் கூட்டணியில் எனக்கு மிகவும் பிடித்த படம் ஆயிரம் பொய்

அதில் புலவர் சொன்னதும் பொய்யே பாடலை பாடகர் திலகும் இசையரசியும் இசைத்த அற்புத காதல் பாடல்

https://www.youtube.com/watch?v=yuh5jpLmvus

தில்லையிலே சபாபதி சிதம்பரத்தில் கனக சபை பாடல் இசையரசியின் குரலில் மிகவும் அழகான பாடல்

http://www.dailymotion.com/video/x16...969_shortfilms

கோ/மது சார்,

எனது இன்னொரு பிரியமான பாடகி சொர்ணாவை பெருமைப்படுத்தியதற்கு நன்றி! என்னால் மறக்கவே முடியாத இன்னொரு பாடகி சொர்ணா. சொர்ணாவின் பாடல்கள் என் சேமிப்புக் கிடங்கில் உள்ளன.

இன்னும் சில அபூர்வங்கள்.

இளமைக் கோவில் ஒன்று- ஜானகி சபதம்

ஓ..மம்மா... டியர் மம்மா- 'மங்கள நாயகி' சுசீலாம்மாவுடன்

மாவில மாப்பிள்ள மண்ணாங்கட்டி போல- 'மங்கள நாயகி'

இனங்களிலே என்ன இனம் பெண்ணினம் - நல்ல பெண்மணி

பட்டத்து ராஜன் வந்தது போல - நல்ல பெண்மணி

ஆட்டுக்கு வால அளந்து வச்சவன் புத்திசாலி - 'புத்திசாலிகள்'. (ஜமுனா ராணி, பி.பி.எஸ். எஸ்.வி.பொன்னுசாமி, பி.டி.சம்பந்தம் இவர்களுடன்) செம பாட்டு.

வெள்ளை மனம் கொண்ட பிள்ளை ஒன்னு- பத்தாம் பசலி (பாடகர் திலகத்துடன்)

பனி மலரோ- பொன்வண்டு (பாடகர் திலகத்துடன்)

முத்தம் முத்தம் செந்தேனல்லவோ- 'புத்திசாலிகள்'.(பாடகர் திலகத்துடன்)

கனவுகளே ஓராயிரம் கனவுகளே- ராஜநாகம்

மாமியார்க்குக் கல்யாணம்- 'புத்திசாலிகள்'.

காலை வணக்கம் ராஜேஷ் சார்.

தங்களது முத்துமுத்தான 2000 பதிவுகளுக்கு என் மனமார்ந்த வாழ்த்துக்கள் சார்.( சரக்கு அத்தனையும் முறுக்கு)

இசையரசியின் புகழை எட்டுத் திக்கும் பரவச் செய்யும் தங்கள் சேவை பாராட்டுதல்களுக்கு அப்பாற்பட்டது.

Quote:

---

Originally Posted by rajeshkrv

பொதுவாகவே வி.குமார் வாலி கூட்டணி ஏ கிளாஸ்.

கண்ணதாசனுடனுன் பணியாற்றினார்
அப்படி வி.குமார் கண்ணதாசன் கூட்டணியில் எனக்கு மிகவும் பிடித்த படம் ஆயிரம் பொய்

அதில் புலவர் சொன்னதும் பொய்யே பாடலை பாடகர் திலகும் இசையரசியும் இசைத்த அற்புத காதல் பாடல்

தில்லையிலே சபாபதி சிதம்பரத்தில் கனக சபை பாடல் இசையரசியின் குரலில் மிகவும் அழகான பாடல்

http://www.dailymotion.com/video/x16...969_shortfilms

---

ராஜேஷ் சார்,

புலவர் சொன்னதும் பொய்யே பொய்யே

என்னுடைய மிக விருப்பமான அடிக்கடி முணுமுணுக்கும் பாடல்.

இப்பாடல் சென்சார் ஆவதற்கு முன் பிரச்னைக்கு உள்ளானது.

பாடலில் சில வரிகளை மாற்றி விடும்படி அதிகாரிகள் கூறி விட்டனராம்.

பிரச்சனைக்குரிய வரிகள்.

என்னதான் பெண்ணிடத்தில் இத்தனை இன்பம்
இங்குதான் தோன்றியது முத்தமிழ் சங்கம்
பொன்னிலே தோய்த்தெடுத்த பூவையர் அங்கம்

இதுவரி பிரச்சனை இல்லை.

அடுத்த வரிதான்.

'போதையில் ஆடவைக்கும் ஆடவர் அங்கம்'

பின்

'போதையில் ஆடவைக்கும் ஆடலரங்கம்'

என்று மாற்றி விட்டார்கள்.

ஆனால் என்ன ஒரு அழகான பாடல். நன்றி சார்.

Quote:

---

Originally Posted by vasudevan31355

காலை வணக்கம் ராஜேஷ் சார்.

தங்களது முத்துமுத்தான 2000 பதிவுகளுக்கு என் மனமார்ந்த வாழ்த்துக்கள் சார்.( சரக்கு அத்தனையும் முறுக்கு)

இசையரசியின் புகழை எட்டுத் திக்கும் பரவச் செய்யும் தங்கள் சேவை பாராட்டுதல்களுக்கு அப்பாற்பட்டது.

---

ஆஹா வசிஷ்டர் வாயால் பிரும்மரிஷி பட்டம் வாங்கியதுபோல் ஆகிவிட்டது... இசையரசியையும் பாடகர் திலத்தையும் எட்டு திக்கும் கொண்டுசெல்வதில் அணில் போல் சேவை செய்ய எனக்கு சந்தர்ப்பம் கிடைத்ததில் அளவில்லாத ஆனந்தம்

'தில்லையிலே' உச்சரிப்பில் ஒருதடவை 'தில்.....லையிலே' என்று சொக்க வைப்பது மாதிரி ஒரு இழு இழுப்பார் பாருங்கள் சுசீலாம்மா. அற்புதம்.

ராஜேஷ் சார்,

'உன்னைச் சுற்றும் உலகம்' படத்தில் நம் அரசியின் அரிதான ஒரு பாடல்.

சீதாவைத் தேடி ஸ்ரீராமன் வந்தான்
நீதானே என் வாழ்வு என்றான்

விதுபாலா வின்சென்ட் ஜோடியில். சரியா ராஜேஷ் சார்.

அதை விடுவோம். என்ன ஒரு அருமையான பாடல். வசீகரிக்கும் குரல்.
அழகான டியூன்.

மை கொண்ட கண்ணும்
மலர் கொண்ட குழலும்

சூப்பர்.

நடுவில் கமல் பிளே பாய். அது யார் சார் ஜோடி? 'குமாஸ்தாவின் மகள்' குள்ளச்சி உஷா போலவும் தெரிகிறது. 'கவர்ச்சிக் கன்னி' மாயா போலவும் தெரிகிறது.

http://www.youtube.com/watch?feature...&v=kiiC5ahbo2c

சீதாவை தேடி ஸ்ரீராமன் வந்தான் .. ஆஹா என்ன அருமையான பாடல் நினைவூட்டலுக்கு நன்றி ..
விதுபாலா .. இன்னொரு நல்ல நடிகை .... எல்லா பாத்திரங்களையும் அற்புதமாக செய்வார்..

கமல் கூட ஆடுவது யாரென்று தெரியவில்லை .. ராகவ் ஜி, கோபால் ஜி, எஸ்.வி ஜி சொல்லுவார்கள் என்று நம்புவோம்

அன்பு என்னாளும் தாயகலாம் பிள்ளை இல்லாமலே
தங்கை உள்ளத்தை நான் கொள்ளலாம் அண்ணன் சொல்லமலே
கண்கள் தாலட்டினால் யாரும் உறவாகலாம்

... ஆஹா என்ன அருமையான டியூன், இசையரசி பாடும் இந்த வரிகள் மெய் சிலிர்க்க வைக்கும்

பாடகர் திலகம் மட்டும் சளைத்தவரா .. தூள் கிளப்பியிருப்பார்

http://www.youtube.com/watch?v=amB7c8u7ii8

மேலை வானத்து மேகங்களே
பாலம் போடுங்களேன்
கடலின் கீழ் உள்ள முத்துக்களே
கரையில் வாருங்களேன்.

ஆஹா! "ஓஹோ"பாடல். நடிகர் திலகம், ஜெயசித்ரா அண்ணன் தங்கை கூட்டணி. உடன் ஜெயகணேஷ்.

தமிழ்ப்ப் பாடலகளில் இன்னொரு நல்முத்து இப்பாடல்.

andru

http://static.manoramaonline.com/ran...kumari%203.jpg

indru

http://www.thehindu.com/multimedia/d...LA_737175e.jpg

நண்பர் வாசு சார் அவர்களுக்கு இனிய காலை வணக்கம்

5000 உபயோகமுள்ள தகவல்கள் நிறைந்த பதிவுகளை அள்ளி வழங்கிய நண்பர் வாசு சார் அவர்களுக்கு வாழ்த்துகள்

வாசு சார் அவர்களின் உணர்ச்சிகள் படத்தின் பாடல் பதிவில் நடிகை லலிதஸ்ரீ பற்றி குறிப்பிட்டு இருந்தார் . இது சம்பந்தமாக எனது நண்பர் ஒருவருக்கு இவரின் மேல் தகவல் மற்றும் இன்றைய தகவல் பற்றி எழுதி கேட்டு இருந்தேன். அவர் அனுப்பிய தகவல்களை பகிர்ந்து கொள்கிறேன்

லலிதாஸ்ரீ- இவரது இயற்பெயர் சுபத்ரா. திருவனந்தபுரத்தில் பிறந்தவர். இவர்தான் கமலஹாசன் முதன்முதலாக கதாநாயகனாக நடித்து ஆர்.சி,சக்தியின் இயக்கத்தில் உருவான “உணர்ச்சிகள்” என்ற திரைப்படத்தில் கதாநாயகியாக நடித்தவர். இவர் மலையாளத்தில் நடித்த முதல்படம் வெளிவரவில்லையென்றாலும் 1976-லிருந்து இதுவரை ஆறு மொழிகளில் 460 திரைப்படங்களுக்கும் மேலாக நடித்துள்ளார்.

நகைச்சுவை மற்றும் குணச்சித்திர கதாபாத்திரங்களில் நடித்தவர். 1984 முதல் 1987 வரையிலான காலகட்டத்தில் இவர் உச்சத்திலிருந்தவர். வருடத்திற்கு 34 திரைப்படங்களுக்கு மேல் நடித்துள்ளார். புகழ்பெற்ற மலையாள நகைச்சுவை நடிகர் ஜெகதி ஸ்ரீகுமாருடன் பல படங்களில் ஜோடி சேர்ந்து நடித்துள்ளார். அதன்பின் படிப்படியாக படங்கள் குறைய ஆரம்பித்தது. ”பலராம் வெசர்ஸ் தாராதாஸ்” என்ற படம் இவர் கடைசியாக நடித்தது. படங்கள் குறையத் துவங்கியதும் தந்தை காலமானதும் இவரது தாயாருக்குக் கேரளாவில் வசிக்க விருப்பம் குறைந்துவிட இவரது அக்கா ஒருவருடனும் தம்பி ஒருவருடனுமாக சென்னைக்குப் புலம்பெயர நேரிட்டது.

நடிகை ஜெயபாரதி இவருக்காக பல உதவிகள் செய்தவர். ஜெயபாரதி ஏராளமான படங்களுடன் உச்சலிருந்த காலகட்டத்தில் அவர் நடிக்கும் பல படங்களில் லலிதாஸ்ரீக்கு வாய்ப்புகள் பெற்றுக் கொடுத்துள்ளார். பழம்பெரும் நகைச்சுவை நடிகர் பகதூரிடம் ஜெயபாரதி லலிதாஸ்ரீயைப் பற்றி தெரிவித்து அவரது பல படங்களில் ஜோடியாக நடிக்க வாய்ப்புகள் வாங்கிக் கொடுத்துள்ளார். பகதூரும் பல வகைகளில் இவருக்கு உதவிகள் புரிந்துள்ளார். இவ்விருவருக்கும் இவர் கடமைப்பட்டுள்ளதாக பல பேட்டிகளிலும் தெரிவித்துள்ளார்.

இவர் தமிழ், கன்னடம், தெலுங்கு, இந்தி, ஆங்கிலம் உட்பட 6 மொழித் திரைப்படங்களுக்கு மொழிமாற்றுப்பணிகளும் செய்து வருகிறார். தற்போது சென்னையில் அழகு நிலையம் ஒன்றை ஸ்தாபித்து அதனை நடத்தி வருகிறார். இவரது கணவர் பெயர் விஜயசாரதி. இவர்களுக்குக் குழந்தையில்லை. அதனால் விஜி என்ற விஜி விஜயகுமார் என்பவரது மகள் சுஜித்ரா என்ற பெண் குழந்தையைத் தத்தெடுத்து வளர்த்தார். சுஜித்ராவும் லலிதாஸ்ரீயும் இணைந்தே அழகு நிலையத்தை நடத்தி வருகின்றனர்.

இவர் நடித்த படங்கள் சில:-

தேவி கருமாரியம்மன் [தமிழ்], உணர்ச்சிகள் [தமிழ்], அலாவுதீனும் அற்புத விளக்கும் [தமிழ்], அப்ராஜிதா, அன்னியருடே பூமி, விட பறயும் மும்பே, மழு, அனுராஹக் கோடதி, ஈ யுகம், கடமத்தச்சன், முகூர்த்தம் 11.30, இத்திரிப்பூவே சுவந்நப்பூவே, தத்தம்மே பூச்சா பூச்சா, ஸ்வப்னமே நினக்கு நந்நி.

1979-இல் வெளிவந்த அலாவுதீனும் அற்புத விளக்கும் படத்தில் “சைனபா” என்ற கதாபாத்திரத்தில் லலிதாஸ்ரீ
அன்றும் இன்றும் http://antrukandamugam.files.wordpre...pg?w=593&h=338http://antrukandamugam.files.wordpre...pg?w=593&h=453

வி.குமார், சொர்ணாக்கா, நாத நாமக்ரியா என தகவல் கள் தந்த கோபால் சாருக்கு நன்றி..

என் உள்ளம் என்கின்ற வானத்திலே பொன் மேகம் தவழ்கிறது நல்லபாடல்..

நான் வாழ வைப்பேன் - ரஜினிக்கு ஒரு மிகப் பெரிய ப்ரேக் கொடுத்த படம் என்றால் மிகையில்லை..எந்தன் பொன் வண்ணமே பிடிக்கும்.. டபக்கென துள்ளல் பாட்டு ஆகாயம் மேலே பாதாளம்கீழே ஆனந்த உலகம் நடுவினிலே.. அதுவும் பிடிக்கும்

மை கொண்ட கண்ணும்
மலர் கொண்ட குழலும் // இதுவும் அழகுப் பாட்டு.. நன்றி வாசு சார்..

ராஜேஷ் கறுப்பு வெள்ளைக் கட்டழகி விதுபாலாவை பற்றி ப்பேசியாகிவிட்டது..இப்படிக் கேட்டால் வாசு சார் இப்படித் தான் இ.புகைப்படம் போட்டுபயமுறுத்துவார்..இருந்தாலும் நேரம் இரவு நேரம் என காலங்கார்த்தால மனதில் அந்தப் பாடல் ஹம்மிங்க் செய்கிறது..

லலிதா ஸ்ரீ பற்றி எனக்கு நினைவில்லை க்ருஷ்ணா ஜி தகவலுக்கு நன்றி (சாயல் ஜெ.சி மாதிரி இல்லை)

ராஜேஷ் சார்,

இசையரசி மலையாளத்தில் பின்னி எடுத்த ஒரு பாடல்.

'தீர்த்தயாத்ரா' படத்தில்

'சந்த்ரகலாதரன்னு கண் குளிர்க்கான் தேவி' (மாணிக்க வீணையேந்தும் டைப்பில்)

கேட்க கேட்க அவ்வளவு சுகம். நிறுத்த மனமே வரலை.

http://www.youtube.com/watch?v=EZd73Zn43xE&feature=player_detailpage

அஹோ! வாரும் பிள்ளாய் கிருஷ்ணா அவர்களே! ஓம் லலிதாயஸ்ரீ நமஹ.:)

Mr Vasu JI

See the majectic walk of NT in the Ratha Pasam Song. Amazing.

Regards

சின்னக்கண்ணன் சாரை இதைவிட இனிமேல் யாரும் பயமுறுத்த முடியாது.:)

http://matineestars.com/malayalam/tv...tha-sree-2.jpg

5000 பதிவுகளை கடந்து வெற்றி நடை போடும் சிங்கம் வாசுவிற்கு மனமார்ந்த வாழ்த்துக்கள்

கிருஷ்ணா ஜி , லலிதஸ்ரீ பற்றி உணர்ச்சிகள் பாடல் போதும் நானும் அவரது “இன்னாள்தே தாராம்” நிகழ்ச்சியின் லிங்க் கொடுத்திருந்தேன்...

சி. கா .. விதுபாலா இன்றும் ஒருவித மெச்சூரிட்டி அழகு தான்...

வாசு ஜி.. தீர்த்தயாத்ரா ...ஏ.டி.உம்மரின் இசையில் இசையரசியின் அற்புத கானம்.. கவியூர் பொன்னம்மா பார்க்க ஃபடாபட் ஆடும் நடனம்
பர்வத நந்தினி இன்னிவள் கதம்படி ஊர்வசி மேனக சுந்தரி மார் ரம்ப திலோத்தம நர்த்தகி மார்.. என்ன அருமையான பாடல்
கார் சிடியில் ரிபீட் செய்து ரிபீட் செய்து சிடியை தேய்த்துவிட்டேன் ...அவ்வளவு பிடித்த பாடல்

வாசு ஜி , கிருஷ்ணா ஜி, சி.கா
ஜெயப்பிரதாவின் அறிமுகம் சிரி சிரி முவ்வா
இசையரசிக்கு 3’வது முறையாக தேசிய விருது பெற்று தந்த பாடல்

மகாதேவன் ஐயாவின் அற்புத இசை

ஜும்மந்தி நாதம் சையந்தி பாதம்...

http://www.youtube.com/watch?v=6ZKt-oZ_hgI

ஹிந்தியில் சர்க்கம் .. டஃப்லி வாலே டஃப்லி பஜா

http://www.youtube.com/watch?v=uucUbkOn4p8

ஜெயப்பிரதா என்ன அழகு.... சதயஜித்ரே பாராட்டிய இண்டியன் பியூட்டி .. (லக்*ஷ்ணம்)

ஒரே ஒரு விதையைத் தூவினால் எங்கள் ராஜேஷா(சா)ரிடம் இருந்து 1000 விதைகள் விருந்தாகக் கிடைக்கின்றனவே! கோடு கிழித்தால் உடனே ரோடு.

//அஹோ! வாரும் பிள்ளாய் கிருஷ்ணா அவர்களே! ஓம் லலிதாயஸ்ரீ நமஹ.// ஹி ஹி..:) ஆமாம் அந்த எந்தன் உள்ளம் துள்ளி விளையாடுவதும் ஏனோ கண்ணும் கண்ணும் ஒன்றாய்க் கூடி பேசும் விந்தை தானோ.. லலிதா பத்தி நாட் மச் டாக்ட் இல்லியோ.. (ஹப்பாடி பத்த வச்சாச்சு :) )

வாசுசார்.. ஒரு சின்னப் போஸ்ட் எழுதுவதற்குள் இப்படி பயமுறுத்தலாகுமா..எனிவே இன்னிக்கு காயத்ரி ஜபமோன்னோ..தைரியம் மனசுல இருக்கு..


ராஜேஷ்.. ஓகே.. நான் வி.பா ஆட்டைக்கு வரலை :) ஆமா சிரி சிரி முவ்வா தேவியில் ரிலீஸ் ஆன போது பார்க்க முடியவில்லை.. அப்புறமும்.. ஜெயப்ரதாவை என் கண்கள் சந்தித்தது மன்மத லீலையில் தான்..

Quote:

---

Originally Posted by vasudevan31355

ஒரே ஒரு விதையைத் தூவினால் எங்கள் ராஜேஷா(சா)ரிடம் இருந்து 1000 விதைகள் விருந்தாகக் கிடைக்கின்றனவே! கோடு கிழித்தால் உடனே ரோடு.

---

அண்ணன் காட்டிய வழியம்மா

ennai maranthu vidaatheergal rasigargale********

http://i57.tinypic.com/5xsz07.jpg

Quote:

---

Originally Posted by chinnakkannan

வாசுசார்.. ஒரு சின்னப் போஸ்ட் எழுதுவதற்குள் இப்படி பயமுறுத்தலாகுமா..எனிவே இன்னிக்கு காயத்ரி ஜபமோன்னோ..தைரியம் மனசுல இருக்கு..


ராஜேஷ்.. ஓகே.. நான் வி.பா ஆட்டைக்கு வரலை :) ஆமா சிரி சிரி முவ்வா தேவியில் ரிலீஸ் ஆன போது பார்க்க முடியவில்லை.. அப்புறமும்.. ஜெயப்ரதாவை என் கண்கள் சந்தித்தது மன்மத லீலையில் தான்..

---

ஹ்ம்ம் . மன்மத லீலையில் ஆரம்பித்ததாக்கும் உமது லீலை :)