Nadigar_Thilagam_Sivaji_Ganesan_Part 16

வாசு சார் ,ஆதிராம் சார்


"தவறிய ஆவணங்கள்"
-----------------+-+---------------------
அதனால்தான் பெரும்பாலான ரசிகர்கள் ஆவணங்களை கண்ணில் காட்டக்கூட மறுக்கிறார்கள்.அவர்கள் மீதும் தவறில்லை. அவருடைய ஆவணங்களை ரசிகர்கள்பொக்கிஷத்துக்கும் மேலாக நினைப்பதும் ஒரு காரணம்.ஆனால் இவையெல்லாம் பல வருடங்களுக்கு முன் சரியான காரணமாக இருந்திருக்கலாம்.
எல்லோரும் கெஞ்சிக் கூத்தாடியாவது ஆவணங்களை இருப்பவர்களிடம் வாங்கி பதிவு செய்ய முயற்சிக்க வேண்டும்.
நன்றி.
நடிகர்திலகத்தின் புகழ் பரவ விருப்பம் உள்ளவர்கள் ஆவணங்களை இனியும் பெட்டியில் போட்டு மூடி வைத்திருப்பது எதற்காவது உதவுமா?
நீங்கள் ஆதங்கப்பட்டது போல் நாங்களும் கொடுத்து வராமல் போன ஆவணங்கள் ஏராளம்.

Quote:

---

Originally Posted by RAGHAVENDRA

சிவாஜி கணேசனின் அரசியல் வாழ்வு-நடந்தவைகளும் மறந்தவைகளும்.

... திண்ணை இணைய வாரப்பத்திரிகையிலிருந்து..



இறைவனே... ஓயாமல் நாங்கள் பட்ட பாட்டுக்கு முதல் முறையாக ஒரு நல்ல பலன் கண்ணில் தெரிகிறது..

நேர்மையின் சின்னம் மக்கள் தலைவனின் அரசியல் மற்றும் பொது வாழ்க்கையைப் பற்றிய நேர்மையான அணுகுமுறையில் கட்டுரை வெளிவந்துள்ளது மகிழ்வூட்டுகிறது.

இனி வரும் காலங்கள் மக்கள் தலைவரின் சிறப்புக்குக் கட்டியம் கூறுபவை என்பதற்கு இது ஒரு முன்னோடியாகக் கொள்ளலாம்.

கட்டுரையாளருக்கு மனமுவந்த பாராட்டுக்கள்.

திண்ணை இணைய பத்திரிகைக்கு நம் உளமார்ந்த நன்றி.

மேற்காணும் மேற்கோள் கட்டுரையின் சுட்டி - http://puthu.thinnai.com/?p=30659

---

ராகவேந்திரா சார் ,
அருமை.

பதிவுக்கு நன்றி

http://i1028.photobucket.com/albums/...psv04ywflo.jpg


ஏற்றமிகு தமிழ்த் திரையுலகின்
எழுச்சிக் காலத்தில், எழுபதில்
வந்த இந்த "எங்கிருந்தோ
வந்தாள்" படப் பாடல், என்னைப் போன்ற கோடிக்கணக்கானோரின்
இதய சிம்மாசனங்களில்
நிரந்தர வீற்றிருப்பு செய்கிறது.

இன்றும் கூட இந்தப் படம்
பார்த்து விட்டு வருகிற முகங்களில் "பார்த்தோம்,வந்தோம்" என்கிற அலட்சியத்தைப் பார்க்க முடியாது. ஒரு முழுமையான
கலைப்படைப்பு தந்த பெருமிதத்தையும்,முதிர்ந்த ரசனையையும் அந்த முகங்களில் நாம் காண முடியும்.

நாளைக்குப் பரீட்சையென்றால்.. இன்றிரவு
(நல்ல)மாணவன் படிப்பில்
காட்டுகிற அக்கறையை, நாம்
நடிகர் திலகத்திடம் காணலாம்..
எப்போதும் போல் இந்தப் பாடலிலும்.

சிரிப்போடு தொடங்கும் இந்தப் பாடல், நம் சிரிப்பை வாழ வைக்கிற வேலையை முப்பத்தைந்து வருடங்களாகத்
தொடர்கிறது.

தமிழ் சினிமாவில் காதல் எனில்
இதுதானென நிச்சயிக்கப்பட்ட
விஷயங்களையெல்லாம்,
நம் நடிகர் திலகமும்,நடிகர்
திலகத்தின் படங்களுந்தான்-
அர்த்தமுள்ளதாய்.. அழகாய்
மாற்றி எழுதியிருக்கிறார்.
மாற்றி எழுதின.

சிரிப்புக்கு ஸ்வரம் பிரித்த அமரர் எம்.எஸ்.வி, இசையாகவே சிரித்துப் பாடிய
சுசீலாம்மா, என் உயரம் எனக்குத்தான் என்று ஓங்கி ஒலிக்கும் குரலுக்குரிய தெய்வீகப் பாடகர், அமரர் அய்யா டி.எம்.எஸ்., கதாநாயகியாய் சும்மா அழகு வலம் வராமல் தன் இருப்பைத்
தெளிவாய்த் தெரிவிக்கும்
கலைச் செல்வியின் அற்புத
நடிப்புப் பங்காற்றல்..

சிறப்புக்கெல்லாம் சிகரம் வைக்கும் நம் சிங்கத் தமிழன்..

வேறென்ன வேண்டும்?

பாடலுக்கு வயசு, வருஷக்
கணக்கில் இல்லை...யுகக்
கணக்கில் நீளும்.

காதலும்,கவிதையுமாய் பழைய
வருஷங்களிலிருந்தவன்
காதலியைப் பிரிந்த சோகத்தில் பைத்தியமாய் மாறிப் போகிறான்.

அன்புடனும்,அக்கறையுடனும்
அவனைப் பராமரிப்பதற்காக
அமர்த்தப்பட்ட இளம் பெண்ணுடன் ஆடிப் பாட வேண்டிய கதைச் சூழல்.

கத்தி மேல் நடப்பது போல்
ஜாக்கிரதை காட்டிய வேண்டிய
சூழல் இது.

கத்தி மேல் நடனமே ஆடுகிறார்..நம்மாள்.

நல்ல தமிழில் எழுதப்பட்ட
பாடல் வரிகளுக்கு வாயசைப்பதற்குக் கூட,ஏற்கனவே கவிஞனென்பதால்
தமிழ்ப் புலமை மிக்கவன்
என்கிற காரணத்தைச் சொல்லி
விடலாம்.

ஆனால், சுவாதீனத்துடன் இருந்த பழைய கால
மேதமையை, நடிப்பில்
எந்த இடத்திலும் காட்டி விடக் கூடாது.

அதற்காக, என்னென்னவெல்லாம்
செய்கிறார்..? தலைமுடி கலைவது குறித்த அக்கறையே
இல்லாது,குதித்துக் குதித்து
முடி கலைக்கிறார்.

பளீரென்று சிரிக்கிற நாயகியின்
இதழ்களின் கீழ் கையேந்தி
புன்னகையைப் பிடிக்கிறார்.
பிடித்த புன்னகையை பட்டாம்பூச்சி போல் பறக்க
விடுகிறார். கை நழுவிப் பறந்த
புன்னகைப் பூச்சியை குதித்துப்
பிடிக்கப் பார்க்கிறார். முயற்சி
தோற்க "பொத்" என்று புல்தரையில் விழுந்து புரள்கிறார்.

கச்சிதமாயில்லாத காவி ஜிப்பா,
வெள்ளை பைஜாமா அணிந்த
இருபது வயதுக் குழந்தையாய்
ஓடுகிறார். ஆடுகிறார்.
சிரிக்கிறார். குஷியாட்டம்
போடுகிறார்.

முகத்தை முன் நீட்டி, கைகள்
இரண்டையும் பின் இழுத்து,
சின்ன வார்த்தைக்கும் பெரிதாய் வாய் திறந்து,
மிக அகலமாய் கண்கள்
அகட்டி, குழந்தை போல் கைகள்
கொட்டி, சரிந்திறங்கும் திண்டிலிருந்து, கால்கள் மட்டும்
"கிடு கிடு"வென இறங்க.. உடலின் மற்ற பாகங்களில்
ஒரு அசைவும் காட்டாமல்
வியப்பூட்டி..

என்னென்னவெல்லாம் செய்கிறார்?

"நிலவென வளரட்டும் கவிதை
உள்ளம்" என நாயகி பாடுகையில், ஒரு கட்டத்தில்
நமக்கு முதுகு காட்டித்தான்
நிற்கிறார். அப்போதும் அவர்
ஏதோ பாவங்கள் காட்டிக் கொண்டுதானிருக்கிறார் என்பதை அவரின் முதுகின்
அசைவுகள் உணர்த்துகின்றன.

அட..

முதுகையும் நடிக்க வைத்தார்..
நடிகர் திலகம்.

( இந்தப் பாடலைப் பற்றி
எழுதுங்கள் என்று என்னை
அன்புடன் பணித்த அன்புமிகு
திரு.V.C.S அவர்கள்,
இந்தப் பாடலில் நடிகர் திலகம்
செய்யும் சில அற்புத பாவனைகளை "சிப்பிக்குள் முத்து" படத்தின்'துள்ளி துள்ளி' பாடலில், கமல் அவர்கள்
அப்படியே செய்திருக்கிறார்
என்றும் தெரிவிக்கிறார்.)


https://youtu.be/NSN1vlRGy6k

ஆதவன் ரவி சார்,

தங்களில் ஒவ்வொரு ரசிப்புப் பதிவும் என்னால் அணு அணுவாக ரசிக்கப்படுகின்றன. அருமை. தொடருங்கள். எங்கிருந்தோ வந்தாளின் பாடலில் தலைவரின் அசைவுகளை அற்புதமாக வடித்தெடுத்துத் தந்தமைக்கு நன்றி! நானும் ஏற்கனவே 'சிப்பிக்குள் முத்து' கமல் தலைவர் போல் செய்வது பற்றி எழுதியுள்ளேன்.

திண்ணை இணைய வாரப்பத்திரிகையிலிருந்து..

ராகவேந்திரன் சார்!

தங்கப் பிரேம் போட்டு மாட்டி வைக்க வேண்டிய கட்டுரை. பதித்தமைக்கு நன்றி!

இந்த ஒரு கட்டுரை போதும் இனி இங்கு கருத்து பேதங்கள் வாராதிருப்பதற்கு. தங்களுக்கு என் மனமார்ந்த நன்றிகள்.

"திரு. ஆதவன் ரவி அவர்களுக்கு,
நான் தற்போது நடிகர் திலகம்
பற்றிய ஆய்வை
மேற்கொண்டுள்ளேன். அதில்
நடிகர் திலகத்தின்
நடிப்பாற்றலை ஒரு இயலில்
எழுதியுள்ளேன். இந்த ஒரு
பாடலின் மூலம் அவருடைய
நடிப்பாற்றலை நீங்கள்
அற்புதமாக ஆய்வு செய்து
இருப்பது மிக அருமை.
வாழ்த்துகிறேன்."

-நடிகர் திலகத்தைப் பற்றி
ஆய்வு செய்து வரும், அய்யா
திரு.மருதுமோகன் சேதுராமச்சந்திரன் அவர்கள்,
'சிரிப்பில் உண்டாகும்'
பாடல் குறித்து நான் எழுதியதை முகநூலில் படித்து
விட்டு, என்னை இவ்வாறு
மனந்திறந்து பாராட்டியுள்ளார்கள். மிகவும்
பெருமையாகவும்,மகிழ்வாகவும் உணர்கிறேன்.

அய்யாவுக்கெனது பணிவான
நன்றி.

எல்லாப் பெருமையும் நடிகர்
திலகத்திற்கே.

வாசு சார்,

தங்களது உளப்பூர்வமான
வாழ்த்துகள், என்னை
உற்சாகப்படுத்தி வளர்க்கின்றன.

நன்றிகள் கோடி.

ஆதவன் சார்,

http://i58.tinypic.com/kt2c8.png

'நூல் இடையில் வாழும் பெண்மை
உன் இடையில் ஆடும் பொம்மை'

வரிகளில் ஜெயா ஓடி வந்து முன்னால் நிற்க, பின்னால் இவர் சற்றே குனிந்து இரு கை விரல்களையும் விரைப்பான விரித்து வைத்த நிலையில் கால்களை உதறி உதறி முன் வைத்தபடி ஒவ்வொரு ஸ்டெப்பாக நடந்து, அதே சமயத்தில் கைகள் இரண்டையும் ஒரே பக்கமாக வலதும் இடதுமாக ஆட்டியபடி நான்குமுறை வருவாரே! அந்த ஒரு அம்மாஞ்சித்தனம் போதும் சார். வேற எதுவுமே வேண்டாம். எல்லாம் அவர் வண்ணமே! அவரின்றி ஓர் அணுவும் அசையாது. அந்த தெய்வத்தின் பாதத்திலேயே வீழ்ந்து கிடக்கலாம். அப்படியே வாழ்ந்து முடிக்கலாம்.

http://i1065.photobucket.com/albums/...ps9llcg75o.jpg

Quote:

---

Originally Posted by senthilvel

http://i1065.photobucket.com/albums/...ps9llcg75o.jpg

---

மனோஜ் குமார் தயாரித்து நடித்த பூரப் அவுர் பச்சிம் ..திரைப்படத்தினைத் தமிழில் தயாரிக்க உரிமை பெற்று பூஜை போட்டு அமர்க்களமாக துவங்கிய படம் கிழக்கும் மேற்கும். அதில் நடிகர் திலகம் இரு வேடங்கள் ஏற்று நடிக்க இருந்தார். அதற்கான பூஜையில் எடுக்கப் பட்ட படங்களில் ஒன்று தான் மேலே இருப்பது. சவாலே சமாளி 150வது திரைப்பட விழாவையொட்டி மதி ஒளி வெளியிட்ட சிறப்பு மலரில் பின் அட்டையை இந்தப் படம் அலங்கரித்தது. அது மட்டுமின்றி நாளிதழ்களிலும் வெளிவந்தது. அந்த சூட்டோடு சூட்டாக இப்படம் வெளிவந்திருந்தால் பார் மகளே பார், உயர்ந்த மனிதன் ரேஞ்சுக்கு நடிகர் திலகத்தின் புகழ்க்கிரீடத்தில் மற்றுமோர் வைரமாக மின்னியிருக்கும்.

சில சமயங்களில் நின்று போன பல படங்கள் நம்மைப் போன்ற பல ரசிகர்களின் வயிற்றெரிச்சலைக் கொட்டிக்கொண்டுள்ளன. அதில் ஜீவபூமி, ஞாயிறும் திங்களும் வரிசையில் இதுவும் அடங்கும்.

மிக்க நன்றி செந்தில்வேல்.

தலைவரின்

சிரிப்பில் உண்டாகும் போதையிலே பிறக்கும் சந்தோஷமே...
அது வடிக்கும் கவிதை ஆயிரம் அவை எல்லாம்
தமிழ் வண்ணமே .. ஆதவன்
ரவியின் கைவண்ணமே...

பாராட்டுக்கள் ரவி...

வாழ்த்துக்கு நன்றி..
ராகவேந்திரா சார்..!

தாங்கள் பதிவிட்ட, அய்யா
நடிகர் திலகத்தின் அரசியல் நேர்மை குறித்த கட்டுரை
மிக சிறந்த பதிவு.

எந்தச் சூழ்நிலையிலும்
தனக்கென்று எதன் மீதும்
ஆசை கொள்ளாமல், தேச
நலனே பெரிதென்று வாழ்ந்த
ஒரு மாமனிதரின் தூய
அரசியலை நல்லவிதமாய்
வெளிப்படுத்தியிருந்தது..
கட்டுரை.

80-களுக்குப் பிறகு நடிகர்
திலகத்தின் திரையுலக செல்வாக்கு மங்கிற்று என்றும்,
பெரும்பாலான படங்கள்
தோல்வியைத் தழுவின
என்றும், 70-களின் இறுதியிலிருந்தே வேறு மாதிரியான படங்கள் வரத்
துவங்கி விட்டன..நடிகர் திலகத்தின் நடிப்பு பாணி
அப்போது பழையதாகி விட்டது
என்றும் எழுதப்பட்டிருந்ததை மட்டும் ஜீரணிக்க முடியவில்லை.

கல்தூண், பரீட்சைக்கு நேரமாச்சு, ஆனந்தக் கண்ணீர்
உள்ளிட்ட சிறந்த நாடகக்
கதைகள் திரைப்படமாகி வெகுவாக ரசிக்கப்பட்டதெல்லாம் 80 களில்தானே?

70-களின் பிற்பகுதியிலேயே
வேறு மாதிரியான படங்கள்
வரத் துவங்கி விட்டன என்றால் "முதல் மரியாதை" போன்ற
படத்தை 80-களுக்கு முன்போ,ஏன்.. இன்று வரை கூட யாரும்
தரவில்லையே..ஏன்?

தாவணிக் கனவுகள், மிருதங்க
சக்ரவர்த்தி,மண்ணுக்குள் வைரம்,தாய்க்கு ஒரு தாலாட்டு, லட்சுமி வந்தாச்சு, ஜல்லிக்கட்டு, ராஜரிஷி, பசும்பொன்..என்று
அவர் அசத்தி ஆச்சரியப்படுத்திய பொற்காலம், 80-கள்தானே?

பழசாகிப் போகும் பாணியா
அவருடையது? "தேவர் மகனி"ல் நீங்கள் நடித்தால்தான் ஆயிற்று என்று பழசுக்காகவா
பரமக்குடிக்காரர் தவமிருந்தார்?

ஒருவேளை அவர் நடிப்பு பழையதுதான் என வைத்துக்
கொண்டாலும், கலையின்
ஆரோக்கியத்திற்கு
இந்தப் "பழையது"தான் நல்லது.

அவரது நல்ல படங்கள் எத்தனையோ தோல்வியைத்
தழுவியிருக்கின்றன. அதை
வைத்தா அவரது திரையுலக
செல்வாக்கை தீர்மானிப்பது?

தோல்விகளை வைத்து அவருடைய சிறப்பைத்
தீர்மானிப்பது தவறென்பது..
அரசியலில் மட்டுந்தானா..?
திரையுலகில் கிடையாதா?

சிந்திக்க வேண்டிய கருத்து ரவி...

பாராட்டுக்கள்

நாம் ஒப்பீட்டைத் தவிர்க்குமாறு கேட்டுக்கொள்வதன் காரணம் தேவையற்ற அல்லது திசை மாறிப் போகக் கூடிய விவாதங்களுக்கு இடம் தரவேண்டாம் என்கிற நல்லெண்ணத்தினால் தான்.

அன்பு நண்பர் செல்வகுமார் அவர்கள் மேற்கோள் காட்டியுள்ள பதிவில் உள்ளபடி பார்த்தால் நடிகர் திலகம் அரசியலில் சுத்தமாக ஒன்றுக்கும் உதவாதவர் போலவும் செல்வாக்கு சுத்தமாக இல்லாதவர் போலவும் சித்தரிக்கப்படுகிறது. இதற்கு நாம் விளக்கம் சொல்ல வேண்டியது கடமையாகிறது.

சினிமா வேறு. அரசியல் வேறு.

சினிமாவைப் பொறுத்த மட்டிலும் தனியொருவரின் செல்வாக்கு அங்கே நிச்சயம் ஆதிக்கம் பெறும்.

ஆனால் அரசியலிலும் தேர்தலிலும் அவ்வாறல்ல. வாக்குக் கேட்டு மக்களிடம் செல்லும் போது அங்கே அனைத்துத் தரப்பினரின் வாக்குகளையும் ஒரு அரசியல்வாதி எதிர்பார்த்துத் தான் செல்கிறான். தேர்தல் வெற்றி பெறவேண்டுமென்ற நோக்கில் கொள்கை மாறுபாடு இருந்தாலும் அரசியலில் இது சகஜம், நிரந்தர நண்பனும் இல்லை, எதிரியும் இல்லை என்பது போன்ற வாதங்கள் துணைக்கு வைத்துக் கொள்ளப்பட்டு கூட்டணி ஏற்படுத்தப்படுகின்றன. தமிழகத்தில் மட்டுமல்ல, இந்தியா முழுவதுமே அரசியல் கட்சிகள் பெற்ற வெற்றிகள் - ஓரிரு தேர்தல்களைத் தவிர்த்து - கூட்டணியின் பலத்தினால் தான் என்பது யாராலும் மறுக்க முடியாத உண்மை. அவ்வாறு கூட்டணி ஏதுமின்றி தனிக்கட்சியாக வெற்றி பெற்றது என்றால் அது ஜெயலலிதா தலைமை வகித்த அ.தி.மு.க. மட்டுமே. அவரைத் தவிர வேறு யாருமே கூட்டணி யிீன்றி தேர்தலில் வெற்றி பெற்றதாக நான் அறிந்த வரையில் இல்லை.

அவ்வாறு கூட்டணி அமைப்பதின் காரணமே அந்தக் கட்சியின் வாக்குகளையும் சேர்த்தால் வெற்றிக்கு உதவும் என்கிற கணக்கில் தான்.

செல்வாக்கில்லாத அரசியல்வாதி என்று தெரிந்தால் எந்த தலைவனும் கூட்டணிக்கு அழைக்க மாட்டார். இதுவே வரலாறு.

நடிகர் திலகம் சார்ந்த அரசியல் கட்சியைக் கூட்டணியில் சேர்த்து தேர்தலில் போட்டியிட்டதும் இதில் அடங்கும்.

இதை அந்த நண்பர் புரிந்து கொள்ள வேண்டும்.

நடிகர் சங்கத் தேர்தல், அதையொட்டிய வாக்கு சேகரிப்பு பிரச்சாரங்கள் இதைப் பற்றிய விவாதங்களில் அவரவர் தங்களுக்குத் தேவையானதை மட்டுமே எடுத்துக்கொண்டு கருத்துக்களைக் கூறுகின்றனர்.

நடிகர் திலகம் தலைவராக இருந்த காலத்தில் அவருக்குப் பெயர் வரக்கூடாது என்பதற்காக நடிகர் சங்கத்தில் ஒரு பிரிவினர் முனைப்புடன் இருந்தனர் என்று ஒரு பேச்சு அந்தக் காலத்தில் உண்டு. எந்தவித பாகுபாடும் கருத்து வேற்றுமையையும் பாராமல் அனைத்து தரப்பினருக்கும் பொதுவாக, அனைவரின் நலனையும் கருத்தில் கொண்டு, நடிகர் திலகம் தலைமையேற்ற நடிகர் சங்கம் நலிவுற்ற நடிகர்களுக்காக வீட்டு வசதித்திட்டம் ஏற்படுத்தியது. அப்போதைய சென்னைப் புறநகர் பகுதியில் தனி நகரமாகவே உருவாகும் வகையில் திட்டங்கள் தீட்டப்பட்டு அதற்கான வங்கிக்கடன் வசதியெல்லாம் பேசி முடிக்கப்பட்டு நிறைவேறத் தயாராக இருந்த நிலை, அரசின் ஒப்புதலுக்காக காத்திருக்கும் போது அப்போதைய வீட்டு வசதித்துறை அமைச்சர் இசைவும் அளித்ததாக அறியப்பட்ட நிலையில் அறிவிப்பு அளவிற்கு வந்த அந்த திட்டம் முடக்கப்பட்டு விட்டது. அது நிறைவேறி விட்டால் எங்கே நடிகர் திலகத்திற்கு பெயர் வந்து விடுமோ, ஏற்கெனவே நடிகர் சங்க கட்டிடத்தில் அவருக்கு சிறந்த தலைவர் என்ற பெயர் வந்து விட்டதே என்ற எண்ணத்தில் நலிவுற்ற நடிகர்களுக்கான வீட்டு வசதித்திட்டம் கிடப்பில் போடப்பட்டது. இதற்கெல்லாம் பின்னணியில் இருந்தது யார் என்பது அந்த இறைவனுக்கே வெளிச்சம்.

இது போன்ற பல நற்காரியங்களை நடிகர் திலகம் தென்னிந்திய நடிகர் சங்கத்திற்காக நிறைவேற்ற தயாராக இருந்தார்.

அது மட்டுமா, உலகிலேயே சிறந்த நடிகராகத் திகழ்ந்த அவருக்கு ஒரு முறை கூட சிறந்த நடிகர் விருதினை அளிக்காத மத்திய மாநில அரசுகளின் அலட்சியத்தைக் கூட பொருட்படுத்தாமல், ரிக்ஷாகாரன் என்கிற படத்திற்காக எம்.ஜி.ஆர். அவர்களுக்கு பாரத் பட்டம் வழங்கப்பட்ட போது அந்த விழாவை முன்னின்று நடத்தியது நடிகர் திலகம் தலைமையிலான நடிகர் சங்கம் தானே.. இதையும் அனைத்துத்தரப்பினரும் மறைப்பது ஏன்.

ஒருவர் ஒரு விஷயத்தை மறைக்கிறார் என்று குற்றம் சாட்டி அதற்கான விளக்கம் தரப்படும் போது, அந்த விளக்கத்திலும் முழுமை இராமல் தேவையானவை மட்டும் கூறப்படும் போது அந்த விளக்கமும் குற்றம் சாட்டப்படுபவரின் பேச்சைப் போலத் தானே அமைகிறது.

எது எப்படியிருந்தாலும் இறுதி வரை எதிர்ப்பிலேயே எதிர்நீச்சல் போட்டு தனக்கென யாரும் நிகரில்லை என்பதை நிரூபித்து வாழ்ந்தவர் நடிகர் திலகம் மட்டுமே என்பது உண்மை. இது இன்றில்லாவிட்டாலும் காலம் கண்டிப்பாக உணர்த்தும்.

Quote:

---

Originally Posted by RAGHAVENDRA

சிவா சார்

http://eluthu.com/user/greetings/car...atulations.jpg

நல்ல வரவேற்கத்தக்க முனைப்பு.

வசூல் சாதனைகள், நாள் சாதனைகள், நடிகர் திலகத்தின் கொடைகள் இவற்றைப் பற்றிய தகவல்களை ஒரு முகத்தான் ஒருங்கிணைத்து பகிர்ந்து கொள்வது சிறந்த முடிவு. ஏற்கெனவே முரளி சாரின் சாதனைச் சிகரங்கள், பம்மலாரின் பாக்ஸ் ஆஃபீஸ் எம்பரர், மற்றும் பல்வேறு பாகங்களில் நடிகர் திலகம் திரிகளில் உள்ள விவரங்களைத் திரட்டி இங்கே ஒரே திரியில் தகவல் பெறும் வகையில் தாங்களே பதிவிட்டு நடிகர் திலகத்தின் ஒப்பற்ற சாதனைகளை எதிர்வரும் தலைமுறை அறிந்து கொள்ள வகை செய்து வரும் முயற்சிக்கு என் உளமார்ந்த பாராட்டுக்கள்.

அத்தனை தகவல்களையும் தொகுக்துத் தருவது சாதாரண காரியமல்ல. அத்தனை திரிகளிலிருந்தும் அனைத்துத் தகவல்களையும் திரட்டி மூன்று வெவ்வேறு திரிகளில் தாங்களே ஒரே சீராக தொகுத்தளிக்கும் முயற்சிக்கு மீண்டும் என் உளமார்ந்த பாராட்டுக்கள்.

---

நன்றி சார். எல்லோருடைய ஒத்துழைப்பும் வேண்டும் .
கிடைக்கும் என நம்புகின்டறேன்.

'கலைமகன்' இன்று எனக்கிட்ட ஆணை.

'குழந்தையின் கோடுகள் ஓவியமா?
இந்த குருடன் வரைவது ஒரு காவியமா?
நினைந்ததை உரைத்தேன் புலவர்களே!
குற்றம் நிறைந்திருந்தாலும் அருளுங்களேன்!

கலைமக(ன்)ள் எனக்கொரு ஆணையிட்டாள்
சில காவியப் பொருள்களைத் தூது விட்டாள்

அலையெனும் எண்ணங்கள் ஓட விட்டாள்
அதை ஆயிரம் உவமையில் பாட விட்டாள்
பாட விட்டாள்'

'சாகுந்தல'த்தை சபையில் அரங்கேற்றும் சாகா வரம் பெற்ற புலவன். அதை அப்படியே கண்முன் கொண்டு வந்து சாதனை படைக்கும் கலைத் தெய்வம். பனை ஓலையில் எழுத்தாணி பிடித்து

பெற்ற வரத்தால் பிழை புரிந்த சூரனிடம்
பட்டதெலாம் தேவர் குலம் பதைத்தே
முறையுரைக்க
கற்றை சடை முடியான்
கண்ணைத் திறந்ததுவும்
கந்தன் பிறந்ததுவும்
கைவேல் எறிந்ததுவும்
சந்தக் கவிதையிலே சாற்றினேன்
தாய் கொடுத்த இந்த மழலையையும்
ஏற்றருள்வாய் தாயகமே!
தாயகமே! தாயகமே

என்று 'நடிகர் திலகம்' காவிய அரங்கேற்றம் பண்ணும் போது அது நிஜ சபையோ என்று நினைக்கத் தோன்றுகிறது. 'கந்தன் பிறந்ததுவும்' வரியில் திலகம் பின் பக்கம் உடல், கழுத்து இவற்றறை பின்னிழுத்து ஓலையில் முன் எழுதும்போது மூவேந்தனும் மண்டியிட்டு அடிபணிய மாட்டானா இந்த நடிப்பு வேந்தனின் நயங்களைப் பார்த்து?

வீணை ஓசையிடையே சுசீலாம்மா,

'காதல் மணம் கொண்ட பாசம்
இந்த கவிஞனின் மேக சந்தேசம்'

பாடும் போது நாடி நரம்புகள் சிலிர்த்தெழாதோ!

'சூரசம்ஹார சம்பவம்
கவி சொல்லும் குமார சம்பவம்
தாரகன் வீழ்ந்த சம்பவம்
கவி தந்த குமார சம்பவம்'

என்று விறுவிறுப்புமாய், வீரக் கொப்பளிப்புமாய் இசையரசி பாடும்போது இன்னல்கள் அனைத்தும் அந்தக் கணத்தில் மறைந்து மாயமாகும்.

https://youtu.be/HpPOKaKrbrU

http://i1028.photobucket.com/albums/...psigfxud5f.jpg


பாழாப்போன ஒலகத்துல படிச்சாத்தாய்யா மருவாதி.

பணிஞ்சு கும்புட்டுக்க.

படிப்புக் குடுப்பா..
அந்தப் பிரம்மன் பய பொஞ்சாதி.

டியர் செந்தில்வேல் சார்,

ஆவணப்பதிவுகள் பற்றி நீங்கள் உரைத்துள்ளது அனைத்தும் ஏற்றுக்கொள்ள தக்கதே. சிரமப்பட்டு சேர்த்து வைத்த ஆவணங்கள் முந்தையகால நேரடி கொடுக்கல் வாங்கல் முறையில் தவறிப்போக / காணாமல் போக வாய்ப்பிருந்தது உண்மையே. ஆனால் தற்போது இணையத்தில் பதித்து விட்டால், ஒரிஜினல் உரியவரிடம் பத்திரமாக இருக்க, ஆவணங்கள் நொடிகளில் உலகமெங்கும் சென்று சேர்ந்துவிடுகிறது.

குறிப்பாக நடிகர்திலகத்தின் திரைப்பட விளம்பர ஆவணங்கள் வைத்திருப்போர் அவற்றை சேகரித்ததே நடிகர்திலகத்தின் புகழை உலகெங்கும் பரவ செய்யத்தான் என்பதை கருத்தில் கொண்டு சிரமம் பாராது இங்கு பதிவிட வேண்டுகிறோம்.

முன்பு மரியாதைக்குரிய நமது பம்மலார் அவர்கள் பாகம் 9-ல் எல்லா ஆண்டுகளிலும் ஜூலை முதல் டிசம்பர் வரை வந்த அனைத்து பட விளம்பரங்களையும் பதித்தார். ஏனோ தெரியவில்லை ஜனவரியிலிருந்து நிறுத்திவிட்டார்.

தற்போது நண்பர் சிவா அவர்கள் இதற்கென தனி திரியொன்றை துவக்கியுள்ளார். நண்பர்கள் விளம்பர ஆவணங்களை "மட்டும்" அவற்றில் பதிவிட வேண்டுகிறோம். அவை பற்றிய பாராட்டு மற்றும் ஆலோசனைகளை இந்த பொதுத்திரியிலேயே பதிவிடவும். மிக முக்கியமாக விடியோக்களையும் ஸ்டில்களையும் அங்கு பதித்திட வேண்டாம். அது ஆவணங்களுக்கான திரியாக "மட்டுமே" இயங்கட்டும்.

சாதனைத்திரி செழிக்க அனைவரும் சிரமம் பாராது உரமிடுங்கள்.
நன்றி.

From Facebook


கடந்த ஈத் பெருநாள் விடுமுறையில் ' தெய்வமகன் '
எனும் நடிகர் திலகம் நடித்த தமிழ் திரைப்படத்தினை காணும் வாய்ப்பு கிட்டியது.

கலைக்குரிசில் தமிழ் திரைப்படங்களில் எடுத்த அவதாரங்கள் பல நூறு. இப்படத்தில் எடுத்த அவதாரங்களோ முத்தான மூன்று. திரைப்பட கதாநாயன் என்றால், முக வசீகரமும், கட்டழகும், நல்ல நிறமுமாக கண்கவர் வசீகரனாக இருக்க வேண்டும் என்ற கட்டாயங்களை தைரியமாக உடைத்த பெருமகன்.
கோரமான குரூரமான தோற்றம் கொண்டவனாக நடித்தும் மக்களை வசியப்படுத்த முடியும் என நிரூபித்தவர்... துவக்கி வைத்தவர் இவர்தானோ...?

வேடங்களை வித்தியாசப்படுத்தி எப்படி நடிக்க வேண்டும் என்பதற்கு நடிகர் திலகத்தின் படங்கள் எப்போதுமே சக நடிகர்களுக்கு, புது நடிகர்களுக்கு பாடப்புத்தகங்கள். நன்கு கவனியுங்கள்.. நடையிலும், மேனரிசத்திலும், முகபாவனை, தோரணை, கைகளை பயன்படுத்தும் முறை, என நுட்பமாக வேறுபாடுகளை
வெகு கவனமாக நினைவில் நிறுத்தி நடித்திருப்பார்.

முதன் முதலாக ஆஸ்கார் அவார்டுக்கு அனுப்ப பட்ட தமிழ் திரைப்படம்.
படத்தின் கதைப்படி, விகாரமான தழும்புகளுடன் கூடிய முகத்துடன் உடைய, இளம்பருவத்தில் சமூகத்தில் பலராலும் இகழப்பட்டவர், பின்னர் தனது கடின உழைப்பினால் பெரும் செல்வந்தராக வாழ்பவர் வழக்கறிஞர் சங்கர். அவருக்கு பிறந்த இரட்டை குழந்தைகளில் ஒருவர் அவரை போலவே விகாரமான தழும்புகளுடன் பிறந்திருக்க, அதனை கொன்று விடுமாறு தனது நெருங்கிய நண்பரான மருத்துவரிடம் (மேஜர் சுந்தரராஜன்) கூற அவர் சினம் கொண்டு...இயலாது என கூற இருவருக்கும் வாக்குவாதம் ஆகிறது.. முடிவில் ஒப்புக்கொண்ட மருத்துவர், சங்கருக்கு தெரியாமல் அந்த குழந்தையை ரகசியமாக ஒரு அனாதை விடுதியில் பாபா என்பவரின் பொறுப்பில் வளர்க்க கூறுகிறார்.
வழக்கறிஞர் சங்கரின் அதிகாரப்பூர்வமான ஒரே மகனான வளரும் விஜய் , அம்மாவைப்போல அழகானவனாக இருந்தாலும், அப்பாவியாக, பொறுப்பின்றி அப்பாவின் பணத்தில் ஜாலியாக உல்லாசமாக பெண்களுடன் சுற்றுபவனாக இருக்கிறான். அவனது நண்பனாக நடித்து அவனை ஏமாற்றி பணம் பறித்து பல தகிடு தத்தம் செய்பவனாக நம்பியார் வருகிறார். டாக்டரின் மகள் நிம்மி (ஜெயலலிதா) விஜய் இருவரும் காதல் வயப்படுகின்றனர்.

இதற்கிடையில், பாபாவால் அனாதை என்ற பெயரில் வளர்க்கப்பட்ட முரட்டுத்தனமான பலமுடைய, சிதார் அற்புதமாக வாசிக்க தெரிந்த கண்ணன் (விகார முகம் கொண்ட மகன் சிவாஜி) பாபாவின் மறைவுக்கு முன்பு தான் அனாதை அல்ல என்ற விபரமறிந்து டாக்டரை சந்தித்து உண்மைகளை அறிந்து... அவர் வீட்டு மாடியில் தங்கி இருக்கும் கண்ணன் தனது குடும்பத்தினரை திருடனை போல இரவில் சென்று தரிசிக்கிறான்...திரும்ப வரும்போது.. தந்தையால் திருடன் என சந்தேகிக்க பட்டு குண்டடி பட்டு திரும்புகிறான்.

சங்கருக்கும் தனது மூத்த மகன் உயிருடன் இருப்பது தெரிய வருகிறது, இருவரும் சந்திக்கும் காட்சி மிக்க உணர்வு பூர்வமான காட்சி. இதற்கிடையில் நம்பியாரின் சதியினால் விஜய் கடத்த படுகிறார். அவரை மீட்க புறப்படும் அவரை தாக்கி மயங்க செய்து மகன் கண்ணன் தம்பியை உயிருடன் மீட்டு திரும்புவதும் சண்டையில் குண்டடி பட்டு தாயின் மடியில் உயிர் விடுவதுமாக கதை நிறைவடைகிறது.

முதலில் கோர முகம் கொண்ட அலுவலகத்தில் இருந்து, சங்கர் இறங்கி வருவது முதல் கடைசி காட்சி வரை, மூன்று கதா பாத்திரங்களையும் முற்றிலுமாக வித்தியாச படுத்தி நடிக்கும் கலை...த்திறன், கலைக்குரிசில் கணேசனுக்கே உரித்தானது. பேசும் பேச்சு, விழிகளின் வீச்சு, நடக்கும் நடை, வித்தியாசமான குரல் என யாரோ...மூன்று வேறுபட்ட நடிகர்கள் நடிப்பது போல பூரணமாக வேறுபடுத்தி நடித்துள்ளார்.

என்னை மிகவும் கவர்ந்த காட்சிகள் பல.., சங்கர் மருத்துவரிடம் குழந்தையை கொல்லக்கூறும் காட்சி, கண்ணன் மருத்துவரை சந்திக்கும் காட்சி, மற்றும் தன் தாயை கண்டு விட்டு வீட்டுக்கு வந்து அந்த சந்தோஷத்தை பகிரும் காட்சி..(தெய்வமே...தெய்வமே...பாடல்..)

அடுத்து கண்ணன் தனது தந்தையை வீட்டில் சந்தித்து எப்படி தன்னை புறக்கணிக்கலாம் என்று வாதிடும் இடம், அப்போது தம்பியும் அறைக்குள் நுழையும்போது இவர் ஒரு ஓரத்தில் ஒளிந்து கொள்வது போல காட்சி இருக்கும், மூவரும் ஒரே பிரேமில் இருக்கும் காட்சி...அற்புதம். இன்றைக்கு உள்ள தொழில் நுட்பத்தில் இரட்டை கதா பாத்திரங்களை கையாளும் விதம் எளிது..ஆனால்...கிட்டத்தட்ட 45 ஆண்டுகளுக்கு முன்பு...உள்ள வசதிகளை கொண்டு இப்படி அசத்தி இருக்கிறார்களே என்று மனம் வியந்தது. .

வேறொரு காட்சியில்
சங்கர் தனது நண்பனாகிய மருத்துவரை, தன் மகன் உயிரோடு இருக்கிறானோ என்ற சந்தேகத்துடன் சந்திக்கும் காட்சியும் மிகவும் உணர்வுப்பூர்வமானது. மேஜரின் நடிப்பும் சிம்மக்குரலோனிடம் போட்டி போடும் இடம் அது. காமெடிக்கு நாகேஷ்...வழக்கம் போல வெண்கலக்கடைக்குள் யானைதான். நடிகை பண்டரிபாய் பண்பட்ட நடிப்பில் நம்மை வசீகரிக்கிறார்.

வசனகர்த்தா திரு.ஆரூர் தாசின் வசனங்கள் துப்பாக்கி குண்டுகள் போல சில இடங்களில் பாய்கிறது...சில இடங்களில் குழைகிறது, நெகிழ்கிறது, பல இடங்களில் நம் மனதை நெகிழ்த்துகிறது வெகு..அற்புதம் .மகன் கண்ணன் பேசும்போது,
தேவை இல்லைன்னு நெனச்ச தந்தையும், அவரை தேடி அலைஞ்ச மகனும் ஒருத்தர ஒருத்தர் சந்திக்கிற அற்புதமான காட்சி...
எம் பேரு கண்ணன், நீங்க கூப்பிட்டு நான் தெரிஞ்சிக்க வேண்டிய பேரை...நான் சொல்லி நீங்க தெரிஞ்சிக்க வேண்டிய நெலமை...

அவர் கொடுத்த செக்கை திரும்ப கொடுக்கும்போது,
இதை வாங்கிக்கதான் எனக்கு என்ன உரிமை இருக்கு இல்லை, கொடுக்கதான் உங்களுக்கு என்ன அருகதை இருக்கு.
நீங்க பொறந்தப்ப உங்க அப்பாவும் இது மாதிரிதான் செய்தாரா...ஏன்னா..நீங்களும் என்னை மாதிரிதானே இருக்கீங்க...

உங்க அப்பா உங்களை வேணாம்னு ஒதுக்கலை ஏன்னா அவரு ஏழை...ஆனா என் அப்பா பணக்காரர் இல்லையா...

(இந்த இடங்களில் தந்தையாக நடிப்பவரின் குற்ற உணர்வுடனான முக பாவங்களை காண கண்கோடி வேண்டும்)

இங்க நம்பளை தவிர யாரும் இல்லையே...அப்பான்னு...உங்களை ஒரு தடவை..ஒரே ஒரு தடவை நான் கூப்பிட்டுக்கவா...என்று உருகுவது..
அழகிய மனதை தொடும் காட்சிகள்.

நம்பியாருக்கு வில்லன் வேடத்துக்கு ...சொல்லவும் வேண்டுமோ...?அடேய்...வேலப்பா ... இவன பிடிச்சு கட்டி போடுடா...அவருக்கே உரித்தான் பாணி... கலக்கி உள்ளார்.

பாடல்கள் அப்பப்பா...அருமை அத்தனையும் இனிமை...
தெய்வமே...தெய்வமே...என்ற பாடலை கூறுவதா...
கேட்டதும் கொடுப்பவனே...கிருஷ்ணா ..கிருஷ்ணா ..
காதல் மலர் கூட்டம் ஒன்று...வீதி வழி போகும் என்று...
காதலிக்க கற்றுக்கொள்ளுங்கள் என் விழிகளிலே...
கூட்டத்திலே யார்தான் கொடுத்து வைத்தவரோ...
கண்கள் பேசுதம்மா.... என்று பாடல்களை
இசைக்குரல் நடிகர். டி.எம்.சவுந்தர ராஜன், கானக்குயில் சுசீலாவுடன் இணைந்து பாடி அசத்தி உள்ளார்...
பாடல் காட்சிகளில் நடிகர் திலகத்துக்கு ஈடு கொடுத்து தன் பங்களிப்பை செய்து.. அந்த காட்சிகளை பரிமளிக்க செய்துள்ளார்.

பாடல் வரிகள் வார்த்தெடுத்த தங்க...இழைகள்...போல வெகு பொருத்தம்..காலம் கடந்தும் வாழும் வரிகளை தந்துள்ளார் கவிஞர் கண்ணதாசன் அவர்கள் .
M.S. விஸ்வநாதன் அய்யாவின் பாடல்களை கேட்கும்போது...தெய்வமே..தெய்வமே..என்று அவரை பார்த்து பாட வேண்டும் போல என்று தோன்றுகிறது..
இசைஅமைப்பு... தெய்வீக இசை அய்யா...உங்களுடையது...
காலங்கள் கடந்தாலும் மனதை வசீகரிக்கும் இசை.

திரு.ஏ.சி.திருலோக சந்தர் விறுவிறுப்பான இயக்கத்தில் அசத்தி உள்ளார். கூட்டத்திலே யார்தான் கொடுத்து வைத்தவரோ...பாடல் கொஞ்சம் இடறியது...அதாவது அந்த கதாநாயகியின் குணாதிசயத்துக்கு திடீரென ஒரு சேரிப்பெண்
ரேஞ்சுக்கு இறங்கி...ஆடுவது கொஞ்சம் பொருந்தாதது போல இருந்தது. பாபாவாக நடித்தவர் கண்ணியமான நடிப்பு.

மொத்தத்தில், முத்தான, சத்தான படைப்பு. காலம் உள்ளவரை.. கலைகள் ரசிக்கப்படும் வரை,
கலைத்தாயின் தெய்வமகன் கணேசனின் புகழை என்றும் பேச செய்யும் படம் என்பதில் ஐயமில்லை. வாய்ப்பு கிடைத்தால் அவசியம் நீங்களும் கண்டு மகிழுங்கள்.

தென்னிந்திய நடிகர் சங்கத்தின் பொற்காலமே நடிகர்திலகம் சங்கத்தலைவராக பணியாற்றிய 1971 முதல் 1981 வரையிலான பத்தாண்டுகள்தான்.

1957-லேயே சங்கத்துக்காக நிலம் வாங்கப்பட்டிருந்தும் கட்டிடம் கட்டப்படாமல் வாடகை கட்டிடத்திலேயே இயங்கி வந்தது.இடையில் பதவி வகித்த தலைவர்கள் மற்ற சின்னச்சின்ன விஷயங்களில் கவனம் செலுத்தினார்களே தவிர, கட்டிட விஷயத்தை கையிலெடுக்கவில்லை.

நடிகர்திலகம் தலைவராகவும், மேஜர் செயலாளராகவும், வி.கே.ஆர். பொருளாளராகவும் பதவி ஏற்ற பிறகுதான் சங்கத்தின் செயல்பாடுகள் பரபரப்பாகவும், வெளிப்படையாகவும் ஆயின. சங்கத்தில் நிறைய பேர் புதிய உறுப்பினர்கள் ஆயினர். சங்கத்தின் செயல்பாடுகள் பற்றிய செய்திகள் அடிக்கடி பத்திரிகைகளிலும், பருவ இதழ்களிலும் வரத்துவங்கின.

நடிகர்சங்கத்துக்கான சொந்தக்கட்டிடம் கட்டும் திட்டம் உருவானது. சங்கத்தின் நிதியிருப்போடு வங்கியில் கடனும் பெறப்பட்டு கட்டிடவேலைகள் துவங்கி மளமளவென்று முன்னேறியது. அடிக்கடி உறுப்பினர்களின் மீட்டிங் கூட்டப்பட்டு ஆலோசனைகள் பெறப்பட்டன. வி.கே.ஆரின் கீழ் இரண்டு கணக்கு தணிக்கையாளர்கள் நியமிக்கப்பட்டு வரவு செலவு கணக்குகள் ஒவ்வொரு மீட்டிங்கிலும் உறுப்பினர்கள் முன் சமர்ப்பிக்கப்பட்டு ஒப்பதல் பெறப்பட்டது. எல்லா ஒப்பந்தங்களும் வெளிப்படையாக போடப்பட்டன.

வங்கி கடன் மட்டுமல்லாது சங்ககட்டிட நிதிக்காக பெரிய நகரங்களில் நட்சத்திர கலைநிகழ்ச்சிகள் நடத்தப்பட்டு நிதி திரட்டப்பட்டது.

நடிகர்சங்க வளாகத்தில் சங்கத்துக்கான கட்டிடம் மட்டுமல்லாது வருமானத்துக்காக பிரிவியூ தியேட்டர் ஒன்றும், கலையரங்கம் ஒன்றும் கட்டப்பட்டன. அந்த காலகட்டத்தில் வெளியான சில திரைப்படங்களில் இந்த அரங்கம் இடம்பெற்றிருக்கும். அனைத்தும் நடிகர்திலகத்தின் பதவிக் காலத்திலேயே கட்டிமுடித்து திறக்கப்பட்டன.

(அன்றைய நடிகர்சங்கத்தின் செயல்பாடுகள் குறித்து சினிமா இதழ்களிலும், வார இதழ்களிலும் வெளியான ஆவணங்கள் வைத்திருப்போர் இங்கு பதிவிடுமாறு வேண்டுகிறோம்).

இதுபோக நலிந்த கலைஞர்களுக்காக வீட்டு வசதி திட்டமும் செயற்குழுவில் விவாதிக்கப்பட்டு, வரையறுக்கப்பட்டு அரசின் வீட்டுவசதி அமைச்சகத்துக்கு அனுப்பப்பட்டது.

வங்கிக்கடன்கள் முறையாக செலுத்தப்பட்டு வந்த வேளையில் இந்த அணியினரின் இரண்டாவது பதவிக்காலம் (5+5) முடிய, மீண்டும் போட்டியின்றி இந்த அணியையே தேர்ந்தெடுக்கலாம் என்று உறுப்பினர்கள் பலரும் விரும்பியபோது, சங்கத்தலைவராக தான் போட்டியிடப் போவதாக எஸ்.எஸ்.ஆர் அறிவித்தார். அதாவது அவர் 'எங்கிருந்தோ ஏவப்பட்ட அம்பாக' போட்டியில் குதித்தார்.

போட்டியை விரும்பாத நடிகர்திலகம் பத்தாண்டு வகித்த தலைவர் பதவியை விட்டு விலகினார். மேஜர், வி,கே,ஆரும் தத்தம் பதவிலிருந்து விலகினர்.

எஸ்.எஸ்.ஆர். தலைவரானார். அவர் தலைமையில் சங்கத்தின் செயல்பாடுகள் முடங்கின. வங்கிக்கடன் ஒழுங்காக செலுத்தப்படாமல் நடிகர்சங்கம் கடன் சுமையில் தத்தளித்தது. அதன் பின் வந்த தலைவர்களால் கடன் சுமை மேலும் அதிகரித்தது.

விஜயகாந்த் தலைவரானபோது கடன்சுமையைக் குறைக்க நடவடிக்கை எடுத்து கணிசமான அளவில் குறைத்தார் என்றார்கள். இப்போதுள்ள நிலைமை தெரியவில்லை. எதுவும் வெளிப்படையாக இல்லை என்று பல உறுப்பினர்கள் நினைத்ததன் விளைவே சமீபத்திய சங்கத்தேர்தல் முடிவுகள்.

நடிகர்திலகம் தென்னிந்திய நடிகர்சங்கத் தலைவராக இருந்தபோது...

1972-ல் மக்கள் திலகம் எம்.ஜி.ஆர். அவர்களுக்கு மத்திய அரசின் சிறந்த நடிகருக்கான பாரத் விருது வழங்கப்பட்டபோது சங்கத்தின் சார்பில் நடிகர்திலகம் அவருக்கு பெரிய பாராட்டுவிழா நடத்தி பொன்னாடை போர்த்தி, கேடயம் பரிசளித்தார்.

1977-ல் மக்கள்திலகம் தமிழக முதலமைச்சராக பதவியேற்றபோது நேரு விளையாட்டரங்கில் சங்கத்தலைவர் நடிகர்திலகம் மாபெரும் பாராட்டுவிழா நடத்தி கேடயம் பரிசளித்தார். (இவ்விரு கேடயங்களும் தி.நகர் எம்.ஜி.ஆர்.நினைவில்லத்தில் விளக்கம் எழுதப்பட்டு வைக்கப்பட்டுள்ளன).

இரு விழாக்களிலும் மொத்த தென்னக திரையுலகமே திரண்டிருந்தது.

From Tamil The Hindu, written by Director S.P.Muthuraman.

http://tamil.thehindu.com/multimedia...a_2592592f.jpg

கவரிமான்’ ரிலீஸான அன்று நானும் ஒளிப்பதிவாளர் பாபு, எடிட்டர் விட்டல் உள்ளிட்ட படக் குழுவினர்களும் சென்னை அண்ணா சாலையில் உள்ள சாந்தி திரையரங்கில் படம் பார்க்கச் சென்றோம். ஒரு படம் ரிலீஸானதும் அதை மக்கள் எப்படி ரசிக்கிறார்கள் என்பதை கூர்ந்து கவனிக்கச் சொல்வார் மெய்யப்ப செட்டியார். ரிலீஸாகும் படத்தில் ஒரு சில இடங்கள் ரசிகர்களிடம் வரவேற்பு இல்லாமல் போனால், அடுத்து அந்தப் படத்தை மற்ற மொழிகளில் ரீமேக் செய் யும்போது அந்தக் காட்சியைத் திருத்த வாய்ப்பாக இருக்கும் என்பதற்காக, ரிலீ ஸான படங்களை தியேட்டரில் போய் பார்த்து ரிப்போர்ட் எழுதச் சொல்வார். அதை நாங்கள் இன்றும் பின்பற்று கிறோம்.

‘கவரிமான்’ படத்தை மக்களோடு மக்களாக அமர்ந்து சாந்தி திரையரங்கில் பார்த்துக்கொண்டிருந்தோம். சிவாஜி கணேசன் கொடுத்தப் பரிசுப் பொருளை தேவி கோபத்தோடு மாடியில் இருந்து குப்பைத் தொட்டியில் வீசுவதை திரையரங்கில் பார்த்த ரசிகர்கள் அதிர்ச்சி அடைந்தார்கள்.

‘‘ஏய்… உனக்கு என்ன துணிச்சல். எங்க அண்ணன் கொடுத்தப் பரிசையே தூக்கி வீசிறியா?’’ என்று ரசிகர்கள் கடும் கோபத்தோடு ஆரவாரம் செய்தனர். இதை பார்த்த சாந்தி திரையரங்க நிர்வாகி வேணுகோபால் (சிவாஜி கணேசனின் மாப்பிள்ளை) உடனே எங்களை திரையரங்கத்தின் அலுவலகத் துக்குள் வருமாறு அழைத்தார். ‘‘இருக்கட்டும் என்ன நடக்கிறது என்று பார்க்கிறோம்’’ என்று கூறினேன். அவர், ‘‘தயவு செய்து வாங்க. சிவாஜி அவமானமானப்படுவதை அவரது ரசிகர்கள் பார்க்க விரும்பவில்லை. இந்த நேரத்தில் நீங்கள் இங்கே இருக்க வேண்டாம்’’ என்று எங்களை வலுக் கட்டாயமாக அறைக்கு அழைத்துச்சென் றார். அப்போது ஒரு விஷயத்தை உணர்ந் தேன். சிவாஜியின் ரசிகர்கள் அவரை அந்தப் படத்தில் வரும் ஒரு கதாபாத்திர மாக எடுத்துக்கொள்ளவில்லை. உண்மையான சிவாஜிகணேசனாகவே பார்க்கிறார்கள். எப்போதுமே அவரை இப்படித்தான் பார்க்க விரும்பும் ரசிகர் களால் அந்தக் கதாபாத்திரத்தை ரசிக்க முடியவில்லை. கதாநாயகர்களுக்கு என்று ஒரு தனிப்பட்ட இமேஜ் இருக் கிறது. அதற்கு முக்கியத்துவம் கொடுத்து படம் இயக்க வேண்டும் என்பதை நான் அன்றைக்கு உணர்ந்தேன்.

படத்தின் கிளைமேக்ஸ் நெருங்கும் இடத்தில் தேவி ஒரு இக்கட்டான சூழலை எதிர்கொள்வார். உண்மையாக பழகுகிறார் என்று தேவி நினைத்து பழகிவந்த சேகர் திடீரென தவறாக நடந்துகொள்ள முயற்சி செய்வார். அவரிடம் இருந்து தப்பிக்க முயற்சி செய்யும் தேவி ஒரு கட்டத்தில் சேகரை கத்தியால் குத்திவிடுவார். ரத்தம் சொட்ட சொட்ட அந்த இடத்தில் அவர் துடி துடித்து இறந்துவிடுவார். அதை பார்த்து விடும் சிவாஜிகணேசன், தேவியைப் பார்த்து ‘‘மானத்தை காப்பற்ற வேண்டிய சூழல் வந்தால் இப்படித்தான் செய்ய வேண்டி வரும். அன்னைக்கு நடந்த கொலையும் இப்படித்தான். குடும்ப மானத்தை காப்பாற்ற வேண்டும் என்பதற் காக நான் கொலை செய்தேன். கவரிமான் தன் உடலில் இருந்து ஒரு முடியை இழந்தாலும் உயிரை விட்டுவிடும். நீ வாழ வேண்டிய பொண்ணு. நான் ஏற்கெனவே ஒரு கொலை செய்துவிட்டு பழி சுமப்பவன்!’’ என்று கூறி மகள் தேவி கையில் இருக்கும் கத்தியை சிவாஜிகணேசன் வாங்கிக்கொண்டு பழியை தான் ஏற்பார்.

அப்போதுதான் தேவி முதல் தடவையாக சிவாஜியை ‘‘அப்பா’’ என்று அழைப்பார். தேவி சின்ன வயதாக இருக்கும்போது அம்மா பிரமிளா, அப்பா சிவாஜியோடும் மகிழ்ச்சி பொங்க படமாக்கப்பட்ட ‘பூப்போல உன் புன்னகையில்’ என்ற பாட்டின் இசையைப் பின்னணி இசையாக அந்த இடத்தில் இழையவிட்டிருப்பார் இளையராஜா. அதுதான் இளையராஜா!

படத்தில் சிவாஜிகணேசன் தன்னை கொலைக்காரராக காட்டிக்கொள்ளும் இந்தக் காட்சியையும் ரசிகர்கள் ஏற்றுக் கொள்ளவில்லை. தன் தனித்திறமை யான நடிப்பால் ரசிகர்களிடம் உயர்ந்த இடத்தை பிடித்தவர் அண்ணன் சிவாஜி கணேசன். நடை, உடை, பாவனை அனைத்திலும் ஒருவித மிடுக்கான தோற் றத்தையே அவரது ரசிகர்கள் பார்க்க விரும்பினார்கள். திரையில் அவரது இமேஜ் எந்த ஓர் இடத்திலும் குறையக் கூடாது என்பதில் மக்கள் தெளிவாக இருந்தனர். ரசிகர்களுடைய எதிர்பார்ப் புக்கு மாறாக சிவாஜிகணேசன் ‘கவரி மான்’ திரைப்படத்தில் நடித்ததால் அவரது ரசிகர்களால் அதை ஜீரணிக்க முடிய வில்லை. பெரிய அளவில் வெற்றிபெற வேண்டிய படம் பெயரை மட்டும் வாங்கித் தந்தது.

அண்ணன் சிவாஜிகணேசனை வைத்து நான் இயக்கிய இரண்டாவது படம் ‘வெற்றிக்கு ஒருவன்’. இந்தப் படத்தை பாஸ்கர் தயாரித்தார். படத்தில் சிவாஜிகணேசனுக்கு ஜோடி பிரியா. இவர் நடிப்பிலும் சுட்டி, வாழ்க்கையிலும் சுட்டி. ‘வெற்றிக்கு ஒருவன்’ படப்பிடிப் பில் சரியான திட்டமிடல் இல்லாததால் படத்தை தொடங்கியதில் இருந்தே சிக்கல்தான். படப்பிடிப்பு தாமதத்தால் நடிகர், நடிகைகளின் கால்ஷீட் முன்னுக் குப் பின் மாறியது. சிவாஜி இருந்தால் பிரியா இருக்க மாட்டார். பிரியா இருந்தால் சிவாஜியால் இருக்க முடி யாத சூழல். இப்படி பல காரணங்களால் படத்தை குறிப்பிட்ட நாட்களுக்குள் எடுத்து முடிக்க முடியவில்லை. எப்பவுமே ஒரு படத்தை முறையே திட்டமிட்டு குறிப்பிட்ட நாட்களுக்குள் ரிலீஸ் செய்ய வேண்டும். அது தவறியதால் படமும் தோல்விப் படமானது என்பதை இங்கே வருத்தத்தோடு நான் பதிவு செய்கிறேன்.

எப்பவுமே நான் சொல்வது ஒரு படம் வெற்றிப் பெற்றால் அது என் குழு வினருக்கு கிடைத்த வெற்றி. அது தோல்வி அடைந்தால் அதனை இயக்குநர் ஒருவரே ஏற்றுக்கொள்ள வேண்டும். ஒரு படத்துக்கு ‘கேப்டன் ஆப் தி ஷிப்’ என்று தலைமை பொறுப்பை ஏற்றுக்கொண்டு செயல் படுபவர் இயக்குநர்தான். அவர்தான் எல்லோரையும் சரியாக அழைத்துச் செல்ல வேண்டும். அது தவறியதால்தான் ‘வெற்றிக்கு ஒருவன்’ படம் தோல்வி அடைந்தது. இந்தத் தோல்வியை ஒரு இயக்குநராக நான் ஏற்றுக்கொண்டேன். அண்ணன் சிவாஜியை வைத்து தோல் விப் படம் கொடுத்துவிட்டோமே என்ற மன வேதனை ஒருவித வலியை ஏற் படுத்திக்கொண்டிருந்த நேரத்தில், மீண் டும் அவரையே வைத்து படம் இயக்கும் வாய்ப்பு எனக்கு அமைந்தது. சிவாஜி அவர்களை வைத்து இயக்கும் அந்த வாய்ப்பை தந்த தயாரிப்பாளர் யார்?

நினைப்போம்.மகிழ்வோம்-4


எதையும் ஒரு பக்தியோடு
முழுமையாகச் செய்து விடுகிற
நடிகர் திலகத்தின் வல்லமைக்கு மற்றுமொரு
சான்று.

"குங்குமம்" படத்தில் "சின்னஞ்
சிறிய வண்ணப்பறவை" பாடலை ஒரு பாகவதராய்ப்
பாடிக் கொண்டிருப்பார்.

பாடலினூடே ஓரிடத்தில்
"ஆ..ஆ" என நீளமாய்ப் பாடி
விட்டு, அருகமர்ந்து பாடும்
'ஊர்வசி' சாரதாவிடம் " "இப்படிப் பாட வேண்டும்"
என்பது போல் ஒரு பாவனை
செய்வாரே..ஆஹா!

நினைப்போம்.மகிழ்வோம்-5

"என் மகன்" படத்தில் வரும்
'பொன்னுக்கென்ன அழகு'
பாடல்.

பாடல் முடியப் போகும் நேரத்தில்,பக்கவாட்டில் முகம்
காட்டி,'பொன்னுக்கென்ன அழகு' என்று பாடி விட்டு,
புன்னகைத்தபடியே மஞ்சுளாவைப் பார்த்து தலையை ஒரு அரைவட்டம்
அடித்து நிறுத்துவாரே!?

நினைப்போம்.மகிழ்வோம்-6

"மிருதங்க சக்ரவர்த்தி".

இனி தொடுவதில்லை என
சபதம் செய்து விட்டு மூலையில் கட்டி வைத்த
மிருதங்கத்தை நீண்ட காலத்திற்கு பின் தொடும்
காட்சி.

உணர்ச்சிவசத்தில் நடை தள்ளாட, மெல்ல நடந்து வந்து,
மிருதங்க உறை பிரித்து, வருஷக்கணக்கில் படிந்த
தூசியெல்லாம் குனிந்து ஊதி,
வெளித் தெரியும் தனது காதலுக்குரிய வாத்தியத்தில்
"டங்" என ஒரு ஒலி எழுப்புவாரே!?

ரவி
நடிகர் திலகத்தின் நடிப்பில் நாம் காணும் பல சிற்சில நுணுக்கங்களையும் நினைப்போம் மகிழ்வோம்...
அதன் சிறப்பைத் தங்கள் எழுத்தில் படித்து நினைப்போம் மகிழ்வோம்

நினைப்போம்.மகிழ்வோம்-7


மற்றவர்கள் செய்யத் துணியாத சில நடிப்பு பாவனைகளை நடிகர் திலகமே
அதிகமாகவும், அற்புதமாகவும்
செய்திருக்கிறார்.

"எங்கிருந்தோ வந்தாள்"
படத்தின் " ஒரே பாடல்" பாடலின் ஊடே, திரும்பவும்
"ஒரே பாடல்" என்று பாடும்
இடத்தில், ஏதேதோ சோகத்தில்
ஓரிடத்தில் நிலை குத்தும்
பார்வையுடன் கூடிய அகன்ற
கண்கள்..

அதில் திரளும் நீர்...

ஆஹா!

நினைப்போம்.மகிழ்வோம்-8


"வீரபாண்டிய கட்டபொம்மன்"
படத்தின் மறக்க முடியாத,
ஜாக்ஸன் துரையை சந்திக்கும்
காட்சி.

ஆசனம் தராமல் அவமானப்
படுத்த நினைக்கும் ஜாக்ஸன்
துரையின் ஆசனத்தைத்
தன்னுடையதாக்கிக் கொண்டு,
அமர்ந்து கொண்டு, வீரன் என்கிற கர்வமாய் கண் செருகிக் கொண்டு, அமர்ந்த
சிம்மாசனத்தின் கைப்பிடியில்
கையூன்றிக் கொண்டு,
கம்பீரமாய் விரல் நுனிகளை
தொட்டு உருட்டுவாரே..!?

அது!

நினைப்போம்.மகிழ்வோம்-9


பாடலுக்கு வாயசைக்கும்
போது சிரித்துக் கொண்டே
வாயசைக்கும் அழகு, நம்
நடிகர் திலகத்திற்கு மட்டுமே
வாய்த்த திறமை.

"சொர்க்கம்" படத்தின்
'பொன்மகள் வந்தாள்" பாடலின்
ஊடே, நடன மங்கையின் மேல்
முகம் புதைத்து, உதடுகள்
அழுந்திய நிலையில்,
"மலர்வதோ புன்னகை" என்று
பாடுகையில்.. குறிப்பாக,
"புன்னகை" என்கிற சொல்லின்
போது மென்மையாக, கோணலாக, அழகாக கசிய
விடும் புன்னகை...

நினைப்போம்.மகிழ்வோம்-10


"புதிய பறவை."

கப்பலில், நடிகர் திலகம்,
வி.கே.ஆர், சரோஜாதேவி
மூவரும் உணவருந்தும்
காட்சி.

நடிகர் திலகம் மட்டும் புகைபிடித்தபடி இருப்பார்.

அயல்நாட்டில் வளர்ந்த,நவீன
நாகரீக கலாசாரங்களில்
பழகிய இளைஞன் என்பதால்
புகைபிடித்தல் தவிர்க்க இயலாமற்போனாலும்..
எதிரே அமர்ந்து உரையாடிக்
கொண்டிருப்பவர்கள் முதிர்ந்த
ஒரு பெரியவரும், ஒரு பெண்ணும் என்பதால்
உறிஞ்சிய புகையை அவர்கள்
முகம் மோத ஊதாமல்,
பக்கவாட்டில் திரும்பி பின்புறமாய் ஊதும் அழகு!

http://i1065.photobucket.com/albums/...ps28tvjuo9.jpg

http://i872.photobucket.com/albums/a...psygy11jjh.jpg

மெல்லிசை மன்னருக்கு இசை அஞ்சலி நிகழ்ச்சி மேற்காணும் நிரல்படி நாளை 23.10.2015 மாலை நடைபெற உள்ளது. . நமது நடிகர் திலகம் திரைப்படத்திறனாய்வு அமைப்பிற்கென சில இருக்கைகளை ஒதுக்க இசைந்துள்ளார்கள். அழைப்பிதழ் வேண்டுவோர் நமது நண்பர் திரு ரவி.ரங்கசாமி அவர்களை 9962027654 என்ற எண்ணிலோ அல்லது 9283195944 என்ற எண்ணில் என்னிடமோ தொடர்பு கொள்ளலாம்

நினைப்போம்.மகிழ்வோம்-11


"சித்ரா பௌர்ணமி."

யாரைப் பழி வாங்க வேண்டுமெனத் துடித்துக் கொண்டிருக்கிறாரோ.. அவன்
வீட்டுக்கே மருமகளாய்ப்
போயிருப்பது, சிறு வயதில்
பிரிந்து விட்ட தனது தங்கை
என்று தெரிய வருகிறது.தன்னை வளர்த்த மேஜரிடம்
அதை உறுதிப்படுத்திக் கொள்ளும் காட்சி.

அவள் தன் தங்கைதான் என
உறுதியானதும் ஒரு நொடி
அதிர்ந்தாலும், அவளே தன்
எதிரியை பழிவாங்க உதவியாக
இருப்பாள் எனும் கருத்தில்,
"கடகட" வென குரூரமாய்ச்
சிரிக்கும் அந்த நீளமான சிரிப்பு.

நினைப்போம்.மகிழ்வோம்-12


போருக்குக் கிளம்பும் கட்டபொம்மன், மனைவி
ஜக்கம்மாளிடம் விடை பெறும்
காட்சி.

"பேரிரைச்சல்" என்று சொல்லும் போது பேரிரைச்சல்
போலவே நாம் செவியுறுகிற
அந்த அற்புத உச்சரிப்பு.

http://i1028.photobucket.com/albums/...suetbhzb2.jpeg


அன்புக்குரிய
திரு.பொன்.ரவிச்சந்திரன்
அவர்களே!

தங்களது கவிதையைக் குறித்து தங்கள் பாணியிலேயே
சொன்னால்...

நீங்கள்-
அரிமாவுக்காக அழுது பாடும்
குயில்.

உங்கள் கவிதை-
உயிர் தலைவனுக்கென்று
எழுதி வைத்த உயில்.

Superb Mr Pon Ravichandran Sir.

http://i1028.photobucket.com/albums/...pszagsfqiv.jpg


கரும்பு தின்னக் கசப்பதில்லை.

'எனக்குப் பிடித்த இந்தப் பாடலைப் பற்றி எழுதுங்கள்'
என்று என்னிடம் அன்பு
வேண்டுகோள் விடுத்திருந்த
அன்புமிகு திரு.பொன். இரவிச்
சந்திரன் அவர்களின்
வேண்டுகோளுங்கிணங்கி
எழுதும் பொருட்டு,
"என் தம்பி"யில் வரும்
"முத்துநகையே" எனும்
இசைக் கரும்பை இரண்டு,
மூன்று முறை தின்றேன்.
--------
நான்கைந்து நிமிடங்களே
போதுமானதாயிருக்கிறது-
நடிகர் திலகத்துக்கு.. நம்மை
உணர்வுப் பிழம்பாய் மாற்றுவதற்கு.

நான்கைந்து நிமிடங்களே போதுமானதாயிருக்கிறது-
மெல்லிசை மாமன்னருக்கு..
ஒரு பாசக் கதையே பாட்டுவழி
சொல்வதற்கு.

நான்கைந்து நிமிடங்களே போதுமானதாயிருக்கிறது-
தெய்வீகப் பாடகருக்கு..
காலமெல்லாம் நிலைத்து
நிற்கும் தன் குரலினிமையை,
இந்த கானத்தோடு கரைப்பதற்கு.
---------
கவியரசரைக் கையெடுத்துக்
கும்பிடத் தோன்றுகிறது...
எளிமை சரித்திரமாய் நம்
முன்னே இந்தப் பாடல்
விரியும் பொழுது.

"தென்மதுரை மீனாள்
தேன் கொடுத்தாள்.
சித்திரத்தைப் போலே
சீர் கொடுத்தாள்.

என் மனதில் ஆட
இடம் கொடுத்தாள்.
இதுதான் சுகமென
வரம் கொடுத்தாள்."

ஒரு பாடலை நமக்குப் புரிகிற
மாதிரி அருமையாய் எழுதியது
மட்டுமல்ல.. அந்தக் குழந்தைக்கே புரிகிற மாதிரி
எழுதிய கவியரசரை கும்பிடத்
தானே வேண்டும்?

தென்மதுரை மீனாள்,நமக்குக்
கவியரசரையும்தான் கொடுத்துப் போயிருக்கிறாள்.
----------
தமிழ்த் திரைப்பாடல்களில்
ஒரு விஷயம் கவனித்திருக்கிறேன்.

ஒலி வடிவிலே நாம் கேட்டு
மிகவும் ரசித்தவொரு திரைப்பாடலைக் காட்சி வடிவிலே காண நேர்கிற போது,
அந்தப் பாடல் மீதான நமது
மதிப்பான அபிப்ராயம் அப்படியே நீடிப்பது கிடையாது.
ஒலி வடிவிலே நாம் ரசித்த
அதே பாடலைக் காட்சி வடிவிலே பார்க்கப் பிடிக்காமல்
கூட போவதுண்டு.

இந்தக் குறை வைக்காத பாடல்கள்,நடிகர் திலகத்தின்
பாடல்களே.

இந்தப் பாடலையே எடுத்துக்
கொள்ளலாம்...

போற்றி வளர்த்த,தன் மீது மிகப்
பாசம் கொண்ட பெண்குழந்தையைப் பார்த்து
அவளது உடன்பிறவாச்
சகோதரன் பாடுவதாய் அமைந்த பாசப் பாடல்.. இது.

கவித்துவம் மிகுந்த எளிமையான பாடல் வரிகள்,
கனிவான இசை,இதமான குரல்
என்று ஒலி வடிவிலே நம்
நெஞ்சள்ளிப் போன இந்தப்
பாடலையே, காட்சி வடிவிலே
பார்க்கிற போது,
பாடல் மீதான நம் பெருமதிப்பு
நடிகர் திலகத்தால் அதிகமாகிறது.

திரைப்படத்தின் காட்சி வரிசைப்படி படப்பிடிப்பு செய்யப்படுவதில்லை என்பது
நாமறிந்ததே. ஊனமுற்ற அந்த
சிறுமி இளம்பிள்ளைவாதத்தால்
அவதியுறும்போது, அவளுக்குத்
தாய்க்குத் தாயாய் இருந்து
காத்தவன் கதாநாயகன்தான்
என்பது விளக்கப்படும் பாடலுக்கு முந்தைய காட்சியும், பாடற் காட்சியும்
அடுத்தடுத்து படம் பிடிக்கப்பட்ட காட்சிகளல்ல.

இருப்பினும், தொடர்ச்சியாய்
எடுக்கப்பட்டது போல் ஒரு
தோற்றத்தை அழுத்தமாக
உருவாக்கி விடுவது, நம்
நடிகர் திலகத்தின் சிறப்பு.
---------
ஓடி,ஒளிந்து விளையாட்டுக்
காட்டும் குழந்தையோடு,
இதழ்களோடு சேர்ந்து கண்களும் புன்னகைக்க
நம் திலகம் பாடும் அழகு,
கோடி பெறும்.

அவர் 'ஆஹா,ஓஹோ' சொல்லும் அழகு பார்த்தாலே..
நம் வருத்தங்கள் ஒடி விடும்.
-----------
கண்ணழகையும், கையழகையும் புன்னகையோடு
பாடிக் கொண்டிருப்பவர்,
அன்பின் வேகத்தில் "காலழகு"
என்று தவறிச் சொல்லி விட்டு,
சூம்பிய குழந்தைக் கால்கள்
பார்த்த முகத்தில் புன்னகை
துரத்தி, சோகம் சூடி..

நடிகர் திலகம்- எவராலும்
புறக்கணிக்க முடியாத புனிதம்.
----------
"மலர்ந்தும் மலராத" போன்றே
மறக்க முடியாத வெற்றியைப்
பெற வேண்டிய இந்தப்
பாடல், அந்தளவுக்கு பேசப்படாதது குறித்து என்னிடம் வருந்திப் பேசினார்..
திரு.பொன்.இரவிச்சந்திரன்.

அன்பின் பொன்.இரவி...

இந்த இனிமைப்பாடல் வந்த
சமயத்தில்,நீங்கள் சிறு
குழந்தையாயிருந்திருப்பீர்கள்.
நான், கைக்குழந்தையாய் இருந்திருப்பேன்.

நம்மைச் சூழ்ந்த காற்றோடு
கரைந்த இலட்சக் கணக்கான
பாடல்களில், இதைத் தேர்ந்து
நீங்கள் சொல்ல..நான் எழுத..
இந்தத் தலைமுறைக்கும்
இனிக்க,இனிக்கப் போய்ச்
சேர்கிற இந்தப் பாடல் -

எப்போதும்..எந்நாளும்
தோற்காது..நண்பரே!


https://youtu.be/f2gQqwbeJRM

For dear Senthilvel:

http://i1146.photobucket.com/albums/...psecdlg16v.jpg

மக்கள்தலைவர் சிவாஜி அவர்களின் 87வது பிறந்தநாளை முன்னிட்டு சிவாஜி காமராஜ் கல்வி அறக்கட்டளை சார்பில் மதுரையில் வரும் 25.10.2015 ஞாயிற்றுக் கிழமை மாபெரும் இலவச பல் மருத்துவ முகாம் நடத்தப்படுகிறது. முகாம் மதுரை மகா மெட்ரிக் மேல்நிலைப் பள்ளியில் நடைபெறுகிறது. முகாம் நடைபெறும் பள்ளிக்கு அருகில் உள்ள மற்ற பள்ளிகளுக்கும் மற்றும் பொதுமக்களுக்கு முகாம் பற்றிய விபரங்கள் அறிந்து கொள்ள வசதியாக 3000 நோட்டீஸ் அடித்து அனைவருக்கும் வநியோகம் செய்யப்பட்டு வருகிறது. அந்த நோட்டீஸ் உங்கள் பார்வைக்கு..... அனைவரும் பயனடையுமாறு அன்புடன் கேட்டுக் கொள்கிறோம்.

http://www.sivajiganesan.in/Images/1610_1.jpg

சிவாஜி என்று சொல்லடா! தலைநிமிர்ந்து நில்லடா!!