Quote:
விருதைத் தேடி `ரசிகன் எக்ஸ்பிரஸ்'
விஜய் டிவி கடந்த 2 ஆண்டுகளாக பெரியதிரையில் சிறந்தவர்களை தேர்ந்தெடுத்து விருதுகள் வழங்கி வருகிறது. இந்த ஆண்டும் இந்த விருதுக்காக ரசிகர்களைத் தேடிக்கொண்டு விஜய் டிவியின் ரசிகன் எக்ஸ்பிரஸ் பயணப்பட்டு விட்டது. அமைச்சர் பரிதிஇளம்வழுதி தொடங்கி வைத்த இந்த வேன்பயணத்தில் இயக்குனர்கள் ராம.நாராயணன், வி.சி.குகநாதன் ஆகியோரும் கலந்து கொண்டு சிறப்பித்தனர்.
சென்னையில் இருந்து தொடங்கிய இந்தப் பயணம், வேலூர், சேலம், ஈரோடு ரசிகர்களின் ஓட்டுக்களை சேகரித்துக் கொண்டு அங்கிருந்து திருப்பூர், மதுரை, கோவை, திருச்சி, தஞ்சை, புதுச்சேரி ஆகிய இடங்களை சுற்றி வாக்கெடுப்பு நடத்தி வந்து கொண்டிருக்கிறது.
இதில் விருதில் இடம் பெறப்போவது கடந்த ஆண்டில் வெளியான 118 திரைப்படங்கள். மொத்தம் 33 பிரிவுகளில் பலதரப்பட்ட விருதுகள் வழங்கப்படும். திரைப்படம், நடிகர், நடிகை, இயக்குனர் ஆகிய நான்கு பிரிவுகளை நேயர்களே தேர்வு செய்வர். தேர்வுக்குழுவில் இடம்பெறும் முக்கிய நபர்கள் இயக்குனர் ïகி சேது, திரைப்பட விமர்சகர் மதன், நடிகை லிசி பிரியதர்ஷன், நடிகர் பிரதாப் போத்தன்.
இந்த ஆண்டு மேலும் சில புதிய விருதுகளாக கதை, திரைக்கதைக்கான விருது, ஆடை வடிவமைப்புக்கான விருது, மேக்-அப் மற்றும் சிறந்த பாடல் ஆசிரியர் விருதுகளும் இணைக்கப் பட்டிக்கின்றன.
மே 31-ம்தேதி பிரமாண்ட அரங்கில் விருது வழங்கும் விழா நடைபெறுகிறது.