Printable View
மக்கள் தலைவர் சிவாஜி அவர்களின் 13வது ஆண்டு நினைவு நாள் மற்றும் ரம்ஜானை முன்னிட்டு சேலம் ஓரியன்டல் சக்தி தியேட்டரில் 18.07.2015 சனி முதல் பாவமன்னிப்பு வெற்றி விஜயம்.
https://fbcdn-sphotos-e-a.akamaihd.n...bbd1f6e68b499c
சிவாஜி எட்டாவது அதிசயம் அல்ல... எவரும் எட்டாத அதிசயம்.
படம்: தர்மம் எங்கே
பாடல் காட்சி: பள்ளியறைக்குள் வந்த புள்ளிமயிலே..
http://i58.tinypic.com/2h5p8jr.jpg
எம்.எஸ்.விஸ்வநாதனுக்கு மெல்லிசை மன்னர் பட்டம் வழங்கியது யார்?
http://tamil.thehindu.com/multimedia...i_2476583f.jpg
இசையமைப்பாளர் எம்.எஸ்.விஸ்வநாதனுக்கு ‘மெல்லிசை மன்னர்’ பட்டம் வழங்கியது யார், எப்போது, எங்கே என்பது குறித்து பலவிதமான செய்திகள் வெளியாகின்றன.
எம்.எஸ்.விஸ்வநாதனுக்கும், அவருடன் இணைந்து இசையமைப்பில் ஈடுபட்ட டி.கே.ராமமூர்த்திக்கும் சேர்த்தே ‘மெல்லிசை மன்னர்கள்’ என்ற பட்டம் வழங்கப்பட்டது. இதுதொடர்பாக 1963-ம் ஆண்டு ஜூலை 6-ம் தேதி வெளியான ‘தி இந்து’ ஆங்கில நாளிதழில் வெளிவந்த தகவல் இதோ:
‘தி இந்து’ மற்றும் ‘ஸ்போர்ட் & பாஸ்டைம்’ பத்திரிகைகளின் ஆசிரியராக இருந்த கஸ்தூரி சீனிவாசன் நினைவாக நூலகம் ஒன்று ஏற்படுத்தப்பட்டது. அந்த நூலகத்துக்கு நிதி திரட்டும் நல்ல நோக்கத்தில் பிரபல திரைப்படக் கலைஞர்கள் பங்கேற்ற நிகழ்ச்சிக்கு ஏற்பாடு செய்யப்பட்டது. திருவல்லிக்கேணி கல்சுரல் அகாடமி ஆதரவில் என்.கே.டி. கலா மண்டபத்தில் 1963 ஜூன் 16 மாலை 6 மணிக்கு கலை நிகழ்ச்சி நடத்தப்பட்டது.
நடிகர் திலகம் சிவாஜி கணேசன் தலைமை தாங்கினார். கவிஞர் கண்ணதாசன் முன்னிலை வகித்தார். ஜெமினி கணேசன், சாவித்திரி, ஏ.எல்.சீனிவாசன், இயக்குநர் ஸ்ரீதர், சித்ராலயா கோபு, சந்திரபாபு உட்பட பலர் கலந்துகொண்டு விஸ்வநாதன் ராமமூர்த்தி இசை இரட்டையர்களை பாராட்டிப் பேசினர். அப்போது இருவருக்கும் ‘மெல்லிசை மன்னர்கள்’ என்ற பட்டம் வழங்கப்பட்டது. அதற்கு நன்றி தெரிவித்து எம்.எஸ்.விஸ்வநாதன் பேசினார். அந்த நிகழ்ச்சியில் 45 இசைக் கலைஞர்களைக் கொண்ட குழு 3 மணி நேரத்துக்கு அற்புதமான இசை விருந்து அளித்தது. பீ.பி.ஸ்ரீனிவாஸ், பி.சுசீலா, எஸ்.ஜானகி, எல்.ஆர்.ஈஸ்வரி, வீரமணி, சந்திரபாபு ஆகியோர் பாடினர். பின்னணி இசைக் கலைஞர்கள் வழங்கிய அந்த மெல்லிசை விருந்தில் 3,000 ரசிகர்கள் மூழ்கித் திளைத்தனர். குறிப்பாக ஸ்ரீனிவாஸ், சுசீலா, ஜானகி ஆகியோரின் பாடல்களை வெகுவாக ரசித்தனர்.
இசையமைப்பாளர்கள், பாடகர்களுக்கு லட்சுமி திருவுருவம் பொறித்த கேடயங்களை நிகழ்ச்சி ஏற்பாட்டாளர்கள் நினைவுப் பரிசாக வழங்கி நன்றி தெரிவித்தனர். நிகழ்ச்சிக்கு வந்தவர்களை வரவேற்றும், நிகழ்ச்சி முடிந்த பிறகு நன்றி தெரிவித்தும் திருவல்லிக்கேணி கல்சுரல் அகாடமி துணைத் தலைவர் ஆர்.ரங்காச்சாரி பேசினார். இவ்வாறு ‘தி இந்து’ ஆங்கில நாளிதழ் செய்தியில் கூறப்பட்டுள்ளது.
http://tamil.thehindu.com/cinema/tam...cle7433296.ece
'நான் தன்னந்தனிக் காட்டு ராஜா'
இந்தப் பாடலும், பாடலில் நடிகர் திலகம் என்னுள் ஏற்படுத்திய தாக்கமும் சொல்லி மாளாது. இன்றுவரை வியந்து, வியந்து பார்த்து ரசிக்கும் சந்தோஷப் பாடல் இது.
உணர்ச்சிக் கலவைகளுக்கு இடம் தராமல் குழந்தைகளோடு குழந்தையாய் 'நடிகர் திலகம்' என்ற தெய்வக் குழந்தை விளையாட்டாய், படுஜாலியாய், கவலை கிஞ்சித்தும் இல்லாமல் எல்லாவற்றுக்கும் மேல் ஆர்ப்பரிக்கும் கொள்ளை அழகால், இணையே இல்லாத ஸ்டைலால் அத்துணை பேரையும் கட்டிப் போட்ட பாடல் இது.
நடிகர் திலகத்திற்கென்றே எழுதப்பட்ட வரிகள்.
http://i.ytimg.com/vi/Yyhqu8jDWLs/hqdefault.jpg
'நான் தன்னந்தனிக் காட்டு ராஜா'
உண்மைதானே! எங்கும் எதிலும் அவர் 'தன்னந்தனிக் காட்டு ராஜா' தானே!
அதை வாயால் சொல்லிப் பார்க்கும் போதே அப்படி இனிக்கும். ('எங்கள் தங்க ராஜாவும்' அப்படியே)
இந்தப் பாடல் ஆரம்பிக்கும் போது அழகான ஒரு ஏரியில் (வேடந்தாங்கல்?) தண்ணீரில் மூழ்கி இருக்கும் மரக்கிளைகளில் இருந்து பறவைகள் ரம்மியமாக சிறகடித்துப் பறக்கும். அது ஏன் தெரியுமா?
அந்தப் பறவைகள் உல்லாசமாகப் பறந்து அனுபவிப்பதைப் போல இந்தப் பாடலை அதே சந்தோஷத்துடன் நீங்கள் அனுபவிக்கத் தொடங்குங்கள் என்று அர்த்தம் சொல்வதாகவே நான் நினைக்கிறேன்.
(நடிகர் திலகத்தோடு குழந்தைகள் உல்லாச பிக்னிக் என்பதற்கு பறவைகள் குதூகலம் என்ற திருலோக்கின் டைரெக்ஷன் 'டச்' அது என்பது வேறு)
சென்னை சிட்டியின் சென்ட்ரலுக்கு எதிரே பிரதான சாலைகளில் குழந்தைகள் அனைவரையும் ஏற்றிக் கொண்டு, அந்த 'டப்பா' சிகப்புக் கலர் ஓப்பன் காரை ஆரம்பக் காட்சியில் நடிகர் திலகமே ஓட்டி வருவார். பின்னால் ஒரு பிளாக் அம்பாஸிடர் வந்து கொண்டிருக்கும். தந்தை ஒருவர் அவர் மகனை கைப்பிடித்தபடி அழைத்து வருவார்.
ரோடின் பக்கவாட்டு சாலையில் நடிகர் திலகம் காரோட்டும் அழகைப் பார்த்தவாறு ஷூட்டிங்கை ரசித்தபடி சிலர் மிதிவண்டிகளில் வேகமாக காருக்கு இணையாக ஸைடில் வந்து கொண்டிருப்பார்கள். இரண்டு கார்கள் கூட வந்து கொண்டிருக்கும். நல்ல உச்சி வெயிலில் இந்தக் காட்சியை எடுத்திருப்பார்கள். பிறகு பேக் புரஜெக்ஷன்.
மிக அழகான பூஞ்சிறகு பதித்த ரெட் ஹேட் அணிந்திருப்பார் நடிகர் திலகம். உள்ளே ரெட் ஷர்ட்டும், வெளியே வெளிர் சந்தன கோட்டும் கோலாகல கோமானாயாய்க் காட்டும் அவரை.
http://i61.tinypic.com/x0r1o5.jpg
'நான் தன்னந்தனிக் காட்டு ராஜா'
என்று வலது கை ஆள்காட்டி விரலை முகத்துக்கு நேரே உயர்த்தும் போதே ரசிகர்களின் ஆள்காட்டி விரலும், கட்டை விரலும் ஒன்றாகச் சேர ஆரம்பித்து விசில் வீறிட்டுக் கிளம்ப ஆரம்பித்து விடும். கொட்டகை இரண்டு படும்.
'ராஜா' என்னும் போது அந்த காந்த வார்த்தையை அமர்க்களமாக நம் 'ராஜா' அழுத்தமாக வாயசைப்பில் கொண்டு வருவார். ராஜா இல்லையா? 'ராஜான்னா ராஜா'தான்.
தலைகளில் வித வித தொப்பி அணிந்து, கைகளில் இசைக்கருவிகள் சுமந்து, எத்தனை அழகு கொட்டிக் கிடக்குது அந்தக் குழந்தைகளிடம்!
http://i58.tinypic.com/kbr9qu.jpg
ஜெய கௌசல்யா, ('தங்கை'யில் தங்கை, 'நீதி'யில் உடன் பிறவா தங்கை, 'ஞான ஒளி' யில் தலைவரின் பேத்தி பிரமோஷன் என்று நிறைய) ரோஜாரமணி, ('இரு மலர்களி'ல் ஒரு மலரின் மகள், பின்னால் 'என் மகனி'ல் மகள் மற்றும் தங்கை என்று இவரும் நிறைய) மற்றும் பிரபாகர், சேகர், லட்சுமி, விஸ்வேஸ்வரராவ், ரஜனிஸ்ரீ, சுரேந்திர குமார், ஜிந்தா, மாஸ்டர் ராமு, சுமதி, ரமேஷ் என்று நீளமான பட்டியலில் குழந்தை நட்சத்திரங்கள் நடித்திருப்பார்கள் நம் பெரிய குழந்தை பேரழகனுடன்.
http://i61.tinypic.com/ac4gop.jpg
'நான் தன்னந்தனிக் காட்டு ராஜா' என்று மறுபடி பாடும் போது நெற்றியையும், வலது கண்ணையும் மறைக்குமளவிற்கு தொப்பியை ஸ்டைலாக முன்னால் இழுத்து விடுவார் இந்த மூக்கழகர். மூக்குப் பகுதியிலிருந்து முகவாய்க்கட்டை வரை குறுக்கி, பெருமிதம் பொங்க 'இந்தத் தனிக்காட்டு ராஜாவுக்கு' நிகர் எவருமில்லை என்று உணர்த்துவார். நாக்கை சற்று முன் வைத்து கடித்தவாறு வாயசைப்பு அருமையாக இருக்கும். குழந்தைகள் 'ஊ ஊ' என்று இரைச்சல் இடும் போது டிரைவ் செய்தபடி அழகாக அவர்களைத் திரும்பிப் பார்ப்பார். இப்போதும் பக்கத்தில் ஷூட்டிங் பார்க்கும் ஜனங்களைப் பார்க்கலாம்.
அடுத்து மெரினா கடற்கரை. 'என்னப் பார்வை உந்தன் பார்வை?' என்று முத்து கார் ஓட்டியபடி காஞ்சனாவுடன் காதல் புரிந்த அதே இடம். அங்கு ரொமான்ஸ் செய்யும் ஒரு காதல் ஜோடியை குழந்தைகள் செமையாய்க் கத்திக் கலாய்க்கும்.
அப்படியே எல்.ஐ.சி கட்டிடம். மவுண்ட் ரோடு. குழந்தைகளின் வாத்தியங்கள் வாசிப்பு சப்தம் கேட்டு தாங்க முடியாதவாறு மிக அழகாக காதுக்குள் விரல் விட்டு அடைத்து குடைவார். (கோபால் சாருக்கு மிக மிக பிடித்த சீன் இது)
'முத்தம் கொடுக்கையில் மூக்கைக் கடித்திடும்'
வரிகளில் குழந்தைகளின் குறும்பைத் தாங்க மாட்டாமையை விழிகளை அகல விரித்துக் காட்டுவார்.
அடுத்து மெட்ராஸ் மிருகக் காட்சி சாலையில் குழந்தைகளோடு Midget train விளையாட்டு ரயில் பயணம். எஞ்சின் டிரைவருடன் சேர்ந்து நீராவிப் புகை முகத்திலடிக்க பயணம் செய்வார்.
அடுத்து வரும் காட்சிதான் மிக மக அற்புதம்.
http://i61.tinypic.com/esjndv.jpg
ரயிலிலிருந்து இறங்கி, ரயில் பக்கத்தில் வந்து கொண்டிருக்க, ரயிலின் கூடவே விசலடித்தபடி, பேண்ட்டின் இரண்டு பாக்கெட்டுகளிலும் கை விட்டுக் கொண்டு, அப்படியே தொப்பியையும் சரி செய்து கொண்டு, மெதுவான ஸ்டைலான ஓட்டத்தில் கைகளை மிக அழகாக வைத்துக் கொண்டு பின்னி விடுவார் பின்னி. பிரவுன் நிற பேன்ட் பிரமாதம்.
சப்பாத்திக் கள்ளிச் செடியின் தடிமனான கடின இலைகளின் மேல் முள்ளால் எழுத்துக்கள் எழுதினால் எக்காலமும் அது அழியாதாம். அது போல இந்தக் காட்சி என் மனதை விட்டு அழியவே அழியாது. நான்கே விநாடிக் காட்சி. நாற்புறம் எரித்த சிவனே ஆனாலும் அதை அழிக்கவே முடியாது.
இந்த ஒரு காட்சிக்காகவே இப்பாடலின் ஆய்வை எடுத்தேன்.
மறுபடி ரயிலில்.
மெல்ல வளர்ந்திடும் செல்லக் குழந்தைகள்
நாளை உலகத்தை ஆளும் தலைவர்கள்
வஞ்சம் அறியாத பிஞ்சுக் கரங்களில் வாழத்
துடிக்கின்ற வேகம் இருக்குது
அப்படியே பொருட்காட்சிக்கு காட்சி நகரும்.
இள மனதில் தோன்றும் நினைப்பு
புது உலகைக் காணும் துடிப்பு
இதன் இடையில் ஏது களைப்பு
அதைக் காணத்தான் எந்தன் உழைப்பு
(என்று படத்தில் மட்டுமே வரும் வரிகள். வானொலிகளில் 'கட்')
http://i62.tinypic.com/20ftgjs.jpg
மேற்கண்ட வரிகளில் அப்படியே 'மக்களைப் பெற்ற மகராசி'யின் 'பொன்னு விளையிற பூமியடா' செங்கோடனை நாகரீக பேன்ட், கோட், சூட் போட்ட 'கோடீஸ்வரனி'டம் இங்கு காணலாம். (குறிப்பாக 'அதைக் காணத்தான் எந்தன் உழைப்பு' வரிகளில் காட்டும் பின்வாங்கல் தலையாட்டலில் கண்டு கொள்ளலாம்.) ஒரு காலைத் தரையில் வைத்து, பேரல் இருக்கும் அந்த மர ஸ்டாண்டில் இன்னொரு காலைத் தூக்கி வைத்து கைகளைக் கொட்டி, தொப்பியைச் சரி செய்து, சிரித்துக் குதூகலித்தபடி செம ஸ்டைல் )
ராட்டினம் சுற்றும் குழந்தைகளிடம் வெளியே நின்று சிரித்தபடியே கை சைகையால் சுற்றச் சொல்லிக் காட்டுவது அருமையோ அருமை.
'Merry Go Round' ராட்டினத்தில் வெள்ளைக் குதிரை பொம்மை மேல் இன்னொரு பொம்மைக் குழந்தை பேபி சுமதியுடன் அமர்ந்து ராட்டினம் சுற்றுவார்.
'அல்லா முதற்கொண்டு இயேசு புத்தன் வரை
எல்லோர் மதங்களும் எங்கள் வழித்துணை'
என்று மத நல்லிணக்ககத்தை மழலைகளிடம் விதைப்பார்.
பின் ராட்சத சுழலும் ராட்டினத்தில் பலூன்கள் மத்தியில் மழலைகளுடன் அமர்ந்து பாடுவார்.
பாதி காட்சிகள் நிஜமாயும், மீதி புரஜெக்ஷன் காட்சிகளாயும் ரசிக்கும்படி படமாக்கப் பட்டிருக்கும்.
'நடிகர் திலகம்' தான் நடிகர் என்றே நினைக்காமல், படமென்று நினைக்காமல், படப்பிடிப்பு என்று நினைக்காமல், குழந்தைகளோடு குழந்தையாகவே மாறிவிடுவதை நாம் கண்கூடாக கண்டு கொள்ள முடியும். அதே போல் மற்ற குழந்தைகளாக ரசிகர்களாகிய நாமும் மாறி அவருடன் இணைந்து விடுவோம் என்பதும் மறுக்க முடியாத உண்மையே.
அத்தனை நடிகர்களும் குழந்தைகளோடு சேர்ந்து பாடல் காட்சிகளில் பல படங்களில் நடித்திருந்தாலும்... அவ்வளவு ஏன் நடிகர் திலகமே பல படங்களில் குழந்தைகளுடன் நடித்திருந்தாலும் இந்தப் பாடல் காட்சி தனி மகத்துவ விசேஷம் கொண்டது. இதற்குப் பிறகுதான் மற்ற எல்லா குழந்தைப் பாடல்களும்.
குழந்தைகள் முதல் பெரியவர்கள் வரை குதூகலிக்கும் பாடல்களில் என்றும் முதலிடமாக,
'நான் தன்னந் தனிக் காட்டு ராஜா'
என்று இறுமாப்புக் கொண்டு மார் தட்டும் பாடலும் கூட. பிள்ளைகள் கைகள் ஒவ்வொன்றிலும் ஒவ்வொரு வாத்தியக் கருவிகள் இருக்கும் டிரம்பென்ட், பேண்ட் என்று. அதற்கேற்றார் போல் 'மெல்லிசை மன்னர்' அத்தனை வாத்தியங்களையும் பயன்படுத்தி பாடலை இன்னும் பிரம்மாண்டப் படுத்தியிருப்பார் காட்சியமைப்பிற்குத் தக்கவாறு.
http://rajtv.tv/Image_Movies/EngaMama.jpg
'எங்க மாமா' என்று குழந்தைகள் உரிமை கொண்டாடிய எங்க (நம்ம) அண்ணனை, அவர் நடித்த பட்டை கிளப்பும் பாடல் காட்சியை இங்கு பதிவிட வேண்டிய கட்டாயத்துக்கு தள்ளிவிட்டு விட்ட ரவி சாருக்கு என் நன்றிகள்.
இதோ
https://youtu.be/2BqghZZSNnQ
வாசு சார்,
அருமையான பதிவு... மனக் கண்ணில் கொள்ளை அழகு கொண்ட கோமகனின் பாடல் காட்சி...
குழந்தை நட்சத்திரங்கள் பெயரை சொன்ன நீங்கள் பவ் பவ் என குழந்தையோடு குழந்தையாக நீலம், வெள்ளை கலர் தொப்பி அணித்து இசைந்து வரும் நாயை விட்டு விட்டீர்களே ...
மீண்டும் ரசித்து ரசித்து பார்த்தேன்..
நன்றி
சுந்தர பாண்டியன்
மெல்லிசை மன்னர்கள் பட்டம் பற்றி ...
திருவல்லிக்கேணி கல்சுரல் அகாடெமி சார்பில் விஸ்வநாதன் ராமமூர்த்தி இருவருக்கும் பட்டம் அளிக்க தீர்மானித்த போது உறுப்பினர்களிடையே பல்வேறு பட்டங்களைத் தரச்சொல்லி அதற்கேற்ப அவர்களிடமிருந்து வந்திருந்த பல்வேறு பட்டங்களிலிருரந்து தேர்ந்தெடுக்கப்பட்டது தான் மெல்லிசை மன்னர்கள் பட்டம்.
அவ்வகையில் நடிகர் திலகம், மெல்லிசை மன்னர்கள் இரண்டுமே ரசிகர்கள் அளித்த பட்டங்கள். இவையே இவர்களுக்கு நிரந்தரமாக அமைந்தது இறைவனின் சித்தம்.
மதுரை சென்ட்ரலில் விளையாட்டுப் பிள்ளை ராவ் பகதூர் சிங்காரம் வெற்றிகரமாக ஒரு வாரத்தை நிறைவு செய்திருக்கிறார்.
எந்த தொழில் செய்பவருக்கும் விருப்பங்கள், விருப்பமின்மைகள் இருக்கலாம். ஆனால் அவை செய்யும் தொழில் குறுக்கிட அனுமதிக்க கூடாது. பெரும்பான்மையோர் அனுமதிக்க மாட்டார்கள். குறிப்பாக திரைப்பட விநியோக துறையில் இருப்பவர்களுக்கு இது மிகவும் பொருந்தும்.
மூன்று நான்கு வருடங்களுக்கு முன்பு சென்னை மீரான் சாஹிப் தெருவில் கடை போட்டவர்கள் நடிகர் திலகத்தின் படங்களை அவற்றின் வணிக சாத்தியங்களை கிண்டல் செய்தவர்கள் எல்லாம் இன்று அடங்கி ஒடுங்கி போய் விட்டார்கள். அந்த இனத்தை சேர்ந்தவர்கள் சிலர் மதுரையிலும் இருக்கிறார்கள். அவர்கள் இது போன்ற சில கேலி பேச்சுகளில் ஈடுபட்டனர்.
ஆனால் இப்படி பேசுபவர்கள் நடிகர் திலகத்தின் படங்களை வாங்குவதிலும் வெளியிடுவதிலும் முனைப்பு காட்டுகிறார்கள். ஏன் இந்த இரட்டை வேடம்?
கணேசனை நம்பினோர் கைவிடப்படார் என்பதற்கேற்ப விளையாட்டுப் பிள்ளை எவ்வித விளம்பரங்களும் இல்லாமல் வெளியாகி ஓடி நிறைந்த வசூலை தந்திருக்கிறது. நிறைந்த வசூல் என்றால் கடந்த ஒரு வருட காலத்தில் நடிகர் திலகத்தின் படங்கள் ஒரு வாரத்திற்கு சராசரியாக வசூலிக்கும் தொகையை பெற்றிருக்கிறது. அவர் என்ன விலைக்கு விநியோக உரிமை பெற்றாரோ விளையாட்டுப் பிள்ளையின் பிரிண்டை என்ன விலைக்கு வாங்கினாரோ அந்த இரண்டையும் சேர்த்தால் என்ன வருமோ அதையும் தாண்டிய ஒரு தொகை விநியோகஸ்தர் பங்காக அவருக்கு கிடைத்திருக்கிறது. வேறு என்ன வேண்டும்? இனி மேலாவது இப்படிப்பட்ட பேச்சுகளை இவர்கள் தவிர்ப்பார்கள் என எதிர்பார்ப்போம்.
இதன் மூலம் மேலும் உறுதிப்படுத்தப்படும் ஒரு விஷயம் என்னவென்றால் மறு வெளியீடு காணும் பழைய படங்களில் நடிகர் திலகத்தின் படங்களை காணத்தான் பொது மக்கள் அதிகமானோர் வருகிறார்கள். அதன் எதிரொலிதான் இந்த வசூல்.
அன்புடன்
இந்தப் பட்டியலில் ஒரு முக்கியமான பெயர் விடுபட்டுள்ளது.Quote:
Originally Posted by RAGHAVENDRA
அது... "திரு. ராகவேந்தர் அவர்கள்".
ஆதிராம் சார்
தங்களுடையை பெருந்தன்மையான பாராட்டிற்கு என் உளமார்ந்த நன்றி.
வாசு சார்
எங்க மாமா பதிவிற்காக தங்களுக்காக சிறப்புப் பரிசு..
இது வரை வெளிவராத நிழற்படம் (என எண்ணுகிறேன்)
http://i1146.photobucket.com/albums/...ps5cn5mjqi.jpg
ஒரு விழாவில் நடிகர் திலகத்துடன் கமலஹாசன்
http://i1146.photobucket.com/albums/...psqio0lyyo.jpg
ஏன் பாதியில் எழுந்துபோனார் எம் எஸ் வி?
இசை சக்ரவர்த்தியாகவே வாழ்ந்து மறைந்திருக்கிறார் எம்.எஸ்.வி. அவர்
மகுடத்தில் மயிலிறகை சொருகுவது போல் நமக்கு ஒரு செய்தி கிடைத்தது. அதை
தான் நம் வாசகர்களிடம் பகிர்ந்துகொள்கிறோம்.
அண்மையில் கர்ணன் படத்தை டிஜிட்டல் முறையில் வெளியிட்டார்கள். அதற்கான ப்ரிவ்யூ ஷோவுக்கு எம்.எஸ்.வியும் வந்திருந்தார். வந்தவரால் பாதி படத்துக்கு மேல் பார்க்க
முடியவில்லை. முகம் முழுக்க வருத்தத்துடன் இடைவேளையுடனேயே கிளம்பி
விட்டார். படத்தை டிஜிட்டலாக்கியவர்களுக்கு அதிர்ச்சி. ‘’நாம் டிஜிட்டல்
ஆக்கியது பிடிக்காமல் எழுந்து போய் விட்டாரோ…? எவ்வளவு பெரிய ஜாம்பவான்
அவர். அவர் சொல்லாமல் படத்தை ரிலீஸ் செய்ய முடியாதே?’’ என்று
பயந்திருக்கிறார்கள்.
எம்.எஸ்.வியே இதற்கு விளக்கம் சொல்லியிருக்கிறார்.
காரணம்? எம்.எஸ்.வியின் இசை ட்ரூப்பில் வாசித்தவர்களில் பெரும்பாலானோர்
இன்று உயிருடன் இல்லை. அந்த படத்தை பார்க்கும்போது படத்தின் இசை
கோர்ப்பில் தன்னுடன் வேலை பார்த்தவர்களின் நினைவு வந்துவிட்டது
எம்.எஸ்.விக்கு. அவர்கள் இருக்கும்வரை தன் குடும்பத்தில் ஒருவராகத்தான்
பார்த்தார் எம்.எஸ்.வி. அவர்களது நினைவு வந்தவுடனேயே அழுதுவிட்டாராம்.
எனவே தான் இடைவேளையோடு கிளம்பியிருக்கிறார்.
ஆஹா… அத்தனை அற்புதமான மனிதர்?
தி கிரேட் வாசு சார் எங்க மாமா வர்ணனை மிக அருமை. தங்கள் எழுத்து எனக்கு மிகவும் பிடிக்கும். இடை விடாமல் தொடர்ந்து பதிவுடுங்கள் சூப்பர் சார். சமீபத்தில் மதுரை சென்ட்ரலில் ஞாயிறு மாலை காட்சி பார்த்து ரசித்தேன்
கல்தூண் பதிவு என்னை மிகவும் கவர்ந்த்தது. பழைய நினைவுகள் திருச்சி பிரபாத்தில் ரசிகர் ஷோ பார்த்த நினைவு என் மனதில் வந்து சென்றது.
திருச்சியை அலங்கரித்து கொண்டிருக்கும் நடிகர் திலகத்தின் நினைவு நாள் போஸ்டர். சென்ற வருடம் போல் இப்போதே ரசிகர்கள் நினைவு அஞ்சலி போஸ்டர் ஓட்ட ஆரம்பித்து விட்டனர்.
https://scontent-mad1-1.xx.fbcdn.net...d5&oe=564EFB5D
MSV அவர்களுக்கு திருச்சி சிவாஜி ரசிகர்கள் சார்பில் நினைவு அஞ்சலி
https://pbs.twimg.com/media/CKINCQkUwAAt6c1.jpg
தர்மம் எங்கே படத்தின் தொடர்ச்சி...
http://i57.tinypic.com/2qkus77.jpg http://i59.tinypic.com/2jfzihe.jpg
நினைத்தால் போதும் பாடுவேன்.
மெல்லிசை மன்னரின் சாதனை துளிகளில் முக்கியமானது நெஞ்சிருக்கும் வரை.இறுதி காட்சிக்கு முன்போ அல்லது இறுதி காட்சியிலேயோ பாடல் வைக்கும் தைரியம் ஸ்ரீதருக்குத்தான் உண்டு.அதுவும் சற்று சறுக்கினாலும் ,நகைப்புள்ளாக்கி விடும்.காதலிக்க நேரமில்லை நெஞ்சத்தை அள்ளி போல லகுவான படமல்ல. intense emotion with compelling climax scene .முதல் மேதைமை ஹம்சாநந்தி ராகத் தேர்ந்தெடுப்பு.டெம்போ கூட்ட கூடியது.அடுத்தது arrangement of multi -layered archestration with sharp transition counter -points .
அடுத்தது எனக்கு பிடித்த கீதாஞ்சலி. அருமையான நாட்டிய கவர்ச்சி பாவை.இந்த பாடலில் அவர் கொடுத்திருக்கும் fast movements ,துப்பாக்கியை மனதில் கொடுத்து விடும்.அவர் தன் Grace சற்று துறந்து பாடலின் டெம்போ வுடன் இணைவார்.(choreographer யார்?)சிவாஜி ஓடி வருவதில் ,இசையின் வேகத்திற்கேற்ப கட் பண்ணி ஸ்ரீதர் கொஞ்சம் fast motion கொடுத்திருக்கலாமோ என்று தோன்றும்.(அந்த கோப உக்கிரம் அந்த ஓட்டத்தில் register ஆகவில்லை ,விஸ்வநாதனின் இசை உக்கிரத்திற்கு தக்க).கண்ணதாசனை கேட்க வேண்டுமா?
பாலின் நிறம் போல உருவான பெண்மை
பனியில் விளையாடும் கனிவான மென்மை
எங்கும் பறந்தோடும் இளம் தென்றல் அல்ல
ஏக்கம் வரும் போது எல்லோர்க்கும் சொல்ல
இறுதியாக பாடகி.ஜானகியை விட்டு வேறு பாடகியை இந்த பாடலுக்கு நினைத்தே பார்க்க முடியாது.(இத்தனைக்கும் கிளாஸ் என்று பார்த்தால் சுசிலாவின் கண்ணன் வரும் தான்)இந்த situation க்கு ஏற்ற பரபரப்பு ,ஆரம்பமே உச்சம் தொடும்,பாவமுள்ள ஜீவனுள்ள பாடும் முறை.
எனக்கு இன்றும் கூச்செறிய செய்யும் பாடல்.ஸ்ரீதர் மட்டும் இன்னும் கொஞ்சம் திரைகதையை செதுக்கி இருந்தால் ,மெல்லிசை மன்னர் பட்ட பாட்டிற்கு நெஞ்சிருக்கும் வரை எங்கோ சென்றிருக்க
வேண்டிய படம். என்னவோ ...ஏதோ....ஒரு பீம்சிங்,பந்துலு,நாகராஜன் சிவாஜியுடன் கூட்டணி கண்டது போல ஸ்ரீதர்,பாலசந்தரால் காண முடியாதது அவர்களுக்கும் நமக்கும் துரதிர்ஷ்டமே.
https://www.youtube.com/watch?v=a7vKsW8W69U