Printable View
'எப்படிப்பட்ட குறையுள்ளவர்களிடத்திலும் சில நல்ல விஷயங்கள் இருக்கும். அவர்களின் குறைகளை விடுத்து நல்லவற்றைப்பற்றி மட்டுமே பேசுங்கள்' என்று போதித்த ஏசு பிரான், தன் சீடர்களுடன் சென்றுகொண்டிருந்தபோது வழியில் ஒரு நாய் செத்து, துர்நாற்றம் வீசிக்கொண்டிருந்தது. சீடர்கள் நாற்றம் தாங்காமல் மூக்கைப்பிடித்துக்கொள்ள, ஏசு பிரான் 'பார்த்தீர்களா, அந்த நாயின் பற்கள் எவ்வளவு வெண்மையாக இருக்கின்றன' என்று வியந்தார்.
அனைவருக்கும் கிறிஸ்துமஸ் நல்வாழ்த்துக்கள்.
அனைவருக்கும் இனிய கிறிஸ்துமஸ் திருநாள் நல்வாழ்த்துக்கள் !
MERRY MERRY CHRISTMAS !! HAPPY HAPPY CHRISTMAS !!!
"உலகமெல்லாம் பருவ மழை ஒத்தபடி பெய்யட்டும்... / தேவனின் கோவிலிலே யாவரும் தீபங்களே"
http://www.youtube.com/watch?v=CMfbEd5aggI
படம் : வெள்ளை ரோஜா(1983)
படைப்பு : காவியக்கவிஞர் வரகவி வாலி
இசை : இசைஞானி இளையராஜா
பாடியவர் : காந்தக் குரலோன் மலேசியா வாசுதேவன், குழுவினர்
அன்புடன்,
பம்மலார்.
நன்றி Mr . Pammalar . புதிய பறவையை போல் எங்க மாமாவை மிஸ் செய்யவில்லை. சென்னையில் 1 /2 நாள் வேலையாக train டிக்கெட் செய்திருந்த பிறகு, உங்கள் தகவல் பிறகு 'எ.மா" விற்காக evening shadpdhi ட்ரெயினில் திரும்பவேண்டிய நான், cancel செய்து விட்டு, இரவு ட்ரெயினில் திரும்பினேன்.
26 ஆம் தேதி, சண்டே , காலை 11 மணி அளவில் சென்னை இறங்கி (Shadapthi), ஆட்டோவில் Batcha theatrekku சென்றேன். முதல் வெளியிட்டில் வெற்றி அடைந்த படம். பல முறை மறு வெளியிட பட்ட படம். ஒரே காட்சி மற்றும் போதிய விளம்பரம் இல்லாததால், 10 அல்லது 20 பேர் தான் வருவார்கள் என்று நினைத்தேன். அதே போல் 10 க்கும் கம்மியாக தான் Theatre வெளியில். ஒரு விதமான ஏமாற்றம். மீக நீண்ட இடைவெளிக்கு பிறகு நடிகர் திலகத்தின் படத்தை திரையில் காணும் வாய்ப்பை நழுவ விருப்பம் இல்லை. 28 /02 /1991 அன்று என் நண்பனுடம் "மனோகரா" படத்தை சூப்பர் (b 'lore ) திரைஅரங்கில் பார்த்தது. பிறகு நடிகர் திலகத்தின் படத்தை திரைஅரங்கில் பார்த்ததில்லை. 19 வருடங்களுக்கு பிறகு ENGA MAMA வை திரையில் பார்க்கும் பாக்கியம் கிடைத்தது.
யாரும் வரவில்லை என்றாலும், நான் ஒருவனே பார்க்க முடிவு செய்தேன், டிக்கெட் வாங்கி கொண்டு திரை அரங்கில் நுழைத்தேன். ஒருவர் பின் ஒருவராக மக்கள் வந்தனர். ஆச்சரியம். படம் ஆரம்பிக்கு முன் 10 20 ஆனது. 20 30 ஆனது. 30 70 ஆனது. 70 க்கு பேர் மேல் இருக்கலாம். கம்மி மட்டும் இல்லை.
சராசரி (average ) collections : 20 பேர் * 15 = 300 (20 பேர் மேல் இருப்பார்கள்)
50 பேர் * 12 = 600 (50 பேர் மேல் இருப்பார்கள்)
கிட்ட தட்ட ` 1000 collections .
mulitplex திரை அரங்கதுடன் compare செய்தால் , இந்த திரை அரங்கம் மிகவும் மோசம். sound நன்றாக இருந்தது. திரை பட ப்ரிண்டும் பார்க்கும் படி இருத்தது. நடிகர் திலகத்தின் நடிப்பு சொல்லவே வேண்டாம். மிக பெரிய ஆச்சரியம் , கதாநாயகியுடன் ஒரு டூயட் பாடல், கனவு பாடல் , எதுவும் இல்லை. நிர்மலாவுடம் பாடல். JJ வுடன் பாடல் எதுவும் இல்லை. (ஒரு டூயட் பாடல் இருத்ததாக நினைவு). படம் ஆரம்பித்ததும் தெரியவில்லை , முடித்ததும் தெரியவில்லை. இன்றைக்கு வரும் படங்களை பார்க்கும் போது, அப்பப்ப டைம் பார்த்து கொண்டு இருப்பேன், படம் எப்பொழுது முடியும் என்று.
மீண்டும் நன்றி Mr .Pammalar
தங்களின் 'சிவாஜி கணேச' பக்தியை கண்டு அடியேனுக்கு மெய் சிலிர்க்கிறது !Quote:
Originally Posted by abkhlabhi
தாங்கள் என்றென்றும் வாழ்க ! வளர்க ! வெல்க !
டியர் பாலா சார்,
தங்களின் பதிவிற்கு நன்றி ! எனது நெருங்கிய நண்பரும், சிவாஜி பக்தருமான திரு.எஸ்.ராமஜெயம் அவர்களும் தங்களைப் போல் நேற்று 26.12.2010 ஞாயிறு அன்று 'பாட்சா'விற்கு "எங்க மாமா"வைப் பார்க்க சென்றிருந்தார். கிட்டத்தட்ட தாங்கள் பதிவிட்ட தகவல்களையே அவரும் நேற்றிரவு எனக்குக் கூறினார். அதாவது, 75 நபர்களுக்கு மேல் படம் பார்க்க வந்திருந்தனர். படத்தின் பிரிண்ட் பரவாயில்லை. நடிகர் திலகம், கலைச்செல்வி தோன்றும் சூப்பர் டூயட் பாடலான "என்னங்க ! சொல்லுங்க !" பாடல் படப்பிரதியில் இல்லை. இவை அனைத்தையும் தெரிவித்தார்.
19 வருடங்களுக்கு பிறகு வெள்ளித்திரையில் நமது நடிகர் திலகத்தின் திரைக்காவியத்தை தாங்கள் கண்டு களித்ததை தாங்கள் கூறக் கேட்கும் போது எனக்கே மகிழ்ச்சியாக இருக்கிறது, அப்படியிருக்க தங்களின் மகிழ்ச்சியை அளவிடவே முடியாது.
தங்களின் சென்னை விஜயத்தின் போது, பல அலுவல்களுக்கிடையே, முதல் முக்கிய அலுவலாக, "எங்க மாமா"வை தரிசித்ததற்கும், தரிசித்த அனுபவங்களைப் பகிர்ந்து கொண்டமைக்கும் தங்களுக்கு எனது நெஞ்சார்ந்த நன்றிகள் !
அன்புடன்,
பம்மலார்.
சேலம் 'ஸ்ரீசரஸ்வதி' திரையரங்கில், 25.12.2010 சனிக்கிழமை முதல், தினசரி 4 காட்சிகளாக, கலைக்கடவுளின் "ஆலயமணி" திரைக்காவியம் திரையிடப்பட்டு வெற்றி நடைபோட்டு வருகின்றது. இன்று 27.12.2010 திங்கட்கிழமையும் தொடர்ந்து மூன்றாவது நாளாக நடைபெற்று வருகின்றது.
இத்தகவலை எமக்கு வழங்கிய அன்புள்ளம் திரு.எஸ்.ராமஜெயம் அவர்களுக்கு கனிவான நன்றிகள்!
அன்புடன்,
பம்மலார்.
டியர் பாலா,
தங்களின் 'எங்க மாமா' பட திரையரங்க அனுபவங்களை அழகு தமிழில் பகிர்ந்துகொண்டமைக்கு நன்றி.
முன்பெல்லாம் அரங்குகளுக்குச் சென்றுதான் படம்பார்க்க முடியும் என்ற நிலை மாறி, 'படம் பார்க்க பலவழிகள்' தோன்றிவிட்ட இக்காலத்தில் பழைய படங்களுக்கு அதிக கூட்டம், அரங்கு நிறைவு என்பதெல்லாம் எதிர்பார்க்க முடியாத ஒன்றே. அது போக கிட்டத்தட்ட அந்த ஏரியாவில் உள்ள அனைத்து திரையரங்குகளிலும் பலமுறை திரையிடப்பட்டுவிட்ட படம் அது.
தவிர, 'மினர்வா' (பாட்சா) திரையரங்கின் மொத்த இருக்கைகளே 300 தான். (சென்னை நகரின் முதல் மினி தியேட்டர்). அதில் 75 இருக்கைகள் நிறைந்தன என்பது ஒன்றும் மோசமானதல்ல. எழுபதுகளில் சென்னையில் இருந்த குறைவான எண்ணிக்கையுள்ள ஏர் கண்டிஷன் அரங்குகளில் அதுவும் ஒன்று. பெரும்பாலும் இந்திப்படங்களே திரையிடப்படும் அங்கு பலர் அதன் குளிர்சாதன வசத்திக்காகவே செல்வார்கள். அப்போதைக்கு அதிகபட்ச கட்டணமே 3 ரூபாய்தான். கடும் கோடைக்காலங்களில் மண்ணடி மற்றும் கொத்தவால் சாவடி ஏரியாவாசிகள் 'வாய்யா, மினர்வாவில் கொஞ்ச நேரம் ஏ.சி.யில் தூங்கிட்டு வருவோம்' என்று போவாரக்ளாம். என் கணவர் அவரது மாணவப்பருவத்தில் 'சேத்னா', 'தஸ்தக்' போன்ற 'ஒருமாதிரியான' படங்களை அங்கே பார்த்திருப்பதாகச் சொல்லியிருக்கிறார்.
கொஞ்சம் வித்தியாசமான அரங்குதான். கீழே சிமெண்ட் குடோன். மாடியில் தியேட்டர். குஷன் அல்லாது பிரம்பு சேர்கள் (இப்போது எப்படீன்னு தெரியவில்லை).
இருந்தபோதிலும், அந்த அரங்கில் நடிகர்திலகத்தின் பழைய திரைப்படமொன்றைப் பார்ப்பதற்காக பெங்களூருவில் இருந்து ஒரு ரசிகர் ரயிலில் பயணித்து வந்திருக்கிறீர்கள் எனும்போது, நீங்கள் ஒரு ரசிகர் பார்த்ததே 100 ரசிகர் பார்த்ததற்குச் சமம். (பாட்சா அரங்கில் படம் பார்த்தவருக்காக 'பாட்சா' டயலாக்).
வீடியோக்கள், சிடிக்கள், டிவிடிக்கள், டிவி சேனல்கள் இவற்றின் படையெடுப்பால், அரங்குகளில் படம் பார்க்கும் பரவசத்தை எப்படி இழந்தோம் என்பதை, எனது ப்ளாகில் 'தொலைந்துபோன திரில்' என்ற பதிவில் எழுதியிருக்கிறேன். படித்துப்பாருங்கள்:
http://ennangalezuththukkal.blogspot...g-post_24.html
டியர் பம்மலார் சார்,
அன்று திரை அரங்கில் இரண்டு பேர் என்னையே பார்த்து கொண்டிருதார்கள். உங்கள் நண்பராக இருக்கலாம். காரணம், சென்னையில் மதிய வேளையில், வெயிலில் குளிருக்காக சட்டைக்கு மேலே அணியும் மேலங்கி (Sweater ) அணிந்திருதேன். திரையில் நடிகர் திலகத்தை பார்க்க வேண்டும் என்ற ஒரே குறிகோளுடன், மற்ற வேலைகளை தள்ளி போட்டு கொண்டேன்.
பெங்களூரில் பழைய படங்கள் (NT அண்ட் MT ) பார்ப்பது வெறும் கனவாகிவிட்டது. இனி வரும் நாட்களில் நடிகர் திலகத்தின் படங்கள் வெளியானால், சென்னைக்கு வர முயற்சிக்கிறேன்.
Sharada மேடம்,
'தொலைந்துபோன திரில்' அருமையான பதிவு.
நான் உங்களை போலவோ , முரளி, ராகவேந்திரன், பம்மலார், கிரிஜா மேடம், மற்றும் லட்சகணக்கான ரசிகர்களை போல் அல்ல.
நான் ரசிகர்களின் ரசிகன். நீங்கள் எல்லோரும் நடிப்பு கடவுளின் பூசாரிகள். நான் உங்கள் முலம் , உங்களில் நடிப்பு கடவுளை காண துடிக்கும் பக்தன்.
அன்புமிக்க பாலகிருஷ்ணன்,
தங்களுடைய சென்னை விஜயத்தில் தங்களைக் காணும் வாய்ப்பு கிட்டாதது எனக்கு வருத்தமே. என்றாலும் தங்கள் பதிவுகள் அக்குறையை நீக்குகின்றன. நாம் அனைவருமே நடிகர் திலகத்திற்கு நம்மாலான பங்கை அளிக்கும் தொண்டர்கள் தான். இதில் எவ்வித வேறுபாடும் இல்லை.
எங்க மாமா படத்தில் என்னங்க பாடல் அரங்கில் இடம் பெறாதது மிக வருத்தமே. அப்பாடலில் மெல்லிசை மன்னரின் மாறுபட்ட இசையும் ரிதமும் பிற்பகுதியில் தாளத்தை மாற்றி துள்ளல் இசை இடம் பெறுவதும் உள்ளத்தைக் கொள்ளும். அந்த இசைக் கேற்ப கலைச்செல்வியும் நடிகர் திலகமும் ஆடும் நடனம் அரங்கை அதிர வைக்கும். படம் வெளியாவதற்கு முன் மற்ற பாடல்களால் படம் பிரபலமாயின என்றால், வெளியான பின் இநதப் பாடலுக்காகவே வெலிங்டன் திரையரங்கில் ரசிகர்கள் மீண்டும் மீண்டும் வந்தார்கள், நான் உட்பட. சொர்க்கம் பக்கத்தில் பாடலில் ஒரு விதம் என்றால் என்னங்க பாட்டு மற்றொரு விதம். படமாக்கப் பட்ட விதம், நடிகர் திலகத்தின் இளமை துள்ளும் தோற்றம், கலைச்செல்வியும் நடிகர் திலகமும் இணைந்த முதல் வண்ணப் படம் என்கிற பெருமை அனைத்தும் சேர்ந்து ரசிகர்களின் நெஞ்சில் எங்க மாமா நீஹ்கா இடம் பெற்றதென்றால் அது உண்மை.
சகோதரி சாரதா,
தங்களுடைய பதிவுகள் ஒவ்வொரு ரசிகருடைய உள்ளக் கிடக்கையினையும் பிரதி பலிக்கின்றன. மிக்க நன்றி.
அன்புடன்
ராகவேந்திரன்