Quote:
திங்கள் முதல் வெள்ளி வரை தினந்தோறும் இரவு 7 மணிக்கு ஜீ தமிழ் தொலைக்காட்சியில் ஒளிபரப்பாகி வரும் தொடர், `நானும் ஒரு பெண்.'
தனது கறுப்பு நிறத்தால் சமுதாயத்தாலும், தன் பெற்றோர் உடன் பிறந்தவர்கள் மற்றும் அனைவராலும் ஒதுக்கப்படும் சங்கீதாவை, தன் வாழ்க்கைத் துணையாக்கப் போகிறான் ஜெயக்குமார். இருமனங்களும் இணையும் திருமணத்தின் கோலாகல கொண்டாட்டங்களின் வரிசையில் மருதாணியிடுதல், ஆடல், பாடல், மணமகள், மணமகன் இருவருக்கிடையே நடக்கவிருக்கும் போட்டிகள் என்று மகிழ்ச்சியில் மூழ்கியிருக்கிறது சங்கீதாவின் குடும்பம்.
மறுபுறம் இந்த மகிழ்ச்சியை கெடுக்க சதி திட்டம் தீட்டும் கவிதா, கரண் மற்றும் அவரது நண்பர்கள். இவர்களின் வஞ்சகத்தால் திருமண மண்டபத்தில் இருந்து சங்கீதா காணாமல் போக, துடித்துப்போகிறாள் அவளது தாய்.
சங்கீதா திருமணம் நடைபெறுமா? அவள் வெளியேறிய காரணம் என்ன? இந்நிலையில் தன் காதலை மறந்து நட்பை மட்டும் சுமந்து சங்கீதாவின் திருமணத்திற்கு வரும் நிர்மலின் நிலை என்ன? சுவாரஸ்யமான திருப்பங்களுடன் தொடர்கிறது, தொடர்.