Printable View
http://www.thehindu.com/multimedia/d...g_2040621g.jpg'வண்டிச் சக்கரம்' படத்தில் சுருளி காமெடி ஒன்று.
சி.ஐ.டி. சகுந்தலா: உன்னை வச்சி ஒரு பெரிய கொள்ளை அடிக்கிறதா திட்டம் போட்டிருக்கேன்.
சுருளி: அடிக்கிறத அடிச்சிட்டு சீக்கிரம் விட்ருங்கம்மா.
சிரிப்பு வராமல் என்ன செய்யும்? இரட்டை அர்த்தத்தில் பயணித்தால் கூட.
எங்க தங்க ராசா,Quote:
Originally Posted by Gopal,S.
வந்துட்டியா? வாழும் சுருளியே:) வா! வா!
'ஒளி பிறந்தது 'அரசாங்க மருத்துவ மனையையும், அங்கு பணி புரிவோர், அதைச் சுற்றி கடை வைத்துள்ளோர், மார்ச்சுவரி, பிண ஊர்தி ஓட்டுனர்கள் ஆகியோரை களமாகக் கொண்டு துரை இயக்கிய படம். மறைந்த நடிகர் உதிரிப்பூக்கள் விஜயன், இதில் பிண ஊர்தி ஓட்டுநராக நடித்திருப்பார். சுருளிராஜனுக்கு குதிரை (ஜட்கா) வண்டி ஓட்டும் வேடம். தொடர்ந்து பிணத்தையே ஏற்றிச் சென்றதால் அந்த குதிரை வெள்ளைத்துணி போர்த்திய பிணத்தை பார்த்தாலே நின்றுவிடும். பயணிகளை ஏற்றிச் செல்லும் சுருளிராஜன் இதனால் பாதிக்கப்படுவார். இதை அறிந்த ஒரு கூட்டம் அவரை, குதிரையின் வீக்னெஸ்ஸை வைத்து பிளாக்மெயில் செய்யும். ஒருவழியாக குதிரையை மாற்றி தப்பிப்பார்
.முரட்டுக்காளை தன் தந்தையைக் கொன்றதற்க்காக பண்னையார் வம்சத்தையே அழிக்க சபதம் எடுக்கும் கண்க்குப்பிள்ளை வேடம். (சகுனி )படத்தை நகர்த்திச் செல்லும் மையப் புள்ளியே கணக்குப்பிள்ளை சுருளிராஜன் தான். ஜெய்சங்கரிடமும், ரஜினியிடமும் நயவஞ்சகமாகப் பேசி இருவரையும் மோதவிட்டு தன் காரியத்தை சாத்தித்துக் கொள்வார். ஒரு காட்சியில் ரஜினியின் தம்பிகளின் மேல் திருட்டுக் குற்றம் சாட்டி கட்டி வைப்பார்கள். இதனால் ரஜினி சண்டைக்கு வருவார். அவர் கைகாலை எடுத்து விட வேண்டும் என பேசிக் கொள்வார்கள். சுருளிராஜன் வெளியே வந்து சொல்வார். உடையப் போவது யாருடையது என்பதை நானல்லவா முடிவு செய்யவேண்டும் என்று. கடைசியில் ஜெய்சங்கரை சிறைக்கு அனுப்பிவிட்டுத் தான் ஓய்வார்.
ஹிட்லர் உமாநாத்தன் சுய உழைப்பால் முன்னேறிய வேடம் சிவாஜி கணேசனுக்கு. அதனால் அலுவலகத்தில் கடுமையாக ஹிட்லர் போல நடந்து கொள்வார். அவரை குளிர்விக்க அவரை புகழ்ந்து சுருளிராஜன் பாடும் வில்லுப் பாட்டு மிக பிரபலமான ஒன்று.பாலாபிஷேகம் ஜெய்ஷங்கர் நாயகனாக நடித்த இந்தப் படத்தில் அரவாணி வேடம் சுருளிராஜனுக்கு
அவர் ஏற்று நடித்த வேடங்களுக்கு ஏற்பவே அவரது வசனங்களும் இருக்கும். ஒரு படத்தில் தண்டனையாக அவரை வடைக்கு ஆட்டச் சொல்லும் போது உளுந்த வடைக்கா? மசால் வடைக்கா? என்று கேட்பார். அவருடன் வருபவர் எதற்கா இருந்தா என்ன? என்பார். உடனே இவர் சொல்வார். மசால் வடைக்கின்னா ஒன்னு ரெண்டா ஆட்டினா போதும். உளுந்த வடைன்னா மையா ஆட்டனும்ல என்பார். சமையல் தொழிலாளியாக, மெக்கானிக்காக எந்த வேடத்தில் நடித்தாலும் அதற்கேற்றார்போல தன் வசன்ங்களை அமைத்துக் கொள்ளும் திறமை அவருக்கு இருந்தது.
இதற்க்கு முக்கிய காரணம், அவரின் கூர்ந்த கவனிப்பே. பெரியகுளத்தில் 1938ல் பிறந்த அவர் தன் இளம் வயதில் மதுரைக்கு இடம் பெயர்ந்தார். அங்கே மெக்கானிக் ஷெட்டில் வேலை பார்த்துக் கொண்டே, நாடகங்களிலும் நடித்து வந்தார். பின்னர் தான் சென்னைக்கு வந்தார். அந்த அனுபவமும், அங்கே அவர் சந்தித்த பல்வேறு மனிதர்களும் அவரின் பிற்கால வேடங்களுக்கு கச்சாப் பொருளாய் இருந்தன. தற்போது வடிவேலுவின் முக்கிய பாணியாய் விளங்கும் உதார் விடும் சாமான்யன் வேடம், மதுரையில் அவர் பார்த்த பல உதார் பார்ட்டிகளிடம் இருந்து எடுக்கப்பட்டதே. மதுரையில் தெருவுக்கு நாலு பேர் அப்படி இருப்பார்கள்.
சுருளிராஜனின் குரலும் மிக வித்தியாசமான ஒன்று. அடித் தொண்டையில் உருவாகி கீச்சுக்குரல் போல ஒலிக்கும். எம் ஆர் ராதாவுக்கு பின்னால் வந்த குரல்களில் தனித்தன்மை வாய்ந்த குரல் அது. மிமிக்ரி கலைஞர்களால் அதிகம் உபயோகிக்கப்படும் குரலும் கூட. அவர் ஏற்று நடித்த பாத்திரங்களுக்கு மெருகேற்றியது அவர் குரலே.
1980 ல் அவர் இறந்தார். 82 ஆம் ஆண்டுவரை அவர் நடித்த படங்கள் வெளிவந்தன. 79 மற்றும் 80 ஆண்டுகளில் மட்டும் அவர் 80 படங்களுக்கும் மேல் நடித்திருந்தார். இடைவிடா படப்பிடிப்பும், அவரது குடிப்பழக்கமும் அவர் 42 வயதிலேயே மறையக் காரணமாய் இருந்தன. 10 ஆண்டுகள் போராடி முதல் இடத்துக்கு வந்தார். தன் கேரியரின் உச்சத்தில் இருக்கும் போதே நம்மிடம் இருந்து விடை பெற்றுவிட்டார்.
இவர் ஜெய்சங்கருடன் இணைந்து பல படங்களில் நடித்துள்ளார்
http://antrukandamugam.files.wordpre...ye-3.jpg?w=593
v (வியட்னாம்) சுருளிQuote:
Originally Posted by vasudevan31355
உங்களுக்கு பிடிச்ச பாட்டு தான் opening நிச்சயமா ஓய்Quote:
Originally Posted by Gopal,S.
//மதுரையில் தெருவுக்கு நாலு பேர் அப்படி இருப்பார்கள்.// நாங்கள்ளாம் நல்ல புள்ளைங்க்ளாக்கும் :)
சுருளி ராஜன் அப்படிஒன்றும் பக்கென்று சிரிக்க வைத்ததாய் எனக்கு நினைவில்லை.. காசே தான் கடவுளடாவில் கூட கொஞ்சம் செட்டியாராய் வருவார்..
ராதிகா என்றா கேட்கிறீர்கள்.. அப்படித்தான் தோணுது ..Quote:
Originally Posted by vasudevan31355
ஹிட்லர் உமாநாத்
புகழ் பெற்ற சுருளிராஜன் வில்லுப்பாட்டு
http://i812.photobucket.com/albums/z...psd4ef9e19.jpg
காமெடிக்கு சுருளிராஜன். ('மறைந்த கலைஞர்' என்று டைட்டில் போடுவார்கள்). படம் வரும் போது அவர் உயிருடன் இல்லை. படத்தில் இவர் பாடும் வில்லுப்பாட்டு மிக பிரசித்தம். இன்றளவில் கூட அந்த நடிகர் திலகம் புகழ் பாடும் வில்லுப்பாட்டை பலர் ரசிப்பதை நான் பார்த்திருக்கிறேன். (வில்லுப்பாட்டு எழுதி அமைத்தவர் திரு.சுப்பு ஆறுமுகம் அவர்கள்). மேலும் இலங்கை வானொலியில் அந்த நாட்களில் இந்த வில்லுப்பாட்டை ஒருநாள்கூட ஒளிபரப்பாமல் இருக்கவே மாட்டார்கள். கோவில் விசேஷங்களிலும், கல்யாண வைபவங்கள், இதர விசேஷங்களிலும் நான் இந்த வில்லுப் பாட்டை பலமுறை கேட்டதுண்டு.
வில்லுப்பாட்டு பற்றி சில வரிகள்.
தன் முதலாளி உமாநாத்தைக் காக்கா பிடிக்க சுருளிராஜன் உமாநாத்தின் புகழை வில்லடித்துப் பாடுவது போல காட்சி அமைப்பு. ஆனால் உண்மை அர்த்தம் என்ன தெரியுமா? நடிகர் திலகத்தின் புகழ்தான் இந்த வில்லுப் பாட்டில் பாடப்படும் ஹிட்லர் உமாநாத்தின் பெயரை சாக்காக வைத்துக் கொண்டு.
நம் ரசிகர்கள்கொண்டாடி மகிழும் வில்லுப்பாட்டு இது. நடிகர் திலகம் வாழ்க்கையில் கஷ்டப்பட்டு உயர்ந்ததை ஹிட்லர் உமாநாத் வாழ்க்கையில் கஷ்டப்பட்டு உயர்ந்ததோடு ஒப்பிட்டு இப்பாடலை வடிவமைத்திருப்பார்கள் சுருளியின் இடையிடை காமெடி பஞ்ச்களோடு (அண்ணே! புல்லரிக்குதுண்ணே!... போர்வையிருந்தா போர்த்திக்கோடா... கன்னுக் குட்டி மேஞ்சிடப் போகுது!) சேர்த்து. இதில் சில வரிகளை தருகிறேன். கவனியுங்கள்.
சுருளி கடவுளை வேண்டி துவக்கி வில்லடித்துக் கொண்டே பாடும் ஆரம்ப வரிகள்.
https://www.youtube.com/watch?v=AG0o...yer_detailpage
பூப்பறிச்சு மாலை கட்டி... (ஆமடி தங்கம்)
பூசை பண்ணி வந்திருக்கேன்... (ஆமாஞ் சொல்லு)
காப்பாற்ற வரணுமய்யா... (ஆமடி தங்கம்)
கணேசனே சரணமய்யா... (ஆமாஞ் சொல்லு)
இந்த இடத்தில் கணேசன் யாரென்று தெரிகிறதா?
ஒரு டீயை இரண்டாக்கி
உறிஞ்சி நாங்க குடிச்சதிலே
ஒருத்தன் மட்டும் ஒசந்தானே!
இன்னொருத்தன் அசந்தானே!
(இதில் மூன்றாவது வரியையும் நான்காவது வரியையும் நன்றாகப் படித்து புரியும் சக்தி உடையவர்கள் புரிந்து கொள்ளுங்கள்)
ஹிட்லர் மீசையுடன் பிறந்தார் எங்க ஹீரோ
இங்கிலிஷும் பேசிடுவார் ஆரீராரோ
(நடிகர் திலகம் பைல்களைப் பார்த்தவாறு வில்லுப் பாட்டைக் கேட்டுக் கொண்டிருப்பார்)
வாய் தொறந்தா வசனமல்லோ எங்க ஹீரோ
அந்த வசனமே கவிதையல்லோ ஆரீராரோ
என்னைக்கும் வாடாத பாசமலரு
பெத்த அன்னைக்கு உத்தம புத்திரன் இவரு
இந்த ஊரில் இதுதான் ஒசந்த மாளிகை ஆமா(ம்)
ஹிட்லர் மீசை குடியிருக்கும் வசந்த மாளிகை
பட்டிக்காடா பட்டணமா எங்க நாட்டிலே
ஆமா(ம்) சத்தியமா இவருதானே தர்மராஜா
பத்தே அவதாரம் பகவானுக்கு ஆமா(ம்)
பத்துக்கு மேல் அவதாரம் நம்மாளுக்கு (சபாஷ்!)
வேஷம் நம்மாளுக்கு
(அமர்க்களமாக இல்லை!)
பறப்பதுலே பைலட்டு பிரேம்நாத்து
நீதியை நிறுப்பதில ஜஸ்டிஸ் கோபிநாத்து
மேதையிலே இவரு ஒரு சாக்ரடீசு
ஆமா(ம்) மீசையிலே ஹிட்லரு உமாநாத்து
இப்படியாக இப்பாடல் நடிகர் திலகத்தின் புகழ் பாடியே வளரும். பிரபல ராகங்களின் பெயர்களில் நடிகர் திலகத்தின் நடிப்பு வில்லுப்பாட்டின் மூலம் பெருமைப் படுத்தப்படும்.
அழுதிடுவார் அது ஆரபி ராகம்...
கர்ஜனை செய்வார் இது கல்யாணி ராகம்...
சிரிச்சிடுவார் அது செஞ்சுருட்டி
சிணுங்கிடுவார் இது சிந்து பைரவி...
சீட்டியடிப்பார் அது நாட்டைக்குறிஞ்சி
சத்தமிடுவார் அது சங்கராபரணம்
நடையழகு இது ரூபக தாளம்
நாடித்துடிப்பினிலே ஆதிதாளம்
அப்படியே படம் பிடிக்க கேமரா இல்ல
அம்புட்டையும் சொல்ல நானு கம்பனுமில்ல
மகராசன் கோட்டையிலே கோயில் வாசலு (நடிகர் திலகத்தின் 'அன்னை இல்ல' வாசலின் முன் உள்ள விநாயகர் கோயில்!?)
நமக்குப் பெருமை பிடிபடாது.
(இந்த வில்லுப்பாட்டில் திரு.சுப்பு ஆறுமுகம் அவர்களின் வில்லுப்பாட்டுக் குழுவினரும் சுருளிராஜனுடன் இணைந்து நடித்திருப்பார்கள். மலேஷியா வாசுதேவன் சுருளிராஜனின் குரலில் அருமையாக சுருளிராஜனுக்குப் பின்னணி பாடியிருப்பார்).
ஆனால் ஒரு குறை. இன்னும் முழுமையாக கவனம் செலுத்தி இப்பாடலைத் தந்திருந்தால் அற்புதமான தலைவரைப் பற்றிய முழுமையான சாதனை வில்லுப் பாட்டாக இது அமைந்திருக்கும். இடையில் சில சொதப்பல் வரிகள், காமெடி வசனங்கள் என்று இடையிடையே அடிக்கடி ட்ராக் மாறுவதால் நமக்கு இந்த வில்லுப் பாட்டு முழு திருப்தி இல்லாததால் கொஞ்சம் ஏமாற்றமே!
என்றாலும் மறக்க முடியாத ஜனரஞ்சகமான சூப்பர் ஹிட் வில்லுப்பாட்டு. அனைவராலும் விரும்பப்பட்ட ஒன்று.
சுருளிராஜனின் மாந்தோப்பு கிளியே கஞ்சன் வேஷமும், பெண்ணுக்கு யார் காவல் படத்தின் திரு நங்கை வேஷமும் அருமையானவை.
ஜெயசித்ராவுக்காக ஜானகி பாடும் "கண்ணே கண்ணான கண்ணா" பாடலில்
"பிள்ளையாய் நானும் பொறக்குறபோது பல பேரு வந்து பாத்தாங்க
பொண்ணா ஆணான்னு கேட்டாங்க
எனக்கு பாவாடை டிராயரு கொடுத்தாங்க"
என்று பாடும்போது சிரிப்பு வந்தாலும் அந்த காலகட்டத்தில் ஒரு மெல்லிய சோகம் இழையோடியபடிதான் இருந்தது.
ஸ்வீட் எடுங்க.. கொண்டாடுங்க..Quote:
Originally Posted by gkrishna
பெண்ணுக்கு யார் காவல்
https://www.youtube.com/watch?v=sUtHQgET70A&feature=player_detailpage
super comedy .
http://youtu.be/Z9shuvvp6bM
பெண்ணுக்கு யார் காவல்
எஸ்.பி.பி. ஜானகி...
கண்ணே கண்ணான கண்ணா
http://youtu.be/frFnammvOSo
http://media.giphy.com/media/ToMjGpI...uUdG/giphy.gifhttp://www.picgifs.com/graphics/f/fi...rks-091422.gifQuote:
Originally Posted by madhu
வாசு,Quote:
Originally Posted by vasudevan31355
எனக்குதான் மகிழ்ச்சி. உணமையிலே இந்த திரி ஒரு அசுர சாதனை. நீங்கள், கிருஷ்ணாஜி, கார்த்திக், கோபால். ராகவேந்தர் சார், சின்ன கண்ணன், ராஜேஷ், மதுஜி, வினோத் சார்,மற்றும் அண்மையில் வந்து இணைந்து கொண்ட sss என்று பலரின் அசுர உழைப்பு உண்மையிலே பிரமிக்கத்தக்கது, அனைவருக்கும் மனம் நிறைந்த வாழ்த்துகள். பாகம் இரண்டிற்கும் அட்வான்ஸ் வாழ்த்துகள். கிருஷ்ணாஜி மிகப் பொருத்தமானவர். கிருஷ்ணாஜி, தைரியமாக தொடங்குகள். இதற்கு அடுத்து நடிகர் திலகத்தின் திரி ஒன்றையும் நீங்கள் துவங்க வேண்டும்,
வாசு, இந்த திரியின் என்னுடைய தலையாய சந்தோஷம் சென்ற வாரம் நிகழ்ந்தது. ஆனால் நான் பங்கு பெற முடியவில்லை. பிறகுதான் பார்த்தேன். அதான் நமது இசையரசி இசைக் குயிலின் அற்புதமான பாடல்களை ராஜேஷ், கோபால் மற்றும் நீங்களும் பட்டியலிட்டதை படித்த போது அவ்வளவு பூரிப்பு. நான், நண்பர் ராஜேஷ் மற்றும் மதுஜி போன்றவர்கள் ஏற்கனவே PSusheela Fans @ yahoo groups -ல் உறுப்பினராக இருக்கும் காரணத்தினால் ஏராளமான பாடல்களை share செய்திருக்கிறோம். ஆனால் அவை அங்கே இங்கே போல் விவாதிக்கப்படவில்லை.
குறிப்பாக கோபால் பதிவு செய்த மனம் படைத்தேன் பாடல் என் மனதுக்கு மிகவும் நெருங்கிய பாடல். முதல் சரணமான மத்தள மேளம் முரசொலிக்கவையும் மூன்றாவது சரணமான செவ்வேல் என நீ பெயர் கொண்டாய் ஆகியவற்றை மாமா ஒரு விட மெட்டில் தந்திருப்பார். ஆனால் இரண்டாவது சரணத்தை வேறு மாதிரி தந்திருப்பார். அதில்
பள்ளியறையில் நான் தனித்திருந்தேன்
பக்கத்தில் வந்து நீ கண் மறைத்தாய்
துள்ளி எழுந்து நான் தேடி நின்றேன்
பாடி விட்டு வார்த்தைகளை நிறுத்தி
தோழி தூக்கத்தில் கனவென்றுதான் உரைத்தாள் என்று சரணத்தை முடித்து மனம் படைத்தேன் பல்லவியை ஆரம்பித்து ஒரு ஆலாபனை செய்வாரே! அதை விட இனிமையானது உலகத்தில் இருக்கிறதா என்ன?
நம்முடைய தலைவன் easy chair-ல் சிந்தனை வயப்பட்டவாறே கண் மூடி கிடக்க சௌகார் அவர் காலை தொட்டு வணங்கும்போது அபிநய சரஸ்வதி வாயசைக்க
பேச மறந்து சிலையாய் நின்றால்
அதுதான் தெய்வத்தின் சன்னதி
அதுதான் காதல் சன்னதி [இங்கே காதல் என்ற வார்த்தை உச்சரிக்கப்படும் விதம் இருக்கிறதே]
என்று சரணத்தை முடித்து ஒரு ஆலாபனை செய்வாரே அப்போது வைரமுத்து சொன்னதுதான் நினைவிற்கு வரும். என் உயிர் கூட்டை விட்டு வெளியே போய் சஞ்சரித்து விட்டு மீண்டும் கூட்டில் வந்து சேரும்.
மூன்றாவதாக ஒன்று
உன் விரல்கள் என் அழகை மீட்டும்
உன் விழிகள் என் உயிரை வாட்டும்(அதிலும் இரண்டாவது வரி இரண்டாவது முறை பாடும்போது ஓஹோ!)
உன் குரலும் என் பெயரை கூட்டும்
அது கோடி கோடி இன்பம் காட்டும்!
உண்மையிலே அது கோடானு கோடி இன்பம்.
ஒரு முறை ஸ்கூட்டர் ஒட்டிக் கொண்டிருக்கும் போது சாரதி ஏதோ விஷயத்திற்கு போன் செய்தார். ஓரமாக நிறுத்தி விட்டு பேசினேன். பேச்சு சுசீலாவின் பாடல்களுக்கு தாவியது. இந்த பாடல் பற்றி இந்த வரிகள் பற்றி பேசினோம், பேசினோம். அப்படி பேசினோம். ஒரு மணி நேரத்திற்கும் மேலாக. இரவு 10 மணிக்கு மேல் வேறு. தன்னிலை உணர்ந்து பார்த்த போது தெருவில் ஈ காக்கை இல்லை. அப்படி மனதை இழுத்த பாட்டு.
இது போல் எத்தனையோ பேசலாம். நேரம்தான் கிடைக்கவில்லை. மறுபடியும் வாழ்த்துகள். நன்றி. பாகம் 2-ல் சந்திப்போம்..
அன்புடன்
அடேயப்பா ஒரு குட்டி தூக்கம் (8 மணி நேரம்) போட்டு விட்டு வருவதற்குள் எத்தனை எத்தனை பதிவுகள்.. 5 லட்சம், சுருளி ராஜன், நெல்லு என பதிவுகள் விரிந்து கிடக்கின்றன..
ஆஹா சுருளியின் அந்த வில்லு பாடு சிலோன் ரேடியோவிலும் , மதுரை வானொலியிலும் தேய்த்தவை .. “ரூபா ரூபா ... வேட்டையையே என “ பட்டைய கிளப்பிய பாடல் அது ..
கிருஷ்ணா ஜியின் முகம் கண்டேன் .... இப்படி பக்தி ஸ்ரத்தையாக இருக்கும் இந்த முகமா இப்படி பதிவுகளை இடுவது ... ஹ்ம்ம்ம்
முரளி ஜி , வாங்கோ வாங்கோ .. ஆமாம் இசையரசியின் பாடல்களை மற்ற இடத்தில் இவ்வளவு விரிவாக பேசப்படவில்லை . இங்கே பேச வழி வகுத்து கொடுத்த வாசு ஜி, கோபால் ஜி, கிருஷ்ணா ஜி மற்றும் என்றுமே அன்பிற்குறிய மது அண்ணா விற்கும் நன்றி
ஆஹா என்ன பாட்டை அலசியுள்ளீர் முரளி ஜி .. மத்தளம் மேளம் முரசொலிக்க .... அந்த தோழி தூக்கத்தில் ... அடேயப்பா (அவர் பாடிய வரி போலவே இருக்கும் இதயத்தை மெல்ல மெல்ல மீட்டிவிட்டான் .. இவரும் குரலால் மீட்டிவிடுவார்)
http://kovaikkavi.files.wordpress.co...7/oli-hand.jpg
ஜூன் 8 ம் ஆம் தேதி.
அந்த நாள்.
ஒரு நம்பிக்கையில் சும்மா கொளுத்தி வைத்த ஒரு விளக்கு இங்கு உள்ள நண்பர்களின் கடும் உழைப்பாலும், ரசனைகளாலும் இன்று அணையா விளக்காய் சுடர் விட்டு பிரகாசித்து எட்டுத் திக்கும் ஒளி வீச ஆரம்பித்து விட்டது.
65 நாட்களில் ஒரு பாகம் முடிவுற்றே விட்டது. பிரம்மிப்பாய் இருக்கிறது.
ஒவ்வொருவரும் தத்தம் உழைப்பை இங்கு வெளிப்படுத்தி அதே சமயம் செம ஜாலியாக, ஜோவியலாக யாரும் யார் மனமும் புண்படாத வகையில் பதிவுகள் இட்டு மதுரகானத்தைப் பிரிய மனமிலாமல் இருக்கும் ஆனந்த நிகழ்வுகள்.
எத்தனை பாடல்கள்... அதுவும் அபூர்வ அபூர்வமாக மலைக்கச் செய்யும் அளவிற்கு.
மது அண்ணா அவர்களின் பங்களிப்பு திரிக்குக் கிடைத்த தலையாய பெருமை.
திரியில் அண்ணா எல்லாம் பங்கு கொள்வார் என்று கொஞ்சமும் எதிர்பார்க்க வில்லை. அற்புத, மிக அரிய பதிவுகள் தந்து, தவறுகள் கண்டால் அழகாகத் திருத்தி அம்சமாக இத்திரியை பரிமளிக்கச் செய்த விதம் மறக்க முடியாது. ரொம்ப ரொம்ப நன்றி அண்ணா.
டியர் கார்த்திக் சார்,
ஜனரஞ்சக பதிவுகளின் கிங். தெரியாத விஷயமே இல்லை. ஜாம்பவான். எங்களுக்கெல்லாம் வழிகாட்டி. ரசனைகளின் உச்சம் தொட்டவர். மேலதிக விவரங்களுக்கு இவரை விட்டால் எவர்?
ராமுவுக்கேற்ற ராஜாவாய் இங்கு வந்து அசுரப் பதிவுகள் அளித்து ஆனந்தமடையச் செய்த ஆசான். பாடல்களை ரசிப்பது ஒரு புறம் இருந்தாலும் யார் பதிவையும் பாராட்டி மகிழும் பெரும் குணம். போட்டி பொறமை எதுவுமே நெருங்காத நெருங்கிய நண்பர். அதனால்தான் எப்போதுமே எனக்கு டியர்.
இந்த நல்ல நேரத்தில் நீங்கள் இங்கு இருக்க வேண்டும் கார்த்திக்ஜி.
கோபால். என்ன சொல்வது? ஹப்பிற்கே கிடைத்த பொக்கிஷம். என் உயிர் நண்பர். ராகங்கள் பற்றிய கலக்கல் பதிவுகள். போனில் மனம் திறந்த வாழ்த்துக்கள். அறிவுறுத்தல்கள். அபூர்வ பாடல்களின் தொகுப்புகள். மறந்து போன கலைஞர்களின் பொக்கிஷங்களையும் , அவர்களையும் நினைவு கூர்ந்த நன்றி மறவா வியட்நாம் தமிழன். கொஞ்சம் சண்டை வம்பு , அதிக பயனுள்ள பாடல்கள் என்று அறிவுஜீவித்தனம் அமர்க்களம்.
அன்பு ராகவேந்திரன் சார்.
என்ன ஒரு ஆதரவு! பலத்த வேலைகளுக்கிடையிலும், இணைய இணைப்பு கிடைக்காத சங்கடங்களிலும் அழகான 'பொங்கும் பூம்புனல் தந்து' குளிர்ச்சியடச் செய்த விந்தை. அதுவும் மிக மிக அபூர்வ பழைய பொக்கிஷப் பாடல்கள். தேடித் தேடிக் கொணர்ந்து இன்னிசை விருந்து படைத்த தன்மை
ஆஹா! என்னருமை ராஜேஷ்ஜி!
என்ன சொல்ல. 60 நாட்களில் எனக்குக் கிடைத்த ஆருயிர் நட்பே!
பல இரவுகள் உங்களைக் கண்டு வியந்து தூங்காமல் அதிசயத்திருக்கிறேன். இவ்வளவு திறமைகள் உள்ளடக்கிய ஒரு மாமனிதர். மிகச் சிறந்த நண்பர். பதிவாளர். பண்பாளர். குறுகிய காலமே என்றாலும் சோழன் பிசிராந்தையார் நட்பல்லவோ நமது.
இசையரசியின் மேல் எனக்கிருந்த வெறித் தீயின் மீது பெட்ரோல் ஊற்றி அவர்கள் மேல் எனக்கிருந்த ஆர்வத் தீயைப் பெருக வைத்தவர். மலையாள, கன்னட அறிவைக் கொடுத்தவர். குரு போல.
அனாவசிய வள வள (என்னைப் போல) இருக்கவே இருக்காது. நச் நச் நச் தான். எதுவும் வரம்பு மீறாமல் அளவோடு. குறும்பு கொப்பளிக்கும் ஒரு வார்த்தையிலேயே.
மதுர கானத்தில் கடவுள் எனக்களித்த சிறப்புப் பரிசு என் ராஜேஷ்ஜி.
முக்கயமாக கன்னடப் பட பாடல்களின் பைத்தியமாகி விட்டேன் ராஜேஷ்ஜி.
கோபு சார்.
எத்தனை 'லைக்' கிளிக்குகள். ஒரு பதிவு விடாமல் பார்த்து பாராட்டி அப்பப்பா! அதுவும் சலிக்காமல். எப்படி நன்றி நவில்வது?
வினோத் சார்
விதவிதமான நடிகையர் படங்கள் உற்சாக டானிக்காக. நிறைய வீடியோக்கள். அபூர்வ ஆவணங்கள். உன் ஆள் என் ஆள் என்ற பேதமில்லாமல். தினம் பங்களிப்பு பல்வேறு வேலைகளுக்கு இடையில். தினம் போனில்.
சின்னக் கண்ணன்
எங்கள் செல்லக் கண்ணன். அழகான தமிழில். நிறைய டரில் வாங்கிய மகானுபாவர். நாரதர் கலகம் போல. தெரிந்தாலும் தெரியாதது போல கேட்டு வாங்கும் சாமர்த்தியம். அடுத்தவர்களுக்கும் தெரிய வேண்டுமே என்ற நல்ல எண்ணத்தில். அழகான ரசனை. உடல் நிலை சற்று சிரமம் கொடுப்பினும் மதுர கானங்களை மறக்காத மாமனிதர்.
எஸ்.எஸ். சார்.
இரண்டு மூன்று பதிவுகள்தான். ஆனால் வாழ்நாள் முழுக்க பேசும்.
யுகேஷ்பாபு சார்.
கொஞ்சமே வந்தாலும் இங்கு வந்தவுடன் ரசனையை நன்கு உணர முடிந்தது. நல்ல பாடல்கள் அளித்து பெருமைப் படுத்தினார்.
வெங்கிராம்ஜி
தன்னுடைய கருத்தை இங்கு ஆழமாகப் பதித்து பெருமை அளித்தவர்.
இப்போது
இன்றைய 'கதாநாயகன்' கிருஷ்ணாஜி.
http://i1087.photobucket.com/albums/...rt%20-2/ki.jpg
வார்த்தைகள் வரவில்லை. என்ன ஒரு நுண்ணறிவு. எவ்வளவு ஞாபக சக்தி. அறிவுத்திறன். கொஞ்சமும் அலட்டிக் கொள்ளாமல். பணிவுக்கு இன்னொரு பெயர். எவர் மனமும் புண்படக் கூடாதே என்றே எப்போதும் சிந்தனை. அதைவிட மதுர கானங்களில் எந்தப் பிரச்னையும் வந்து விடக் கூடாதே என்று வேண்டுதலே உண்டு.
வெளியே வராத மறக்கடிக்கப்பட்ட பல திரைக் கலைஞர்களை திரியில் கொண்டு வந்து நினைவு படுத்திய சாமர்த்தியம். வாலி புகழ் பாடும் ஆவணப் பதிவுகள்.
மிடில் சாங்க்ஸ் கலக்கல்கள். எத்தனை எத்தனை படங்கள். பாடல்கள் இந்த கிருஷ்ணா என்னும் அறிவுச் சுரங்கத்திலிருந்து தங்கப் புதையல்களாய் நமக்குக் கிடைத்தன. எல்லாரையும் ஜாலியாக ஹேண்டில் செய்து கொண்டு. திரி நான் தொடங்கியபோது ஓடோடி வந்து என்னை ஆதரித்து தோளோடு தோளாய் நின்று திரியை சுமந்த சுமைதாங்கி. அதுவும் மகிழ்ச்சியோடு... மனநிறைவோடு
.
முரளி சாரின் ஆசீர்வாதங்கள், ஸ்டெல்லா மேடத்தின் வாழ்த்துக்கள், பார்த்தசாரதி சாரின் பங்களிப்புகள், பாலா சாரின் பங்களிப்புகள், சித்தூர் வாசுதேவனின் உற்சாக டானிக், ரவி சாரின் உற்சாகப்படுத்தல் என்று மேலும் மெருகு.
வெறும் தமிழ்த் திரைப்படப் பாடல்கள் மட்டுமா?
எத்தனை எத்தனை அற்புதமான மலையாளப் பாடல்கள்
கன்னடப் படப் பாடல்கள்
தெலுங்கு சலன சித்திரப் பாடல்கள்
இனிமையான இந்திப் பாடல்கள்...அதைப் பற்றிய விவரங்கள்
அப்பாடல்களில் நடித்த நடிக நடிகையர்கள் பற்றி விவரங்கள்.
இசையமைப்பாளர்கள் பற்றிய அனைத்து அரிய விவரங்கள்.
படங்களைப் பற்றிய ஆய்வுகள்
பத்திரிகை ஆவண செய்திகள்
நகைச்சுவை செய்திகள், சங்கதிகள்.
பல்வேறு மொழி நடிக நடிகையர்கள், டெக்னீஷியன்களின் புகைப்படங்கள்
'இன்றைய ஸ்பெஷல்' தொடர், ஜஸ்ட் ரிலாக்ஸ் பகுதிகள்.
இன்னும் ஏராளமான இதர செய்திகள்
என்று பல்சுவை விருந்து படைத்த 'மனதை மயக்கும் மதுரகானங்கள்' பாகம் 1 இன்றோ நாளையோ முடிந்து பாகம் 2 தொடங்கவுள்ளது.
இதற்கு உறுதுணையாய் நின்ற அனைத்து நல்லுலங்களுக்கும், (வெளிப் பார்வையாளர்களாக மிகக் குறுகிய காலத்தில் அதுவும் 65 நாட்களில் 61733 பார்வையாளர்கள்...Replies: 3,935 என்று அபார 'திரிசூல' வெற்றி) இருந்து பேராதரவு தந்த உலகில் உள்ள அனைத்து திரைப்படப் பாடல்கள் ரசிகர்களுக்கும், சில கிடைக்காத பாடல்களை வேறு தள நண்பர்கள் நமக்காகத் தரவேற்றி தந்ததற்கும்,
குறிப்பாக இந்தத் திரி பொலிவோடு திகழ உதவிய யூ ட்யூப் இணைய தளத்திற்கும், 'இன்பமிங்கே' இணையதளத்திற்கும், 'ராகா' இணையதளத்திற்கும்
கோடானு கோடி நன்றி.
மற்றும் விடுபட்டுப் போன அன்பர்களின் ஆதரவிற்கும் எங்கள் நெஞ்சார்ந்த நன்றி!
என்றும் நன்றி மறாவா உங்கள் நண்பன்
நெய்வேலி வாசுதேவன்.
http://www.cmclanka.com/thanks%20(1).jpg
http://i1087.photobucket.com/albums/.../anthanaal.jpg
எல்லாவற்றுக்கும் மேல் 'உன்னை வணங்கித் தொடங்குகிறேன்... வாழ்த்துவாயாக' என்று என்றும் 'நான் வணங்கும் என் இதயதெய்வம்' நடிகர் திலகத்தை மனதில் தியானித்து இத்திரியைத் தொடங்கினேன். அந்த இதய தெய்வம் இவ்வளவு பெரிய வெற்றியையும், ஆசீர்வாதத்தையும் எனக்கு அளித்து எனக்கு பேரருள் புரிந்து விட்டார் மீண்டும்.
அந்த தெய்வத்தின் தெய்வத்திற்கு, அவரின் பொற்பாத கமலங்களுக்கு
என்னுடைய கோடானு கோடி நன்றி! நன்றி! நன்றி!
நன்றி என்ற வார்த்தை சிறியது ஆனால் அதை சொல்லும் மனது பெரியது என்பார்கள்.. அதைப்போல ஆஹா உங்கள் நன்றி தோரணம் பலே ஜோர்... ஒவ்வொரு பங்களிப்பாளரையும் நினைவு கூர்ந்து ஒரு வரியில் சொல்லிவிடாமல் அதையும் அழகாக பாங்காக சொல்வது அருமை அருமை. வாசு ஜி தமிழ் உமது கைகளில் விளையாடுவதற்கு என்ன பாக்கியம் பெற்றதோ ..
வாழ்க .. இரண்டாம் பாகத்தை விரைவில் தாரும் ...
நன்றி என்ற வார்த்தை சிறியது ஆனால் அதை சொல்லும் மனது பெரியது என்பார்கள்.. அதைப்போல ஆஹா உங்கள் நன்றி தோரணம் பலே ஜோர்... ஒவ்வொரு பங்களிப்பாளரையும் நினைவு கூர்ந்து ஒரு வரியில் சொல்லிவிடாமல் அதையும் அழகாக பாங்காக சொல்வது அருமை அருமை. வாசு ஜி தமிழ் உமது கைகளில் விளையாடுவதற்கு என்ன பாக்கியம் பெற்றதோ ..
வாழ்க .. இரண்டாம் பாகத்தை விரைவில் தாரும் ... // நான் என்ன் சொல்ல .. எல்லாம் ராஜேஷ் சொல்லிய பிறகு.. வழி மொழிகிறேன்..ஆஆ ஆனால் வாழ்த்த வயதில்லை (?!) வாசு சார்..வணங்குகிறேன்..ஆசிர்வதியுங்கள் எனக்கு இன்னும் எழுத வருவதற்கு :)
அன்புடன்
சி.க
சி.க உண்மையிலேயே உமது எழுதும் திறன் மிக அபாரம் ..எல்லோரும் ஒரு சீரிய நடையில் எழுதுவது என்பது இயல்பு ஆனால் உமது எழுத்து பாணி வித்தியாசம் . நிறைய எழுதுங்கள்Quote:
Originally Posted by chinnakkannan
படித்து மகிழ நாங்களெல்லாம் இருக்கிறோம்
குரு ராஜேஷ்ஜி :) நன்றி..இன்னும் பயம்மா இருக்கு.. வெகுதூரம் போக வேண்டும்..ஆமா..400 பக்கம் போலாமா..அல்லது எப்போ ஆரம்பிக்கப் போறாங்க புது இழை தெரியலையே..
அதுக்காக இன்னிக்கு எழுந்திருச்சு ஒரு சுசீலாம்மா பாட்டும் போடலைன்னா எப்படி..ஒரு கண்டிஷன் நல்ல பாட்டு+அழகு நடிகையாவும் இருக்கணும்..:)
ராஜேஷ் சார்
நம் 'தெய்வாம்சக் குரல் நாயகி'யின் ஒரு அருமையான அரிதான பாடலை பார்ப்போம். 'பணத்துக்காக' படத்தில்
மௌனம் இங்கே நிம்மதி
மஞ்சம் ஒரு சந்நிதி
மங்கையின் அங்கங்கள்
பூஜைக்காக
கொள்ளை அழகுப் பாடல். இந்த இசை தேவதை என்ன அழகாகப் பாடுகிறார்! திருஷ்டி சுற்றிப் போட வேண்டும் ராஜேஷ் சார் இந்த அற்புத பாடகிக்கு.
https://www.youtube.com/watch?v=2QlX22rM0Zc&feature=player_detailpage
மெளனம் இங்கே நிம்மதி,, நெஞ்சுக்கு நிம்மதி ஆண்டவன் சந்நிதி பாடல்கள் எல்லாமே நமக்கு நிம்மதி கிடைக்க வைக்கும் பாடல்கள் ..
அருமை அருமை
வேறு பாடகிகள் பாடிய பாடல்களை இசையரசியின் குரலில் கேட்பது எப்பொழுதுமே தனி சுகம் .. ஒரு பூரிப்பு
இதோ
சின்ன தாயவள் தந்த ராசாவே (ஆட ஜென்மகு என்னி சோகாலோ )
http://www.youtube.com/watch?v=EnImUZEGVFc
சின்ன சின்ன பூங்கொடி (தெலுங்கில் இசையரசியுடன் கல்பனா)
http://www.youtube.com/watch?v=OFUUizdJXqk
//மௌனம் இங்கே நிம்மதி
மஞ்சம் ஒரு சந்நிதி
மங்கையின் அங்கங்கள்
பூஜைக்காக // நல்ல பாட்டு வாசு சார்.. தாங்க்ஸ்.. தாங்க்ஸ் ராஜேஷ்..
வாசு சார்..ராவேளைல கறுப்பு புட்டா புடவையும் கறுப்பு ப் பொட்டுமா ஜெ.சி..ம்ம் சிவகுமாருக்கும் தூக்கம் போச்சா படத்துல :)
vasu ji
லேட்டஸ்டாக நம்ம திரியில் பதிந்திருந்த "அவளும் பெண்தானே" பாடல் வரிகள்தான் நினைவுக்கு வருது.
" நன்றியைச் சொல்ல நான் என்ன செய்தேன்.
திரியினில் திளைத்தேன் வேறென்ன செய்தேன்"
ஹி ஹி.. கொஞ்சம் உல்டா செஞ்சாச்...
கருத்து வேற்றுமைகள் இருந்தபோதும் யாருக்கும் காயம் படாமல் கத்தி முனையில் நடப்பது போல திரியை நகர்த்தி சென்ற அனைவருக்குமே நன்றிதான்.
ஒவ்வொருவரின் பங்களிப்பும் மலர்கள் என்றால் வாசுஜி ... நீங்கள் அதைத் தாங்கி நிற்கும் வைரம் பதித்த தங்க ஃப்ளவர் வாஸ். ( சிக்கா.. வம்புக்கு வருவீர் என்று தெரியும்.. )
OK... ராத்திரி ராஜேஷின் சுசீலாம்மா பாடலைக் கேட்டு உறங்கியவர்கள் இந்தப் பாடலைக் கேட்டு எழுந்திருங்க
பொழுதும் விடியும் பூவும் மலரும்
பொறுத்திருப்பாய் ( சின்ன ) கண்ணா
http://youtu.be/gnfiSdbuATM
மதுண்ணா அருமையான தொடக்கம் சூப்பர் பாட்டு
மது அண்ணா அழகாக பொழுதை துவக்கி வைத்து விட்டார்.
இதோ அதை தொடர்ந்து ஒரு அருமையான பாடல்
வாசு ஜி , கன்னட பாடல்களின் பைத்தியமாகி விட்டேன் என்றீரே இதோ ஒரு அருமையான பாடல் இசையரசியின் குரலில் இனிமையான ... தெள்ளத்தெளிவான பாடல்
கப்பு பிளுப்பு (கருப்பு வெள்ளை) என்ற கன்னட படம் . புட்டண்ணாவின் இயக்கம்
கல்பனா பிரதான வேடம்
இது தான் நம்ம ஊர் இருளும் ஒளியும்..
இந்த பாடல் தான் திருமகள் தேடி வந்தாளின் ஒரிஜினல்..
இதோ ஈ செந்ததத மனையல்லி ஸ்ரீ கந்ததத குடி அல்லி
http://www.youtube.com/watch?v=sfIeBWcdRUs
வாசு சார்
பொண்ணு மாப்பிளே இன்றைய ஸ்பெஷலை நேற்று படித்து அதற்கு பதில் அளிக்க முயற்சிக்கும் முன் இன்றைய ஸ்பெஷலே வந்து விடும் போலிருக்கிறது.. அவ்வளவு ஸ்லோ நான்... எனிவே ...பெட்டர் லேட் தேன் நெவர்.
பொண்ணு மாப்பிளே பாடல் நிஜமாகவே சூப்பர்.. இதில் இசைக்கருவிகளின் ஆளுமை பற்றி முன்னரே நான் எங்கோ எழுதியிருந்தேன். தாங்கள் எழுதியதைப் படித்த பொழுது அடியேனுடையது ஒன்றுமே இல்லை என உணர்ந்து கொண்டேன். அவ்வளவு அழகாக அந்தப் பாடலைப் பற்றி எழுதியிருக்கிறீர்கள். ஒரு சினிமா பாடலை அதுவும் நகைச்சுவையான பாடலுக்குள் ஒரு ஜூகல்பந்தியே நடத்தி விட்டார் இசையமைப்பாளர். அந்த அளவிற்கு சிறப்பு வாய்ந்த பாடல் மணமகன் அழகனே..
தங்களுக்கு என் உளமார்ந்த பாராட்டுக்கள்.
பொங்கும் பூம்புனல் - ஸ்பெஷல் வாசு சாருக்கு சமர்ப்பணம்
http://www.inbaminge.com/t/a/Aalukko...edu/folder.jpg
வாசு சார் தாங்கள் ஒவ்வொரு பங்கேற்பாளரையும் மறக்காமல் பாராட்டி நன்றி தெரிவித்த பதிவிருக்கிறதே.. இதைப் பாராட்டுவதற்கே தனித்திரி தொடங்கலாம்.. நன்றியை எப்படிப் போற்ற வேண்டும், எப்படிப் பாராட்ட வேண்டும் என்பதற்கு இலக்கணமாக அமைந்துள்ள பதிவு அது... தாங்கள் கூறியது போல் ஒவ்வொருவரின் பங்களிப்பும் அபாரம்.
இதைப் படிக்கும் போது எனக்கு உடனே நினைவுக்கு வந்த பாடலைத் தங்களுடன் பகிரந்து கொள்ள விரும்புகிறேன். இத்திரியில் உள்ள பங்கேற்பாளர் ஒவ்வொருவருக்கும் இப்பாடல் பொருந்தும். பட்டுக்கோட்டை கல்யாண சுந்தரம் அவர்களின் வைர வரிகளுடன் இப்பாடலைப் படித்தும் கேட்டும் ரசியுங்கள்.
நன்றி இன்பமிங்கே இணையதளம்
ஆளுக்கொரு வீடு திரைப்படத்திலிருந்து கே.ஜமுனா ராணி மற்றும் எல்.ஆர்.ஈஸ்வரியின் குரலில் மெல்லிசை மன்னர்களின் இசையில்...
இப்பாடலில் மேண்டலின் அக்கார்டின் புல்லாங்குழல் மூன்றும் நம்மை மயக்கும் விதம்... ஆஹா... கேட்டு அனுபவியுங்கள்...
http://www.inbaminge.com/t/a/Aalukkoru%20Veedu/
இப்பாடலில் மெல்லிசை மன்னர் 54 ஆண்டுகளுக்கு முன் புரிந்துள்ள சாகசத்தை இன்று வரை யாராலும் கற்பனை கூட செய்ய முடியாது.. இந்தப் பாடலில் பட்டுக்கோட்டை கல்யாண சுந்தரம் வரிகளை எழுதும் போது இந்த அளவிற்கு இப்பாடல் பிரமாதமாக உருவெடுக்கும் என நினைத்துக் கூட பார்த்திருப்பாரா எனத் தெரியாது..
இந்தப் பாடலில் இசைக் கருவிகளைப் பற்றி மட்டும் எழுத வேண்டும் என்பதற்காகத் தான் இது எடுத்துக் கொள்ளப் பட்டுள்ளது. ஆனால் பாடல் முழுவதுமே இசைக் கருவிகளின் சிறப்பு பரவியுள்ள படியால் தனித்தனியே எழுதுவது சிரமமாயுள்ளது.
கோரஸ் குரலுடன் துவங்குகிறது பாடல்.. தொடர்ந்து மேண்டலின்..மற்றும் கைதட்டல் ஓசைகள்...
தொடர்ந்து பல்லவி அம்பது வருஷம்....
பல்லவி முடிந்த உடனே ஒரு அக்கார்டின் கிளம்புகிறது... அந்த அக்கார்டின் துக்கடாக்களின் இடையில் ஒரு சின்ன கார்டு...அந்த துண்டு இசைக் கருவியின் ஓசையை காதில் ஹெட்போன் மாட்டிக் கொண்டு கேட்க வேண்டும்.
இந்த அக்கார்டின் முடிந்தவுடன் மேண்டலின் நுழைகிறது...மேண்டலின் முடிந்த வுடன் புல்லாங்குழல். புல்லாங்குழல் முடிவில் ஒரு மாத்திரை அளவில் அக்கார்டின்... மீண்டும் மேண்டலின்..
சரணம் துவக்கம்...
சரணத்தின் கூடவே ஒரு லேசான புல்லாங்குழல் கூடவே இணைந்து வருகிறது...
மீண்டும் பல்லவி...
தொடர்ந்து பிஜிஎம் புல்லாங்குழலுடன் துவக்கம்...
இப்போது வயலின்கள்.... சேர்ந்து கொள்கின்றன....
இது முடியும் போது மீண்டும் ஒரு மாத்திரையளவில் ஒரு கார்டு...
இம்முறை தனி கிடார் broken pieces...
தொடர்ந்து கோரஸ்...
தொடர்ந்து அக்கார்டின்...
அதைத் தொடர்ந்து சரணம்...
பின் பல்லவி..
பல்லவி முடிவில் கோரஸ் ஹம்மிங்... லலலாலலலா லலலாலா...
இந்த ஒவ்வொரு லலலாவுக்கும் இடையில் ஒரு கார்டு...
இப்போது அடுத்த சரணத்திற்கு லீடாக அக்கார்டின் அதைத் தொடர்ந்து மேண்டலின்...
இதைத் தொடர்ந்து புல்லாங்குழல்...
அந்த புல்லாங்குழல் இடைவெளியில் ஒரு கார்டு ...
வாழ்க வாழ்க வென்று பாட்டு முடிகிறது..
......
இப்போது நாம் என்ன செய்வோம்...
மீண்டும் இதே பாட்டை ரிபீட் செய்வோம்... ஒவ்வொரு இசைக் கருவியாய் போட்டுப் போட்டுக் கேட்போம்...
இது தான் மெல்லிசை மன்னரின் இசைக்குள்ள சிறப்பு...
பாடல் வரிகள்
வாழ்க வாழ்க வாழ்க வாழ்க
வாழ்க வாழ்க வாழ்க வாழ்க
வாழ்க வாழ்க வாழ்கவே
வாழ்க வாழ்க வாழ்க வாழ்க
வாழ்க வாழ்க வாழ்க வாழ்க
வாழ்க வாழ்க வாழ்கவே
பல்லவி
அன்பும் அறிவும் ஆசையும் நெறஞ்ச
ஐயா வாழ்க வாழ்க..
ஐம்பது வருஷம் இவரைச் சுமந்த
அன்னை பூமி வாழ்கவே..
அன்பும் அறிவும் ஆசையும் நெறஞ்ச
ஐயா வாழ்க வாழ்க..
ஐம்பது வருஷம் இவரைச் சுமந்த
அன்னை பூமி வாழ்கவே..
சரணம் 1
சின்னக் குழந்தையைப் போலே
துள்ளி விளையாடும் குணம் வாழ்க
ஐயா.. குணம் வாழ்க
ஒரு தினையளவு கூட
சுயநலம் இல்லாத மனம் வாழ்க
ஐயா மனம் வாழ்க..
ஒரு தினையளவு கூட
சுயநலம் இல்லாத மனம் வாழ்க
ஐயா மனம் வாழ்க..
....அன்பும் அறிவும்
கோரஸ் ஹம்மிங்...
சரணம் 2
காசு பணங்களை கைவிடலாகிய
கை வாழ்க வாழ்கவே
ஐயா கை வாழ்க வாழ்கவே
காலந் தெரிஞ்சி அதை விடுதலை செய்த
பை வாழ்க வாழ்கவே
ஐயா பை வாழ்க வாழ்கவே
..... அன்பும் அறிவும்
சரணம் 3
அளவுக்கு மீறி நேசம் வைப்பதால்
ஆபத்து வருமென்று
... ஆபத்து வருமென்று
அள்ளி அள்ளியே வழங்குகின்றார் இவர்
வள்ளல் வழியின்று
வள்ளல் வழியின்று
இமயமலையும் இவரும் ஒன்று...
வாழ்க வாழ்க வாழ்க வாழ்க
வாழ்க வாழ்க வாழ்க வாழ்க
வாழ்க வாழ்க வாழ்கவே
வாழ்க வாழ்க வாழ்க வாழ்க
வாழ்க வாழ்க வாழ்க வாழ்க
வாழ்க வாழ்க வாழ்கவே
பொங்கும் பூம்புனல்
அடுத்த வீட்டுப் பெண் ....
இசையரசியின் குரலில் ஜாலங்கள் படைத்த படம்...
ஒவ்வொரு பாடலிலும் அவருடைய குரலின் இனிமை பளிச்சிடும் என்றாலும்..
இந்தப் பாட்டில் அவர் தன்னுடைய முழுத்திறமையையும் வெளிப்படுத்தியிருப்பார்..
ஜப்பான் மற்றும தென்னிந்திய இசையின் சங்கமம்...
சுசீலா பி.பி.ஸ்ரீநிவாஸ் இருவருமே குரலில் ஜூகல் பந்தி படைக்க இசையமைப்பாளர் முழுப்பாட்டையுமே இரு வேறு இசைகளின் சங்கமமாக அமைத்திருப்பார்..
இதோ எனக்காக நீயே ராஜா... நமக்காக...
https://www.youtube.com/watch?v=7Pfj4p26ojA
ஆமாம் பொன்னு மாப்பிள்ளே மிகச்சிறந்த ஃத்ரில்லர் மற்றும் காமெடி படம்.. படத்தின் கடைசி பகுதி தான் கொஞ்சம் இழுவை அ
ஆனாலும் வி.கே.ஆர், ஜெய், காஞ்சனா, நாகெஷ், ஏ.வீரப்பன் , மனோரமா என எல்லாமே தூள்..
மணி மாலா -இன்றைய சிறப்பு விருந்தனர் . பணக்கார குடும்பத்தில் இடம் பெற்ற இந்த பாடலில்
இசை அரசியின் குரலும் இசை அரக்கியின் குரலும் சூப்பர்.
http://youtu.be/O98bLpYUOl4
எஸ்.வி அவர்களே அருமையான பாடல்
இருவரும் வெளுத்து கட்டியிருப்பார்கள். மூச்சு விடாமல் பாடுகிறோம் பேர்வழி என்று இன்று பாடுகிறார்களே .. இது தான்
உண்மையான மூச்சு விடாமல் பாடும் பாடல்...
நூறு முறை பிறந்தாலும் , நூறு முறை இறந்தாலும் ,
உன்னை பிரிந்து வெகுதூரம் நான் ஒரு நாளும் போவதில்லை ...
உலகத்தின் கண்களிலே உருவங்கள் மறைந்தாலும்
ஒன்றான உள்ளங்கள் ஒருநாளும் மறைவதில்லை ...
ஓராயிரம் பார்வையிலே , உன் பாரவையை நான் அறிவேன் ;
உன் காலடி ஓசையிலே , உன் காதலை நான் அறிவேன் .
ஓராயிரம் பார்வையிலே , உன் பாரவைய நான் அறிவேன் ...
இந்த மானிடர் காதல் எலாம் ,
ஒரு மரணத்தில் மாறிவிடும் ;
அந்த மலர்களின் வாசமெல்லாம் ,
ஒரு மாலைக்குள் வாடிவிடும் .
நம் காதலின் தீபம் மட்டும் , எந்த நாளிலும் கூட வரும் ...
ஓராயிரம் பார்வையிலே , உன் பாரவைய நான் அறிவேன் ...
இந்த காற்றினில் நான் கலந்தேன் ,
உன் கண்களை தழுவுகின்றேன் ;
இந்த ஆற்றினில் ஓடுகின்றேன் ,
உன் ஆடையில் ஆடுகின்றேன் .
நான் போகின்ற பாதை எலாம் உன் பூமுகம் காணுகின்றேன் ...
தமிழில் பாடகர் திலகம் ஹிந்தியில் ரபி கலந்து கட்டிய பாடல்
http://www.youtube.com/watch?v=C9muhp0Upuc
தொகையறா
தமிழ் பாடல்களின் சிறப்பு . இனிய நண்பர் திரு கிருஷ்ணா அவர்கள் பதிவிட்டுள்ள '' நூறு முறை பிறந்தாலும் , நூறு முறை இறந்தாலும் ,உன்னை பிரிந்து வெகுதூரம் நான் ஒரு நாளும் போவதில்லை. ...
தொகையறா - வரிகள் அத்தனை புகழ் வாய்ந்த வரிகள் - பாடகர்களின் குரலில பிரமாதமாக
இருக்கும் . எனக்கு தெரிந்த சில பாடல்களின் தொகையறா
வானகமே ..வையகமே ... வளர்ந்து வரும் ....
எங்க வீட்டு பிள்ளையில் இடம் பெற்ற இந்த பாடல் .
http://youtu.be/8rQffVyISYs
தொடரும் ....
[QUOTE=esvee;1156012][URL=[/QUOTE]
மிக அருமை எஸ்வி சார்
தொகையறா என்றவுடன்
காவிய தலைவியில்
'நேரான நெடுஞ்சாலை ' விஸ்வநாதன் குரலில்
பாட்டும் பரதமும்
'மழை காலம் வருகின்றது ' பாடலுக்கு முன் வரும் விஸ்வநாதன் குரல்
சொந்தம் படத்தில்
'கார் கால மேகம் -நல்லாத்தான் யோசிக்கிறீங்க நமக்கு என்ன குறைஞ்சு போச்சு '
வண்டிக்காரன் மகன் படத்தில்
'கார்த்திகை மாதம் கார் கால மேகம் ... பள்ளியறை ' பாலா
makkal thilagam
நாலு பக்கம் சுவர் நடுவில் பாரு இவரு
நடந்து போச்சு தவறு நாலு வார்த்தை உளறு
ஹாய் ஆல் குட் மார்னிங்க் :)
பொழுதும் விடியும் பூவும் மலரும் பொறுத்த்திருப்பாய் கண்ணா என எழுப்பிய மதுண்ணாவிற்கு நன்றி :)
பொங்கும் பூம்புனல் ராகவேந்தர் ஜி நன்றி..அடுத்த வீட்டுப் பெண்ணில் மாலையில் மலர்ச் சோலையில் பாடல் பி.பி.எஸ் அதிகம் பேர் அறிந்திராத பாடல்.. ஜோராக இருக்கும்..(கண்ணாலே பேசிப் பேசிக் கொல்லாதே, கண்களும் கவி பாடுதே எல்லாம் லைனில் வருகின்றன)
முரளி சார் வந்தால் புயலாய் வந்து புயலாய்ப் போவார்..இரண்டாம்பாகத்தில் எப்படி எனப் போகபோகத் தான் தெரியும்
க்ருஷ்ணா சார்..ஓராயிரம் பார்வையிலே வெகு நல்ல பாட்டு ஆ..னா..ல் அசோகன் பாடறா மாதிரி வந்திருக்கும்.. எஸ்.வி. சார்..மலருக்குத்தென்றல் பகையானால் எப்போது கேட்டாலும் இனிமை..
நேற்று ஒரு பாடல் போட்டு டெலீட் பண்ணிட்டேன்..இன்னிக்கு ப் போடலாம் என..அது..வ.நி.சி.யில் ஸ்ரீதேவி பாட்டு சுசீலாம்மா குரல்..
ரங்கா ரங்கையா எங்கே போனாலும் ரகசியம் மனதுக்குச் சுமை தானே..
உம்மென்ற கமல் துள்ளும் ஸ்ரீதேவி..துள்ளும் குரல்..அழகிய பாடல்..