Makkal Thilagam MGR Part - 20

**fidowag** · 6th August 2016, 11:46 PM

நாளை (07/08/2016) காலை 11 மணிக்கு மக்கள் தலைவர் எம்.ஜி.ஆர். "மன்னாதி மன்னன் " திரைப்படம் , சன் லைப் தொலைக்காட்சியில் ஒளிபரப்பாக உள்ளது .

தகவல் உதவி : மடிப்பாக்கம் திரு. சுந்தர்.

**Google Adsense** · 6th August 2016 11:46 PM

**fidowag** · 6th August 2016, 11:47 PM

நாளை இரவு 7 மணிக்கு, சன் லைப் தொலைக்காட்சியில் , மக்கள் திலகம் எம்.ஜி.ஆர். வழங்கும் "ராமன் தேடிய சீதை " ஒளிபரப்பாகிறது .

தகவல் உதவி : மடிப்பாக்கம் திரு. சுந்தர்.

**tamiyt11** · 7th August 2016, 01:48 AM

http://www.dailythanthi.com/News/Sta...u-Sundaram.vpf

வியட்நாம் வீடு சுந்தரம் மறைவு: தமிழ் திரைப்படத்துறைக்கு பேரிழப்பு; ஜெயலலிதா இரங்கல்

பதிவு செய்த நாள்:
ஞாயிறு, ஆகஸ்ட் 07,2016, 12:46 AM IST

சென்னை,

வியட்நாம் வீடு சுந்தரம் மறைவு தமிழ் திரைப்படத்துறைக்கு பேரிழப்பு என்று முதல்-அமைச்சர் ஜெயலலிதா இரங்கல் தெரிவித்துள்ளார்.

ஜெயலலிதா இரங்கல்

பழம்பெரும் நடிகரும், இயக்குனருமான வியட்நாம் வீடு சுந்தரம் மறைவுக்கு இரங்கல் தெரிவித்து தமிழக முதல்-அமைச்சர் ஜெயலலிதா வெளியிட்டுள்ள அறிக்கையில் கூறியிருப்பதாவது:-

பழம்பெரும் தமிழ் திரைப்பட திரைக்கதை ஆசிரியரும், இயக்குனரும், நடிகருமான வியட்நாம் வீடு சுந்தரம் காலமானார் என்ற செய்தி அறிந்து மிகுந்த துயரமும், மன வேதனையும் அடைந்தேன். வியட்நாம் வீடு சுந்தரம் திரையுலகம் கண்ட மிகச்சிறந்த திரைக்கதை ஆசிரியர்களில் ஒருவர் ஆவார்.
1970-ஆம் ஆண்டு ‘வியட்நாம் வீடு’ என்ற மாபெரும் வெற்றி திரைப்படத்தின் மூலம் திரைக்கதை ஆசிரியராக திரையுலகில் அறிமுகமானார். இவர் புரட்சித் தலைவர் எம்.ஜி.ஆர். நடித்த ‘நான் ஏன் பிறந்தேன்’, ‘நாளை நமதே’ ஆகிய படங்களுக்கு திரைக் கதை ஆசிரியராக இருந்ததோடு, பத்திற்கும் மேற்பட்ட திரைப்படங்களை இயக்கியுள்ளார்.

பேரிழப்பு

இவர் குடும்பப்பாங்கான கதைகளை இயக்குவதில் வல்லவர். வியட்நாம் வீடு சுந்தரம் ‘வியட்நாம் வீடு’ திரைப்படத்திற்காக தமிழக அரசின் சிறந்த திரைக்கதை ஆசிரியருக்கான விருது, அறிஞர் அண்ணா விருது ஆகிய விருதுகளை பெற்றுள்ளார். அதுமட்டுமின்றி பல தொலைக்காட்சி நாடகங்களில் நடித்துள்ளார்.
எளிமையானவரும், பழகுவதற்கு இனிமையானவருமான வியட்நாம் வீடு சுந்தரம் மறைவு தமிழ்த் திரைப்படத்துறையினருக்கு பேரிழப்பாகும். வியட்நாம் வீடு சுந்தரத்தை இழந்து வாடும் அவரது குடும்பத்தினருக்கு எனது ஆழ்ந்த இரங்கலையும், அனுதாபத்தையும் தெரிவித்துக்கொள்வதுடன், அவரது ஆன்மா இறைவனின் திருவடி நிழலில் இளைப்பாற எல்லாம் வல்ல இறைவனை பிரார்த்திக்கிறேன்.

இவ்வாறு அவர் கூறியுள்ளார்.

**tamiyt11** · 7th August 2016, 01:54 AM

நாளை நமதே மக்கள் திலகம் சூப்பர் பஞ்ச்

**tamiyt11** · 7th August 2016, 02:19 AM

எதிரிகள் தாக்கும்போது மக்கள் திலகத்தின் சிறந்த நடிப்பு. நாற்காலியில் உருண்டு புரண்டு ரியலாக விழுகிறார். கீழே விழுந்தபிறகு தரையில் படுத்தபடி வலியின் வேதனையை காட்டுகிறார். கடைசியில் காயம்பட்ட தம்பியின் உதட்டில் வழியும் ரத்தத்தை துடைத்து தலையில் தடவிக் கொண்டு அண்ணன் ஆறுதல் கூறும்போது இரண்டு மக்கள் திலகத்தின் நடிப்புக்கும் எவ்வளவு வித்தியாசம். தம்பிக்கு வசனமே இல்லை. தனது நிலையையும் வேதனையையும் பார்வையிலேயே காட்டி பரிதாபப்பட வைக்கிறார். அண்ணன் பேசும் வசனமும் நன்றாக அளவாக நறுக்காக உள்ளது.

வசனகர்த்தா அமரர் சுந்தரம் அவர்களுக்கு அஞ்சலி.