-
31st December 2011, 02:29 PM
#1101
Senior Member
Veteran Hubber
தமிழ் திரையுலகம் - ஒரு பார்வை!
2010-ம் ஆண்டோடு ஒப்பீடு செய்கையில் வணிக ரீதியாகவும், தரமான தமிழ் படைப்புகளை படைத்ததிலும் பின்தங்கி இருந்தாலும் 2011-ம் ஆண்டும் பல படைப்புகள் வணிக ரீதியாகவும், தரமான படைப்புகளும் வெளிவந்து இருக்கின்றன. 2012-ம் ஆண்டில் அடி எடுத்து வைக்கும் இந்நேரத்தில் தமிழ் திரையுலகம் 2011 ஒரு சிறிய அலசல்...
'மங்காத்தா' ஆட்டம்!
2010 ஆம் ஆண்டுக்காக இந்த ஆண்டின் தொடக்கத்தில் 13 தேசிய விருதுகள் நமக்கு கிடைத்தது மிகப்பெரிய சாதனை.
இந்த ஆண்டின் மிகப்பெரும் வெற்றித் திரைப்படம் 'மங்காத்தா'. அஜீத் நடிப்பில் வெளியான இப்படம் வசூலில் முதல் இடத்தினை பிடித்து இருக்கிறது. அதனை தொடர்ந்து லாரன்ஸ் இயக்கி நடித்த 'காஞ்சனா', ஜீவா நடித்த 'கோ' , கார்த்தியின் 'சிறுத்தை' ஆகியவை வணிகரீதியில் வரவேற்பை பெற்ற படங்கள்.
சிறந்த வரவேற்ப்பை பெற்ற 'எங்கேயும் எப்போதும்' திரைப்படம் வணிகரீதியிலும் ஓரளவு வசூலை அள்ளியது.
சூர்யாவின் 'ஏழாம் அறிவு', விஜய்யின் 'வேலாயுதம்' ஆகிய படங்கள் குறித்து பல்வேறு சர்ச்சைகள் இருந்தாலும் வசூலிலும், வரவேற்பிலும் குறை வைக்கவில்லை. இப்படங்களை தவிர ஆடுகளம், தெய்வத் திருமகள், காவலன், வானம், மயக்கம் என்ன, பயணம், குள்ள நரிக் கூட்டம் ஆகிய படங்கள் எதிர்ப்பார்த்த வசூல் கிடைக்கவிட்டாலும் விமர்சகர்கள் மத்தியில் பாராட்டை பெற்றது.
விமர்சகர்கள் மத்தியில் பெரிதும் பாராட்டை பெற்ற ஆரண்ய காண்டம், வாகை சூட வா இரண்டுமே மக்களிடம் தோல்வியை தழுவியது.
ஏமாற்றிய படங்கள்...
நடுநிசி நாய்கள், ஒஸ்தி, ராஜபாட்டை, வேங்கை, மாப்பிள்ளை, வெடி, எங்கேயும் காதல் உள்ளிட்ட பெருத்த எதிர்ப்பார்ப்புகிற்கு இடையே வெளியானலும் விமர்சகர்கள் மத்தியிலும் மக்களின் மத்தியிலும் தோல்வியுற்றது
அஜீத்தின் ஆச்சரிய முடிவு..
ரஜினி, கமல் உள்ளிட்ட நடிகர்களே ரசிகர் மன்றங்களை கலைக்க தயங்கும் போது ஏப்ரல் மாதம் அஜீத் தனது ரசிகர் மன்றத்தை கலைப்பதாக அறிவித்து தமிழ் திரையுலகினர் அனைவரையும் ஆச்சர்யத்தில் ஆழ்த்தினார். இந்தாண்டு விஜய்யை பொறுத்தவரை அரசியலில் அடியடித்து வைத்து இருக்கிறார்.
கொலவெறி' நாயகன்...
ஆடுகளம் படத்துக்காக தேசிய விருது வாங்கி, இந்திய அளவில் கவனிக்கப்பட்ட இளம் நடிகர் தனுஷ், பாடலாசிரியராக அறிமுகமாகி இளைஞர்களை கவரும் விதத்தில் பாடல்களை எழுதி வருகிறார். இவர் எழுதிய 'கொலவெறி' பாடல் தற்போது உலகம் முழுவது பிரபலம். பிரதமருட்ன சந்திப்பு, ரத்தன் டாடவுடன் சந்திப்பு என ஒரே பாடல் முழுவது இந்தியாவின் most wanted நாயகானகிவிட்டார்.
நடிப்பாற்றலுக்கு...
அவன் இவன் படத்தில் நடித்த விஷால் தனது மாறுகண் நடிப்பின் மூலம் தனது சக நடிகர்களை ஆச்சர்யப்பட வைத்தார். தெய்வத்திருமகள் படத்தில் விக்ரம் நடிப்பு தமிழ் நாட்டின் மக்கள் மத்தியில் பேசும்படியாக அமைந்தது. அடுத்தாண்டு 2011 தேசிய விருது நடிகர்கள் பட்டியலில் இவ்விருவர் பெயர் இடம் பெறலாம்.
இந்தாண்டு கார்த்தியின் திருமணம் நடைபெற்றது. சோனியா அகர்வாலை பிரிந்த இயக்குனர் செல்வராகவன், கீதாஞ்சலியை திருமணம் செய்து கொண்டார்.
கனவுக் கன்னிகள்...
நடிகைகள் பட்டியலில் அமலா பால், அனுஷ்கா இருவருமே 2011ல் தமிழக இளைஞர்களை கிறங்கடித்தார்கள் எனலாம். ஆனால், நடிப்பில் இவர்கள் குறிப்பிடத்தக்க வகையில் இந்த ஆண்டு சோபிக்கவில்லை.
மயக்கம் என்ன படத்தில் இயல்பாக நடித்த ரிச்சா, ஒஸ்தியில் வந்து போனார். வாகை சூட வா, மெளனகுரு படத்தில் நடித்த இனியா, மூத்த இயக்குனர்களின் கவனத்தைப் பெற்றார். இவ்விருவருடன், 7 ஆம் அறிவு படத்தில் நடித்த ஸ்ருதிஹாசன், கோ படத்தில் நடித்த கார்த்திகா, ஆடுகளம், வந்தான் வென்றான் படத்தில் நடித்த டாப்ஸி, ராஜபாட்டை படத்தில் நடித்த தீக்ஷா சேத் உள்ளிட்ட நடிகைகள் இந்தாண்டு அறிமுகமானவர்கள்.
ரஜினியின் ஆரோக்கியம்...
2011-ல் ரஜினி நடிப்பில் பூஜை போடப்பட்ட படம் 'ராணா'. அன்றே ரஜினிக்கு உடல்நிலை சரியில்லாமல் போகவே, அன்று முதல் அவரது ரசிகர்கள் ரஜினி இருந்த மருத்துவமனைக்கு படையெடுக்க ஆரம்பித்தனர்.
ரசிகர்களின் அன்புத் தொல்லையாலும், ரஜினியின் உடல்நிலையை கருத்தில் கொண்டும் சிங்கப்பூர் மவுண்ட் எலிசபெத் மருத்துவமனைக்கு மேல் சிகிச்சைக்கு சென்றார். "நீங்கள் என்மீது வைத்திருக்கும் அன்பிற்கு என்ன செய்ய போகிறேன்" என்று கூறிவிட்டு சென்றவர் ஜுலை 12ம் தேதி திரும்பினார். அன்று அவரது ரசிகர்களுக்கு தீபாவளியாக அமைந்தது.
எங்கே மணிரத்னம்?
'பொன்னியின் செல்வன்' கதையை படமாக்க மணிரத்னம் மும்முரமாக ஈடுபட்டு வருவதாக தகவல்கள் வெளியாகின. விஜய், மகேஷ் பாபு மற்றும் பலர் நடிப்பார்கள் என்ற செய்தி வெளியானது.
ஆனால் படத்தின் பட்ஜெட், கால்ஷீட் போன்ற பல்வேறு சிக்கல்களை கருத்தில் கொண்டு தனது அப்படத்தினை தள்ளி வைத்துவிட்டார் மணிரத்னம். தற்போது கார்த்திக் மகன் கெளதம் அறிமுகமாகும் 'பூக்கடை' என்னும் படத்தினை இயக்குகிறார் என்று தகவல்கள் வெளியாகியுள்ளது.
இழப்புகள்...
இந்த ஆண்டு பாடகர் மலேசியா வாசுதேவன், நடிகர் அலெக்ஸ், பழம்பெரும் நடிகைகள் காந்திமதி, சுஜாதா ஆகியோரது மரணம் தமிழ் திரையுலகினரை அதிர்ச்சியில் ஆழ்த்தியது.
மாற்றங்கள்...
இந்தாண்டு நடைபெற்ற தேர்தல் தமிழ் திரையுலகில் பல்வேறு மாற்றங்களை கொண்டு வந்து இருக்கிறது. திரைப்பட தயாரிப்பாளர் சங்கத் தலைவர் மாற்றம் இதில் முக்கியமானதாக கருதப்படுகிறது. எஸ்.ஏ.சந்திரசேகரன் புதிய தலைவராக பொறுப்பேற்று இருக்கிறார். இனி வரும் ஆண்டில் தான் இவரது செயல்பாடு எப்படி என்பது தெரிய வரும்.
ஜெயலலிதா ஆட்சிக்கு வந்த உடன் கேளிக்கை வரியை உயர்த்தியது திரையுலகினருக்கு மிகப்பெரிய பின்னடைவு. படங்களுக்கு தமிழில் பெயர் வைத்தால் வரி விலக்கு என்ற இருந்த சட்டத்தை மாற்றி புதிய சட்டத்தை கொண்டு வந்து இருக்கிறார். அந்தச் சட்டத்தில் இருக்கும் வழிமுறைகளை பின்பற்றி எந்த ஒரு படமும் எடுக்க முடியாது என்பது மாதிரியான நிலை. ஆகையால் அனைத்து படங்களுமே வரி செலுத்தி தான் ஆக வேண்டும்.
இப்போது ஆட்சி மாற்றம் ஏற்பட்டு உள்ளதால் இனிவரும் காலங்களில் திரைப்பட தயாரிப்பாளர் சங்கம், நடிகர் சங்கத்தின் செயல்பாட்டால் தமிழ் திரையுலகம் அடுத்த நிலைக்குச் செல்லும் என்று எதிர்பார்க்கப்படுகிறது.
http://cinema.vikatan.com/index.php?...1--&Itemid=111
-
31st December 2011 02:29 PM
# ADS
Circuit advertisement
-
3rd January 2012, 05:38 PM
#1102
Senior Member
Senior Hubber
சுசி படத்தில் நடிப்பாரா ரிச்சா...?!
டைரக்ரர் சுசி கணேசன் படத்தில் நடிகை ரிச்சா கங்கோபாத்யாயா நடிப்பாரா, மாட்டாரா? என்ற கேள்வி எழுந்துள்ளது. கந்தசாமி படத்தின் வெற்றிக்குப் பிறகு முன்னணி தமிழ் ஹீரோக்களும், ஹீரோயின்களும் போட்டி போட்டுக் கொண்டு சுசிக்கு கால்ஷீட் தரத் தராயாக இருந்தனர்.
ஆனால் சுசியோ, இந்திப் படம் இயக்குகிறேன் என்று மும்பைக்கு போய்விட்டார். இவ்வளவு காலம் அங்கு இருந்தும் அவரது படம் இன்னும் தொடங்கப் படவே இல்லை.
ஏன் என்று காரணம் கேட்டால், என் கதைக்கு பொருத்தமான கதாநாயகி கிடைக்கவில்லை என்று கூறும் சுசி, அசின், ரிச்சா என பலரது பல்ஸையும் பார்த்திருக்கிறார்.
இறுதியாக ரிச்சாவை ஒப்பந்தம் போடலாம் என நினைத்தபோதுதான் அம்மணி, தனுஷ், சிம்பு என இளம் ஹீரோக்களுடன் பிஸியாகி விட்டார்.
ஆனால் எதிர்பாராமல் ரிச்சாவுக்கு மயக்கம் என்ன?, ஒஸ்தி ஆகிய 2 படங்களுமே கைகொடுக்காததால் மீண்டும் மும்பைக்கு பறந்தார்.
சுசியின் படத்தில் நடிப்பார் என்று கூறப்பட்ட நிலையில், என்ன காரணத்தினாலோ அதில் இருந்து விலகி விட்டாராம் அம்மணி. இன்னமும் அதிகாரப்பூர்வமான செய்திகள் எதுவும் வெளியாகாத நிலையில், சுசி படத்தில் ரிச்சா நடிப்பாரா, மாட்டாரா என்ற குழப்பம் நீடித்துக் கொண்டே இருக்கிறது.
http://tamilcnn.com/moreartical.php?...rent&subcat=11
2012 First Comedy...
I'M WAITING...
-
3rd January 2012, 05:40 PM
#1103
Senior Member
Senior Hubber
சிறந்த நடிகர் – நடிகைகள்,தனுஷ் – அஞ்சலிக்கு விருது!!
வி4 எண்டர்பைனர் அமைப்பு சார்பில் கடந்த ஆண்டின் சிறந்த நடிகர்- நடிகைகள் மற்றும் தொழில் நுட்ப கலைஞர் களுக்கு விருது வழங்கும் விழா சேத்துப்பட்டு லேடி ஆண்டாள் பள்ளியில் நடந்தது. விழாவில் இயக்குனர் பி.வாசுவிற்கு சிவாஜி விருதும், சத்யராஜுக்கு அண்ணா விருதும், பிரபுவுக்கு பெரியார் விருதும் வழங்கப்பட்டன.
“ஆடுகளம்” படத்தில் நடித்த தனுஷ் சிறந்த நடிகர் விருதை பெற்றார். “அஞ்சலி” சிறந்த நடிகைக்கான விருதை பெற்றார். விஜய் நடித்த வேலாயுதம் சிறந்த படமாக தேர்வு செய்யப்பட்டது. “முரண்” படத்தில் நடித்த சேரன், பிரசன்னாவும் விருது பெற்றனர்.
நடிகை சினேகா, நடிகர்கள் கரண், பார்த்திபன், டைரக்டர்கள் டி.பி.கஜேந்திரன், பாண்டியராஜன், விஜய், சரவணன், வடிவுடையான், ஒய்.ஜி.மகேந்திரன், நடிகை சரண்யா, பொன்வண்ணன், இசை யமைப்பாளர் ஹாரிஸ் ஜெயராஜ், பாடல் ஆசிரியர்கள் வாலி, விவேகா, ஆகியோரும் விருது பெற்றனர்.
விழாவில் லட்சுமண் சுருதியின் இசையில் நடிகர் தனுஷ் கொலைவெறி பாடலை மேடையில் பாடினார். மக்கள் தொடர்பாளர்கள் டைமண்ட் பாபு, சிங்கார வேலன், மௌனம் ரவி, ரியாஸ் ஆகியோர் விழா ஏற்பாடுகளை செய்திருந்தனர்.
http://tamilcnn.com/moreartical.php?...rent&subcat=11
I'M WAITING...
-
3rd January 2012, 05:49 PM
#1104
Senior Member
Senior Hubber
ரஜினி வாழ்வில் புதிய திருப்பம் ஜோதிடர்கள் கணிப்பு!!
ரஜினி வாழ்வில் வரும் மே மாதம் 12ம் தேதிக்கு பிறகு மாற்றம் ஏற்படும் என்று ஜோதிடர்கள் கணித்துள்ளனர். கடந்த 2011ம் ஆண்டு திரையுலகில் பல்வேறு திருப்பங்கள் ஏற்பட்டது.
இந்த ஆண்டு நட்சத்திரங்கள் வாழ்க்கை எப்படி இருக்கும் என்று ஜோதிடர்கள் கணித்திருக்கின்றனர். ‘பொதுவாக பார்க்கும்போது நடிகர், நடிகைகளின் வாழ்க்கை மேம்பட்டிருக்கும்.
தமிழ் சினிமா உலகம் ஒரு புதிய பரிமாணத்தை அடையும்’ என்று தெரிவித்துள்ளனர். கடந்த ஆண்டு ரஜினிக்கு இன்னல் தரும் ஆண்டாக அமைந்தது.
அவரது உடல்நலம் பாதிக்கப்பட்டது. இதனால் ‘ராணா’ படத்தின் ஷூட்டிங் பாதிக்கப்பட்டது. இந்த ஆண்டு அவருக்கு எப்படி இருக்கும் என்று ஜோதிடர்கள் தெரிவித்துள்ளனர்.
‘கடந்த ஆண்டைவிட இந்த ஆண்டு ரஜினிக்கு மகிழ்ச்சி தருவதாக இருக்கும். மே 12ம் தேதி அவரது வாழ்வில் புதிய மாற்றம் ஏற்படும். ஜூன் மாதத்துக்கு பிறகு அவரது புகழ் ஓங்கும்’ என்று கணித்திருக்கின்றனர்.
கமல்ஹாசன் மகள் ஸ்ருதி ஹாசன் பற்றி கூறும்போது,‘வரும் செப்டம்பர் மாதத்துக்கு பிறகு அவர் பெரிய அளவில் பிரபலம் அடைவார். 7 ஆண்டுகளுக்கு பிறகு அவரது வாழ்வில் மாற்றம் ஏற்படும். தன்னுடைய தொழிலை அவர் மாற்றக்கூடும்’ என்றனர்.
http://tamilcnn.com/moreartical.php?...rent&subcat=11
I'M WAITING...
-
3rd January 2012, 05:50 PM
#1105
Senior Member
Senior Hubber
அமலா பாலின் கவர்ச்சி
தமி**ழில் கவர்ச்சின்னா காத தூரம் ஓடுவதும் அதுவே தெலுங்கு என்றால் ஸ்விம்மிங் சூட்டில் கலக்குவதும் நடிகைகளைப் பொறுத்தவரை சாதாரணம். இந்த தலைகீழ் மாற்றம் அமலாபாலைப் பொறுத்தவரை தமிழிலேயே நடந்திருக்கிறது.
சிந்து சமவெளி படத்தில் செமத்தியாக வாங்கிக் கட்டிக் கொண்ட அமலா பால், அதன் பிறகு காஸ்ட்யூம் விஷயத்தில் சர்வ ஜாக்கிரதை காட்டினார். சிந்து சமவெளியிலும்கூட கேரக்டர்தான் வில்லங்கமே தவிர கவர்ச்சிக்கெல்லாம் தடாதான்.
ஆச்ச*ரியமாக அதர்வாவுடன் நடிக்கும் முப்பொழுதும் உன் கற்பனைகள் படத்தில் கவர்ச்சியின் க*ண்ட்ரோல் எல்லையை கொஞ்சம் தளர்த்தியிருக்கிறார். ஏன் இப்படி என்று கேட்டால் அமலா பாலிடமிருந்து எல்லோரும் சொல்லும் அந்த தயிர்வடை பதில்தான், கதைக்கு தேவைப்பட்டிச்சு அதான் நடிச்சேன்.
ஆங்.. பொல்லாத கதை.
http://tamil.webdunia.com/entertainm...20102018_1.htm
I'M WAITING...
-
3rd January 2012, 06:50 PM
#1106
Senior Member
Senior Hubber
ஜீவாவின் புது வசந்த ஆசை
முதல் படம் நடிக்கும் போதே நூறாவது படம் எந்த கான்செப்டில் அமைய வேண்டும் என்று கனவு காண்பவர்களுக்கு மத்தியில் *ஜீவாவின் ஆசை ரோஜா மதுமிதாவைப் போல் சின்ன ஆசைதான். தனது 25வது படம் ஒரு *ரீமேக்காக இருந்தால் நல்லது என்று விரும்புகிறார்.
இவரது அப்பா ஆர்.பி.சௌத்*ரியின் தயா*ரிப்பில் வெளியான படம் விக்ரமனின் புது வசந்தம். இந்தப் படம் *ஜீவாவின் ஃபேவரைட் படங்களில் ஒன்று. புது வசந்தத்தின் *ரீமேக்கில் நடிக்க ஜீவாவுக்கு நெடுநாளாக ஆசை. தனது 25வது படமாக இது இருந்தால் நல்லது என்று எண்ணுகிறார்.
ஆர்யா, ஜெயம் ரவி, சந்தானம் என்று நண்பர்கள் நல்லவிதமாக இருப்பதால் *ரீமேக் சாத்தியம்தான் என்று அவர் சொல்லும் போது வசந்தம் மீண்டும் வருவதற்கான சாத்தியம் இருப்பதாகவே தோன்றுகிறது.
http://tamil.webdunia.com/entertainm...20102030_1.htm
I'M WAITING...
-
3rd January 2012, 06:51 PM
#1107
Senior Member
Senior Hubber
பெயர் போன பிரச்சனை
தமிழ் சினிமாவில் கதையைவிட படத்தின் தலைப்புக்குதான் அதிக டிமாண்ட். கார்த்தியையும் இந்தப் பிரச்சனை விட்டு வைக்கவில்லை.
காற்றடிக்கும் போதுதான் காசு பார்க்க முடியும் என்பதை தெ*ளிவாகத் தெ*ரிந்து சிறுத்தை மாதி*ரியான கமர்ஷியல் தாளிப்புகளில் மட்டுமே கவனம் செலுத்துகிறார். அப்படியொரு மசாலா தாளிப்புதான் சகுனி. இந்தப் படம் ஒருபக்கம் நடந்து கொண்டிருக்க, மசாலா இயக்குனர் சுரா*ஜின் இயக்கத்தில் சத்தமில்லாமல் நடித்து வருகிறார்.
சுரா*ஜ், கே.எஸ்.ரவிக்குமார் பரம்பரையைச் சேர்ந்தவர். முப்பதே நாளில் இந்தி பாஷை மாதி*ரி மூன்றே மாதங்களில் முழுப்படத்தையும் எடுப்பவர். இவர்கள் படம் எண்பது சதவீதம் முடிந்துவிட்டதாம். ஆனாலும் நல்ல பெயர் படத்துக்கு அமையவில்லையாம்.
தேடு தேடு என்று பெயரை தேடிக் கொண்டிருக்கிறார்கள்.
http://tamil.webdunia.com/entertainm...11231041_1.htm
I'M WAITING...
-
3rd January 2012, 06:55 PM
#1108
Senior Member
Senior Hubber
சூர்யாவோடு ஆட்டம் போட்ட ஷெர்வானிக்கு 50 லட்சம்!
அயன் படத்தின் மூலம் புதிய ஃபாக்ஸ் ஆபீஸ் சாதனையை நிகழ்த்திய கே.வி. ஆனந்த்,
சூர்யா, ஹாரிஸ் ஜெயராஜ் கூட்டணி, தற்போது மாற்றான் படத்தின் முதல் கட்ட படப்பிடிப்பை ரஷ்யாவில் முடித்து திரும்பியிருக்கிறது.
வழக்கமாக ரஷ்யா செல்லும் படக்குழுவினர் மாஸ்கோ, லெனின்கிரேட் போன்ற முக்கிய நகரங்களில் படப்பிடிப்பை முடித்து திரும்பிவிடுவார்கள். ஆனால் கே.வி. ஆனந்த மாற்றான் திரைக்கதைப்படி ரஷ்யாவின் கிராமபுரங்களில் படம் பிடித்து திரும்பியிருக்கிறாராம்.
சென்னை திரும்பிய கையோடு சென்னையில் ஒரு பாடலையும் படம்பிடித்து முடித்துவிட்டார்கள் அதிரடியாக! ஏ.வி.எம் ஸ்டூடியோவில், ராஜீவன் கலை இயக்கத்தில் சுமார் 1.5 கோடி செலவில் அமைக்கப்பட்ட பிரமாண்ட செட்டில், ஹாரீஸ் ஜெயராஜ் இசையில் உருவான “ திண்ணத்திண்ண தீர்ந்தாயா” என்ற பாடலை படப்பிடிப்பு நடத்தி முடித்திருகிறார்.
இந்தப்பாலுக்கான நடன அமைப்பை செய்திருப்பவர் பிரபல நடன இயக்குனரான பிருந்தா மாஸ்டர்! இந்த பாடலில் சூர்யா, காஜல் அகர்வால் ஆகியோருடன் பாலிவுட்டின் டான்ஸ் மெஷின் என்று புகழப்படும் இஷா ஷெர்வானி செமத்தியான் ஆட்டம் போட்டிருகிறாம்.
மாற்றானில் இடம்பெரும் இந்த ஐயிட்டம் நம்மரில் ஆட ஷேர்வானிக்கு தரப்பட்டிருக்கும் தொகை 50 லட்சம்! முதலில் ஐந்து நாட்களில் படப்பிடிப்பை முடித்து விடலாம் என்று ஒரு நாளைக்கு 5 லட்சம் சம்பளம் பேசி ஒப்பந்தம் செய்திருகிறார்கள்.
ஆனால் பத்து நாட்கள் ஆனதாம் பாடல் முடிய! பேரம் பேசமால் தயாரிப்பாளர் ஐம்பது லட்சத்தை செட்டில் செய்து அனுப்பிவிட்டாராம் ஷெர்வானிக்கு! தற்போது ஒரு பாடலை இத்தனை காஸ்ட்லியாக படமாக்கியிருக்கும் கே.வி, ஆனந்த், அடுத்து மூன்று மற்றும் நான்காம் கட்ட படப்பிடிப்புகளுக்கு குரோஷியா, ருமேனியா, செர்பியா, அல்பேனியா, மாசிடோனியா ஆகிய நாடுகளை தேர்ந்தெடுத்து இருக்கிறார்.
இந்த நாடுகளிலேயே மற்ற பாடல்களையும் படம் பிடிக்க இருக்கிறாராம். தனது படங்களுக்கு வித்தியாசமான இடங்களைத் தேர்ந்தெடுத்து கதைகளமாக்குவதை ஒரு ஸ்டைலாக பின்பற்றி வரும் கே.வி.ஆனந்த். மாற்றான் படத்துக்காக இதுவரை யாரும் படப்பிடிப்பு நடத்தியிராத இந்த நாடுகளை முதல்முறையாக தேர்ந்தெடுத்து இருக்கிறாராம்!
I'M WAITING...
-
3rd January 2012, 07:47 PM
#1109
Senior Member
Senior Hubber
2012-ல் எதிர்பார்ப்பில் இருக்கும் படங்கள் !
2011ம் ஆண்டு ரஜினி, கமல் உள்ளிட்ட நடிகர்களின் படங்கள் வெளிவரவில்லை. ஆனால் 2012ம் ஆண்டு தமிழ் திரையுலகில் ரசிகர்கள் ஆவலோடு எதிர்பார்க்கும் தயாரிப்புகள் வெளிவர இருக்கின்றன. அவ்வாறு வெளிவர இருக்கும் சில படங்கள் பற்றிய தகவல் துளிகள் :
ரஜினி : கோச்சடையான் 3D
கே.எஸ்.ரவிகுமார் மேற்பார்வையில் செளந்தர்யா ரஜினிகாந்த் இயக்க இருக்கும் படம். போன ஆண்டு 'ராணா' படம் தொடங்கப்பட்ட போது ஏற்பட்ட உடல்நிலை கோளாறால் அப்படம் நிறுத்தப்ப்பட்டது.
ஆகையால் 'கோச்சடையான்' படத்திற்கு பெரும் எதிர்ப்பார்ப்பு நிலவி வருகிறது. MOTION CAPTURE TECHNOLOGY மூலம் ரஜினியை நடிக்க வைக்க இருக்கிறார்கள். 3Dல் இப்படம் வெளிவர இருக்கிறது.
கமல் : விஸ்வரூபம்
கமல் இயக்கி நடித்து வரும் படம். செல்வராகவன் இயக்க, கமல் நடிப்பதாக துவங்கப்பட்ட படம். செல்வராகவனால் ஏற்பட்ட தாமதம் மற்றும் பல்வேறு காரணங்களால் படப்பிடிப்பு தள்ளிப் போக, தற்போது கமலே இயக்குனர் பொறுப்பேற்று இப்படத்தினை இயக்கி வருகிறார்.
கமல் இப்படத்தில் ஒரு தீவிரவாதியாக நடித்து வருவதாக தகவல்கள் வெளியாகி உள்ளன. கமல் ரசிகர்கள் அவரை வித்தியாசமான வேடத்தில் பார்க்க இருக்கிறார்கள்.
அஜீத் : பில்லா- 2
'மங்காத்தா' படத்தின் வரவேற்பிற்கு பிறகு அஜீத் நடித்து வரும் படம் 'பில்லா 2'. பில்லா படத்தின் SEQUEL-யாக இல்லாமல் PREQUEL- ஆக பில்லா 2 வெளிவர இருக்கிறது.
இப்படத்திற்காக கடுமையாக உழைத்து இருக்கிறார் அஜீத். உடம்பு இளைத்து, சண்டைக்காட்சிகளில் டூப் இல்லாமல் நடித்து இருக்கிறார்.
2011-ல் மங்காத்தா வசூலைத் 2012-ல் 'பில்லா 2' அமைய வேண்டும் என்ற உறுதியுடன் உழைத்து வருகிறார்கள்.
விஜய் :நண்பன் & துப்பாக்கி
ஷங்கர் இயக்கத்தில் விஜய் நடித்து இருக்கும் படம் 'நண்பன்'. 3 இடியட்ஸ் படத்தின் ரீமேக், ஷங்கர் இயக்கம் , விஜய் நடிப்பு, ஹாரிஸ் இசை என பல விஷயங்கள் இப்படத்தில் இணைந்து இருக்கின்றன. 2012ல் விஜய் ரசிகர்களுக்கு முதல் விருந்தாக ஜனவரி 12ம் தேதி இப்படம் வெளிவர இருக்கிறது. சென்சார் அதிகாரிகள் இப்படத்தினை பார்த்துவிட்டு U சான்றிதழ் அளித்து இருக்கிறார்கள்.
'ஏழாம் அறிவு'க்குப் பிறகு ஏ.ஆர்.முருகதாஸ் இயக்கும் 'துப்பாக்கி' யில் இப்போது நடித்து வருகிறார் விஜய் . முதன் முறையாக விஜய் இப்படத்தில் வித்தியாசமான கெட்டப்பில் நடித்து வருவதாக தகவல்கள் வெளியாகியுள்ளன.
சூர்யா : மாற்றான்
'அயன்' படக்குழு மீண்டும் இணைந்திருக்கும் படம் 'மாற்றான்'. சூர்யா இப்படத்தில் ஒர் உடல் இரு தலை உடையவராக ஒரு கதாபாத்திரத்தில் நடித்து வருவதாக கிசுகிசுக்கப்பட்டது. கே.வி.ஆனந்த சூர்யா இப்படத்தில் ஐந்து வித்தியாசமான பாத்திரங்களில் நடித்து இருப்பதாக கூறியுள்ளார்.
சிம்பு : போடா போடி
சிம்பு நடிப்பில் நீண்ட நாட்களாக தயாராகி வரும் படம் 'போடா போடி'. விக்னேஷ் சிவா இயக்கி வரும் இப்படத்தின் மூலம் நாயகியாக அறிமுகமாகிறார் வரலெட்சுமி சரத்குமார். இப்படம் இசையை மையமாக வைத்து வெளிவர இருக்கும் காமெடி படமாம்.
தனுஷ் : 3
2011ல் WHY THIS KOLAVERI என்ற பாடலின் மூலம் அனைவரது கவனத்தையும் ஈர்த்த தனுஷ் நடித்து இருக்கும் படம். இப்படத்தின் பாடல்களால் படத்திற்கு எதிர்ப்பார்ப்பு கூடி இருக்கிறது. ரஜினி மகள் இயக்கம், கமல் மகள் ஜோடி, ரஜினியின் மருமகன் நாயகன் என ஒரு சேர இணைந்து வெளிவரும் படம்.
வசந்த பாலன் : அரவான்
'அங்காடி தெரு' படத்தினை தொடர்ந்து வசந்தபாலன் இயக்கத்தில் வெளிவர இருக்கும் படம் 'அரவான்'. ஆதி, பசுபதி, தன்ஷிகா மற்றும் பலர் நடித்து இருக்கிறார்கள்.
2011ம் ஆண்டு சாகித்ய அகாடமி விருது வென்ற 'காவல் கோட்டம்' நாவலில் வரும் ஒரு சிறு பகுதியை, திரைக்கதை அமைத்து படமாக்கி இருக்கிறார்கள். இப்படத்தின் டிரெய்லரே படத்திற்கு எதிர்ப்பார்ப்பை கூட்டியுள்ளது.
ஆர்யா & மாதவன் : வேட்டை
லிங்குசாமி இயக்கத்தில் ஆர்யா, மாதவன் இணைந்து இருக்கும் படம் 'வேட்டை'. ரன் படத்தினை தொடர்ந்து மாதவனுடன் இணைந்து இருக்கிறார் லிங்குசாமி.
லிங்குசாமி இயக்கம், ஆர்யா, மாதவன் இணைந்திருக்கும் படம், சமீரா ரெட்டி, அமலா பால் என இரண்டு நாயகிகள், இப்படி கலகல, பளபள கூட்டணியில் வருவதால் 'வேட்டை'க்கு காத்திருக்கிறார்கள் ரசிகர்கள். ஜனவரி 14ம் தேதி வெளிவர இருக்கிறது வேட்டை.
கெளதம் மேனன் : நீதானே என் பொன்வசந்தம்
கெளதம் மேனன் இயக்கத்தில் ஜீவா நடித்து வரும் படம். ஒரே நேரத்தில் மூன்று மொழிகளிலும் இயக்கி வருகிறார் கௌதம் மேனன்.
'விண்ணைத்தாண்டி வருவாயா' படத்தினை தொடர்ந்து இப்படத்தை கெளதம் மேனன் இயக்கி வருகிறார். படத்திற்கு இசையமைப்பாளர் யார் என்பது இதுவரை தெரியாமலேயே இருந்து வருகிறது. காதலர் தினமான பிப்ரவரி 14-ம் தேதி இப்படத்தை வெளியிட தீர்மானித்து இருக்கிறார்கள்.
http://cinema.vikatan.com/index.php?...news&Itemid=63
I'M WAITING...
-
3rd January 2012, 07:48 PM
#1110
Senior Member
Senior Hubber
'மாஃப்' இந்தில எனக்கு பிடிக்காத ஒரே வார்த்தை !
ஏ.ஆர்.முருகதாஸ் இயக்கத்தில் விஜயகாந்த் நடிப்பில் வெளிவந்த படம் ' ரமணா '. 2002ம் ஆண்டு வெளிவந்த இப்படத்திற்கு இளையராஜா இசையமைத்து இருந்தார். தமிழகத்தில் இப்படம் வரவேற்பை பெற்றது.
லஞ்சம் வாங்கும் அதிகாரிகளை ஒரு கல்லூரி பேராசிரியர் எப்படி தண்டிக்கிறார், அது சமூகத்தில் என்ன மாற்றங்களை ஏற்படுத்துகிறது என்பதை பரபரப்பாக சொல்லியிருந்தார். இப்படம் தெலுங்கில் சீரஞ்சிவி நடிக்க ரீமேக்காகி அங்கும் வரவேற்பைப் பெற்றது. கன்னடத்திலும் 'ரமணா' ரீமேக் ஆனார்.
இந்நிலையில் இப்படத்தின் இந்தி ரீமேக் உரிமையை தற்போது சஞ்சய் லீலா பன்சாலி வாங்கியுள்ளார்.
' ரமணா ' ரீமேக்கில் விஜயகாந்த் வேடத்தில் ஷாருக்கான் நடிக்க இருக்கிறார். 'துப்பாக்கி' படத்தினை முடித்தவுடன் இப்படத்தினை ஏ.ஆர்.முருகதாஸ் இயக்கலாம் என்று தெரிகிறது.
ஏ.ஆர்.முருகதாஸ் " நானும் ஷாருக் கானும் இப்படம் குறித்து ஏற்கனவே பேசி இருக்கிறோம். நான் ரமணா இந்தி ரீமேக்கை இயக்க இருக்கிறேன் " என்று கூறியுள்ளார்.
'ரமணா' படம் தமிழகத்தில் விஜயகாந்த் அரசியலுக்கு வர மிகப் பெரிய வரவேற்பை வழங்கியது. ஆந்திராவில் சிரஞ்சீவி அரசியலுக்கு வந்த போதும், இப்படம் அவருக்கு பெரும் உதவியாக இருந்தது. ஷாருக்... ம்ஹூம் அரசியலுக்கு வரமாட்டார்..!
http://cinema.vikatan.com/index.php?...news&Itemid=63
I'M WAITING...
Bookmarks