Page 206 of 216 FirstFirst ... 106156196204205206207208 ... LastLast
Results 2,051 to 2,060 of 2160

Thread: Latest News on Tamil Cinema

  1. #2051
    Senior Member Veteran Hubber
    Join Date
    Jul 2008
    Location
    Chennai
    Posts
    184
    Post Thanks / Like
    சமூக வலைதளத்தில் இணைந்த இயக்குநர் சசிகுமார் - Tamil HINDU

    ட்விட்டர் மற்றும் ஃபேஸ்புக் உள்ளிட்ட சமூக வலைதளங்களில் தன்னை இணைத்துக் கொண்டார் இயக்குநர் சசிகுமார்.
    'தாரை தப்பட்டை' படத்தைத் தொடர்ந்து சசிகுமார் நடித்திருக்கும் 'வெற்றிவேல்' படத்தின் இறுதிகட்டப் பணிகள் துரிதமாக நடைபெற்று வருகின்றன. TRIDENT மூவிஸ் நிறுவனம் தயாரித்திருக்கும் இப்படத்தின் வெளியீட்டு உரிமையை லைக்கா நிறுவனம் கைப்பற்றியுள்ளது.

    முன்னதாக, சசிகுமார் பெயரில் ஒரு ட்விட்டர் தளம் இயங்கி வந்தது. இது குறித்து இயக்குநர் சசிகுமார், " முதலில் அது நான் கிடையாது. நான் எந்த ஒரு சமூக வலைதளத்திலும் கிடையாது. போலியாக என் பெயரில் யாரோ நடத்தி வருகிறார்கள். அதை நம்ப வேண்டாம்" என்று தெரிவித்திருந்தார்.
    இந்நிலையில் இன்று அதிகாரப்பூர்வமாக தன்னை ட்விட்டர் மற்றும் ஃ
    பேஸ்புக் ஆகிய சமூக வலைதளங்களில் தன்னை இணைத்துகொண்டார் சசிகுமார். @SasikumarDir என்ற பெயரில் ட்விட்டர் பக்கத்திலும், sasikumardir (https://www.facebook.com/sasikumardir/) என்ற பெயரில் ஃபேஸ்புக்கிலும் இணைந்து இருக்கிறார்.

    சமூக வலைதளத்தில் இணைந்திருப்பது குறித்து தனது ஃபேஸ்புக் பக்கத்தில் இயக்குநர் சசிகுமார் கூறியிருப்பது, "ஃபேஸ்புக், ட்விட்டர் பக்கம் இப்போதான் முதன் முறையாக அடியெடுத்து வைக்கிறேன். என்னைப் பற்றிப் பெருமிதம் பேசவோ, பாராட்டு தேடிக்கொள்ளவோ நிச்சயமாக நான் வரவில்லை. அப்படி நினைத்திருந்தால் முன்னாடியே வந்திருப்பேன். இத்தனை நாள் நான்தான் வரவில்லையே தவிர, என்னுடைய பெயரில் நிறைய பேர் ட்விட்டர் மற்றும் ஃபேஸ்புக் கணக்குகளைத் தொடங்கி இஷ்டத்துக்கு ஏதேதோ எழுதியபடி இருந்தார்கள். இதற்கு முற்றுப்புள்ளி வைக்க நானே களத்துக்கு வரவேண்டியதா ஆகிடிச்சு.

    இது மட்டுமில்லாமல், சக மனிதர்களில் ஒருவனாக என் பார்வையைப் பதிவு செய்யலாமேங்கிற ஆர்வமும், சமீபகால நிகழ்வுகள் மீதான அக்கறையும்தான் என்னையும் எழுதத் தூண்டியது. அதுக்காக 'சாப்பிட்டேன்', 'தூங்கினேன்'னு வெறுமனே சுயபுராணம் பாடப் போறது கிடையாது; ஒருத்தரோட இறப்புக்குகூட வருத்தமா ரெண்டு வார்த்தைகளையும் கண்ணீரோடு ரெண்டு பொம்மைங்களையும் பதிவா போட்டு, 'நானும் வருத்தப்பட்டேன்'னு சொல்லப்போறதும் கிடையாது. நல்லதுக்குப் போக முடியலைன்னாகூட இறப்புக்கு ஓடோடிப்போய் நிற்கிறதுதுதானே நம்ம வழக்கம். முடிஞ்சா நேர்லபோய் அனுதாபமா நிற்கணும்; இல்லைன்னா சும்மா இருந்திடனும்.

    என்னோட பார்வை, என் படம், சந்தோசம், சங்கடம்... இப்படி மனசுல பட்டதை அப்படியே இறக்கி வைக்கிற எண்ணம் தாண்டி வேறெந்த நோக்கமும் இந்த வருகைக்குப் பின்னால இல்லை. கடைசியில என்னையும் ட்விட்டர் பக்கம் வர வைச்சிட்டீங்களே" என்று தெரிவித்திருக்கிறார் இயக்குநர் சசிகுமார்.
    Dane Dane Pe Likha Hai Khane Wale Ka Naam

  2. # ADS
    Circuit advertisement
    Join Date
    Always
    Location
    Advertising world
    Posts
    Many
     

  3. #2052
    Senior Member Veteran Hubber
    Join Date
    Jul 2008
    Location
    Chennai
    Posts
    184
    Post Thanks / Like
    லட்சுமண் - ஜெயம் ரவி இணையும் 'போகன்'


    லட்சுமண் இயக்கத்தில் ஜெயம் ரவி நடிக்கவிருக்கும் புதிய படத்துக்கு 'போகன்' என்று தலைப்பிட்டு இருக்கிறார்கள்.
    'மிருதன்' படத்தைத் தொடர்ந்து 'ரோமியோ ஜூலியட்' இயக்குநர் லட்சுமண் இயக்கத்தில் நடிக்க தேதிகள் ஒதுக்கி இருக்கிறார் ஜெயம் ரவி.இப்படத்தின் முதற்கட்ட பணிகள் தீவிரமாக நடைபெற்று வருகின்றன. விரைவில் படப்பிடிப்பு
    தொடங்க இருக்கிறது. இப்படத்தை பிரபுதேவா தயாரிக்க இருக்கிறார். இசையமைப்பாளராக இமான் ஒப்பந்தம் செய்யப்பட்டு இருக்கிறார்.

    இரண்டு நாயகர்களைக் கொண்ட கதைக்களம் என்பதால் ஜெயம் ரவியுடன் நடிக்கவிருப்பது யார் என்பது குறித்து பல்வேறு தகவல்கள் வெளியாகின. தற்போது 'தனி ஒருவன்' படத்தில் ஜெயம் ரவியுடன் நடித்த அரவிந்த்சாமியை இப்படத்தில் அவருடன் இணைந்து நடிக்க ஒப்பந்தம் செய்திருக்கிறார்கள்.

    மேலும், படத்தின் நாயகியாக ஹன்சிகா ஒப்பந்தம் செய்யப்பட்டு இருக்கிறார். இப்படத்துக்கு 'போகன்' என தலைப்பிட்டு இருக்கிறார்கள்.
    Dane Dane Pe Likha Hai Khane Wale Ka Naam

  4. #2053
    Senior Member Veteran Hubber
    Join Date
    Jul 2008
    Location
    Chennai
    Posts
    184
    Post Thanks / Like
    பிரேமம் படத்துக்கு கேரள அரசு விருது இல்லை- அரசியல் சூழ்ச்சி காரணமா? - VIKATA

    கேரள அரசின் 2015 ஆம் ஆண்டுக்கான “மாநில திரைப்பட விருதுகள்” இன்று அறிவிக்கப்பட்டுள்ளன. இவ்விருதுகளை திரைப்படத்துறை அமைச்சர் திருவாங்கூர் ராதாகிருஷ்ணன் திருவனந்தபுரத்தில் வெளியிட்டார்.
    சிறந்த நடிகராக துல்கர் சல்மான் மற்றும் சிறந்த நடிகையாக பார்வதியும் தேர்ந்தெடுக்கப்பட்டுள்ளனர்.
    சார்லி படம் எட்டு விருதுகளைத் தட்டிச்சென்றுள்ளது. சிறந்த நடிகர்(துல்கர்), சிறந்த நடிகை(பார்வதி), சிறந்த இயக்குநர் (மார்டின்), சிறந்த வசனகர்த்தா (உன்னி, மார்டின்), சிறந்த ஒளிப்பதிவு (ஜோமோன் டி ஜான்ச்), சிறந்த கலை இயக்கம்(ஜெயஸ்ரீ லட்சுமி நாராயணன்), சிறந்த ஒலிப்பதிவு (ராஜகிருஷ்ணன்), சிறந்த டிஜிட்டல் லேப் (பிரசாத் லேப், மும்பை) உள்ளிட்டோர் தேர்ந்தெடுக்கப்பட்டுள்ளனர்.
    தவிர, சிறந்த நடிகையாக பார்வதியும், சிறந்த ஒளிப்பதிவிற்காக ஜோமோன் டி ஜான்ச் இருவரும் என்னு நிண்டே மொய்தீன் படத்திற்காகவும் தேர்ந்தெடுக்கப்பட்டனர்.

    மேலும், என்னு நிண்டே மொய்தீன் படத்திற்காக

    * சிறந்த பாடல் - ரபீக் அகமது - Kaathirunnu Kaathirunnu Song
    * சிறந்த இசையமைப்பாளர் - ரமேஷ் நாராயணன் - Edavapathy Song
    * சிறந்த பாடகர் - ஜெயச்சந்திரன் - Njnanoru Malayali Song
    * சிறந்த ஒலி வடிவமைப்பு - ரங்கநாத் ரவி
    * பாப்புலர் படம் - ஆர்.எஸ்.விமல் - என்னுநின்டே மொய்தீன்

    இவ்விரு படங்களே அதிகப்படியான விருதுகளை அள்ளிச் சென்றுள்ளது குறிப்பிடத்தக்கது.
    ஆனால் கேரளத் திரையுலகின் பல்வேறு சாதனைகளை முறியடித்த, 200 நாட்களுக்கு மேல் ஓடிய திரைப்படமான பிரேமம் படத்துக்கு ஒரு விருது கூட கொடுக்கப்படவில்லை என்பது குறிப்பிடத்தக்கது.

    கேரளாவின் மற்ற பல்வேறு விருதுகளில் கூட சிறந்த படத்திற்கான விருதைப் பெற்ற பிரேமம், கேரள அரசு விருதில் ஒரு விருதைக் கூட பெறாதது, அங்குள்ள ரசிகர்களுக்கு கோபத்தை ஏற்படுத்தியுள்ளது. மேலும் வேறு ஏதும் அரசியல் சூழ்ச்சியாக கூட இருக்கலாம் என்று நெட்டிசன்கள் பொங்கிவருகின்றனர்.
    Dane Dane Pe Likha Hai Khane Wale Ka Naam

  5. #2054
    Senior Member Veteran Hubber
    Join Date
    Jul 2008
    Location
    Chennai
    Posts
    184
    Post Thanks / Like
    கார்த்தியை 'சதுரங்க வேட்டை' வினோத் இயக்க வாய்ப்பு

    'சதுரங்க வேட்டை' இயக்குநர் வினோத் இயக்கத்தில் கார்த்தியை நடிக்க வைக்க பேச்சுவார்த்தை நடைபெற்று வருகிறது. வினோத் இயக்கத்தில் நட்ராஜ், இஷாரா நாயர், பொன்வண்ணன், இளவரசு உள்ளிட்ட பலர் நடிப்பில் வெளியான படம் 'சதுரங்க வேட்டை'. மனோபாலா தயாரித்த இப்படத்தை திருப்பதி பிரதர்ஸ் நிறுவனம் வெளியிட்டது. 2014ம் ஆண்டு வெளியான இப்படம் ரசிகர்களிடையே பெரும் வரவேற்பைப் பெற்றது.

    இப்படத்தைத் தொடர்ந்து திருப்பதி பிரதர்ஸ் தயாரிப்பில் சூர்யா நடிக்கவிருக்கும் படத்தை வினோத் இயக்கவிருப்பதாக இயக்குநர் லிங்குசாமி நிகழ்ச்சி ஒன்றில் தெரிவித்தார்.

    திருப்பதி பிரதர்ஸ் நிறுவனம் தற்போது நிதிநெருக்கடியில் சிக்கி இருப்பதால், பொட்டன்ஷியல் ஸ்டூடியோஸ் நிறுவனம் தயாரிக்கும் படத்தை இயக்க ஒப்பந்தமாகி இருக்கிறார் வினோத்.

    இப்படத்தில் கார்த்தியை நடிக்க வைக்க பேச்சுவார்த்தை நடைபெற்று வருகிறது. மணிரத்னம் படத்தில் நடிக்கவிருக்கும் கார்த்தி, அப்படத்தைத் தொடர்ந்து வினோத் இயக்கத்தில் நடிப்பார் எனக் கூறப்படுகிறது.
    Dane Dane Pe Likha Hai Khane Wale Ka Naam

  6. #2055
    Senior Member Veteran Hubber
    Join Date
    Jul 2008
    Location
    Chennai
    Posts
    184
    Post Thanks / Like
    பிரேமம் படத்துக்கு விருது இல்லையா? முருகதாஸ் விமர்சனம்

    விருதுகள் என்றாலே சர்ச்சைகளும் வருவது இயல்புதானே. 2015-ம் ஆண்டுக்கான கேரள மாநில விருதுகள் செவ்வாய்க்கிழமை அறிவிக்கப்பட்டன. அதுவும் சர்ச்சைக்கு ஆளாகியிருக்கிறது.
    சார்லி படத்தில் நடித்தற்காக துல்கர் சல்மான் சிறந்த நடிகர் விருதை வென்றுள்ளார். என்னு நிண்டே மொய்தீன் படத்தின் நாயகி பார்வதி சிறந்த நடிகை விருதை வென்றுள்ளார். சார்லி பட இயக்குநர் மார்டின் பிரகாத் சிறந்த இயக்குநராக தேர்ந்தெடுக்கப்பட்டுள்ளார்.

    சென்ற வருடம் கேரள திரை உலகில் பல சாதனைகளை முறியடித்த பிரேமம் திரைப்படத்துக்கு ஒரு விருது கூட அறிவிக்கப்படாதது சர்ச்சையை கிளப்பியுள்ளது. இது குறித்து மலையாள சினிமா ரசிகர்கள் மட்டுமின்றி தமிழக ரசிகர்களும் சமூக வலைதளங்களில் கேரள அரசாங்கத்தை விமர்சனம் செய்து கொண்டிருக்கிறார்கள்.

    ரசிகர்கள் மட்டுமின்றி இப்போது இயக்குநர் முருகதாஸும் அதை விமர்சித்துள்ளார். பிரேமம் படத்துக்கு விருது கொடுக்கவில்லை. இது அழகல்ல என்று டிவிட்டரில் சொல்லியிருக்கிறார்.அவருடைய கருத்துக்குப் பலர் வரவேற்பு தெரிவித்துக் கொண்டிருக்கிறார்கள்.
    Dane Dane Pe Likha Hai Khane Wale Ka Naam

  7. #2056
    Senior Member Veteran Hubber
    Join Date
    Jul 2008
    Location
    Chennai
    Posts
    184
    Post Thanks / Like
    சினிமாவில் எல்லாவற்றையும் பிரச்சினையாக்கி குளிர்காய்கிறார்கள் - டி.ராஜேந்தர் ஆவேசம்


    ராம்பிரகாஷ்ராயப்பா இயக்கத்தில் ஜீவா, ஹன்சிகா உள்ளிட்டோர் நடித்திருக்கும் போக்கிரிராஜா படம் மார்ச் 4 ஆம் தேதி வெளியாகிறது. ஆனால் சொன்ன தேதியில் படம் வெளியாகுமா? என்கிற கேள்வி இருந்தது.
    ஏனெனில் இந்தப்படத்தைத் தயாரித்திருக்கும் பி.டி.செல்வகுமாரின் தயாரிப்பில் வெளியான விஜய்யின் புலி படத்தை வாங்கிய விநியோகஸ்தர்களுக்கு நிறைய நட்டம் ஏற்பட்டுவிட்டதாம்.அதனால் அவர்களெல்லாம் ஒன்றுகூடி, எங்கள் நட்டத்துக்குப் பொறுப்பெடுத்துக்கொண்டால் மட்டுமே போக்கிரராஜாவை திரையிட அனுமதிப்போம் என்று சொல்லிவிட்டார்களாம். இதுதொடர்பாக தயாரிப்பாளர்கள் மற்றும் விநியோகஸ்தர்கள் பேச்சுவார்த்தை நடந்திருக்கிறது.
    அந்தப்பேச்சுவார்த்தையின் போது, புலி படத்தால் சுமார் ஆறுகோடிவரை நட்டம் ஏற்பட்டிருப்பதாகவும் அந்தத் தொகைக்கான பொறுப்பை தயாரிப்பாளர்கள் ஏற்றுக்கொண்டால்தான் போக்கிரிராஜாவை வெளியிடுவோம் என்று சொல்லியிருப்பதாகத் தெரிகிறது.

    இது தொடர்பாகக் கடந்த சில நாட்களாக பல கட்டப் பேச்சுவார்த்தைகள் நடந்தன. பேச்சுவார்த்தைகள் சுமுகமாக முடிந்ததாகச் சொல்லப்படுகிறது. இது தொடர்பாக டி.ராஜேந்தர் கூறியதாவது....

    ராம்பிரகாஷ் ராயப்பா இயக்கத்தில் ஜீவா, சிபிராஜ், ஹன்சிகா நடிப்பில் உருவாகியுள்ள போக்கிரி ராஜா படம் மார்ச் 4ம் தேதி ரிலீசாவதில் பிரச்சனை இருந்தது அனைவருக்கும் தெரியும். தற்போது சினிமா இருக்கும் நிலையில் ஒரு படத்தை எடுத்து அதை ரிலீஸ் செய்வது மிக கடினமாக உள்ளது. கலையாக இருந்த சினிமாவை வியாபாரமாக்கி எதை தொட்டாலும் பிரச்சனையாக்கி அதில் குளிர் காய்ந்து கொண்டிருக்கிறார்கள். பி.டி.செல்வகுமார் எனக்கு நல்ல நண்பர் எனக்கு ஒரு பிரச்சனை வரும்போது எனக்கு உறுதுணையாக இருந்து பிரச்சனைகளை தீர்த்து வைத்தார்.

    புலி என்று தலைப்பை வைத்து தமிழ் மீது அவருக்குள்ள பற்றை நான் மிகவும் ரசித்தேன். தயாரிப்பாளர் சங்கத்தில் நேற்று முழுவதும் இருந்து போக்கிரி ராஜா பிரச்சனையை பேசி தீர்த்துவிட்டோம். தயாரிப்பாளர் சங்கத்திலும் படத்தின் ரிலீசுக்காக தலைவர் தாணு, சிவசக்தி பாண்டியன், திருப்பூர் சுப்ரமணியன், டி.சிவா, அருள்பதி மற்றும் பலர் இணைந்து பிரச்சனைகளை சுமூகமாக பேசி தீர்த்து வைத்துள்ளார்கள். போக்கிரி ராஜா திட்டமிட்டப்படி வருகிற மார்ச் 4ம் தேதி வெள்ளிக்கிழமை வெளியாகும் என தெரிவித்துக் கொள்கிறோம்.
    Dane Dane Pe Likha Hai Khane Wale Ka Naam

  8. #2057
    Senior Member Veteran Hubber
    Join Date
    Jul 2008
    Location
    Chennai
    Posts
    184
    Post Thanks / Like








    Megastar Mammootty , who is known for his love towards costly exotic cars, has become the proud owner of brand new Porsche Cayenne S Diesel. It is a mid-size luxury crossover sport utility vehicle


    The 'Pathemari' actor considers "369" as his lucky number and most of his vehicles have "369" in the number plate. Even Mammootty's son Dulquer is a car lover and is also crazy about two-wheelers. He also owns many costly cars and bikes.


    Malayalam-Tamil actor Dulquer Salmaan is now the owner of BMW R1200GS Adventure.


    The actor bought the motorcycle in November. Like his father Mammootty, who is very fond of luxurious cars, Dulquer is also known for his love towards riding bicycles.
    Dane Dane Pe Likha Hai Khane Wale Ka Naam

  9. #2058
    Senior Member Veteran Hubber
    Join Date
    Jul 2008
    Location
    Chennai
    Posts
    184
    Post Thanks / Like
    ஜி.வி.பிரகாஷ் - ஆதிக் இணையும் 'விர்ஜின் மாப்ள'

    ஆதிக் ரவிச்சந்திரன் இயக்கத்தில் ஜி.வி.பிரகாஷ் நடிக்கவிருக்கும் படத்துக்கு 'விர்ஜின் மாப்ள' என்று தலைப்பிட்டு இருக்கிறார்கள்.
    ஆதிக் ரவிச்சந்திரன் இயக்கத்தில் ஜி.வி.பிரகாஷ், ஆனந்தி, மனிஷா யாதவ், சிம்ரன் நடிப்பில் வெளியான படம் 'த்ரிஷா இல்லன்னா நயன்தாரா'. ஜி.வி.பிரகாஷ் இசையமைத்த இப்படத்தை சி.ஜே.ஜெயகுமார் தயாரித்தார். ஸ்டூடியோ க்ரீன் நிறுவனம் இப்படத்தை வெளியிட்டது. செப்டம்பர் 17, 2015ல் வெளியான இப்படத்தை பெரும் சர்ச்சையானலும், வசூலை பெருமளவில் குவித்தது.

    இப்படத்தின் பாடல்கள் 2015ல் அதிக முறை எஃப்.எம்களில் ஒளிபரப்பட்ட பாடல் என்றும் தகவல்கள் வெளியானது.

    தற்போது ஜி.வி.பிரகாஷ் - ஆதிக் ரவிசந்திரன் கூட்டணி மீண்டும் இணைந்து படம் பண்ணத் திட்டமிட்டு இருக்கிறார்கள். இப்படத்தை சீஸ் கார்னர் பிக்சர்ஸ் நிறுவனம் தயாரிக்க இருக்கிறது.
    இப்படத்துக்கு 'விர்ஜின் மாப்ள' என்று தலைப்பிட்டு இருக்கிறார்கள். இப்படத்தில் ஜி.வி.பிரகாஷ் உடன் நடிக்கும் நடிகர், நடிகைகள் தேர்வு மும்முரமாக நடைபெற்று வருகிறது.
    Dane Dane Pe Likha Hai Khane Wale Ka Naam

  10. #2059
    Senior Member Veteran Hubber
    Join Date
    Jul 2008
    Location
    Chennai
    Posts
    184
    Post Thanks / Like
    மிஷ்கின் - விஷால் இணையும் 'துப்பறிவாளன்'

    மிஷ்கின் இயக்கத்தில் விஷால் நடிக்கவிருக்கும் படத்துக்கு 'துப்பறிவாளன்' என்று பெயரிட்டு இருக்கிறார்கள்.
    முத்தையா இயக்கத்தில் விஷால், ஸ்ரீதிவ்யா, சூரி, ஆர்.கே.சுரேஷ் உள்ளிட்ட பலர் நடிப்பில் உருவாகி வரும் படம் 'மருது'. இமான் இசையமைத்து வரும் இப்படத்தை கோபுரம் பிலிம்ஸ் நிறுவனம் தயாரித்து வருகிறது. இப்படத்தின் படப்பிடிப்பு முடிந்து, இறுதிகட்டப் பணிகளை தொடங்கி இருக்கிறார்கள்.

    'மருது' படத்தைத் தொடர்ந்து 'சண்டக்கோழி 2' நடிக்க திட்டமிட்டார். அப்படம் கைவிடப்பட்டதால் மிஷ்கின் இயக்கத்தில் நடிக்க தேதிகள் ஒதுக்கினார் விஷால். இப்படத்தின் முதற்கட்ட பணிகள் துரிதமாக நடைபெற்று வந்தன.
    இப்படத்தின் பூஜை இன்று (மார்ச் 10) விஷால் அலுவலகத்தில் நடைபெற்றது. இப்படத்தில் நாயகனாக நடித்து தயாரிக்க இருக்கிறார் விஷால். இப்படத்துக்கு 'துப்பறிவாளன்' என்று பெயரிட்டு இருக்கிறார்கள்.
    விஷாலுடன் யாரெல்லாம் நடிக்கவிருக்கிறார்கள் என்பதை விரைவில் அறிவிக்க இருக்கிறது படக்குழு.
    Dane Dane Pe Likha Hai Khane Wale Ka Naam

  11. #2060
    Senior Member Veteran Hubber
    Join Date
    Jul 2008
    Location
    Chennai
    Posts
    184
    Post Thanks / Like
    தெறி அட்லீயின் அடுத்த அவதாரம், ஆச்சரியத்தில் திரையுலகம்

    அட்லி இயக்கத்தில் விஜய் நடிப்பில் பெரும் எதிர்பார்ப்புடன் வெளியாகவிருக்கும் படம் தெறி. ராஜாராணி படத்தைத் தொடர்ந்து இரண்டாவது படத்திலேயே விஜய்யை இயக்கிவிட்டார் அட்லி.

    தொடர்ந்து அட்லி ஒரு படம் ஒன்றையும் தயாரிக்கவுள்ளார். புதுமுக இயக்குநர் பழநி இயக்கவிருக்கும் படத்தில் ஜீவா, ஸ்ரீ திவ்யா, சூரி, இளவரசு ஆகியோர் நடிக்கவிருக்கும் படம் “ சங்கிலி புங்கிலி கதவ தொற”. பிரபலமான பாடல் வரிகளே ஜீவா, அட்லி படத்தின் டைட்டில்.

    அட்லியின் தயாரிப்பு நிறுவனமான A For apple தான் இப்படத்தைத் தயாரிக்கிறது. மேலும் அட்லி சிறப்புத் தோற்றத்தில் இப்படத்தில் நடிக்கவிருப்பதாகவும் சொல்லப்படுகிறது.
    இரண்டாவது படமே விஜய் படமாக அமைந்ததால் அட்லீயைப் பார்த்து ஆச்சரியப்பட்ட திரையுலகம், இரண்டாவது படம் வெளியாகும் முன்பே தயாரிப்பாளர் மற்றும் நடிகர் அவதாரம் எடுக்கவிருப்பதை எண்ணி மேலும் ஆச்சரியப்பட்டுக்கொண்டிருக்கிறது.
    Dane Dane Pe Likha Hai Khane Wale Ka Naam

Similar Threads

  1. Karthik Raja (KR) Albums and Latest news
    By Hulkster in forum Current Topics
    Replies: 161
    Last Post: 13th January 2011, 06:58 PM
  2. Latest News & Other Tidbits on AR Rahman (II)
    By NOV in forum A.R. Rahman (ARR) Albums
    Replies: 1486
    Last Post: 2nd September 2009, 08:30 AM
  3. Listen to Latest n Old Tamil Albums Over 2k Here
    By logon2future in forum World Music & Movies
    Replies: 0
    Last Post: 19th February 2007, 10:45 PM
  4. Latest Tamil songs & Videos
    By mottufx in forum Classifieds
    Replies: 0
    Last Post: 3rd August 2005, 02:01 PM
  5. TAMIL LATEST RINGTONES
    By ferrari9845 in forum Classifieds
    Replies: 1
    Last Post: 20th June 2005, 08:55 AM

Bookmarks

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •