Latest News on Tamil Cinema

[balaajee]

ஏ.ஆர்.ரஹ்மான் தயாரிக்கும் '99 சாங்ஸ்' பர்ஸ்ட் லுக் வெளியீடு


முதல் முறையாக தயாரிப்பாளராக அறிமுகமாகும் ஏ.ஆர்.ரஹ்மான் தனது படத்துக்கு '99 சாங்ஸ்' என்று பெயரிட்டுள்ளார்.

இந்திய திரையுலகின் முன்னணி இசையமைப்பாளராக வலம் வரும் ஏ.ஆர்.ரஹ்மான் விரைவில் படம் ஒன்றை தயாரிக்கவிருப்பதாக அறிவித்திருந்தார். அப்படத்தை விஸ்வேஷ் கிருஷ்ணமூர்த்தி இயக்கவிருப்பதாகவும், ஹாய்மேன் பட் மற்றும் டென்சிங் டாலா ஆகியோர் நடிக்கவிருப்பதாகவும் செய்திகள் வெளியாயின.

இப்படத்தை தமிழ் மற்றும் இந்தி என இருமொழிகளிலும் தயாரிப்பது மட்டுமன்றி, இசையமைக்கவும் இருக்கிறார் ஏ.ஆர்.ரஹ்மான். '99 சாங்ஸ்' என்று பெயரிடப்பட்டு இருக்கும் இப்படத்தின் பர்ஸ்ட் லுக் போஸ்டரை ஏ.ஆர். ரஹ்மான் தனது ட்விட்டர் பக்கத்தில் வெளியிட்டார். 2017ம் ஆண்டில் தான் இப்படம் வெளியாகும் என்று போஸ்டரில் குறிப்பிட்டு இருக்கிறார்கள்.

'99 சாங்ஸ்' படத்தின் போஸ்டருக்கு இணையத்தில் பெரும் வரவேற்பு கிடைத்திருக்கிறது. மேலும், பல திரையுலக பிரபலங்கள் ஏ.ஆர்.ரஹ்மானுக்கு தங்களது வாழ்த்துகளைத் தெரிவித்து வருகிறார்கள்.

[balaajee]

முதற்கட்ட பேச்சுவார்த்தையில் 'இம்சை அரசன் 23-ம் புலிகேசி 2'



'இம்சை அரசன் 23ம் புலிகேசி' இரண்டாம் பாகத்திற்கான முதற்கட்ட பேச்சுவார்த்தைகள் மும்முரமாக நடைபெற்று வருகிறது.

சிம்புதேவன் இயக்கத்தில் வடிவேலு, மோனிகா, தேஜஸ்ரீ உள்ளிட்ட பலர் நடிப்பில் வெளியான படம் 'இம்சை அரசன் 23ம் புலிகேசி'. சபேஷ் - முரளி இசையமைத்த இப்படத்தை இயக்குநர் ஷங்கர் தயாரித்தார். 2006ம் ஆண்டு வெளியான இப்படம் விமர்சன ரீதியாகவும், வசூல் ரீதியாகவும் பெரும் வரவேற்பைப் பெற்றது.

தற்போது இப்படத்தின் இரண்டாம் பாகத்திற்கான பேச்சுவார்த்தை மும்முரமாக நடைபெற்று வருகிறது. லைக்கா நிறுவனம் தயாரிப்பில் உருவாகும் '2.0' படத்தை இயக்கி வரும் ஷங்கர், அந்நிறுவனத்துடன் இணைந்து இரண்டாம் பாகத்தை தயாரிக்கலாம் என்று பேச்சுவார்த்தை நடத்தி வருகிறார். வடிவேலு நடிக்க சிம்புதேவனே இயக்க இருக்கிறார்.

இரண்டாம் பாகத்திற்கான முதற்கட்ட பேச்சுவார்த்தைகள் மும்முரமாக நடைபெற்று வருகிறது. விரைவில் ஒப்பந்தம் கையெழுத்தானவுடன் அதிகாரபூர்வமாக அறிவிக்க திட்டமிட்டு இருக்கிறார்கள்.

[balaajee]

'குஷி 2' பணிகளைத் தொடங்கினார் எஸ்.ஜே.சூர்யா


தெலுங்கில் 'குஷி 2' படத்திற்கான முதற்கட்ட பணிகளைத் தொடங்கியிருக்கிறார் இயக்குநர் எஸ்.ஜே.சூர்யா. பாடல் பணிகள் மும்முரமாக நடைபெற்று வருகிறது.
'தெறி' படத்தைத் தொடர்ந்து விஜய் நடிக்கவிருக்கும் படத்தை எஸ்.கே.சூர்யா இயக்கவிருக்கிறார் என்றும், அது 'குஷி 2' என்றும் செய்திகள் வெளியாயின.

பல்வேறு இயக்குநர்கள் விஜய்யை சந்தித்து கதைகள் கூறினர். அக்கதைகளில் இயக்குநர் பரதன் கூறிய கதை மிகவும் பிடித்துவிடவே அப்படத்திற்கு தேதிகள் ஒதுக்கினார் விஜய்.

இந்நிலையில், தெலுங்கில் 'குஷி' படத்தின் ரீமேக்கில் நடித்த பவன் கல்யாணை நாயகனாக வைத்து 'குஷி 2' படத்தை இயக்க திட்டமிட்டு இருக்கிறார் எஸ்.ஜே.சூர்யா. இதற்கான முதற்கட்ட பணிகளான பாடல்கள் உருவாக்கம் மும்முரமாக நடைபெற்று வருகிறது.

பாடலாசிரியர் ராமஜோகியா சாஸ்திரி தனது ஃபேஸ்புக் பக்கத்தில், "எஸ்.ஜே.சூர்யாவுடனும் அனுப் உடனும் பணியாற்றுவதில் ரொம்ப ’குஷி’" என்று குறிப்பிட்டு இருக்கிறார்.
தற்போது 'சர்தார் கப்பர் சிங்' படத்தில் நடித்து வரும் பவன் கல்யாண், அதனைத் தொடர்ந்து எஸ்.ஜே.சூர்யா இயக்கத்தில் நடிப்பார் எனத் தெரிகிறது.

[balaajee]

63-வது தேசிய விருதுகள்: சிறந்த தமிழ்ப் படம் 'விசாரணை', இளையராஜா, சமுத்திரக் கனிக்கு விருதுகள்

இயக்குநர் வெற்றிமாறனின் 'விசாரணை' படத்துக்காக சிறந்த தமிழ்த் திரைப்படத்துக்கான தேசிய விருதை வென்றுள்ளது. சிறந்த பின்னணி இசைக்காக 'தாரை தப்பட்டை' படத்துக்கு இளையராஜாவுக்கு விருது அளித்திருக்கிறார்கள். 63-வது தேசிய திரைப்பட விருதுகள் டெல்லியில் இன்று (திங்கட்கிழமை) அறிவிக்கப்பட்டது.

'விசாரணை' படத்துக்கு 3 விருதுகள்
இதில், 'லாக்கப்' என்ற நாவலை மையமாக வைத்து இயக்குநர் வெற்றிமாறன் இயக்கத்தில் வெளியான 'விசாரணை' படத்துக்கு சிறந்த தமிழ் படத்திற்கான விருதை வென்றுள்ளது. இப்படத்தின் எடிட்டர் கிஷோருக்கு சிறந்த எடிட்டிங்கிற்கான விருது கிடைத்திருக்கிறது. சிறந்த உறுதுணை நடிகருக்கான விருதை சமுத்திரக்கனிக்கு கிடைத்திருக்கிறது.
சிறந்த பின்னணி இசைக்கான விருதை 'தாரை தப்பட்டை' படத்துக்கு இளையராஜாவுக்கு வழங்கப்பட்டு இருக்கிறது. இளையராஜா இசையில் உருவான 1000வது படம் 'தாரை தப்பட்டை' என்பது குறிப்பிடத்தக்கது.

சிறந்த நடிகர் அமிதாப் பச்சன்.. சிறந்த நடிகை கங்கனா ரணவத்
இந்திப் படமான 'பிக்கு' படத்தில் நடித்ததிற்கான சிறந்த நடிகருக்கான தேசிய விருதை அமிதாப் பச்சன் பெறுகிறார். 'தனு வெட்ஸ் மனு ரிட்டன்ஸ்' படத்தில் நடித்த கங்கனா ரணவத்துக்கு சிறந்த நடிகைக்கான தேசிய விருது கிடைத்துள்ளது. கடந்தாண்டும் சிறந்த நடிகைக்கான விருதை 'குயின்' படத்திற்காக வென்றார் கங்கனா என்பது நினைவுக் கூறத்தக்கது.

தேசிய விருதுகள் பட்டியல்
சிறந்த படம்: பாகுபலி
சிறந்த இயக்குநர்: சஞ்சய் லீலா பன்சாலி (பாஜிராவ் மஸ்தானி)
சிறந்த தமிழ்ப் படம்: விசாரணை
சிறந்த நடிகை: கங்கனா ராவத் (தானு வெட்ஸ் மானு, இந்தி)
சிறந்த நடிகர்: அமிதாப் பச்சன் (பிக்கு, இந்தி)
சிறந்த உறுதுணை நடிகர்: சமுத்திரக்கனி (விசாரணை)
சிறந்த உறுதுணை நடிகை: தான்வி ஆஷ்மி (பாஜிராவ் மஸ்தானி, இந்தி)
சிறந்த பாப்புலர் திரைப்படம் - பஜ்ரங்கி பாஜ்யான்
சிறந்த நடன வடிவமைப்பு: ரெமோ டிசோஸா - தீவானி மஸ்தானி என்ற பாடலுக்காக படம் பாஜிரோ மஸ்தானி
சிறந்த இசையமைப்பு: என்னு நிண்டே மொய்தீன் படத்தில் இடம்பெற்ற காத்திருன்னு காத்திருன்னு பாடலுக்காக எம்.ஜெயச்சந்திரன்
சிறந்த ஆடை வடிவமைப்பு: நானக் ஷா ஃபகிர் திரைப்படத்துக்காக வழங்கப்பட்டுள்ளது.
சிறந்த ஒப்பனை: நானக் ஷா ஃபகிர் திரைப்படத்துக்காக வழங்கப்பட்டுள்ளது.
சிறந்த எடிட்டிங்: விசாரணை படத்துக்காக கிஷோர் (மறைவுக்குப் பின்)
சிறந்த திரைக்கதை: பிக்கூ படத்துக்காக ஜூஹி சதுர்வேதி மற்றும் ஹிமான்சு சர்மா
சிறந்த ஒளிப்பதிவு: சுதீப் சாட்டர்ஜி - படம்: பாஜிரா மஸ்தானி
சிறந்த பின்னணி இசை: இளையராஜா (தாரை தப்பட்டை)
சிறந்த பின்னணி பாடகி: மொனாலி தாகூர் - பாடல்: மோ மோ கே தாகே
சிறந்த துணை நடிகை - தன்வி ஆஸ்மி - படம்: பாஜிரா மஸ்தானி
சிறந்த குழந்தைகள் திரைப்படம் - துரந்தோ
சுற்றுச்சூழல் நலன் பேணும் சிறந்த திரைப்படம் - வல்லிய சிறகுள்ள பக்*ஷிகள்
சமூக பிரச்சினைகள் சார்ந்த சிறந்த திரைப்படம் - நிர்ணயகம் nirnayakam
தேசிய ஒறுமைப்பாட்டை பறைச்சாறியதற்காக நர்கீஸ் தட் விருது பெறும் திரைப்படம்: நாநக் ஷா ஃபகிர்
அறிமுக இயக்குநருக்கான இந்திராகாந்தி விருது பெறும் சிறந்த திரைப்படம்: நீரஜ் கியாவன் - படம்: மஸான்
சிறப்பு பரிந்துரை:
ரிங்கு ராஜகுரு - படம்: சாய்ராட்
ஜெயசூர்யா - su su sudhi vathmeekam & lukka chuppi
ரித்திகா சிங் - படம்: இறுதிச் சுற்று
சிறந்த திரைப்படம், சிறப்பு தேர்வு - மொழி வாரியாக:
சிறந்த போடோ மொழிப்படம்: தவ் ஹூதுனி மெத்தாய்
சிறந்த காஷி மொழிப்படம்: ஒனாத்தா
சிறந்த ஹர்யான்வி மொழிப்படம்: சத்ராங்கி
சிறந்த வாஞ்சோ மொழிப்படம்: தி ஹெட் ஹன்டர்
சிறந்த மிசோ மொழிப்படம்: கிமாஸ் லோட் பியாண்ட் தி கிளாஸ்
சிறந்த மணிப்புரி மொழிப்படம்: எய்புசு யோஹன்பியு
சிறந்த மாய்திலி மொழிப்படம்: மிதிலா மக்கான்
சிறந்த சம்ஸ்கிருத மொழிப்படம்: பிரியமானஸம்
சிறந்த தெலுங்கு மொழிப்படம்: காஞ்சி
சிறந்த பஞ்சாபி மொழிப்படம்: சவுதிகூட்
சிறந்த ஒடியா மொழிப்படம்: பஹதா ரா லூஹா
சிறந்த மராட்டிய மொழிப்படம்: ரிங்கன்
சிறந்த மலையாள மொழிப்படம்: பதேமரி
சிறந்த கொங்கனி மொழிப்படம்: எனிமி
சிறந்த கன்னட மொழிப்படம்: தித்தி
சிறந்த இந்தி மொழிப்படம்: தம் லகா கே ஹைசா
சிறந்த வங்காள மொழிப்படம்: சங்காசில்
சிறந்த அசாமி மொழிப்படம்: கோத்தனோடி

[balaajee]

தேசிய விருது கிடைத்திருப்பதை ஆஸ்கர் விருது கிடைத்தது போல் உணர்வதாக ரித்திகா சிங் குறிப்பிட்டு இருக்கிறார்.

63வது தேசிய விருதுகள் இன்று (திங்கட்கிழமை) அறிவிக்கப்பட்டது. 'இறுதிச்சுற்று' படத்தில் நடித்ததிற்காக சிறப்பு தேசிய விருது ரித்திகா சிங்கிற்கு அறிவிக்கப்பட்டு இருக்கிறது.

முதல் படத்திலேயே தேசிய விருது கிடைத்திருப்பது குறித்து ரித்திகா சிங் கூறும்போது, "வார்த்தைகள் இன்றி தவிக்கிறேன். ஆஸ்கர் விருது வென்றிருப்பது போன்று உணர்கிறேன். 'இறுதிச்சுற்று' மொத்த படக்குழுவிற்கும் எனது நன்றியைத் தெரிவித்துக் கொள்கிறேன். முதல் படத்திலேயே இப்படி ஒரு விருது கிடைக்கப் பெறுவது ரொம்ப பெரிய விஷயம். இன்னும் நன்றாக செயல்படுவதற்கான ஒரு ஊக்கமாக கருதுகிறேன்.

இயக்குநர் சுதா மற்றும் மாதவன் குறிப்பாக நன்றி சொல்லியே ஆக வேண்டும். அவர்களின் தொடர்ச்சியான ஆதரவும், என் மீது அவர்கள் வைத்த நம்பிக்கையும் இல்லையென்றால் நான் இந்தளவுக்கு வந்திருக்க மாட்டேன் " என்று தெரிவித்திருக்கிறார்

[interz]

One question always pop in my head after prestigious awards are given. How many of the awarded movie reached out well and made people speak about the movies? Even movie like Kutram Kadithal flopped after receiving several awards. So are the the awards just a console trophy, a symbolic gesture?

This is not personally against any of the award winners, this is just in generel. I want clarity on how much impact this award has.

[uruzalari]

One question always pop in my head after prestigious awards are given. How many of the awarded movie reached out well and made people speak about the movies? Even movie like Kutram Kadithal flopped after receiving several awards. So are the the awards just a console trophy, a symbolic gesture?

This is not personally against any of the award winners, this is just in generel. I want clarity on how much impact this award has.

This is how I see it. Awards and commercial success are two different things. Not necessarily mutually exclusive. It is not a consolation trophy. It is not a catalyst to commercial success either. Kakka Muttai and Visaranai did do well to market the critical recognition to garner interest among the general public.
A pure classical 'Dravid' innings in a Test match might be played before a 30% filled stadium and a baseball type slogfest by a T20 player amidst thunderous applause in the same stadium which is jam packed now. Both are different. Purists will understand the worth of Dravid's innings. Again I am not undermining the T20 player's talent. That is a different ball game and is a fact that Dravid might not be able to pull off such an innings either. Problem is comparing the two. The purpose is different and so should be the way we see and enjoy each.

[balaajee]

Manithan Official Track List ::.

[raagadevan]

Tamil Cinema: Entertainment... and some art, please

-By Baradwaj Rangan; The Hindu, April 9, 2016

"A film need not be 'cerebral' in order to be good cinema. It just needs a good director with a sensibility. So the next question: Why don’t we have enough of those in Tamil cinema? Mainly because most of our 'directors' are essentially screenwriters who also end up directing a movie. There’s nothing to say that the same person cannot do both, but these are different things, and someone who can do the first need not be able to do the second."

http://www.thehindu.com/opinion/colu...e=true&w=ma446

[balaajee]

பிறந்தநாள்னா இப்படிதான்பா கொண்டாடணும்...ராம் கோபால் வர்மா கலர்ஃபுல் பிறந்தநாள் கொண்டாட்டம்..



Prev