KAVICH CHAARAL [ SIVAMAALAA]

[bis_mala]

ஒரு நேரம் புகழின் உச்சியில்...
அடுத்த கணம்,
பழியின் படு பாதாளத்தில்,
பாவம் சாமியார்கள்.
உலகம் பழித்ததை ஒழித்துவிட
வழி கண்டிலார் போலும்!

அந்த வழியைக் கண்டுபிடித்துவிட்டால்
அதுவே உலகின் மிகப் பெரிய கண்டுபிடிப்பு.

பிணியும் சனியும்
சதிகளுமே,
துறந்தாரையும விட்டுவைப்பதில்லை.

[bis_mala]

மழைத்துளிகள் பட்டதனால் மகிழ்வு கொண்டு
மயக்கியெனை ஈர்த்தாடும் மலர்கள் கூவி
அழைத்திசையைப் பாடுகின்ற குயில்கள் ஈடே
அற்றதொரு நடம்புனைந்த மயில்கள் இன்பம்
இழைத்தளிக்கும் இயற்கையென்றன் பக்கம் இன்னும்
என்ன இனி வேண்டுமிவை இருக்கத் தேனைக்
குழைத்தளிக்கும் சுவைக்கோலம் குறையா நாளும்
கொஞ்சுகிளி தத்திவரும் குந்தும் தோளில்.

[pavalamani pragasam]

ஆஹா! அருமை!

[bis_mala]

நன்றி மேடம்!
கவிதையும் புனைகிறீர்கள்
பிற கவிதைத் தூறல்களிலும் நனைகிறீர்கள்!
நீங்கள் ஓர் இரசிகமணி.

[kirukan]

ஒரு நேரம் புகழின் உச்சியில்...
அடுத்த கணம்,
பழியின் படு பாதாளத்தில்,
பாவம் சாமியார்கள்.
உலகம் பழித்ததை ஒழித்துவிட
வழி கண்டிலார் போலும்!

அந்த வழியைக் கண்டுபிடித்துவிட்டால்
அதுவே உலகின் மிகப் பெரிய கண்டுபிடிப்பு.

பிணியும் சனியும்
சதிகளுமே,
துறந்தாரையும விட்டுவைப்பதில்லை.

அருமை!!!

துறந்தாரை துறவாதவர் துரத்தி துறந்தவற்றை
தருவதினால் தொடரும் துயரம்.
-
கிறுக்கன்

[V.Annasamy]

துறவிற்கும் அறமுண்டு என்பதை தூயோர்
மறப்பதில்லை; எவர் தூயவர்? நல்லவர்! சிறந்தவரென
சீர்தூக்கி பார்த்திடல் பாமரரின் கடமை;
கூர்முனை உடலுக்கே ஊறேயாம்.

- வை. அண்ணாசாமி -

[V.Annasamy]

துறவிற்கும் அறமுண்டு என்பதை தூயோர்
மறப்பதில்லை; எவர் தூயவர்? நல்லவர்! சிறந்தவரென
சீர்தூக்கி பார்த்திடல் பாமரரின் கடமை;
கூர்முனை உடலுக்கு ஊறேயாம்.

- வை. அண்ணாசாமி

[pavalamani pragasam]

[bis_mala]

எங்கெங்கு நோக்கினும் துன்ப நேர்ச்சிகள்
இயற்கைப் பேரிடர் எண்ணிலா இன்னல்கள்,
மங்கிடும் கதிரொளி என்றிடும் அறிவியல்
மாநிலம் காப்பவன் தானழித் திடுவன்
இந்தப் பூமியை என்பவர் பற்பலர்!
வருநாள் பான்மை அறியோம் எனினும்
திருநாள் விழாக்கள் எவற்றிலும் மூழ்கி
கிடைத்ததை மதித்துக் கேடற வாழ்வது
படைத்துயர் வெல்லும் பான்மை,
............... கவல்வது மகிழ்ந்திருப் பீரே..

[bis_mala]

துறவிற்கும் அறமுண்டு என்பதை தூயோர்
மறப்பதில்லை; எவர் தூயவர்? நல்லவர்! சிறந்தவரென
சீர்தூக்கி பார்த்திடல் பாமரரின் கடமை;
கூர்முனை உடலுக்கு ஊறேயாம்.

- வை. அண்ணாசாமி

மக்கள் கடமையே மாமுனி யாரென்று
தக்க[படி] தாமறிந்து தாள்பற்றல் --- ஒக்கநின்றார்
தன்மை அறிந்தால் தகுதி வெளிக்காணும்
உண்மை உலகோர் பெற.