Vasanth TV

**aanaa** · 31st January 2009, 06:16 AM

தற்காப்புக்கலை

வசந்த் டி.வி.யில் ஒளிபரப்பாகவிருக்கும் புதிய நிகழ்ச்சி `தற்காப்பு கலைகள்'. இந்த நிகழ்ச்சியில் ஆண்கள், பெண்கள், சிறுவர், சிறுமியர் அனைவரும் தங்களை பாதுகாத்து கொள்ள தேவைப்படும் தற்காப்பு பயிற்சிகள் கற்றுத்தரப்படுகிறது. காவல்துறையில் பணியாற்றும் போலீசாருக்கு குங்பூ பயிற்சி அளித்த குங்பூ மாஸ்டர் சஞ்சீவி பயிற்சியளிக்கிறார்.

நன்றி - தினதந்தி

**Google Adsense** · 31st January 2009 06:16 AM

**aanaa** · 7th February 2009, 06:26 AM

வெற்றிக்கு வழி

வசந்த் டிவியில் வியாழன் தோறும் காலை 10.30 மணிக்கு ஒளிபரப்பாகும் நேரடி நிகழ்ச்சி, வெற்றிக்கு வழி. இந்த நிகழ்ச்சியில் வெற்றி பெற்ற வியாபார பிரமுகர்கள் கலந்து கொண்டு, வெற்றி பெற ஆலோசனை வழங்குகிறார்கள்.

ஒவ்வொரு வாரமும் பல்துறை சார்ந்த வியாபார பிரமுகர்கள் பங்கு பெற்று வருகிறார்கள். ஆரம்ப நிலையில் வியாபாரத்தை எப்படி எடுத்து நடத்திச் செல்ல வேண்டும்; பணத்தை எவ்வாறு கையாள வேண்டும் என பல பயனுள்ள நடைமுறை ஆலோசனைகள், புதிய தொழில், வியாபாரம் முயல்வோருக்கு வழங்கப்படுகின்றன.

உற்பத்தி தொழில், வாங்கி விற்கும் வியாபாரம், சேவை அடிப்படையிலான தொழில் என பிரிக்கப்பட்டு, தனித்தனியாக பிரமுகர்கள், ஆலோசனைகள் வழங்குகிறார்கள்.

நிகழ்ச்சியில் பிரபலங்களை சந்தித்து உரையாடுபவர் ஆர்.கார்த்திக்.

நன்றி: தினதந்தி

**aanaa** · 7th February 2009, 06:27 AM

நீங்கள் கேட்டவை

வசந்த் டிவியில் ஞாயிறுதோறும் காலை 10.30 மணிக்கு ஒளிபரப்பாகி வரும் இசை நிகழ்ச்சி, நீங்கள் கேட்டவை'. சின்னத்திரை ரசிகர்கள் விரும்பிக் கேட்கும் பாடல்கள், மற்றும் நகைச்சுவைக் காட்சிகள் இந்த நிகழ்ச்சியில் ஒளிபரப்பப்படும். இதற்காக ரசிகர்கள் இருக்கும் இடத்திற்கே நேரில் சென்று, அவர்களை நேரில் சந்தித்து உரையாடுகிறார்,வசந்த் டி.வி.யின் தொகுப்பாளினி பத்மப்பிரியா. வி.கார்த்திகேயன் இயக்கும் இந்த நிகழ்ச்சியின் ஒருங்கிணைப்பு வி.பால்ராஜ்.

நன்றி: தினதந்தி

**aanaa** · 7th February 2009, 06:27 AM

வரம் - சுயம்வரம்

வசந்த் டிவி விரைவில் வழங்க விருக்கும் புதிய நேரடி ஒளிபரப்பு நிகழ்ச்சி, `வரம் - சுயம் வரம்.' இந்த நிகழ்ச்சியில் திருமணமாகாத பெண்கள், ஆண்கள், அவர்களின் பெற்றோரும் தொடர்பு கொண்டு பேசலாம்.

நன்றி: தினதந்தி

**aanaa** · 7th February 2009, 06:28 AM

சாப்பிடலாம் வாங்க

வசந்த் டிவியில் 200-வது எபிசோடை நெருங்கும் நிகழ்ச்சி, `சாப்பிடலாம் வாங்க' இன்றைய வேகமான வாழ்க்கை சூழலில் ஆரோக்கிய உணவிற்கு முன்னுரிமை கொடுக்க வேண்டியது மிக மிக அவசியமாகிறது. அந்த ஆரோக்கிய உணவை ருசியாக தயாரிக்க, பெண்களுக்கும், தாய்மார்களுக்கும் கற்றுக் கொடுக்கும் நிகழ்ச்சியே, `சாப்பிடலாம் வாங்க.'

விதவிதமான சுவையான உணவுப் பொருட்களை தயாரிக்கும் விதம் பற்றி, செய்முறை விளக்கத்தோடு விவரிக்கிறார்கள், சமையல் கலையில் வல்லுனர்களான குடும்பத் தலைவிகள்.

வசந்த் டிவியில் திங்கள் முதல் வெள்ளி வரை தினமும் மதியம் 12.30 மணிக்கு ஒளிபரப்பாகிறது இந்த நிகழ்ச்சி.

நன்றி: தினதந்தி

**aanaa** · 15th February 2009, 05:44 AM

குத்துப்பாட்டு!

வசந்த் டிவியில் டான்ஸ் போட்டியை மையமாகக் கொண்ட புதிய நிகழ்ச்சி, `பேட்டராப் ரிப்பீட்டு'. இது குத்து டான்ஸ் ஆடுபவர்களுக்கான போட்டி.

குத்து டான்ஸ் போட்டிக்கு மொத்தம் மூன்று ரவுண்டுகள் உண்டு. முதல் ரவுண்டில் 3 பேர் கலந்து கொள்வார்கள். முதல் ரவுண்டில், தமிழ் குத்துப்பாட்டுக்கு அவர்கள் ஆடி ஜெயிக்க வேண்டும். 2-வது ரவுண்டு வெஸ்டர்ன் மிïசிக்கை அடிப்படையாக கொண்டது. 3-வது ரவுண்ட் `ராப்' பாடல்களுக்கான குத்தாட்ட ரவுண்டு.

மூன்று ரவுண்டுகளையும் தாண்டி வெற்றி பெறுபவர்களுக்கு தமிழ்நாட்டின் குத்தாட்ட ராஜா, தமிழ்நாட்டின் குத்தாட்ட ராணி வெற்றி மகுடங்கள் விருதுடன் வழங்கப்படும்.

டான்ஸ் போட்டியில் கலந்து கொள்ள, வயதோ அனுபவமோ தேவையில்லை என்பது குறிப்பிடத்தக்கது.

நன்றி: தினதந்தி

**aanaa** · 15th February 2009, 05:45 AM

அம்மன்

வசந்த் டிவியில் 125 எபிசோடுகளை தாண்டி ஒளிபரப்பாகி வரும், பக்தி கலந்த சமூகத் தொடர், `அம்மன்.'

அம்மனின் அருளால் கதாநாயகிக்கு ஆண் குழந்தை பிறக்கிறது. மந்திரவாதி கும்பல் அந்த குழந்தையை கண்டுபிடித்து பலிகொடுக்க வேலைக்காரன், வேலைக்காரி வேடத்தில் கதாநாயகி வீட்டுக்கு போகிறார்கள்.

இதற்கிடையில் வேலு குடும்பத்திற்கு ஏற்பட்ட சாபம் குறித்த காட்சிகள் வரும் வாரங்களில் வருகிறது. எதற்காக அந்த குடும்பத்திற்கு சாபம் ஏற்பட்டது? அதற்கு தீர்வு என்ன? விவரங்கள் காட்சியாக விரிகிறது.

திங்கள் முதல் வெள்ளி வரை தினமும் இரவு 7 மணிக்கு வசந்த் டிவியில் அம்மன் தொடரை காணலாம்.

அம்மன் தொடர் பார்த்துவிட்டு நேயர்கள் அனுப்பும் சிறந்த விமர்சன கடிதங்களுக்கு வாரம் ஒரு பட்டுப்புடவையை அம்மன் தொடரின் தயாரிப்பு நிறுவனம் பரிசாக வழங்குகிறது.

நன்றி: தினதந்தி

**aanaa** · 15th February 2009, 05:45 AM

தேனருவி'

நெஞ்சை அள்ளும் பழைய திரைப்படப் பாடல்கள் `தேனருவி' என்ற பெயரில் வசந்த் டிவியில் ஒளிபரப்பாகிறது.

இந்த நிகழ்ச்சியில் எம்.ஜி.ஆர், சிவாஜிகணேசன், எஸ்.எஸ்.ராஜேந்திரன், ஜெமினி கணேசன், முத்துராமன், ஏவி.எம்.ராஜன், ஜெய்சங்கர், ரவிச்சந்திரன் போன்ற `எவர்கிரீன்' ஹீரோக்கள் நடித்த படங்களிலிருந்து தேன் சிந்தும் பாடல்கள் ஒளிபரப்பாகின்றன.

தினமும் இரவு 10.30 மணி முதல் 12 மணி வரையிலும், காலை 9.30 மணிக்கும் இது ஒளிபரப்பாகிறது.நிகழ்ச்சி தயாரிப்பு: எஸ்.ஏ.விஜயகுமார்.

நன்றி: தினதந்தி

**aanaa** · 22nd February 2009, 04:10 AM

ஸ்டார் ஹிட்ஸ்
பிரபல கதாநாயகர்கள் நடித்த படப் பாடல்கள் இடம் பெறும் நிகழ்ச்சி `ஸ்டார் ஹிட்ஸ்.' இதில் கமலஹாசன், ரஜினிகாந்த், அஜித், விக்ரம், விஜய், பிரசாந்த், மாதவன், சூர்யா, தனுஷ், சிம்பு, ஜெயம் ரவி என ஹீரோக்கள் நடித்த படப் பாடல்கள் ஒளிபரப்பப்படுகின்றன.

திங்கள் முதல் வெள்ளி வரை தினமும் இரவு 7.30 மணிக்கு வசந்த் டிவியில் இந்த நிகழ்ச்சி ஒளிபரப்பாகிறது.

நன்றி: தினதந்தி

**aanaa** · 22nd February 2009, 04:10 AM

வி.ஐ.பி. வீட்டு விழாக்கள்

வசந்த் டி.வி.யில் ஞாயிறு தோறும் மதியம் 12 மணிக்கு ஒளிபரப்பாகிவரும் நிகழ்ச்சி `வி.ஐ.பி.' வீட்டு விழாக்கள். இந்த நிகழ்ச்சியில் வி.ஐ.பி.க்களின் வீட்டில் கொண்டாடப்படும் பிறந்தநாள் விழா, திருமண விழா கொண்டாட்டங்கள் போன்ற முக்கிய நிகழ்வுகள் ஒளிபரப்பப்படுகின்றன.

நன்றி: தினதந்தி