TV tid bits

**aanaa** · 17th January 2009, 09:42 PM

இப்படியும்...

ஏழு வருட போராட்டத்திற்கு பின் பிரபல டிவியில் சீரியலுக்கு ஸ்லாட் வாங்கியவர் `நாட்டியப் பேரொளி' பெயர் கொண்ட பெண் தயாரிப்பாளர். அதில் கதாநாயகியாக நடிக்க ரம்யமான நடிகையை அவரே விரும்பி அழைத்து வந்தார். நடிகை அப்போது பெரியதிரையில் இருந்து ஒய்வு பெற்றிருந்தார். `சின்னத்திரையில் முதன்முதலாக' என்ற அடைமொழியுடன் நடிக்க வந்தார். அப்படி வந்ததும்வராததுமாக தனது தங்கையையும் தயாரிப்பாளரின் மகளையும் தயாரிப்பாளராக்க கேட்டுக் கொண்டார். அதுவும் நடந்தது.

இங்குதான் வினை ஆரம்பித்தது. தயாரிப்பாளர் என்ற முறையில் கதையிலும், மற்ற நடிகர்களின் காட்சியிலும் கத்திரி போட வலியுறுத்தினார், நடிகை. இதற்கிடையே தனக்கேயுரிய அனுபவத்தில் நூற்று ஐம்பது எபிசோடுகளைக் கடந்து சீரியலை மக்கள் மனதில் இடம்பிடிக்க வைத்தார், தயாரிப்பாளர்.

சீரியல் வளர்ச்சியில் தயாரிப்பாளர் இப்படி கவனமாக இருந்த நேரத்தில் மொத்த டீமையும் தனதாக்கிக் கொண்டு விட்டார், ரம்யம். நடிகையின் பேராசைக்கு தன் உழைப்பும் விரயமானதில் நொந்து போனார், தயாரிப்பாளர். சீனியர் தயாரிப்பாளருக்கே இப்படி ஒரு நிலையா என்று சின்னத்திரை வட்டாரம் அதிர்ச்சியடித்து கிடக்கிறது.

நடிக்க அழைப்பின்றி வீட்டில் இருந்த நடிகையை சீரியலுக்கு அழைத்து வந்த தயாரிப்பாளருக்கு நாமம்! என்னன்னு சொல்றது!

thanks - dailythanthi

**Google Adsense** · 17th January 2009 09:42 PM

**aanaa** · 17th January 2009, 09:49 PM

**aanaa** · 24th January 2009, 09:40 PM

அழைப்புக்கு மரியாதை

எந்தவொரு நிகழ்ச்சிக்கும் தலைமை விருந்தினராக கலந்து கொள்ள அழைத்தால் அன்புடன் மறுத்து விடுகிறார்கள், சின்னத்திரை நட்சத்திரங்கள். அதே நேரம் நிகழ்ச்சி தொகுப்பாளர் பொறுப்புக்கு அழைத்தால் அப்போதே சம்மதம் தெரிவித்து விடுகிறார்கள்.

இதில் ரகசியம் எதுவும் இல்லை. தலைமை விருந்தினராக அழைக்கப்படுகிறவர்களுக்கு சம்பளம் எதுவும் கிடையாது. ஆனால் நிகழ்ச்சிப் பொறுப்பாளருக்கு கணிசமான சம்பளம் உண்டு.

நன்றி -- தினதந்தி

**aanaa** · 24th January 2009, 09:53 PM

புதிய சங்கம்

சமீபத்தில் தென்னிந்திய துணை நடிகர்களுக்கென ஒரு புதிய சங்கம் தொடங்கப்பட்டது. சென்னை வடபழனியில் உள்ள கோல்டன் திருமண மண்டபத்தில் நடந்த இந்த தொடக்க விழாவில் சின்னத்திரை கலைஞர்களின் கூட்டமைப்பு தலைவர் விடுதலை கலந்து கொண்டு சங்கத்தை தொடங்கி வைத்தார். சின்னத்திரை நடிகர்கள் சங்கத்தலைவர் எஸ்.என்.வசந்த், பொதுச்செயலாளர் சிவன் சீனிவாசன் உள்ளிட்ட பிரபலங்கள் கலந்துகொண்டு புதிய சங்க நிர்வாகிகளை வாழ்த்தி பேசினார்கள்.

நன்றி -- தினதந்தி

**aanaa** · 24th January 2009, 09:54 PM

சின்னத்திரை... பெரிய வியாபாரம்

சின்னத்திரை வட்டாரங்களில் ஒசையில்லாமல் இன்னொரு தொழிலும் லாபகரமாக நடந்து வருகிறது. வளர்ந்து விட்ட நடிகைகள் பலரும் ரியல்எஸ்டேட் பிசினசிலும் பிசியாக இருக்கிறார்கள். இதற்காக தாங்கள் நடிக்கும் செட்டுக்கே சம்பந்தப்பட்டவர்களை வரச்சொல்லிவிடுகிறார்கள். இதனால் பல செட்களில் பல நடிக்காத முகங்களையும் பார்க்க முடிகிறது.

இந்த வியாபார புள்ளிகளை நடிகைகள் `தங்கள் உறவினர்கள். நடிப்பதை பார்க்க வந்திருக்கிறார்கள்' என்று தயாரிப்பு தரப்பிடம் சொல்லி சமாளித்து விடுகிறார்கள்.

இதுவிஷயத்தில் மூன்று முன்னணி நடிகைகள் இப்போது அடுத்த கட்டம் போயிருக்கிறார்கள். இவர்களில் சிலர் இன்சூரன்சு கம்பெனிகளில் கவுரவ ஒருங்கிணைப்பாளர்களாக இருக்கிறார்கள். இதனால் இவர்கள் நடிக்கும் செட்டுக்கு இன்சூரன்சு அதிகாரிகள் வந்துவிடுகிறார்கள். படப் பிடிப்பு இடைவேளைகளில் அதுவரை இன்சூரன்சு எடுக்காத நடிகைகளிடம் கவரும் விதத்தில் பேசி அங்கேயே அவர்களை இன்சூரன்சு எடுக்க வைத்துவிடுகிறார்கள்.

ஆனால் இதையெல்லாம் முதலில் தற்செயலாக நடப்பதுபோல் நடத்திக் கொண்டிருந்தார்கள். இப்போது எல்லாருக்கும் தெரிந்த கதை என்றளவில் சர்வ சாதாரணமாகிவிட்டது. இன்சூரன்சு நிறுவனங்கள் தங்கள் தொழிலுக்கு ஒத்துழைப்பு நல்கும் நடிகைகளுக்கு மறக்காமல் உரிய கமிஷனை கொடுத்துவிடுகிறது. இரண்டு சின்னத்திரை முன்னணி நடிகைள் இப்போது வலம் வந்துகொண்டிருக்கும் புதிய கார்கள் கூட இந்த நிறுவனங்கள் கொடுத்தவை தான்.

நன்றி -- தினதந்தி

**aanaa** · 31st January 2009, 06:30 AM

நாங்களும்...

டைரக்டர் திருமுருகன், சமுத்திரக்கனியைத் தொடர்ந்து சில சீரியல் இயக்குனர்களுக்குள்ளும் `சினிமா டைரக்டர் ஆகும் கனவு' இருந்து கொண்டிருக்கிறது. சமுத்திரக்கனி இயக்கும் நாடோடிகள் படம் வெற்றிபெற்றால் சினிமாவுக்கு வரும் நோக்கத்தில் உள்ள இந்த இயக்குனர்கள் சினிமா பிரவேசத்துக்கான தங்கள் முயற்சியில் மும்முரமாகி விடுவார்கள்.

நன்றி - தினதந்தி

**aanaa** · 31st January 2009, 06:30 AM

உறவுக்காரர்கள்

சின்னத்திரையில் நடிகை ஆர்த்தி நடிக்க முடியாத கேரக்டர்களில் கிட்டத்தட்ட அவரைப்போலவே தோற்றத்தில் காணப்படும் ஆஷாவை நடிக்கவைத்து விடுகிறார்கள். இவரும் ஆர்த்தியைப் போலவே மலையாளக் கரையில் இருந்து வந்தவர் என்பது இவர்களுக்குள்ளான ஒற்றுமை. அதிலும் ஆஷா ஒருபடி மேலேபோய் "நாங்கள் உறவுக்காரர்கள்'' என்கிறார்.

நன்றி - தினதந்தி

**aanaa** · 31st January 2009, 06:31 AM

ஆளை விடுங்க!

நடிகர் பாண்டியராஜனிடம் "சின்னத்திரையிலும் நடிப்பீர்களா?'' என்று கேட்டால், "சீரியல் என்றாலே எனக்குஅலர்ஜி. ஆளை விடுங்க'' என்கிறார். அதற்கு காரணமும் சொல்கிறார்: "நான் டிவியில் ஒளிபரப்ப 7 வாரத்தொடர் ஒன்றை இயக்கிக் கொடுத்தேன். என்ன காரணத்தினாலோ அதை ஒளிபரப்பாமல் இருந்து விட்டார்கள். அப்போது முதலே சின்னத்திரை சீரியல்கள் என்றால் அலர்ஜியாகி விட்டது.''

நன்றி - தினதந்தி

**aanaa** · 31st January 2009, 06:31 AM

முதலில் சீரியல்

சென்னை-600028, சரோஜா படங்களை இயக்கிய டைரக்டர் வெங்கட்பிரபு, நடிப்பையும் தொடர்ந்து வருகிறார். இவர் முதலில் நடிக்கத் தொடங்கியது சின்னத்திரையில் தான். இவர் நடித்த டிவி தொடர் ஒரு சேனலில் 13 வாரத்தொடராக ஒளிபரப்பும் ஆனது. இதில் ஆச்சரியம், அந்தத் தொடரை இயக்கியது இவரது தந்தையும் இசையமைப்பாளருமான கங்கை அமரன் தான்.

நன்றி - தினதந்தி

**aanaa** · 1st February 2009, 06:51 AM

விரைவில் மணம் முடிக்கும் நடிகர்!
'ஆனந்தம்', திருமதி செல்வம்', 'மானாடா மயிலாடா' என்று பிசியாக இருக்கும் சஞ்ஜீவ் விரைவில் திருமணம் செய்து கொள்ளவிருக்கிறார் என்பதுதான் இப்போதைய சின்னத்திரை வட்டார செய்தியாகும்.

சஞ்ஜீவ்க்கும் நடிகை ப்ரீத்திக்கும் விரைவில் திருமணம் நடைபெறவிருக்கிறது. வருகிற மார்ச் மாதம் நடைபெறவிருக்கும் இவர்களது திருமணத்திற்கும் அட்வான்ஸ் வாழ்த்துக்கள்.