Nadigar Thilagam Sivaji Ganesan Part 9

**vasudevan31355** · 18th November 2011, 03:40 PM

நம் ரத்தத்தை உறைய வைத்த 'சிவந்தமண்' ஹெலிகாப்டர் காட்சிகள்.

அன்பு பம்மலார் அவர்கள் பதிவிட்ட அரிய ஆவணமான "சிவந்த மண்" படப்பிடிப்பு கட்டுரையில் இடம் பெற்ற (பொம்மை இதழ்) அற்புத நிகழ்வுகளையும்,நடிகர் திலகத்தின் அற்புத கண்கொள்ளா போஸ்களில் ஜொலிக்கும் "அன்று சிந்திய ரத்தம்"வீர வசனக் காட்சிகளையும், நடிகர் திலகத்தின் தலையை சில அங்குல இடைவெளிகளில் ஹெலிகாப்டர் உரசியவாறு செல்லும் மயிர்கூச்செறியச் செய்யும் காட்சிகளையும் இப்போது ஒலி- ஒளி வடிவில் கண்டு மெய்சிலிர்க்கலாம். (பம்மலார் அவர்களுக்கு இந்த சீன் மிக மிகப் பிடிக்கும் என்பதால் அவருக்காக இந்த ஸ்பெஷல் வீடியோக் காட்சி).

அன்புடன்,
வாசுதேவன்.

**Google Adsense** · 18th November 2011 03:40 PM

**KCSHEKAR** · 18th November 2011, 03:42 PM

**vasudevan31355** · 18th November 2011, 04:10 PM

டியர் சந்திரசேகரன் சார்,

திருவள்ளூர் மாவட்ட நடிகர் திலக சமூகநலப் பேரவை சார்பாக 20-11-2011 அன்று அயப்பாக்கத்தில் நடைபெறவுள்ள நிழற்குடை திறப்பு விழா இனிதே சிறப்பாக நடக்க என் உளமார்ந்த வாழ்த்துக்கள். வளர்க உங்கள் நற்பணி.

அன்புடன்,
வாசுதேவன்.

**mr_karthik** · 18th November 2011, 04:27 PM

வாசுதேவன் சார்,

இன்று காலை நமது பம்மலார் அளித்திருந்த சிவந்த மண் படப்பிடிப்பின் பொம்மை கவரேஜ் பார்த்ததும், இன்று அலுவலகத்திலிருந்து வீடு சென்றதும் முதல் வேலையாக இப்படத்தின் டிவிடி-யில் இக்காட்சியைப் பார்த்தே ஆக வேண்டும் என்று நினைத்திருக்க, நீங்களோ அக்காட்சியை உடனே திரியில் பதித்து விருந்து படைத்து விட்டீர்கள். என்ன ஒரு தீர்க்கதரிசனம் மற்றும் சுறுசுறுப்பு. உங்கள் சிறப்பான தொண்டுக்கு வாழ்த்துக்கள்.

முரளி சார்,

பார் மகளே பார் படத்தின் உணர்ச்சி மிக்க ஒரு கட்டத்தை விவரித்து அசத்தி விட்டீர்கள். மிக்க நன்றி (அந்தப்பாடலையும் வீட்டுக்குப்போனதும் பார்க்க வேண்டும்).

சந்திரசேகர் சார்,

தங்கள் தலைமையிலான நடிகர்திலகம் சமூக நலப்பேரவை, சத்தமில்லாமல், பிரதியுபகாரம் பார்க்காமல் சமூக நலப்பணிகளைத் தொடர்ந்து கொண்டிருப்பது மகிழ்ச்சியையும், மன நிறைவையும் தருகிறது.

நிழற்குடை திறப்பு விழா மிகச்சிறப்பாக நடந்தேற வாழ்த்துக்கள்.

**vasudevan31355** · 18th November 2011, 04:29 PM

'படிக்காதவன்' படத்தில் நம் 'படிக்காத மேதை' (11-11-1985)

அன்புடன்,
வாசுதேவன்.

**vasudevan31355** · 18th November 2011, 04:57 PM

டியர் கார்த்திக் சார்,

தங்கள் உன்னதமான பாராட்டுக்கு நன்றி.

நம் எல்லோரது மனதிலும் ஒரே எண்ணங்கள்...ஒரே சிந்தனைகள்...எல்லாம் மனம் போலவே அவருடைய ஆசிகளினால் நடக்கிறது. ஒருவரை ஒருவர் பார்க்க முடியாமல் தொலைவில் ஆங்காங்கு இருக்கிறோமே என்ற ஒரு குறையைத் தவிர மனதால் அவர் மூலம் ஒன்றுபட்டுள்ளதை நினைக்கும் போது நெஞ்சம் ஆனந்தத்தால் நிறைகிறது. நன்றிகள் சார்.

அன்புடன்,
வாசுதேவன்.

**Murali Srinivas** · 18th November 2011, 04:58 PM

சந்திரசேகர் சார்,

மிகுந்த பாராட்டுக்குரிய உங்கள் முயற்சி முழு வெற்றி பெற எனது வாழ்த்துகள். சமூக நலம் சார்ந்த உங்களின் முயற்சிகள் அனைத்தும் வெற்றி பெற வாழ்த்துகிறேன்.

டிவிடி சேகரிப்பாளர்கள் கவனத்திற்கு,

இது வரை சிடியில் மட்டுமே கிடைத்துக் கொண்டிருந்த குங்குமம் திரைக் காவியம் இப்போது டிவிடியாக வெளி வந்துள்ளது. விறபனை அமோகம். இதை தவிர, நடிகர் திலகத்தின் சொந்தப் படங்களான ரத்த பாசம், வா கண்ணா வா மற்றும் பாலாஜியின் தயாரிப்புகளான தீர்ப்பு, பந்தம், குடும்பம் ஒரு கோவில் ஆகிய படங்கள் டிவிடி வடிவில் வெளியாகியிருக்கின்றன.

அன்புடன்

**vasudevan31355** · 18th November 2011, 05:25 PM

அன்பு முரளி சார்,

நடிகர் திலகத்தின் படங்களின் நெடுந்தகடுகள் விற்பனைக்கு வந்துள்ள விவரங்களை அளித்ததற்கு நன்றி.

பார் மகளே பார் பாடலில் இரு வரிகளில் நடிகர் திலகத்தின் நடிப்பை அற்புதமாக சொல்லியிருந்தீர்கள். மிகவும் ரசித்தேன். நன்றி. Nov சார் ரசனைக்கும் என் பாராட்டுக்கள்.

அன்புடன்,
வாசுதேவன்.

**RAGHAVENDRA** · 18th November 2011, 06:31 PM

நடிகர் திலகம் சிவாஜி பிறந்த நாள் விழாவை முன்னிட்டு அயப்பாக்கம் பேருந்து நிறுத்த நிழற்குடை திறப்பு விழா சிறப்புற நடைபெற உளமார்ந்த நல்வாழ்த்துக்கள். இதற்காக உழைத்த திரு அம்பத்தூர் வெங்கடேசன் அவர்களுக்கும் சந்திரசேகர் அவர்களுக்கும் பாராட்டுக்கள்.