-
20th January 2015, 09:27 AM
#1421
Senior Member
Platinum Hubber
நெனப்புமட்டும் குமரின்னு கும்மாளமா
குத்துது குடையுது குறுக்கும் மூட்டும்
பத்து நாள் மகன்கள் வீட்டில் கூடியாடி
இப்பாடு என்றால் அக்கரை போவதெப்படி
அமெரிக்க மகளுடன் குலவுவதெப்படி
மனம் குதித்தாலும் கடுப்பு என்னுடம்பு
Eager to watch the trends of the world & to nurture in the youth who carry the future world on their shoulders a right sense of values.
-
20th January 2015 09:27 AM
# ADS
Circuit advertisement
-
21st January 2015, 06:09 PM
#1422
Senior Member
Senior Hubber
என்னுடம்பு என்னழகு என்றெல்லாம் தான்நினைத்து
..மென்னுடம்பை புண்ணாக்கல் நியாயமா - அடி
என்கனவை நீகரைக்க லாகுமா
வெண்ணிலவு மிகவளர்ந்து முழுநிலவாய் ஆவதுவும்
.வேகமாகத் தேய்வதுவும் இயற்கையே - சகி
பெண்ணிலவு நீமறக்க லாகுமா
சொன்னதுயார் செயற்கையிலே அழகெல்லாம் மிளிருமென
..சொல்லிவிடு என்னினிய பைங்கிளி - பின்
மின்னலெனக் கேட்டிடுவேன் அவரையே..
வண்ணமிகு இதழைவிட மழைத்துளியாய் தாமரையில்
..வக்கணைகள் செய்யுமிதழ் பிடிக்குமே - சகி
அன்னநடைப் பெண்ணுனக்குத் தெரியுமே!
-
21st January 2015, 08:13 PM
#1423
Senior Member
Platinum Hubber
தெரியுமே தெள்ளத்தெளிவாய்
சமுதாயத்தின் மேடுபள்ளங்கள்
அலமாரி நிறைக்கும் சேலைகள்
இரண்டாம் முறை உடுத்த அலுப்பவை
மாற்றுத் துணியில்லா அபலைகள்
ஜனநாயகத்தின் கொடிய அவலங்கள்
Eager to watch the trends of the world & to nurture in the youth who carry the future world on their shoulders a right sense of values.
-
21st January 2015, 10:59 PM
#1424
Senior Member
Senior Hubber
அவலங்கள் எல்லாமே அடியோடுதான்
..அவனியிலே எப்போதும் ஒழிந்திட வேண்டும்
புவனமிது பூலோகம் சொர்க்க மென்றே
…புவியதுவும் சீக்கிரமாய் மாறவேண்டும்
அவதிமிகும் கொடியநோய்ப் பேய்களெல்லாம்
…ஆர்ப்பட்ட மிட்டலறி ஓட வேண்டும்
நவதான்யம் மற்றுபல செல்வமெல்லாம்
..நரருக்கு அருள்புரிவாய் சக்தி யம்மா
-
22nd January 2015, 08:11 AM
#1425
Senior Member
Platinum Hubber
சக்தியம்மா ஊறுதம்மா
உச்சி முதல் பாதம் வரை
பிடித்த வேலைகள் இப்போது
பிடித்த சந்திப்புக்கள் இன்று
சவாலான சாதனைகள் பல
இருக்க தினமும் நல்ல நாள்
Eager to watch the trends of the world & to nurture in the youth who carry the future world on their shoulders a right sense of values.
-
Post Thanks / Like - 0 Thanks, 1 Likes
-
22nd January 2015, 08:33 AM
#1426
Senior Member
Senior Hubber
நல்லநாள் பார்த்திடவா என்று கேட்டால்
…நானென்ன சொல்லிடுவேன் அப்பா உங்கள்
வல்லமை நானறிவேன் வெளியு லகத்தில்
…வாகான தொடர்புகளும் தெரியு மென்றால்
பலமென நீர்நினைக்கும் விஷய மெல்லாம்
…பணத்தோடு சேர்ந்திருக்கும் படிப்பு என்றும்
அழகுடன் இருக்கின்ற மனமும் சேர்ந்த
..அற்புதமாம் நண்பனெனப் பார்ப்பீர் நீரே..
-
22nd January 2015, 07:00 PM
#1427
Senior Member
Platinum Hubber
நீரே பகுத்தறிய வேண்டும்
நேரே மேலே கீழே உள்ளே
பரந்த மனதுடன் பார்ப்பீர்
யானை தடவிய குருடன்
ஓர் அரைகுறை அறிவாளி
தேவை நமக்கு முழுமதி
Eager to watch the trends of the world & to nurture in the youth who carry the future world on their shoulders a right sense of values.
-
22nd January 2015, 08:34 PM
#1428
Senior Member
Senior Hubber
முழுமதி சிரிக்கும் நேரம்
…மூக்கிலே நகையும் மின்ன
சிலுசிலுக் காற்றும் மேனி
;...சிலிர்த்திட வைத்து உன்னைத்
தழுவிட நீயும் கொஞ்சம்
..தள்ளியே நின்று கொண்டே
குலுங்கிடச் சிரிப்ப தென்ன
..கூறிடு உண்மை தன்னை
காற்றினில் கலையும் கேசம்
..காரணம் தெரியும் அன்பே
கூற்றுவன் போலக் கண்கள்
.குட்டியாய் முகத்தில் தாடி
தீற்றலாய் நெற்றி வேர்வை
..திரிந்துதான் கன்னம் வீழ
சீற்றமும் கொண்ட வில்லன்
…சீரிய தோற்றம் கண்டேன்..
-
23rd January 2015, 08:52 AM
#1429
Senior Member
Platinum Hubber
கண்டேன் மோடி மஸ்தான் வேலையென
அமெரிக்காவில் என் சுற்றம் நகைப்பதிலே
ஐபோன் ஐபாட் லாப்டாப் ஏதேனும் வேணுமா
ஒபாமாகிட்ட குடுத்தனுப்புறேன் என்கிறாள்
என் மகள் அங்கிருக்கும் தங்கை மகளிடம்
அவரிடம் பக்கோடா முறுக்கு வாங்கிவர
சொல்லியிருக்கேன் உனக்கென்ன வேணும்
என வினவ கோகோ மிட்டாய் தேன் மிட்டாய்
அவள் பதில் வருகிறது சும்மா பேசிவிட்டு
போகிறவர் செய்யட்டும் இதை என வாதம்
பிளேன் காலியாய் இருக்கும் நானும் போறேன்
அவருக்கு ஆலோசகராய் என்கிறார் மாப்பிள்ளை
Eager to watch the trends of the world & to nurture in the youth who carry the future world on their shoulders a right sense of values.
-
24th January 2015, 02:39 AM
#1430
Senior Member
Senior Hubber
மாப்பிள்ளை இவரென்று தந்தை சொல்ல
.மணப்பெண்ணும் தலையாட்டும் காலம் போச்சு
வாய்ப்பில்லை இன்றிருக்கும் சூழல் முன்னர்
..வஞ்சியர்கள் தானெழுப்பும் கேள்வி முன்னே
ஆய்ந்தீரா யாரென்று அப்பா பின்னும்
..அவருடைய படிப்பென்ன மாதம் என்ன
ஏய்ப்பாரா என்றெல்லாம் பல்வி தமாக
..ஏந்திழையர் கேட்கின்றார் இக்கா லத்தில்.
Bookmarks