kavidhaikku kavidhai matrum Pattuku pattu-2

[pavalamani pragasam]

(நம்ப முடியாமல் ஆனந்தத்தில் திக்குமுக்காடுகிறேன்! தேன்கூடாகிவிட்டதா இத்திரி? தேனீக்களின் ரீங்காரமாய் இருக்கிறதே!)

நாள் முழுவதும் நாடு
நேற்று கிடந்தது மூழ்கி
முட்டாள் பெட்டியின் முன்
ஆறாம் முறை வென்றோம்
அண்டை நாட்டுக்காரனை
நிம்மதியாய் தூங்கினோம்
நினைக்க மறந்தோம்
பாதையோரம் பரிதாபமாய்
வெற்றிக்கோப்பையுடன்
வண்டி வாகனம் வராதாவென
நிற்கும் கபடி வீரர்களை
இன்று முகநூல் காட்டி
இடித்தது குமட்டினிலே
செய்தியறிந்து வெட்கினேன்

[chinnakkannan]

வெட்கினேன் முதலில் உந்தன்
…விரல்நுனித் தீண்டல் போது
உள்மனம் மாற்றங் கொண்டு
…உணர்வினில் தயங்கி அங்கே
குட்டியாய்ச் சிறகு ஒன்று
…;குளிர்ச்சியாய் எந்தன் தோளில்
கிட்டினாற் போன்ற தன்மை
…கிளர்ச்சியும் வந்த தேடா!

[pavalamani pragasam]

வந்ததேடா புது வசந்தம்
இனிய இளவேனிற்காலம்
கொடிய பனி தொலைந்து
வாட்டும் வாடை ஒழிந்து
சுகமாய் இருக்குது ரசித்திடு
காத்திருக்கு கடும் வெயில்

[Russellhni]

கடும் வெயிலில் காய்ந்த பட்ட மரத்தடியில்
சுடும் வெட்ட வெளியில் சோர்ந்திருந்த வேளையில்
எடும் அந்த இளநீர் எங்கே என் அரிவாள் என்றார்
திடும் என போட்டார் என் தலையில் சரிந்தேன் உன் வயிற்றில்

[chinnakkannan]

//முரளி.. புரியலை//

[kalnayak]

//சி.க. அது அந்த இளநீரின் புலம்பல்.*

[chinnakkannan]

வயிற்றினில் இட்ட உதைகள்
..வலியிலை இன்ப மாச்சு
பயின்றிடும் பருவம் வந்த
..போதினில் நீயும் அன்று
துயிலிலே காலால் எத்தி
..சோம்பலாய்த் தூங்கி இன்றோ
வெயிலென வார்த்தை யாலே
..உதைக்கிறாய் வலிக்க லாச்சே..

[chinnakkannan]

வாவ்.. முரளி.. நான் அப்படி யோசிக்கலை.. தாங்க்ஸ் அப்புறம் டிஸ்கஷன்ஸ்க்கு தனி த்ரெட் இருக்கு..அங்க டிஸ்கஸ் பண்ணலாம்..

[pavalamani pragasam]

வலிக்கலாச்சே கையும் காலும்
கண்ணிப்போச்சே கன்னமிரண்டும்
விட்டுப்போச்சே குறுக்கெலும்பும்
சிவந்துபோச்சே தூங்காத கண்ணும்
அம்மம்மா அன்றவன் காதல் மோகம்
இன்றோ அவனிடம் மிருக மூர்க்கம்

[chinnakkannan]

மூர்க்கத்தை எப்போது காட்ட வேண்டும்
…முரடாக நடக்கின்ற தீய நண்பர்
சேர்ந்தேதான் விட்டாலும் வெட்டிப் பேசி
…செயலிழக்க வைத்துவிட வேண்டும் நட்பை
தேர்ந்துதான் யோசித்தே கொள்ள வேண்டும்
..தீயவைகள் எதிர்ப்பதற்கு மட்டும் மட்டும்
வேர்விட்டு வளர்த்துவிடக் கூடா தன்றோ
.வெண்நெஞ்சம் போதுமன்றோ மனித வாழ்வில்