மறு வெளியீ்டிலும் நடிகர் திலகத்தின் திரைப்படங்கள் படைக்கும் சாதனைகள் சொல்லி மாளாது. சமனும் கிடையாது. கர்ணன் திரைப்படம் படைத்துள்ள சாதனை முறியடிக்க முடியாததாக விளங்குகிறது. மறு வெளியீட்டில் - அது நவீன மயமாக்கலானாலும் சரி, அல்லது பழைய வடிவமானாலும் சரி, திரையிட்ட இடமெல்லாம் திருவிழாக் கோலம் காணும் வகையில் நடிகர் திலகத்தின் படங்கள் விநியோகஸ்தர்களுக்கு லாபம் ஈட்டித் தரும் வகையில் வெற்றி நடைபோடுகின்றன. இதை நமது மெயின் திரியில் போடும் போது மற்ற விவாதங்களுக்கிடையில் இடம் பெற்று விடுவதால் படிக்கும் போது சற்று தேட வேண்டிய தேவை ஏற்படுகின்றது.
இதைத் தவிர்க்கும் வகையிலும் எளிதில் மறு வெளியீட்டுத் தகவல்களைத் தெரிந்து கொள்ள உதவும் வகையிலும் இத்திரியை நாம் பயன் படுத்திக் கொள்ளலாமே என்கிற எண்ணத்தின் உந்துதலே இத்தலைப்பு.
நண்பர்கள் நடிகர் திலகத்தின் திரைப்படங்களின் மறு வெளியீட்டுத் தகவல்கள், நிழற்படங்கள், கருத்துக்கள் யாவையும் இங்கே பகிர்ந்து கொள்வோம்.
மதுரை அலங்கார் திரையரங்கில் கடந்த 16.03.2014 ஞாயிறு மாலைக் காட்சியில் வைர நெஞ்சம் காண வந்த பொது மக்கள் ரசிகர்களின் அளப்பரையில் வியந்திருப்பர் என்பது திண்ணம். அப்போது எடுக்கப் பட்ட நிழற்படங்கள். உபயம் நண்பர் சுந்தரராஜன் முகநூல் பக்கத்திலிருந்து
தியாகம் திரைப்படத்தைப் பொறுத்த வரையில் மகாலக்ஷ்மி திரையரங்கில் இது வரை இல்லாத அளவிற்கு பெரும் அளவில் வரவேற்பைப் பெற்று வெற்றி நடை போடுவதாகத் தகவல் வந்துள்ளது. விவரங்கள் விரைவில்.
Bookmarks